Saahir....Sujal&Kashish.....Last Part...11/29 - Page 7

aaj do din gujar gaye hai.......subaah subaah Sujal office ke liye taiyaar ho raha hota hai jab Prerna uske kamre me aati hai........

Prerna: kya kar raha hai......

Sujal: kuch nahi office jane ki taiyariyaan.........

Prerna: aaj tu office nahi jayega..........

Sujal: muje office me waise hi bahot kaam hai......

Prerna: lekin mera kaam karna jyada zaroori hai......

Sujal: kaun sa kaam.....aap Bhabhi ya Bhaiyaa se kahiye......muje dair ho rahi hai..........

Prerna: maine Kashish se keh diya hai ki tum use ek ghante ke bad use shopping pe le ja raha ho.........

Sujal; kya..........shopping aur main.........Mama aap ne shaadi tak to thik tha lekin ab shopping.......

Prerna: haa..........aur ab iski aadat bhi dal de........ab ja Kashish tera intzaar kar rahi hogi.........

Sujal:jaisa aap chahe..........

Sujal gusse me Kashish ke ghar pahunchta hai jaha pe Kripa hoti hai........

Kripa: Kaise ho Sujal...........aaj achanak......

Sujal: jee main achcha hoon Bhabhi.......woh Mama ne Kashish ko phone karke bataya Shopping ke bare me.....

Kripa: to ab baat shopping tak aa gayi hai.........very good.......

Sujal; nahi jaisa aap soch rahi hai waisa nahi hai........

Kripa: to phir kaisa hai tum hi bata do........

Sujal woh main aur Kashish......

Jab Kashish aati hai.....

Kashish: kuch nahi.......ise to kuch bhi bolne ki aadat hai......achcha muje dair ho rahi hai main chalti hoon.....bye........

Sujal: bye......

Kripa: bye.....enjoy.........

Sujal aur Kashish mall ke aur jane lagte hai........

Kashish: main nahi chahti ki hamare beech jo bhi tai hua hai woh mere gharwalo ko pata chale....main unka dil nahi dukhna chahti...........tumhe yeh baat samaj me aa gayi hai to achcha hai.......

Sujal: thik hai lekin tum bhi mere gharwalo ke aage kuch nahi bologi.........

Kashish: ok.......

***************************************************************************************

Dono Shopping mall me aate hai.....dono Shaadi ka joda dekh rahe hote hai.........Sujal gusse se pagal ho raha hota hai kyunki pichle teen ghante se Kashish ne kareeban 100 jode dekhe honge....lekin koi pasand hi nahi aata.....

Sujal: ab kitne kapde dekhogi........teen ghante ho gaye..........

Kashish: abhi sirf teen ghante hi huye hai...........muje laga che saat ghante ho gaye honge........koi baat nahi teen ghante aur sahi..........bhaiyaa ab muje aise rang nahi kuch aur dikhaiye........

Sujal: nahi..........yaha pe jo kapde hai unme se pasand kar lo warna main ja raha hoon.......

Kashish: jao....muje koi farak nahi padta.......main sirf tumhari Mama ko phone karke itna bata dungi ki aapka beta muje akele chod ke chala gaya........

Sujal: thik hai....tumhe jo karna hai karo.....tumhare pass ek ghanta hai...........uske bad main tumhari koi bak bak nahi sunnewala ..........

Kashish: muje bhi tumhari bak bak sunne me koi interest nahi..........

Kashish ek shaadi ka joda leke andar jati hai aur use pahen ke bahar aati hai.........Sujal hasne lagta hai.........

Kashish: aise muh fad ke kyun has rahe ho.....

Sujal: yehdress tumse jyada rah chalte bhikhari pe bhi achchi lage........

Kashish: vey funny.......

Kashish dusra dress pehen ke bahar aati hai lekin sujal phir se hasta hai.....

Kashish: ab is me koi hasne jaisi baat nahi......

Sujal: haa sirf aisa lag raha hai ki kahi se fire truck aa raha ho.........

Kashish: tumhe main nahi chodungi...

