PART 1
1978,11th of December.
Us din Bombay me baarish ho rahi thi..aise bewaqt baarish se shaher k log kaafi hairaan the.Ek nursing home se thode hi door ek dustbin tha..us dustbin k paas aakar ek car rooki. Car me se utre Bombay k naamcheen businessman Mr. Uday Walia.Unke saath the unke wafadar Manager Mr.Avinash Juneja.Uday Walia dustbin k paas gaye..torch ki roshni se dekha..kapde me lapet kar kisi bachche ko yeha par fek dia hai kisine..abhi abhi janam hua hai iska..bachche k mooh par kas k patti baandh di gayi hai..taa k yeh jab roye tab koi iski awaz naa sun sake.Bombay me thand nahi padti..par baarish ho rahi thi..Uday Walia ne usko dustbin se utha lia.Raat k 11 baje the tab.Mr. Walia aur Mr. Juneja car k andar baith gaye us bachche ko le kar..
Jab dheere dheere pattian kholne lage uske haath paaon se..tab Mr.Juneja ne bataya..k yeh ladki hai.Yes..it was a female child.
Uday--Avinash..tumhare ghar le chalo.
Avinash ki Biwi Maya is waqt Mr. Walia ko dekh kar bahut hairan ho gayi.
Uday--Bhabhi..aapka ek Beta hai..aapko doosra bachcha nahi ho sakta..aap is bachchi ko apna samajh k paal sakti hain?
Maya--Main kuchh samjhi nahi..
Uday ne bataya..k kis haalat me yeh bachchi mili dustbin me.
Uday--Mere ghar me ashaanti hogi..varna main khud iski zimmedari leta..par aapko isse apnana hona,apna pyaar dena hoga.Chinta mat kijiye,iska sara kharch main doonga. Bas..aap iski dekh bhaal kijiye.
Maya--Yeh kiski Bachchi hai?
Uday--Hai..mere kisi apne ki hi hai..par halaat kuchh aise ban gaye..k woh isko apna nahi paai.
Maya--Kahi..aap..
Uday--Main iska Baap nahi..lekin iski Maa meri Dost hai..woh aurat isko apna nahi sakti.. bas ..aap isko samhaal lijiye..
Maya--Par isko goad lena hoga humen..
Uday--Main sara intezam kar doonga.
Maya ne us bachchi ko apne seene se laga lia..Maya aur Avinash ka Beta paanch saal ka hai..naam hai Ajay.Woh paas aaya..usne kaha.."Mom..isko rakh lo na..saare doston ki bahene hain..aaj se meri bhi Bahen hai..".
Maya--Iska naam hoga Bani..maine socha tha..agar meri kabhi Beti hui toh..uska naam Bani rakhoongi..aaj se yehi meri Bani..
15 din baad..Bani ban gayi Bani Juneja..Maya aur Avinash Juneja ki Beti..Bani Juneja..Ajay Juneja ki Bahen Bani Juneja.
*******************************************
Mrs. Krishna Walia se yeh baat nahi chhoopa sake..unko pata chal hi gaya..bahut poochhne k baad..Uday Walia ne bataya..Bani ko janam denewali Maa hai Kiran,Kiran Dixit.
Krishna--Ohh..Kiran..
Uday--Tum khamokha shak mat karo..Medical test kara lo..is bachchi se mera koi rishta nahi.
Krishna--Iski Maa se toh..
Uday--Woh sirf meri dost hai Krishna..aur ab toh woh bahut door chali gayi hai..shaayad woh India se hi baahar chali gayi hai.
Krishna--Door gayi..par humare beech me is kaante ko chhod kar gayi..
Uday--Agar uske bas me hota ..toh bachchi ko saath hi le jaati..par uske bas me kuchh nahi tha Krishna..
Krishna--Aaj bhi humdardi hai uske lia..
Uday--Akhri baar keh raha hoon..jaisa tum soch rahi ho..waisa kuchh nahi hai.Aur kuchh aisa mat kehna..jisse aage chal k tumhe pachtana pade...
Bani ko lekar Uday aur Krishna me jhagde hote rahe..Uday bahut samjhane ki koshish ki..par Krishna ko kisi bhi baat par yakeen nahi tha.Aakhir me Uday ne samjhana chhod dia.
