~Ulfat~ ViCha SS......updated part 10..11..12 page 16

First Previous

Page

Next Last

Frequent Posters

Shagufta

@ShagufElina

Rocker

Posted: 11 years ago

#91

Part 7:

Ab kuch hi din bache hai...PC ke liye...unn Viraf janab ka pata nahi...ilteja sunne ko tayyar nahi... Ab inn 8 dinon mein tayyari kaise karein...

Aur ek taraf Aditya...jo baar baar humaari madad kar raha hai...uss gunday se bhi darkhwaast ki...

Yeh soch hum bistar par lete hue the...Meethi ka bulaawa aaya...

Meethi...phirse humara gaana...

Hum chhat par gaye...

Hum jaise hi gaye...ussne humari aankhen band kar di...

Humne kaha ...arre kya hua...kholo...hum jaante hai...tum ho...phir kiss liye...

Ussne humaari aankhon se haath hatate hue kaha...

Meethi: woh issliye...dekho toh sahi...ab tumne decide kar liya hai...ki tum PC mein part le rahi ho...toh yeh lo...

hum ne socha...tumhe kisi khaas mauke par de...

par ab isse khaas mauka kya ho sakta hai...meri guddo ke liye...bolo...

Humne dekha...ek bht pyaara halka naarangi aur gaajri colour ka kapda...jiss par lakhnawi kadai ki hui...sleeves par sunehra zardozi ka kaam...aur woh chote chote laal boote daaman mein uss kapde par chaar chaand laga rahe the...

Meethi: hum stitch bhi kar dete ...yeh kameez aur chudidaar...tum par khoob jachega...par humaare paas waqt nahi...

Humne kaha...waqt????

Meethi: haan...hum tumhe batana bhool gaye...woh jo kanpur waali maasi hai...unki tabiyat kharaab hai...toh humein ek hafte ke liye jaana hoga...

Humne kaha...ek hafta matlab...tum nahi rahogi humare saath...

Meethi: hum PC se ek din pehle aa jaayenge...pakka promise...

Hum bass Meethi ko yunhi dekh rahe the aur aankhon se aansun khud ba khud aa gaye...

Usse humari kitni fikar hai...bachpan se lekar aajtak...ek wahi hai...mera sabse bada sahara...

Meethi...aur usske baba...matlab mere guruji...

Sahi kahe toh meethi aur usske baba donon hi humare guru hai...

Humein gaane aur dance ka bada shauk tha...par humare ghar par toh baba jo humse baat tak na karte the...daadi jinse hum kuch kehte na the...

Humne ne gaana unhi se seekha hai...

Guruji ne humare dil ki awaaz ko ko sargam di hai...humare suron ko lai di hai...

woh humaare padosi the...issliye guruji ki zidd par...humare baba ne unhe haan kehdi...naa nahi keh paaye...

Aur dance humne Meethi se seekha...kehne ko Nritya guruji ke paas woh jaati thi...par humaare liye...kyunki.humein seekhne ka shuak tha...Meethi ko dance mein bilkul interest nahi tha...

Par woh humare liye seekhti thi...taaki ghar par aa kar humein sikha sake...

Sangeet aur saaz par thirakna humne Meethi se sikha...

Ek baar badi zidd kar...Baba se aur Daadi se ijaazat le...humein apne dance class le gayi...

Aur zabardasti...humein wahan par dance karwaya...

Wahan sabhi hairaan ho gaye...meethi ke guru ne kaha...na seekh kar bhi aise kaise...tum toh Meethi se bhi achcha Nritya dance karti ho...

Tab humne bataya...humari asli guru toh Meethi hai...

Jo humein roz utni hi mehnat aur lagan se sikhaati hai...yeh sab humare school ke dinon ki baat hai...

Akele hai toh Meethi humara sahara...

Rote hai toh Miththu hai humare ansun ko poochne ke liye...

Woh toh humare liye bua se bhi ladd jaati hai...chahe bua usse kuch bhi kahe...

School ki ...ghar ki ...har ek yaad...har ek baat...humari saathi hai...humari Miththu...

Uss ek pal mein saara manzar humaari nazron ke saamne duad gaya...

Meethi humare aansun pochne lagi...aur kaha...

Meethi: tum phir shuru ho gayi...

Hum kya kahe ...humare paas toh woh lafz nahi...jo humari iss pyaari dost ke liye keh sakun...

Gale lag kar ro rahe hai...

Humne kaha...

"tum kabtak humare aansun pochogi..."

Meethi: hamesha...tum itni si baat par ro padi guddo raani...

Humne kaha...

"baat kapde ki nahi...baat tumhare pyaar aur ehsaas ki hai...tumhare iss apne pan ki hai...pls aise hi hamesha apni iss budhdhu dost ke saath rehna...hamesha...tumhare siwa...humara koi hamdard nahi..."

Ussne humara haath pakad kar kaha...

Meethi: haan humari Raani...ab bas bhi karo...rona...hum tumhare saath humesha hai...

Aur uss musibat Viru the Bhai se kaise niptogi yeh socho...

Waise darne ki kya hai baat ...

Jab Pritam pyaare hai saath...Adi ji..."

Humne kaha...

"Chup karo...tum bhi na...kuch bhi kehti ho..."

Hum yeh keh kar phirse gale mile...Meethi ne humare gaal phir zor se khinche...hamesha ki tarah...

Hum zor se chik diye...

Ofooo

Meethi: Guddo raani...ek hafte ke liye jaa rahe hai...kasar puri karke jaayenge na...

Hum donon phir apne apne bistar par jaa so gaye...

Ek aur raat guzar gayi...ab phir subah hogi...par ab agli subah se...mushkil ka saamna akele karna hai...meethi to chali gayi...

Subah ho hi gayi...hum akele college gaye...

Ab kuch hi din bache hai...aur unn janaab ka ata pataa nahi...agar humein unke saath practice karni bhi hai...toh pehle shakal toh dikhaye tab toh kuch sochenge...kya karna hai...

Hum college mein aa toh gaye hai...

Lekin karein kya...usse kaise dhunde...uss the bhai ko... VIRAF PATEL ko...

Hmne phirse ek counsil member ko pakda...woh bohot cute hai dikhne mein...lambe baal...badi aankhen...aur sab se muskura muskura kar baatein kar rah thi...

Humne socha...isse baat karna thik hoga...

Hum usske paas gaye aur kaha...

Hiii...I m Chhavi Pandey...PC ke liye select hue hai...pls humari madad kijiye...

Ussne kaha...

"hello...I m Vasu...haan main jaanti hun tumhe chhavi...tumhara first round mein performance dekha tha...it was gr8...u dont worry i wil help u...

So whos ur partner ????? Let me check...

Woh list dekhti usse pehle humne kaha...

Viraf Patel...GS of our college...

