Tose Naina Laage(RN)..Part 6 @ Page 17 24/02/10

First Previous

Page

Next Last

Frequent Posters

ANANYA ROY

@yakkudimag

Dazzler

+ 3

Posted: 16 years ago

#61

PART 3

Rajveer pareshaan ho gaya..khud ko maaf nahi kar paa raha tha.Yeh kyaa kar dia usne? Bina soche samjhe kuchh nahi kia usne..jaan boojh kar usne ek ladki k izzat k saath khilwad kia Rajveer ne.Woh ladki ghayab hi ho gayi..kyaa pata sharam k maare usne khuskhushi toh nahi kar li,woh ek baar apni jaan dene ki koshish kar chuki hai.Pata nahi kaun si wajah thi..par is baar Raj ne usko ek wajah bhi di hai.Par Raj ne toh kaha tha ..k woh uske Maa-Baap se milega..shaadi karega usse..kya woh ladki yakeen nahi kar paai?

Raj k lia uske din raat bahut mushkil ho gaye..aag me jal raha tha woh..sharmindagi ki aag.Chaah kar bhi woh apne khandan k hoonar aur khoon k asar se bach nahi paaya.Naa jaane kitni bekasoor ladkian uske Purkhon ki havas ka shikaar ban kar apni jaan de chuki hongi.

Par duty toh karna hi hai..kisi bhi surat me duty ko neglect nahi kar sakta Lt.Rajveer Singh Shekhawat.

Captain Rathore k saath Rajveer baitha tha mess me,dopaher k waqt.

Rathore--Aur batao Shekhawat..Rajputane k kyaa haal hai?

Raj--Rajputane apne andaz me jee raha hai..

Rathore--Aaj raat ko humare room me aa jaana..party hogi..

Raj--Matlab sharab ki baadh aayegi..

Rathore--Kaun si badi baat hai yeh?Hum pandhrah saal k the jab humne is balaa ko apne muh se lagaya..ab issi k sahare jee rahe hain...mard hum bahut jaldi hi ban gaye the..

Raj--Aise maamle me main abhi tak mard nahi ban paaya..Sir.

Rathore--Rajputon ka naam kharab karne ka pura irada kar k aaye ho kya?

Raj--Jee..kuchh aisi hi baat hai.

Rathore--Hopeless bugger..

Raj--Thank you Sir.

****************************************

Devraj Rana apni hasrat ki aag me jal raha tha..Nazar Jaan kisi aur ki ho chuki hai..par kaun hai woh?Nazar par sirf Dev ka hak tha..par koi anjaan admi ne sab kuchh bigaar dia. Devraj apne khayalon me khoya tha..Suniti se uski shaadi sirf ek samjhauta hai..do parivaron k beech..chaah kar bhi Devraj Suniti k kareeb nahi jaa paaya..Suniti bhi kabhi nahi tadpi Devraj k lia..Rana khandan ki Bahu hi bani rahi..par Devraj ki Patni nahi bani Suniti..satrah saal ka tha Devraj jab terah saal ki Suniti k saath uski shaadi hui..

Naukar aaya..bola ,"Kunwarjee..Bahu Rani ki tabiyat kharab hai..tez bukhar hai unko.."

Devraj ka dhyaan toota..Suniti bimaar hai..kyun nahi hogi bimaar?Raat bhar agar chhat par naachti rahegi toh bimaar hi padegi..Devraj ko gussa aa gaya..woh Suniti ko dekhne gaya...Suniti bukhar me behosh thi..Devraj kuchh der dekhta raha Suniti ko..

