ff-KumkumSumit(Tu Mile Dil Khile)Upd20/05 - Page 6

Subah sab uthkar Sangit aur mehndi ki taiyario me joot jaate hai, Kumkum-Sumit bhi sabki in kaamo me madad karte hai aur aakhir sham ho hi jaati hai. Sumit apni kamre me taiyaar hone jaata hai aur Kumkum bhi apne kamre me taiyaar hone jaati hai. Sumit us din raat ko embroidary wali white colour ki Jodhpuri pehnta hai aur Kumkum light Pink colour ke saraara pehnti hai aur un kapdo ke sath match honewali jewellary pehnti hai. Wahaan Sumit apne kamre me apne hath me pehni hui ring ko dekhkar kehta hai. dil ka bharosa toota to ek aavaz aayi, chir ke dekh to ek chiz nikal aayi, socha kya hoga is khali dil me, lahoo ko dhokar dekha to Kumkum sirf tum hi tum nazar aayi.
Us taraf Kumkum bhi taiyaar ho chuki thi aur apni ring ko dekh kar kehti hai,
Kumkum: Din aate hai, din jaate hai. Kuch lamhe aapki yaad me goozar jaate hai. Inhi lamho ko sametkar dekhu to Sumit aap hi aap nazar aate hai.

Tabhi dadima Kumkum ko niche lene ke liye aati hai aur Kumkum ke paas jaati hai.

Dadima: Kumkum.

Kumkum: Ji haan dadima.

Dadima: Chal ab mehndi aur sangit shuru karne ke waqt ho gaya hai. Tu taiyaar hai na?

Kumkum: Ji haan dadima, me bilkul taiyaar hoon, chaliye.

Dadima: Ek minute rook.

Kumkum: Kya huva dadima?

Dadima: Tu bahot khoobsurat dikh rahi hai, tuje kala tika to lagadoon jisse tumhe kisikki nazar naa lage.

Dadima Kumkum ko kala tika lagati hai aur baad me Kumkum aur Dadima ek sath niche hall me jaate hai, doosri taraf Sumit apne cell par baat karta huva hall ki taraf aa raha hota hai, magar Kumkum usse pehle hall me pahonchti hai aur woh Sumit ko sab jagah dhoondhti hai magar usse woh nazar nahi aata magar achanak uski dil ki dhadkane tez ho jaati hai aur Sumit ke kadmo ki aahat itne shor me bhi uske kaano me padti hai, woh aahat ki taraf dekhti hai aur usse Sumit nazar aata hai. Sumit apni baato me itna khoya huva tha ki woh sidiyo ko dekhe bina hi chala aa raha tha, yeh dekh kar Kumkum gabhra jaati hai aur Sumit ki taraf bhagti hai aur wahaan jaakar Sumit ko rok kar kehti hai.

Kumkum: Sumit, kya kar rahe ho, abhi gir jaate. Sambhlo apne apko.

Sumit apna cell off karke, Kumkum ki khoobsurti ko nihalta chala jat hai aur kehta hai.

Sumit: Jab itna pyara aur haseen sathi sambhalne ke liye ho to sambhalne se zyada maza girne me hai.

Kumkum sharma jaati hai aur tabhi dadaji aur dadima wahaan aa jaate hai.

Dadaji: Kumkum, Sumit, tum do no ke bich ki ye baate sunkar bahot khushi hui ki tum dono apne atit ke aaine se bahar nikalkar ek nayi raah par chal rahe ho, bhagvaan tumhari har muraad pori kare.

Dadima: Tumhare dadaji sahi keh rahe hai, bhagvaan tumhe khushiya hi khusiya de.

Kumkum Sumit dono dadaji aur dadima ka aashirvaad lete hai aur tab Veena aur Kul aate hai.

Veena: Chalo Kumkum ab tumhare hath me mehndi lagaate hai, mehndi laganewali aa gayi hai.

Kul: Aur Sumit tum hamaare sath aavo, ab sath sath sangit bhi to shuru karna hai.

