ff-KumkumSumit(Tu Mile Dil Khile)Upd20/05 - Page 4

Sumit Renuka ko ghar bhej deta hai aur khud Kumkum ko uski gaadi me ghar le jata hai. Raste me woh uspe pani dalta hai aur Kumkum hosh me aati hai aur,

Kumkum: Woh, woh kahaan hai? Agar ab uske karan mere parivaar ko kuch huva to me use isbaar bachke jaane nahi doongi.

Itna bolte bolte to uski saanse bokhla jaati hai, uske chehre pe pasina aa jaata hai. Woh gusse se khalbalah uthti hai. Yeh dekh ke Sumit usse baat karta hai.

Sumit: Kya huva hai tumhe? Kyon aisa kya huva jisse tum Renuka pe itna chilla uthi? Woh meri mangetar hai aur tum use dekh ke aisa kyon feel karti ho?

Kumkum: Sumit, tum nahi jaante woh wahin ladki hai jisne hame poori tarah se barbad kar diya hai aur woh Renuka hi thi jisne hamaare business ko hi nahi hamari bhavnao ko bhi bech dala. Woh bahot khudgarz, beimaan aur nich hai.

Itna sunte hi Sumit gaadi ko rok deta hai aur Kumkum pe gussa ho jaata hai.

Sumit: Kumkum tum jaisa sovch rahi ho vaisa kuch bhi nahi hai. Woh meri mangetar hai aur me usse shadi karnewala hoon. Tumhe galtfemi ho rahi hai.Agar ab aage tumne ek shabd bhi kaha to,

Kumkum: To kya Sumit? Tum kya kar loge. Pata to tumhe nahi hai uski kartooto kai. Jab sacchai tumhare samne aayegi to tum is kaabil bhi nahi rahoge ki tum apne apko aur apne parivaar ko sambhal paao. Jis din tumhare samne asliyat aayegi us din tumhare pairo tale se zameen khisak jaayegi aur tumhe kya maaloom ki apne parivaar ka dukh kya hota hai. Woh to jis par bitti hai usiko pata chalta hai.

Sumit: Tum jo bhi kaho main ye nahi maan sakta. Yeh ho hi nahi sakta.

Kumkum: Thik hai. Aaj tum is baat se mooh fer rahe ho magar ek din sacchai tumhare samne aayegi aur woh me leke aaoongi.

Sumit bich raste me hi utar jaata hai aur raste me isike baare me sochta hai.

Sumit: Kumkum kabhi jooth nahi bolti. Woh kisika boora nahi chah sakti. Woh to sirf acchai karna jaanti hai. Shayad ye Renuka ke baare me uska vehem ho, shayad ye uski galatfemi ho. Sari bato ke samne ye baat sach hai ki Renuka jab Kumkum ke sath ye huva us samay switzerland me thi aur me usse mila tah. Jabki Kumkum ke sath usi samay ye sab india me huva. Dimaag is baat ko maanne ke liye taiyaar nahi hai, magar dil to Kumkum ki baat par hi viswas karta hai. Main kaya karoon. Ek taraf Renuka ke aa jaane se shadi ki baate hogi aur ek taraf ye. Kher, ab ise kudarat ke hath me chhodta hoon. Maine kabhi kisika boora nahi chaha kudrat mera boora nahi chahegi aur kuch aisa ho jisse Kumkum bhi sahi rahe aur Renuka bhi galat sabit na ho.

