ff-KumkumSumit(Tu Mile Dil Khile)Upd20/05 - Page 7

fantastic i liked u way of explaing 👏 👏 👏 .
abb zaladi sa sukk ki shadi karo 😳

i have read the whole story and its fantastic cont soon

Sumit mandap me jaata hai aur Kumkum ab shadi ki main rasm ke liye taiyaar hone ke liye apne room me jaati hai, Kumkum ki bhabhi usse taiyaar karti hai. Mr.& Mrs.Sharma (Kumkum ke parents) pooja me baithne ke liye jaate hai, kyonki Kumkum aur Sumit ki shadi ab tak nahi hui aur jab tak shadi nahi ho jaati tab tak pooja me pati-patni ki jodi ko poooja me baithna padta hai aur vahin ladki ka kanyadan karte hai. Paditji Sumit ke joote nikalne ke liye kehte hai kyonki pooja me joote (Sumit ne pehni hui mojdi ko yahaan me joota kahoongi) nahi pehne jaate. Isliye Rahul niche jook ke Sumit ke pair me se joote nikalta hai aur Sumit mandap me pravesh karta hai. Mandap bahot hi acche se sajaaya gaya hota hai. Mandap me do rajwadi kursiya(Raja-Rani ki jaisi kursiyaa) aamne-saamne hoti hai, woh mandap square ke jaisa hota hai aur uske harek kone me saat-saat matkiyaan ekdoosre ke upar rakkhi hui hota hai aur woh phoolo ki mala se sajaai gai hoti hai, Mandap ke upar lighting ke liye joomar lagaya jaata hai, poora mandap gulab ke rangbirange phoolo se sajaaya gaya hota hai, mandap me zameen par do hearts hote hai, jisme Kumkum aur Sumit ka naam likha gaya hota hai. Dulhe-Dulhan ki kursiyaan ke alawa jo do side bachti hai usme ek taraf do vidvaan pandit baithe hote hai aur uske samne do gadde ki bethak banaai jaati hai, jis par Kumkum ke mata-pita ko bithayaa jaata hai.Is mandap koMairoo kaha jaata hai. Sumit kursi par bethta hai, uske baajoo me bayin side kursi rakhvai jaati hai jis par anwar yaani ke Rahul bethta hai taki Sumit ko mandap me jo zaroorat pade woh use lake de sake, Sumit ki daini or Roshni bethti hai jo apna loon utarnrka kaam shuru kar deti hai.

[Ab mandapki baate baad me karte hai kyonki ab hum jaayenge Kumkum ke kamre me jahaan woh apne dulhe ke liye saj rahi hai aur vaise bhi pooja me continuty chahiye hogi isliye chaliye mere sath Kumkum ke paas jaane ke liye]

Kumkum ke kamre me Kumkum taiyaar hone jaati hai, Kumkum ki bhabhi aur Jiya Kumkum ko taiyaar karte hai.

Jiyaa:(Kumkum ki baaki saheliyon ko) Tum sab ab niche jaakar dulhe ke joote churane ke baare me socho kyonki joote ki kimat to hume vasool ni hi hai.

Kumkum ki saheliyaan niche jaati hai aur woh sab dulhe ki tarif karti hai ki dulha kitna accha lag raha tha.

Kumkum apni orange colour ki sari change karke apna shadi ka joda pehnti hai,jo maroon colour ka Sumit ki sherwani aur paghdi se match karta hai. Yeh joda dulhan ko uske mamaji hi dete hai aur isse panetar kehte hai. Dulhan uspe apne sajan ke paas se chhab me aayi chhonri odhti hai.

Priya: Kumkum...............

Kumkum: Ji bhabhi, aapne kuch kaha?

Priya: Ji haan............

Kumkum: Kya? mera dhyan nahi tah.

Priya: Are, waah abhi se dhyan dulhe ki or hai, kyon?

Kumkum kaya bhabhi aap bhi.

Jiya: Kyon nhai hoga bhabhi, hamare jiju aap itne khoobsurat jo lag rahe the.

Kumkum sharma jaati hai.

Priya: Isme to koi shak nahi aur vaise bhi Sumit to varmala ke time pe bhi bas Kumkum ko aise dekhta raha ki jaane kai dino se usse dekha kyon naa ho.

Kumkum: Bhabhi, please. muje taiyaar hone me help ki jiyena varna vahaan se boolava aajayega aur me aisi hi taiyaar hoti reh jaaoongi.

Jiya:Didi, chinta mat kijiye. Sumit jiju aap ke alawa kisise shadi nahi karenge aur vaise bhi usse pasand hi kaun karega?(Priya ke samne aankh marke Kumkum ki tang khinchti hai.) Kyon Priya bhabhi kya khayal hai?

Kumkum: Tu ab bas kar, aur tere kehne ka matlab kya hai?

Priya: Kumkum isse jaane do sirf tumhari tang khinch rahi hai aur Priya tum ab ye mazaak band karo aur Kumkum ko taiyaar karne me muje help karo.

