Raj uska pichha chhodta hi nahi..
Naina kaha jati hai..kisse milti hai..sab par nazar rakh raha hai...
yeh to shukar hai k waqt par Nitin aa jata hai...par kitne din aisa chalega.. Nitin ko bhi office jana padta hai..bechare ki haalat kharab hai.
ek din Naina aur Ramachandran nikle ghumne..obviously..Raj ko dikhane k lia..
Nitin aur Naina ne socha k raaste se Heena ko bhi pick kar lenge..aur teeno mil k Amritsar jayenge..
shadi k baad se hi Heena bol rahi rahi k Golden Temple jana hai..mauka achha hai.
Naina car chala rahi hai...thodi der baad usne view finder me dekha k Raj usko follow nahi kar raha hai..uski car dikh nahi rahi hai..
Naina--thank god..Raj pichha nahi kar raha hai...khair Heena ko phone lagao aur puchho k kaha hai?
:::::::::::::::::::::::::::::::::::::::::::::::::::::::::::::::::::::::::::
Heena aur Nitin ne swarna mandir k Sevak ko 5000 rupai die...bola langar k kaam me istemal karna...
fir waha k langar se khana khaya..Naina..Heena aur Nitin ne.
..fir Amritsar k bazar me ghumne gaye..jahapar badhia se badhia khana milta hai...
waha ki lassi pee..aur jalebi bhi khai teeno ne..
shaam ka waqt tha...
Nitin--suna hai..is market k daal bukhara..aur mutton curry bahut badhia milti hai?
Naina--haa..yeha ka keema naan bhi bahut mashhoor hai..
Heena--chalo na khate hai..
Balbant Singh da Dhaba..
yeha par kaali daal..keema naan..aur mutton curry order kia teeno ne....
Nitin--mujhe mutton banana bhi ata hai..you know..mutton me zada masala dena nahi padta..par zada pakana padta hai..mutton ka apna ek test hota hai..chicken ya fish me to masala daal k swad banana padta hai...
Naina--ek kaam karna..yeh mission pura ho jaye..fir ek resturant kyon nahi khol leta tu?
Heena--to fir business jayega khadde me..sara khana to khud hi khaa jayega.
aise me khana aa gaya..
Nitin k muh me paani aa gaya...
Naina ko bhi bahut bhookh lagi thi..aise me Nitin ban gaya Ramchandran..
Ramachandran--I think Naina..tum jis assignment k bare me aamko bola ta..humko uska reference book mil gaya...kal tumko dega...
Naina chauk gai..isko kyaa ho gaya?
Heena ne ishara kia..k koi Naina ko dekh raha hai..puchha,"kya yehi woh pagal Rajveer hai?"
Naina ki jaan uske gale me atak gai..
Raj isi taraf aa raha hai....
Nitin mutton ka piece apne plate me lene hi wala hai...aur Raj ne uska haath pakad lia..
Raj--Mr. Ramachandran..aap to pure veg hota...to yeh mutton kaise khata?
Nitin ko mutton nahi khane dia jayega..to sadme se woh pagal hi ho jayega..
usne himmat juta k bola..
Ramachandran--oo..aamara family hai pure veg..aam nahi..aam roz subha egg khata..aur Naina ne aam ko non veg khana sikha dia hai..aam ko khane do..bohoot tasty hota yeh curry..
Heena--kisi ka khana kyon rok rahe hai?
Raj--aap kaun?
Naina--my friend Heena...
Raj--Heena jee..pyar k lia khud ka dharam bharsht kyon kare koi...waise bhi Naina ko veg khana zada pasand hai..aur Ramachandran ko bhi..dekhiye na pura Amritsar ka bazar dhundh k yeh Appam aur Sambar laya hoon un dono k lia...dosa aur vada bhi hai..inko khane dijiye..hum dono yeh dhabe ki delicious khane ka maza uthate hai..
Nitin ki haalat bigad gai...Naina ki bhi...itna achha mutton aur keema naan chhod k yeh dosa aur vada khana hoga??mar gaye..
Heena muh latka ke baithi rahi..Nitin ko aisi haalat me chhod k kaise itna achha khana kha sakti hai woh??
Naina..Nitin aur Heena..teeno ko mil k Raj ka laya hua khana pada..aur Raj ne unka order kia khana pura khaa lia..
Nitin ka man kar raha tha k Raj ko ek punch maare...
Naina--excuse me friends..mujhe wash room jana hai..
Naina k jane k baad..
Raj--Heenajee..number mil sakta hai aapka??
Heena became nervous...,"kyon..mera number kyon chahie?"
Raj--yuh hi...apko dekh kar lagta hai k aap bahut interesting hai..I am interested in you...
Nitin man hi man Raj ko laath maar raha hai..uske samne usiki biwi ko line maar raha hai...
Naina wapas aai...."friends..chale?"raat ho jayegi ghar pahuchte pahuchte...
Nitin aur Heena Raj ko gaalian dene lage...
Nitin--kameena..ek to mera mutton curry khaa gaya..upar se Heena par line maar raha tha...
