Tose Naina Laage(RN)..Part 6 @ Page 17 24/02/10 - Page 9

Created

Last reply

Replies

123

Views

32k

Users

31

Likes

29

Frequent Posters

vvdn thumbnail
17th Anniversary Thumbnail Navigator Thumbnail
Posted: 16 years ago
#81
Hey thank for character scketch waiting for update.....
RadhaKrishan thumbnail
16th Anniversary Thumbnail Sparkler Thumbnail + 3
Posted: 16 years ago
#82
hey just read ur ff
its amazing
i am a big fan of RN
waitng 4 more
yakkudimag thumbnail
18th Anniversary Thumbnail Dazzler Thumbnail + 3
Posted: 16 years ago
#83
@sumaiya wahid

Well..this is the story all about..I always try to write multidimensional things..the lead roles are there but the supporting ambiance has its own strong footage.Thanks For loving my fiction.

@digimon_pokemon

Twist pe twist pe twist..tum sab logon ko romance chahie aur tum ko milta hai sirf twist..I can't help it.

@rituka7

Thanks..a lot..keep reading.

@sania_58

Tumi bhalo bojho case gulo..amar bhalo laage j..amar fic tomar moton intellectual lok ra pore..I am really glad.


@vvdn

Thanks..I will update on right time.

@ rajeev fann

Golmal me hi asal maza hai..agar sab seedha ho toh kahani nahi banti..

@dazzling_glory

Bhai...Raj ko toh sab aise hi Mahaan dekhna chaahte hain..aur Dev and Suniti..hmm..picture abhi baaki hai..

@prerna1

Yeh Suniti track matlab twist hai...

@kads_8302

Beta...yeh LOVE TRIANGLE NAHI..RECTANGLE hai..

@ arpita25

Thanks and welcome as I found you as my newst reader..be with me.

@ Dhara_s

Thank you..keep reading with the same love.

@desaiprachi07

Main khud tadapti hu..ud likhne k lia..par dimaag ka dahi bana hua tha..itne dino tak..issi lia likh nahi paai.

@preeti09

Welcome to my world of imagination.

@ Mahek

Thanks Mahek...yaar tum toh Shaina ko bhi tough compitition de rahi ho..matlab har ud ka word to word wasool kar rahi ho..yaar..I am very happy..Shaina ka raaj khatam ho raha hai..the Mahak Sinha is in the field..

Jokes apart..yes..twist hai..yaar..Devraj aur Suniti ki life thodi complicated hai..Raj toh..Anaar hai..Suniti Bimaar hai..aur udhar Naina Anaar hai Raj bimaar hai..pata hi nahi chalta k actually kaun anaar aur kaun bimaar hai..main khud confused hoon.





yakkudimag thumbnail
18th Anniversary Thumbnail Dazzler Thumbnail + 3
Posted: 16 years ago
#84

Originally posted by: Shaina_b

Too good!!!!Awesome!!!!!

Raj is feeling very guilty about what he had done and worried about Naina!!!!!😔 😔 😔 😔

He cannot forgive himself and wants to help Naina!!!!!😊 😊 😊 😊

I loved the way Raj ne Captain Rathore ko jawab diya!!!!!😊 😊 😊 😊 👏 👏 👏 👏Its good to see woh kisi ki baato se behak nahi jaata!!!!! 😊 😊 😊 😊

It was strange to hear about Devraj!!!!!😕 😕 😕 😕It's really an unexpected twist in the tale!!!!!😛 😛 😛 😛 😊 😊 😊 😊

Rajwade toh famous hai for going off after another woman inspite of having a wife!!!!!😡 😡 😡 😡 😡 😡 😡 😡 😡 😡 😡 😡But in his case its different!!!!!😔 😔 😔 😔

Devraj ki biwi bachpan se Raj se pyaar karti hai!!!!!😲 😲 😲 😲But I am sure Raj did not have any such feelings for her!!!!!😊 😊 😊 😊

Otherwise he would not have taken such a big step with Naina!!!!!😊 😊 😊 😊

Its strange that even after living with his wife for 6 years Devraj ne aaj tak usse touch nahi kiya!!!!!😕 😕 😕 😕

Devraj ko bura toh lagta hoga jab neend mein bhi Suniti Raj ke baare mein bolti hai!!!!