Sumit ghar jaata hai. Idhar Renuka chokkani ho jaati hai aur Sumit ke samne aise pesh aati hai jaise woh Kumkum ko jaanti hi nahi aur usse pehli baar mil rahi hai. Ye baat karke woh Sumit se bahaana banake Wadhwa company jaati hai. Apne boore iraade sakaar karne kyonki ab agar kuch zyada ho gaya to woh jaanti hai ki uske liye woh thik nahi hoga. Is taraf Kumkum ye than leti hai ki woh kisi bhi tarah Renuka ki asliyat sabke samne le aayegi. Sumit bhi apne sources se sab jaanne ki koshish me jootta hai. Magar Kumkum ko ghar se phone aata hai ki uski shadi kal hai. Fir use lagta hai ki Renuka ab chhokkani ho gayi hogi aur India se bhagne ki firaat me hogi, isliye woh Wadhwa company ke account me hi gapla karegi isliye Kumkum Wadhwa company pahonchati hai. Wahaan woh Renuka se takraati hai. Usi dauraan uske cell ka video camera on ho jata hai aur recording chalu ho jaata hai.

Renuka: Kyon Kumkum apni barbaadi bhool chuki ho jo Sumit ko bachane nikal padi. Tum jaanti ho ke tum mera kuch nahi bigaad paaogi. Tum kuch nahi kar paaogi.

Kumkum: Woh to waqt hi bataayega, Renuka.

Aur tab Renuka woh sari sacchai batati hai ki kis tarah se usne Kumkum ko barbaad kiya tha aur woh sab record ho jaata hai. Kumkum is baat se bilkul anjaan hota hai aur Renuka ke chale jaane ke baad office ke sare aacount ki information manager ko Kumkum ghar bhijwane ko kehkar ghar jaati hai. Us din raat ko shadi ki taiyaario ke dauran Kumkum ke detactive ka phone aata hai ki Wadhwa company ke shares kisne giraaye uski tasveer aur details woh SMs kar raha hai aur doosri baat curior through bhijva raha hai. Usi dauran Kumkum ki nazar us recording pe jaati, woh check karti hai aur woh sab saboot subah tak police station pahonchane ka than leti hai. Subah police Renuka ko girftaar karne Sumit ke wahaan jaati hai. Aur Sumit Kumkum ki baat na maanne ke karan sharminda hata hai aur Kumkum ke paas jata hai. Bich raste me use yeh pata chalta hai ki Renuka pehle se hi shadishooda hai aur woh uske pati ke sath milkar sabko barbaad karne ke plans banate hai. Sumit ko uske pati ke khilaaf bahot saare saboot milte hai aur woh Kumkum ke ghar jaata hai, mafi magne. Wahaan Kumkum ke phere honewale hote hai aur Sumit wahaan pahonchta hai. Sumit chonk jaata hai aur zor se chilla uthata hai.

Sumit: Ye shadi nahi ho sakti.........................

Yeh sunkar sab heran ho jaate hai. Aur Rohit aur Mr. Sharma Sumit se poochhte hai.

Rohit & Mr.Raj Sharma: Magar Sumit, Kyon? Yeh tum kya keh rahe ho?

Sumit: Maine Kumkum ki bato par gor nahi kiya. Magar aaj mere ghar pe police aayi thi aur Renuka ko girftaar karke legayi. Investication ke dauran pata chala ke Renuka pehle se shadishuda hai aur woh aur uska pati milkar sabko barbaad karte hai aur sath sath un do no ki tasveer aur bahot saare saboot mile. Aur shayad aap nahi jaante magar Renuka ka pati aur koi nahi yeh aadami hai, jo is waqt Kumkum ke sath shadi kar raha hai. Aur aaj ye shadi ho gayi to Kumkum ki zindagi tabah ho jaayegi.

Tabhi Wadhwa house ke sabhi family members wahaan aa jaate hai aur sath me police bhi Jatin ko arrest karne aati hai. Aur Kumkum ko woh saare saboot dikhate hai. Saboot dekh kar Kumkum gusse me Jatin ko ek thappad deti hai aur rone lagti hai. Yeh dekhkar Mr. Sharma bhi toot jaate hai.

Mr. Sharma: Ab kya hoga? Na jaane meri itni pyari beti ke sath hi aisa kyon hota hai? Ab kaun isse shadi karega?

Yeh sunte hi Sumit Mr.Sharma ki taraf jaata hai. Aur kehta hai.

