Posted:
Chapter 3
Cheenkh ki awaaz sun kar Dilshaad dori chali ayi. Kitchen se Nikhat bi baghti hui aayi. Samne akhri siriyon (stairs) pe Zoya giri huyi thi us ki thori (chin) se khoon beh raha tha.
-Zoya!!!
Dilshaad ne usse apni godh(lap) mein lia aur Nikhat se boli.
-Jao Zeenat mumani aur Anwar mamoo ko bulaao.
Nikhat sunte hi bahir ki taraf baaghi. Aur chand hi mint baad utni ki speed se wapis aayi lekin us ke saath pareshaan Zeenat aur Anwar bi the.
-Zoyaa meri jaan!!!
-Aapi!!
Zeenat ko dekhte hi Zoya ke aansuyon mein aur ravani aa gayi. Anwar ne usse uthaya aur hospital ley gaye. Zeenat ko Dilshaad ne wahin apne pass rakh lia.
-Nikhat yeh sab kaise hua?
Dilshaad ne poocha to woh boli.
-Pata nahi khala maine Zoya ko bola ke Asad bhaijaan ke room mein jaye main kitchen se pani pee ke ayi aur kuch hi second baad us ki cheenkh ki awaaz ayi thi.
Yeh sunte hi Dilshaad ne Asad ko bulaya jo abhi tak siriyon ke uper apne room ke darwaze ke pass sadme (shock) mein khara tha. Us ke haath mein kuch tha jo Dilshaad ko nazar
nahi aya.
-G ammi-jaan?
-Yeh sab kaise hua?
Dilshaad ne sakhti se poocha to us ne sar jukaa dia aur bola
-Ammi-jaan woh..
-Jaldi bolo Asad!!!
-...Woh..woh mujhe Nikhat ki awaaz ayi thi niche se to maine yeh mask pehn lia usse darane ke liye lekin jab darwaza khula to woh ladki thi aur maine usse HHHAAOWW kia to woh darr ke peeche ki taraf gayi aur neechey gir gayi. Ammi-jaan mujhe sach mein khabar na thi ke Nikhat ki jagan woh ho gi.
Asad ke iqbaal-e-jurm per Dilshaad ko us pe bohat gussa aya. Usne Asad ki shararton pe usse bohat kam danta tha kiun ke woh usse udaas nahi dekh sakti thi lekin ajj to hadh ho gayi thi. Woh usse aik lagane hi wali thi ke Zeenat ne usse rok dia.
-Yeh kya kar rahi ho Dilshaad?! Woh bacha hai aur bachey to aisi choti moti sharartein karte hi rehte hein.
-Nahi Zeenat is ki sharartein ab limit cross kar chuki hein. Chalo jao apne kamre mein aur 2 din tak no games.
Zeenat ko jawab dey kar woh us se boli. Aur apni ammi-jaan ka hukm woh kaise na manta. Juke huye sarr ke saath apne room ki taraf chal dia.
Aur devion aur saj'non yeh Asad Ahmed Khan ki Zoya Farooqui ke saath pehli mulaqaat thi. Kya introduction hua na dono ka.
------------------------------------------------------------
Usse apne favorite cartoons ki book khole huye adhey gantey se uper ho gaya tha lekin woh kuch parh hi nahi paa raha tha. Us ke samne baar baar Zoya ka chehra aa raha tha. Us ki moti moti ankhon se behte mote mote aansoo, us ki thori se behta khoon... Usne apni book band ki aur Dilshaad ke room mein aa gaya.
-Ammi-jaan!
Us ki awaaz pe Dilshaad ne darwaze ki taraf dekha aur phir chehra mor lia. Yeh us ki narazgi ka izhaar tha. Woh chalta hua us ke bed ke pass aa gaya aur apne chote chote haathon mein us ka chehraa thaam kar bola
-Ammi-jaan mujhe maaf kar dijiye main ainda se aisa nahi karoon ga plzz aap mujhse naraz mat hoiye.
Dilshaad ne us ki ankhon mein aansoo dekhe to us se raha na gaya aur us ne apni jaan ko gale se laga lia.
-Beta-jani app sry mujhe mat kahiye zoya se sry kijiye, app ko pata hai na ke usse kitni chot lagi hai.
us ki godh mein leit'te huye us ne apni ankhein band ki to phir se zoya ka chehra samne aa gaya.
Ye Hai Mohabbatein
Mangal Lakshmi
46