Roop had assumed that Rajveer will also be like his brother!!!!!!😒 😒 😒 😒Suniti is angry at Roop!!!!!😡 😡 😡 😡 😡 😡

Suniti ko toh ish baat se bhi koi fark nahi padhta ke sab usse baanj kehte hai!!!!

Devraj is sad for Suniti!!!!!😔 😔 😔 😔Suniti is now insisting ke Devraj dusri shaadi karle!!!!

Pata nahi kyun woh Devraj aur Nazar Jaan ki shaadi karane ke peeche padhi hai??😕 😕 😕 😕

Accha huya Devraj ne mana kar diya!!!! 😊 😊 😊 😊Suniti toh mandir mein bhi Naina se wahi baat karne lagi!!!!😒 😒 😒 😒 😒 😒

Finally Raj Naina ko dhundh leta hai aur usse baat karne ki koshish karta hai!!!!!😊 😊 😊 😊 😊

Yeh accha huya ke Raj ko Naina ka naam pata chal gaya!!!!! 😊 😊 😊 😊

Magar Naina ne toh koi jawab hi nahi diya aur waha se chali gayi!!!! Atleast koshish toh karti usse kuch batane ki!!!!!😊 😊 😊 😊

Devraj met Raj aur sochne laga usmein kya khas hai!!!!!!😛 😛 😛 😛

Raj sab se alag hai yehi khas hai usmein!!!!!😊 😊 😊 😊 😳 😳 😳 😳 😳 😳 😳 😳

Devraj ne mehfil Gauhar jaan ko sajane ko bola hai aur ish jashan mein shayad Raj bhi aaye aur Raj aur Naina ki mulaqat ho jaye!!!!!!😛 😛 😛 😛 😊 😊 😊 😊

Yeh accha huya ke Devraj dubara Naina ke paas nahi gaya yeh keh kar ke usse jhootan pasand nahi!!!!😊 😊 😊 😊

Devraj apni patni ki kami Nazar Jaan se poori nahi kar paaya toh bahut frustrated ho gaya!!!!!

Tabhi toh woh do pal ke liye apni biwi ke paas gaya tha jo 6 saal mein kabhi nahi gaya!!!!!!😔 😔 😔 😔

Suniti ne sahi kaha usko ke pehle usko patni ka haq nahi diya aur ab Nazar Jaan nahi mil saki toh uske paas aa gaya!!!!!😡 😡 😡 😡 😡 😡 😡

Devraj apni biwi ki wajah se Raj se nafrat karta hai!!!!! Jis din usse Naina aur Raj ka sach pata chalega ush din pata nahi kya hoga??😕 😕 😕 😕





Raj toh hai hi Devta samaan admi..Raj normal insaan jaisa behave kare..toh readers mujhe hi khaane ko daurenge..Raj toh MAHAAN hai.

Naina ka naam toh pata chal gaya..aur Naina ko bhi Raj ka naam pata chala..aur Naina ki Kaamwali Bai ne garbar kia..us angrez Police ko bula kar..Bai Log badi kameeni hoti hain.

Par pata nahi..ab kyaa hoga..kahi Raj gaya mujra dekhne gaya..aur Naina ko dekha..toh ..kayamath hogi...

Devraj mahaan nahi..kaafi kameena hai..Suniti ko dhanyavaad kehna chahie iske lia..aur Roop ko phool bhejna chahie.."Thank You" ka note de kar..sara kia dhara ussika hai..varna Suniti ki shadi toh Raj se hi hoti.Suniti pagal hai..aur Dev aur bhi bada paagal..