Ek taraf Kumkum ko mehndi lagai jaa rahi hai aur doosri or sangit chal raha hota hai.Kumkum ki maa, dadima, Kumkum ki bhabhi aur Veena sab uske hath me pehle shagun ki mehndi lagate hai aur baad me mehndi lagane wali Kumkum ke hath me mehndi lagati hai.

Veena: Are, iske hath me aisi mehndi lagana ki sari raat Sumit iske hath me apna naam hi dhoondhta reh jaaye.

Ye sunkar sab log haste hai, Kumkum sharmakar Sumit ki or dekhti hai aur Sumit ki nazar to sirf aur sirf Kumkum par hi hoti hai.

Mehnadiwali: Are, Kumkum tumhare hath me to mehndi ka kya rang chada hai. Jitna rang gehra hoga utna hi tum dono ka pyar bhi gehra hoga.

Sab khushi ke mahol me joom rahe hote hai aur function der raat tak chalta hai, function ke baad sab log doosre din ki subah ka intezaar karte hai. Kyonki subah ko haldi ki rasm nibhani hoti hai. Doosre din Kumkum white , red border ki sari aur Sumit white kurte paijaame pehnkar aate hai aur haldi ki rasm nibhate hai. Dono ko eksath haldi lagai jaati hai aur us haldi ka asar dekh ker sab yahi kehte hai ki inka rishta bahot gehra hai. Kumkum aur Sumit ek doosre ke maan ki baat aankho se batate hai aur dono bahot khush lagte hai. Haldi ki rasm khtm hone par sham ki shadi ki taiyaariyaan shuru ho jaati hai.

To be continued..........................................

Vee

excellent part!!! 👏 👏 loved the shayari, it was too good! Waiting for the wedding!! 😊

finally sukk ki shadhi 😳 👏 😳
cont soon 😳 👏

Ab to shadi me jaane ke liye taiyaar ho na, yahaan shadi me bahot mazaa aanewala hai aur vaise bhi Kumkum Sumit ki shadi hai to jaraa dil thamke bethiye kyonki ab shadi honewali hai aur hosh sabke udnewale hai, So get reddy and we are going to the journrey of Kumkum & Sumit 's wedding..................................................

Kumkum aur Sumit ki shadi ki taiyaariyaan joroshoro se hui aur aakhir me woh waqt aahi gaya jiska sab besabrise intezaar kar rahe the. Kumkum ko koi sagi behen nahi thi, magar uski ek chacheri behen thi,jiska naam Jiya tha, jo Sumit ki sali hui aur Sumit ke wahaan baraat nikalne se pehle samaiyu lekar jaana tha.

[yahaan samaiyu ka matlab yeh hai ki jab bhi kisiki baraat nikalti hai to usse pehle dulhan ke yahaan se dulhan ki bhatiji ya phir chhoti behen baraat ka swagat karne ke liye Dulhe ke paas jaati hai aur uske mathe par ek kalash rakkha jaata hai, jisme pani hota hai aur panch ashoka tree ke patto ke bich me ek nariyal hota hai, aur jo samaiyu lekar jaati hai, woh pehle dulhe ko tika karti hai, usse shakkar, miyhai ya good khlakar uska mooh mitha karti hai aur Dulhe ke baju me jo uska anwar hota hai woh dulhe ke hath me se paise nikalkar use deta hai aur baad me dulhan ki behen dulhe ka naak khinchti hai.
Anwar ka arth yeh hai ki dulhe ka dost ya to dulhe ki behen ka pati dulhe ke baaju me uski zaroorat ke liye baithta hai aur jab dulhe ke sali ya saans uska naak khinche to usse dulhe ko bachaye.
Dulhe ke pichhe bhi uski bhatiji ya chhoti si behen khadi rehkar ek nanni si glaas me jisme savaa rupiya, chaval aur sopari hote hai jisse hum apni bhashame loon kehte hai woh pehle hilaati hai aur phir dulhe ke pith par usse ghisti hai. Iska matlab ye hai ki loon utarne se dulhe ko kisiki nazar nahi lagti aur shadi ki rasm lambi hoti hai to dulha bich me hi so naa jaaye, jab dulhan ko mandap me laate hai tab woh dulhan ko bhi aisa hi karti hai, jisse loon utarna kehte hai.]