Kumkum ko Priya aur Jiya taiyaar karne me joot jaate hai. Priya Kumkum ke shadi ke jode ka paloo thik karti hai, Jiya Kumkum ke baal savaarti hai, Kumkum us din aadhe baal bandh deti hai aur aadhe khoole chhodti hai. Usne maroon colour ke diamonds aur golden colour ki jewellary pehni hoti hai. Mathe par bich me tika aur dono taraf bandishe bandhi hoti hai, kano me lambe joomke aur kanser hoti hai jo balo me lagai hoti hai. Naak me nath hoti hai, uske gale me teen haar ek doosre ke baad pehne hote hai, uski kamar pe ek chain jaisi chiz jisse kandora kaha jaat hai woh pehnti hai, uske hatho me upar baajoband aur kalaai me choodiyaan aur kangan pehne hote hai, uski oongaliyo me angoothiyaan hoti hai aur paaon me payal pehne huve hote hai. Itna sajne savrne ke baad Priya Kumkum ke mathe par bich me ek badi si bindi lagati hai aur baki dono taraf ek white aur ek maroon colour ki bahot sari bindiya karti hai jise peer kaha jaata hai. Iske baad Sumit ke yahaan se chhab me aayi choonari jo Kumkum ko choonari ki rasm me Veenaji aur dadima odhate hai woh choonari sir par odhai jaati hai. Is tarah Kumkum ekdum taiyaar ho jaati hai. Kumkum ko taiyaar hone par,

Jiya: Didi, apni nazar utha kar ekbaar aaine me apne aap ko dekho to sahi.................................

Kumkum apni nazar uthakar aaine me apne aap ko dekhkar sharma jaati hai.

Priya:Haaye, shringaar ka kya jaadoo chada hai tum par, kisiki nazar naa lage, chalo ek kala tika laga deti hoon.
Priya Kumkum ke kaan ke pichhe kala tika lagati hai.

Jiya:Bhabhi.........

Priya:Haan.

Jiya: Aaj to Sumit jiju gaye.

Priya: Aaj to do no itne khoobsurat lag rahe ki jaise swarg ke devi devta zameen par utar aaye hai.

Kumkum: Kya bhabhi aur hasti hai.

Wahaan mandap me joote nikalne ke baad pooja shuru hoti hai, Kumkum ki saheliyaa woh joote le jaane ke tarike plan karti hai aur pandit apne mantra padne lagte hai.

Vighneshvaray varday surpriyay, lambodhray saklay jagatjitay.Nagananay shruti yagna vibhushitay, gaurisutay gannath namonamste.
Vidya rambhe, vivahe ch praveshe nirgame tatha, sangrame sankate chaiv, vighnstya na jaayte....................

In mantro ke dvara Sumit aur Kumkum ke mata-pita ke paas ganesh poojan karvate hai.

Uske baad me vivaah ki rasm me jo jo devta zaroori hai unka aawahan karte hai.

Aaditasya namskarm ye kurvanti dine dine janmantara sahstreshu daridryam nop jaayte.
Stuta maya varda vedmata prachodayantam, pavmaani dvijaanaam, aayuhu, pranm, praja pashu kirti dravinam brahmvaryasam mahyam datva vrajat brahmlokam............
Abhayam dehi devesh paapan asmaan nivaaray vayam tvaam sharanam yaamah raksha na sarvagataan...................
Om sham no mitrah, sham varun, sham no bhavatvaryamaa, sham no indro brihspatihi............................

Ye sab mantra bol ke pooja karvaat hai aur Kumkum ko boolaane ke liye kehta hai. Is dauraan Sumit ke gale me se varmala ke dauran pehnai hui mala nikalwata hai aur jaimala ke liye doosri mala deta hai. Phir aamne samne jo Sumit aur Kumkum ke liye kursi hoti hai uske bich me Kumkum ka chehra Sumit ko naa dikhe isliye shol do bich me pakadke khade rehate hai aur mantra padhne lagte hai.
Doosri or shadi me hamesha dulhan ko mandap me uske mama hi lekar aate hai. Kumkum ke kamre me se uske mama usse lekar aate hai, Sumit Kumkum ko aur Kumkum Sumit ko dekh nahi paati hai. Kumkum dheere dheere apni hatho me mala liye mandap ki or jaati hai aur pandit ye mantra padhte hai.

Kuryaat sadaa mangalam..................................
Kshipra vetravati mahasurnadi gaya gandaki poorna poorn jalaihi samudra sahita kurvantuno mangalam,
Kuryaat sadaa mangalam.................................
Janaiyaa(Baraati) savdhan, dholiyo savdhan, Sthandevtabhyo savdhan, Ishtdevtabhyo savdhan, Kuldevtabhyo savdhan, Varraja(Dulha-Sumit) savdhan, Varmaa (Veenaji aur Kumkum ki maa) savdhan, Anwar(Rahul) savdhan, Loonvanti(Roshni) savdhan, Kanya padhravo savdhan..................................................
Is rasm ka arth yeh hota hai ki kanya yani ki dulhan ko mandap me boolane ka waqt aa gaya hai aur dulha dulhan ek doosre ko dekh nahi sakte jab tak sab savdhan naa ho jaaye , yahaan sabko savdhan isliye kefte hai ki shadi ab shuru ho chuki hai ab ek ladki ek ladke ki zindagi bannewli hai to sab log jaag jaiye aur is naye safar ke liye taiyaar ho jaaye jisme apki humsafar baannewali patni, bahoo sabko ek nayi disha dikhayegi isliye uske aaneka waqt ho chuka hai to sab dhyan dijiye. Is mantra padhne ke dauran Kumkum mandap me aa jaati hai, mantra khatm hone ke baad Panditji do no ke bich me se parda hataa dete hai, Kumkum Sumit ke samne khadi hoti hai aur parda hatne ke baad jab Sumit Kumkum ko dekhta hai to woh apne aaspaas kya chal raha hai woh sab bhoolkar bas Kumkum me hi kho jaata hai, sab log dulhan ke rooop ko dekh kar mohit ho jaate hai, Rahul Kumkum ko dekhta hai uss dauran Jiya Sumit ke joote chura leti hai. Phir pandit jaimala ki rasm nibhate hai jisme Kumkum Sumit ko aur Sumit Kumkum ko mala pehnata hai. Baad me pooja shuru ki jaati hai.

