~* HUMRAAH *~ Part-9 pg-15 - Page 2

Part-1

Ek din jab savere savere, surmai si andher ki chaadhar haatake,

ek parbat ke takiye se, suraj ne sar jo uthaya to dekha,

Dil ki wadiyo mein chahat ka mausam hai aur yaado ki dali per

anginat beete lamho ki kaliya mehekne lagi hai....

Ankahee, ansuni aarzoo... Aadhi soyi hui, aadhi jaagi hui,

aankhein maltein hui dekhti hai...

Leher dar leher, mauj der mauj beheti hui zindagi

jaise har ek pal nayi aur phir bhi wahi...

Haa wahi zindagi.....

jiske daaman mein koi mohabbat bhi hai koi hasrat bhi hai...

Paas aana bhi hai, dur jaana bhi hai

Aur yeh ehsaas hai...

Waqt jherne sa beheta hua, jaa raha hai yeh kehta hua

Dil ki wadiyo mein chahat ka mausam hai aur yaado ki dali per

anginat beete lamho ki kaliya mehekne lagi hai....

aur isi khubsoorat se sheher mein Kashmir ke paas base ek chote gaon mein wo rehti thi..Do bahot hi pyari se ladkiya jo apne ma baba ki jaan the. Kaynaat aur Arzoo.

Kaynaat, jo hamesha apne khwaabo ki duniya mien mast thi, jise yakeen tha ki ek din wo insaan aayega jo use iss duniya mein sabse jyada pyaar karega, jise khuda ne uska masiha chuna hoga… Kaynaat bahot hi azaad khayaalo ki ladki thi…

Usne bas kuch hi din pehle apni padhayi puri ki thi, jab ki Arzoo bas isi saal mein apni padhayi puri karne wali thi. Arzoo ke zindagi mein apne maa baba aur Kaynaat baaji ke baad kuch bahot important tha to wo tha music. Wo singer banna chahti thi, jo ki uss waqt thoda mushkil tha, per uske baba ne har tarah se uska saath diya. Kaynaat bhi yehi chahti thi ki Arzoo ka har sapna pura ho, aur isiliye wo har tarah se use madat karti thi. Kaynaat aur Arzoo ek dusre se itne kareeb the ki kabhi unhe kisi dost ki zaroorat hi nahi padi. Wo apni chotisi pyaari si duniya mein hi behad khush the.

Subha ka waqt tha, aur Kaynaat daudti hui kahi jaa rahi thi…. Usne yellow aur white color ka dress peheni hui thi… Uski pazeb ki chanak se hi ghar mein rounak chaa jaati thi…

Kaynaat: Arzooo……, Arzooo…….

Arzoo: ji baaji bas aa hi rahe hai….. {wo daudte hue bahar aati hai}

Kaynaat: Arzoo tumhe andaza hai ki hum kitne late ho gaye hai. College pohochne mein hume kam se kam ek ghanta lagega

Arzoo: ha baaji, hum bas walkman le rahe the

Kaynaat: uff ho! Pagli, maano wo walkman naa hua koi behad keemti cheez ho

Arzoo: hamare liye to yeh behad keemti hai

Kaynaat: acha acha ab chalo bhi, maa baba bhi chale gaye hai…wo to dukaan per pohoch bhi gaye honge…

Arzoo: ha chaliye….. {she locks the door and they leave}

{Arzoo aur Kaynaat ek chotisi family se the, jo ki Kashmir ke paas ek gaon mein rehte the. Unhe college jaane ke liye ek chotese jungle ke raaste se guzarkar shikare [small boat that is usually used in small towns in Kashmir to travel short distances] ki madat se college jana hota hai…

Arzoo aur Kaynaat college pohoch jaate hai, waha koi singers ke auditions hone wale the, jiske liye Kaynaat bhi Arzoo ke saath gayi thi, just to support her. Arzoo did well, she was selected among the top 12 members. They were extremely happy as this was a really big thing for them. They were now on their way back to home. They got down from the shikara & were about to go ahead, that's the jungle way….

Arzoo: aaj hum bahot khush hai baaji…

Kaynaat: ha Arzoo, ma baba yeh sunkar kitne khush honge…., aakhir kaar tumhe mauka mil gaya.

Arzoo: ha….

Kaynaat: are ab to wo walkman bandh karo.., jab dekho bas yehi sunte rehti ho…

{she removes those earphones}

Arzoo: ab kya kare, aapne tohfa hi aisa diya hai… {laughs}

{shaam ka waqt tha, to uss waqt unke alawa koi aur nahi tha, per apni khushi mein unhe waqt ka andaaza hi nahi hota, phir achanak Kaynaat ko kisi ke kadmo ki ahaar aati hai, maano koi tezi se daud raha ho, wo yaha waha dekhti hai, per koi nahi dikhayi deta..wo thoda aage badhti hai, per koi nahi hota,jab wo peeche palatti hai to Arzoo waha nahi hoti….}

Kaynaat: Arzoo…Arzoo kaha ho tum? Arzoo….