Naina--Heena k bare me kuchh nahi kar sakti..par mutton ka intezam kar k aai hoon..
Heena--kaise..
Naina--washroom jane k bahane..main dhabe k andar gai thi..ek admi ko Keema naan aur mutton curry pack kar k meri car ki pichhe ki seat me rakhne ko bola...usne kia..usko maine car ka number..aur 100 rupai jo die the...chal abhi khate hai..sala Raj pura khana kha gaya humara..
Nitin-mujhe do....please...
sadak k kinare car rok k teeno mil k bhikarion ki tarha naan aur curry khane lage..
udhar Raj..dhabe me baitha raha..lasski pee raha tha..uska sar garam ho gaya tha,...
nahi yeh ladka south ka hi hai..varna..Mutton curry aur naan chhod k kaise dosa aur vada kha lia?Punjab ya Delhi ka hota..to mujhe peetta..
Naina..jaao....apne Ramachandran k paas...vada aur dosa khao..aur filter coffee peeo...yeh soch k Raj lassi peene laga..
-------------------------------------------------------------------------------------------------------------------------------
Naina jab ghar lauti..tab Beejee jagi hui thi...
Naina--aap abhi tak soyi nahi?
Beejee--kuchh sawal hai man me..
Naina--puchhie..
Beejee--is Ramachandran Krishnamurthy ko apne drama group se manage kia hai kya?
Naina--nahi beejee..main mili thi usse..
Beejee--Naina..tu paida hone k baad meri hi goad me aai thi..tere bolne se pahle samajh jati hoon k tujhe kyaa kahna hai..tera sach jhoot koi aur na pakad sake..main pakad sakti hoon..
Naina--Beejee..aap ko to sab samajh me ata hai..kya woh Rajveer mujhe chhodta..agar maine yeh natak nahi kia hota to?
Beejee--tujhe natak karne ki zaroorat kia hai?Raj achha ladka hai..aur tujhe yeh rishta isi lia manzoor nahi tha kyonki tere papa laye the..tujhe arranged marriege nahi karna..par sirf isi wajah se Raj jaise ladke ko khud se kyon door kar rahi hai beti?
Naina--Beejee..aap ko to sab dikhta hai..pata hai k Raj kaisa pagal hai...aaj pata hai kyaa kiaa usne?
Naina ne word by word bayaan kia..k Amritsar me kyaa hua..
Beejee hansne lagi..."Naina..kuchh bhi bol..yeh Raj hi tere lia sab se achha hai..teri har harkat ka sahi jawab dene ki takat rakhta hai Raj.."
Naina--I am too tired..sona hai mujhe..
Beejee--meri baat k bare me sochna..
Naina--thik hai...
Naina so gai..
::::::::::::::::::::::::::::::::::::::::::::::::::::::::::
raat ko Raj ladhkhadate hue ghar aya...
Omveer ne samhala..."Raj..beta kyaa hua.."
Raj--kuchh bhi to nahi dad..Sambar k saath ab Aloo ka paratha khaya jayega...
Nilima--kal nashte me chahie tujhe yeh combination?
Raj--cut it out mom..main kyaa kah raha hoon..aur aap kyaa samajh rahi hai... Naina,the great Naina Arya...sach me us Madrasi k pichhe pagal hai.. keemaa naan chhod k dosa khaa rahi hai..mere samne..lage raho..meri zara bhi parvah nahi hai usko..
Nilima--mitti daal uski baat pe..tere lia ek achha rishta aya hai..
Raj--haa..aur ladki Bengali hogi..aur kisi Marathi ladke k pichhe pagal hogi.. Machhli k saath Puran Puli khayegi..sab pata hai..lage raho..
Omveer--are aisa kyaa ho gaya tu itna niraash ho gaya?
Raj--hone ko kuchh baki hai kyaa?
Omveer--are..tu to usi tarha demoralised ho gaya ..jaisa Naina chahti thi..are drama group me kaam karti hai..usko pata hai k kitni acting karne se public convince ho sakti hai..aur Naina ne tujhe yakeen dila dia k Ramachandran naam ka koi ladka hai uski zindagi me..aur tune yakeen kar bhi lia...
Raj khamosh ho gaya.."haa..maine to is tarha socha hi nahi.."
Raj ka ladhkhadana bandh ho gaya..."yes dad..maine to is angle se nahi socha..cool..main kal hi us Ramachandran ki kundali nikaalta hoon.."
Omveer--that is the spirit son..
Raj kamre me chala gaya...
Nilima--kyon usko encourage karte hain aap??
Omveer--baat agar sach hai Naina k bare me..to Raj khudh hi pichhe hat jayega..aur agar jhoot hai to..Raj Naina ko utha k le ayega..shadi main karva dunga..
Nilima--jaisa baap waisa beta..lage raho..
Raj ne socha k Ramachandran ka drama pakadne k lia akele Ramachandran ka pichha karna hoga..
Naina Devi..tum "daal daal"
aur Raj "paat paat"
Raj had a relaxed mood then..
-----------------------------------------------------------
Edited by yakkudimag - 16 years ago
Bade Achche Lagte Hain Naya Season
Cricket
