True love comes only once in a life time
yet it lasts an eternity
It has the power to crush someone so deeply
while at the same time they know
there's no one else in the world they'd rather be with
True love will knock down the walls of difficulty
to be with that special one
It will take your hand and fly over the world
into a place where there's no pain, no tears
True love will withstand the test of time,
forever waiting until its love is returned
It never fails, never dies, never lets go of the one they love,
capt Rajveer k hath abhi tak kaamp rahe the...
un k hathon me voh card tha...jise Naina unhe de kar gayi thi...
jis me likha tha...Naina weds Akash......
par capt Rajveer khud hi nahi jaan pa rahe the ki voh itne dukhi kyoun hain...!!! voh khud bhi toh yehi chahte the phir kya hua jo aaj unhe Naina ki shaadi ki khabar mili toh... unhe bardast nahi ho pa raha hai...!!! kyoun un ki saansh ruki ruki si lag rahi hai...kyoun voh apne ander ek ghutan ko mehshush karr rahe hain...??? kyoun khush hone k badle un ka dam ghuta ja raha hai...!!!
kai sare sawal...par jawab ek hi hai....Love is a constant battle between the heart and the mind n True Love is when they agree....
capt Rajveer:- "janta hun...har ek sawal ka jawab...aur voh bass ek hi hai Naina...!!!! main tum se baht pyar karta hun...!!! par na toh kabhi kah paya...aur na hi sayad kabhi kah payunga...!!! kyoun har baar khushi ki talash me ghum mere nasheeb me hote hain...??? kyoun hamesha is chehre ki mushkurahat k piche dard rahta hai...??? kya mujhe sukun se jeene ka koi haq nahi...???"
capt Rajveer aage aaye...apne study table k drwer me se Naina ki tashveer nikali aur kaha:- "sorry Naina...main tumhe sach nahi kah paya...!!! jab tum mera hath thaamna chahti thi...maine hi apne kadam piche hata liye...!!!par...par main aur kar bhi kya sakta tha...??? tum meri student thi Naina...mere sab se achhe dost ki behn...!!! jise maine vaada kiya tha ki us ki behn ka khayal rakhunga...!!! use kabhi koi bhi aanch aane nahi dunga...!!! duniya me us ka baht bada mukam hoga...!!! (is point ko maine is OS me add kiya hai...plz...ise le kar No Ques😃)
agar us rishte ko hum maan lete...toh zamana baht hi buri nazar se humain dekhta...!!! kai sare sawal hamare rishte ko le kar uthte...!!! voh sab kuch hota...jo us din mentorship camp k dauran hua tha...!!! khud sare dard sah leta Naina...par tumhe koi bure nazar se dekhe...koi tumhare maan ko le kar kuch kahe...main bardast nahi kar pata Naina...!!! main janta hun ki maine tumhe baht hurt kiya hai...par...sayad yehi meri kishmat hai ki...zindagi k akhiri saansh tak...tumhe yaad karte karte maut k agohosh me kho jayun...!!!"
achanak capt Rajveer k door par kafi zor se dastak hua...
FLASHBACK
capt Rajveer academy me wapas aaye...aur apne qtr ki taraf ja hi rahe the ki unhe Naina dikhi...
naina ki nazar jaise hi capt Rajveer par padi...voh apne tez kadmon se un ki taraf aayi...!!!
Naina:- "sir...
capt Rajveer ruke...
capt Rajveer:- "boliye Lft Naina Ahh singh...
Naina mushkurayi...aur kaha:- "sir main voh library gayi thi...!!! Shakespear ki book 'ture love' lane k liye...par Librarian ne kaha ki voh book aapne li hai...!!! aap ne agar padh li ho toh mujhe denge...???"
capt Rajveer:- "haan...maine padh li hai...!!! mere qtr me hain...chalo...vohin se le lena...!!!"
Naina:- "thanqqq sir...!!!"
capt Rajveer:- "maine abhi tak voh book tumhe diya nahi hai..aur pahle se hi 'thanqqq'...???"
Naina:- "mujhe pata hai sir...ki aap mujhe voh book jarur denge...isiliye pahle se hi 'thanq' bol diya...!!!"
capt Rajveer...mushkuraye...!!! kuch hi din ki baat hai...jab sab kuch badal jayega...sab ki posting alag alag jagah par ho jayegi...aur sabhi ek dushre se dur ho jayenge...!!! phir kabhi milenge ya nahi kisi ko nahi pata...!!!
chate chalte...Naina ne pucha:- "sir...ek baat puchun...???"
capt Rajveer:- "hmmm...pucho na...???"
Naina:- "kya...sach me 'true love' hota hai...???"
capt Rajveer ne Naina ki taraf dekha aur kaha:- "haan...hota hai...!!!"
Naina:- "aap ko kabhi hua...???"
capt Rajveer ne is ka jawab apne khamoshi se diya...
Naina ne us sawal ko doharaya nahi ...
dono capt Rajveer k qtr me pahunche...toh achanak capt Rajveer ko ek call aa gaya...
voh us caller k sath uljhe rahe kuch der tak...kuch official batain chalti rahi...
jab fone bandh kiya toh capt Rajveer hairan hue...kahin bhi Naina nahi thi...!!!
achanak unhe apne kitchen se kuch aahat hui...toh voh us taraf gaye...dekha...Naina...chai bana rahi thi...!!!
capt Rajveer ko dekh kar Naina mushkurayi aur kaha:- "sorry sir..aap se bina puche aap k kitchen me aa gayi...!!! aap bataon me itne uljhe hue the ki maine aap ko disturbed karna sahi nahi samjha...!!! shaam ka waqt tha toh socha ki hum dono k liye chai bana deti hun...!!!"
capt Rajveer:- "aur itni achhi baat k liye tum mujhe sorry bol rahi ho...hun...???"