Vasu: Ohhh...toh you are Viffy's Partner...

Humne socha...ab yeh Viffy kya hai...

Humne kaha...

"Viffy????"

Vasu: haan...Viraf ko hum sab friends pyaar se Viffy kehte hai...aur pura college...Viru Bhai...

Humne kaha..."achcha...par ab hm karein kya...kuch hi dn bache hai...aur ab tak eoh humein mile bhi nahi hai..."

Vasu: Kya ???? Tumne ab tak practice nahi start ki...8 din mein contest hai...3 din mein final audition dena hai...fulll preparation ke saath...

Ek kaam karo...tum rehearsal hall men jaao...waise bhi...abhi college hours hai...abhi koi nahi hoga wahan...

Main Viffy ko bhejti hun...i wil manage everything ...u dont worry dear..."

Humne poocha...

"Rehearsal hall hai kahan...yeh bata dijiye..."

Ussne humein bataya...woh sach mein kitni pyaari thi...jitni pyaari soorat utni hi pyaari baatein...aur sabse aham baat...

Meethi ke baad agar iss college mein kisine hum se achche se baat ki toh woh yeh hai...Vasu...ohhh hum Adi ko bhool gaye...woh shararti baatein karta hai...par sweet hai...woh bhi...

Yeh sab sochte hue hum rehearsal hall tak pohonch gaye...

Darwaaza khola...ander andhera tha...

Humne jaise hi light on ki...ek taraf ki lights on ho gayi...woh hall humare class room jitna bada tha...itne saare mirror lage hue...

Jab hum uss hall ke center mein aa khade hue toh har taraf hum hi nazar aa rahe the...

Humne dhudhiya colour ka saada sa lakhnawi anarkali pehna tha...humara khud ka banaya hua...par kabhi socha na tha...yeh kapda hum itna pyaara bhi lag sakta hai...

Yeh toh ek dam filmon jaisa ya sapne jaisa tha...humare liye...

Hum khushi se jhoom uthe...

Wahi par paas mein music system tha...humne ek do CD dekhi...kuch nayi...kuch english thi...par ek puraane songs ki bhi thi...humne woh lagayi...

Aur music start kiya...dupatte ko kamar se bandha...baalon ko sameta...

ab jahan sangeet ho wahan yeh morni shaant kaise reh sakti hai...humare kadam toh thirakne the hi...raqs toh karna tha hi...aur upar se yeh hall...

Hum naach pade...

Main jaise hi bike se utra uss Raat raani ko khojna tha...kahin usse pata na chal jaaye...

Jaise hi Audi mein pohoncha Vasu mil gayi...ussne mera kaan pakda aur mujhe daant lagayi...

Kahan ho tum...uss ladki ke saath abtak practice kyun nahi start ki...bolo...bolo...woh bichari kitni parshaan hai...

Maine kaha...

Vasu Mata...dayawaani devi...pehle mera kaan chod batata hun...

Vasu:jaldi kaho...mujhe kuch nahi pata...mujhe 3 din mein final practice ready chahiye samjhe...

Maine kaha...

"Ji Mata...aap ka hukum sar aankhon par...par meri bhi ek shart hai..."

Vasu: Achchji...ab aap ki shartein bhi aa gayi...kyun maanu main hukum...

Maine kaha...

"Achcha pls darkhwast samjh lo...pls pls pls...mana mat karna..."

Vasu: kaho...lekin abhi tumhe practice ke liye jaana hai...

Maine Vasu ko dheere se kaha...

"suno woh ladki hai na...Chhavi...

woh jab tumhare paas aakar kahe ki uska naam Adi ke saath daal do performance mein...toh tum haa keh dena...bas itna karna hai"

Vasu: Arre par performance toh tumhare saath hai...Adi kahan perform karne wala hai..."

Maine usse chup karate hue kaha...

"Meri maa...chilla kyun rahi hai...dheere bol...dekh woh misunderstanding ki wajh se samjhti hai main Adi hun...aur perform usse viffy ke saath karna hai...ab main Viffy ban ke kaise milun..."

Vasu: toh sach bata dona...

Maine kaha...

"Bata dunga...tum tension na lo...abhi iss khel mein mujhe bada maza aa raha hai...baad mein bata dunga...bass mane jo kaha hai...tum woh kar dena...samjhi sweety..."

Maine usse ek tight hug di aur thanku keh chalte bana...Vasu ne peeche se awaaz de kar kaha...rehearsal hall mein hai woh...

Main ussi taraf badh gaya...

Vasu humare group ki sabse pyaari ladki...meri sabse pyaari dost...ek woh hi hai...jo mujhe kaan pakad ke bhi chillati hai...aur utne hi pyaar se gale bhi lagaati hai...uski har baat mere liye hukum hai...Viffy ka dabdaba collge par...Viffy pe Vasu ki pakad...hum donon ka rishta bht pyaara aur anokha hai...uss choti si gudiya ki mujhe school ke zamaane se aadat hai...

Humara group...Vasu...aditya...Nandani...

Yug humare school ka...woh humare saath yahan college mein nahi...ussne dusri feild chuni hai...par woh humare group ka hissa hai...

Hum yaar dost...yahi meri duniya hai...inhi se ghira hua hun...inhi ke dam pe hukumat karta hun...yeh sab mujhe bohot pyaare hai...

Aditya mere chote bhai jaisa hai...Nandu thodi talkh hai zabaan se par dil ki achchi hai...Yug toh mera yaara hai...mera sabse qareebi...mera raazdaar...mera bina kahe meri aankhen sirf wohi hai...jo padh leta hai...air meri pyaari gudiya...Vasu...jisska roab mujhpar chalta hai...hum paanch hai...bilkul ek muththi ki tarah ...jo hai toh alag alag khasiyat ke...par humari taaqat ke aage sab pheeka hai...

Woh muththi jissmein meri jaan basti hai...in mein se ek ki bhi aankh ka aansun mujhe barsasht nahi...

Jo koi unhe takleef dega...uska toh bhagwaan bhi maalik nahi...

Inhi sab khayaalon ke saath ...rehearsal hall ki taraf bada...

Wahan mujhe koi dhun sunai di...ab Raat rani ne kya kiya dekhna baaki tha...

Thanks for reading ...tolerating me...