Mrs. Sharma: Jiya, chal jaldi, Sumit ke liye samaiyu karne jaana hai.

Jiya: aayi, taiji. Chaliye me taiyaar hoon.

Jiya, Mrs. Sharma aur rohit aur thode mehmaan Sumit ke ghar jaate hai aur samiyu karte hai aur tab Sumit ne maroon colour ka kurta aur paijaama pehna hota hai. Sumit ka dost Rahul Sumit ka anwar banaa hota hai aur Sumit ke dost ki beti Roshni uski loon utarti hai.

Sumit ko Jiya pehle tika lagati hai, mithai khilaati hai aur Rahul Sumit ke hath se paise lekar Jiya ko deta hai.

Roshni: sumit uncle,

Sumit: Haan, Roshni beta, kya huva?

Roshni: So to nahi gaye naa?

Sumit: Nahi, aisa kyon keh rahi ho?

Roshni: Woh isliye ki ab naak khinchne ki baari hai.

Rahul: Are, tum fikr mat karo main hoon naa.

Tab tak Jiya naak khinch leti hai.

Jiya: Jiju, aap to nahi bachnewale, meri didi bhale hi apko chhod de magar main to apko nahi chhodungi.

Roshni: Dekha, Rahuluncle, maine kaha tha naa.

Rahul: yaar Sumit, yeh saaliyaan to badi tez nikli.

Sab log haste hai, Kumkum ke gharwale shadi ki jagah pe pahoonch jaaate hai, Kumkum ne tab sirf orange colour ki saari matching shringaar ke sath pehni hui hai aur Sumit ke gharwale bhi wahaan pahoonch jaate hai aur Sumit aur Kumkum wahaan hi taiyaar honewale hote hai.

Dadaji: Chalo, Rajeshwari. Kahaan reh gayi?

Kul: Haan, maa ab Kumkum ko choonar odhhane ki rasm aur chhab lekar nahi jaana kya?

Rajjoji: Are, haan haan, Veena aur main sab taiyaar to karle.

Veena: Ji, maaji sab taiyaar hai. Ab sab logo ke sath chalte hai, magar Sumit ka to ab koi kaam nahi hai, usse aap zara jaakar kahiye ki woh taiyaar ho jaaye kyonki choonar aur chhab ki rasm me to woh shamil nahi ho sakta, aur rahi baat Kumkum ki to usse to shadi ka joda aur choonari jo hum yahaan se odhhayenge woh to usse Jaimala ke baad hi pehnani hogi.

Kul: Matlab ki Kumkum Jaimala ke baad taiyaar hogi.

Dadaji: Haan, beta kyonki Chhab aur choonari ke baad hum yahaan se baraat nikaalenge.

Dadima: Aur turant uske baad Kumkum ka bhai Rohit uska swagat karega aur uski maa Sumit ko pokhengi aur tab Kumkum aayegi aur jo usne abhi pehne he usi kapdo me Jaimala pehnayengi.

Kul: Maa, magarmandap me bhi to mala pehnai jaati hai woh? Do do baar mala.

Dadima: Haan, beta. Darvaaze par jo mala pehnai jaati hai uska matlab yeh hai ki Kumkum Sumit ka swagat kar rahi hai aur mandap me jo mala pehnai jaati hai uska arth yeh hai ki Sumit ne Kumkum ko jeet liya aur ab do no ki marzi hai is shadi ke liye aur woh mala ke baad woh is shadi se mooh nahi fer sakte aur koi moosibat unke raste me nahi aayegi.

Kul: Thik hai maa, aap sab jaaiye, me Sumit se kehkar aata hoon.

Sab log Kumkum ko choonar odhhane ke liye aur chhab lekar jaate hai aur Sumit Taiyaar hota hai.

