Alvida 1997 - Page 2

Chapter 3

Malhar ka homework lagbhag khatm hi hone wala tha ki darwaze ki ghanti baji. Malharne darwaza khola aur apni Mummy ka bag uthaya.

"Aaj bhai ka birthday hai, mummy," Malharne dheeme se kahaa.

Uski mummy ne kaha, "Pata tumhare Mama-Mami sab tumhe pooch rahe the. Keh rahe the ki Malharko saath kyon nahi laayi?"

"Aaj Bhai ka birthday hai Mummy," Malharne chillate huye kaha, "Apke ansunaa kar dene se ye baat badal nahin jayegi."

"Us ladke se koi lena dena nahi hai hamara. Kaayar tha vo..."

"Aapka nahin hoga unse koi lena-dena Mummy, vo mere bhai the aur rahenge chahe unhe aap kaayar kahein ya apni zindagi khud khatam karne wala darpok insaan." Malharne kahaa.

"To apne Papa ko bhi yaad kar le lage haath," Malharki maa ne taana kasaa, "Vo bhi to tere baap the aur rahenge bhale hi unhone apni premika ke saath khaai me koodkar jaan hi kyon na de di ho jab Tera bhai bas paanch saal ka aur tu sirf teen saal ka tha..."

"Mummy!"

Tabhi darwaze ki ghanti baji.

"Main dekhta hoon,' kehkar Malhardarwaza kholne chala gaya. Saamne dekha to Kallu khadi huyi thi.

"O Chudail. Abhi raat nahin huyi hai. Jab raat ho tab bhatakna..."

"Malhar!" Kallu bade pyaar se boli.

"Kallu!" Malharne Kallu ki nakal utarte huye kahaa.

"Mera TV antenna sahi kar do, please."

Malharne uske sir ko thoda thonka aur baal ki lat khadi kar di aur bola, "Arey isme to abhi bhi signal nahin aa raha."

"Please."

"Kya bola tumne? Kucch sunai nahi diya?" Malharne kaan saaf karne ka naatak karte huye kaha.

"Please Mohit. Meri help kar do."

"Tumhare ghar me to cable hai vaise. Antenna ka kya karna hai tumhe?"

"Vo kal aandhi chali thi na to cable ke taar toot Gaye the. Antenna sahi ho jayega to Chitrahaar to dekh hi sakti hoon. Aur usme ho sakta hai Silk route ka Gaana sunne bhi mil jaye.."

"Haan jisse tum band ke lead singer Mohit Chauhan ko taad sako. Aunty ko bataoon main ki tumhare tests me marks kyon kam aane lage?"

"Dekho tum Luna ko dekhne har shaam paanch baje..."

"Lekin main har exam mein top karta hoon..."

"Haan, theek hai..."

Malhar chhat par tanki par khade hokar antenna ghumakar bola, "Aaya?"

Kallu andar se chillai, "Nahin."

Malharne antenna doosri taraf ghumaya aur chillakar bola, "Ab aaya?"

"Haan...magar picture saaf nahin hai."

Aur kul aadhe ghante ki mehnat ke Baad TV sahi se chal paaya.

School me annual function ke audition chal rahe the to saare students Auditorium me jamaa the.

Aur ab, next...Malhar Mishra

Malhar ko dance bilkul nahi aata tha- ye baat Kallu acche se jaanti thi. Pakka apna mazaak udwayega ye.

Malhar stage par aaya aur dance teacher ne tape play kiya. Aur jo gaana baja- Jawaani jaaneman haseen dilruba mile to dil jawaan...

"Ye mera gaana nahin h madam?" Malharka chehra laal tha.

"To fir apki cassette apni marzi ka Gaana baja rahi h? Faltu ka time nahin h mere paas. Isi gaane par dance karo ab." Dance teacher ne daantte huye kahaa.

"Magar ma'am..."

Aur gaana bajne laga Jawaani Jaaneman...

Tabhi Rajat stage par aaya aur bola hamara group dance hai madam, aur fir Rajat ne jo break dance kiya, bhai saahab, school ki saari ladkiyaan sirf Rajat Rajat hi chilla rahi thin. Rajat I love you. Kallu zor se chillayi. Aur Malharne bhi Rajat ke steps ki nakal karke theek thaak dance kar hi liya. Agar kahin vo kucch galat bhi karta, to Rajat use sambhaal leta.

https://youtu.be/SCxvbqvA0ew

Originally posted by: PRAKRITI_12

Wow pragu.....teri stories hoti hi kuch alag hai....kitna beautifully describe krti hai sb kuch......i hope ki tu forum chodd ke na jaye

Thank you Praku. Tum logon ki story padhne to roz aaoongi forum...

