| PAL ME HI:- 2 (Last Part) Bike ruki toh Kshipra ne apni ankhen kholi...Rajeev ne thodi duri par us bike ko park kiya...aur wapas Shipra k paas aaya... Rajeev:- "aayo...tumhe kuch dikhana hai... Kshipra us k piche piche jane lagi...dono ek nadi k kinare pahunche...choti si nadi thi...dono taraf halke halke paid-paudhe lage hue the...kuch flowers bhi khile hue the...un k bich kuch benches bhi pade hue the...!!! benches k upar choti choti chat bane hue the...dhup aur barshat se bachne k liye...!!! kafi khubshurat lagi voh jagah kshipra ko...us k chehre par ek smile thi...!!! kuch dino se voh ek ghutan bhari mahual me jee rahi thi...aaj use aisa lag raha tha ki us ne dil se...sukun se saansh li ho... us ne apni ankhen bandh ki...ek long breath liya...phir ankhen kholi... Rajeev ne us ka hath thaama...aur kaha:- "aayo... kshipra ko achha lag raha tha...voh Rajeev k piche piche chalne lagi... ek benches par ja kar dono baithe...!!! vahan barshat toh nahi thi...par hawa ki wajah se thand jarur thi...(aur aap log plz yeh mat socho ki kshipra ko thand lagegi...aur Rajeev apna coat nikal kar dega use...aur khud thand ko enjoy karega...ha ha ha) kshipra...chehre par ek smile liye nadi k pani me dekhne lagi...jahan barish ke boondain gir kar usi nadi k pani me sama jate the...kuch der pahle jo ajnabi the voh kaise ek ho jate the... Rajeev:- "sham k tym me yahn jyada bheed hoti hai...!!! ya toh tumhe sinior citizens dikhayi denge...ya phir newly marraied couples...!!! par love birds tumhe yahan par sirf afternoon ko hi milenge...!!! kya hai na...us tym me un k pakde jane ka khatra kamm hota hai...!!! " kshipra mushkurayi aur kaha:- "aap bhi dopahar ko yahan aate the...???" Rajeev:- "haan...kai baar aaya hun...???" kshipra ne ek dhudhti hui nazar se kaha:- "kis k sath...???" Rajeev ne us k dil ki baat samjhi aur kaha:- "Sunaina k sath...!!!" kshipra:- "Sunaina...aap ki girl frnd thi...???" Rajeev:- "arre thi nahi abhi bhi hai...!!!" kshipra ne kuch nahi kaha...nazrain jhukayi...Rajeev us ki uljhan samajh raha tha... Rajeev:- "voh toh hamesha mere sath rahti hai...!!! tum ne dekha nahi use...mere study table par rahti hai hamesha...!!!" kshipra ne hairani se dekha Rajeev ko:- "main apne camera ki baat karr raha hun...!!! jise meri dadi ne mujhe gift kiya tha...jab maine inter me top kiya tha na tab...!!! aur maine us ka naam Sunaina rakh diya tha... kyoun ki voh meri dadi ka naam hai...!!! aur main...apni dadi se baht pyar karta hun...!!!" kshipra:- "ek baat pauchun...???" Rajeev:- "haan...pucho na...???" kshipra:- "aap hamesha sabhi se is tarah se darate hue baat karte ho...???" Rajeev hasaa aur kaha:- "toh tum darr gayi thi Sunaina ka naam sunn kar...hun...???" kshipra ne kuch nahi kah...nazrain jhukayi...kuch der baad kaha:- "aap ne kaha nahi ki aap yahan kyoun ate the...!!!" Rajeev:- "main Sunaina k sath isliye yahan par aata tha taki mere canteen ka bill aur movie dekhne ka kharcha kisi aur se utha lun...!!!" kshipra:- "matlab...???" Rajeev:- "mera ek dost hua karta tha...Rakesh...us k kai sare girl frnds hua karte the...!!! pata nahi voh kaise manage kar leta tha...!!! toh hum sare dost yahan aate the...aur chup k se us k photos nikal kar chale jate the...!!! phir baad me hum sab use blackmail karte the...!!!" kshipra mushkurayi...voh sach me khush thi...ki zindagi k aage k safar me us k sath denewala inshaan kafi hadh tak Anish se behtar tha...par use darr is baat ka tha ki kya voh kabhi Anish k bare me kuch bata payegi...!!! jab ki voh chahti hai ki Rajeev se Aneesh k bare me sab kuch bata de...!!! voh apne is naye rishte me kuch chupana nahi chahti thi...!!! Rajeev abhi tak us k sath ek achhe dost ki taraf pesh aa raha tha...aur voh bhi ek achhe dost ki tarah us se sab kuch batana chahti thi... kuch der baad achanak Rajeev ne kaha:- "tumhe koi khushbu aa rahi hai...???" kshipra ne use hairani se dekha... Rajeev:- "mehshush karo...!!! aas paas kuch khushbu nahi aa rahi hai tumhe...??? yeh khushbu zameen ki hai...!!! jab baht garmi padne k baad barshat hoti hai na... aur barish ki boondain jab dharti ko chuti hai tabhi dharti se yeh khushbu aati hai...geele mitti ki khushbu...!!!" kshipra mushkuaryi...thoda