Dev toh bandook nikaalega..jab usko sab pata chalega.Shukar hai..Atom Bomb us waqt Dev ka haath me nahi pada..nahi toh 6th aur 9th August ko Hiroshima aur Nagasaki k badle Manipur aur Rajputana..me Atom Bomb padta..




yakkudimag thumbnail
18th Anniversary Thumbnail Dazzler Thumbnail + 3
Posted: 16 years ago
#85


PART 4


Khushi is baat ki hai k jis ladki ko dhoondh raha tha Raj..woh issi ilake ki hai..dobara kabhi bhi dhoondhne se mil sakti hai,par dukh is baat ka zyada hai k ladki ne kuchh nahi kaha.. Raj k lia mushkil aur badh gayi..agar woh ladki naraz hai..toh Raj se usne kuchh kaha kyun nahi?Jo baat hai uske dil me bejhijhag ho kar Raj se kehti..agar saza dena chaahti hai toh saza deti..khari khoti sunati,par aisa kuchh nahi hua..Raj kuchh der aur koshish karta toh shayad woh ladki Raj se baat bhi kar leti.Par uske saathwaali aurat ne sab golmaal kar dia.

Kum se kum ladki ka naam toh pata chal gaya..Naina.


************************

Jis insaan se nazre chura kar Naina bhaagti fir rahi thi..us insaan ko dobara apne saamne dekh kar..naa jaane Naina ko kyaa ho gaya..mann me uthal puthal si hone lagi.Yaad bhi nahi aate woh bachpan k din..jab woh Gaohar Jaan k paas laai gayi thi..uske baad baaki k din jaise yuh hi guzar gaye..jee nahi paai Naina..yeh toh Gaohar ki meherbaani hai jo Naina sirf geet likha karti hai..kisi din agar Naina ko pair me ghungroo baandh kar naachne k lia kahe koi...toh woh din bahut mushkil din hoga Naina k lia..zindagi bhi ajeeb hai..maut k darwaze se Naina waapas toh aa gayi..par aisi zindagi k saath jo Naina ko raas nahi aa rahi hai.Aaj kisi tarha woh us admi se bach paai..ho sakta hai..aage bhi uske saath aamna saamna ho..har baar usse bhaagna bhi mumkin nahi hoga.Aur..yeh admi Millitary me hai..kisi din agar Millitary Camp me mehfil sajani padi..toh kyaa hoga?Agar us mehfil me Naina ko bhi jaana pada..tab kyaa hoga?Kaunsi kayamath aayegi?


Rajveer naam hai us admi ka..kisi bahut bade khandan ka Beta lagta hai..aur Millitary Officer bhi hai..Lt.Rajveer Singh Shekhawat..Rajveer...Raj..is Raj k saath Naina apni pehli mulakat bhool nahi sakti..is janam me toh nahi..woh ek lamha tha..jo guzar gaya..jisko yaad kar k Naina khush bhi nahi..na dukhi hai..par haan..hairan hai..aaj bhi jab Rajveer usse baat kar raha tha..tab bhi Naina ko apne kaano par yakeen nahi ho raha tha..insaan itna sachcha bhi ho sakta hai?Us raat Rajveer jo keh raha tha..woh sach keh raha tha..woh saare waade..unme koi jhoot nahi..naa hi koi fareb tha..pal bhar me aisa hua..jaise Naina hawa me udhne lagi..yeh duniya..yeh bandhan..yeh bandeesh..jaise kuchh bhi nahi.. sivaye ek vahem k..bas..puri kaayenath me ek hi naam..Rajveer..Raj..aisa kyun hua?Aisa toh nahi hona tha..fir bhi hua...



Yeh kaisi mushkil hai...k naa zaher peea jaaye ..naa hi jeea jaaye..?

Naa khushi mile ..naa hi ghum peea jaaye..?



*****************************

Rajputana,Girivar Mahel...



Jayanti baithi thi..apne kamre me..Roop aai.."Andar aa sakti hoon Maasaa?" Usne poochha..

Jayanti--Aaiye..

Roop--Aap se zaroori baat karni thi..

Jayanti--Kyaa zaroori baat Roop Kanwar?Aap jab bhi koi zaroori baat kehti hain..kuchh na kuchh abshagun zaroor hota hai..

Roop--Aisa kyaa kar dia humne Maasaa?

Jayanti--Rajveer Kunwarsaa se aapne unki khushi chheen li..


Roop--Nahi ..

Jayanti--Aap jaanti thi Suniti Kanwar se Rajveer ko kitna lagav tha..jaise dono ek doosre k lia hi bane the..par aap ne aisa hone nahi dia..apne gharwalon se is khandan k baare me shikayat ki..aur Suniti Kanwar ka vivah Rajputane se kitni door kara di gayi..