Edited by ShagufElina - 11 years ago

Quote

Archana

@Archi21

Sparkler

Posted: 11 years ago

#92

Shagu ⭐️
update 👏

Chhavi-Meethi ki dosti ⭐️ 👏 👏
bahut khub byaa ki hai inki dosti tum ne 👏
Aisi dost har kisi ko mile 😃

Vasu ⭐️ so sweet 😃
Chhavi ka khud ko niharna 😃
aur phir...raks 😃 👏 👏

aane doo Viffy ko 😉 abhi ghayal hoge 😆

Vasu-Viffy ki dosti 👏
Bahut pyari dosti hai 😃
kan pakadna, datna 😃 👏

Viffy ne apni dosti aur dosta ka badhiya description diya hai 👏
aisi dosti sab ko mile 😃

oho...Viffy sahab ne too bechari chhavi ko pareshan karne ka pura irrada bana liya hai 😛
ab naam badal kar pareshan karna hai 😛

Ab kya hoga inn ki mulakat ka...anjam 😃
kya hoga viffy ka reaction chhavi ka dance dekh... 😃

beautiful update 👏 😃

Edited by Archi21 - 11 years ago

Quote

Looks like you are new here. Register for free, learn and contribute.

Shagufta

@ShagufElina

Rocker

Posted: 11 years ago

#93

Part 8:

Ek saaz utha hai jiss mein mashgool hai...

Ek mauka mila hai jiss pe dil mashkoor hai...

Aankhen band kar hum saaz par thirakne lage har taraf hum hi nazar aane lage...hum toh aoni hi dhunki mein magan the...

Jaise hi dheere se darwaaza khola phirse uss Raat Rani ko naachta paaya...eoh toh shuru ho chuki thi...chahe kuch bhi keh lun isse...ladki gazab ki hai...har jagah apna nishaan banati hai...jaadoo hai iss ki hr adaa mein...opppsss...sambhal beta...kya kar raha hai...kahin phisal na jaaye...par marta kya na karta...jab saamne haseen manzar ho toh kaun kambakht nazrein pherna chaahe...

Main darwaaze par khada usse dekh raha hun...

Kehna hi kya yeh nain ek anjaan se jo mile

Chalne lage mohabbat ke jaise yeh silsile

Armaan naye aise dil mein khile,

Jinko kabhi main naa jaanoon

Voh humse, hum unse kabhi naa mile,

Kaise mile dil naa jaanoon

Ab kya kare, kya naam le,

Kaise unhe main pukaaroon

Kya lines hai...iss song ki yeh sunte hi...mujhe pehli mulaaqaat yaad aa gayi...jab mujhe uss chandni raat mein as a chudail...iss Raat rani se Mila...

Pehli hi nazar mein kuch hum,

Kuch tum ho jaate hai yun gum

Nainon se barse rim jhim,

Rim jhim humpe pyaar ka saavan

Sharm thodi thodi humko aaye to nazarein jhuk

jaayen

Sitam thoda thoda humpe shok hawa bhi kar

jaaye

Aisi chali, aanchal ude, dil mein ek toofaan uthe

Hum to lut gaye khade hi khade

viffy beta tere pe ek dam suit karta hai...bhool gaya...tujhe dekh ke kya bhaagi thi...sahi kaha...sharma ke bhaagi thi...aur hawaa bhi tez chal rahi thi...

Kehna hi kya yeh nain ek anjaan se jo mile

Chalne lage mohabbat ke jaise yeh silsile

Armaan naye aise dil mein khile,

Jinko kabhi main naa jaanoon

Voh humse, hum unse kabhi naa mile,

Kaise mile dil naa jaanoon

Ab kya kare, kya naam le,

Kaise unhe main pukaaroon

Kya kahun...aisa naach rahi ho...koi tumse nazrein kaise hataye...main na chaah kar bhi...nazrein tum par jamaaye baitha hun...ab kya kahun...sach mein bas dekhta rahun...

Yeh sab kitna khoobsoorat lag raha hai...lagta hai pal tham sa jaaye...Ufff...yeh ladki mujhe kya kya sochne par majboor karti hai...

In honthon ne maanga sargam,

Sargam tu aur tera hi pyaar hai

Aankhen dhoonde hai jisko har dam,

Har dam tu aur tera hi pyaar hai

Mehfil mein bhi tanha hai dil aise, dil aise

Tujhko kho naa de, darrta hai yeh aise, yeh aise

Aaj mili aisi khushi, jhoom uthi duniya yeh meri

Tumko paaya to paayi zindagi...

Huhhh...yeh toh viffy pakka tere liye hai...woh itne dinon se tujhe hi dhoond rahi hai...jo tu usse abtak na mila...main aage badha...aaj usse khushi de hi dun...ki main hi Viffy hun...jisski usse talash hai...mere kadam dheere dheere aage badhe...

Hall mein darwaaze ki taraf roshni nahi thi...usse pata na chal paya...woh apni hi dhunki mein thi...

Kehna hi kya yeh nain ek anjaan se jo mile

Chalne lage mohabbat ke jaise yeh silsile

Armaan naye aise dil mein khile,

Jinko kabhi main naa jaanoon

Voh humse, hum unse kabhi naa mile,

Kaise mile dil naa jaanoon

Ab kya kare, kya naam le,

Kaise unhe main pukaaroon

Kehna hi kya yeh nain ek anjaan se jo mile

Chalne lage mohabbat ke jaise yeh silsile

Kehna hi kya...

Yeh kya...itna passion...itna qaraar...itni tadap...aur itna pyaar...sab ek saath...kuch hi pal mein...kaise kar paati hai...yeh Raat Rani...yahi soch raha hun...

Aur woh mujhse aa takra gayi...girti par maine sambhal liya...

Woh kuch der mujhe dekhti rahi aur main usse...yunh bikhre baal...aankhon mein junoon...lagan ...chahat ...qaraar...jazbaa...kitna kuch dekh sakta tha main uski aankhon mein...

Woh pal kitna ajeeb tha...abhi bahar kehkar aaya...usske maze leta hun...aur usse dekhte hi...kuch nahi...sambhal beta...concentrate on ur mission...Raat Rani...

Ufff yeh kya ho gaya...phirse takra gaye isse ...ab kya kahe...ki itna magan ho gaye ki dekha hi nahi...par isse kya pata hum kitne khush hai...

Hum donon seedhe khade ho gaye...

Donon hichkicha gaye...phir donon neeche dekhne lage...

Phir kuch socha...i said Sorry...

"Sorry"

Par yeh kya...donon ne phirse Sorry bhi saath mein kaha...

Ab bas...main hass pada ...woh bhi muskura di...

Offfooo yeh kahan se aa gaye...ab hum kya kahe...

Humne kaha...

"suniye...Aap pls Viraf ji se humari mulaaqaaat kara denge...Vasu ne kaha hai...2 din mein final practice chahiye...aur na woh humein nikaalna chahte hai...aur na hi humare saath practice...hum kare toh kya karein...

Maine kaha...

"Maine kaha tha tum tension na lo...main tumhare iss masle ka bhi hall nikaal laya hun...

Viffy se meri baat ho gayi hai...ussne kaha hai...Vasu se pooch lo...woh tumhe ba degi...timhe kiss ke saath perform karna hai...as Vifffy is busy in other things...