Kashish phir se ek naya dress pehen ke aati hai.......sujal phie se hasne lagta hai......

Kashish: hasna bandh karo.....mujse tumhari batisi dikhi nahi jati...........

Sujal: aise tum bahar niklogi to log tumhe bhoot kehke dar jayenge.......kute piche dodenge............

Kashish: agar aisa hi hai.....to tum batao na muje kaisa joda pehnna chahiye.........tumhari pasand bhi main dekhu..........

Sujal ek jode ki aur apni ungli karta hai.......

Kashish: woh....use to main haath bhi na lagau.........

Sales: Mam........ab itne try kiye hai isme ek aur kar lijiye......aakhir aapke honewale pati ki pasand hai......ek bar hamare liye try kar lijiye.......

Kashish gusse me woh dress pehen ke bahar aati hai.......woh dress Kashish ko perfact hota hai........sari dukan ke log use hi dekh rahe hote hai........Kashish bahot ho pyari lag rahi hoti hai...........

Sales: Mam...........muje lagta hai yahi joda aapke liye bana hai.......

Old Lady: haa beti....bahot hi pyari lag rahi ho........bahot jachta hai tumpe yeh.......

Old Lady 2: kyun nahi jachega.........aakhir uske pyaar ki pasand hai.........kyun beti.......

Kashish: main change karke aati hoon.......

Old lady: lagta hai tumhari biwi to sharma gayi........Kashish kapde badal ke wapas aati hai.......

Sujal: tumse jyada kahi meri pasand achchi hai...........

Kashish: thik hai..........aap ise pack kar dijiye.........

Sales joda pack karke Kashish ko bag deta hai.......Kashish woh bag sujal ko pakad ne deti hai.........

Kashish: pakdo ise..........

Sujal; tum pagal ho gayi ho.......Sujal Garewal aur tumhara saman pakde...

Kashish: thik hai main ise yahi chod deti hoon..........agar Prerna Mama ne pucha to main kahungi ki aapka pyara beta mera boj uthane ko taiyaar nahi tha...........

Sujal: tumhe kya main coolie dikhta hoon......

Kashish: tum coolie to nahi ho sakte kyunki woh to tumse achche hote hai..........ab yeh pakdo aur chalo muje abhi bahot si shopping karni hai....

Sujal kashish ki bags pakadne pe mazbur hota hai.........woh log bahot si shooping karte hai.............

***************************************************************************************

Kashish: ab shopping bahot ho gayi.......ab muje bhukh lagi hai.......

Sujal: to isme main kya karoon........main koi chef to hoon nahi jo tumhe khana banake doon.......

Kashish: tumhare haath ka khana bhi kaun khana chahta hai.........kya tumhare pass ab itne paise bhi nahi ki tum muje kahi pe khana khila sako.........

Sujal: mere pass khane ke liye to paise nahi lekin tumhare liye zeher kharidne ke paise hai.......

Kashish: tumhare jaise insaan se aisi hi umeed rakhi ja sakti hai.....main woh samne wale rasturant me ja rahi hoon tumhe chalna hai to chalo...........

Dono rasturant me jate hai........Kashish Sujal ko khane ka order batati hai..........

Sujal: main woh nahi kha sakta.........usme Nuts honge aur muje Nuts se allegy hai.........

Kashish: kaun aisa insaan hoga jise Nuts se allegy ho.........oh sorry main to bhool gayi tum thode hi insaan ho tum to jungle janwar ho..........

Sujal: main sach keh raha hoon....tum chahe to Bhabhi se puch sakti ho.......

Kashish: sach.......tab to main yahi khana order karungi....main tumhara marta hua chehra dekhna chahti hoon,,,,,,,,

Sujal: main yaha pe koi mazak nahi kar raha hoon.........woh mere liye bahot khatrnak ho sakti hai.....is liye aisa sochna bhi mat........agar main mar gaya to tum jail jaogi..........

Kashish: achcha hai tumne hi muje apne marne ka plan bata diya...........