Suniti Jodhpur ki hai..shaadi k baad jab is mahel me aai thi..tab Devraj samajh nahi paa raha tha k kaise Suniti se baat kare..par Suniti kisi aur hi khayalon me doobi thi..apne bachpan k saathi k yaad me..Rajveer k yaad me..Roop se jab Randheer ki shaadi hui..tab Suniti nau saal ki thi..tab Rajveer se uski dosti hui..Suniti Roop ki Bua ki Beti hai..Rajveer aur Suniti ki dosti dekh kar sab kahne lage.."Bade ho jaao..aap dono ki shaadi kara denge.." ..Suniti mann hi mann khush ho jaati thi..Raj jaisa hi koi uske sapno me aata tha..aur Roop bhi thi..sochti..k jab badi hogi..tab Raj k saath hi shaadi hogi..aur fir Roop,Suniti aur Rajveer mil kar bahut khush rahenge..par bachpan ka sapna toh sapna ban kar hi reh gaya..chaar saal baad Suniti ki shaadi Devraj se ho gayi..aur Suniti ko Rajputana se itni door aana pada..asal me..Roop ki kismat dekh kar Suniti k gharwale darr gaye..Randheer itna belagham hoga.. kisine nahi socha tha..Rajveer ussi Randheer ka Bhai hai..pata nahi.. Suniti ka kyaa hoga.. Devraj k saath Suniti ki kismat bandh gayi..Suniti apne dil ka haal samajh paati usse pahle hi uski shaadi ho gayi Devraj se..Suniti ki shadi me Rajveer nahi aa paaya tha..usko boarding bheja gaya tha..

Devraj ne kai baar suna hai Suniti ko neend me kahte hue.."Rajveer..tum kahan ho?"

Devraj k seene par ek bojh ban gayi..yeh baat..uske paas kaise jaaye jo pahle se hi kisi aur ko apne mann me basaye hue hain..Suniti se dhyaan hatane k lia Devraj ne doosri taraf dhyaan dia..aur Nazar Jaan par Devraj ki nazar padi..shaadi k chhe saal beet gaye..par Devraj k ghar koi aulad nahi hui..logon ne Suniti ko hi baanj keh dia..Devraj ki doosri shaadi ki baat bhi chali..par Devraj ne inkaar kia..kyunki woh jaanta tha ..k Suniti par baanj hone ka ilzaam hai..aulaad nahi hui..kyunki Devraj k saath Suniti ka waisa rishta bana hi nahi...

Is pure maamle me Suniti ne kuchh nahi kaha..log usko baanj keh kar kosne lage..shubh kaamon me Suniti ka aana bandh ho gaya..mahel me koi aulaad hoti hai..toh Suniti usko dekh nahi paati..par iska koi dukh nahi hai usko..woh apne hi dhoon me khoyi hai.Nazar Jaan ki taraf Devraj ka dhyaan gaya...tab bhi Suniti ne kuchh nahi kaha...Suniti yehi sochne lagi..k Devraj usse pyaar nahi karta..chalo achha hai..Suniti k dil me koi bojh nahi raha..Raj se issi lia shaadi nahi karai..kyunki Suniti k gharwalon ne socha k Raj bhi aiyaash hai..par Devraj bhi toh ussi raaste par chal pada hai..Suniti k mann me daba hua ek gussa tha..ek gussa Roop par bhi tha...Roop ne hi Suniti k gharwalon ko savdhan kia tha..Shekhawat khandan k baare me...shaadi k chhe saal ho gaye hain...par Suniti Rajputana nahi gayi..Roop se bhi rishta nahi rakha tha usne..Rajveer bas..uske khayalon me hi tha..

Par is beech..Raj Army Officer ban chuka hai..aur Manipur aa chuka hai..is baat ki khabar Suniti ko nahi thi.

Devraj baitha raha..Suniti neend me kuchh keh rahi thi..humesha ki tarha..Devraj sunta raha..Raj k baare me..gussa nahi aaya Devraj ko..Suniti k lia dukh hua..aadhi raat ko Suniti ki neend tooti..Devraj uske paas hi so gaya tha..Suniti ko uthte dekh..woh bhi uth kar baitha..Devraj ne poochha.."Ab kaisa lag raha hai aapko?"

Suniti--Main theek hoon..

Devraj--Kyaa ho jaata hai aapko?Khud par itna attyachar kyun karti hain?

Suniti--Aap doosri shaadi kar lijiye..ghar k logon ko waaris chahie..aap kariye doosri shaadi..

Devraj--Fir aapka kyaa hoga?

Suniti--Mujhe kyaa hoga?Main jaisi hoon..waisi hi rahoongi..mahel me ek aur Bahu aayegi..aisa toh hota hi hai..