Panditji Kumkum ke mata-pita ko Kumkum aur Sumit ke pair ka angootha dhulvata hai, us par doodh ka abhishek karvata hai aur tika lagvata hai. Is rasm ka arth batate huve pandit kehte hai ki shadi ke din sumit aur kumkum ko bhagvaan Vishnu aur devi Laxmiji manaa jaata hai aur isliye unki pooja karvaate hai. Baad me kanyadan ke liye Kumkum ke maa aur papa Sumit kt dahine hath me Kumkum ka dahina hath dete hai, usme nagarvel ka paan aur sopari rakhte hai, uspe doodh ke abhishek karte hai, tika karte hai aur Kumkum ki choonari aur Sumit ke khes (khes matlab Sumit ki sherawani me jo choonari hai woh) ka kona lekar unke hath dhak dete hai, un par chaval ki bochaar karte hai. Usi dauran Kumkum ki maa Sumit ko aur Kumkum ko ek lal rang ki galden jariwali lambo gol dori ko dono ke gale me dalte hai, us dor ki pooja Kumkum ki maa, Priya, Veenaji aur dadima jo char suhagne hoti hai usse karvate hai, baad me Kumkum-Sumit ke bandhe huve hath par ghadi rakhte hai aur hast milap ki rasm nibhate hai.Us dauran pandit apne mantra padhte rehte hai. Sumit-Kumkum sirf ek doosre ko dekhte rehte hai. Yeh rasm khatm hone par do no ki kursiyaan jo aamne samne hoti hai, usse un dono ke hath chhudakar ek sath bajoo-bajoo me kar dete hai. Ab phere ki rasm ke liye agnikund mangvaya jaata hai, Kumkum ke bhai-bhabhi ko boolaya jaata hai.
Kumkum ki choonari aur Sumit ke khes ko bandhne ke iye Priya ko kaha jaata hai, Priya do no ke kone lekar uske bich me sopari aur sava rupiya rakhke ganthbandhan karti hai, jisse chheda-chhedi bandhna kaha jaata hai. Uske baad bhai ko har phere ke waqt apni behen ko paraye ladke ko sopte samay uske har dukho ka ant ho isliye agni me til aur jav dalne ke liye unke hatho me dena padta hai. Panditji Rohit se Kumum aur Sumit ki lagnapatrikaa mangvaate hai, Rohit panditji ko deta hai, panditji Kumkum aur sumit ke hath ek doosre me rakhke uske bich lagnapatrika rakhkar Rohit ko javtal uspar rakhne ke liye bolta hai, Rohit aisa karta hai, mantra bolne ke baad Sumit Kumkum ko woh sab aag me daal ne ke liye kehte hai, woh aisa karte hai aur pehla phera shuru haota hai, har phere ke waqt pandit dono ko ek side sopari rakkhi jaati hai usse paao lagakar aage badhne ke liye kehte hai. Sab log phere ke waqtun dono par phoolo ki bochhar karte hai. Har phere ke samay yahi sab hota hai aur aisa sab chhe phero tak chalta hai.Yahaan har phere par li jaanewali kasme likhihai.
1) Hamesha ek doosre ka sath denge
2)Ek doosre ka khayal apne se pehle rakhhenge
3)Ek doosre par atoot vishvaas rakkhenge
4)Ek doosre ke maan ka khyal rakkhenge
5)Ek doosre ke parivaarwalo ka khayal rakkhenge
6)Ek doosre ke prati rahi sari zimmedariyaa bakhoobi poora karenge
Antim phere me Kumkum Sumit se aage chalti hai, jisme Kumkum ye kasam leti hai jitni bhi moosibate hogi un sabse Sumit se pehle woh samna karegi. Is tarah phere poore hote hai.
Phir panditji Sumit ko Kumkum ki maang me sinddor lagaane ke liye aur mangalsutra pehnane ke liye kehte hai. Sumit vaisa hi karta hai aur shadi ki do rasme baki hoti hai jisme pehle kansaar khilane ke rasm hoti hai. Usme Kumkum ki maa kansaar aata hai (khane ki chiz hai) woh Sumit-Kumkum ko deti hai aur woh dono mantra padhne tak ek-doosre ko khilaate hai. Baad me chhar suhagane Priya, Veenaji, Dadima aur Mrs. Sharma ko panditji boolakar navdampati (Kumkum-Sumit jiski abhi abhi sahdi hui hai) ko aashirwaad dene ke liye bolte hai. Usme charo aurate Sumit aur Kumkum ko tika karte hai, un par chaval ki bochhar karte hai, unka mooh mitha katvaate hai, aur thode chaval apne hatho me lekar Kumkum ke kaan me kuch kehkar Kumkum ke hath me woh chaval de dete hai.
Priya: Tumhara aur Sumit ka sath hamesah bana rahe
Veenaji: Sada suhagan raho.
Kumkum ki maa: Tum dono hamesha khush raho.
Dadima: Doodho nav pooto phalo.
Phir Kumkum ko panditji un chavalo ko Sumit par dalne ko kehte hai, Kumkum aisa hi karti hai.Phir woh dono ko ekdoosre ke pati-patni ghoshit kiya jaata hai.