Sujal: usse pehle main tera gala na ghot du........is liye tum apna ghatiya mazak apne pass rakho......

Kashish: kisne kaha main mazak kar rahi hoon......

Sujal: thik hai tum khud ghar pahunch jana.......main ja raha hoon......

Kashish: ruko....main to mazak kar rahi thi.......main aisa kuch nahi karungi kyunki muje tum jaise ghatiya insaan ke khoon ke iljam me jail nahi jana..........

Kashish khane ka order badal deti hai..........

Sujal: aisa kuch hai jo muje janna chahiye..mera matlab koi allergy............

Kashish: hai lekin tumhe janne ki koi zarorat nahi.........

Dono khana khate hai aur phir Sujal Kashish ko ghar chod deta hai.........

***************************************************************************************

Kashish apne kamre me hoti hai jaha pe Kripa aati hai.........

Kripa: kya baat hai badi khush lag rahi ho........

Kashish: main aaj puri koshish ki use tang karne ki aur main kamyab bhi ho gayi..........sirf bal khichne ki dairi thi.......

Kripa: tum kabhi nahi badlogi........ab bata bhi do kaisa joda liya hai tumne........

Kashish: yeh raha dekhiye aur bataiye kaisa hai.......

Kripa: joda to bahot hi khubsurat hai lekin tumhari pasand nahi lagti.........iska matlab sujal ki pasand hai........manna padega Sujal ki pasand ko...........

Kashish: isi liye to usne muje pasand kiya hai.......

Kripa: kya kaha.........

kashish: kuch bhi to nahi........woh main Bhaiyaa se milke aati hoon......

kashish waha se bhag ke chali jati hai.........

Kripa: pyaar to karti ho..........sirf dikhana nahi chahti .........koi baat nahi bahot jald yeh bhi ho jayega..............

***************************************************************************************

Sujal ghar pahunchta hai jab woh Dadi ke kamre se aawaz sunta hai aur waha pe aata hai to Dadi, Prerna aur Anjali baatein kar rahe hota hai.......

Anjali: bahar kyun khade ho andar aao......

Sujal: aap log kya baatein kar rahe the.......

Prerna: yeh dekh yeh hai hamare khandani kangan ..........

Sujal: achche hai.....

Anjali: Kashish ke haath pe aur bhi khunsurat lagenge........

Sujal: Kashish ko hamare khandani kangan dene ki kya zaroorat hai..........

Dadi: meri saas ne muje yeh kangan diye the...........mera to ek hi beta tha is liye maine yeh char kangan Prerna ko de diye.........ab prerna ke do bete hai is liye usne do kangan Anjali ko diye the aur yeh baki ke do ab kashish ke hai.......

Prerna: aur Kashish ka hakk bhi banta hai........

Sujal: aapko nahi lagta ki hum kaldbazi kar rahe hai.....itni keemati cheez hum use de rahe hai.......

Prerna: muje apni bahu pe pura bharosha hai.......

Dadi: yeh sirf kangan hi nahi.........yeh Garewal khandan ka gurur hai..izzat hai..........vishwas hai........

Anjali: aur ise salamat rakhne le liye Kavya ne hamesha mere madad ki hai.........ab is kangan ke saath tum bhi Kashish ka saath donge zindagi ke her kadam pe.........

Jab Sujal ke cell pe call aata hai aur woh chala jata hai..........

Prerna: dekha koi jawab nahi diya.......

Anjali: mama aap kyun pareshan ho rahi ho.......Sujal Kashish ke liye sabse achcha hai......main use bahot hi achchi tarah se janti hoon........woh sirf bahar se shakht hai lekin andar se uska dil bahot hi nazuk hai.....woh Kashish ko khush rakhega.......

Dadi: ab to Kashish hi aake is pagal ko sambhal sakti hai......

sab log hasne lagte hai............

Kripa: joda to bahot hi khubsurat hai lekin tumhari pasand nahi lagti.........iska matlab sujal ki pasand hai........manna padega Sujal ki pasand ko...........

Kashish: isi liye to usne muje pasand kiya hai.......

