Alvida 1997 - Page 4

I just can't express how much I love your stories... the vibe is so so so different. It feels like I can actually see sehban and reem doing all these things! I can imagine all the scenes happening. The vintage kinda stories you write are just too beautiful. The way you write is just precious. Can't express how overwhelmed I am after reading these four chapters!

Kalyani-Malhar-Rajat this trio is too cool!!! They way Malhar actually adores Kalyani is beautiful. Kalyani's love and care for him is clear and doubtless. Rajat's character is so fresh and his friendship with both kalma is a delight to read. Kalyani being in malhar's dreams, Kalyani taking care of him, Rajat being the bestest friend, Malhar being The most fearless when it comes to Kalyani-everything about this story is a treat for me literally!!

The whole plot is really really really creative and just beautifully expressed. I just can't stop adoring this story and I actually love all the stories you have written based on old days. Thank you so so so much for these. I genuinely appreciate you❤️

Originally posted by: Jara567

I just can't express how much I love your stories... the vibe is so so so different. It feels like I can actually see sehban and reem doing all these things! I can imagine all the scenes happening. The vintage kinda stories you write are just too beautiful. The way you write is just precious. Can't express how overwhelmed I am after reading these four chapters!

Kalyani-Malhar-Rajat this trio is too cool!!! They way Malhar actually adores Kalyani is beautiful. Kalyani's love and care for him is clear and doubtless. Rajat's character is so fresh and his friendship with both kalma is a delight to read. Kalyani being in malhar's dreams, Kalyani taking care of him, Rajat being the bestest friend, Malhar being The most fearless when it comes to Kalyani-everything about this story is a treat for me literally!!

The whole plot is really really really creative and just beautifully expressed. I just can't stop adoring this story and I actually love all the stories you have written based on old days. Thank you so so so much for these. I genuinely appreciate you❤️

Thank you so so much Jara. I'm so glad you're loving this story ❤️❤️❤️

Agle din school me Kallu Malhar ko dekhkar bhi avoid karti rahi. Library mein uski dost Neeta kone mein baithkar table ke neeche Filmfare magazine se Akshay Kumar ki photo vala panna faad rahi thi.

Neeta: "Kalyani, Librarian ma'am is taraf dekhen ya yahaan aye to mujhe ishara zaroor karna."

Kallu: "Yaar mujhe kitaabon ke panne fatte dekhkar accha nahi lagta. Tu poster kharid le Na Akshay ke agar tujhe vo itna hi pasand hai vo."

Neeta: "Arey! Is tarah rules todkar free ki cheez paane ka mazaa hi alag hai."

Tabhi Library madam khadi huyi aur Neeta ne jhat se doosri magazine utha li aur Filmfare Kallu ke paas rakh di.

Librarian ma'am: "Go back to your class. Sinha Sir ne tum logon ka Maths register check kar diya hai."

Saare students line mein lagkar chupchaap vaapis class mein gaye. Sinha Sir ek ek student ko bulakar uska register vaapis kar rahe the.

"Akash!"

"Thank you Sir."

"Rajat! Good work!"

"Thank you Sir."

"Malhar!"

"Thank you Sir!"

"Neeta."

"Thank you Sir."

"Kalyani! Tum vahin ruko! Tumhara register to class mein sabse best hai!"

Kalyani ne socha, "Maine to kucch problems bhi unsolved cchorr di thi. Fir Sir kaise..." Fir bhi usne zor se kahaa, "Thank you Sir."

Malhar ne ek eyebrow uthakar Kallu ki or dekha.

Sinha Sir: "To Kalyani ne register itne acche se maintain kiya hai ki aap sabko isse seekhna chahiye. To main register ke kucch pages padhta hoon."

Sinha Sir ne gala saaf kiya aur Kalyani ki notebook padhne lage:

"Kallu school se laut hi rahi thi ki achaanak se zoron ki baarish hone lagi."

Kallu ko kaato to khoon nahi. Vo mimiyate huye boli, "Sir. Please aage mat padhiye. Vo galti se maine apni Maths register ki jagah apni fanfiction vala register submit kar diya."