Roop--Suniti humari Bahen hain..Maasaa..aur uski khushi ka khayal rakhna humara farz ..hum is ghar me biha kar aaye..ek din k lia humen chain nahi mila..naa hi Pati ka pyaar.. din bhar sharaab aur ghungroo ki awaz me doobe rahte hain aapke Bade Kunwarsaa..

Jayanti--Rajveer waisa nahi hai..apne Pitah aur Bade Bhai se woh alag hain Roop Kanwar..yeh baat aap bhi jaanti hain..


Roop--Woh is lia..kyunki woh shuru se hi boarding me rahe..baad me..unhone fauj ki naukri ki..varna kyaa pata..Shekhawat Khandan k doosre mardon ki tarha Dewarsaa bhi ussi sharaab aur suroor k raah par nikal padte..

Jayanti Roop ki baat sun kar naraz ho rahi thi..Rajveer alag hai..bachpan se unhone khud mehsoos ki hai..yeh baat..Suniti aur Rajveer ki dosti dekh kar Jayanti Devi Shekhawat ne mann hi mann yehi faisla lia tha k Suniti ek din Rajveer ki dulhan bankar is mahel me aayegi..par Roop ne aisa hone nahi dia..Suniti bahut door chali gayi.



Roop bole jaa rahi thi..Roop chaahe jo kahe..mann hi mann woh bhi jaanti hai..k Rajveer alag hai..woh apne Khandan k bure raaston aur bure aadataon ko nahi apnaayega..par uski apni wajah hai..Suniti ko is ghar me na laane ki..Roop yeh sochti hai k Randheer k belagham zindagi par Jayanti Devi rok laga sakti thi..Jayanti Devi yeh sochti hain k Roop Randheer par kaboo paa sakti thi..Patni hai woh Randheer ki..Roop ka mann khatta ho gaya Jayanti Devi k upar se..Jayanti Devi Suniti ko Chhoti Bahu k taur pe paa kar khush hongi....Roop ko yehi sapna todna tha..


Jayanti se raha nahi gaya..woh boli ,"Haan..haan..toh kaunsi nayi baat hai?Rajwadon k ghar me yeh aam baat hai.."

Roop--Toh laaiye koi aisi jo in sab baaton ko nazar andaaz kar sake..humen aap is ghar ki Bahu bana kar laai..ghalati ki..aur yehi ghalati ,hum nahi chaahte the...Suniti k maamle me bhi aap dohraaye..humne jo jhel lia so lia..par apni Bahen k lia..aisa nahi chaahte...

Jayanti--Raj Parivar k kuchh kaaide hote hain..jinhe nahi badla jaa sakta..

Roop--Mardon ki aiyaashion ka kaaida??Maasaa..jahan tak humen pata hai..aap chhoop chhoop kar Krantikarion ki madad karti hain...is desh ko azad dekhna aapka bhi sapna hai..toh azadi kis baat ki?Mard wahi aiyaashian karta rahe..aur aurat bardasht kare?Woh azadi kis kaam ki Maasaa?Desh deshvaasion se banta hai...aur aadhi janta aurat zaat hai..aadhi janta ko dukh me dhakel kar kaunsi azadi aayegi??


Jayanti--Humen aapse bahes nahi karni..khair jo kahne aai thi..keh sakti hain aap..

Roop--Hum yeh kahne aaye the..k Dewarsaa ko kahiye kahi aur apna tabadla kara le..

Jayanti--Kyaa?

Roop--Suniti ka ghar hai Manipur...Dewarsaa wahi par hain...humen darr hain..kahin undono ka fir se milna julna..Suniti ki zindagi par koi asar ho..


Jayanti--Kyaa kehna chaahti hain aap?

Roop--Hafta bhar pahle humare maaike se ek Daasi gayi thi ..Suniti k paas..uska khayaal rakhne..usne Dewarsaa ko dekha hai wahan..


Jayanti--Kyaa keh rahi hain aap?


Roop--Sach keh rahe hain hum..Devraj Kunwar k mizaj se hum parichit hain..Suniti ko jhelna hoga sab kuchh...