[Yahaan chhab yani ke dulhewalo ki taraf se dulhan ko apni zaroorat ki saari chize yanike zevar, kapde aur uske shringaar ki sab chize aur yahaan tak ki pairo ke liye chappal tak jo bhi denewale ho woh sab alag alag thalio me sajaakar choonar ke sath dulhan ke paas le jaate hai aur dulhan ko choonar odhhane ke baad sab kuch sab ek ke baad ek dete hai. Yeh thaliyaan dulhe ke gharwale, rishtedaar ya dost lekar jaate hai jo ek shagun hai. Iska matlab yeh hai ki dulha apni or se dulhan ke liye uski zindagi me roz kaam aanewali harek chiz bhijwata hai aur dulhan ko apne gharwalo ke hath se aashirwad ke roop me dete hai, agar dulhan woh sab swikaar karle to dulhan is shadi ke liye taiyaar hai aisa maana jaata hai.
Choonara ki rasm me dulhan ko bich me bithayaa jaata hai aur dulhan ke liye dulhewale ek choonari lekar aate hai, jo dulhe ki maa aur dadima aur dulhe ke nazdiki rishte me jo ladies hoti hai woh dulhan ko odhhati hai aur baad me chhab me aayi harek chiz ekek karke sabhi log dulhan ke aanchal me dete hai, dulhan apni pallo ko aage failakar dulhe ka pyar samjkar woh sab chiz leti hai. Harek chiz dete waqt log dulhan ko tika karte hai aur uska mooh mitha karte hai.]

Wadhwa khandan ke sabhi rishtedar chhab aur choonar ki rasm ke liye ek haal me ikkththa hote hai, Doosri taraf se Sharma family Kumkum ko sath lekar wahin par aata hai aur dadima aur Veenaji Kumkum ko bich me gadde par bithakar us par red colour ki transperant aur jardosi workwali choonari odhhate hai aur uske hath me nariyal aur chandi ka sika rakhte hai. Baad me usse tika lagate hai aur miyhai khilakar uska mooh mitha karvate hai. Baad me Kul, dadaji aur wadhwa khandan ke relatives ek ke baad ek chhab me jo shringar ka saman tha woh, dhher saari sariyaan aur zevar sab dete hai aur tika karke mooh mitha karvaate hai.Yeh rasm ke dauran jo aisa karta hai uske pair Kumkum chhuti jaati hai. Rasm khatm hone par Kumkum ko apne kamre me lejaaya jaata hai, Sharma family baraat ke swagat ki taiyaari me joot jata hai aur Wadhwa family vapis baraat ko nikalne ki taiyaari karta hai.

Sumit ab shdi ke liye baraat lekar jaanewala hota hai aur shadi ke liye woh Off white colour ki maroon embroidary aur workwali Shervaani pehnta hai aur uss par maroon colour ki choonari dalta hai. Gale me kantha aur gold chain pehnta hai. Uske hatho me Kumkum ki pehnai hui angoothi aur doosari do angooti hoti hai. Uske baayen hath me golden plated ghadi aur daayen hath me breslate hota hai. Uske paaon me maroon aur off white colou ke comination ki mojadi hoti hai. Uske sir pe Kumkum ka tika aur maroon rang ki paghdi haoti hai. Jis par hiro ki ser aur bich me white rang ka bada hira hota hai.Kul, Veena , dadima aur dadaji usse taiyaar hone par baraat ke liye lene aate hai.

Please Write soon, It was great....

Wow, great part!!I liked how u explained the meanings of certain words as i didn't know what they meant and now I've learned some new things! Do continue soon! 😊

learnt new words 😛 .
cont soon 👏 👏

Hey Janu sweety...well yesterday i read ur fan fic frm d start...read d whole of it...and u noe i lovedddddd it 👏

its so beautiful....and bahut acha likha hai..especially d urdu u have used 👏

and please dunt b sad if u dunt get many comments....dheere dheere everyone wl comment 😃

Thank you everyone who replies me. Thanks a lot. Agar aap ka sath bana rahe to muje bahot accha lagega. Ab baari aayi hai baraat ki kyonki Hiriye sehra bandh ke me to aaya re, hai yaa, doli baraat bhi sath me main to layaa re...............................................

