Part 12
~Darwaaze pe dastak de aaya hai yaha koi...
Chahu usse bulana par meri pohonch nahi woh...~
Aakhir woh mere khayalaat ko kaise padh gayi...main khud nahi jaanta...
Usski iss baat se itna hairaan hun...ki iss personality contest se mera dhyaan hi nahi lag raha ...ek din mein contest hai...aur main usski baatoh mein dooba hun...
Kyun pata nahi...shayad usski baatein mujhe itna mutassir kar gayi...ki mera dhyaan hi nahi hatt raha usse...
Aaj council ke saamne uske saath performance hai...jo ki maine cancel karwaya hai...kyunki already mere zehan mein itne saare sawaal aur mann mein itni saari feelings ek saath hai...
Main iss Viraf-Adi jhoot ko jitna avoid kar saku better hai...council ke saamne agar aayi toh shayad sach ka pata chal jaaye...
Issiliye maine rehearsal ke time hi...Vasu ko bulaya taaki ...Raat Rani ko lage...formality poori ho gayi...
Aaj ki yeh raat bohot lambi hai...par main bohot khush hun...chahta nahi...iss raat ki subah ho...kyunki aaj meri khwaahish poori hui hai...iss pal ko khulke jeena chahta hun...
Subah hote hi hum jaldi jaldi nikal gaye...kyunki aaj sirf ek performance tha bass...aur saare contestent se bhi aaj shayad mulaaqaat ho...
Kyunki jab hum hote hai...tab unnmein se koi nahi...issiliye kabhi kisi se mili nahi...
Aaj humein yeh bhi batayenge ke ...humein entry kaise karni hai...kaise khud ko represent karna hai...
Hum 7 baje pohonch gaye...
Thodi der intezaar kiya...toh dekha...Vasu ander aayi...aur hum se gale milkar hiii kaha...
Waise bhi woh itni cute hai...humein toh ussi din se pasand hai...jab humne usse pehli baar baat ki thi...
"So aapke partner kaha hai..."
"Ji woh aate hi honge...ab tak toh unhe aa jana chaiye tha...pata nahi kaha reh gaye..."
"Jab tak woh nahi aata ...i mean to say...tumhara partner...main tumhe baaki cheezon ke baare mein batati hun..auditorium mein chale..."
"Ji ...thik hai..."
Mike kaise pakadna hai...kaise aana hai...kaise jaana hai...hum kab entry karenge...kitne der stage par rehna hai...
Judges se kis tarah baat karni hai...jab hum aayenge toh kaunsa background music hoga...kis style mein aana hai...aur bhi jaane kya kya...
Yeh sab karte karte jaane 3 ghanta kaise beet gaya...itne waqt mein Vasu se humari achchi khaasi dosti ho gayi thi...woh humein aur pyaari lagne lagi thi...
Vasu aur hum...kisi baat par zor zor se hass rahe the...aur thoda hassi mazak kar rahe the...humari nazar auditorium ki seats par padi...
"Aditya Ji..."
Unhe dekhte hi humare munh se nikla...woh waha baithe hue the ...woh kab aaye humein pata nahi...humesha aisa hi hota hai...unnke aane ki khabar humein kabhi nahi lagti...aisa lagta hai...woh pehle se har jagah maujood hai...
Kya unhone suna hoga...jab hum Vasu se unki shaan mein qaseeda padh rahe the...nahi nahi...humne unhe abhi dekha hai...woh baatein toh humne bohot der pehle kahi thi...
Vasu ne bhi kaha...
"Ohhh Adi...finally tum aa gaye...ab pls jaldi se apna performance do...i m getting late..."
Main wahan se uth stage par aaya...Raat Rani khadi thi...Vasu neeche utar ka jaane lagi...aur jaate jaate kaha...
"Stage par aag lagne waali hai...i m so excited to see u with her...for the first time..."
Maine usse ek muskurata hua look diya aur aage badh gaya...
Raat Rani ke saath kal raat ke baad aaj meri awkwardness ab bohot badh gayi thi...mujhe toh aisa lag raha tha...