Devraj--Aap so jaaiye..

Suniti--Aap..Nazar Jaan se prem karte hain?

Devraj--Aisa kyun poochh rahi hain?

Suniti--Agar karte hain..toh unhise shaadi kijiye..

Devraj--Woh kothewali hai..

Suniti--Aap Kunwar hain..aapke upar kaun hain?Agar aap unse shaadi kare..koi kuchh nahi kahega..aap bhi sukhi rahenge..aap ko sukhi dekh kar..mere mann ka bojh bhi utar jaayega..

Devraj--Aisa mumkin nahi hai..

Suniti--Fir..kisi aur se shaadi kijiye..waaris chahie..haveli ko..Maharaj ki apni koi aulaad nahi..aapse hi ummeed hai...main toh baanj hoon..

Devraj--Aap baanj hain..aapko kyun lagta hai aisa?

Suniti--Sab hi kahte hain...

Devraj--So jaao..Suniti..baad me baat karenge..

***********************************************

Raj jeep le kar nikla shaher dekhne...aas paas ki taraf nazar thi uski..achanak ek jaana pehchana chehra dikha Raj ko..haan wahi hai..Raj ne peechha kia..mandir ki taraf jaate dekha..ohh..toh ladki Hindu hai..achha hai..iske gharwale koi aitraaz nahi karenge Raj se iski shaadi karane..

Naina mandir hi gayi thi...par wahan se nikal aai..wajah thi..

Mandir me jab gayi..tab dekha..Devraj aur Suniti wahan par aaye hain...Suniti ki achhi sehat ki prarthana karne aaya hai Devraj..Suniti ko le kar..Devraj Naina ko dekh kar chauk gaya..Suniti se Devraj ka chehra chhoop nahi paaya..woh Nazar Jaan ko pehchaan gayi.. aage aai..Naina ka haath pakda..boli,"Aap toh Hindu hain..aapka naam sun kar lagta tha k aap Hindu nahi..par..ab toh koi baat nahi..agar Kunwarjee aapse prem karte hain..toh aap unse bhaagti kyun hain?"

Naina choop rahi..Devraj ka chehra laal ho raha tha gusse me..

Suniti--Humen koi samasya nahi..aapse Kunwarjee vivah kare..toh..aap raazi ho jaaiye.. aapse prem karte hain..Kunwarjee ka dukh humse nahi dekha jaata..

Devraj ab choop nahi reh saka..usne kaha ,"Aap pooja kar chuki hain toh chaliye..humare paas barbad karne k lia waqt nahi hain Suniti.."

Suniti--Main toh..

Devraj Suniti ka haath pakad k le gaya gaya wahan se..zor se khinch kar..

**********************************************

Naina mandir se nikli..aur saamne Raj ko khada paaya usne..Naina chauk gayi...

Raj--Tum kahan gayi thi?Main paagalon ki tarha tumko dhoondh raha tha..kyun chali gayi?Maine tumse kaha tha na...k tumhare gharwalon se baat karoonga..?

Naina jaane lagi...

Raj rasta rok kar khada ho gaya...bola.."Tum is tarha nahi jaa sakti..mera kasoor maaf karne laayak nahi hai..main jaanta hoon..par mujhe apni ghalati sudhaarne ka mauka toh do..tumhare ghar chhod deta hoon tumko..chalo..tumhare gharwalon se milna hai.."

Naina idhar udhar dekh rahi thi...Raj ne kaha.."Apna naam toh bata do....main tumko pukarna chahoon toh kis naam se?"

Gaohar Jaan ne jis naukrani ko bheja tha Naina k saath woh kuchh kharidne gayi thi.. Naina ko bol kar gayi k mandir k paas hi rooke..woh naukrani aai..boli.."Naina..zara der ho gayi..maalkin ko mat batana.."

Raj--Naina..tumhara naam Naina hai?

Naukrani boli ,"Kyun pareshaan kar rahe hain bechari ko..jaane dijiye humen.."

Raj--Main..isse baat kar raha hoon..aap beech me mat boliye..Naina..mera naam Rajveer hai..Rajveer Singh Shekhawat..Army Officer hoon..