Naina:- "aap ka kitchen hai na...aap ke permission k bina aa gayi thi...isiliye kaha...!!!"
Naina ne capt Rajveer k hathon me ek cup hot tea thamate hue kaha...
ek sip lete hue capt Rajveer ne kaha:- "hmmm..achhi bani hai...
Naina:- "thanqqq...
capt Rajveer ne Naina ki taraf voh book badhaya...
Naina ne us book k cover ko dekh kar kaha:- "sir...yeh book kaisi hai...???"
capt Rajveer:- "is book ko padne k liye dimaga aur dil dono ki jarurat hai...!!! jis k paas dono me se kuch bhi na ho...voh is book se dur rahe...!!!"
capt Rajveer hassne lage...
Naina:- " ha ha ha...very funny...for ur kind information mere paas dono hain...!!!"
kuch der baad Naina ne kaha:- "main chalun...???"
capt Rajveer:- "nahi...pahle apni chai khatam karo...phir chali jana...!!!"
Naina ne chai peena suru kiya...phir kaha:- "sir...aap ne toh yeh book padh li hai na...??? toh batayiye 'true love' hota kya hai...???"
capt Rajveer...kuch der khamosh rahe phir kaha:- "...
'true love'...ek rishta hai...ek dhaaga...ek jazbaat...!!! do dil k...bina kuch kahe...baht kuch kahne...aur mehshush karwane ka ehsaash...!!! ek dushre k dard ko...khushi ko mehshush karne ka ehsaash...!!! apne pyar k liye us ki zindagi me aane se pahle har ek dard ko apne ander shama lene ka jazbaat...!!! ek taqat jo...har mushkil ko ashaan bana deti hai...!!! ek attraction jo apne pyar k samne har voh chamakti chiz ko murjha deti hai...!!! ek voh chehra...jise ankhen bandh karo ya khuli...apne palkon par mehshush ki jati hai...par yeh bhi sahi hai ki...True love doesn't have a happy ending because true love doesn't end."
capt Rajveer ne Naina ki taraf dekh kar kaha:- "sayad...yehi hai true love...!!! sacrifice... aur kisi se be-intehaan...be-panah mohabbat karne ka jazba...!!!"
Naina:- "aap ne abhi tak mujh se nahi kaha sir...???"
capt Rajveer:- "kaha na maine ki...
Naina ne capt Rajveer ki baton ko complite na hone dete hue kaha:-"maine pucha ki kya aapne bhi kabhi kis se pyar kiya tha...ya...ab karte ho...???"
tumhari ankhon me ek aash dikhi thi mujhe...ek ehsasash...kuch sunn ne ka kuch kahne ka...!!! sayad main samajh raha tha tumhare dil k jazbaat ko...!!! lekin har baar ki tarah is baar bhi maine use ignore kiya...!!!
tumhare chehre par ek mushkurahat thi...sayad tumne padh li thi...mere ankhon ki zuban ko...!!! main nazrain jhukaye baitha raha...aise jaise maine koi baht badi galati kar di ho...!!!
kuch der baad maine hi tum se pucha tha:- "Naina...kuch dino me tumhari posting ho jayegi...kisi dushre saher me...!!! tum naye logon k sath kaam bhi karne lagogi...!!! toh kya hum sab yaad aayenge tumhe...???"
Naina ne capt Rajveer ki taraf dekha...aur kahne lagi:- "dosti...pyar...khushi ka ehsaas... mujhe yehin toh phir se wapas mila tha na sir...!!! toh main kaise bhul sakti hun...kuch bhi...!!! chahe main kahin bhi rahun...kuch bhi karun...aap sabhi mere zindagi ka voh atut hissa bane rahenge...jise main kabhi nahi kho sakti...!!!"
capt Rajveer:- ""Naina...yahan par tumhe baht sare dost mile the...tumhare voh dost koun hain...jo tumhe har pal yaad aayenge...jo tumhare liye baht khaash hai...aur hamesha khaash rahenge...!!!"
Naina ne ek paper liya...kuch likha us me...phir voh paper us ne capt Rajveer ki taraf badha diya...
capt Rajveer hairan nahi hue...sab se upar apna naam dekh kar...!!! bal ki unhe dukh hua...dard hua...ek pal k liye laga..ki sab kuch phenk de...duniya k rashmon riwaaz...aur vohi kare jo un ka dil kah raha hai...
door par halki si awaz aayi toh dekha...ki Naina un se bina kuch kahe hi wapas chali gayi thi...
capt Rajveer ko raat bhar neend nahi aayi...!!! der tak karvat badalte rahe...
dushre din...kafi barshaat ho rahi thi... hawa bhi tez bah rahi thi...ghar se bahar nikalna mushkil tha...voh din un ka off day tha...!!! kuch official kaam karr rahe the...
tabhi koi zor se darwaza khol kar ander aaya...
capt Rajveer ne hairan ho kar dekha...Naina khadi thi...uniform me...puri bheegi hui...chehra barshat ki boondon se bheega hua...phir bhi us ki ankhen bata rahi thi ki voh ro rahi thi...ek dard ko daba rahi thi...
us dard ka ehsaash capt Rajveer ko bhi hua...!!! voh kaise dekh sakte hain Naina ko is halat me...????
voh us k kareeb aaye...Naina k piche se door ko band kiya... hawa aur tez barshat ki awaz thodi kamm hui...
capt Rajveer ne...Naina k kareeb aa kar pucha:-"kya hua Naina...??? tum itni pareshan kyoun dikh rahi ho...???"