Kripa: kya kaha.........

kashish: kuch bhi to nahi........woh main Bhaiyaa se milke aati hoon......

Aaj pura din bit jata hai........Sujal office me sochta rehta hai jab manager aake unhe ek file deta hai ........woh yeh file dekh ke Kashish ko phone karta hai...........

Sujal: Kashish........

Kashish: kya hai.....kyun phone kiya........

Sujal: muje tumse kuch zaroori baat karni hai........

Kashish: lekin muje koi baat nahi karni..........

Sujal: tum aa rahi ho ki main tumhari Mama ko phone lagau......

Kashish: yeh dhamki tum kisi aur ke jake dena........thik hai main aa rahi hoon.......kaha pe milna hai......

Sujal: usi Coffee House me main tumhara intzaar karunga thik che baje..........

Kashish; thik hai main nikal rahi hoon.........

Sujal aur Kashish ko ek saath dekh ke phir se pura coffee house ghabra jata hai.......sab log idhar udhar bhagne lagte hai..........

Sujal jake beth jata haia ur Kashish abhi bhi khadi hoti hai......

Kashish: batao kyun bulaya muje.......

Sujal: tumse kuch zaroori baat karni hai........

Kashish: bolo main sun rahi hoon.......

Sujal: khade khade hi sunna chahti ho......

Kashish: fine......

Kashish phir beth jati hai...............

*************************************************************************************

Kashish: ab muh se bologe ki kya waje hai.......

Sujal: inpe sign karo......

Kashish: kya hai yeh........

Sujal; hamare contract marrige ke papers hai.........sign karo.......

Kashish: contract.........kaisa contract.......

Sujal: hum apni aur se puri koshish karenge is rishtey ko todne ki lekin agar hum kamyab nahi huye to ek saal bad tum apne raste main apne raste.........

Kashish: aur tumhe yeh idea kaha se aaya kyunki tumme to itni akal nahi........

Sujal; kal ghar gaya to Mama aur Dadi tumhe khandani kangan dene ki soch rahe the pata nahi aage kya kya dete rahe........aur phir tumhara mann badal gaya to.........

Kashish: tumhare saath rehne ke liye to main kuch bhi chod sakti hoon.........main sign karne ko taiyaar hoon lekin agar hamare parivar ne nahi mana to.........

Sujal: woh sab tum mujpe chod do..........ab jaldi se sign karo muje yaha pe beth ke tumhara chehra dekhne me koi maza nahi aata.......

Kashish: waise bhi tumhare chehre pe kaunse heere moti jade hai ki main tumhe dekhu.......batao kaha karna hai sign.......

Person: Ruk jao...........

Kashish aur Sujal dono mud ke dekhte hai to ek couple unki aur dekh raha hota hai.........woh log Sujal aur kashish ke pass aate hai........

Person: jo galti maine ki hai woh tum log phir se dohra rahe ho........

Sujal: tum ho kaun aur kis galti ki baat kar rahe ho...........

Person: I am Ranbir Nanda owner of Nanda Group of Industries.......aur yeh meri wife Kanya Nanda........

Kanya: hello.......

Kashish: aur tum log abhi kya keh rahe the.........

Ranbir: hum dono ek dusre se nafrat karte the........ek dusre ki sakal dekhna pasand nahi karte the.........aur kismat ne hume contract marrige karne pe majbur kar diya.......main yeh nahi kehta ki yeh tarika galat hai kyunki main bhi aisi hi musibat me tha lekin.......

Sujal;lekin kya..........

Ranbir: Kanya ke saath rehne ke baad main contract ko tod nahi saka.........kyunki tab tak main use bahot pyaar karne laga tha..........

Kashish: yeh hamare shaath nahi hoga kyunki main in insaan se sabse jyada nafrat karti hoon......

Kanya: meri baat pe yakeen karo.....agar main Ranbir jaise Hate Guru ko Love Guru bana sakti hoon to koi bhi pyaar kar sakta hai.............

Sujal; lekin koi aisi ladki nahi huyi jo Sujal Garewal ko badal sake.........