hairan bhi hui...kyoun ki voh is khushbu se achhe se parichit thi...use yeh khushbu pasand hai... kshipra ne apni chuppi tod te hue kaha:- "main aap se kuch kahun...???" Rajeev:- "tum har baat par mujh se permission kyoun leti ho...??? main koi tumhara boss hun kya...??? kahte hain ki ghar me boss biwi hoti hai...!!! aur jab biwi dost bann jaye toh samajh lo ki samne tumhare MD khade hain...aur tumhe voh jab chahe jo chahe kah sakti hain...!!!" kshipra ne ek halki si smile di aur chup ho gayi... voh samajh hi nahi pa rahi thi ki kaise voh baat suru kare... Rajeev:- "tum apne past lyf k bare me kuch kahna chahti ho...ryt...???" kshipra ne us ki taraf hairani se dekha...!!! Rajeev:- "yehi soch rahi ho na ki maine kaise jana tumhare dil ki baat...??? toh is ka jawab baht hi simple hai...!!! tumhe pata hai maine tum se shaadi kyoun ki...??? aaj tak main kai sari ladkiyoyn se mila hun...!!! par pahli baar tumhare ankhon me khud ko dekhna achha laga...!!! aisa laga jaise...yehi mera ghar hai...!!! tumhe pata hai...tumhari ankhen na baht saaf hai...yeh batata hai ki tumhara dil kitna saaf hai...!!! aur main... tumhari ankhen padh sakta hun...!!!" kshipra ne halke se smile diya phir kaha:- "aap ko pata hai ki meri shaadi pahle kisi aur se tai hui thi...???" Rajeev ne use kuch der tak dekha...us ki ankhon me dekhte hue kaha:- "haan...dadi ne mujhe bataya tha... aur yeh bhi kaha tha ki tum dono ki sagai ho chuki thi...par pata nahi kyoun un logon ne sagai tod di...!!! sayad....tum us ladke se pyar karti thi...hai na...???" kshipra ne sar jhukaya...us ne kaha:- "main nahi janti pyar kya hota hai...??? hum dono college me sath me the...achhe dost the...!!! ek dushre ko pasand karte the...!!! phir us ne ek achha sa JOB kiya toh humari shaadi tai hui...!!! phir achanak...ek din... us ne sagai tod di...!!! unhi dino main aap se mili thi...vahan us gaaon me...!!! jis din hum mile the...usi din raat ko voh hamare ghar aa kar ring wapas kar k chala gaya tha...!!! isiliye dushre hi din main ghar wapas aa gayi thi...!!!" Rajeev:- "us ne kyoun sagai todi kuch bataya...???" kshipra:- "haan... kshipra ne Rajeev ki taraf dekha...phir kaha:- "par main kuch samajh hi nahi payi thi us ki koi bhi baat...!!! maine jab us se milne k liye kaha toh us ne mujhe coffee house me bulaya...aur... Flashback...... kshipra...Aneesh k samne baithi hui thi...ankhon me anshun nahi the...!!! the toh bass kuch sawal... Aneesh:- "mujhe baht kaam hai Shipra...aur main yahan jyada tym tak nahi baith sakta...!!! tum yehi jann na chahti ho na ki maine yeh sagai kyoun todi...???" kshipra ne kuch nahi kaha...bass us k har ek word ko sunn na aur samajhne ki koshish karti rahi... Aneesh:- "dekho...kshipra ...hum dono ki zindagi...bilkul alag hai...aur soch bhi...!!! haan...yeh sach hai ki main tumhe pasand karta tha...abhi bhi karta hun...par shaadi...??? sayad nahi...!!! tum abhi tak na-samajh ho...tum me bachpana hai baht...!!! tumhe zindagi k bare me kuch bhi pata nahi hai...aur na hi duniya k bare me...!!! tum vohi karti ho jo tumhe achha lagta hai...!!! par zindagi aisi nahi hoti...!!! zindagi baht choti hoti hai Shipra...aur is choti si zindagi me mujhe baht kuch chahiye...aur mujhe lagta hai ki kuch pal k ehsaash ko le kar main apni puri zindagi barbad nahi kar sakta...!!!" Aneesh thodi der ruka phir kshipra ki taraf dekha...us k chehre par koi xpression tha hi nahi...voh bass us k kahe hue har ek shabd ki samajhne ki koshoish karr rahi thi... Aneesh:-" main LA ja raha hun...mujhe meri company bhej rahi hai...!!! tum plz mera intezar mat karna...!!! aur sirf isiliye main tumhe azad kar k ja raha hun...!!! dekho... shaadi zindagi ki jarurat nahi hai...yeh bass... ek hissa hai...ki humian shadi karni hoti hai...!!! par paisa zindagi ko badal deta hai...!!! ek ladki hamesha usi inshan se shaadi karna chahti hai jo us k sare khwahishon ko puri kar sake...!!! aur ek ladka ek khubshurat ladki se isiliye shaadi karna chahta hai taki socity me voh khud ko hamesha baht uncha mehshush kar sake....!!! tum mujh se kyoun shaadi karna chahti ho...??? kyoun ki main ek MNC me job karta hun... meri achhi salary hai.....isiliiye na...??? par mujhe apni zindagi