Ariya ts - Page 2

part 2

Next Day ETF Office- conference room

Liza: kal raat jo hume drugs mile the uski testing se pata chala hai ki woh bahot hi high quality ka cocaine hai, usually party drug ki tarah istemaal kiya jaata hai aur toh aur bahot costly bhi hai.

Chotu : woh toh hoga hi jin jin clients ke naam bataye the un logo ne woh shehar ke bahot badi hastiyaan hai

Sameer: maine local police ko unki details dedi hai kuch hi der headlines ban jaayegi unke arrest ki.

Riya: local police se yaad aya us Rakesh ko zara khatir ki zaroorat hai

Sameer: main police station jaakar pata karta hu us Rakesh aur havaldar ke baare main. Ayesha mere saath aao

Ayesha : ji sir

dono chale jaate hai

Riya: Shree call details se kuch pata chala?

Shree: ma'am Roshni ke naam par do number registered hai ek personal aur proffesional use ke liye aur dusra uske informers ke liye. jaise hi kuch pata chalta hai main aapko bata dunga.

Riya nod karti hai. kuch der baad.

Shree: ma'am accident ki raat ko Roshni ko jis number se call aaya tha woh kisi Mansoor naam ke admi ka hai. lekin woh uska regular informar nahi lag raha kyonki us number se use 6 mahine pehlese hi calls aa rahe the aur ajeeb baat yeh hai ki use sirf Roshni ko phone calls kiye gaye hai lekin hadse ke ek din pehle ek aur number par phone kiya gaya tha jiske sath almost 5 min tak usne baat ki aur woh number Arjun ka hai

Riya: What?

Chotu: lekin Arjun ne toh kaha thi ki woh Roshni ke kisi informer ko nahi jaanta tha.

Riya: ab is sawaal ka jawab woh Reporter hi dega. chalo

India 24 news channel office

Arjun apne cabin mein hai. bahar uske employees kaam kar rahe hai.

Minal: are Sakshi kya hua kiske khayalon mein khoyi hain?

Sakshi: main Arjun ke baar main soch rahi thi tumne dekha kaisi pattiyan bandh kar aaya maine pucha toh bola mind your business

Minal : woh tujhe ghas nahi deta toh kyun uske paas charne ko jaati hai tu?

Sakshi: kab tak nahi dega ek na ek din toh deni hi padegi...

tabhi Riya Shree aur Chotu ke saath waha aati hai

Riya: tumara boss kaha hai?

Sakshi: woh bina appointment kisise nahi milta aur aaj unki koi appointment nahi hai main unki secretary hu bolo kya kaam hain

Chotu threateningly aage aata hai : Jitna pucha jaaye utna jawab do warnaa...

dono dar jaate hai aur Arjun ki cabin ki taraf ishara karte hai

Riya seedha andar ghus jaati hai. Arjun shock ho jaata hai. woh kuch kehneki koshish karta hai lekin woh kuch react kare ise pehle Riya uska collar pakad kar use dhamkana shuru karti hai

Riya: TUMNE HUMSE JHUT KAHA TUM JANTE THE ROSHNI KISSE MILNE JAA RAHI HAI ISKE BAVJOOD TUMNE HUMSE YEH BAAT CHUPAYI

Arjun (surprised): kya? yeh tum kya keh rahi ho? mujhe nahi pata tha maine koi jhut nahi kaha tumse main sach keh raha hu

Riya uska collar chodti hai aur uske aage call records waali file fekti hai (sternly) : OH REALLY!!! agar tum sach keh rahe ho toh fir Roshni ke informer Mansoor ne tumhe kyun call kiya tha woh bhi accident ke ek din pehle

Arjun(confused): mujhe kuch nahi pata tum kya keh rahi ho main kisi Mansoor ko nahi janta... sach ...aisa bhi toh ho sakta hai ki itefaaq se wrong number lag gaya ho ya fir...

Riya (gusse me) : koi wrong number se paanch minute tak baat nahi karta!!! usne tumhe phone kiya tha aur tumne use baat bhi ki thi

Arjun(thoughtfully) : par aisa kaise ho sakta hai? maine kisi Mansoor se ...ek minute yaad aaya, us din mujhe ek admi ka phone aaya tha lekin uska naam Mansoor nahi Mohan tha usne mujhe milne bhi bulaya tha use koi info deni thi lekin jab mai waha pahuncha koi aaya hi nahi

Chotu : Dekho jhut bolne ki koshish bhi mat karna warna uska anjaam bahot bura hoga

Arjun : mai sach keh raha pls meri baat ka vishwas karo main jhut kyo bolunga

tabhi Riya ko Sameer ka phone aata hai.