Hum khush ho gaye...performance karna hai kya hua...par ab uss gunday ko nahi dhndna hai...waah ...baat ban gayi...hum khushi se chilla pade...

"Sachchi"

Main kya kehta...jaal bichya hai...phasan atoh hai hi...aur kaha...

"haan ...Vasu se pooch lo...jao..."

Hum itne khush ...humne kaha...

"Thank u akhir kitne baar kahe tumhe...sach men tum kitne achche ho...aur ek woh hai...jinn janab ke fursat toh chodo...kisi se mukhaatib hone tak ka waqt nahi...gunda kahin ka...

Sorry hum jaante hai woh aapke dost hai par hum kya karein woh aisi harkat karye hai toh...

Hum abhi aate hai...Vasu se poochkar..."

Hum daud kar Vasu ke paas gaye aur unhe bataya...

"dekhiye...Aditya ne Viraf ji se baat kar li hai...unhone kaha hai...aap hmare liye dusra partner arrange kar degi..."

Vasu: " Achcha Viffy ne aisa kaha...Adi se...ruko main dekhti hun kya ho sakta hai..."

Vasu list check karne lagi...aur kaha...

Vasu: "Adi ...kahan hai..."

Humne kaha...

"Ji woh toh rehearsal hall mein hai..."

Vasu: usse kaho wahi rehne...bcz he is ur partner now...woh tumhare saath perform karega...ok dear...now ur problem is solved...so do well...all the best..."

Humne jaise hi suna...Adi...

Phir socha Achcha hi hai...woh humari madad karenge...aur performance achcha bhi hoga...

Hum khushi khushi phirse rehearsal hall mein gaye...

Aur Adi ke paas gaye...

Aayi Musibat waapas...ab aayega maza...jeet ka maza toh chakh chuki hogi...ab chlega Viffy apni chaal...

Adi: kya hua...baat bani...

Humne kaha...

"haan ...aapko pata hai ab humare saath kaun perform karne waala hai...

Maine socha...

Bolo bolo...aur khushi se bolo...kuch bhi keh lo hun toh main hi...aur kaha...

"Kaun..."

Humne kaha...

"Aap"

Main toh usske chehre ko dekh raha tha...itni khushi se keh rahi thi...par Raat Rani tum yeh nahi jaanti...Viffy kya cheez hai...maine bhi pyaari si shakal bana kar kaha...

"Achcha...ussne mera naam liya...phir toh achcha hai...practice shuru ki jaaye..."

Humne kaha...

" kyun nahi...aaj se abhi se...

Humein ek baat kehni thi...Thank u...ab sach mein bohot achche ho...

Maine socha...aur sharati smile dene laga...

"Yeh baat mein dam hai...main hun toh sach mein achcha...lekin thoda hat kar..."

Hum thodi baatein karne lage...kya perform karna hai...kaunsa song...kaunsa dance...kaise hoga...aur sabse main humara waqt ka maslaa...

Maine poocha...

"tumhe kya kya aata hai..."

Humne kaha...

"classical kathak..."

Maine kaha ab lunga maze...aur poocha...

"tumhe contemprary...Salsa...yeh sab aata hai kya..."

Yeh inhone kaisa sawaal poocha ...kya humein dekh kar waqai lagta hai...hum salsa girl jaise hai...dukhti rag ko kyun chedte hai...aur humne udaas chehra banaate hue kaha...

"Nahi..."

Maine kaha...

"koi baat nahi...dekhte hai...kya karna hai...

Ruko main tumhe kuch steps dikhata hun...chahiye toh practice kar aana...kyunki abhi kuch decide nahi hai...so thoda bhi jaan lo toh behtar hai..."

Maine usse kuch steps bataye...usska chehra dekhne laayak tha...hosh ude hue the mohtarma ke...ussne kabhi socha na tha...main yeh bhi kar sakta hun...

Hum toh dekh dang reh gaye... unse kaha...

"aap toh bohot achche dancer ho...sach mein...socha na tha..."

"thanks..."

Maine socha ...aaj ke liye...itna maza kaaafi hai...asli rang toh kal se chadega...maine kaha...tum ab jao...college hours khatam ho gaye hai...par tum bhi socho...aur main bhi sochta hun...kya karna hai ...ok...

Humne kaha..."thik hai..."

Hum wahan se nikal rahe the...unhne peeche se humein bye kaha...humne bhi mud kar dekha aur bye kehte chalte bane...pehli baar kisi ladke ko dance karte dekha tha...woh bhi aise...hosh toh udne hi the...

Maine shararti andaaz mein Bye kaha...peeche se...ab hosh ude hai...hosh mein laana bhi toh hai...

Woh mud ke jaise hi dekhi...main phirse seedha ban gaya...aur phir woh chali gayi...

Hum phir ghar aa gaye...aaj Bua ghar oar aayi hui thi...humare ander aate hi humein daantna shuru kar diya...

Humne socha kitna farq hai...iss ghar ki aur clg ki duniya mein...woh rangeen...aue yeh be mazaa...Ek dusre se bilkul mukhtalif...

Phir wahi...

Pura din kaise guzra pata bhi na chala...

Raat ko hum thak gaye the...lekin...unhone jo step bataye the...humein woh seekhna bhi tha...

Bua na dekhe...issliye hum raat ko chupke se chhat par gaye...aur Chhat par seedhiyon ki taraf aad mein practice karne lage...

Main Yug se baat ki aur uske ghar aa gaya... aaj se Yug ke ghar ko apna basera bana liya hai...uss Raat rani par nazar rakhne ke liye...aur jo steps ka teer phenka tha...nishaane par laga...aur dekho...mohtarma ko raat ke andhere mein aakhir chhat par le aaya na...

Phirse Raat hai...aur Raat Rani aaj phirse dance kar rahi hai...main usse dekh sakta hun...

Manna padega...jo ek baar bataya hai...usse practice karne ki koshish kar rahi hai...mujhse ab raha na gaya...main chhat ko phaandta hua...usski chhat par jaa pohoncha ...aur kaha...

"Kya baat hai..."

Woh darr gayi aur mud kar mujhe hairaani se dekhne lagi...

Hum practice kar rahe the...achanak peeche se awaaz aayi...kya baat hai ...yeh awaaz toh Adi ki hai...par humein tahan kyun sunai de raho hai...mud kar dekha toh hoah udd gaye ...Adi!!!!!!!!!!!!

Hum ek dam dheemi awaaz mein cheek pade ..."Adi...aap ...aap yahan kya kar rahe ho..."

Maine kaha...

"Arre dance dekha toh taarif karne chala aaya ...ek baar ke batane mein...aisa asar waah..."

Humari toh jaan atak ke reh gayi...itna.darr gaye...kuch samjh na aa raha ...hum Adi se request karne lage...