me abhi kisi bhi bandhan me nahi badhna hai...!!! mujhe abhi baht kuch karna hai...aur tum se rishta matlab...mere pair ko jaise kuch bandh gaya ho... main tumhare sath apne future k bare me soch bhi nahi sakta...!!! hum dono ki soch alag hai... zindagi alag hai...aur... kshipra:- "bass...!!! ho gaya...main samajh gayi...!!! aur samjhane ki jarurat nahi hai...!!!" kshipra ne apne bag me se voh ring nikala aur table par rakhte hue kaha:- "ek baat kahun...??? kal kya hoga ...kisi ko nahi pata...par main ummed karti hun ki ek samay aisa bhi aaye jab hum aamne samne ho...!!! kyoun ki main dekhna chahti hun ki tumhe zindagi me kya chahiye thi....aur tum ne kya hashil kiya...!!!" kshipra vahan se chali gayi thi... Flashback over... Rajeev:- "toh tumhe dukh hai...us ne sagai tod di...isiliye...!!!" kshipra ne Rajeev k chehre ko dekha...Rajeev jaise us se kuch janna chata tha... kshipra:- "mujhe dukh hua...!!! lekin is baat k liye ki...sayad mera pahla pyar galat tha...!!! main kaise ek aise insaan se pyar kar sakti hun jo sirf apne bare me sochta hai...??? Rajeev:- "tumhe kaise pata ki voh tumhara pahla pyar tha...???" kshipra:- "matlab...???" Rajeev:- "matlab...............tumhe kya pata hai pahle pyar k bare me...??? matlab...tumhe aisa kyoun laga ki voh tumhara pahla pyar hai...???" kshipra:- "main jab college me thi tab us se mili thi...!!! mujhe kuch notes chahiye the...us ne meri help ki thi...!!! voh ek achha dancer hai...aur mathmetics me baht hi achha hai...!!! isiliye voh mujhe achha lagta tha...aur main use pyar karne lagi...!!!" Rajeev hassa....aur kaha:- "yeh pyar nahi hai kshipra...!!! yeh sirf ek attraction hai...!!! kisi k paas kuch hunar hai...toh hum use appriciate karte hain... kyoun ki kabhi kabhi hum me voh sab nahi hota...isiliye...!!! phir voh attraction thoda aur badh jata hai toh hum use khud hi pyar ka naam de dete hain...!!! par voh pyar nahi hota...!!! aur sach bhi yehi hai ki tum ne Aneesh se kabhi pyar nahi kiya...!!!" kshipra ki ankhon me abhi bhi sawal the... Rajeev utha vahan se thodi duri par khada hua...aur pucha:- "achha ek baat batayo...??? jab us ne sagai todi thi...tumhe dukh hua tha...???" kshipra:- "haan... Rajeev:- "aur jab us ne wajah batayi thi...tab tum ne kya feel kiya...???" kshipra:- "mujhe us par tarash aa raha tha...!!!main yeh soch rahi thi ki koi inshan itna gira hua kaise ho sakta hai...??? mujhe us par dukh bhi ho raha tha...ki voh khud apni zindagi barbad karr raha hai...!!! paison ki ahmiyat hai is duniya me...par itna nahi ki hum us k samne har rishte ko chota samjhe...!!! aap ko pata hai... LA jane se pahle us ne sagai ki...usi k boss ki beti se...jo former beauty queen rah chuki hai...!!! Rajeev:- "phir toh baat bilkul saaf hai...ki voh tum se kabhi pyar karta hi nahi tha...!!!" kshipra:- "agar voh mujh se pyar nahi karta tha...toh phir us ne mujh se sagai kyoun ki thi...???" Rajeev:- "is ka jawab toh us ne usi din de diya tha na...ki ek khubshurat ladki se kis liye shaadi karni chahiye...!!! jab use ek beauty queen mili...aur voh bhi paise wali...!!! toh us ne use choose kiya...!!! tum me aur us ladki me farq hai...!!! tum bhi khubshurat ho aur voh bhi...!!! par farq sirf is baat ka hai ki tum dil se amir ho...aur voh apne bank accounts se...!!!" kshipra:- "sayad yehi sach hai...!!!" kshipra ne distracted sa jawab diya...phir kaha:- "aap ne mujh se shaadi kyoun ki...???" Rajeev:- "kyoun ki main ek aisi ladki se shaadi karna chahta tha...jise SAMOSHE banana na aata ho...!!!" itna kah kar Rajeev hassa... kshipra:- "main samjhi nahi...???" Rajeev:- "kuch nahi...!!! aur main.... Aneesh ki tarah nahi sochta...!!! ladki khubshurat honi chahiye...par dil se...!!!" kshipra k chehre par ek smile thi...us ne pucha:- "aap ko kaise pata ki mera dil khubshurat hai...???" Rajeev:- "bass pata hai...!!! kuch batain dil ki hoti hain... jinhe hamesha chupa kar rakhni chahiye...!!!" kshipra ne mushkurate hue sar jhukaya... aaj baht dino baad voh mushkura rahi thi...aaj us k dil me koi sawal nahi tha...kisi jawab ko voh dhundh nahi rahi thi...!!! bal ki aaj use is baat ek khushi thi...aur voh yeh ki us ne kabhi Aneesh se pyar nahi kiya tha...!!! aaj us ne khud mehshush