Sinha Sir bole, "Are are! Poori 11-A ko jaanne to do tumne Maths ki problems solve ki hain. To Kalyani ne aage likha hai:

Apne school bag ko Sar ke oopar rakhkar Kallu ghar ki or jaa hi rahi thi ki ek tez Raftaar ki gaadi uske bagal se keechad udaati huyi nikal gayi. Kallu ke kapde keechad se lath path ho gaye. Tabhi vahaan M kaala suit pant pehne chhate ke saath aaya."

Sab Malhar ki taraf dekhne lage kyonki poori class me sirf usi ka naam M se shuru hota tha. Malhar apne shareer ko jitna cchota bana sakta tha utna kursi ke sahaare baith gaya ye sochkar koi uska laal par chuka chehra na dekh sake.

"Kallu ko dekhte hi usne apna coat Kallu ke oopar daala, aur apna chhata door fenka. Usne Kallu ka haath pakda aur use apni taraf kheenchkar apni baahon mein bhar liya...

Malhar Beta! Itne lambe ho tum gardan, kandhe kitne bhi mod lo tumhari shakal nahin cchupegi."

Saari class zor zor se hans rahi thi.

Aakash bola, "Are vaah Malhar! Tum to ham sabse aage nikle. Seedha..."

Tabhi Kallu chillayi, "Are maine is Malhar ke baare me nahi likha. Maine to Silk route Band ke singer Mohit Chauhan ke liye fanfiction likha tha. M means Mohit...Malhar nahi"

Sinha Sir ne continue rakha, "M ne Kallu ko apni baahon mein bhar liya aur usse kaha: mere paas aao. Kallu apna chehra uske kareeb lekar aayi. M fusfusaya: Aur paas. Kallu uske aur kareeb aayi aur fir M uske kaan ke kareeb apne hoth laakar bola: Dooba dooba rehta hoon baaton me teri, deewana ban gaya hoon main chaahat mein teri."

Saari class saath me gaane lagi: "Dooba dooba rehta hoon..."

Malhar ko samajh nahin aa raha tha ki dharti ke kis kone mein jaakar cchupe. Kallu ne use kahin ka nahin cchorra tha. Itna mazaak zindagi me kabhi uska nahin banaa tha aur Aakash jaise ladke to uske gusse ke dar se usse door hi rehti thi...Kallu! Aaj to vo Kallu ka gala dabaakar uske chhote chhote tukde Box mein rakhkar usi Silk route Band ke Mohit Chauhan ko as a gift bhejega.

Bechara malhar.. Woh toh kallu se pyaar karta hai, pata nahi kallu ko kab realise hoga.

Sinha sir ki wajah se malhar ka majak ban gaya, bechara. Aur woh kallu se gussa bhi hai.

So awesome this was...

Kallu avoiding Malhar.. 😆

Library me book se picture phadna.. Ya these crazy things do trigger so many memories. ❤️

Kalyani ka maths register... 🤣

Hamare teachers koi kasar nahi chod the the class ke Saamne mazak udane ka..

Kalyani ki izzat udi aur saath saath bechare Malhar ki bhi.. 🤣

Jiska sirf ye dosh tha ki uska naam M se shuru hota hai..

Dooba dooba rehta hoon baaton me teri, deewana ban gaya hoon main chaahat mein teri."

This really cracked me up... Malhar ki haal toh behaal ho gayi.. Totally could imagine that embarrassment.. 🤣🤣

Thank you Pragya for such an entertaining update..

Originally posted by: rekha_crm

So awesome this was...

Kallu avoiding Malhar.. 😆

Library me book se picture phadna.. Ya these crazy things do trigger so many memories. ❤️

Kalyani ka maths register... 🤣

Hamare teachers koi kasar nahi chod the the class ke Saamne mazak udane ka..

Kalyani ki izzat udi aur saath saath bechare Malhar ki bhi.. 🤣

Jiska sirf ye dosh tha ki uska naam M se shuru hota hai..

Dooba dooba rehta hoon baaton me teri, deewana ban gaya hoon main chaahat mein teri."

This really cracked me up... Malhar ki haal toh behaal ho gayi.. Totally could imagine that embarrassment.. 🤣🤣

Thank you Pragya for such an entertaining update..

Thank you so much Rekha. Meri do friends thi, ek SRK ki fan, ek Ranbir ki diehard fan. To SRK ki fan har library period me photo faadne ka yahi karyakram karti thi.