Naukrani--Janab..aap Military Officer hain..iska matlab yeh toh nahi..k aapko hak mil jaata hai..logon ko tungh karne ka..raasta chhodiye..varna chillaungi..

Raj--Arre..koi ghunda badmaash nahi..aap nahi jaanti k kyaa hua hai..main ussi bare me baat kar raha hoon..

Aise me wahan par Police ki jeep aai..British Police Officer utra..poochha ,"Kyaa baat hai..yeh adhmi phareshaan kartha hai?"

Naukrani--Haan jee maalik..dekhiyena..tab se humari Bibijee ko pareshan kar raha hai.. Military Officer hai.,..issi baat ka faaida utha raha hai..

Officer--Look here..Officer..you are in Royal British Army..so I am just warning you..stop chasing local women...other wise I will complain to your Commanding Officer..

Raj--Sir..I just want to say..

Officer--Can't you hear me..?You stubborn bugger..move on..else I will arrest you..Madam.. aap dono ko kidhar jhaana hai..bolo..main chhod deta hai..

Naukrani--Shukriya Maalik..

Police ki jeep me baith kar Naina aur naukrani,dono chali gayi..Raj dekhta hi raha..

**********************************

Raj jeep le kar base ki taraf jaa raha tha..par raste me usne dekha kisiki gaadi kharab hai..Raj jeep se utra..dekha ek admi aur uski Patni khadi hain..

Raj--Kyaa main kuchh madad kar sakta hoon?

Devraj ne dekha Rajveer ko..

Devraj--Haan..humari gaadi kharab ho gayi hai..humari Patni ki tabiyat theek nahi..itni der tak raste par woh khadi nahi ho sakti..

Raj--Chaliye ..main aap dono ko aapke ghar tak chhood doon..

Devraj--Dhanyavaad.

Raj ne jab ghar pahoochaya..tab dekha woh ghar nahi hai..mahel hai..Suniti so gayi thi..naukrani ko bulaya Devraj ne..bola ,"Kamre me le jaa kar sula do..kumzori hai abhi tak.."

Raj--Main chalta hoon..

Devraj--Arre..aise kaise..aap andar aaiye..chai toh peejiye..

Raj--Jee..

Dev--Aaiye..

Raj andar aaya...

Raj--Main..aapko nahi pehchaan nahi paaya..aap..?

Devraj--Hum Kunwar Devraj Rana..hain..Maharaj k Bhatije..aap toh Army me hain..

Raj--Jee..haal hi me Posting hui hai..newly Commissioned..Lt.Rajveer Singh Shekhawat..

Devraj--Rajputane k lagte hain aap..

Raj--Jee..

Devraj--Kahan k?

Raj--Aap ne Girivar Mahel ka naam suna hai?

Devraj--Aap..Roop Kanwar k rishteydar hain?

Raj--Jee haan..aap jaante hain Bhabhisaa ko?

Devraj--Ohh..toh aap Kunwar Randheer k chhote Bhai Rajveer hain?

Raj--Yes..aap itna kaise jaante hain?

Devraj--So..you are Kunwar Rajveer..

Raj--No..I am Lt.Rajveer Singh Shekhawat..yeh Kunwar ya Rana banne ka humen koi shaukh nahi..

Devraj--Par hum Kunwar hain...aapki Bhabhisaa..matlab Roop Baisa..rishtey me humari Saali lagti hain..

Raj--Bhabhisaa ki Sagi bahen toh nahi thi..aap..kahin..ohh..Suniti......right...woh Suniti thi.. aapke saath..my god main..toh pehchaan nahi paaya..asal me hum bahut chhote the tab..Suniti ko kyaa hua hai?

Devraj--Bukhar ho gaya tha..

Raj--Itne saalon baad..main jaa nahi paaya aap dono ki shaadi me..actually boarding me tha...aur uske toorant baad Military Academy..toh..mauka hi nahi mila..Suniti se milne ka.. well..abhi uski tabiyat kharab hai..main kab mil sakta hoon Suniti se..?

Devraj--Abhi chaliye..