Ranbir: pichle saal main bhi aise hi bin baja raha tha lekin main galat tha.........Kanya ne muje badal diya........dost pyaar se khubsurat cheez duniya me koi nahi hai......woh to upperwale ka anmol tohfa hai........

Kanya: tum dono ka rishta asli Pati patni me badlega.........tum dono ek dusre se deewano ki tarah pyaar karoge.........meri baat yaad rakhna tum dono ek dusre ke liye hi bane ho.........

Ranbir aur kanya ek dusre ka haath pakad ke chale jate hai...........Sujal aur Kashish dono ek dusre ki aur dekhte hai.........

Kashish: pyaar aur tumse.........no way......

Sujal: main bhi.........pyaar aur Kashish.........impossible..........

Sujal aur Kashish dono papers sign kar dete hai aur apne apne ghar chale jate hai.............

*************************************************************************************

Agle din Kashish ki mehndi aur Sangeet hota hai........sab garewals taiyaar hoke Sinha Mension pahunch jate hai.........Sinha parivar unka swagat karta hai............aaj pure hall me seher ki sari jani mani hastiyaan hoti hai..........sab log yaha pe Sujal aur Kashish ki khushiyaan manane aaye the..........Anjali aur Kripa dono Kashish ko neeche late hai............sab log kashish ki khubsurati ki tarif kar rahe hote hai.........Sujal pehli bar Kashish ki khubsurati ko notice karta hai.........

Sujal (to himself): waise kehna pad raha hai ki woh khubsurat hai..............Sujal yeh tu kya soch raha hai........woh Kashish hai Kashish tumhari sabse badi dushman.............

Prerna: bahot hi khubsurat lag rahi ho.........main chahti hoon ki tumhe kisi ki nazar na lage.............

Dadi: are tum log bethi kyun ho mehndi ki rasam shuru karo.........

Anjali: dadi aapko yaad nahi meri Mehndi pe aapne Kavya ko majbur kiya tha mere haath me sab se pehle mehndi lagane ko to...........aaj Sujal bhi hamare khandan ki parpara ko nibhayega......aaj Sujal apne haatoin se Kashsih ke haath me mehndi se apna naam likhega..........chalo aao Sujal.......

Sujal: Bhabhi.......mujse yeh mehndi nahi lagayi jayegi........

Kavya: ab yaha sabke samne scene mat create karna...........chalo.............

Sujal: chalo.........

Sujal Kashish ke samne bethta hai......Sujal aur Kashish dono ek dusre ki aur dekhte hai............Sujal mehndi leke apna naam likhne lagta hai jab woh Kashish ki aur dekhta hai aur jaan buj ke woh kashish ke haath me apna naam kharab kar deta hai......

Prerna: yeh kya kiya tumne........

Sujal; maine to pehle hi kaha tha ki muje yeh sab nahi aata.......lekin aapki zid ki waje se..........

Malika: koi baat nahi beta.......tumne koshish to ki............

Dadi: yeh kaisa sangeet hai jaha pe koi naach gaana nahi...........

Kripa: naach gaan to hoga dadi.......lekin Kashish ko hamara sath dena hoga.........kashish bahot hi achcha gati hai......

Kashish: nahi Bhabhi aaj nahi......

Prerna: beta sab itna keh rahe hai to gaa do........

Kashish: I am sorry....lekin aaj ke din mujse nahi hoga........

Anjali: thik hai main aur Kripa shuru karte hai tu hamara saath dena..........

Anjali aur Kripa gana shuru karte hai............