To be continued.........................................

Abhi thodi rasme or hai but next time...................
Please, give your reviews

great wedding 👏 👏 .
cont soon 😃

In dono ki sahdi to ho gai magar yeh do log ek jaan kaise ban jaate hi ye to kehna abhi baaki hai isliye ab shadi ki journey ko aage badhhate huve hum agle charan ki or jaayenge jahaan in dono ko do jism aur ek jaan banna hai, so let's go..................................

Shdi khatm hoti hai aur panditji bado ke aashirvaad ke liye kehte hai aur Sumit-Kumkum sab bado ke pair chhote hai aur sab bade hi pyar se un dono ko aashirvaad dete hai. Phir Raat ka dinner shadi ke baad lene ke liye intezaam karvaaye jaate hai, Kumkum aur Sumit ko khane ke liye bithaya jaat hai aur sab log Sumit-Kumkum ko mithaiyaa khilaate hai. Uske baad me vidai se pehle Kumkum ke vahaan jahaan mandap muhurt ki rasm nibhai gai thi vahaan ganeshji ke pooja ke paas un dono ko paao padhhne le jaaya jaata hai. Uske baad dono gharwale ek doosre ko tophe aur kapde dete hai jisse pehramni ki rasm kehte hai woh nibhai jaati hai. Pehramni ke baad me vidai ki jaati hai. Vidai ke dauraan Kumkum ke gharwale bahot rote hai, hall ke darvaaze ke bahar Kumkum Sumit ke jaane ke liye phoolose saji hui gadi aati hai. Vidai me Kumkum bahot roti hai aur sabse pehle apne hath me chaval leti hai aur unhe apne pichhe udati hai, baad me woh sabse gale milkar bahot roti hai.
Sabse pehle woh Priya ko gale milti hai.

Priya: Kumkum, apna khayal rakhna aur tumhari har ichchha poori ho yahi bhagvaan se prarthna.

Baad me Jiya aur Rohit ke paas jaati hai.

Rohit: Jaanti hai Kumkum tu jab chhoti si thi aur main tumhari chiz le leta tha tab tu kehti thi ke agar woh aap muje nahi donge naa bhaiya to main apko chhod kar chali jaaoongi.

Jiya: Haan, didi main bhi apko bhaiya ke sath milkar chadati thi.

Rohit: Aaj jo mangegi woh tere kadmo me rakh doonga, magar mat jaa....................................

Kumkum:Bhaiya, apni behen ko yaad to rakkhoge naa?

Kumkum apni maa ke paas jaati hai.

Mrs.Sharma: Kumkum apne ghar ko jaise tune hmesha mushkilo se bachaya hai ab isi tarah tumhe doosre ghar ko sajaan hoga, aaj teri doli yahaan se niklegi magar zindagi ka ant yanike teri arthi ab usi ghar se niklegi jo tera saccha ghar hai.

Ant me Kumkum apne papa ke paas jaati hai, aur uske papa Kumkum ko gale lga kar bahot rote hai.Sumit Kumkum ke baajoo me hi hota hai.

Raj(kumkum ke pita): Beta, Sumit. Main tumhe apni beti nahi beta de raha hoon. Aaj ek baap hone ki hesiyat se tumhe yahin guzaarish karoonga ki isne bahot si taklif jeli hai aur ab iski aankho me aansoo naa aaye yahi main tumse ummid karta hoon.

Aisa kehkar Sumit ke samne hath jodte hai.

Sumit:Are, uncle.Yeh aap kya kar rahe hai.Kumkum apki beti hai ur isnaate main apka damaad huva magar main apka beta hi hoon aur Rohit Kumkum ki aankho me kabhi aansoo aane nahi deta to apka yeh beta bhi vada karta hai ki zindagi me kabhi bhi Kumkum ko taklif pahonche aisa kuch nahi karoonga..............................

Kul:Haan, Sharmaji aap fikr mat kariye, Kumkum ne to pehle hi hamare liye itna kuch kiya hai aur aisi bahoo paakar to hamara jeevan dhanaya ho gaya.

Veenaji: Haan, ye hamare kisi acche karmo ka phal hai jo hume itni sanskari bahoo mili.

Dadaji: Aap, chinta mat kijiye Kumkum hmari bahoo nahi beti hi hai.

Dadimaa: Aur ab iski sari zimmedari hamari hai.

Kumkum - Sumit gaadi me beth jaate hai. Kumkum ki maa gaadi ke pichhle pahiye ki pooja karti hai aur iske aage shreephal rakhti hai gaadi ispe se chalti hai.Is rasm ko pahiya sinchna kehte hai aur iska matlab yeh hai ki ab Kumkum-Sumit apne ghar pe naya sansaar basane jaa rahe hai aur unki zindagi me aanewali har taklif unke raah se hath jaaye. Thode door tak Kumkum ke papa aur bhai Rohit us gaadi ko dhakka dete hai jo viday ki antim rasm hai aur phir gadi chali jaati hai. Raste me Kumkum ki aankho se aansoo behte hai.Sumit ye dekta hai.
Sumit apna rumal Kumkum ko deta hai.
Sumit: Kumkum, yeh lo aansoo ponch lo.Main janta hoon ki yeh sab itna aasan nahi hota magar tumhe tumhare is naye ghar me koi taklif nahi hogi ,tum jaisa chahogi vaisa hi hoga, please, muj par yakeen rakkho.