kiya ki Aneesh sirf us ka ek attraction tha...jise voh pyar ka naam de baithi thi...!!! kshipra ne Rajeev ki taraf dekha...Rajeev ki nazar nadi k pani ko dekh rahi thi... kshipra ne Rajeev ko dekhte hue dil hi dil me kaha:- "mujhe khushi hai ki mujhe ek aisa jeevan sathi mila...jo mujhe itna samajhta hai...jitna main khud ko nahi janti...!!! dil se dua karti hun ki...mujhe bhi pyar ka ehsaash ho...aur voh bhi baht jald...!!! taki main bhi aap ki tarah ban sakun...!!!!" Rajeev:- "chalo...Shipu...ab chalte hain...subah honewali hai...!!! aur voh bike bhi toh mama jee ko wapas karni hai...!!!" kshipra ne hairani se kaha:- "mama jee...???" Rajeev chalte hue kaha:- "haan...mama jee...!!! jinhe hum mamu bana kar un ki bike le kar bhaage hue hain...!!!" kshipra:- "voh aap k mama jee hain...???" Rajeev:- "haan...tum ne shaadi me nahi dekha...??? arre haan...tum ne toh 5 feet ka ghunghat dal rakha tha...toh tum kaise dekhti...!!! haan...hum ne jis ki bike churayi voh mere mama je hai...!!! police officer hain...isiliye nyt duty kar k wapas aa rahe the...aur hum ne un ka beda gark kar diya...!!! abhi chalo...!!!" kshipra thodi si dari... Rajeev:- "daro mat kuch nahi hoga...!!! main hun na...!!!" subah jab Rajeev ki ankh khuli...toh dekha...kshipra us k kareeb thi hi nahi... Rajeev ne dekha...kshipra washroom se nikal rahi thi... Rajeev ne sone ki acting ki... kshipra ne us ki taraf dekha...phir mirror k samne ja kar taiyar hone lagi...Rajeev bhi ankhen khole use dekhne laga... kuch der baad kshipra vahan se uthi...aur Rajeev k kareeb aa kar baithi... Rajeev sone ki acting karr raha tha... kshipra:- "ab ankhen kholiye...!!! mujhe pata hai ki aap jaage hue ho...!!!" Rajeev hassa...aur uth kar baitha... Rajeev ki nazar padi...kshipra k gile balon par...mathe par halka sa sindur...hathon me dher sari chudiyan... chehre par ek chamak... Rajeev mushkuraya...nazrain jhukayi...phir kshipra ko dekhta hua kaha:- "achhi lag rahi ho...!!! hmmm...yeh kah sakta hun ki...tum mujh se shaadi kar k pahle se bhi jyada khubshurat bann gayi ho...!!!" kshipra ne halka sa smile diya aur kaha:- "main kuch kahna chahti thi...!!! kahun...???" Rajeev:- "kaha tha na ki mujh se permission mat liya karo... jo bhi dil me aata hai...jahan bhi aata hai...bol do...!!! mujhe koi prob nahi hogi...!!!" kshipra thodi der ruki phir nazrain jhukayi...aur kaha:- "mujhe aap achhe lagte ho...!!!" Rajeev bass use dekhe ja raha tha... kshipra ne nazrain uthayi aur kaha:- "mujhe is rishte ko aage badhane k liye thoda waqt chahiye...!!! main... Rajeev ne kshipra k hath thaame... kshipra ko aage kuch bhi nahi kahne diya aur kaha:- "main janta hun...!!! hamari shaadi itni jaldi hui ki... humain ek dushre ko samajhne ka tym hi nahi mila...!!! aur main tumhari uljhan ko bhi samajhta hun...!!! tum mujhe apna dost samjho...!!! baki jo bhi rishta hum dono me hain...unhe nibhane se pahle...humain yeh proove karna hai ki hum ek dushre k achhe dost hain...!!! " kshipra:- "thanxxx.... Rajeev:- "dosti ka pahla rule...no sorry, no thanqq...aur dushra rule...apni sari prob...apne sare mushkil...be-jhijhak apne dost k sar par dal do...!!!" kshipra:- "toh phir taiyaar rahiye... Rajeev:- "kis liye... kshipra:- "dosti ka dushra rules nibhane k liye... Rajeev thoda confused tha...us ne kaha:- "main samjha nahi... kshipra:- "abhi main niche ja rahi hun...phir mujhe kitchen me kuch meetha banane k liye kaha jayega... riwaz jo hai...!!! n for ur kind information mujhe khana banana nahi aata... Rajeev...muh khole Shipra ko dekh raha tha... kshipra:- "ek baar koshish ki thi...pyaj kaat rahi thi... aur ankhon me anshun aa gaye...tab papa ne mana kiya tha... tab se main kitchen me jati hi nahi...!!! aur phir achnak meri shaadi tai ho gayi...!!! ab jab aap mere dost ban gaye hain... toh maine apni prob aap k sar dal diya hai...ab aap ko sochna hai ki aap mujhe kaise bachayoge...!!!" kshipra mushkurate hue chali gayi... Rajeev sar par hath rakh kar baitha raha...!!! baat sirf un k ghar ki hoti toh thik thi...par abhi toh ghar me mehmaan bhare hue hain...un k samne kya hoga...??? Rajeev...bhaagta hua fresh hua...aur niche aaya toh us ne suna... "ab kya kahun didi...!!! raat ko us