Maa Baap k beech hue in jhagdo se..ek insaan par bahut bura asar hua..Uday aur Krishna k 5 saal k Bete Jai par.Usko lagne laga..jab se Bani aai hai..tab se aisa ho raha hai..isse pahle naa uski Maa jhagdati thi..naa hi chillati thi.Sara kasoor Bani ka hai.
1983.
Bani 5 saal ki hui.Fir ek haadsa hua.Avinash aur Maya ek party se laut rahe the..unki car jaa kar takrai ek truck se..Avinash bach gaye..par Maya ne wahi dum todh dia.Ajay sirf apni Maa ko dekhta raha..Bani buri tarha se ro rahi thi..Ajay usko goad me lie ghoomta rehta tha..raaton ko Bani ghabra kar jaag jaati thi..Ajay usko sulata tha.
Ajay aur Jai me kaafi gehri dosti thi..isi rishtey se Ajay Bani ko le kar Walia Mansion jaata tha..par kuchh hi dino me Ajay samajh gaya,k Jai Bani ko bardasht nahi kar paata..Ajay ko bahut dukh hota tha..par Jai uska bahut achha dost tha.Aur Krishna ki nazron me bhi Ajay ne Bani k lia bahut nafrat dekhi.Isi lia Ajay Bani ko Walia mansion nahi le jaana chaahta tha..par Bani apne Bhai ka peechha hi nahi chhodti thi.
Bani yeh samajh hi nahi paati thi..k kyon Krishna Aunty usse itni nafrat karti hai..kyon Jai sirf Ajay Bhaiyya k saath baatein karta hai..par Uday Uncle toh bahut pyaar karte hain usse. Waqt beet raha tha..dhoop chhaon me zindagi guzar rahi thi.Ajay 17 saal ka hua. Padhai k lia usko India se baahar bhej dia Avinash ne..Bani ko bhi boarding school bhejne ki baat hui..par Bani apne Papa aur Uday Uncle ko chhod kar nahi jaana chaahti thi..Uday ne bhi kaha Avinash ko.."Maya Bhabhi chali gayi..Ajay ko tumne bhej dia..ab Bani ko door mat bhejo..main bhi usko dekhe bina reh nahi paaoonga."
1986.
America se khabar aai..Avinash k Sasoorjee guzar gaye hain..ab unki property Avinash ko hi samhaalni hogi.Maya ek lauti aulad thi uske Maa Baap ki.Avinash ko jaana pada..par Bani ko Uday ne jaane nahi dia..Avinash se kaha,"Main shukarguzaar hoon,tumne meri baat maan kar is bachchi ko pala..ab main tumko is zimmedari se azad karta hoon..ab har zimmedari meri.."
Dheere dheere Bani badi hone lagi..Jai bhi jawaan ho raha tha.Par Bani ko avoid karta tha Jai.
1994.
Jai 21 saal ka hua.Krishna ne usko bataya..Bani k paidaish k baare me..Jai ab samajhne k kaabil ban chuka tha k najaayez aulad kisko kahte hain.21 saal k Jai ne 16 saal ki Bani k saamne yeh baat keh di.Aur Uday ne sun li yeh baat..Jai ko kas k tamacha mara..Baap-Bete me doorie aur badh gayi.Is baar bhi sara kasoor Bani ka...aisa Jai ne socha.
1995.
Jai apne Baap se ladh kar chala gaya California University..M.Com ki padhai karne.Krishna ne Bani ko doshi bataya...Jai aur Uday me is doorie k lia Bani hi doshi hai.Jai k lia India me rehna aur din raat Bani ko dekhna..mumkin nahi tha.Kyonki kahi naa kahi Jai k dil me Bani k lia feelings jaag rahi thi.Zaahir si baat hai..jawaan ldka..aur ladki bhi jawaan ho rahi thi..par Bani ki zindagi ka yeh sach..Jai ko Bani k paas jaane se rokta raha.Naa woh Bani k wajood ko bardasht kar paa raha tha..naa hi uska khayaal apne dil se nikaal paa raha tha.Nafrat aur mohabbat ki is jaddojahed me Jai fans gaya.Bani ka chehra yaad karta tha..toh yaad aate the Mom-Dad k jhagde.Isi lia Jai chala gaya..bahut door..par Bani ki yaadon ko dil me le kar gaya California.