Sumit ke rumal se aansoo ponchkar,

Kumkum: Jaante ho Sumit ishvar ke baad sabse zyada tum par bharosa hai kyonki tumne mera hath tab thama jab mera koi nahi tha, isliye muje yakeen hai ki muje tum kabhi taklif nahi pahonchaoge.

Utni der me sab Wadhwa house pahonch jaate hai. Sab Kumkum ke swagat ki taiyaari karte hai. KUmkum jab gaadi se uarti hai tab uske kadmo me gulab ki pankhdiyaa bichhai jaati hai aur Kumkum ghar ke darvaaze par Sumit ke sath khadi rehti hai. Veenaji Sumit-Kumkum ki aarti karti hai, ponkhne ki rasm phir nibhai jaati hai, is baar Sumit -Kumkum dono kodiye ko todte hai, uske baad
Kumkumchaval se bhara kalash pairo se dhakaa mar kar kumkumwali pani se bhari hui thali me apne pair rakhti hai aur aage chalti hai jisse kanku pagla padvaani rasm kehte hai. Iske baad dono ko Sumit ke vahaan mandapmuhurt kiya hota hai vahaan le jaaya jataa hai, wahaaan darshan karke dono ko ek doosre ke hath me bandhe mindhol ko apne sirf ek hath se kholne ke liye kaha jaata hai. Kumkum turant hi woh chhod deti hai magar Sumit ko thodi der lagti hai. Is rasm ka matlab ye hai ki jo sabse pehle woh chhod deta hai woh un dono ki zindagi me aanewali har taklif ko mita dega. Baad me un dono ka gathbandhan hota hai woh chhodna padta hai woh rasm me pehle Roshni ko woh chhodne ke liye kaha jaata hai. Baad me do baar phir se woh bandh ke ekbaar Sumit aur ekbaar Kumkum se chhoodaya jaata hai jisse chhedachhedi chhodvani rasm kehte hai, ab ghar me le jaana hota hai magar Roshni darvaaz rokkar paiso ki maang karti hai, Sumit Kumkum ko paise usse dene ke liye kehta hai aur Kumkum aisa hi karti hai.Us din dulha dulhan ko jaagran ke karan aadhi raat jaagna padta hai aur baki aadhi raat me woh ek doosre ko dekh nahi sakte aur Subah dulhan ko pag phere ke liye le jaaya jaata hai tab tak dulha dulhan ko nahi dekh sakta aur aadhe din ke baad dulha dulhan ko lene aata hai aur uss din ukardi valaavni rasm ada karke hi suhag raat ki rasm ki jaati hai.Isliye sabse pehle Sumit-Kumkum ko hall me le jaakar kedikaydo ramaadvani rasm ki jaati hai, jisme doodh aur kumkum se bhare huve thale me angoothi daali jaati hai aur do ko dhhoondhhne ko kaha jaat hai aur do no harbaar eksath hi oh dhhoondhh lete hai, baad me jaagran ke liye dandiya ka jasn hota hai woh khatm hone ke baad Kumkum aur Sumit ko alag kar diya jaat hai, subah pag phere ke liye Kumkum jaati hai aur baad me Sumit usse lene jaata hai, ghar aakar sab brahmino ko khana kholaya jaata hai,yagna aur pooja ki jaati hai. Baad me Kumkum aur Sumit ke mathe se nimboo, namak, pani, paise aur anaaj
golgol phirakar usse phenk diya jaat hai jisse ukarda valavani rasm kehte hai aur Kumkum ko Suhag raat ke liye sajaaya jaata hai........................................

To be continued..........................................

Ab Suhag raat ki taiyaari ki jaati hai. Sumit golden colour ke Kurata-paijama aur Kumkum golden colour ka choli pehnti hai aur un dono ko hall me le jaaya jaata hai. Wahaan sirf dadima aur Veenaji hi hoti hai.

Dadima:Sumit,Kumkum ab sirf kal mooh dikhayi aur reception baaki hai. Magar shadi ki zaroori rasme poori ho chooki hai isliye tum dono ab ekdoosre ke sath waqt bita sakte ho.

Veenaji:Haan aur mooh dikhai ke baad Kumkum, tumhe ghar me koi mithai banakar hum sabko khilani padegi, yeh bhi ek rasm hoti hai kyon maaji.

Dadima:Haan, beta is rasm ka matlab ye hai ki jaise nayi bahoo rasoi me mitha banakar sabka mooh mitha karvati hai usi tarah se woh aisi hi mithas ghar ke har rishte me ghol de aur harek bandhan atoot ho jaaye.Chalo ab tum dono apne kamre me jaa sakte ho.

Kumkum aur Sumit dono eksath apne kamre me jaa rahe hote hai.

Dadima:Ye kya kar rahe ho?

Sumit:Kya huva dadima?

Veenaji:Are, Sumit aaj ki raat dulha apni nayi naveli dulhan ko apne hatho me uthakar apne kamre me le jaata hai ye rasm hai.

Dadima: Aur tum do no ko sharm naa aaye isiliye to tumhare dadaji aur Kul ko yahaan rehne nahi diya aur ab tum do no jaao.