"pls...pls...pls...aap yahan se jaao...nahi toh hum musibat mein aa jaayenge..."

Humne kisi ki aahat suni ...koi aa raha tha...ohhh no...shayad bua...hum toh Adi ka haath pakad usse bhagaane lage...jao...jao yahan se...

Hum keh hi rahe the...Bua seedhiyon se upar aa gayi...hum mud kar bua ko dekhte aur kuch samajh paate...ek baar uss taraf jaate aur yahan dekha toh Adi gayab...

Ek achanak kya hua pata nahi...peeche se Bua ne kandhe par haath rakh...aur kaha...

Bua:"Ohhh...Gudiya Raani...raat ko chhat par kya kar rahi ho ...apne aashiq se milne aayi ho kya...chalo neeche sone..."

Jaan halaq mein atak gayi thi...phir bhi khud ko sambhaal kar kaha...

"bua woh thodi bechaini ho rahi thi...toh chhat par chale aaye khuli hawa mein..."

Bua: thik hai ...aa jao neeche...pata nahi...yeh ladki na din main chain lene deti ...upar se raat ki neend bhi haraam kar rakhi hai...

Yeh keh Bua wahan se chali gayi...par humari yeh samjh na aaya...Adi gaye toh gaye kahan...

Main...main chakma dete hue...seedhi ki chhat par jaa leta...taaki usski khadoos bua ko dikh na sakun...jallad hai ekdam...bina baat ke kya kya suna gayi usse...

Yeh kya Bua ke jaate hi woh seedhi ki chhat se utar aaya...woh wahan seedhi ki chhat par let kar chhup gaye the...issliye Bua unhe dekh na paayi...jab bua seedhiyan chad uapr aayi...woh uss waqt seedhi ki chat par chad gaye...jo bhi ho...bua unhe bas dekh na paayi...

Humne phirse request karne lage...pls aap jao...yahan se...pls...Bua ne phirse neeche se awaaz di...Gudiya kahan reh gayi...

humne kaha...aate hai...

Maine kaha...

"jaata hun...jaata hun...par ek shart par..."

Humne kaha..."shart?????"

Maine kah..."hum dance koi sa bhi perform kare...par tum yeh dance form pura seekhogi mujhse...promise karo..."

Humne kaha..." Pakka...bas aap pls yahan se jaayiye ..."

Main uski taraf dekhta hua ek chhat se dusri...duari se teesri par jaate hue...Yug ki chhat par pohonch gaya...aur ishaara diya...jab pehli raat ko ishaara kiya tha...

' ' ' ' ' ' ' ' ' '

Humne dekha...aur ek aur jhatka...uss raat jiss ladke ne humein ishaara diya tha...aur hum chhup kar bhaag gaye the...woh Adi hi the...yeh kaisa ittefaaq hai...

Mera yunh ishara dete hi woh samjh hi gayi hogi...ki pehli raat waala woh ladka main hi hun...aaj toh sach much mazaa aa gaya...Raat Rani ki jaan nikalte nikalte bachi...

Hum neeche bistar par aa gaye...

Hum ab kya kahe...samajh nahi aa raha...jaan bach gayi bua se shukar hai...par sach mein...Adi wahi hai...uss Chandni raat waala ladka...

Ayaan na tha jo saamne aaya hai...

gumaan jo tha woh manzar paaya hai...

Pata na tha uss shaks ki haqeeqat...

par aaj dekh uspar yekeen aaya hai...

Edited by ShagufElina - 11 years ago

Quote

Archana

@Archi21

Sparkler

Posted: 11 years ago

#94

Wow... 👏 👏 👏
kya update hai 👏

maza aa gaya 😃

kya gana chuna hai chhavi ne 😃
viffy-chhavi ki mulakat par ek dam sahi baita hai 👏

haay...kya raks ka manzar tha...
Viffy ka yu uske raks mein kho jana

Jadu chal gaya chhavi ka 😃

par dekho too viffy ko ab bhi khel, khel raha hai chhavi ke saath

kaha chhavi usse apna acha dost samjhti hai aur kaha ye khel ,khel raha hai 😡

chhavi ne sach kaha, college aur ghar ki duniya kitni alag hai 😊

itni sidat se pratice kar rahi chhavi naya dance form 😃
aur ye kya... 😲 viffy uske chhat par 😲

tum ne meri jaan atka di thi 😛

kya chupa hai viify 😉
bua phir se gusa ho gayi guddo par

kya khub shaart hai 😃

Chhavi ko pata chal gaya ki ye wahi pehli raat wala ladka hai...kya karegi ab wo?
Ab kya hoga dance inka?
kis song par hoga? Kaunsa dance form hoga?
Viffy too khub maze lene wala hai ...

Update soon 😃

Edited by Archi21 - 11 years ago

Quote

HappyST

@HappyST

Voyager

+ 3

Posted: 11 years ago

#95

Awesome updates...👏

Thanks for the pm dear.

Quote

Shagufta

@ShagufElina

Rocker

Posted: 11 years ago

#96

Originally posted by: Archi21
Shagu ⭐️
update 👏

Chhavi-Meethi ki dosti ⭐️ 👏 👏
bahut khub byaa ki hai inki dosti tum ne 👏
Aisi dost har kisi ko mile 😃

Vasu ⭐️ so sweet 😃
Chhavi ka khud ko niharna 😃
aur phir...raks 😃 👏 👏

aane doo Viffy ko 😉 abhi ghayal hoge 😆

Vasu-Viffy ki dosti 👏
Bahut pyari dosti hai 😃
kan pakadna, datna 😃 👏

Viffy ne apni dosti aur dosta ka badhiya description diya hai 👏
aisi dosti sab ko mile 😃

oho...Viffy sahab ne too bechari chhavi ko pareshan karne ka pura irrada bana liya hai 😛
ab naam badal kar pareshan karna hai 😛

Ab kya hoga inn ki mulakat ka...anjam 😃
kya hoga viffy ka reaction chhavi ka dance dekh... 😃

beautiful update 👏 😃

ohhh Archu...tumhe itna achcha laga...thanks🤗

Quote

Shagufta

@ShagufElina

Rocker

Posted: 11 years ago

#97

Originally posted by: TasrinS
Awesome updates...👏
Thanks for the pm dear.

thanks Samima...