Jab pehli baar ussne mere saath dance kiya tha...utni hichkichahat usse bhi na hui hogi...jitni aaj mujhe hai...pata nahi kyun...
Par inn sab ehsaasat ko pare rakh...maine usske saath performance diya...ek dam picture perfect types...Vasu ka reaction dekhne laayak tha...
Ussne kitna zor zor se clap ki...woh stage par daudte hue aayi...sabse pehle Chhavi ko hug kiya...aur kaha...
"Omg...u r so so so awsome..."
Phir meri baari aayi...mere paas aate hi...ussne kaha...
"Viru aaga lag gayi..Haaye...koi mere sar par thanda paani daalo...is tht really u?????? I cant believe this...i have seen u dancing many times...but this ...this was beyond my imaginations and my words...u rocked Babua..."
Main kya kehta...usski baat sunn hass diya...Vasu bhi wahan se hasste hue chali gayi...
Aur phir Raat Rani ko dekha...woh shayad jaane ki tayyari kar rahi thi...
Maine usse kaha...
"Thik hai main aata hun...shayad tum bhi nikal rahi ho kya..."
"Ji nahi...abhi hum kuch der rukenge... jaane mein waqt hai...kal ke liye kuch lines likh le...humein kya kis tarah kehna hai..."
"lines likh le...pls dont tell me ...tum kavi(poet ) bhi ho...and poems likhti ho..."
Hum zor se hass diye unki baat sunn...
"Ji aapne sahi andaaza lagaya...Heheheh...haan zyaada nahi...
Par khud ka dil behlaane ke liye kuch likh lete hai..."
Ohhh God yeh ladki sach mein...maine ussdin sahi kaha tha...yeh treasure hunt types girl hai...har mod pe naya avtaar...
"Batao kya likhti ho..."
"Woh abhi toh humare paas kuch nahi...book ghar par hai..."
"Koi nahi...shayera ji...aaj hum waise bhi aane waale hai...tab dekh lenge...intezaar kijiyega humara..."
Yeh keh kar main chala gaya...aur woh bhi mere baad nikal gayi...
Arre yaar speech toh mujhe bhi chahiye kal ke liye...
Vasu ne mere liye sab arrangements toh kiya hoga...because...kal hum counsil waalon ka bhi introduction hai sabse pehle...event ussi se start hoga...
And As a General secretery...this will be my first official speech...aise toh main hamesha bolta hun...aur har koi suntaa hai...
But this one has to be special...
Dekhta hun ussne kya kiya hai mere liye...nahi toh Adi ka gala pakdu...kaamchor kisi kaam ka nahi...aur yeh Nandu...usse sirf complain karna aata hai...
Main pehli fursat mein Adi ke paas gaya...aur kal ke schedule ka poora pata kiya...kisse kya bolna hai...
Council ka first introduction and jab usse meri speech ka papar maanga toh kya dekhta hun...
Iss Nandu ki bachchi ne Vasu ko budhdhu banaya hai...aur itni bakwaas aur sadi si...ghise pite words ke saath likh diya hai...
Maine peripheral members ko bhi contact kiya...team mein likhne waale kitne saare hote hai...mere nikamme dosto ke alawa aur bhi kayi kaam ke log hai...jo sab manage karte hai...
Par koi baat na bani...Vasu ne kaha...
"Chillax bro...main hun na kuch na kuch intezaam karti hun...par abhi...meri hawaiyaan udi hai...Chhavi ka performance dekh"
"Yes...Chhavi...Ohhh Vasu...u r too cute..."
Usska gaal khechte hue main chalta bana...Raat Rani abhi college ke bahar nikli na hogi...
Bhaag kar gaya...aur usse dhoondne laga...rehearsal hall...auditorium...sab jagah dekh liya...
Class toh woh pichle ek hafte se gayi nahi...kahin nikal toh nahi gayi...
Gate ke paas tak aaya...shayad woh chali gayi ...ab raat ko hi milegi...
Peeche mudkar college wapas jaane laga toh dekha...
College ke garden mein...ghaas par baithi...ek book mein kuch likh rahi hai...
Main khush ho gaya...aur daud ke usske paas gaya...
"Ohhh tum yaha hun...kaha kaha dhoonda tumhe.."