Sumit Kumkum ki taraf dekhta hai, Kumkum dadima jaisa karne ko bolti hai vaisa karne ke liye Sumit ko ishara karti hai.Sumit Kumkum ko utha leta hai aur apne kamre me jaata hai aur darvaaza lock kar deta hai. Sumit ke kamre me har taraf candles jalaaye huve hote hai. Sara kamra aur bed phoolo se sajaaya huva hota hai.

Sumit: Kumkum.

Kumkum: Hmm.

Sumit:Woh aisi rasm ke baare me......

Kumkum:(Bich me hi rok kar) Tumhe kuch kehne ki zaroorat nahi Sumit. Woh ek rasm thi jaise shadi ki har rasm hamne poori ki hai vaise hi ye bhi ek rasm thi. Aur hamaare parivaar se badhkar hum dono ke liye or kuch nahi hai, haina...............

Sumit: Haan.

Sumit ek gift box apni almaari se nikalkar Kumkum ko deta hai.

Sumit: Tum agar boora naa mano to ek baat kehna chahoonga aur ye..........

Kumkum:Haan, tum mere sabse acche dost aur mere pati ho isliye tumhe aisi ijazat lene ki koi zaroorat nahi hai aur yeh kya hai.

Sumit: Kumkum, main tumse bahot pyar hi nahi magar beintihaan mohhobat karta hoon. Maine tumhe ek saccha dost hi nahi magar ek patni, khoobsurat sathi, humsafar, jeevansathi aur ardhangini ke roop me svikaar kiya hai. Jab tak tum nahi chahti hamare bich aisa koi rishta nahi hoga jo tumhe taklif pahonchaye aur main kabhi tumhe taklif pahoonche aisa nahi chahta, main tumhe har dum muskurate huve dekhna chahta hoon. Aur main hum dono ke bich sirf tan ka hi nahi maan ka rishta banana chahta hoon taki hum do jism or ek jaan kehla sake aur isiliye jab kabhi bhi tum muje dost se badhkar kuch manogi aur jab tum muje apne maan se apne pati hone ke saare haq muje dena chahogi to tum isme jo hai woh pehnkar aur apne hath me red rose lekar mere samne aana main samaj jaaoonga ki tumne muje apna sathi svikaar kiya hai. Yeh gift to aam tor par pati apni patni ko apni Suhaag raat ko deta hai magar aaj yahi gift main tumhe isliye dena chahta hoon ki jab kabhi bhi tum apne maan ki baat batana chaho tab muje ishara kar sako aur main uss din ka apni mot tak intezaar karne ko taiyaar hoon. Red rose pyar ki nishani hoti hai isliye woh muje ehsas karvayega ki meri patni se main kitna pyar karta hoon aur ye shadi ka bandhan saat janmo ke liye hota hai ye sab kehte hai magar bhagvaan se yahi prarthna karoonga ki tum hi har janam me meri jeevansathi bano.

Kumkum:Sumit, maine tumhare liye aisa kuch nahi kiya ki tum muje jeevansathi kaho.

Sumit:Jaanti ho Kumkum, Jeevansathi woh nahi jo har pal sath nibhaye magar jeevansathi woh hai jo pal bhar me jeevan bhar ka sath de jaaye. Aur tumne meri pareshaniyo me sath dekar sachmuch jeevansathi hone ka farz ada kiya hai.

Ye sunkar Kumkum ki aankhe bhar aati hai.

Sumit:Kumkum tumhari aankho me aansoo.

Kumkum:Sumit, ye aansoo sukun ke hai, aaj muje meri zindagi ne woh anmol rishta diya hai ki jisse meri zindagi aaj agar khatm ho jaaye to bhi gam nahi.

Sumit:Kumkum, sabkuch kehna magar aisi koi baat nahi karna jisse tum mujse door hone ki baat karo, ab main sab kuch bardast kar sakta hoon magar tumhare bina apne aap ko kabhi nahi.Thik hai chalo ab raat ho chuki hai hum so jaate hai.

Ye kehkar Sumit takiya aur chadaar lekar jaa raha hota hai aur Kumkum uska hath pakad leti hai.

Kumkum:Kahaan jaa rahe ho?

Sumit:Tum yahaan so jaao me sofe pe so jaaoonga.

Kumkum:Muje tum par bahot yakeen hai agar tumhe mere jism ke sath hi rishta banana hota to tumhe koi nahi rok sakta tha magar tumne woh sab muj par chhod diya, hamaare bich woh rishta bhale hi naa ho magar tum yahaan is bed pe mere sath so sakte ho aur muje tum par poora yakeen hai ki tum meri marzi ke khilaf kuch nahi karoge. Isliye tum wahaan nahi balke yahaan hi sooge.

Dono so jaate hai aur subah Kumkum ko mooh dikhai ki rasm ke liye taiyaar kiya jaata hai.Sab mehmaan aate hai aur mooh dikhai ki rasm geetsangit ke sath dhoomdham se ki jaati hai aur baad me Kumkum khir banaane ke liye kitchen me jaati hai.Khir banakar sabko khilati hai.

Dadaji:Beta, is khir ki tarah tumhare jeevan me bhi mithas aa jaaye yahi hamari duva hai.

Kumkum baad me dadima aur Kul ko khir khilati hai.

Dadima:Har rishte isi khir ki mithas me bandh jaaye.

Kul:Joog joog jio.