Ohhho meri super fast train kya speed hai update karne ki bohot acha chapter tha

Malhar ke bhai ki death ho gai he committed suicide aur uskein baba ne uski aai ko dhoka diya poor my baby 😭😭but kallu ne haina kaise pyaar se kehke antena theek kara liya 😳😳aur aglein din school main hmm kallu ne ekdum rajat ko i love you bhi bol diya biachara mallu ko dance nahi aata tha ..😒😒abb ussein sabkein saamne kitna embarrassed hona pada aur rajat ko kaafi likes mil rahe hai

Ohh rajat hamare kalma se door raheinn 😒😒

Originally posted by: Phlo004

Ohhho meri super fast train kya speed hai update karne ki bohot acha chapter tha

Malhar ke bhai ki death ho gai he committed suicide aur uskein baba ne uski aai ko dhoka diya poor my baby 😭😭but kallu ne haina kaise pyaar se kehke antena theek kara liya 😳😳aur aglein din school main hmm kallu ne ekdum rajat ko i love you bhi bol diya biachara mallu ko dance nahi aata tha ..😒😒abb ussein sabkein saamne kitna embarrassed hona pada aur rajat ko kaafi likes mil rahe hai

Ohh rajat hamare kalma se door raheinn 😒😒

Rajat is very sweet and don't worry he has no interest in Kallu.

Originally posted by: Autumn09

Rajat is very sweet and don't worry he has no interest in Kallu.

Beyond beautiful 😻❤️.

I don't know how to describe this in words 🥰😘🙌.

Amazing work👍❤️.

Khair, audition ke baad sab class mein baithe the. Sinha Sir trigonometric identities padha rahe the. Tabhi kucch ladke jaane kis baat par chhup chhup kar hans rahe the. Vaise to Sinha Sir school ke sabse strict teacher the magar jab se vo log eleventh standard me aaye the, students ki himmat badhne lagi thi. Equation solve karte karte jab Malhar ne peeche dekha, to vahaan ladkon aapas me koi paper chit paas kar rahe the aur use dekh dekhkar hans rahe the. Malhar jab class me hota tha to uska focus padhai ke alawa aur kahin nahin hota tha fir bhi jab paanch minute baad vo mudi hui chit Malhar ke paas pahunchi to usne chupke se desk ke neeche use khol kar dekha. Chit mein ek football bani huyi thi aur us par ek ladki ka chehra tha. Football se mote mote haath aur pair bhi nikle huye the. Aur bagal mein likha tha: Kalyani itni chocolatey kyon hai????

Malhar ne aankhein band ki aur teen gehri saansein li. Vo bachpan se isi school mein padha tha to sabki handwriting use acche se pata thi. Slow motion mein chalte huye vo middle bench mein baithe Akash ke paas gaya aur ek zor ka mukka uski naak par jad diya. Akash ki naak se khoon behne laga. Ye dekhte hi Aakash ki toli Malhar par toot padi. Akash ke 5-6 doston ka to Malhar ne peet peetkar bharta bana diya magar ab class ke ladkon ke saamne Malhar kamzor parne laga tha.

Sinha Sir bas, "Stop this. Tum sabko Principal Sir se punishment milegi." Bas yahi baar baar chilla rahe the. Malhar ab buri tarah pit raha tha. Tabhi Rajat apni seat se utha aur apni pant ke buckle se belt nikaalkar zor se Malhar par chadhe ladke par maara. Fir to Malhar ne bhi apna belt nikaal liya aur class ke ladkon ko dono ne tabiyat se dhoya.

Fir Ek ghante baad Principal office ke andar:

Akash aur uske dost roni surat banakar: Maine to kucch kiya bhi nahin tha magar ye Malhar meri seat par aakar binaa baat ke hi peetne laga. Dekhiye kitna khoon nikal raha hai.

Principal Sir ne Malhar se kaha, "To Malhar, can you please tell me tumne Akash aur uske doston ko itni buri tarah kyon maara?"