Naina ne turant jawab diya:- "sirf pareshan dikh r
ahi hun...ya phir aap ko mere ankhon k anshun bhi dikh rahe hain sir...???"
capt Rajveer:- "Naina...baat kya hai..pahle voh toh batayo...???"
Naina:- "batayun...??? arre haan...aap toh kuch jante hi nahi ho na...??? aap ko toh kuch pata bhi nahi hai...??? thik hai...main batati hun...!!!"
Naina...ne ek pal k liye ankhen band ki phir kaha:- "jab se main is academy me aayi...aap ne meri har ek pal madat ki...!!! har dard me...har ghum me mujhe apne piche aap khade dikhyi diye...kyoun...??? sirf is wajah se ki main aap ki frnd naveen ki behn thi...jis ki maut ki wajah aap the...ya phir kuch aur bhi tha ...???"
capt Rajveer chup chap khade Naina ko dekh rahe the...is ka jawab voh jante toh hain...par kya voh bata payenge Naina ko....
Naina ne capt Rajveer ko chup dekh kar kaha:- "nahi kah sakte hain na aap...??? mujhe pata hai...aap sachhai ko jante hain...aur main bhi...!!! mere posting ka order aa chuka hai sir...!!! main baht jaldi hi andaman & nicobar ja rahi hun...!!! par jane se pahle kuch kahna tha aap se...!!! main nahi janti ki aap ise swikar karenge ya nahi...!!! par main apne dil ki baat daba kar nahi jee sakti...!!!"
Naina ne apni ankhen band ki...ek gehri saansh li...phir capt Rajveer k kareeb aayi...straight...un ki ankhon me dekhte hue kaha:- "i love you sir...i really loves u...!!! aur main yeh bhi janti hun ki aap bhi mujh se pyar karte ho...par kabhi kahoge nahi...!!! aaj jab mujhe apne posting ka order mila...toh mujhe aisa laga jaise main aap ko phir kabhi dekh nahi payungi...!!! jaise main aap ko hamesha k liye kho dungi...!!! ek teesh si uthi dil me jise main bardast nahi kar payi...!!! naveen bhaiya k maut k zimmedar aap kabhi the hi nahi...us samay jo bhi hua tha...voh sayad sahi tha...!!! par main aap ko kabhi bhi naveen bhaiya ka katil nahi samajhti...!!! sach toh yeh hai ki maine us inshan se pyar kiya hai...jis ne har ek pal dard sah kar bhi meri khushi ka khyal rakha...jo zimmedar na ho kar bhi naveen bhaiya ki maut ki taklif khud utha ta raha...!!! yeh sach hai sir...ki main aap se pyar karti hun...aur hamesha karti rahungi...!!!"
Naina aage aayi...kuch nahi kaha...bas capt Rajveer ko tightly hug karte rone lagi...
capt Rajveer ko bardasht nahi ho pa rahe the Naina k dard...unhone Naina ko apni bahon me bharte hue khud k dard ko chupate hue kaha:- "main tumhare jazbat ki kadar karta hun Naina...!!! hum itne din tak sath rahe...sayad isiliye tumhe mujh se ek lagav sa ho gaya hai...!!! par yeh pyar nahi ho sakta...!!!! tum abhi choti ho...in sab ko samajhne k liye...!!! kisi achhe ladke se shaadi kar lena...khush rahogi...!!!"
Naina ek jhatke se capt Rajveer se alag hui...kafi gussa us k ankhon me tha...
Naina:- "main itni choti bachhi bhi nahi hun sir...jo kuch samajh na payun...??? jo kuch bhi mere sath hua ...us wajah se waqt se pahle hi main badi ho chuki hun...!!! aur aap ne kya kaha...??? main kisi achhe ladke se shaadi kar lun...yeh na...??? thik hai sir...main aap ki yeh khwahish jarur puri karungi...!!! yeh vaada raha...!!!"
Naina chali gayi...!!!
us k baad ek mahine tak na toh Naina ka koi phone aaya aur na hi koi khabar...!!! capt Rajveer khud pareshan the...!!! voh jante the ki agar unhone Naina ko fone kiya toh un ki kamzori pakdi jayegi...!!!
par achank ek mahine k baad achanak Naina...ek din un k qtr aayi...
Naina k chehre par ek mushkurahat thi...jaise voh Rajveer se yeh kah rahi ho ki ab aur dard dungi aap ko...
Naina ne ek card Rajveer ko dete hue kaha:- "aap ko jaan kar khushi hogi sir...ki main shaadi karr rahi hun...!!! aap aayenge na...??? arre kaise nahi aayenge aap...??? aap bhi toh yehi chahte the na sir...???"
Naina ne aur kuch kahne ka mauka nahi diya aur chali gayi thi...
Flashback over
aaj Naina ki shaadi hai...
achanak capt Rajveer k door par dastak hui...
apne khayalon ki duniya se bahar aaye...
thake thake se kadmon ko ghaseette hue voh darwaze tak gaye...
door khola toh samne Alekh aur Huda khade the...
capt Rajveer:- "tum sab yahan...???"