chor ne meri halat bigad di thi...!!! khud ko dhoom 2 ka Hrithik Roshan samajh raha tha...aur us k piche bhi ek Aishwarya Rai baithi hui thi...!!! main apni bike ko khada kiye...ek diwar ki taraf 1 no karne kya gaya...voh dono meri bike le kar champat ho gaye...!!! par main bhi police inspector hun...unhe dhundh hi liya...aur daar k maare voh dono bhaag gaye...!!!" Rajeev ne dekha...us k mama jee yeh sab us k mom k aage bata rahe the... kshipra dur khadi chup k se hass rahi thi...!!! kyoun ki raat ko Rajeev ne bike vohin chodi thi jahan par us ne churayi thi...!!! Rajeev aa kar baitha aur kaha:- "aap ne chor ki shaqal dekhi hai...???" mama jee:- "arre nahi...voh aage baitha hua tha na...!!!" Rajeev:- "phir toh us k gf ki shaqal dekhi hogi...???" mama jee:- "puri tarah se nahi...bass thoda sa dikhi thi voh mujhe...!!!" unhone idhar udhar dekhte hue kshipra par nazar dalte hue kaha:- "haan...bilkul isi height ki thi...aur fig bhi bilkul aisa hi tha..matlab slim thi...aur ... voh kuch aur bata pate...us se pahle Rajeev chillya:- "mama jee...aap ko bura nahi lagta...!!! nayi naveli dulhan ko chor k sath compare karte hue...!!! hadh hai... voh toh aap ko father k hishab se respect de rahi hai... aur aap ho ki use chor k sathi k sath compare karr rahe ho...!!!" mama jee khud thoda sharminda hue...kshipra ki taraf dekhte hue kaha:- "sorry beta...maaf karna...!!!" kshipra hass rahi thi...!!! tabhi Rajeev k mom ne kah diya:- "beta...kheer bana do...!!! aaj tumhare hath se kheer...bhagwan ko prasad chadhega...!!! thik hai...!!!" kshipra ne sar hila kar haan kar diya...aur Rajeev ki taraf be basste se dekhne lagi... Rajeev:- "maa...actually main kuch kahna chahta tha... aap se...!!!" Rajeev's mom:- "haan...bol na...!!!" Rajeev:- "aap mere sath aayiye...!!!" voh unhe ek jagah par le gaya...aur kaha:- "aap ki bahu... thodi si dari hui hai...!!! har baat ko chaunk kar jawab deti hai...!!! sayad naya mahul hai na isiliye...!!! abhi voh kitchen me ja kar kheer bananyegi... aur itne sare mehmano me koi agar us k piche se ja kar use kuch kahega...aur voh chaunk jayegi...toh pata hai kya hoga...??? ya toh voh hath jala baithegi...ya phir kuch aur...!!!" Rajeev's mom:- "thik hai...main sab se kah deti hun ki jab tak kshipra kitchen me hain koi vahan nahi jayega...!!!" Rajeev:- "maa...bade toh samajh hi jayenge...par jo bachhe hain...voh thode hi na samjhenge...!!! unhe toh is baat se maza aayega na...!!!" Rajeev's mom:- "toh phir kya karen...???" Rajeev:- "aap ja kar kshipra se bol do ki...voh kitchen ka door ander se bandh kar k kheer banaye...!!! aur jab ban jaye toh bahar aa jaye...!!!" Rajeev's mom:- "haan...yeh thik hai...!!! bichari nayi hain na yahan par...sabhi us k liye ajnabi hain...toh darti hogi.. isiliye chaunkti hogi...!!! tu us ka khyal rakhna...baki main sab ko sambhal lungi...!!!" Rajeev;- "okkkk... Rajeev ki mom chali gayi... Rajeev ne khud se kaha:- "chalo ek prob toh solve hua...!!!" phir us k baad use kuch yaad aaya...voh bhaaga... bahar... kshipra kitchen k ander thi...khidki par dastak hui toh us ne hairan ho kar khidki kholi toh Rajeev...tha...!!! Rajeev:- "uffo...aise kya dekh rahi ho...pipe par chadha hua hun...aur voh bhi din k waqt apne hi ghar me...jaldi se hath do...!!!" kshipra ne hath badha kar Rajeev ko ander aane me help ki...!!! ander aane k baad Rajeev ne khud khidki bandh kiya...aur kshipra se kaha:- "dost...sirf help nahi karte...!!! dost achhi achhi chizain sikhate bhi hain...!!! isiliye main batata jata hun...aur tum banati jayo...!!! kuch gadbad hui toh main sambhal lunga...!!! samjhi...???" kshipra ne mushkurate hue haan kaha... Rajeev batane laga...aur kshipra banane lagi...kuch der me kheer taiyaar tha... Rajeev ne chakh ne k liye...spoon se lena chaha toh... kshipra ne mana kiya... Rajeev:- "kyoun...apne teacher ko chakhne bhi nahi dogi...!!!" kshipra:- "sir...yeh bhagwan k paas bhog lagne ja raha hai...isiliye ise jhutha nahi kar sakte aap...!!! aur kheer ki tension mat lijiye...voh achhi hi bani hogi...!!! khushbu kah rahi hai...!!! aap ko kya lagta hai...maine kheer nahi banayi hai toh kya khushbu k nahi pahchanti...!!! ab aap ka tution khatam hua...ab aap jayo...!!! baki