Quote

Shagufta

@ShagufElina

Rocker

Posted: 11 years ago

#98

Originally posted by: Archi21
Wow... 👏 👏 👏
kya update hai 👏

maza aa gaya 😃

kya gana chuna hai chhavi ne 😃
viffy-chhavi ki mulakat par ek dam sahi baita hai 👏

haay...kya raks ka manzar tha...
Viffy ka yu uske raks mein kho jana

Jadu chal gaya chhavi ka 😃

par dekho too viffy ko ab bhi khel, khel raha hai chhavi ke saath

kaha chhavi usse apna acha dost samjhti hai aur kaha ye khel ,khel raha hai 😡

chhavi ne sach kaha, college aur ghar ki duniya kitni alag hai 😊

itni sidat se pratice kar rahi chhavi naya dance form 😃
aur ye kya... 😲 viffy uske chhat par 😲

tum ne meri jaan atka di thi 😛

kya chupa hai viify 😉
bua phir se gusa ho gayi guddo par

kya khub shaart hai 😃

Chhavi ko pata chal gaya ki ye wahi pehli raat wala ladka hai...kya karegi ab wo?
Ab kya hoga dance inka?
kis song par hoga? Kaunsa dance form hoga?
Viffy too khub maze lene wala hai ...

Update soon 😃

Thanku Archu...mujhe bht khushi hui tumhara comment padhkar...🤗

Quote

Shagufta

@ShagufElina

Rocker

Posted: 11 years ago

#99

Part 9...

Mann mein ajeeb si kashmakash hai...

Jaane kya hai... Jo intezaar kar raha hai...

Aaj phir se nayi subah hui... Hum jald hi tayyar ho kar nikal pade... Rehearsal karni hai... Itne kam din bhi bache hai...

Hum jaldi jaldi... Apna kaam khatam kar clg je liye jaane lage... Aaj waqt se pehle nikal gaye... Taaki humein... Practice ke liye aur waqt mil sake...

Hum Rehearsal hall mein pohonch gaye... Subah hunaare siwa wahan koi na hota... Kyunki sab baad mein practice karte... Der shaam tak... Par humare liye toh woh mumkin nahi...

Yeh kya jaise hi andar gaye... Adi pehle se maujood the... Humein nahi pata tha...woh jaldi bhi aa sakte hai...

Humne kaha...

"Aap???? "

" Haan main... Kya tum mujhe pehchanti nahi... "

Main aaj... Usse pehle pohonchna chahta tha... Waise bhi mujhe iss khel mein otna mazaa aa raha tha... Main ek bhi chance misss nahi karna chahta... Aur waise bhi unusual cheezeb karna meri fitrat hai... Kyun Viffy beta...

" Nahi nahi... Humara woh matlab nahi tha...aap jaldi aa gaye na... Isiliye thodi hairaani hui... "

" haan... Ab humein saath dance karna hai... Toh practice bhi saath hi karni hogi na...Kyun "

" Ji Bilkul... "

" Toh kya socha tumne... Song... Style... Theme... Kaisa hona chahiye "

" humein laga woh aap decide karenge... "

" Haan... Par u r my partner na... So i want to knw ur choice also... "

Hum partner... Humein lagta hai... Yeh kuch zyaada hi humein importance de rahe hai... Humekn bhi inki ummeedon par khara utarna hoga...

Humne kaha...

" Aap hi batayiye... Humein inn baaton ka koi experience nahi... Humne aaj tak kabhi stage pe perform bhi nahi kiya hai... "

" Kiya nahi toh kya ab kar lena... Mujhe pata hai... Tum Achcha karogi... Aur phir main bhi hun tumhare saath... "

" Haan... Aap toh ho humaare saath... "

Ohhh God kitna meetha meetha bolna hota hai iske saath... Par asliyat toh dikha nahi sakta na...

Hum donon chup ho gaye yeh keh kar...

Phir ek dam se unhone kaha...

" Waise kal raat tumhara dance aur koshish dekh i m thinking for contemporary only... Ussmein thoda free style bhi add kar denge... Mujhe pata hai... Tumne classical seekha hai... But if we try this... Tumhe kuch naya seekhne ko bhi milega... Kyun kya kehti ho... "

Mujhe pata hai... Kal raat ki baat dubaara pooche issmein himmat nahi... Aur usswaqt ka expression toh main ab bhi na bhool paya... Kya hawayiyaan udi thi madam ki... Usde kya kehna tha... Haan hi kahegi na...

Akhir maine uska vishwaas jo jeet liya hai...

Mujhe nahi pata... Main usske saath yeh sab khel kyun khel raha hun... Par maza bohot aa raha hai...

"Haan... Aap ne sahi kaha... Yeh mere liye naya hoga... Par main poori koshish karungi...

Thank u for ur support... Aap meri kitni madad kar rahe ho"

"Arre mujhe issiliye rakha hai tumhare saath... Contest mere liye nahi... Tum freshers ke liye hai... Toh shuru kare"

"Haan Zarroor"

Phir kya humne practice start kardi... Unho ne mujhe aaj bohot saare basic steps sikhaaye... Body posture... Perfect pose... Perfect expressions... Dance ke time... Body laguage maintain rakhna... Contemporary mein... Pata nahi... 4 ghanta kab beet gaya...

Subah ke 7 se 11 baj gaye...

Unhone kaha...

" Ab thoda break le... Mere pet mein chuhe billi ab dance karne lage hai... Mujhe unhe bhi shaant karna hai... "

" Thik hai... "

" Toh chalo Canteen... "

" Aap jaayiye... Mere paas dabba hai... Main yahi kha lungi... "

" Dabba... Tab toh main bhi yahi khaunga... Bura na manna... Par mujhe ghar ke khaane se bohot pyaar hai... Jo mere naseeb mein bohot kam hai... "

Humne poocha...

" Matlab... "

" Matlab woh sab chodo dabba kholo... Jaldi... Mujhe bohot bhook lagi hai... "

Usne khaana aadha aadha kiya...

Main khaate khaate ... Nazrein jhukaaye sochne laga... ... Maine isse aisa kyun kaha...

Nahi kehna chahiye tha...

Jo baat ka zikar main kisi se nahi karna chahta... Woh isske saamne bhi nahi kehna chahiye... Next time se khayaal rakhunga...

Ab bas bhi kar sochna... Warna usse pata lag jaayega... Tune kuch atpata keh diya... Jaldi se mood mein aaja... Viffy...

Maine jaldi se usse poocha... Taaki maahol badal jaaye...

"Waise yeh hai kya... Bada tasty hai... "

Humne hasste hue kaha...

" Karela"

Main hairaan ho gaya...ek minute ke liye ruk sa gaya... Aur kaha...

"Really... Karela hai yeh... "

" Haan... Kyun... Aapne pehle kabhi Karela nahi khaya... "

" Ek martaba khaaya hai... Bohot kadwaa tha... Dobara kabhi chuaa nahi... Log kehte hai kadwaa karela... "

Hum aur hass pade...

" Aap ne sahi kaha... Karela kadwaa hota hai... Par har cheez ka ek tareeqa hota hai... Jisse har cheez ke aib ko dhak diya jaaye...