Huda:- "arre sir...aap abhi tak taiyar nahi hue...??? "
Alekh:- "sir...sayad bhul gaye honge ki aaj Naina ki shaadi hai...!!!"
Huda:- "dekha sir...Naina aap ko kitne achhe se samajhti hai...!!! tabhi toh us ne humain bheja hai...aap ko lane k liye...!!! use pata tha ki aap choti choti batain bhul jate hain...isiliye us ne humain bheja hai...!!! chaliye sir...abhi niklenge...toh raat ko toh pahunch hi jayenge...us ki shaadi se pahle..."
Alekh:- "ab sir ki protegee jo thi...!!! isiliye sir k har ek aadat ko achhe se janti hai Naina...!!! chaliye sir...jaldi se taiyar ho jayiye...phir chalte hain...!!!"
capt Rajveer:- "tum sab chalo...main baad me aata hun...!!!"
Alekh aur Huda...ander aa gaye...
Alekh:- "akele nahi ja sakte hain sir...!!! Naina ne kaha hai ki Rajveer sir ko sath le kar hi aana...!!! un k ashrivaad k bina meri shaadi adhuri rah jayegi...!!!"
Huda:- "aur ashrivaad toh aap ko dena hi padega na sir...!!! aap k bina Naina ki shaadi adhuri jo hai...!!!"
Alekh:- "chaliye sir...jaldi se taiyaar ho jayiye...!!!"
Huda ne ek shirt nikal kar capt Rajveer k samne rakhte hue kaha:- "sir aap is me baht handsome lagoge...!!!"
Alekh:- "haan...bilkul sahi bola...!!! aap toh aise lagoge jaise dulha Akash nahi bal ki aap ho...!!!"
capt Rajveer ne Alekh ki taraf dekha...
Alekh:- "sorry sir...voh hum ne toh samjha tha ki aap jaise hi koi inshaan milega naina ko...par....
Huda:- "jane de na Alekh...!!! ab Naina ko voh pasand hai toh humain kya karna hai...!!! sir aap jaldi se ise pahn karo aayo...!!!"
capt Rajveer:- "Alekh...tum batayo...kya hua...??? voh ladka thik toh hai na...???"
Alekh:- "bilkul thik hai sir...!!! bole toh dono hath aur dono pair ek dam sahi salamat hai...koi khot nahi hai...!!!"
Huda ne shirt dikha kar kaha:- "sir...shirt...!!!"
capt Rajveer ne shirt ko apne samne se hatate hue kaha:- "baat ko ghumayo mat Alekh...saaf saaf bolo ki kya baat hai...!!!"
Huda:- "kuch nahi sir...!!! Akash...matlab Akash khurana...jo ki pahle navy me the...!!! un k hath pair sabhi salamat hai sir...!!! bass...
capt Rajveer:- "bass...kya...???"
Huda ne shirt ko samne la kar kaha:- "sir shirt...
capt Rajveer ne gusse se shirt ko us k hath se le kar phenk diya aur kaha:- "main jo puch raha hun...us ka jawab do...!!!"
Alekh:- "sir hath pair toh salamat hai...par us ki ek ankh patthar ki hai...!!! par pata hi nahi chalta ki us ki ankh...patthar ki hai...voh apne dushre ankh se itne achhe se control karta hai ki pucho mat sir...!!! thoda sa kaala hai...par kaale inshaan bhi toh inshaan hi hote hain na...!!! voh jab apni battishi dikha kar hassta hai na...toh aisa lagta hai ki jaise kaale badlon me se chaand nikal aaya ho..."
Huda:- "arre yaar ...sir puch bhi kahan rahe hain...??? sir...lijiye shirt...
capt Rajveer ne daant peeshte hue...Huda ki taraf gusse se dekha...
Huda ne shirt le ja kar cup-board me rakh diya aur kaha:- "gussa kyoun hote ho sir...!!! main ek aur shirt nikal deta hun...!!! vaise aap ko taiyar kar k Naina ki shaadi tak le jane ki zimmedari toh hamari hi hai...!!! varna...sayad aap ko koi aur kaam yaad aa jayega...!!! aap ko pata hai sir...Akash baht amir hai...!!! do do gadiyan hain us k paas...!!! do bunglows...aur panchgani me ek farm house bhi...!!! parrrrr...jane hi dijiye...
Huda ne itna kah kar...ek aur shirt nikala Rajveer k liye aur samne le ja kar kaha:- "ise pahn ne k liye toh aap mana hi nahi kar sakte hain sir...!!! dekhiye...kitna achha colour hai is shirt ka...
Alekh:- "haan Huda...bilkul Naina k shaadi k jode se match bhi karta hai...nahi...??? aap ise pahn kar jayoge na sir...toh vahan ki sabhi ladkiyaan behosh ho kar girengi...!!!"
capt Rajveer ne apne sar ko apne hath se dabate hue kaha:- "phil-hal tum dono mujhe behosh karne ja rahe ho...!!! for God shake...koi mujhe thik se us Akash k bare me kuch batata kyoun nahi...???"
Alekh:-"maine bataya na sir...!!! sab kuch thik hai...jab miyan biwi raazi toh kya karenge hum teen paji...!!!"
capt Rajveer ne kuch nahi kaha...apna drwer khola...us me se kuch nikala...Huda aur Alekh...capt Rajveer k cup-board k paas khade shirt select karr rahe the...
capt Rajveer un k samne aaye...dono ko sath me khada kiya...
aur thodi hi der me Alekh aur Huda ne dekha...un k samne capt Rajveer apna gun le kar khade the...
capt Rajveer:- "tum dono k paas...sirf 2 min hain...!!! mujhe us Akash k bare me sab kuch batayo...!!! varna mujhe khud pata nahi hai main kya karnewala hun...!!!"