Jayanti--Saaf saaf kahiye..

Roop--Jitna dekha hai,Daasi ne..yehi kaha hai..k Dewarsaa aur Suniti Kanwar me nazdeeki dekhi hai usne..jo theek nahi hai..ab Suniti kisi aur ki Dharampatni hai..kisi aur khandan ki Bahu..Dewarsaa ko shobha nahi deta,..aap Dewarsaa se baat kare....


**************************************


Roop k paas sahi khabar hi pahoochi thi..Suniti aur Raj ki nazdeekion k baare me..par Daasi ne jo dekha shayad sahi tha..par usne samajhne me thodi si ghalati kar di..asal baat yeh thi k....



Devraj ne Suniti ko darrana shuru kia..kabhi Devraj apni bandook nikaal leta..kabhi..ajeeb si nazron se Suniti ko dekhta..Suniti darr jaati hai bahut..kahneko Devraj Suniti ka ilaaj kara raha tha..par asal me woh Suniti ko darra raha tha..Suniti ko aisa lagne laga..k Manipur se woh Rajputana bhaag jaaye kissi tarha..

Aise hi mushkil ghadi me..ek din..

Suniti so rahi thi..achanak naukrani aai..aur boli.."Kunwarjee aur unke saath ek admi aa rahe hain.."

Suniti uth kar baithi..aur saamne Devraj k saath jisko dekha Suniti ne..usko dekhne ki ummeed woh chhod chuki thi...Rajveer tha...Devraj has raha tha...Suniti aur darr gayi..

Devraj--Dekhiye..pehchaniye toh sahi..arre ...aapke Maaike se aaye hain..aapke dost.. aapke rishtedar..


Suniti--Raj..

Devraj--Haan..Rajveer..



Aise me baahar se aadmi aaya..Devraj ko bulaane..Devraj ko court jaana pada..jaate jaate woh keh gaya k Rajveer k khatirdari me kumee na ho..aur Rajveer Suniti k saath rahe..jab tak Devraj waapas naa aaye..


Suniti ka utra hua chehra aur boojhi boojhi si aankhe dekh kar Rajveer ko achha nahi laga,kya Suniti bhi ussi dukh se dukhi hai jis ghum ka saamna Roop Kanwar kar rahi hain?

----------------------------------------

"Hum dono me shuru se hi doorie rahi hai Raj..pata nahi kyun..par kabhi hum ek doosre k kareeb aa hi nahi paaye..aaj itne din ho gaye..shaadi ko..Bade Buzurg kahte hain Kunwarjee se k doosri shaadi kar le..ek waaris chahie khandan ko.."

Suniti ki baat sun kar Rajveer ne kaha.."Toh Doctor ko dikhaya hai?"

Suniti--Raj..aisi koi baat nahi hai..asal baat toh yeh hai k..main aur woh..aaj tak..

Raj chauk gaya..bola ,"Koi doosrie aurat?"

Suniti--Doosrie aurat ki wajah se hum dono me doorie nahi hai..bal ki is doorie k hi wajah se hi ek ..par ab uske paas bhi nahi jaate..


Raj--Kahan ki hai woh aurat?

Suniti--Nazar Jaan..

Raj--Gaohar Jaan k kothe ki?

Suniti--Haan..

Raj--Uske charche toh bahut sune hain..par jo tum keh rahi ho..agar aisa hi hai..toh..yeh koi pareshani ki baat toh nahi..jab samajh rahi ho..k mushkil kahan par hai..toh us mushkil ka hal nikaalo..doorion ko mitaao..


Suniti--Mujhe mere Maaike le chalo..mujhe wahi chhod aao..mujhe yehan nahi rehna..

Raj--Suniti..jungh ka maidan maine chhodna nahi sikha..naa tumhe sikha sakta hoon.. haan..agar tum is mushkil ka saamna karna chaaho..toh tumhari madad kar sakta hoon..

Suniti--Woh mujhe pareshaan karte hain..yeh soch kar k aaj bhi mere mann me tum hi ho..

Raj chauk gaya..."Yeh kyaa keh rahi ho?"