main sambhal lungi...!!!" Rajeev:- "sab kuch toh maine kar diya...aur tum kya sambhalogi...???" sare rashm riwaz khatam hone k baad...kuch hi dino me Rajeev...kshipra ko le kar Delhi aa gaya...!!! jahan voh JOB karta hai... jis raat ko voh pahunche...us raat bhari barish ho rahi thi... Rajeev...aur kshipra baht bheeg gaye the...raat k 11 bajj rahe the..!!! Rajeev:- "main hotel se kuch order kar leta...!!! magar itni raat ko aur itni barshat me ...??? achha suno...main maggi bana leta hun...tum chala logi na...!!!" kshipra mushkurayi aur kaha:- "haan chala lungi...!!! aap pahle ja kar fresh ho kar aa jayo...!!! phir dekhte hain kya karna hai...!!!" Rajeev jab aadhe ghante baad washroom se bahr aaya...toh dinner table par rakhe khane ko dekh kar hairan hua... chapati....dal fry...aur aloo-matar ki sabji rakhi hui thi... Rajeev ne kshipra ki taraf dekha... kshipra:- "jaldi se kha lijiye...mujhe bhi bhuk lagi hai...aur baht neend bhi aa rahi hai...!!! aur main khana garam karnewali nahi hun...!!!" Rajeev chup chap baitha aur kaha:- "yeh kahan se aaya...???" kshipra:- "maine banaya hai...!!! jyada tym nahi laga...freez me matar tha...!!! aur hum dono k liye bass 7-8 chapati banane the...maine kar liya...!!!" Rajeev:- "is ka matlab tumhe khana banana aata hai...!!!" kshipra hassi aur kaha:- "dosti ka tishra rule...'doston ko aise hi ullu banayo...phir kuch surprise de kar unhe chaunkayo...!!!" Rajeev:- "ha ha ha...very funny...!!! aur mujhe bekar me us din pipe par chadhna pada tha...!!!" kshipra:- "main bhi toh vohi soch rahi thi ki aap itne achhe se pipe par kaise chadh sakte ho...??? pahle se practice hai kya...??? matlab...koi ladki... Rajeev ne khate khate jawab diya:- "ek hi ladki thi meri zindagi me...!!! us k jane k baad sirf tum hi aayi ho meri zindagi me...!!!" kshipra ne rajeev ko bina dekhe pucha:- "aap ne kabhi nahi kaha ki aap bhi kisi se pyar karte the..???" Rajeev:- "tum ne kabhi pucha hi nahi tha...???" kshipra:- "koun thi...voh...??? matlab...aap k sath kaam karti thi ya phir padhti thi... Rajeev:- "arre nahi...voh toh mujh se umr me badi bhi hai...!!! jis din us ki shaadi hui na...main baht roya tha...!!! par aaj bhi jab us ki yaad aati hai toh... kshipra ne Rajeev ki taraf dekha...hala ki us k chehre par ek udaasi thi... Rajeev:- "toh...main us ki koi na koi film dekh leta hun...!!!" Rajeev hassa zor se aur kah:- "main Aishwarya rai ki baat karr raha hun...!!!" kshipra ne naraz ho kar kaha:- "yeh kya baat hui... Rajeev:- "kyoun ...dosti ka tishra rule sirf tum hi follow kar sakti ho...main nahi...!!!" kshipra hassi...!!! matlab...dono sath me hasse... dono ki zindagi yun hi beetne lagi...!!! roz subah dono jaldi uthte the...phir dono hi ghar ka kaam sath me kiya karte the...!!! Rajeev subah ka nasta banata tha...toh kshipra ghar k baki k kaam khatam karti thi... dono sath me nasta karte the...aur Rajeev office chala jata tha...!!! lunch kshipra banati thi...!!! aur Rajeev ka intezar karti thi...!!! voh roz lunch karne ghar aa jata tha...us ki office bhi paas hi thi...!!! dono sham ko ghumne jate the...kabhi kabhi dinner bahar karte the...toh kabhi kabhi dono sath me ghar par hi dinner banate the.. zindagi yun hi gujar rahi thi...!!! kshipra k liye Rajeev ab 'aap' nahi bal ki 'tum' ban gaya tha...!!! voh us k kareeb aane lagi thi...!!! use Rajeev k thru sab kuch mil gaya tha...ek dost...ek adviser...ek sathi...sab kuch...!!! ab voh Rajeev ko apne zindagi ka ek imp inshan samajhne lagi thi...!!! ek aisa inshan jis ki judai ab voh mehshus karne lagi thi...aur jab Rajeev ghar aata tha toh voh khush ho jati thi...!!! aisa nahi tha ki voh apne ander k is badlab ko mehsush na karti thi...par voh yeh samajh nahi pa rahi thi ki apne dil ki baat kaise Rajeev se kahe...!!! ek din Rajeev aur kshipra shopping karne gaye the...!!! pichle 3 ghante se kshipra shopping karr rahi thi...aur Rajeev bichara us k piche shopping bags le kar ja raha tha...!!! Rajeev:- "yaar...bass bhi karo...!!! pichle 3 ghante me tum ne sirf teen hi chizain kharidi hai...!!! aur kab tak ghumayogi...???" kshipra:- "tumhe nahi pata yeh dukanwale hain na...batate kuch hai aur dikhate kuch hain...aur pack kar k jo hamain dete