"Aap...kuch kaam tha kya aapko..."
"Haan...actually mujhe speech chahiye thi...kal ke liye"
"Aapko...kyun chahiye"
Viffy yeh kya kar raha hai...control kar beta...
"Arre mera matlab hai...mujhe speech chahiye...Viraf ke liye..."
"Toh hum kya madad kar sakte hai...aapki..."
"Arre tumne toh abhi upar kaha tha...tum lekhika...shayera ho...toh pls kuch likh do na...meri khaatir...warna meri shaamat nahi..."
"Arre par hum kya likhen...hum kuch nahi jaante ...woh bhi unn janab ke liye...hum kyun likhe..."
"Arre Yaar usske liye nahi...meri khaatir...mera kaam hai...usse yeh speech likh kar dena...par jo maine di thi...woh reject ho gayi...pls pls...kar dona...i wil help u na...speech mein kya kya zaroori hona chahiye...pls haan keh do..."
"Ji kyun nahi...hum aapke liye zaroor likhenge...bass aap humein bataye likhna kya kya hai..."
"Actually meri reject ho gayi ghise pite words ki wajah se...shayad tumhara andaaz usse pasand aaye...aur woh tumse mutassir ho jaaye...kyun kya kehti ho..."
"Ji shukriya...aisi meherbaani ka ...humein apne andaaz se kisi ko mutassir nahi karna...woh bhi...unn janab ko ...kabhi nahi...par haan...aap befikar rahiye hum...aapka kaam kar denge...
"Toh phir thik hai...main aaj raat le lunga...aakar..."
Woh jaate jaate piche mude...aur zor se kaha...
"Thank You Raat Rani..."
Ofooo iss tarah public mein...kya kahe inhe hum...
Ghar aakar saare kaam jaldi khatam kiye...kyunki humare dress ka bhi thoda sa kaam baaki tha...woh complete karte humein shaam ho gayi...
Raat tak speech complete karni thi...humne usspar sochna shuru kar diya...8 baje tak humara saara kaam khatam kar...hum apne kamre mein baith kar likhne lage...
Sochte phir kuch likhte kuch 2 ghante guzar gaye...hum bohot thak gaye the...likhte likhte jaane kab table par hi aankh lag gayi...
Humein awaaz aayi Chhavi...par humein laga shayad khwaab hai...humne awaaz ko ansuni kar di...
Phir kisi ne humare kandhon par haath rakh kar kaha...Chhavi...
Humne thodi si aankh kholte hue dekha...
"Aap????"
Unhone humare munh par haath rakha...aur upar aane ka ishara kiya...aur dheeme qadam badhate hue chale gaye...
Humare hosh udd gaye...woh humare kamre mein aa gaye the...yeh sach mein dekhna humein phaswaa ke rahenge...
Waise humein thoda yeh soch hassi bhi aayi...Adi ji kis tarah dheema dheema qadam badha kar upar gaye...taaki unke aane jaane ka kisiko pata nahi lage...Hahahaahh
Humne bhi thoda idhar udhar dekha...neeche check kiya...bua soyi ki nahi...waise bhi raat ke 12.30 baj gaye the..aadhe logon ki aadhi neendein ho gayi iss waqt...phir hum upar chal diye...uss paper ke saath...
Kitna ajeeb hai...raat ke iss waqt bhi humein unse milne mein koi hichkichahat nahi...jaane kyun...par chup kar chup kar milna bhi kya ajeeb hai...woh bhi Adi Ji se...kabhi socha na tha...aise risk bhi utha sakti hai Guddo Raani...bachpan se mile hai...chhat par...lekin sirf humari Meethi ke liye...
Par Adi Ji...ab toh woh bhi apne se hi lagte hai ...
Upar pohonch gayi...aaj Amawasya ki raat thi...ek dam Andhera chaya hua tha...Aasman mein...aur thand hawaayein chal rahi thi...
Jab hum pohonche toh Adi Ji baithe the...hum bhi unse kuch faasle par jaa baithe...aur unhe woh speech ka paper de diya...Andhera tha...toh woh padh toh na sake...par kehne lage...