Originally posted by: sathwi_99

Bechara malhar.. Woh toh kallu se pyaar karta hai, pata nahi kallu ko kab realise hoga.

Sinha sir ki wajah se malhar ka majak ban gaya, bechara. Aur woh kallu se gussa bhi hai.

Kallu ne bura haal kar rakha hai Mallu ka...

Chapter 7

Newspaper me subah hi aa gaya tha ki aaj light raat bhar nahi rahegi. To saare sheher me muhnucchwa ka aatank hone ke baad bhi mohalle ke sabhi log apni apni chataiyyan lekar chhat par sone aa gaye the. Rajat, Malhar aur Kallu ke ghar ek doosre ke bagal me hi the.

"Malhar, bola na sorry!" Kallu Malhar ko manaa rahi thi.

Malhar muh ferkar bola, "Rajat bol de ise mujhe is se koi baat nahin karni."

"Ah! Malhar! Mujhe Chakkar aa rahe hain. Please pakdo mujhe," Kallu gol gol ghoomne lagi, "Main khadi nahi ho paa rahi hoon."

Tabhi Malhar ke ghar se telephone ki ghanti bajne ki aawaz aayi.

Malhar: "Dekh rahe ho iski nautanki Rajat. Tum chahe gol ghoom ghoom kar chhat se neeche gir jaao, main tumse baat nahin karoonga."

Tabhi Kallu ke paas laalten zor se aakar giri.

Uske papa uski mummy ko chilla rahe the, "Sunne do saare mohalle vaalon ko. Roz ki Kicch kich taane... zindagi nark bana rakhi hai is aurat ne."

Kallu ki mummy zor se chillayi: "Haan to mujhe kis baat ka dar hai. Bees saalon se tumhari tumhare ghar walon ki sewa mein ghul gayi main, ek kasar nahin chhori, lekin jabse shaadi hokar is ghar mein aayi hoon ratti bhar ijjat nahin mili mujhe."

Kallu aankhein fade apne mummy papa ki or dekh rahi thi. Saare mohalle vaalon ki nazar unhi par thi. Malhar aur Rajat ko samajh nahi aa raha tha ki ab vo kyaa karein.

Tabhi Malhar ki maa jo phone uthaane neeche gayi huyi thi oopar aakar Malhar ko chillane lagi: Phone lagaaya tha tune apne bhai ke doston ko. Kitni baar kahaa hai ki is ghar se koi Rohit ke baare me naa baat karega na sochega.

Malhar: Par Maa.

"Ab ye galti dobaara huyi to..."

Vahin Kallu ke mummy Papa ki ladai khatarnak mod le chuki thi.

Tabhi Rajat apni naak pakadkar chillaya, "Aah meri naak. Mera muh. Kisi ne bahut zor se nocha mujhe."

Mohalle ke saare logon ki nazar ab Kallu aur Malhar ke gharon se hatkar ab Rajat ki chhat par Jaa tiki thi.

Rajat ke Mummy Papa dono bhaagkar Rajat ki taraf aaye aur uski maa ne Rohit ki naak chookar dekhi, aur chillayi, "Haaye kitna khoon beh raha hai mere bete ka." Raat ke andhere me khoon to kisi ko dikha nahi fir bhi Mohalle wale apni apni rai dene lage

"Are jis ladke ne dhuaandhaar me koodkar jaan di thi na, usi ki bhatakti aatma hai muhnucchwa. Kal Rajat ko dhuaandhaar le jaakar muhnucchwa se maafi maang lena."

Tabhi Physics me phD kar raha Khare sahab ka bhateeja bola, "Are muhnucchwa koi bhoot nahin alien hai. Uske planet ko Rajat ne ghoorkar dekh liya hoga tabhi..."

"Are Muhnucchwa kisi paagal scientist ne apni lab mein insaan aur keede ka hybrid banaaya hai..."

Lekin Kallu aur Malhar na chahte huye bhi Muhnucchwa ke aane ke shukraguzaar the.

.....

Aur agle din school me, Kallu ne Malhar ko ek kaagaz ki chit pakdayi. Malhar ne use kholkar dekha to usme ek phone number likha hua tha.

"Ye kiska number hai?" Malhar ne poocha.