Huda aur Alekh capt Rajveer k samne hath upar kar k khade the...
Huda:- "yeh aap kya karr rahe hain sir...??? humain kyoun maarna chahte hain...!!! maarna hai toh us Akash ko mariye na... jo ki naina ko fasha kar shaadi karr raha hai...!!! main toh us Akash se apne Paro ki bhi shaadi na karwayun...???"
Alekh ne usi tarah se hath upar karte hue bola:- "yeh Paro koun hai...
Huda:- "meri bhainsh...!!! aur tujhe pata hai...Paro ki jo behn hai na Chandramukhi...us k paaon bhari hain...
Alekh:- "sach...tune pahle kyoun nahi bataya...!!! is baat par ek bottle toh hona hi chahiye....
dono ko capt Rajveer k chillane ki awaz aayi:- "tum dono apne bakwaas bandh karoge...aur mujhe batayoge ki mazra kya hai...???"
Huda:- "bakwass...??? waah...sir ...waah...aap ka emotion... emotion hai...aur hamara emotion...loose motion...!!!"
Alekh:- "aur nahi toh kya...sir...!!! shaadi Naina ki ho rahi hai...aur aap gun ko hamare samne taan kar khade hain...!!! itna hi gussa hai toh ja kar us Akash ko tapkayiye na...!!! jis ne Naina ko bahla-fushla kar shaadi karne ja raha hai...!!! aur pata nahi Naina ko kya sujha hai jo...us kaale bander se shaadi karr rahi hai...!!! jis k liye naina ko dahej me mil rahe hain do bachhe...ek 10 saal ka aur dushra 12 saal ka...!!! aur aap ko pata hai sir Akash ki umar hai 45 saal..."
capt Rajveer ne apna gun niche kiya kafi uljhe hue lag rahe the...voh...
Huda:- "Naina jaan bujh kar apni zindagi barbaad karr rahi hai sir...!!! aur hum kuch nahi kar sakte...!!!"
capt Rajveer:- "tumhe use samjhna chahiye tha...!!! tum dono us k dost ho...voh kaise apni zindagi is tarah se barbaad kar sakti hai...!!!"
Alekh ne dhire se Huda k kaan me kaha:- "huda hath niche kar...sir ne humain maarne ka plan cancel kar diya hai...!!!"
Alekh:- "aur sir...hum ne use samjhane ki koshish ki thi...!!! par voh bhadak gayi...bolne lagi...ki hum sirf us k dost hain...aur us k faishle par hum sirf us ko kuch kah sakte hain...par us k sath koi zabardasti nahi kar sakta...!!! kyoun ki yeh zindagi us ki hai...aur voh jo chahe voh kar sakti hai...!!! aap hi batayiye sir...hum aur kya karr sakte hain...???"
capt rajveer ne koi jawab nahi diya...aur apne bed room k ander chale gaye...
huda:- yeh sir ko kya ho gaya...??? is waqt sone kyoun gaye...!!! vahan naina ki shaadi hai...yahan hum khade hain...aur sir sone chale gaye...!!!"
alekh:- "arre sone nahi gaye honge...!!! Naina k liye koi gift kharida hoga na...use lene gaye honge...!!! un k fav student ki shaadi jo hai...!!!"
kuch hi der me capt Rajveer kamre se bahar aaye...kafi pareshan lag rahe the...
capt Rajveer:- "Naina fone kyoun nahi utha rahi hai...???"
Huda:- "sir...aap sayad bhul rahe hain ki aaj us ki shaadi hai...!!! toh...fone kaise uthayegi...???"
capt Rajveer ne apne jeep ki chabi phenki Alekh ki taraf aur kaha:- "jaldi se jeep nikalo...!!! main BC ko inform kar k aata hun...!!!"
kuch der baad...capt Rajveer ki jeep ki driving seat par Alekh baitha hua tha...
capt Rajveer bhaagte hue aaye...aur Alekh ko hata kar...khud driving seat par baithe...
jeep kafi tezi se ja rahi thi...
Alekh aur Huda...chup chap baithe hue the...
Huda:- "sir se bolun...ki thoda speed kam karen...??? yaar abhi tak meri shaadi nahi hui...aur sir Naina ki shaadi rukwane k liye meri shaadi hone nahi denge...!!!"
Alekh:- "jaan pyari hai...toh chup chap baitha rah...!!! sir ko gussa aa gaya na...toh tujhe jeep se niche phenk denge...!!! aur tu fiqar mat kar...humain kuch nahi hoga...sir ki driving dekhi hai maine...brk lagane ki jarurat hi nahi padti...!!! tu chup chap so ja...jab gadi rukegi...tab jaan lena ki hum pahunch gaye hain...!!!"