Raj--No..usko aram karne dijiye..aur abhi mujhe kaam hai..mujhe jaana hoga..main fir kisi din aaoonga..aur yeh kyaa baat hui..Suniti k baare me Bhabhisaa ne kuchh nahi kaha? Anyways..I have to go Kunwarjee..

Devraj--Main aapko khabar bhijwa doonga..kisi din saath me baithenge..and we will have a great time..kyaa kahte hain?

Raj--Of course..now..I have to leave..nice meeting you..one more thing..Suniti ko kuchh mat batana..let it be a surprise for her..

Devraj--Ohh sure..

Raj--Have a good day..bye..

*************************************

Devraj sochta raha..Raj k baare me..aisa kyaa hai isme..jo aaj tak Suniti isko bhool nahi paai?Aur Suniti ko hi Raj se pyaar hai..yaa fir maamla dotarfa hai?Pata karna hoga..unko aamne saamne laana hoga..

Raj ka ghayab ho jaana..aur itne dino baad..Manipur me hi posted hona..Roop se kuchh bhi nahi pata chala Raj ko?Yeh baat yakeen karne laayak nahi hai..shaayad Raj Suniti k lia hi aaya hai..aur udhar Suniti bhi Devraj ki doosri shaadi karane par tooli hai..maamla kyaa hai?Ek saath itne saare ittefaak..Devraj hazam nahi kar paa raha hai..

Devraj kamre me aaya..Suniti leti thi bistar me..Devraj ko dekh kar uth kar baithi..

Suniti--Aaiye..baithiye..

Dev--Jaldi se theek ho jaaiye..bahut dino se ghar par log nahi aaye..jashan nahi hua.. aapke theek hone ki khushi me..party dena chaahte hain hum..

Suniti--Achha..theek hai...aap party de sake..issi lia theek ho jaaoongi..

************************************

Suniti theek hone lagi..Devraj ne Gaohar Jaan ko khabar bhej dia..Bahu Rani ki tabiyat theek hone ki khushi me..mehfil sajegi..Gaohar Jaan ko mehfil sajana hai..Gaohar ne kahelva kar bheja..k Nazar Jaan par aaj bhi Devraj ka hak hai..Devraj aa sakta hai Nazar Jaan k paas...

Devraj ne keh dia ,"Humen jhootan khaane ki aadat nahi.."

Suniti so rahi thi..aadhi raat ko Devraj lauta...Devraj ka mann bahut ashaant hai..kamre ka darwaza bandh kia..Suniti k paas aaya.Suniti ka aanchal hataya..Suniti k gale par chumne laga..Suniti ki neend toot gayi...Devraj ki taraf dekhne lagi..pahle kabhi aisa nahi hua.. Devraj kuchh dhoondh raha tha Suniti k andar..Suniti k honth Devraj k honthon k kaid me
fans chuke the..

Devraj ne poochha.."Raj ki yaad aati hai Suniti?"

Suniti ko ab samajh me aaya..Suniti ab tak sab kuchh bardasht kar rahi thi..par ab usne bhi kaha ,"Nazar Jaan ka gussa aap mujh par kyun utaarte hain?"

Devraj--Kyaa?

Suniti--Kyaa humen nahi pata..k Nazar Jaan ka nath utar chuki hai?Issi lia aap mere paas aaye..ab tak toh nahi aaye the Kunwarjee?Chhe saalon me aapke andar ka Pati kahan tha?

Devraj--Aap kahan thi?Humare paas thi..par humare saath nahi..

Suniti--Jaaiye Kunwarjee..humare paas aapka kyaa kaam?Duniya me aurat ki kumee nahi..

Devraj--Batane k lia dhanyavaad....

Devraj uth kar chala gaya.....mann hi mann woh Rajveer ko hazar maut de chuka tha..

Quote

Sumi_162710

@Sumi_162710

Rocker

Posted: 16 years ago

#62

Hey nice part. Firstly I'll talk abt Raj n Naina. Raj bechare ko kitni mushkil se mili thi woh par phir se chali gayi uski baat bina sune. At least ek baat achhi hui ki Raj ko uska naam to pata chal gaya.