{wo arzoo ko yaha waha dhundti hai per arzoo kahi dikhayi nahi deti…, Kaynaat thoda aage badhti hai to dekhti hai ki Arzoo bilkul ghabrayi si dari hui uske paas daudte hue aa rahi hai…Wo aakar Kaynaat ke gale lagkar rone lagti hai}

Kaynaat: Arzoo…, kya hua? Tum iss tarha se ro kyun rahi ho….

{two dono ek jhaad ke peeche khade the, tabhi Arzoo use jhaad ke usspaar thodi duri per dekhne ha ishaara karti hai….

Waha kuch log khade the. Unmein se ek ne dusre insaan pe pistol se aim kiya hua tha. Kaynaat yeh dekhkar bahot darr jaati hai… Wo un logo se jyada duri per nahi hote hai.., Arzoo ke haath mein wo walkman ab tak hota hai…jiska record ka button on ho jaata hai, per Arzoo ko yeh pata nahi hota. Wo aadmi uss dusre aadmi per goli chalata hai, aur Arzoo yeh dekhkar bahot darr jaati hai, aur cheekti hai… Wo aadmi jiske haatho mein gun thi wo palatta hai, aur Kaynaat aur Arzoo uska chehra dekh lete hai aur wo log un dono ko dekh lete hai… aur unki taraf aa rahe hote hai. Kaynaat uss aadmi ko pehechaan leti hai… aur phir yeh dono waha se bhaag jaate hai aur wo log inka peecha kar rahe hote hai.

Iss waqt yaha Kashmir mein kuch halaat thik nahi the. Riots chal rahe the, aur usi din usi waqt Kashmir mien aur uske aas paas ke jagaho per ek baad ek 4 blasts hote hai, jin mein se ek ilaaka wahi hota hai jaha Kaynaat aur Arzoo rehti thi. Per wo dono iss baat se anjaan the. Har taraf bas tabahi ka manzar tha. Kuch pal ke liye kisi ko kuch samajh nahi aa raha tha ki aakhir ho kya raha hai.

Yaha Kaynaat aur Arzoo ke peeche wo log pade the. Daudte daudte wo jungle ke dusri taraf chale jaate hai, aur phir bahar raaste per aate hai…waha unke saamne ek jeep aakar khadi hoti hai… Wo aadmi Kaynaat aur Arzoo ki taraf dekhta hai, aur tabhi Arzoo behosh ho jaati hai… Wo aadmi ab bhi bas unki taraf dekh raha tha, kuch nahi kehta….

Kaynaat: Arzoo…arzoo, aankhein kholo…..

{per arzoo behosh thi, wo aadmi unko dekhta rehta hai… Usne black color ka t-shirt, blue jeans peheni thi. Uski halki si stubble thi, aur forehead per usne red color ka band baan rakha tha}