Sumit: Me shadi karoonga Kumkum se........................................................

To be continued................................................... .........................................

hey dear,
ur sory is awesome.Pls write soon.We all will be wai8ing 4 more.

great dear 😳 👏 finally su confesss 😛

Ab to kahaani ki shuruaat hui hai to ab aage badhte hai....................................................


Sumit: (sabke samne Kumkum ke paas jaakar) Kumkum, me tumse shadi karne ke liye taiyaar hoon.

Yeh sunkar sab heraan reh jaate hai. Kumkum ekdam shoonyamansk ho jaati hai.
Sumit Kumkum ke papa ke paas jaata hai.

Sumit: Uncle, me jaanta hoon ki taqdeer ne mere aur Kumkum ke sath bahot hi ganda khel khelaa hai. Hamara koi kasoor nahi tha magar isse hi hum jood jaaye aur ek naye rishte ko janam de jisse kuch na kuch accha ho. Shayad taqdeer ne hi hume ek karna chaha isliye usne humko is raah par laakar khadaa kar diya. Agar aap muj par yakeen karte hai to me shadi ke liye taiyaar hoon aur me wada karta hoon ki Kumkum ko kabhi bhi kisi chij ki kami mehsoos nahi hogi, kabhi uski aankh me aansoo nahi aayenge, uski khwahisho se pehle hi sab kuch uske kadmo me hoga.

Ye sab sunkar dadaji aur Kul Mr.Sharma ke paas aate hai.

Harshwardhan Wadhwa: Ji, haan Raj Sumit bilkul sahi keh raha hai aur me Sumit ke is faisle se sehmat hoon. Maine Kumkum jaana hai, woh bacchi har waqt doosro ki khushi hi dhundhti hai, apne baare me parwa na karke hamesha doosro ka bhala chahti hai. Usme woh saare goon hai jisse woh aadarsh bahoo kehla sake aur mera Sumit bhi uske sath bahot khush reh paayega. Aap Kumkum ki fikr mat kijiye, woh bahoo nahi meri beti banke hi rahegi.

Kul: Haan, Sharma sahb bauji bilkul thik keh rahe hai, Kumkum woh ladki hai jiski wajah se me aap sab ke samne aaj zinda khada hoon. Usne meri jaan bachai hai, mere sharir me iska khoon hai, to zahir si baat hai ki me uska pita hoon. Aap is dosti ko rishtedari ka naam dekar hame apna bana lijiye.

Rajjoji: Kumkum to woh devi hai, jiske paao padte hi ghar mandir ban jaaye. Isliye me bhi Sumit ke sath hoon.

Veena: Haan, maaji aap bilkul sahi keh rahi hai. Muje ek beti ki zaroorat thi aur Kumkum se acchi beti muje mil nahi sakti. Aur Sumit ki pasand kabhi galat nahi ho sakti. Hamare sath jo chhal huva he isse nikalkar hamare baccho ko khushiya mile ye hamari iccha hai to hume Kumkum-Sumit kt shadi karva deni chahiye.

Mr. Sharma: Jaante, hai Wadhawa sahb meri beti bahot chhoti thi tabse usne hamare liye bahot kuch kiya hai, woh meri beti nahi mera beta hai. Usne kabhi koi galat kaam nahi kiya fir bhi harbaar use hi chot lagti hai. Muje meri beti ki khushiyo ke siva kisi bhi baat ki parva nahi. Uski aankho me aansoo mujse dekhe nahi jaate. Aur aapse rishta jodna to mere liye bahot saubhagya ki baat hogi. Me jaanta hoon ki agar me Kumkum se bina poochhe hi apko rishte ke liye haan keh doonga to woh inkaar nahi karegi. Maine Jatin ka rishta bhi aise hi kiya tha magar aaj me apni beti ki khushiya chahta hoon isliye me chahta hoon ke woh khud hi ye faisla le aur agar use sahi lage to hi woh is rishte ke liye haan kahe. Meri orse use haan hai.