[ Yahaan ek baat hai ki baraat ko originally jaan kaha jata hai, strange naa! par yeh bilkul sahi hai. Yeh jo shadi hai usme bahot si vidhi hai jiska koi na koi matlab hota hi aur har matlab ko samjakar hi me is shadi ko aage badhhaoongi. Ab yahaan aage jo main likhnewali hoon usme kai chiz hogi jo jaan me hoti hai aur haan ye shadi ki sab rasme muje bakhoobi aati hai aur shadi me bole jaanewale harek mantra muje aate hai kyonki main ek Hindu brahmin parivaar se hoon aur mere chacha hi shadiyaan karvaate hai, jisse maine ye sab jaaana hai]

Ab Sumit ki baraat ka waqt ho gaya tha, Sumit apne room me taiyaar ho gaya tha, Veena, Kul, Dadaji, dadima, Rahul aur Roshni sab uske kamre me usse lene jaate hai. Sumit ko dekhkar sab khush ho jaate hai aur Sumit apne bado ka aashirvaad leta hai.

[Ek baat or ki yahaan hamesha dulhe ki maa, chachi, dadi ya phir bhabhi jo dulhe ke sath pooja me hoti hai usse Varmaa kehte hai. Yeh isliye kyonki dulhe ko hindu paramparaa ke anusaar Var kaha jaata hai, aur uske sath pooja me baithnewali jo usse badi hoti hai usse maa ka darja diya jata hai isliye usse varmaa kehte hai. Aur varmaa ke sath uska pati bhi pooja me hona zaroori hai kyonki koi bhi pooja pati-patni ke jode ke bina adhoori hai.Sumit ki shadi me Veenaji varmaa thi. Varmaa hi shuru se leke ant tak ki sab bado ki zimmedariyaan nibhati hai. Dulhan ki taraf kanyadan karnewale ki patni varmaa kehlati hai. Kumkum ka kanyada uske mata-pita karnewale the isliye uski varmaa uski maa hi thi.
Magar usse pehle sabse eham baat ye ki shadi ke function me sabse pehle jis din function shuru honewala hota hai us din subah dulhe aur dulhan ke ghar pe ganeshji ki pooja hoti hai jisse shadi me koi moosibat naa aaye kyonki ganeshji vighnharta hai, uske baajoo me ek lakdi pe ped ke patte lapetkar uss par red colour ka dhaga bandha jaata hai, uss dhage ko nada-chhadi kehte hai, aur woh jo taiyaar hota hai, jise manekstambh kaha jaata hai aur usse ganeshji ke baajoo me gadda karke usme adha zameen me aur adha bahar rahe is tarah ropa jaata hai. Jis rasm ko Mandap muhurt kehte hai. Uske baad shadi ka invitation card vahaan ganeshji ke paas pooja karke usse le liya jaat hai aur woh pooja karke rakkha gaya card dulhanwale dulhe ke ghar lekar jaate hai. Dulhe ke ghar jo varma hoti hai woh iss card ki vapis pooja karke dulhan ke wahaan se aanewale logo ko deti hai, baad me dulhanwalo me jo bada hota hai woh is card ko dulhe ko dete hai, phir kanku ya kumkum(red colour ka pooja ka powder, kumkum ko hi kanku bhi kaha jaata hai) ko dulhe pe lagata hai, tika karta hai aur mooh mitha karvaata hai.Dulhe ke wahaan se bhi dulhan ke yahaan aise invitation card dene sab aate hai aur yahi rasm nibhayi jaati hai. Is rasm ke baad gruh shanti ki pooja hoti hai aur usi dauran dulhan aur dulhe ko ek motiwala colourful dhaga bandha jaata hai jisse mindhhol kehte hai, uss par baad me shadi ke din tak rumal bandh diya jaata hai. Iska matlab yeh hai ki usse dulhe-dulhan par kisika bhi boora saya na pade. aur woh bandhne ke baad dulha-dulhan bahar nahi jaa sakte. Is poori rasm ko lagan likhna kehte hai, jo sabse pehli rasm hoti hai aur yeh sab rasme yahaan ho chuki hai. Invitation card jo ekdoosre ko pooja karke dete hai usse jab baraat niklti hai uske baad jab dulha mandap me jaat hai to dono parivaarwale un shadi ke cards ko ek sath ek swastik bane huye white kapde me rakhke nada-chhadi se bandh dete hai aur pooja hoti hai aur usse lagnpatrikaa kehte hai, jisse phere ke samay use me liyaa jaata hai.]