hain...voh kuch aur hi hota hai...!!! shopping me maine master degree li hai...!!!" Rajeev:- "voh toh har ladki le leti hai...jab ek ladki 16 ya 17 saal ki ho jati hai na...tabhi use yeh degree mil jata hai...!!! pahle apne baap ko lut te hain phir zindagi bhar apne pati ko...!!!" Rajeev udaasi ki acting karta hua bola... kshipra:- "ek toh main tumhare paise bacha rahi hun...upar se tum mera mazak uda rahe ho...??? thik hai...mujhe nahi karni hai ab koi shopping-whopping...hun...!!!" kshipra naraz ho kar jane lagi toh...toh Rajeev ne us k waist se use thaamte hue kareeb laya... kshipra hairan ho kar boli...:- "kya karr rahe ho...??? hum yahan bahar... Rajeev mushkurate hue use ek taraf dekhne k liye ishara kiya... kshipra ne dekha...vahan par ek mirror tha...jis me dono sath khade dikhai de rahe the... Rajeev ne dhire se kaha:- "dekha hai kabhi koi aisi ladki...jo gusse me bhi baht khubshurat lagti ho...???" kshipra mushkurayi... tabhi us ne suna...... "thik se chal bhi nahi sakte tum...??? tum middle-class logon ki yehi prob hoti hai...!!!" ek ladki kafi zor se chilla rahi thi... kshipra aur Rajeev ne dekha...!!! ek aadmi niche baitha... zameen par gire shopping bags ko utha raha tha...!!! aur us k samne...ek micro minies me khadi ek ladki chilla rahi thi... us ladki ne phir se kaha:- "sara saman le kar car me pahuncho...aur voh bhi jaldi...varna main tumhara wait nahi karne wali...samjhe...??? yeh kahne k baad voh ladki chali gayi...!!! kshipra us aadmi k paas gayi...aur us ko saman utha ne me help ki...Rajeev vahin khada tha...kyoun ki use kisi ka fone aa gaya tha...!!! voh inshan kshipra ko dekh kar thoda hairan hua...!!! kshipra ne use us k bags dete hue kaha:- " zindagi aise hi karbat leti hai...Aneesh...!!! koi khushi ki talash me milnewale khushi ko thokar maar deta hai toh koi uljhano k bichnibhaye hue rishte se achanak pyar kar baith ta hai...!!! main tumhe THANX kahna chahti hun...!!! tum ne mujh se sagai todi tabhi rajeev meri zindagi me aaye...aur mujhe pata chala ki main tum se bhi better inshan deserve karti hun...!!! aur mujhe pahli baar yeh ehsaas hua ki maine tum se kabhi pyar kiya hi nahi tha...tum hamesha se mere liye ek attraction rahe...!!! par aaj mujhe pyar hai...us inshan se... usne Rajeev ki taraf ishara karte hue kaha...Aneesh ne dekha Rajeev ko...voh kisi se fone par baat karr raha tha...!!! kshipra vahan se chali gayi...Rajeev ka hath thaama aur kaha:- "mujhe ice crm khani hai...!!!" Rajeev:- "nahi... tumhe abhi sardi hui thi...aur ice crm khayogi toh bimar padd jayogi...!!!" kshipra:- "toh phir golgappe khaungi...!!!" Rajeev:- "voh bhi nahi milega...!!! kyoun ki ek baar tum plate pakadti ho toh bass khaye hi jati ho...aur us k baad aadhi raat ko mujhe tumhare liye doc ko bulana padta hai...!!!" kshipra:- "nahi mujhe golgappe hi khane hai...!!! aur pichli baar doc ne jo medicines diye the na...abhi bhi kuch tablets baki hain...un ka xpairy date aane se pahle mujhe unhe kaam me lagana hai...!!! ab koi argument nahi chalo... jaldiiiiiiiiiiiiiii.... voh Rajeev ko lag bhag khinch k le ja rahi thi...!!! dur kahada Aneesh dekh raha tha...!!! ek din Rajeev ne kshipra ko bataya ki use Shimla jana hai...kuch official kaam se... kshipra dukhi rahi...din bhar...!!! aisa nahi hai ki use akele rahne me koi taklif thi...par jab se shaadi hui hai... voh Rajeev k paas hi thi...use Rajeev ka is tarh se jana achha nahi lag raha tha... raat ko sote waqt kshipra ne kaha:- "tum akele Shimla ja rahe ho...???" Rajeev:- "haan...vahan ek seminar attend karna hai...!!! aur 2-4 din me wapas aa jayunga...!!! tumhe akele koi darr toh nahi lagega na...!!! main hamare padosh k aunty se kah dunga...ki voh raat ko yahan aa jayegi... tumhare paas sone k liye...!!! thik hai...???" kshipra:- "nahi...!!! main bhi jayungi...tumhare sath...!!!" Rajeev ne use hairani se dekha... kshipra:- "aise kya dekh rahe ho...??? tumhi ne kaha tha ki main kabhi bhi kuch bhi kah sakti hun...!!! isiliye main bhi tumhare sath aayungi...!!!" itna kah kar voh so gayi...andhere me bhi Rajeev k chehre par ek mushkurahat thi... Shimla me kshipra sach me bore hoti thi...Rajeev toh apne kaam me chala jata tha...par voh akeli rah jati