Tab Sumit Kumkum ko kehta hai.

Sumit: Kumkum, tumhara jo faisla hoga woh muje manzoor hai. Magar usse pehle maine tumpe visvas nahi kiya isliye maafi mangna chahta hoon aur tumhari haa hai to to koi problem nahi magar inkaar karnewali ho to usse pehle meri baat sunlo.

Kumkum: Mafi mangne ki koi zaroorat nahi. Muje ye baat jaankar khushi hui ke tum tab nahi jaante the saccahi fir bhi uske sath khade rahe. Aur tum jo bhi kehna chahte ho woh keh sakte ho.

Sumit_Kumkum ko ek kamre me lejaata hai aur kehta hai.

Sumit: Jaanti ho KUmkum jabse tum mili ho tabse meri zindagi palat gayi hai. Maine sagai ke baad Renuka ke liye jo mehsoos nahi kiya woh tumhare sath se mehsoos kiya hai, jab papa hospital me the aur Jatin ke baare me jab muje pata chalaa tab muje bahot boora laga tha. Jaanti ho kyon, kyonki main tumhe chahne laga tha aur ab main tumhari pooja karta hoon. Main sach me tumse pyar karta hoon ye maine tumhe isliye nahi bataaya kyonki muje lagta tha ke tum Jatin se pyar karti ho. Magar aaj kismat ne hume is mikam pe pahoncha diya hai ki jahaan muje apne pyar ka izhaar karna hi tha. Aaj me tumhe kho nahi sakta. AAj tumne shadi ke liye haan kardi to mujse zyada khushnasib or koi nahi hoga aur tumhara inkaar mere liye tumhara intezaar ban jaayega. Main kabbhi shadi nahi karoonga. AAge faisla tumhara hai, me bahar sabke samne tumhare javaab ka intezaar karta hoon.Aur haan ek or baat main jaanta hoon ki hamaare bich me dosti ka rishta hai, woh tumhare inkaar se nahi badlega, dost to hum hamesha rahenge. Aur ye rishte ko apnana shayad tumhe ajib lage isliye agar tumhari haan hui to bhi shadi ke baad hamare bich pati-patni se zyada dosti ka rishta hoga, aisa koi sambandh nahi hoga jisse tumhe taklif pahonche. Rishta tan se zyada maan se hona chahiye isliye jab tak tum naa chaho hum sirf dost bankar rahenge.

Sumit kamre se bahar jaa raha hota hai, tab Kumkum Sumit ka hath pakad leti hai.

Kumkum: Jaante ho Sumit, koi visvaasghat karta hai to bahot taklif hoti hai magar aaj aisi koi taklif nahi ho rahi. Dil sirf tumhara naam le raha hai.

Yeh kehkar dono bahar aate hai aur Sumit ko Kumkum ki aankho se hi javaab mil jaata hai, par baki log Kumkum ke faisle ka inte zaar kar rahe hote hai. Kumkum apne papa ke paas jaati hai aur kehti hai.

Kumkum: Apni chhoti si Kumkum ka kanyadaan ab apko karna hi padega kyonki apki beti ek nayi raah par chalnewali hai.

Ye sunkar Sharma family aur Wadhwa family bahot khush hoti hai. Kumkum sabke pair chhuti hai, sab usse gale lagaate hai, Rajji aur Rohit Sumit ko gale lagate hai.

Dadaji: Ab in baccho ki shaadi badi dhoomdham se hogi aur poore ritirivaajo ke sath, aur khushi ka mahol chhaa jaata hai.