Karele mein agar gudd daal do... Toh uski kadwaahat apne aap kam ho jaati hai... "

" Sach kaha... Par yeh toh bilkul kadwaa nahi hai... Tumhari Maa ne banaya hai... Tabhi achcha hoga... "

Hum thode se hichkicha gaye... Aur kaha...

" Ji nahi... Humari Maa iss duniya mein nahi... "

" Ohhh sorry... Mera intention hurt karne ka nahi tha... Toh phir kissne banaya hai yeh... "

" Humne"

"Ohhh tab toh tum dher saare pakwaan banana jaanti hogi... Aur ek baat kahun... Tumhare haathon mein zaayeka bhi bohot hai... "

" Sach mein... Aapko itna pasand aaya... "

" Haan toh main jhooti taarif nahi karta... Kyun kisine aaj tak kaha nahi... "

Hum kya kehte... Baba zyaada bolte nahi... Chupchap kha lete hai... Daadi zyaada khaati nahi... Bua hamesha Nuqs nikaalti hai... Sirf Meethi aur Guruji hai... Jo kehte hai... Hum sochte the humara Dil rakhne ke liye kehte hai... Par aaj toh saabit ho gaya... Humein bohot khushi hai...

Humne phir kaha...

"Nahi aisi koi baat nahi... "

Sach bataun... Usska khana khaake... Mujhe bohot achcha laga...ghar ka khaana... Waqai...

Maine abhi jo bhi kaha... Mera ek ek lafz sachcha tha... Usske haath mein waqai zaayeka hai...

Janna chahta hun... Yeh Bandi aur kya kya kar leti hai... Aur phir baat badalte hue kaha...

"Toh phir tai raha... Ab se contest waale din tak... Tum mere liye roz dabba laaogi... I knw... Itna toh tum mere liye kar sakti ho...isse hukum samjho... Ya meri fees... "

" Fees?? "

" Haan... Fees... Main tumhe Dance sikha raha hun... Guru dakshna nahi dogi Balike... "

" Ji... Bilkul denge Hum... "

" Pls... Ek din Kathal ki sabzi... Zaroor laana haan... Woh mera fav hai... "

Humein pata na tha... Ek khaane ko lekar bhi hum donon itni baatein kar sakte hai...

Waise inke saath... Seekhne ka apna hi maza hai...

Aaj ka din kaise beeta humein pata nahi... Aur ghar jaane ka waqt bhi aa gaya...

Jaise hi waqt hua... Hum jaldi mein bas Bye keh kar bhaag gaye... Aur kuch keh na sake...

1.30 baj chuke the... Agar hum isse late hote... Toh shaamat aa jaati...

Upar se Meethi bhi nahi hai... Humein akele jaaana hai...

Yeh ladki bhi na... Ghode par sawaar hoti hai...bas jab Mann hua bhaag nikli... Koi nahi... Kal phir mulaaqaat hogi... Inn Mohtarma se...

Waise kal kyun... Aaj bhi toh hogi...

Favourite place... Chhat...

Hum ghar toh aa gaye... Par ab bohot se kaam baaki the... Ghar ka kaam khatam kar... Humein apne liye dresss bhi banana tha... Aur dance practice bhi karni thi...

Jaldi jaldi kaam khatam kar... Humne socha... Chhat par jaa kar practice kare...

Par aaj Rehearsal hall mein... Mirror ke saamne kar rahe the... Toh galtiyon ka pata bhi chala raha tha...

Hum neeche hi practice karte hai... Mirror mein dekh... Hum shuru ho gaye... Kaafi der practice ki... Aur bht kuch aa bhi gaya tha humein ... Ab thak gaye... Socha so jaaye... Par agar so jaaynege toh dress ka kaam kaise poora karenge...

Nahi Guddo Raani... Aisa nahi chalega...

Kyun na hum Chhat pe jaakar kar kaam kare...

Thandi hawaa bhi milegi... Aur kaam bhi ho jaayega... Yeh sahi hai...

Chalo jaldi se... Hum ek lal tain(Lamp) aur saara saaman le... Chhat par jaa banane lage...

Arre Yaar... Yeh Raat Rani...Aaj aayi kyun nahi... Ek ghante se wait kar raha hun...

Aaj itne saare basic steps sikhaaye hai... Usse toh yahan practice karte hue dikhna chahiye tha... Mehnat karne se peeche hatne waalon mein toh nahi... Phir aayi kyun nahi...

Utne mein Vasu ka Call aaya...

"Kahan hai Tu???? Aaya kyun nahi... "

" Hein... Tu aise kyun pooch rahi hai... Tujhe toh pata hai na... "

Vasu ne ek dam dheere se kaha...

" Arre Budhdhu... Mujhe pata hai... Nandu daant rahi hai... Issliye uske saamne acting kar rahi hun stupid... "

" Haan... Bol kaha gaya... Tujhe abhi humare saath hone chahiye tha na..."

"Hahahha... Vasu... Tu kitni badi Nautanki hai... Mere liye kya kya karti hai... Good acting haan... "

" Waise chal kya raha hai... Veeru ji... Oppps sorry... Aditya ji... "

" Kuch nahi... Tu enjoy kar kal batata hun... "

" Achcha ji... Laila ke liye mujhse munh pher liya... Very Bad viffy... "

" Laila... Kuch bhi haan... Bakwaas... Uss jaisi ladki... Pls... Mujhe dobara uske saath chidana bhi mat... Tu kal mil batata hun... "

" Achcha... Bye bye Viffy... Warna pata chala... Meri phone pe hi shaamat aa gayi... "

Gayi kahan yeh aaj... Chalo jaa ke dekhte hun...

Main phirse uski chhat ki taraf gaya...jaise hi deewar phandaa...Mere pir lamp se ja takraya...itna zor se chillayi...

Maine jaldi se uske moonh pe haath rakha...Yeh kya Raat raani... Wahi baithi thi... Deewaar se lag kar... Lamp gir gaya... Andhera ho gaya... Aur mera haath ab bhi uske moonh par...

Maine usse daanta...

"Kitna Chillati ho... Awaaz hai iska matlab... Aur yeh koi baithne ki jagah hai... "

Woh pata nahi... Kya...

Ummm... Ummm keh rahi thi...

Phir ishara kiya ki main uske moonh se haath toh hataaun...

Yeh haath hataata... Usse pehle... Bua ki awaaz aane lagi... Main phir apne wahi... Seedhiyon waale thikaane pe jaa chhupa...

Itni saari cheezen aur itna kam waqt pata hi nahi chal raha tha... Kab kya ho raha hai...

Raat raani ab bhi sadme mein thi... Aur Bua aa gayi...