Ek din Bani ne Uday se poochha..k Najaayez kisko kahte hain.
Uday ne bataya..k najaayez yaa jaayez..sirf nazariye ka fark hai.Uday ne Bani se kuchh nahi chhoopaya..unhone socha..sachchai ka pata agar Bani ko lag jaaye..toh duniyawalon k sawalon k jawab Bani khud de payegi.Asal me is tarha Bani ko India me chhod kar Avinash ka US chale jaana..aur Krishna ki baatein..logon ne baatein karna shuru kar dia tha.Bani ki paidaish ko lekar.Uday ko laga..ab Bani bhi apni paidaish k baare me jaan jaaye.Uske lia aasaani hogi.
California me rahte waqt..Jai mila Avinash se..aur Ajay se bhi..tab tak Ajay bhi jaan gaya tha..Bani k paidaish k baare me..par Nanajee ka sara business Ajay hi samhaal raha tha... fir bhi woh ek baar India aaya..aakar usko pata chala..k Bani ko sab pata hai.
Ajay--Tu chal mere saath ..yeha nahi rehna ab..chal..
Bani--Nahi Bhaiyya..main jaanti hoon..tum mujhse kabhi naraz nahi ho sakte..isi lia..main aaj keh rahi hoon..meri zindagi meri hai..isse main apne hisaab se jeeoongi..yeh meri ladhai hai..main khud ladhoongi..main tumse contact rakhoongi...par mujhe yehi rehna hai..apni zindagi ko samajhna hai..apni nazron se..please Bhaiyya...
Ajay--Hmm..toh tu nahi maanegi..
Bani--Bhaiyya..aapka pyaar humesha mere saath rahega..par mujhe sahare ki zaroorat nahi hai..
Ajay--Okey..par kabhi koi pareshaani ho..tu mujhe phone karegi..
Bani--Jai..kaisa hai?
Ajay--woh theek nahi hai..In fact..tujhse door ho kar..usko kuchh khaas khushi nahi hai.. par..zid..iska koi kyaa kare..fikar mat kar.India lautega woh..bahut jald..tujhse zyada din door nahi reh paayega..aakhir tujhse itni nafrat jo karta hai.
Ajay ko jaana pada..uske Nanajee ne jo karobar faila rakha hai..usko sametne me kum se kum 5-6 saal toh lag hi jaayenge..usse zyada bhi waqt lag sakta hai.Par Ajay apna sara business wind up kar k India lautega..yeh usne tai kar lia hai.Kyonki Bani ko zaroorat hai apne Bhai ki.
Ajay US laut gaya..Jai se mila..Jai ne dekha..Ajay k file se kuchh tasveeren geer gayi hai.. is bar Bani aur Ajay ghoomne gaye the..Panchgani..usme Bani ki ek single photo thi..Jai ne woh tasveer apne paas rakh li..
1996..
Higher Secondary pass karne k baad Bani chali aai Calcutta..LLB padhne k lia..Calcutta University me 12th passed students k lia LLB padhne ka chance tha..5 saal ka course tha. 2001 me Bani Bombay laut gayi.
2002..
Bani chali gayi London..LLM ki padhai k lia.
Bani jab Law ki padhai kar rahi thi..tab Jai bhi padh raha tha..aur California me hi naukri kar raha tha..M.Com k baad Jai ne MBA bhi complete kia.Krishna ne Jai ko bataya.. shaayad Bani waapas nahi aayegi..Jai ab aa jaaye India..apne Dad se sulah kar le.Jai India laut aaya..Jai 29 saal ka ho gaya tha..shaadi k lia rishtey aane lage.
Jai ne saaf inkaar kar dia.Usko shaadi nahi karni..Krishna pareshaan ho gayi..par Uday samajh gaye..Bete k dil ki baat ko.Par woh kuchh nahi kahte the.Unko us waqt ka intezar tha jab Jai khud aayega aur kahega k woh Bani se pyaar karta hai.
Edited by yakkudimag - 16 years ago
Bigg Boss 19