"Balike...mujhe tum par...shat pratishat vishwaas hai...issilye isse padhne ki koi aavashyakta nahi...Sukhi Raho...Jug Jug Jiyo"
Unke aise lafz sunn...hum zor se hass diya...
Hum hass hi rahe the...unhone humare haath par kuch rakha...aur kaha...
"Chhavi...tum isse dekh yeh na samjhna...maine tumhe copy kiya hai...haan thoda sa...par jo bhi hai... bass hai"
"Par yeh hai kya????"
" Tumhare liye Tohfa..."
"Humare liye...par hum yeh nahi rakh sakte..."
"Arre...tohfa dene waale ko saamne se inqaar kar rahi ho...sara sar insult...kal jab tumne diya tha...toh maine chupchap rakha tha...now u keep this..."
"Arre par hum yeh kaise le sakte hai...Bua se kya kahenge..."
"Ohhh toh aisa kaho na...lena chahti ho par Bua se darr lagta hai...isiliye upar upar se nakhra dikha rahi ho..."
"Nahi Nahi aisi baat nahi...hum sach keh rahe hai...Hum nahi le sakte yeh..."
"Ofooo...toh tum keh dena mere dost ne di hai..."
"Par humara toh koi dost aisa nahi..."
"Kya baat karti ho...woh hai na...tumhari Saheli...kya naam hai usska...jo aajkal gaayeb hai..."
"Meethi...aur woh gaayeb nahi...kisi kaam se bahar gayi hai...kal aa jaayegi..."
"Haan ...jo bhi hai...ab toh rakh lo...ya ab bhi na kahogi...Pls ab rakh bhi lo...kya tumhare saamne haath jodu...minnate karun...agar kahogi toh woh bhi kar lunga..."
"Ji Thik hai...Thank You...par issmein kya hai..."
"Aaa aaa aaan...abhi nahi...mere jaane ke baad kholna..."
"Ji thik hai...waise tum na bohot nakhre dikhati ho...aur haan...Raat Rani ji...tumhe nahi lagta...tum mujhse ab kuch zyaada argue karti ho...Bolo...bolo"
"Hum...nahi toh..."
"Achcha chodo yeh sab...raat bohot ho gayi hai...aur waise bhi tumhare Sar par hamesha Bua naam ki talwaar latki hoti hai...tum jao...main bhi chalta hun..."
Woh uthkar jaane lage...
Jab deewar paar kar li toh unhone humein kaha...
"Thanks ..."
Humne poocha
"Kis liye...Ohhh yeh speech.."
"Ji nahi...mera tohfa qubool karne ke liye..."
Hum yeh sunkar dang reh gaye...
Phir woh apni aor aur main apni...
Fauran se daud kar neeche aaye...dekhe toh hai kya...
Ek box tha...itne pyaari packing...jab usse khola toh ander ek chota sa kagaz aur ek chota box tha...
Pehle humne uss kagaz ko khola...
Usspar likha tha...
Raat Rani ...
"Tumhare inn pairon ko uss raat chot pohchayi thi...
Aaj yeh unhi pair ki khoobsurti mein izaafa karenge...
Tumhare thirakte pairon ke saath inhe bhi kuch harkat milegi...
Innki chhan-chhanahat se saara samaa gunj uthega..."
Jab box khola toh ...ussmein chandi ki payal thi...itni khoobsurat payal humne aaj tak na dekhi thi...uss payal mein...kayi saare ghungroo the...
Dil chaha inhe pehen lun...par jaane kiss khayal se inhe sambhal ke phirse rakh diya...unka yeh tohfa...waqai bohot haseen hai...
Aur woh kagaz...unhe humari itni chote se dard ka bhi khyaal hai...humne kabhi socha na tha...woh hum par itna hi dhyaan dete hai...
Hum unse bohot zyaada mutassir ho gaye...yahi sochte sochte...jaane kab aankh lag gayi...
~ek khwaahish ek adaa ne dono ko joda hai...
Ab kaunsa woh pehlu jissne dono ko moda hai...~
Edited by ShagufElina - 10 years ago
Seher Hone Ko Hai
Anupamaa