Naina ki shaadi jahan ho rahi thi us venue me pahunchne k liye kareeb 2 ghante lage capt Rajveer ko...jab ki agar normal speed se jeep chalate...toh 3 ghante toh lag hi jate...!!! khair point ki baat yeh thi ki capt Rajveer ne 1 ghnate ki bachat ki thi...
bhaagte hue jab ander gaye...toh Naina...shaadi k jode me baithi hui thi...aur us kareeb ek aadmi dulhe k jode me baitha hua tha...jo sach me kareeb 45 saal ka lag raha tha...!!! Alekh aur Huda ki baat bilkul sahi lagi capt rajveer ko...jo jo bhi un dono ne kaha tha...voh sab kuch sahi tha...!!!
hala ki vahan jyada log maujud nahi the...!!! Naina k parents vohin khade the...aur sirf kuch hi log vahan par the...
capt Rajveer ne Akash ki taraf ek baar phir dekha...voh mushkura raha tha...hala ki us ki mushkurahat kuch ajeeb si lag rahi thi...us k ek dam kareeb Pooja baithi hui thi...
Alekh...Pooja k paas gaya...us k hathon se kuch liya aur dhire se kaha...:- "tu ja...aage main sambhal lunga...!!!"
capt Rajveer...kafi gusse se aaye...Naina k paas...
Naina mushkurayi aur kaha:- "thanqqqq sir...aap yahan par aaye...!!! mujhe toh yakeen hi nahi ho raha hai ki aap yahan pe aaye hain...!!! phir khud ko yakeen dila rahi hun...kyoun ki aap ne hi toh kaha tha na...ki main shaadi kar lun...!!! dekhiye sir... maine aap ki yeh baat bhi maan li hai...!!!"
capt Rajveer ko kafi gussa aa raha tha...
capt Rajveer:- "tum yeh shaadi nahi karogi Naina...???"
Naina:- "kyoun...??? jaan sakti hun...???"
tabhi pandit bol pada:- "mahurat ka samay niklta ja raha hai....
capt Rajveer chillaye...:- "jab tak main na kahun...aap kuch nahi bologe....!!!" unhone us pandit ko gusse se kaha...sabhi chaunke...
capt Rajveer ne Naina ki taraf dekh kar kaha:- "tum mujh se gussa ho kar apni zindagi kyoun barbad karr rahi ho...??? tum janti ho ki yeh shaadi nahi bal ki...
Akash ko jaise kisi ne dhakka diya...us ne piche dekha aur kaha:- "dekhiye Mr...aap meri shaadi me aa kar mera insult karr rahe hain...!!!"
capt Rajveer ne gusse se us ki tarf dekh kar kaha:- "maine aap se kuch kaha...??? main apne student se baat karr raha hun...!!!"
Akash:-" voh aap ki student kabhi rahi hogi...lekin aaj yeh meri honewali biwi hai...!!! mere do 'ho chuke' bachhon ki 'honewali maa'hai...!!! aap yahan se jayiye varna..."
capt Rajveer ne gusse se us ka coller pakda...phir khud ko shaant kar k us k coller ko choda aur Naina k parents k paas aa kar kaha:- "kam se kam aap toh kuch ki jiye...!!! Naina shaadi nahi bal ki apni zindagi barbaad karr rahi hai...!!!"
Naina's father:- "hum aur kar bhi kya sakte hain officer...!!!"
capt Rajveer:- "do thappad maar kar ise is ki bewakuffi se bacha sakte hain...!!!"
capt Rajveer kafi gusse me the...
Naina's mom:- "hum ne Naina ko baht samjhaya...par voh maan hi nahi rahi hai...!!! humain apni kasamm de di...aur hum chup ho gaye...!!!"
capt Rajveer:- " Naina bewakuffi karr rahi hai...aur aap jante hain...phir bhi aap sab chup hain...us ki zidd ko maan rahe hain...!!!"
Naina k mom dad ne sar jhuka diya...
capt Rajveer apne control se bahr ho rahe the...
vahan pheron ki rasham suru honewali thi...
capt Rajveer aage gaye...aur Naina ki chunni aur Akash k gaanth ko khol diya...aur Naina ka hath thaame kafi zor se kaha:- "tum yeh shaadi nahi karr rahi ho...???"
Naina:- "aap sirf yahan par mehman hain sir...!!! aap koun hote hain mujhe mere faishle se rokne wale...!!! aap ne apna haq usi din kho diya tha...jis din...
Naina ne aage kuch nahi kaha...
capt Rajveer ki awaz abhi bhi tez thi...aur gussa abhi bhi barkarar tha:- "main tum se kuch request nahi karr raha hun Naina...!!! main tumhe apna faishla bata raha hun...TUM YEH SHAADI NAHI KAROGI...samjhi...!!!"
Naina:- "aur aap koun hote hain...mujhe mere hi shaadi se rokknewale...??? main jo chahe kar sakti hun...jahan chahe ja sakti hun...jis se marzi ho us se shaadi kar sakti hun...!!! aap se mera rishta sirf vohin tak tha jab tak aap mere teacher the... us k baad kuch nahi bacha hai sir...aap ne hi kuch bachne nahi diya...
Naina ne phir se apni chunni ka gaanth badhne ki koshish ki...
capt Rajveer ne us ka hath thaama aur khinch kar use apne kareeb late hue kaha:- "main tumhe yeh shaadi karne se rokk sakta hun Naina...!!! kyoun ki main voh inshaan hun...jis se tum pyar karti ho...jo tumhe be-inteha...be-panah mohabbat karta hai...!!!"
achanak do boond anshun ubhar aaye...Naina ki ankhon me...sirf itna hi kah:- "phir kyoun chupaye rakha aaj tak...??? kyoun khud ko bhi taklif di...aur mujhe bhi...!!!"
capt Rajveer ka hath thoda kamzor hua...Naina par...
sahi kahte hain ki.... True love can blind you but at the same time if you let it, it can also open your eyes.
capt Rajveer:- "har inshan galati karta hai...!!! maine bhi ki...!!! par main kabhi nahi dekh sakta tumhe khud ko barbaad karte hue...!!!"