*************************************************************************************

Mehndi haatoin me rachai tere naam ki sajna

Yeh mehndi rang layi hai

Khusboo saasoin me basai jab se teri sajna

yeh mehndi zilmilayi hai

iski suni suni rangat sajna teri nishani

Sirf mehndi yeh nahi hai teri meri kahani

haathoin me utare hai dekho kitne chaand sitare

jeevan bhar ab iski rani meri maang saware

iske rango me samayi teri surat sajna

yeh mehndi mann ko bhayi hai

isse pehle bhi lagi hai thi na itni pyari

aaj suhagan kar gayi mujko kal tak thi main kunwari

saj dhaj ke bethi hoon sab kehte hai chaand ka tukda

chup chup ke main haathon me dekhu sajan ka mukhda

usne thami jo kalai mehka mera angna

yeh mehndi gungunai hai

Mehndi haatoin me rachai tere naam ki sajna

Yeh mehndi rang layi hai

Khusboo saasoin me basai jab se teri sajna

yeh mehndi zilmilayi hai

*************************************************************************************

sab log bahot dhamal masti karte hai.......

Prerna: ab waqt aa gaya hai hum wapas chale....abhi bhi bahot sa kaam baki pada hai......

Malika: main samaj sakti hoon........

Anjali: Kashish......kal taiyaar rehna........aa raha hai tumhara dulha hamesha ke liye tumhe le jane...........

Kashish Sujal ki aur dekhti hai aur phir apni nazare chura leti hai.........

Garewal apne ghar chale jate hai...........

*************************************************************************************

Kashish apne kamre me bethi thi jab Malika aati hai.............

Malika: tum abhi tak soyi nahi.......

Kashish: mama muje darr lag raha hai aap sab ko chod ke jane ka.........

Malika: har beti ko baabul ka gahr chod ke sasural apne pati ke ghar jana ho hota hai.......us ghar me jane ke bad tumhe ehsaas hoga ki woh ghar tumhara asli ghar hai........

Kashish: lekin main to waha pe kisi ko nahi janti.......

Malika: koi baat nahi.Sujal ko tum janti ho.......woh tumhare saath rahega........

kashish kuch jawab nahi deti.......

Malika: yeh tumhare liye hai.....

Kashish: kya hai.........

Malika: jis din tumara janam hua tab tumhare papa ne sab kuch soch liya tha........tumhari padhai ke bare me....unhone tumhari shaadi ke bare me bhi soch liya tha.......us raat usne tumhare liye yeh khat likha tha.......abhay hamesha chahta tha ki tumhari shaadi ke din woh khud tumhe yeh de......lekin ab woh to hamare beech nahi rahe lekin yeh unka aashirwad samaj lena.........

Malika Kashsih ke haath me woh khat chod ke chali jati hai.........Kashish woh khat ko khol ke padhne lagti hai..........

Meri pyari gudiya kashish,

main janta hoon ki tum bahot samajdar ho.......lekin phir bhi kuch batana chahta hoon.........hum aaj bhi shaadi jaise pavitra rishtey pe yakeen karte hai..........shaadi woh atut bandhan hai jo shat janmo tak nahi tutta........shaadi ke woh saat phere saat zindagi ka safar hota hai..........aaj tum naye ghar me ja rahi ho.......us ghar ko tumhe apne pyaar se mehkana hai.......uske khone khone me tumhe basna hai......apne gharwalo ka aur apne pati ko khayal karna aur use bahot pyaar dena.........aaj tum apne saath is ghar ki izzat, sanskar aur maryada leke ja rahi ho.......muje vishwas hai ki meri beti is shaadi ke bandhan ko aakhri saans tak nibhayegi.........beti ab se her kadam pe tumhe apne pati ka haath thamna hai......ab tumse pehle tumhe inke bare me sochna hoga........aaj se tumhari zindagi tumhari nahi rahi........uspe tumhare pati ka bhi hakk hai.........kabhi bhi apne pita ka sir zukne pe majbur mat karna.........mera aashirwad hamesha tumhare saath rahega...........

Tumhara Papa.

Kashish (roti huyi): I am Sorry papa...muje maff kar dijiye........maine itna bada faisla liya hai.....maine shaadi jaise bandhan ko sode ka roop de diya.........per main kya karoon papa.......main bhi to us insaan se itni nafrat kar rahi hoon ki aap soch bhi nahi sakte......lekin aapke sapne ke liye main us insaan se shaadi kar rahi hoon.......muje maff kar dijiye Papa........i am sorry..........