Malhar chup rehkar Aakash ko ghoorta raha.

Principal Sir: Mere paas poora din nahin hai Malhar.

Malhar: Sorry Sir. Main nahi bata sakta ki maine Aakash ko kyon maara magar itna zaroor kahoonga ki vo isse zyaada pitayi deserve karta tha.

Principal: Theek hai. To tumhe pachaas baar cane se maar aur ground ke 100 rounds lagane honge. Is that clear? Aur cane ke liye sabse patli lakdi tum hi lekar aaoge. Is that clear?

Malhar: Yes Sir

Tabhi Rajat bola, "Ek minute Sir. Ham dono ne ek hi galti ki hai to punishment bhi hamme baraabar baraabar batni chahiye."

Tabhi Malhar fusfusaya, "Tumhe to pata bhi nahi Rajat ki matter kya hai?"

Rajat Malhar ki or dekhkar bola, "Matter jo bhi ho. Vaise agar tumne kaha h ki Aakash aur uske dost ye deserve karte the to I fully trust you. Aur tum chahe sahi ho ya galat, tumhe main akele to chhorne nahin vala."

Principal Sir: Theek hai Rajat. Vaise tumhare jaise disciplined student se aisi harkatein maine expect nahin ki thi magar tumhe bhi 50 canes aur ground ke 100 chakkar.

Fir Malhar aur Rajat ki band mutthi par unhi ki laayi cane se pachaas baar Sinha Sir ne poori taakat se maara.

https://youtu.be/LCfvYo3ILG0

Originally posted by: Asha_Bisht

Beyond beautiful 😻❤️.

I don't know how to describe this in words 🥰😘🙌.

Amazing work👍❤️.

Thank you so much Asha.

"Mummy, please, mujhe Devtaal picnic par jaane do na..." Kallu apni Maa ke saamne dayneey shakal banaye huyi thi.

"Bilkul nahi. Ek to test me tumhare itne kam marks aaye hain aur oopar se Simmi didi ki shaadi ke liye Ganjipura market bhi jaana. Ek din to shopping mein hi lag jayega. Agle saal 12th hai Tumhari magar aadatein nahin sudhar rahin. Bas cassette me gaane bharwaane ko keh do ya aaj kal jo naya Music channel aaya hai Monkey TV..."

"Monkey TV nahin hai vo Mummy, MTV hai..."

"Haan, haan vahi. Padhne likhne me zara bhi mann nahi lagta tumhara. Apne doston se hi kucch seekh le. Malhar ke oopar kitni zimmedariyan hain uske Papa aur Bhai ke guzarne ke baad. Tab bhi har exam me Top karta hai aur Rajat jitna shaant seedha uska swabhaav hai, padhne mein utna hi tez. Saath hi guitar bhi baja leta hai aur kitna accha art banaata hai. Ek tum ho Padhai me Average, Sports mein hamesha last position aane wali. Tumhari umar ki ladkiyaan ajkal car-luna sab chala leti hain."

"Luna ki to baat hi mat karo, Mummy..."Kallu ne muh fula liya.

"Kyon Na karoon main Luna ki baat. Dekho, Kallu, kabhi maine kitchen me tumko ghusne tak nahin diya beta, magar aaj ke zamaane se kadam se kadam milaake to chal. Tujhe to ye tak nahin pata ki 12th ke baad tujhe kya karna hai."

Lekin Maa ki baat khatm ho paati usse pehle TV par MTV channel lagaya ja chuka tha.

Devtaal par pahunchte hi saare students ko das minute line mein khade hone ko kaha gaya. Teachers makeshift choolhe par khaana banaanee lag gaye. Jaise hi unhe ghoomne ki permission di gayi, Kallu jheel ke kinaare baith gayi. Kallu ne Sanjana ko apni taraf aate dekha.

"Hi Kalyani," Sanjana thodi si sharmaate huye boli.

Kalyani ne jawaab diya, "Hello Luna, mera matlab, Hello Sanjana."

Sanjana apne neele dupatte ko ungliyon mein lapetti huyi boli, "Kallu, yahi bulaate hain na Malhar aur Rajat tumhe?"

Kallu ne Haan me sar hilaaya.

"To Kallu. Vo mujhe tumse kuch poochna tha."

"Poocho na!"