Riya: ha Sam bol. woh usse info leti hai aur baat khatam hoti hai.

Riya : tum dono chalo mai aati hu.

dono ko kuch samaj nahi aaya par order maankar chale jaate hai.

Riya : tumhe... pata tha?

Arjun : kya?

Riya (softly) : yahi ki us waqt Roshni...pregnant thi?

Arjun puri tarah se numb ho jaata hai. use reaction dena toh dur uski kahi hui baat par vishwas bhi nahi ho raha tha. ek pal mein uske dil ka boj bad jaata hain. use gusse aaraha hai, rona aaraha hai ya khud par taras aaraha hain woh khud hi samaj nahi pa raha. Arjun ki haalat dekhkar Riya samaj jaati hai ki use is baare mein kuch nahi pata tha. use uske liye bura lagta hai. Arjun murat ki tarah wahi ka wahi khada hai. Riya uske kandhe par haath rakhti hai, Arjun presence me aata hai aur achanak se Riya ko tightly hug karke tut jaata hai. Ab Riya shock ho jaati hai lekin fir dheerese uske peeth par apna haath ferkar use sambhalne ki koshish karti hai. kuch der baad woh sambhal jaata hai toh use realize hota hai ki kya kar raha hai. woh Riya ko chodta hai.

Arjun : i'm sorry, woh main...

Riya : it's ok, I understand

kuch pal silence

Riya : main chalti hu, you take care and umm ... listen main janti hu ki main tumhara dard nahi samaj sakti lekin itna zaroor kahungi ki tumhari biwi tumhe is tarah dekh kar khush nahi hogi

Arjun uski taraf dekhta hai

Riya : anyways bye. kehkar nikal jaati hai

later in office

Riya mv" yeh kya ho raha hai mujhe, main Arjun ke liye zaroorat se zyada sympathy kyon feel kar rahi hu? ufff, case par dhyan de Riya madam"

Shree : ma'am Rathore sir ne kya kaha?

Riya : Rakesh ne apna muh khol diya use kisine paise diye the asli mujrim ko chupaane ke liye aur jhuti post mortem report banane ke liye. paise kisne diye use nahi pata. Shree uski bank account se pata karne ki koshish karo ki woh paise kaha se aaye haalaki mujhe nahi lagta kuch pata chale but try karne me harz nahi hai

Shree: sure ma'am.

Chotu : ma'am is Mansoor ne toh pura dimag ghuma diya mera. pehle woh Roshni ke paas gaya fir usne Arjun ko bulaya aur khud gayab ho gaya fir usne Roshni ko bulaya aur uska murder ho gaya. ye guthi sulajhne ke bajay aur bhi ulajh gayi

Ayesha: are itna mat ro Chotu mai thodi help karti hu.

Ayesha aur Sameer enter karte hain.

Riya: kya pata chala?

Ayesha: mere information ke hisaab se kuch 7 mahine pehle sikandar ka ek bahot hi khas admi gang chod kar jaana chahta tha lekin sikandar yeh risk nahi lena chahta tha isliye usne uski puri family ko maar diya aur use dhamkaya. us admi ne gang toh nahi chodi lekin I doubt ki itni aasani se usne sab bhula diya.

Riya: Yeh Mansoor bhi toh Roshni ko 6 mahine pehle mila tha na, dono incidences main zyada time difference nahi hai iska matlab ki yeh admi Mansoor hi hai jo badla lene ke liye Roshni ko information de raha taaki sikandar expose ho jaaye aur pakda jaa sake.

Sameer: exactly aur kisi tarah Sikandar ko is bare mein pata chal gaya hoga isliye woh uske aur Roshni ke piche pad gaya. Mansoor ne yeh baat batane ke liye Arjun ko warn karna chaha aur use milne bulaya lekin usse pehle Sikandar ke admi us tak pahunch gaye aur un logo ne Roshni ko bulaya aur uska murder karke accident ka roop de diya.

Liza : Murder kaise hua yeh toh pata chal gaya lekin Sikandar ka kya? usse dhundhna aasan nahi hai

sab soch mein pad jaate hain aur apni apni tarah se pata karne ki koshish karte hain. tabhi

Sameer: Ri... Arjun ne kaha tha na ki Roshni ka kuch saaman office mein pada hai agar Mansoor use information de raha tha toh usne woh kahi na kahi toh jama karke rakhi hogi na

Riya : ya right ye humne pehle kyun nahi socha, i'm sure Arjun ne uski cheezein wahi ki wahi rakhi hogi. let's go

puri team waapis news channel ke office jaati hai.

Arjun : tum sab firse yaha? dekho main jo janta tha ...