"Are tum Deepak Chatterji ko jaante ho...vahi jiska uski hone vaali patni ne apne premi ke saath milkar uske ghar par hi katl kar diya tha. Ye usi ke ghar ka number hai?"

"To tum uska number mujhe kyon de rahi ho?"

"Are tumhe pata nahi chalaa...jo bhi is no. Par phone karta hai, Deepak Chatterji use aage kya hone wala hai. Ye bataata hai. Aur agar kisi ka koi apna bemaut maara gaya ho to vo ye bhi batata hai use kisne maara tha ya vo kyon mara tha. Ab vo kahaan aur kaisa hai..."

"Matlab mere bhai ne apni jaan kyon li vo ye Deepak Chatterji ka bhoot mujhe batayega. Aur ye bhi ki ab mera bhai kaisa hai..." Malhar ki aawaz me kucch tootne sa laga tha.

"Try karne me kya jaata hai?" Kallu ne Malhar ka Kandha dabaakar kaha.

Rajat bola, "Sach kahoon to tum log in sab chakkaron me na hi pado to better hai. Bhoot voot kucch nahi hota..."

"To fir tumhe kal raat kisne kaata tha? Vaise, tumhari naak par to koi nishaan nahi h ab..." Kallu boli.

"Vo to...theek hai. Jaisa tum log theek samjho."

School office ke bagal me landline phone tha jo tha to vaise in case kisi student ki tabiyat bigad Jaye to uske parents ko phone karne ke liye magar vahaan hamesha, 9th, 10th, 11th or 12th ke ladkon ka hi jamaawda Laga rehta tha. Aaj bhi nazaara kucch vaise hi tha aur jaise hi Kallu, Malhar aur Aakash aaye, sab zor zor se gaane lage, "Dooba dooba rehta hoon..." Lekin jaise hi Malhar ne sabko ghoor ke dekha aur ek ek ladke ka naam lene laga, to har koi vahaan se khisak liya.

Do phone rakhe the vahaan par. Malhar ne parchi se dekhkar number lagaya to line dead thi. Fir Malhar ne doosre phone par redial button dabaa diya. Kucch der Malhar shaant khada raha, fir Kallu ko receiver dekar bola, "Lady bhoot hai koi. Mujhse pooch rahi hai ki Akele ho tum? Mere dost banoge? Ab bhoot ko friendship friendship kyon khelni hai?"

Kallu ne receiver haath mein liya aur jameen se ek pamphlet uthaya jisme frock pehne ek lambi ladki ka chitra banaa tha aur likha tha, "kya tum akele ho? Mujhse Dosti karoge? Call me at *********"

Kallu ne phone kaata aur khud no. dial kiya aur Malhar ko receiver de diya.

Malhar ne ghabrate huye poocha, "Mera bhai...haan usne building se koodkar...kyon? Main usse baat kar sakta hoon?"

Jab vo sab vaapis ground me aaye, to Malhar bola, "Mere bhai ka favourite colour. Meri age...sab sahi bataayi us bhoot ne. Keh raha tha ki Bargi dam ke paas wali pahadi par mujhe apne saare sawaalon ke jawaab milenge."

"To is Sunday ham sab vahin chalenge!" Kallu boli.

"Par tumhari mummy, Malhar?" Rajat ne poocha.

"Unhe kucch pata nahin chalega," Kallu aur Malhar ek saath bole.

"Aur haan," Malhar ne hichkichate huye kaha, "Deepak Chatterji ke bhoot ne ye bhi kaha ki raat ko baarah baje vo mera teen baalti neela khoon peene aayega."

Tagging some more Kalma92 I can't tag you

Haaayein pragyu kya mazza aayaa inn dono update main meri tofaan express 🤗🤗

Kalyani ne malhar ki izzat lutane main koi kasar nahi chodi 🤣🤣🤣🤣

Beachara Malhar dooba dooba rehta hoo omg 🤣🤣🤣

Kallu ki bhi kya vaat lagi 🤣😆

Aur doosrein chapter main kallu ki nautanki 😆😆

Malhar ka apne bhai ke baarein main jaanana kallu ka support par mujhein inn bhoot voot ka chakkar nahi samajh aaya 🤪🤪

Aur vo Malhar ka teen balti neela khoon🤣🤣

Awesome pragyu awesome 😎😎😎