Person: gaadi mein baitho…. {that's our hero, Rajeev aka Ayaan Khan}

{kaynaat bas uski taraf dekhti, use samajh nahi aata ki wo kya kare, wo palatkar dekhti hai to un logo mein se ek ko unki taraf aata hua dekhti hai… wo kisi tarahse arzoo lekar gaadi mein baith jaati hai…aur ayaan unhe kahi le jaata hai}

~~~**~~~End of part-1~~~**~~~

I hope u liked the first part..

By the way, this is just to let u know that the starting lines of this part are from the film 'Veer Zaraa'. Just added those to give a pure feeling of nature and its beauty…

Waiting eagerly for your comments!!!

Luv,

Ruksaar

ruku nice part dear 👏 ...pls continew soon Inshallah 😊

wow yaar 1st part main six....plz conitnue soonnnnnnnnnnnnnnnnnnnnn

dat was simply amazing ruku!!! grt start 👏
the story seems really interesting n different.
update soon

Gr888 Storyyy Rukhsaaar...seems reallyyy interesting...do continuee soooon 😛

*iMaN..

Thanks a ton frndz...!! Yes i did try sumthing different from my previous ff this time.. I hope u like the further parts too..

thanks for all ur comments..😳

luv,

ruksaar

wow ruku dear awesome part tooo tooo gooood...continue soooon...can't wait more... 👏 👏 👏

thanks honii and nm16
will be updating it soon..

Part-2

Recap-

Kaynaat aur Arzoo college jaate hai jaha auditions mein Arzoo select hoti hai.., ghar lautte waqt wo jungle mien kisi ka khoon hote dekhte hai jiske baad wo log unka peecha karte hai aur tabhi ek anjaan insaan Kaynaat aur Arzoo ki madat karta hai, unhe apne saath kahi le jata hai. Usi waqt Kashmir aur uske aas paas ke ilaake mein blasts hote hai….

Story further……….

Arzoo ab tak behosh thi, aur Kaynaat uske liye pareshan thi. Wo bhi bahot darr gayi thi. Wo kabhi Arzoo ko dekhti to kabhi uss insaan ko…. Wo bahot dari hui hoti hai…

Kaynaat: yeh… yeh aa..aap hume, kaha le jaa rahe ho….

{tabhi Ayaan dekhta hai ki koi unki gaadi ka peecha kar raha hai to wo aur bhi tezi se drive karta hai…, aur phir gaadi dusri taraf modta hai… kuch der tak koi unki gaadi ka peecha karta hai per phir Ayaan kisi tarah se unse bachkar Kaynaat aur Arzoo ko kahi le jaata hai. Wo gaadi rok deta hai… Waha paas hi ek chotasa ghar hota hai jo raaste ke uss paar hota hai… }

Ayaan: aaj raat yehi ruk jana

Kaynaat: per…. {she looks at arzoo, and than says nothing. She gets out of the jeep, & somehow was trying to carry arzoo to let her come out, but she cudnt, Ayaan was standing there, he looks at her for a moment, and than without saying anything he just carries Arzoo towards the house, while Kaynaat follows him…

Ayaan unhe ander le jaata hai aur waha baithne ko kehta hai.. Wo jagah badi hi ajeeb thi.. waha kuch pistols pade the, laptop tha, aur bahot kuch samaan tha…per kaynaat ab yeh sab dekhkar kuch bhi sochne ya samajhne ki halat mein nahi thi. Wo Arzoo ko wahi bed pe sulata hai.Uss kamre ke uper ek terrace jaisa kuch hota hai jiska raasta usi kamre se hota hai… Ayaan uper chala jata hai…

Waha wo kisi ko dhundta hai… waha ek insaan baitha hota hai, jo ki ek paper ko dekhkar kaafi pareshan tha… Uske paas bhi ek pistol rakhi hui thi, aur kuch chotasa gadget hota hai jisse wo kisi se contact karne ki koshish kar raha tha. Use kisi ke kadmo ki ahaat hoti hai to wo palatta hai… {that's Hiten aka Rehan Ahmed}

Rehan: kaha reh gaye the?

Ayaan: Rehan, ab tak 4 blasts ho chuke hai

Rehan: ha, abhi abhi pata chala… usi bare mein pareshan tha… waise kuch aur details mile hai, neeche kamre mein hai… chalo…

Ayaan: Rehan, neeche do ladkiya hai

Rehan: ladkiya?

Ayaan: ha, {ayaan use sab kuch bata deta hai}

Rehan: oh.. per wo the kaun jo inka peecha kar rahe the?

Ayaan: ab tak kuch pata nahi. Un mein se ek ladki behosh hai, aur dusri filhaal kuch baat karne ki halat mein nahi hai

Rehan: to ab?

Ayaan: aao dekhte hai, shayad kuch bata de….

{wo dono neeche aate hai, aur dekhte hai Arzoo ab tak behosh hai, aur Kaynaat wahi baithi uski taraf dekhkar ro rahi hai… Rehan uske paas jaata hai}

Rehan: hua kya ise?

{kaynaat bas uski taraf dekhti hai per kuch kehti nahi…, Rehan use paani deta hai… ab wo thodi shaant hoti hai. Ayaan khamosh khada bas uski taraf dekhta hai, aur kuch pal ke liye kho jaata hai}

Rehan: thik ho?

{she nodes saying yes}

Rehan: kya hua? Tum itni dari hui kyun ho?