Riya: cut it Arjun ye batao ki yaha par Roshni ka cabin kaunsa hai ?

Arjun : left side pe teesra hai kyon?

koi jawab nahi deta seedhe andar chale jaate hain aur search karne lagte hain. Arjun unka peecha karta hain

Arjun : tum log kya dhundh rahe ho? pls uski cheezein mat hilana. koi jawab nahi aata. : koi kuch batayga ki kya ho raha hai? tum sab kya dhundhne ki koshish kar rahe ho?

Sameer: hume nahi pata hum kya dhundh rahe hai jab milega tab pata chalega ab chup chap ek kone me khade raho aur apne reporter doston se kaho ki humaare kaam me tang na adaaye.

kehkar darwaaze ki taraf ishara karta hai. puri office waha jama ho chuki hai. Arjun unhe jaane ka ishara karta hai. Riya ek cupboard kholti hain. usmein Arjun aur Roshni ki ek photo thi. dono bahut hi khush dikh rahe the.

Riya us photo ko Arjun ki taraf aage karke : ye shayad tumhara hai

Arjun woh photo leta hai. idhar Riya ko andar ek Ganpati ki murti dikhti hai

Riya: ye murti yaha?

Arjun : ha yeh uski favourite thi dhul na jame isliye maine use cupboard me rakh di thi

Riya nod karke murti ko table ki taraf le jaati hai

Sameer : kya hua?

Riya: pata nahi kuch ajeeb lag raha is murti ke baare main

Chotu : ha mujhe pata hai is murti main bhagwan ke haath mein modak ke bajay laddoo hai

Sab use unbelievable look dete hai.

Shree : mere bhai ghar jaakar pet bhar ke khaana kha lena

Arjun : Riya tumhe ismein kya ajeeb lag raha hain

Riya : yahi toh dekhne ki ... ek minute woh Mahabharat wala kissa pata hain jismein Ganesh ji apna ek daant todkar uski pen banate hain tabse unka naam ekdant pada tha aur isliye unki murtiyon mein ek hi daaant pura hota hain lekin isme dono daant sahi salamat hain

[guys ye meri information hai agar galat ho toh maaf karna]

Riya murti haath me uthakar ek daant hilati hain lekin kuch nahi hota phir dusra...woh andar press ho jata hain aur niche se kuch girta hain.

Sameer: ye toh pendrive hain, ho na ho isi mein Roshni ne Sikandar ke khilaf information ikhata ki hogi

Riya: Right Shree ise check karo

Shree pendrive check karta hain usmein Sikandar ke dhandhe ki saari details hain uske addein, aadmi wagera wagera. Puri ETF team action me aa jaati hain. agle do din mein Sikandar ka pura dhandha thap ho jaata hain. sab finally thodi chain ki saans lete hain. der raat ho jaati hai toh sab ghar jane ke liye nikalte hain. Riya gaadi start karti hain tabhi use Arjun ka phone aata hai.

Riya : ha bolo

Arjun: hi

Riya: hi kehene ke liye phone kiya hai?

Arjun: nahi mujhe abhi ek phone aaya tha ek anjaan admi ka usne mujhe kaha ki agar sikandar tak pahunchna chahtu hu toh use Shastri Park me milne aau abhi

Riya: abhi? dekho tum kahi nahi jaaoge ok ye...

Arjun: Riya main jaa raha hu tum logo ko sikandar ke admi mil gaye woh nahi ye humara aakhri mauka ho sakta hai tumhe aana ho toh aa jaaana bye.

Riya : Arjun pagalpan mat karo. lekin phone kat chuka : SHIT!!!!! iski toh main...

Nice update... Loved the dabangg Riya in dis... Felt really bad for Arjun...
Continue soon

Amazing plz continue soon

awesome update

superb amazing update

uff.. cliff hanger... aisa lagtha hai ki Arjun ka aatma Riya mein gus gaya aur riya ka Arjun mein.. 😆... But loved it.. thanks for PM.. Akela chalagaya ladne.. lekin usse patha nahi.. Jahan Arjun wahan Riya.. 😆..

Awesome update

Owesome. .

Arjun ke liye bura feel ho raha he.

Bechara vo to ye bhi nahi janta tha ki roshni pregnant thi...

Arjun ki halat dekhkar riya ko bura lagta he...kyo use kudh pata nahi...Par hame pata he ...kyoki use arjun pasand aane laga he.

Sik ka Sara dhandha saaf ho gaya..

Arjun ko kisi be phone karke bulaya. .jati Sik ki koi chal to nahi...

I hope riya waha pahoch jaye..

Originally posted by: sur1911

plz update soon