Veenaji:Doodho naav pooto phalo.

Dadima:Ab Sumit ko bhi khilade.

Kumkum aur Sumit ek doosre ki or dekhte hai.

Veenaji:Are, maaji hum sab hai isliye sharma rahe honge. Chaliye hum jaate hai aur sham ke reception ki taiyaari karte hai.

Sab log chale jaate hai aur Kumkum Sumit ki or jaati hai aur usse khir khilaati hai aur sham ke function ke liye sab taiyaari karte hai.

To be continued..........................................

Oh It was a mesmerising part. Great write up.. continue please.

Sham ka waqt hota hai aur sab reception ke liye bahar Kumkum aur Sumit ka wait karte hai aur yahaan Kumkum aur Sumit taiyaar ho rahe hote hai. Us din Kumkum ne morpichh aur navy blue colour ke combination ke saraara pehne hote hai aur usse matching honewali jewellary pehni hoti hai aur Sumit ne Kumkum ke saraara se matching blue colour ka grey colour ke combination wala bleazer pehna hota hai. Taiyaar hote waqt Kumkum apne saraara me piche jo less hoti hai woh band karne ki koshish karti hai magar uska hath wahaan tak pahonch nahi pata hai, isiliye Sumit ye dekhkar uske paas jata hai aur woh less band karta hai, Sumit jab woh less band kar raha hota hai tab Kumkum apni aankhe band kar deti hai aur Sumit jab woh less bandh deta hai tab

Sumit:Kumkum less maine bandh di hai, ab tum aankhe khol sakti ho aur ab tum taiyaar ho chuki ho to hum chalte hai bahar sab hamari raah dekh rahe honge.

Kumkum:(Aaankh kholkar)Sumit, abhi me adhoori hoon.

Sumit:Sari jewellary tumne pehni hai, to ab kya baki hai. Tum to poori ready ho.

Kumkum:Ek suhagan gale me mangalsutra aur maang me sindoor ke bina adhoori hi hoti hai.

Sumit sirf hasta hai aur Kumkum mangalsutra pehnti hai aur maang me sindoor sajati hai.

Kumkum:Ab hum jaa sakte hai, Sumit.

Sumit:Thik hai. To phir chalo.Magar ek baat hai.

Kumkum:Ab kya?

Sumit:Tum in dino kuch zyada hi khoobsurat dikh ahi ho aur aaj aur dulhan ke libaaz me to shayad itni khoobsurat to swarg ki apsara bhi nahi dikhti hogi aisi lag rahi thi tum.

Kumkum:(Sharmakar) Mr.Wadhwa, Mrs.Wadhwa pe ye jo jaadoo huva hai woh apke hi pyar ka hai aur isiliye main khoobsurat lag rahi hoon aur aap bhi bahot acche lag rahe hai.

Sumit:Phir bhi apke samne to hum fike hi pad jaate hai.
Chalo ab chalte hai.

Sumit jaata hai.

Kumkum:Ek minute.

Sumit:Ab kya huva?

Kumkum Sumit ke hath me apna hath dalkar kehti hai.

Kumkum:Ab chaliye. Bahar hum dono ke parivaar hume aise hi dekhna chahte hai.

Sumit:Kumkum, agar tum chaho to main to janam janam hum dono ko aise hi dekhna chahta hoon.

Kumkum Sumit ki aankho me dekhkar sirf muskurati hai aur dono bahar jahaan reception hota hai wahaan jaate hai.
Reception jahaan hota hai wahaan ek bahot bada stage hota hai, us stage pr phoolo se sajaaya gaya ek joola hota hai jis ar Sumit aur Kumkum ko bithaya jaata hai aur baajoo me fauvaare hote hai, dher sari roshni hoti hai aur bahot saare patakhe fode jaate hai. sab mehmaan dono ko shadi ki badhaiyaan dete hai aur hasi khushi ye function khtm hota hai aur ab unki shadi ekdum complete ho jaati hai............................................

To be continued........................................

Aage ab un dono ki ek hone ki dastaan hai jo unki normal life me hoti hai, unke baare me ab next time.............

awww it ws reli damn sweet 😳 😳

Shadi to khatm ho chuki hai ab do no kaise ekdoosre ke karib aate hai ye dekhiye...............................

Doosre din subah Kumkum taiyaar ho jaati hai aur phir mandir me jaakar pooja karti hai, Sumit ke liye breakfast taiyaar kar leti hai aur sab bado ke pair chhukar Sumit ko uthane ke liye apne kamre me jaati hai.

Kumkum:(Sumit ke bajoo me khadi rehkar)Sumit, Sumit. Utho naa.

Sumit gehri nind me hota hai aur Kumkum ye dekhkar apne aap se hi kehti hai.

Kumkum:Sumit,ji karta hai tumhe aise hi dekhti rahoon.Kitni sukun ki nind so rahi ho magar office bhi to jaana hai aur shadi ke baad pehla din hai to waqt pe bhi tumhe pahonchna padega, muje maaf karna magar tumhe uthana hi hoga.(Sumit se) Sumit, please uth jaao.

Sumit ki aankh khoolti hai aur woh Kumkum ki taraf ghoom jaata hai.

Sumit:Thodi der sone do, please.

Kumkum sir hilaar.

Kumkum:Der ho jaayegi, tum uth jaao main tumhari zaroori chize nikalkar taiyaar rakhti hoon.Chalo uth jaao.