Uske baad varmaa yani ke Veenaji apne paallu me pani se bhara huva kalash lekar uske sar ke upar se ghoomati hai aur uske baad usme jo paani hai usse Sumit ke pairo ke aage dalti hai aur Sumit uspe se chal jaata hai.

Sumit: dadimaa, is rasm ka kya matlab hai?

Dadima: Iska matlab ye hai ki tumhare samne ab shadi ke bich ka jo waqt hai usme agar koi rukavat aayi to tum usse thukrakar usse kuchal doge aur sirf shadi ke mandap me hi Kumkum ke paas jaaoge.

Dadaji: haan, mere bachche ye jo bhi rasme nibhayi jaa rahi hai woh sab ab tumhe sirf Kumkum ki nazdik hi le jaayegi.

Kul: Aur haan ye kabhi mat bhoolna ki aaj tum jis rishte me bandhnewale ho usme hazaaro taklife kyon naa aaye usse tumhe isi tarah kuchalnaa hoga aur har mod par Kumkum ka sath dena hai.

Veenaji:Sumit, jaanta hai, ek ladki jo apna sab kuch chhodkar sirf tere liye, tere apno ke liye aur teri khushiyon ke liye tere jivan me aa rahi hai, jo uska sansaar tere sath banaanewali hai aur teri prerna bannewali hai. Jisse kal ka kuch nahi pata magar manme ek vishvaas ka diya jalaakar usse apne zindagi ka ujaala bana leti hai, jis ujale se woh tumhari duniya roshan hi roshn kardegi, aur usse sari zindagi tumhe sambhlna hoga.

Sumit:Maa, main wada karta hoon ki apki aur Kumkum ki ummido par zaroor khara utarne ki koshish karoonga.

Roshni: Ab apki baate khatm hui ho to hum chale?

Veenaji:Haan, ab bas me Sumit ko tika lagadoon aur mooh mitha karva doon.

Dadji:Rajeshwari, tum Sumit ko dahi shakkar khilado.

Dadima: Haan, aur Roshni ab loon utarna chaloo karde aur Kumkum jab mandap me aaye to uski bhi utarna mat bhoolna.

Roshni: Ji, dadima.

Kul: Rahul, tum Sumit ka naak zaroor sambhalna.

Rahul: Ji, uncle.