Suniti--Yaad hain..jab hum chhote the..toh sab kahte the..bade hone par hum dono ki shaadi kara denge..maine us baat ko dil se laga lia tha..par Roop Jeejee ne aisa hone nahi dia..unko darr tha..k Kunwar Randheer ki tarha Kunwar Rajveer bhi utna hi zalim hoga..


Raj--Yeh baatein Kunwar Devraj ko kaise pata?

Suniti--Baaton baaton me mere hi muh se nikal gaya..

Raj--Bachpan me bahut kuchh kaha jaata hai..socha jaata hai..zindagi bahut badi hai Suniti..apne bachpan se baahar niklo..waqt badalta hai..zindagi badalti hai..iske saath badlo..fir dekhna..zindagi bahut khubsurat hogi..aur Kunwarjee se tumhara rishta bhi sudhar jaayega..jahan tak maine dekha hai unko..mujhe is baat ka yakeen ho chuka hai k unke mann me tumhare lia bahut hi khaas jagah hai..tumhe sirf itna karna hai..k dilon ki is doorie ko mitana hai..pehla kadam..tumko hi uthana hai..dekhna..sab kuchh apne aap hi theek hone lagega..

Suniti--Kya aisa ho sakta hai?

Raj ne muskura kar jawab dia.."Haan...Suniti Kanwarsaa Hukum..aisa hi hoga..bachpan ki aadat gayi nahi..kisi bhi baat ko le kar bahut zyada pareshan hona..come on..things will be all right..everything will be sorted out..don't worry.."


Lambi bimaari k baad..Suniti muskurai..Raj ne uska haath pakda..bola.."Don't worry.. shayad main..shayad kya..main Manipur tumhare lia hi aaya hoon..ab dekho..kaise saari pareshanian door hoti hain.."..Suniti ne Raj k seene me apna sar rakh dia..ek nayi ummeed uske mann me bhi jaagi hai..

Devraj ne koi bahana nahi kia..usko sach me jaana tha..lekin woh dekhna chaahta tha..k itne dino baad Rajveer ko saamne dekh kar Suniti kyaa karti hai..par ussi waqt woh aadmi aaya..



Roop Kanwar ne apni ek Daasi ko Manipur bheja tha..waqt waqt par wahi Suniti ki khabar deti rehti Roop ko..usdin Raj aur Suniti ko us tarha dekh kar Daasi ne Roop ko savdhan kar dia.Aur Roop ne wahi baat Jayanti Devi se keh di..


******************************

Suniti theek hone lagi..bahut jald..Devraj ne socha Raj ki wajah se aisa hua hai..woh mann hi mann roz laakh dafa marne laga....aur Suniti..uski toh kahani hi alag thi..

Woh sochti thi..k agar zindagi me kabhi Rajveer se aamna saamna hua toh uska dil nikal kar uski honthon tak aa jaayega..bawandar aayega..par aisa kuchh nahi hua..itne dino baad Rajveer ko saamne dekh kar usne baat ki bhi toh..kiske baare me..apne Pati,Kunwar Devraj k baare me..Suniti ko pata hi nahi chala k kab Raj hat gaya..aur Devraj aa gaya.. Suniti khudh hi samajh nahi paai..

********************************

Mahel se Gaohar Jaan k paas khabar aai..k kab sajani hai mehfil..Bahu Ranisa theek ho gayi hain..ab ussi khushi me alishan mehfil sajegi..aur is mehfil k lia geet bhi naye likhe jaane chahie..Nazar Jaan ko yeh geet likhne hain..Gaohar Jaan ne keh dia..us din Nazar Jaan naachegi bhi..


Army Camp me bhi log gaye..neota le kar..Mahel me mehfil sajegi..saare Officers ko jaana hoga..khaas kar Lt.Shekhawat ko..kyunki woh Bahu Rani k rishtedar hain..unke Maaike ki taraf se hain...


Officer log khush ho gaye..February ka waqt hai..aise waqt me party aur picnic ka alag hi maza hota hai.Raj bhi calander dekhta hai..usse Manipur aaye chaar maheene ho gaye.. 1940,October ka maheena tha..jab Lt.Shekhawat Manipur me aaye..ab waqt hai 1941 ka.. February ka maheena hai.