"Kya hua... Kyun chillati hai... Itni raat ko chhat pe kya kar rahi hai... "

" woh Bua... "

" Woh woh kya hai... Batati kyun nahi... "

" Ji woh hum dress bana rahe the... Chhat par issliye aa gaye... Taaki aapki neend kharaab na ho... Par humare dhakke se... Lamp.. humare pair par gira toh humein chatka lag gaya ... Isiliye... Aur kuch nahi... "

" Yeh ladki bhi na sar dard hai... Jo kare so kam... "

Bua chali gayi...hum laltain thik karne lage... Taaki usse jalaye... Unke jaate hi... Yeh sahab aa dhamke...

" waah kya story banayi tumne... Waise Bua sahi keh rahi thi... Tum chillati bohot ho... Aur yeh bhi koi baithne ki jagah hai... "

" Pehle aap yeh bataye...

Yeh bhi koi aane ka tarika hai... Aur aane ka waqt... Koi bhi chillata... "

" Waise tum kar kya rahi ho... Aaj dance practice nahi karni... "

" Woh toh humne karli... "

Ohhh God yeh itna meetha kyun bolti hai... Sach mein...

" Aur Hum abhi... Contest mein jo dress pehenna hai... Woh bana rahe hai... "

" Sachchi... Kya tum dresss bhi khud hi banati ho... "

" Haan... Waise humein Meethi ne diya hai... Par dance me liye hum soch rahe the yeh waala pehne... Issiliye tayyar kar rahe hai... Issmein koi nayi baat toh nahi... Zardozi... Kadai Bunai... Quresia work... Lucknow ki har ladki jaanti hai... "

" Sabka toh pata nahi... Par maine pehli baar dekha hai... "

Jab tak humne laltain chaalu bhi kar di... Ab hum unki shakal dekh paa rahe the... Ajeeb baat hai... Itne der se hum donon andhere mein baat kar rahe the... Par roshni ki zaroorat mehsoos na hui...

Woh bhi humari tarah deewar se teka laga... Baith gaye... Unhone kaha... Batao toh tum kya bana rahi ho... Humne unke haath mein diya...

"Ohhh Wow... Its Amazing Chhavi... You are just marvelous... Kya design hai... Itna fine work its absolutely Amazing... Mujhe itni kam roshni mein itna achcha lag raha hai... Iska matlab yeh isse bhi kayi aur achcha hai... "

" Thanks... Par aap ab bas bhi karein... "

Humne halke neele rang ke...Anarkali ka neeche ka border gulaabi rang ke Quresia work se kiya tha... Aur gale mein bhi... Bade bade border ussi ke deaign se daale the... Aur baaki kapde pe... Silver colour ke dhaage sw zardozi ka work... Hum khush the apni taarif unke moonh se sunkar... Jaane kyun achcha laga...

"Ab aap jaaye warna sach mein iss baar pakde jaayenge... "

" Haan haan thik hai... "

Hum donon zameen par baithe... Iss tarah baatein kar rahe the jaise raat nahi din hai... Woh bhi humarai chhat pe ...

" Achcha thik hai ab Main chalta hun... Kal subah phir milenge... Jab tak song soch kar rakho... Waqt bht kam hai... "

Aur woh chale gaye... Humne khade ho gaye...

Ek haath mein laaltain aur ek haath se unhe bye kaha...

Aur phir khud bhi neeche apne bistar par aa gaye... Subah phir jaldi jaana tha...

Baatein kayi hoti hai... Par kuch kehne ki nahi hoti...

Andaaz jo kuch hote hai bas mehssos kiye jaate hai...

Main jaise hi Yug ki chhat par waaps aaya...

Mud kar dekha toh woh khadi thi... Ek haath mein lamp tha aur ek haath se ussne bye kaha...

Woh lamha waqai bht haseen tha...

Main Chhat par hi let gaya... Yug toh kab ka so chuka tha...

Par meri neend gayab thi... Yeh ladki kaun hai kya hai... Main nahi jaanta...

Main pichle 3 saal se logon ki Tafreeh leta hun...Clg ka Bhai hun... Sab par mera hukum chlata hai...

Kitnon ko parehsaan kiya hai... Par kabhi dobara palat kar unke baare mein na socha...

Par yeh Raat Rani mujhe sochne pe majboor kar rahi hai... Mazak chhota hai par phir mujhe kyun ab bada maloom lag raha hai...

Jabse mila hun itne dinon mein... Muhe yeh ek koi secret kitaab jaisi lag rahi hai... Jo kisi khazaane ki tarah mujhe mili...

Jisska roz main ek ek panna khoj raha hun... Aur usse mutassir ho raha hun...

Jaanta hun... Yeh main nahi... Veeru bhai... Jisse sab jaante hai... Jisse sab darte hai...

Aankhon par haath rakh... Zabardasti inn aankhon ko band karna chahta hoon ... Taaki koi mera aansun na dekh sake...

Par dil ke kisi kone mein yeh Chahta hun... Koi meri bhi iss band kitaab ko khole... Koi mere bhi panne palte... Koi mujhe bhi padhe... Jiss tarah main iss raat Rani ko jaan raha hun... Kaash...

Ek dabi si aas hai jo keh na sakoon...

Inn pyaasi nigaahon ko koi toh padh sake...

Edited by ShagufElina - 11 years ago

Quote

Archana

@Archi21

Sparkler

Posted: 11 years ago

#100

Shagu ⭐️

viffy too bade maze le raha hai iss khel ka 😛
dance practice 😃 discussion

Itna meetha bol raha hai viffy ...diabetes ho jayegi 😆
Ye viffy too kal raat wali baat use kar raha apni baat manvane ke liye 😛

viffy. ...dance teacher 😃

Haayee. ... kya hai viffy ka dard-e-raaz 😕

tiffin sharing ❤️

Hahaha. .. karela tasty 😃

dono ke dil mein dard hai ... umeed hai dono ek dusre ke dard ka illaj bane. .. jald 😊

Chhavi ne too khana khila kar lut liye viffy ko 😉 👏

Kya fees mangi hai viffy ne ... tiffin 😛 ... baas khana khila kar dil bhi le loo viffy ka chhavi 😉

Humari bhi favorite place baan gayi hai. . ⭐️ 😃

Thodi der kya hui aane mein chhat par viffy pareshan 😛 😆

Viffy- Vasu friendship 👏

Akhir raha naa gaya viffy se. .. dewaar par kar hi 😆

viffy ko chupne ki permanent place mil gayi hai 😉

chhat. ... par milna
ladki multi talented hai 👏

Jald hi chhavi. .. viffy ko padhegi 😃

Mazedaar update 😃 👏 👏 👏
masti ... mazak ... pehchan ... 👏 👏

Kaunsa song select hoga ... kaise dil se hogi 😉

update ka intezar 😃
🤗

Quote

1 ... 8 9 10 11 12

~Ulfat~ ViCha SS......updated part 10..11..12 page 16 - Page 10

Related Topics

Explore Topics