Dadima Sumit ko dahishakaar khilati hai, Veena Sumit ko tika lagake mooh mitha karvati hai aur uske hath me motise boona huva nariyel deti hai jisse shreephal kehte hai.Bahar sab baraati khade khade dulhe ka intezaar karte hai aur tabhi sab bahar aate hai aur dulha sabse last bahar nikalta hai, Sumit ko aisa taiyaar huva dekhkar sab log uski tarif karte hai ki woh bahot achchha dikh raha hai.Jaan yani ki baraat me sabse pehle orchestrawale hote hai jo band bajaana shuru kar dete hai, uske pichhe dance karnewale ka group, phir baraati aur last me dulhe ka ghoda hota hai. Sumit aur gharwale bahar aa kar ghode ki or jaate hai, wahaan Veenaji do no hato me chaval bhar ke Sumit ke kandhe par apni konio ko touch karvake do no muththiya kholke chaval ko uadati hai. Phir Rahul apna hath aage karta hai aur uspe paao rakhke Sumit ghode par chad jaat hai, Kul Roshni ko Sumit ke aage bitha deta hai, ghodewala aage chalta hai aur Rahul pichhe pichhe Sumit ke sir par decorative chhata lekar chalta hai. Veena, Kul, Dadaji, dadiam aur baraati sab bahot nachte hai aur Kumkum ke yahaan baraat aane ki rah dekh jaati hai. Baraat ke dauran Kumkum ke kamre me bhi Kumkum ki varmaa pani ke kalash ki jo rasm Sumit ke yahaan hui thi vaisi vahaan Kumkum ke sath ki jaati hai.
Aakhir me baraat Kumkum ki shadi jahaan honewali hoti hai uske darvaaze par aa jaati hai. Kumkum ke gharwale sab baraat ka swagat karte hai, par swagat ki asli rasm dulhan ka bhai nibhata hai. Yahaan Kumkum ka bhai Rohit Sumit ke ghode ke paas jaakar pehle zameen par jook jaata hai, Sumit Rohit ki pith par paao rakhke ghode se utar jaat hai, Rahul Roshni ko utarata hai, Rohit Sumit ke paao mojdi me se nikalkar paani se uske paao dhota hai aur paao ko pochhke mojdi vapis pehnata hai. Phir Rohit Sumit ko pine ka pani deta hai, pani pilane ke baad pani se bhare kalash me ped ke patte doobokar un patto ko bahar nikalkar pani ki boonde udata hai, Sumit ko tik karta hai aur mithai khilata hai aur ant me shreephal ki jagah Sumit ko ek kalgi deta hai. Kalgi means phoolo ka guchchha, jisme K aur S likha hota hai. Baad baraati ek doosre ke samne khade rehkar ek doosre ke hath pakadkar hava me upar uthate hai aur bich me jo jagah hoti hai usme se Sumit goozarkar Kumkum ki maa ke paas jaata hai, Kumkum ki maa Sumit ko tika karti hai, uska mooh mitha karvaati hai, uski aarti utarti hai, baad me white colour ke dhage ko Sumit ke paao se lekar sir tak char baar lapetti hai aur uske char tookde karke chaaro dishame uda deti hai, uske baad chaar lakdiyaa, chaar mithai Sumit ke sir pese gol gol phirakar charo dishame uda deti hai. Baad me do mitti ke diye ko ekdoosre ke sath rakhke usse nada-chhadi se bandhke jo kodiya banta hai usse Sumit ke dayen paao ke aage rakhti hai, Kalash ko Sumit ke sir par se phirakar usme jo pani hota hai usse Sumit ke pairo ke aage aur kodiye par dalti hai, baad me Sumit uss kodiye pe apna daina pair rakhke tod deta hai, is rasm ko ponkhnaa bolte hai. Uske baad Kumkum ko mala pehnaneke liye andar se boolaya jaata hai, jo varmala ki rasm hota hai, usi bich do no samdhan aur samdhi ek doosre ko haar pehnate hai aur gale milte hai, baad me Kumkum ko uski saheliya aur ristedaar lekar darvaaze par aate hai, Kumkum ke hath me varmala hoti hai, uski nazre zooki hui hoti hai. Sumit sirf usse dekhta rehta hai aur Kumkum us taq pahonch jaati hai. Pehle Kumkum jab mala pehnaneke liye aage aati hai to Sumit ke friends usse utha lete hai, yeh dekhke Rohit aur Kumkum ke ristedaar me se unke bhai bhi Kumkum ko utha lete hai, to Sumit pichhe jookta hai aur Kumkum mala pehana nahi paati phir Kumkum apni nazre Sumit ki or karti hai, Sumit ki aankhe bhi usse dekhti hai aur tab Sumit ka sir jook jaata hai aur Kumkum Sumit ko varmala pehnati hai, Sumit Kumkum ko mala pehnata hai, sab taali bajaane lagte hai. Kumkum wahaan se chali jaati hai aur Sumit ki saliyaan Sumit chalta hai usse pehle uski raaho me gulab ki pankhdiyaa bichha deta hai aur Sumit shadi ke mandap me pahonch jaata hai.

To be continued.........................................

Abhi aage Kumkum ka taiyaar hona aur main shadi baaki hai, to dekhte rahiyegaa.......TU MILE DIL KHILE........

wow..learned a lot....continue soon!! 😊