Kabhi kabhi Raj sochta hai..zindagi k baare me..chaaron taraf jungh ka maahol hai..aise me Raj yehan ,Manipur me..aur kuchh aisa hua..sahi baat hai..jungh hoti hai..khatam bhi ho jaati hai..ek Raja se doosra Raja..ek Badshah se doosra Badshah..aisa hota hai..par zindagi..woh toh apne hi andaz me chalti hai..kabhi kisi Badshah k takht k aage nahi jhooki..aur naa hi kisi Raja k talwar darr se rooki..zindagi ka karvan yuh hi chalta hai.








Sumi_162710 thumbnail
17th Anniversary Thumbnail Rocker Thumbnail Networker 1 Thumbnail
Posted: 16 years ago
#86
Awesum part. I mostly luved Raj n Suniti's convo. So Suniti has fallen for Devraj....achha hi hua. And Raj...he's so different from others.....thats y luv him so much....Hope Raj finds Naina soon....lets c if he cums across her as Nazar Jaan.

Pls continue soon.
vvdn thumbnail
17th Anniversary Thumbnail Navigator Thumbnail
Posted: 16 years ago
#87
Hey ur back.......finally updated it.....n as usual it's womderful.waiting for next part jan RN amne-samne aaye.
sania_58 thumbnail
19th Anniversary Thumbnail Rocker Thumbnail + 2
Posted: 16 years ago
#88
welcome back di
superb update
too good
great going
by the way next update ki next month korbe??
plz continue soon, can't wait
sea_nyx thumbnail
17th Anniversary Thumbnail Dazzler Thumbnail Engager Level 1 Thumbnail
Posted: 16 years ago
#89
wow, finally raj will figure out who naina is, but I loved the suniti-devraj track best, i feel sorry for both of them 😭, i hope things work out between the two.
kads_8302 thumbnail
17th Anniversary Thumbnail Voyager Thumbnail
Posted: 15 years ago
#90
hi dear;
n how r u now.
very nice ud dear...
bichra raj ab kya karega ek side kua hai toh dusri side khai hai...
waise is kunwar ka kuch illaz karwao...
do ud soon the next part..

Related Topics

Fan Fictions Thumbnail

Posted by: So-So

5 months ago

Chasing Memories - Naina & Bunny - #PyaarKaTropeFest

One of my entries for Love-O-Rama Pyaar Ka Trope Fest Storyline: Second Chance Romance Setting: Road Trip Character: Naina Bunny from YJHD Cover...

Expand ▼
Fan Fictions Thumbnail

Posted by: minakrish

5 months ago

Operation: Pretend Love ~ Vihaan+Naina OS #PyarkaTropefest

Graphic Credits: oh_nakhrewaali This is one of my entries for the Love-O-Rama #1: Pyar ka Trope-fest Trope: Set A: Fake Dating Set B: Neighbours...

Expand ▼
Fan Fictions Thumbnail

Posted by: sakshi5050

10 months ago

Ranveer's unsaid feelings #14 updated Episode 1019 page no 29 Ranveer's unsaid feelings #14 updated Episode 1019 page no 29

Welcome to the new thread of Ranveer's unsaid feelings. Keep enjoying the world of Ishveer. Their unconditional Love, their friendship, their...

Expand ▼
Fan Fictions Thumbnail

Posted by: sakshi5050

3 years ago

Ranveer's unsaid feelings #13 updated episode 971 page 155

Welcome you all to the new thread of RANVEER'S UNSAID FEELINGS #13 Keep Travelling in the world of ISHVEER LOVE Warm Regards sakshi ❤️ Index...

Expand ▼
Fan Fictions Thumbnail

Posted by: Rizz-ington

1 years ago

⭐Back⭐ Arhi FF | Iss Darr Ko Kya Naam Doon: Chapter 3 - Part 3/3

A N A R H I F F ---- Iss Darr Ko Kya Naam Doon Summary: Khushi is an internet famous 27 year old fashion designer from Lucknow. She has a chirpy...

Expand ▼
Top

Stay Connected with IndiaForums!

Be the first to know about the latest news, updates, and exclusive content.

Add to Home Screen!

Install this web app on your iPhone for the best experience. It's easy, just tap and then "Add to Home Screen".