Naina:- "aap mujh se pyar karte ho...???"
capt Rajveer k chehre par finally ek hassi aayi unhone kaha:- "yeh tum mujh se puch rahi ho ya mujhe inform karr rahi ho...???"
Naina:- "khud ko yakeen dinlana chahti hun...!!!"
capt Rajveer kuch der ruke...apni ankhen bandh ki...kuch faishla liya aur finally kaha:- "mujh se shaadi karogi Naina...abhi...isi waqt...!!!"
Naina ne ek big smile dete hue...sar hilaya...aur apne parents ki taraf dekha...voh mushkura rahe the...phir us ne apne frnd ki taraf dekha...jo use aage badhne k liye ishara kar rahe the...phir us ne kaha:- "abhi 10 min me achha mahurat hai... abhi shaadi kar le...???"
capt Rajveer ne Naina k parents ki taraf dekha...unhe mushkurate hue dekh...unhone un k razamandi ka ehsaash hua...
achanak Akash bhaagta hua capt Rajveer k paas aaya...aur kahne laga:- "thanq...so much sir...jo aap sahi waqt par aaye...!!! varna yeh sab aaj meri maiyat nikalwa dete...!!!"
capt Rajveer:- "kya matlab...main kuch samjha nahi...???"
us ne apni ankhon se anshun poche aur kaha:- "main chup chup k dance bar jata hun...kyoun ki agar meri 100 kilo ki biwi ko pata chalega toh voh mujhe dhobi ki tarah utha utha kar patkegi...!!! in sab ne(Huda, Alekh, Yudi, Pooja, Ali n of course Naina ki taraf ishara karte hue kaha) mere kuch photo khinch liye the aur mujhe blackmail kiya ki agar maine yeh natak yahan par nahi ki toh voh meri tashveer mere biwi k paas bhej denge...!!! isiliye maine yeh natak ki...!!! main aap ko dhamkata bhi nahi...voh jo sidhi sadhi ladki (Pooja) khadi hai na...voh mere piche saye ki tarah lagi hui thi...ki kahin main bhaag na jayun...ya phir kisi ko kuch bata na dun...!!! main aap ko kuch bhi nahi kahta...par bich bich me yeh log mujhe voh tashveer dikha kar dara rahe the... aur kabhi kabhi meri biwi ki tashveer bhi dikha rahe the...!!!"
voh zor se rone laga...
capt Rajveer ne Huda, Alekh, Ali, Yudi, Pooja ki tarf dekha... voh sab ashman ki taraf dekh rahe the...jaise ki unhone kuch suna nahi...
phir capt Rajveer ne Naina ki taraf dekha...us ne ek lamba sa ghunghat daal diya tha...
capt Rajveer ne us Akash ki taraf dekh kar kaha:- "aap ko ab koi aur pareshan nahi karega...!!! aap jajiye...
capt Rajveer:- "Huda...
Huda aaya un k paas...
capt Rajveer:- "in ki sari tashveer...inhe de do...aur inhe in k ghar tak chod kar aayo...
Huda:- "jee sir...
us ne Akash ka hath khinch kar bahar le ja raha tha...tabhi capt Rajveer ne use roka aur kaha:- "yeh shaadi ho jaye...phir tum logon ka kya karna hai...is bare me main sochta hun...!!!"
kuch hi palon me shaadi ho gayi...
Naina k father aaye aur Rajveer ko apne sath le gaye...vahan... jahan Naina ki mom khadi thi...
Naina's father:- "humain maaf karna beta...!!! Naina ki khushi tum se hai...aur hum apne ek laute bachhe ki khushi k liye is natak me us ka sath diya...!!!"
Naina's mother:- " par sach yehi hai ki Naina tum se baht pyar karti hai...!!! aur hum us ko aur jyada dard k sath nahi dekh paye...isiliye...
capt Rajveer mushkuraye aur kah:- "aunty...aap kyoun 'sorry' bol rahe ho...galati toh meri thi...jo main apne jazbaat se bhaag raha tha...khud ko bhi taklif de raha tha aur Naina ko bhi...!!!"
khair shaadi ho gayi...Naina k parents vohin se Nainital chale gaye...!!! shaadi me anokhi baat yeh hui ki dulhan toh shaadi k jode me thi par...par dulha...trouser aur formal t-shirt me tha...!!! aur mehman common the...matlab mehman vohi the...jo dulha aur dulhan dono ki taraf se the...!!!
Naina k parents ko vida karne k baad...
capt Rajveer:- "aap sabhi mujhe 3 ghante k baad...mujhe mere room me aa kar report karenge...!!!"
capt Rajveer ne turn kiya jane k liye...Naina vohin khadi rahi...
capt Rajveer:- "tumhe mere sath nahi aana...???"
Naina:- "aap humain punish karoge...???"
capt Rajveer:- "pahle hum sab pahunch jayen...phir sochunga ki tum sab ka kya karna hai...!!!"
after 3 hours....
capt Rajveer sar par hath liye baithe hue the...Shalini aur Suri jee un k samne khade the...
Shalini ne hath me aarti ki thali pakad rakhi thi...aur Suri jee...doc shalini k sath mil kar capt Rajveer k room ko decorate kar diya tha...!!!
capt Rajveer:- "mujhe yakeen nahi ho raha hai ki aap dono bhi in sab k sath samil the...!!!"