Sumit Kumkum ki or dekhta hai.

Kumkum:Aise kya dekh rahe ho.

Sumit:Yahin ke marte dam tak .......

Kumkum:(Bich me rokkar)Uss din mujko to bahot salah de rahe the ki aage se aisa kuch mat kehna aur aaj khud hi aisi baat kar rahe ho. Ek baat dhyan se sunlo ki aage se tumne aisa kaha to tumhari Kumkum tumse kabhi baat nahi karegi.

Sumit:Thik hai. Ab aisa kuch nahi hoga.

Kumkum door jaati hai to Sumit uska hath pakad leta hai.

Kumkum:Kya huva.

Sumit:Good morning. Meri har subah aisi hi ho jab main sirf tumhara chehra dekhoon. Jaanti ho Kumkum muje bahot nind aa rahi thi magar tumhara chehra dekhkar to sirf yahin dil karta hai ki bas waqt yahaan thm jaaye aur main tumhe ji bhar ke dekhta rahoon.

Kumkum hasti hai aur zaarase alag andaaz me Sumit ko good morning wosh karti hai.

Kumkum:Sumit,Pani ki boonde phoolo ko bhiga rahi hai,Thandi lehre ek tazgi jaaga rahi hai.Ho jaaiye aap bhi inme shamil kyonki ek pyari si subah aapko jagaa rahi hai.

Sumit:To mera javaab bhi to suno.(Kumkum Sumit ki or ghooomti hai)Sooraj ugta hai apke kadmo ki aahat se, har kali khilti hai apke jaagne se, zayad at sona jaldi jaag jana kyonki hamari har subah ab hogi apki muskan se.

Kumkum wahaan se muskurakar chali jaati hai, Sumit bhi apne maan me muskurakar nahane jaata hai, Kumkum uski zaroorat ki sari chize taiyaar karke apne cupboard ki safai karti hai. Bahar aakar Sumit taiyaar ho jaata hai, Kumkum ne us din Sumit ke liye ek suit nikala tha.

Sumit:Kumkum, ye suit.

Kumkum:Haan, ye apke liye meri taraf se.

Sumit:Thank you magar ye tie.

Kumkum: Thanks kehne ki koi zaroorat nahi hai tumne wada kiya tha aur bhool gaye?

Sumit:Thik hai magar tie.

Kumkum:Kyon kya huva?

Sumit:Main aaj tak tie ke bina hi pehnta tha kyonki muje tie bandhni nahi aati.

Kumkum:Kya?

Sumit:Tumne to muje shadi ke pehle bhi dekha tha na? Maine kabhi bhi tie nahi pehni aur isse bandhna muje bilkul hi nahi aata. Ekbaar pehni thi tabhi papa ne bandh diya tha. Muje ye bahot acchi bhi lagi, main isse pehnana bhi chahta hoon magar......

Kumkum:Tum fikr mat karo, main bandh deti hoon.

Kumkum Sumit ko bandh deti hai tab Kumkum ko kamar se pakadne ki Sumit koshish karta hai aur Kumkum sharma jaati hai.

Kumkum:Tum bahar aa jao main nasta laga deti hoon.

Sumit:Sirf main akela kyon tum nahi karogi. Aur vaise bhi hume der ho jaayegi isliye tum bhi mere sath nasta karlo phir hum dono eksath jaayenge.

Kumkum:Magar kahaan aur tumhe office nahi jaana kya?

Sumit:Are, main office ki baat hi kar raha hoon. Tumhe bhi to aana hai aur woh project poora karana hai.

Kumkum:Boora mat manna Sumit magar.

Sumit:Magar kya.

Kumkum:Sumit main jaanti hoon ki main office jaati hoon to muje tum yaa ghar ka koi sadsya nahi rokega magar hamari shadi ho chuki hai aur ghar ke prati aur is parivaar ke prati tumhare prati kuch farz hai jisse main andekha nahi kar sakti. Woh project humne start kiya tha aur hum dono hi woh poora karenge magar main chahti hoon ki main us par ghar ke kamo ke baad jo waqt mile usme uska kaam complete karoo aur tumhe madad karoo magar main office nahi aana chahti.

Sumit:Kumkum tumne kya kuch nahi kiya uar ab ye bhi. Pata nahi chalta ki tumhara shukriyada kaise karoon. Main aur mera parivaar bahot bhagyashali hai ki hume tum mili.

Kumkum:thik hai. ab chlo bhi varna tumhe der ho jaayegi.

Sumit:Haan chalo.Shadi ke baad pehle din hi late ho gaya to office me sab hansenge.

Kumkum Sumit dinnig table par jaate hai. Sumit nasta karke jaanewala hota hai.

Kumkum:Sumit, ek minute.

Sumit:Kya huva?

Kumkum pooja ki thali lekar aati hai aur Sumit ko tika lagati hai. Sumit aarti leta hai, Kumkum usse prasad deti hai.

Dadima:Sumit, ek chiz or baki hai.

Sumit:Kya dadima?

Dadima:Kumkum ki maang me tumhe sindoor bharna hai.

Dadaji:Haan, Sumit.Jab hamari shadi hui thi tab bhi main Rajeshwari ki maang me sindoor bharta tha. Uske baad Kul aur Veena ne ye rasm nibhai aur ab tere aur Kumkum ki baari hai.

Sumit Kumkum ki mang me sindoor bharta hai aur office chala jaata hai.

To be continued..........................................