To be continued..........................................

excellent part!!! 👏 waiting for the wedding, write soon! 😊

awsome part 👏 👏 waiting for sukk wed 😳

Ab suniye pyar ki dastaan jo abhi abhi shuru hui hai aur use to kai manzile tey karni hai, magar please jo bhi yeh dekh raha hai usse meri ek goozaarish hai ki ye apko kaisi lagti hai, aap batayenge tab hi muje pata chalega ki Kahaani kaisi hai, woh apko acchi lagti hai ya nahi aur agar naa acchi lage to phir main likhna band karoon aur sirf reviews hi doon. Yahaan, ek preethiji hi hamesha reply karti hai to main unki bahot zyada shukrgoozar hoon. Or sath hi norzar, henna, ankitaji, coolpal, fizzwizz, jjtomsan aur woh sabhi ki jo yeh forum padte hai aur please muje reply karke apki dil ki baat muj tak pahonchaiye kyonki shayad hum mese koi ek doosre se personally mila nahi, magar isse hum ek doosre ke bahot kareeb aa chuke hai aur hum bhi ek doosre ke dost ban gaye hai. To please, jo bhi ye dekhe woh post reply zaroor de, jisse hum joode rahe and once again sabhi ko Thanks a lot. Aur haan ab kahaani ki or badhte hai.

Dadaji ne shadi ka elan kar diya tab Kul kehta hai.

Kul: Kya, bauji aap bhi?

Dadaji: Kyon, maine kuch galat kaha?

Kul: Are, nahi aapne bilkul sahi kaha, magar aap kuch bhool rahe hai.

Dadaji: Main, kuch bhool raha hoon, magar kya?

Kul: Yahin ke shadi se pehle mangani ki jaati hai.

Dadaji: Tum bilkul sahi keh rahe ho. To phir tai raha ke kal mangani, parso sangit aur mehndi aur uske baad subah haldi ki rasm aur sham ko Sumi-Kumkum ki shadi. Sharmaji ab to hum dost se rishtedar banenge ab to gale miliye.

Kumkum ke papa dadaji se gale milte hai aur ye sab tai karne ke baad dono gharo me mangani aur shadi ki taiyaariya karni hoti hai.

Veena: Chalo, ab taiyaariya bahot tez karni padegi. Aur ye shadi to hume badi dhoomdham se karni hai, kyonki mere ghar bahoo nahio beti aa rahi hai, to chalo ab taiyaari karne.

Subah tak sab taiyaari yaan ho jaati hai aur Kumkum ke ghar me Kumkum taiyaar ho rahi hoti hai tabbhi uske cell par phone aata hai.

Kumkum: Are, yeh to Sumit ka number hai.Hello, Sumit.

Sumit: Hazaaro khwahisho ko ek nayi disha mil gayi hai, jab se aap hum pe meharbaan huve hai. Hazaaro khushiyaa hamaare paas aa gayi hai, jabse aapne humse apna naata jod liya hai.

Kumkum: Shukriya mere huzoor, magar ye apki farmaisho kai hi asar hai ke jisse hume apni zindagi ki raah par itna accha aur pyara aap jaisa jeevasathi mila hai.

Sumit: Kumkum, thank you and sorry.

Kumkum: Shayad hum sabse pehle dost hai, to phir ye kis liye?

Sumit: Tumne mujse shadi ke liye haan karke muje zindagi ki woh khushi di hai ke jisse maine apni zindagi ko ek bahot acche roop me dekha hai. Muje lagta tha ki me tumse pyar ka izhaar kabhi naa kar paaun aur tum bhi mujse door chali jaaogi magar shadi ka faisla leke tumne meri kayaapalat kardi aur Sorry, isliye kyonki maine tumhari baat ka visvaas nahi kiya.

Kumkum: Sumit< aap had kar rahe hai, maine aap se kaha na muje bilkul boora nahi laga, kyonki muje aap se shadi karke itni tassali to hai ki aap muje kabhi akela nahi chhodenge kyonki us waqt jab aap Renuka ke sath the tab woh apka kartavya tha aur jise apne bakhubi nibhaya aur isiliye muje apko Thanks aur Sorry kehna chahiya aur aap aaj ke baad wada kijiye ki aap kabhi Sorry bhi nahi kahenge aur Thanks bhi nahi.