And now Devraj n Suniti. to kahani ka twist ye hai ki Suniti who's Devraj's wife actually luvs Raj. And jis wajah se Devraj Naina ko nahi apna paya woh wajah bhi hai Raj. Aur to aur Devraj ko Suniti ki Raj ka pata chal gaya hai aur woh Raj k upar Suniti ki wajah se hi bahut naraz hai. Ab agar aise me Naina wali baat bhi pata chal jaye to hamare pyaare Raj ka kya hoga???

Well, mujhe to ye critical situation bahut pasand ayi. Waise bhi I'm sure Raj ko woh Devraj chah kar bhi kuch nahi kar sakta. Btw, ye part padh k laga Devraj-Suniti ki beech shayad kabhi sab thik ho jaye aur RN ki ek problem shayad khatam ho jaye. And I'll b w8ing 4 that day. Till then I hope Devraj Raj ko hurt na kare.

Pls continue soon.

Quote

Looks like you are new here. Register for free, learn and contribute.

digimon_pokemon

@digimon_pokemon

Inactive

Posted: 16 years ago

#63

welcome anu ..........😊

i hope aap jaldi se poori tarah se theek ho jain

its so good to see tsnl updated

read it. a very interesting part.....👏👏👏

raj is still in turmoil. its graet taht he found her but oly to lost her again😭 thats so sad. but atleast he knows her name now......😛

this devraj is quite an intreguing character and so is sunita..........

another full of twist update anu👍🏼

looking forward to the next epi

Quote

sania_58

@sania_58

Rocker

+ 2

Posted: 16 years ago

#64

oh my god

eto ghotola

amar kache eto din Taalash best fic chilo, but eii fic tar progress dekhe amar mone hocche eta tomar lekha eta best fic hote choleche.

Raj er character ta interesting, Youth generation er charm ta kintu durdanto

Devraj er wife Suniti Raj er upar fida chilo,& sei relationship er janyo Devraj & Suniti er madye kono relation hoyni.

Devraj already rege ache, tar upar jakhon janbe Raj & Naina......

Bhagvan bachaye Raj ko.

British police jakhon Raj ke gali dilo, thats very realistic, Indians der kono izzat chilo naa, sei Army hok, yaa IAS

Devraj er mind, khub jatil, very dangerous person.

superb update

great going

kintu eto slow keno?? i know tumi busy, tabu, plz taratari update koro.

Quote

vvdn

@vvdn

Inactive

Posted: 16 years ago

#65

Hey u updated it! oh my god what an update....it's really interesting...ye kaisi kashmakash hai yaar.suniti Raj se pyaar karti hai 😕😕
plzzzzzzzzzzzzzzzzzzzzz update soooon.

Quote

luvraj4ever

@luvraj4ever

Dazzler

+ 5

Posted: 16 years ago

#66

hiiii anu...thnkgod u r back...i really love ur fic...and dis update was really shocking....i mean itna golmaal....par mazaaa aya...plzzzz update soon

Quote

Nisha

@dazzling_glory

Inactive

Posted: 16 years ago

#67

Great update..

Raj is feeling very guilty about what he has done...he is such a genuine guy that he cannot forgive himself and wants to help naina.

Finally raj naina ko dhoodh leta hai, aur use uska naam bhi pata chal jata hai. Par naina raj se kuch bhi nahi keh pati..aur who kehti bhi kya.

Story ka yeh twist most unexpected that..Devraj suniti ko kabhi apna nahi paya...who yeh manta hai ki suniti sirf raj se pyaar karti hai.

Abhi to use yeh nahi pata hai ki jiski wajah se who naina ko bhi pa nahi saka who bhi raj hi tha.

waiting to know what happens next. please continue soon

Quote

Prerna

@prerna1

Sparkler

+ 2

Posted: 16 years ago

#68

that was really good

but ab ye naya Suniti track kya hain

plz continue soon

Quote

kads_8302

@kads_8302

Voyager

Posted: 16 years ago

#69

hi anu,
how r u...
oh so finally u ud..
awesome part... many mysterious are cleared...
and the love triangle is very different.....
loved the ud but very emotional one...
hope soon naina talks to raj and misunderstanding is cleared...
and do ud soon...
and for u...👏 👏 👏 👏 👏 👏 👏 👏 👏