Kaynaat: wo…. Waha…uss aadmi ne….. {wo aur bhi darr jaati hai.., tabhi arzoo ko hosh aane lagta hai}

Arzoo: baaji….. baaji….

Kaynaat: ha Arzoo…, aankhe kholo….

{per wo phirse se behosh ho jaati hai}

Rehan: koi baat nahi, thoda aaram karo hum baad mein baat karenge…. {he gets up and goes towards ayaan}

Rehan: bahot dari hui hai…

Ayaan: hmm… zara uper chalo…

Rehan: kya hua?

Ayaan: pata nahi kyun, per mujhe aisa lagta hai ki inki jaan ko khatra hai…, pehle to koi inka peecha kar raha tha, aur phir jab main inhe yaha laa raha tha to koi meri gaadi ka bhi peecha kar raha tha

Rehan: yeh tumhe mile kaha?

Ayaan: uss jungle ke peeche wale raaste per…

Rehan: to kahi inhone hi….

Ayaan: ho sakta hai…

{tabhi unhe kuch girne ki awaaz aati hai aur wo dono neeche jaate hai, dekhte hai ki waha rakha paani ka glass neeche gir chuka hai aur Kaynaat ke haath se khoon bhi beh raha tha… Rehan uske paas aata hai, Kaynaat ke haath mein kaanch ka chotasa piece lagta hai..}

Rehan: oh, ek minute main abhi dawayi le aata hu…

{rehan jhat se uper jaata hai…aur ayaan kaynaat ki taraf dekhta hai…use wo bahot pain ho raha tha… Ayaan uske kareeb aata hai, aur wahi baithta hai…Kaynaat ke haath se khoon beh raha tha, wo uss kaanch ke tukde ko uske haath se nikaalta hai}

Kaynaat: oouucchh!!!

Ayaan: {looking at her} ab yeh thik hai.

{rehan koi medicine lekar aata hai, aur use deta hai.. Kaynaat wo haath per lagati hai}

Rehan: acha kam se kam apna naam to batao

Kaynaat: {she first looks at Ayaan and than at Rehan} Kaynaat

Rehan: acha, aur yeh kaun hai?

Kaynaat: hamari choti behen Arzoo…. Per aap?

Rehan: ji mera naam Rehan hai aur ye mera dost hai Ayaan..

Ayaan: waise hua kya tha? Wo log kaun the jo aapka peecha kar rahe the?

Kaynaat: wahi jinko humne dekha tha… wo waha.. {use wo hadsaa yaad aata hai aur wo ghabra jaati hai} kya aap hume hamare ghar tak chod sakte hai?

Rehan: kaha rehte hai aap?

Kaynaat: wo laal baug ke peeche jo ilaaka hai waha….

{ayaan looks at her with a very strange expression..}

Kaynaat: ma baba bahot pareshan hote honge, hum itni der kabhi ghar se bahar nahi rahe…. {looks at ayaan} aap please hume ghar tak chod sakte hai?

{ayaan was just looking at her.., he was helpless he coudnt say a word to her}

Rehan: acha, pehle Arzoo ko hosh aane do, phir hum tumhe chod denge… Main tumhare liye kuch khaane laata hu… {saying this he leaves, while ayaan stood there for a moment looking at Kaynaat….and than he too walked out}

Rehan: kya hua?

Ayaan: yeh jis jagah ki baat kar rahi hai, aakhri blast wahi hua hai…

Rehan: jaanta hu, main bhi wahi soch raha tha… Per hum inhe apne saath kab tak rakh sakte hai?

Ayaan: hmmm…, savere hote hi inhe hum waha chod denge…

Rehan: ha yehi thik hoga, unka koi to rishtedaar hoga na.. khuda kare inke ma baba sahi salamat ho..

Ayaan: ameen…

Rehan: {looks at him amazingly} Ayaan tum?

Ayaan: kya hua?

Rehan: kuch nahi…, waise kaynaat ki shakal…

Ayaan: jaanta hu… per ab to uss ehsaas se bharosa uth chuka hai…

Rehan: per pyar dubara bhi to ho sakta hai na?

Ayaan: nahi, iss waqt agar meri zindagi mein mere jaan se bhi jyada kuch mayane hai to wo hai hamara maqsad.. jiske liye jaan bhi chali jaye to parvaah nahi….

Rehan: tumhari jaan mere liye bhi kuch mayane rakhti hai… Khair, Malik uncle ki khabar aayi thi.. Apne bete ke bare mein puch rahe the…

Ayaan: {smiles} kya keh rahe the?

Rehan: kuch dino ke liye wo bahar jaa rahe hai

Ayaan: bahar?

Rehan: ha, kaha yeh to nahi bataye… bas hume ittelah {inform} kiya hai.. kuch 10-12 din baad lautenge…

Ayaan: per u achanak?

Rehan: ab unse agar koi sawaal kar sakta hai to wo bas tum hi ho.., hum aise gustaakhi kaise kar sakte?

Ayaan: Rehann.., baba hum dono mein koi fark nahi samajhte

Rehan: jaanta hu, per unke ladle to tum hi ho… Ayaan beta..

{both of them smile}

Ayaan: acha, saamaan aa gaya?

Rehan: ha box pohoch chuka hai, tasveere bhi mil gayi… ab kisi shak ki gunjaish nahi rahi…

Ayaan: to mera andaaza sahi tha…, ab to bas uss ek aadmi ki talaash hai..

Rehan: wo bhi bahot jald pura ho jayegi… unhone to bas kuch patakhe bajaye hai, asli dhamaka to hum karenge…

{ayaan just looks at rehan and smiles….

Peeche khadi kaynaat unki saari baatien sun leti hai}

~~~**~~~End of part-2~~~**~~~

Comments awaited!!!

Luv,

Ruksaar