"Vo Kallu," Sanjana ka chehra laal tha, "Vo Kallu, maine Malhar ko propose kiya hai." Kallu bina Sanjana ki taraf dekhe taalab ke paani se khelti rahi.

"Accha," Kallu ne kaha, "To tum mujhe kyon bata rahi ho?"

Sanjana boli, "Vo, I just wanted to make sure ki tumhe koi problem to nahin hai...vaise Malhar ne abhi koi jawaab nahi diya."

Kallu hasne lagi, "Mujhe kya problem hogi? Vaise us paagal ladke ki kismat bahut acchi hai jo tumhare jaisi intelligent aur sundar ladki ne use propose kiya."

Sanjana apne salwar aur kurte par se mitti jhaadte huye khadi huyi, "pakka na tumhe koi issue nahin h?"

"Haan baba, pakka."

Fir Devtaal par boating ki baari aayi. Saari ladkiyon ne aapas mein apni pair bana li boating ke liye aur hamesha ki tarah Kallu akeli choot gayi.

Malhar ne bola bhi teacher se, "Boating par Kallu ka akele jaana safe nahin hai. Please mujhe Kallu ke saath jaane deejiye."

Magar Kallu ne saaf mana kar diya, "Main kisi boy ke saath boating par nahin jaoongi."

Kallu naav par taalab ke beechon beech pahunchi hi thi ki boat idhar udhar dolne lagi. Saare students aur teachers saans roke kinaare par khade the ki tabhi boat palat gayi. Malhar ne apne joote moje utaare aur kood gaya taalab ke andar.

Kucch pandrah minute baad jab Kallu tairte huye kinaare par aayi to Teacher ne usse poocha, "Malhar kahaan hai?"

To Kallu boli, "Are mujhe kaise pata hoga? Main to boat par thi aur Malhar to yahin kinaare hoga na."

Tabhi Sanjana ne rote huye kaha, "Malhar to tumhe bachaane ke liye taalab mein kood gaya tha..."

Kallu cheekhi, "Vo kyon kood gaya mujhe bachaane ke liye? Mujhe to tairna aata hai magar use to paani se itna dar lagta hai. Gadha kahin ka." Aur Kallu vaapis taalab me chali gayi.

"Malhar! Kahaan ho tum?" Kallu ko ab dar lagne laga tha aur uske aansoo rukne ka naam hi nahin le rahe the. Tabhi use paani ke andar se ek haath nikalta hua dikha jo vaapis andar chala gaya. Kallu tair kar us jagah gayi aur gehri saans bharkar paani ke andar usne dubki lagayi. Aur Malhar ka haath apni kamar par rakhkar use kandhe se pakda aur paani ki satah ke oopar le aayi.

Malhar ne paani apne muh se baahar phenka aur zor zor se saans lene laga.

"Kallu, agar main tumse kuchh manguga to meri wish poori karogi." Kallu aur Malhar abhi taalab ke beechon beech hi the. Kallu abhi bhi ro rahi thi aur aansuon ke beech hi usne apna sir haan me hilaaya.

"Pata, Luna ne mujhe propose kiya hai?"

"To," Kallu ka galaa bhar aaya tha.

"To," Malhar ne uski aankhon mein dekhte huye kaha, "To meri wish ye hai ki tum mujhe uska proposal accept karne se manaa kar do."

Ajj to Meri chandi aayi hai Kya mast mast updates padhne ko mil rahi hai rekhu di aur tune dono ne Kamal Kar Diya kitna mazza aaya mujhein

Dono chapters kitne aachein the pragyu it's awesome malhar ne kallu ke liye punishment Tak le li Bina kuch kahein yaar he is so sweet aur rajat kitna acha friend hai sahi kiya mallu ne badhiya aisein ladkon ke saath aisa hi hona chahiye bilkul sahi hua kallu ki mummy ne usseinacha khasa suna Diya like us mother's phir bhi kallu gayi ussein kitni chid ho rahi thi sanjana seekallu akeli gayi chidkein par gir gayi ussein bachane ke liye malhar bhi kud Gaya ussien swimming aati bhi nahi thi par kallu ne bacha liya ussein bechari kitna dar gayi thi ...mallu ne last stroke khel diya keh Diya ki vo ussein...sanjana ka proposal accept karne se Mana Kar dein....haaaye Kya story hai proper school lovestory