Shalini:- "arre nahi capt...hum dono in sab k sath samil thode hi the...!!! bal ki yeh sab toh hamare sath samil hue...
capt Rajveer:- "kya...???"
Shalini:- "haan...kyoun ki yeh idea toh maine hi diya tha na...!!!"
itna kah kar Shalini vahna se bhaag gayi...tab ja kar Suri jee ko yeh ehsash hua ki unhe bhi bhaagne ki jarurat hai...voh bhi bhaag gaye...
baki sabhi ek hi line me khade the...in fact Naina bhi...dulhan k livaas me...
capt Rajveer:- "ab tum logon k punishment ki bari...!!!"
Alekh:- "par sir...apun ne itni badi galati thode hi na ki hai...!!!"
Ali:- "haan...hum ne toh do dil mileye hain...!!!"
Pooja:- "aur sir...yeh toh bada nek kaam hai...!!! sochiye agar hamare jaise intelligent log pahle hote toh laila-majnu...heer-ranjha... romeo-juliet...siri-farhad ki painful stories hote hi nahi...sab ki love story ki ending HAPPY ENDING hi hoti...hai na...???"
capt Rajveer:- "aur tum sab ne jo mujhe daraya us ka kya...???"
Yudi:- "sir...itna toh haq banta hai na apna...!!! akhir hum ab aap k kuch lagte hain...???"
capt Rajveer:- "filhal aap sabhi mujhe murge lagte hain...!!!"
Ali:- "sir hum samjhe nahi...
capt Rajveer:- "aap sabhi abhi aur isi waqt MURGA banenge... aur kal subah main aap sab ka butter chicken banayunga...!!!"
Yudi:- "aap ko kya lagta hai sir...humain yeh sab karne me taklif nahi hui...!!! baht taklif hui thi sir...!!!"
capt Rajveer:- "aur voh kaise...???"
Ali:- "sir sirf ek hi card chapwane k liye humain 10000 rupaye dene pade the...!!! aur phir jab humain koi dulha bann ne k liye nahi mila toh...
capt Rajveer:- "toh...
Alekh:- "kuch nahi sir...hum ne usi printing press k malik ko pakad kar yeh kaam karwaya...!!!"
capt Rajveer:- "Godddd...tum log...!!! tum sab ko toh kuch kahna hi bekar hai...!!! chalo ab murga bano...sab k sab...
Naina:- "mujhe bhi murga bann na padega...matlab is dress me...vaise bhi main toh ladki hun na...
capt Rajveer :- " sahi kaha tum ne...tum MURGA nahi bann sakti...tumhe MURGI bann na padega...aur abhi tum ander jayo...!!!"
Naina ek obidient student ki tarah ander chali gayi...Huda ko bahana mil gaya...
Huda:- yeh nahi ho sakta sir...yeh cheating hai...!!! naina bhi is me hamari barabar ki hissheadr hai...use aap ne chod diya aur humain nahi...!!! yeh toh sara sar na-insafi hai...!!! hum yeh zulm bardast nahi karenge...nahi karenge...!!! cahlo bhaiyon...aur behno...
sabhi bhaag gaye...
capt Rajveer hasse aur kaha:-"sab k sab ek no k badmash... nautanki kahin k...par mujhe tum sabhi ko THANX bhi kahna hai...!!!"
capt Rajveer ander room me aaye...toh Naina kaan pakad kar chup chap khadi thi...
capt Rajveer us k kareeb aaye aur us dono hathon ko apne hath me thama aur kaha:- "tumhe tumhari galati ki saza toh milegi hi...!!!"
Naina:- "kyoun...aap ne bhi toh galati ki hai na...phir mujhe sirf akele ko saza kyoun...???"
capt Rajveer:- "yeh bhi sahi hai...thik hai...hum dono ki galati ko plus...minus kar lete hain..ohk...???"
Naina ne mushkurate hue haan me sar hila diya...
phir kaha:- "aap mujh se sach me naraz toh nahi ho na...???"
capt Rajveer ne Naina ko apne kareeb late hue...use apne seene se lagaya aur kaha:- "nahi...naraz nahi hun...!!! bal ki main yeh soch raha hun ki agar tumhari shaadi kisi aur se ho jati toh main kaise jeeta...???"
Naina:- "dekha...main aap ki kitna khayal rakhti hun...!!!"
Naina ne capt Rajveer ko tightly hug karte hue kaha...
capt Rajveer mushkuraye...Naina ko apne bahon me smaye rakha...!!! unhe thoda waqt chahiye is naye rishte ko naye dhaage me sii ne k liye...!!! par unhe pata hai...ki is rishte ko majbut bann ne k liye jyada waqt nahi lagega...!!! sayad ise hi kahte hain 'true love' aur sahi bhi hai ki True love isn't without problem, it has many obstacles, but it's working through all of them and coming out happy with that someone on the otherside"
unhone dhire se Naina k kanon me kaha..." i love u Naina...
Naina ne koi jawab nahi diya...bass ek khubshrat si smile liye apne chehre ko capt Rajveer k seene me chupaye rakha... !!!
******************
plz do comments OR press d LIKE button.
(Siggy... By Yogitha)
Yeh Shot maine Preet ke B'day ke liye likha tha...😛😉
Edited by Sweet-Lioness - 14 years ago
Bade Achche Lagte Hain Naya Season
Cricket
15