thi...!!! aur vaise bhi akele...use kahin bahar jana achha nahi lag raha tha... ek din sham ko kafi der ho gayi...par Rajeev hotel wapas nahi aaya...!!! kshipra pareshan ho rahi thi...phone kiya toh switch off ka signal aa raha tha...!!! us ki baichaini badhti ja rahi thi... us ne TV on kiya...aur baithi dekhne...achanak ek news sunn kar voh chaunki...'Shimla me land slide hua tha...jis ki wajah se kafi logon ki death hui thi...aur kuch injured bhi hue the...!!! jis rashte par yeh sab hua tha...Rajeev usi rashte se roz aata-jata rahta tha...!!! kshipra ko samajh me nahi aa raha tha ki voh kya kare...!!! voh yahan par kisi ko janti bhi nahi thi...!!! voh bhaag kar us hotel k reception me gayi...aur sab kuch kaha... receptionist:- "maam...aap fiqar mat kijiye...!!! hum sir k bare me pata lagane ki koshish karte hain...!!!" raat k 12 bajj rahe the...hotel k manager ne puri taqat laga di thi Rajeev ko dhundhne k liye...par koi faida nahi ho pa raha tha...!!! kshipra ka ro ro k bura haal tha...!!! sare fone lines BG aa rahe the...voh kisi ko bhi contact nahi kar pa rahi thi...!!! voh shaam se hi reception me khadi thi...bahar jhaank rahi thi...khud ko haushla de rahi thi.... achanak ek army jeep aa kar ruki...jis me Rajeev nikla... kafi thaka hua lag raha tha...kapde bhi baht dirty lag rahe the... kshipra ne kuch bhi nahi kaha...sirf use dekha...aur room me wapas chali gayi... manager:- "thank God sir...aap sahi salamat pahunch gaye...!!! maam ka ro ro k bura haal tha...shaam se hi yehin khadi hain...yahan se hili tak nahi...!!! hum ne bhi baht koshish ki par aap k bare me koi khabar nahi mili...hum sab bhi baht tension me aa gaye the...!!!" Rajeev room me wapas aaya...toh dekha...kshipra bed par chup chap baithi hui thi... Rajeev:- "maine tumhe fone karne ki koshish ki thi...par sare lines kharab the...!!! aur phir jab army vahan pahunchi...toh main bhi un ki help karne k liye ruk gaya...!!! isiliye late ho gaya...sorry...!!!" kshipra ne kuch nahi kaha...aage aayi...straight Rajeev k ankhon me dekhte hue kaha:- "pahli baar tumhe khone ka darr laga...!!! aisa laga...jaise ab main kabhi mushkura nahi payungi...!!! aisa laga jaise meri saanshen bandh ho rahi hai...!!! aisa laga jaise...main tum se baht pyar karne lagi hun...!!!" kshipra ne nazrain jhukayi...do boond anshun chalke us k ankhon se...jinhe Rajeev ne apne palms me sameta... aur us k chehre ko cup karte hue kaha:- "phir se kaho... kshipra:- "i... par voh kuch nahi kah payi...Rajeev ko hug kar k rone lagi... Rajeev:- "main tumhare baat ko complite karun...???" kshipra ka hath thoda aur tight hua Rajeev k back par... Rajeev:- " i love you... kshipra ne usi tarah se us k seene me apna chehra chupate hue kaha..." love u too...!!! bass ab kabhi mujhe chod k mat jana...!!!" Rajeev ne us k fore head ko kiss kiya... kshipra...balcony me khadi thi...Shimla me barf padne lagi thi...halke halke se...!!! kal voh dono wapas Delhi janewale hain...!!! is trip me kshipra ki zindagi badal di...!!! us ne apne pyar ka izhaar kiya...ek naye rishte me khud ko jodte hue ek khushi ko mehshush kiya... Rajeev dhire se us k kareeb aaya...piche se use hug kiya... kshipra k chehre par ek mushkurahat thi...!!! us ne turn kar k Rajeev ko dekha...!!! Rajeev ne us ke chere par bikhre balon ko hataya...us k chehre par jhuka...us k honthon ko apne honthon se touch kiya... The snow, so peaceful and serene,
caressed by the soft moonlight,
gave magical feelings to the night.
The soft blue glow,
the lovers' words that then did flow,
their lips closer and closer
until, locked in the throes
of a passionate embrace,
he decided to express his feelings,
to keep her safe.
He whispered softly,
his words like music to her ears,
"I Love You,"
and her response the same,
heard like the gentle breeze,
"And I, love you, forever."
That was the night they promised
to be together through everything,
each to care for the other when old and gray.
A lovers' pact
the most likely to last. "THE END" ****************** Plz do comments or press d LIKE button. | 
![The Magical Kiss ~ Romione Three-Shot #PyaarKaTropeFest [Completed]](https://img.indiaforums.com/userimages/14/5516-1185089.jpg)
Real Estate
14