Sumit: Thik hai, magar apko bhi ye baat dhyan me rakhni hogi aur iske liye ek shart bhi hai.

Kumkum: Ye baat to me dhyan rakhoongi magar kaisi sahrt?

Sumit: Yahi, ke sabse pehle tum jab taiyaar ho jaao to me tumhe dekhoon.

Kumkum: Kya, aap kaisi baat kar rahe ho, main taiyaar ho chuki hoon aur hume abhi Wadhwa house aane ke liye nikalna hai or aap vahaan hai, to ye kaise mumkin hai.

Sumit: Ye, mumkin hai,

Sumit itna bolta hai aur tabbhi Kumkum ghoom jaati hai.

Kumkum: Sumit, aap yahaan, I mean kaise.

Sumit: Me pipe se chad ke aaya hoon, bas tumhe ji bhar ke liye dekhne ke liye, aur me to tumhe picche se tumhari aankho ko band karke surprise denewala tha magar tum ghoom kaise gayi?

Kumkum: Aap ke pairo ki aahat ko me pehchanti hoon, aur vaise bhi aap ki mojoodgi meri dhadkano ki raftaar badha deti hai aur muje ek sukunsa mehsoos hota hai.

Sumit: Kumkum, tum sach me meri asli jeevasathi ho, aur tum woh chirag ho jo andhere ko bhi roshni me tabdil kar deta hai.

Tab Kumkum ne red colour ki ekdam beautiful saari pehni hoti hai, uske maathe pe bindiya, pairo me payal, hatho me kanganaa, kano me jumke, naak me nathni hote hai. Uske gale me haar nahi tha aur woh jab pehnane jaati hai to Sumit pichhe se haar ko band karne ke liye haath badhata hai, to Kumkum aankhe band karke us anokhe ehsaas ko mehsoos karti hai.

Sumit: Jaanti ho Kumkum me bahot khushnasib hoon ke muje itni acchi, samjdar aur bahot hi pyari patni milnewali hai aur jo aaj duniya me sabse khoobsurat hai.

Sumit: Aap bhi bahot acche lag rahe hai, aur...........

Tab Kumkum ke papa usko boolate hai.

Kumkum: Sumit, ab aap yahaan se jaaiye.

Sumit: Magar tum kuch keh rahi thi.

Kumkum: woh sab baad me. yahaan apkjo koi dekh lega.

Sumit: dekh lene do, me kisise darta nahi aur baad me kab?

Kumkum: AAp abhi jaaiye, hum baad me milenge, Sure. Ab aap jaiye.

Sumit: Magar kab?

Kumkum: Jab aap kahe.

Aur Sumit chala jaata hai, Kumkum bhi apne family ke sath Wadhwa House pahonch jaati hai.

Rajjoji: Bahot pyari lag rahi ho Kumkum, Veena iski nazar to utar dena.

Veena: Haan, maaji. Main bhi yahi soch rahi thi.

Veena Kumkum ki nazar utar ti hai aur sagai shuru hoti hai.

Dadaji: Sumit, chal ab angpoothi pehna de.

Kmkum ko bahot sharm aati hai isliye woh hath aage nahi karti tab Sumit uska hath uthakar angoothi pehna deta hai aur baad me Kumkum Sumit ko angoothi pehnati hai aur celebration shuru hota hai

excellent part!!! 👏 sumit doing shairyi here too 😆. It was very lovely, continue soon!! And one more thing your story is very good and it is one of my favorite FF so don't think about stopping yet b/c we all appreciate your work!

Hello Janki,

Its being a pleasant experience to read your story. I am sure everyone here eagerly waits for the next part. You write soo well and there is such a nice flow in the story. I wished a serial could have been made out of this story. Why dont creative head of Kumkum see this forum and get some stories from here. My good wishes are always with you. Like I said before eagerly waiting for the next part.

Warm Wishes
Aditi

excellently written 😳 👏 👏 .
su ki shariya ek dam mast 😳
wait for next part 😛