Asya ff: Ishq Junoon Deewangi...chapter 4 updated.

Page

Next Last

Khadija

@Mansha_4ever

Beginner

Posted: 12 years ago

Hello g! Ki haal chaal nen?! Dua hai k sab theek hi hon.

Ajj main app sab ke saath aik kahani share karne jaa rahi hun. To chaliye main app ko is kahani ke characters se milwayoon.

Asad Ahmed Khan...app soch rahe hon ge k yeh naam hai yan naamon ki dukaan. Aisa hota hai ke kuch logon ke naam un se b bare hote hein lekin yeh nacheez un logon ki list mein shamil nh hote. Yeh kuch alag hi type ka namoone hein.Yeh lijiye in ki aik sohni si photo.

Haaye!!!...kuriyon dil nu kuch kuch hoya naaa. App sab soch rahe ho ge ke maine yeh kaise guess kia to janab g baat yeh hai ke jo b humare is hero ko dekhta hai bass dekhtaaa hi reh jata hai. Itne handsome se bande ko dekh kar dil kiun na us ka khwaishmand ho. Yehi haal to humari Zoya ka bi hai. App soch rahe ho ge k yeh mohtarma kaun hai. Arey abhi ke liye unne choriye aur Asad sahib ko pakriye . To yeh janab is waqt to 28 saal ke hein is kahani mein main app ko inn ke 28 saalon ke drame batayoon gi. In ki life mein sirf kuch hi log important hein: in ke khaas dost, in ki ammi Dilshaad Ahmed Khan aur Zoya Farooqi. Inne kabhi samajh nh aayi ke woh zindagi mein kya karna chate hein...kabhi dil karta teacher bann jayen to kabhi logon ki cheer-phaar karne ke khwaab dekhte. Dariye mat main doctor banne ki baat kar rahi thi gunda banne ki nahi mana ke humare Mr.Khan uff sry sry humare nh Ms.Farooqi k Mr.Khan thore khatarnaak hein lekin itne bi nahi ke un se dara jaye. Kheir abhi to yeh mashallah se aik construction company ke malik hein. Lazy-panti mein to inn se koi jeet hi nahi sakta yahan tak ke main bi nahi. App yeh mat samjhiye ke hero saheb mein hero wali koi baat hi nahi hai. In k saath sab se bari problem yeh hai ke innon ne kabhi zindagi ko seriously lia hi nahi .

Mere kheyaal mein ab inne chor k dousre characters ko pakarna chahiye kahin woh baagh hi na jeyen.

To g in se miliye the Yummy Mummy Dilshaad Mummy. Aik baat to pakki hai khoobsurti mein Asad g apni ammi jaan pe hi gaye hein. Yeh duniya ki sab se achi, cool aur brave ammi hein. Jab Asad ke abhu guzre to inne laga ke duniya hi khatm ho gayi hai lekin phir 3 saal ke asad pe nazar pari to ehsaas hua ke jeene ki aik wajah abhi baki hai aur phir inno Asad ko maa aur baap dono ka pyaar dia yehi wajah hai ke kabhi un ke saheb-zaade ne apne abhu ko miss nahi kia. Bas in ki aik hi khawaish baki hai ke in ke sar-phire bete ko sudhaarne ke liye koi achi si ladki mill jaye.

Achi si ladki yaad aya inn se bi mili Zoya Farooqi: aik achi si ladki...

Zoya Farooqi hi woh khoobsurat, dilkash aur chulbuly si ladki hein jo Asad miyan ko seede raste pe layen gi. Zoya ko shuru se hi computers mein dilchaspi thi issi liye ajj woh aik computer engineer hein.

Yeh hein Anwar farooqui aur Zeenat Farooqui. Yeh Zoya ke aapi aur jiju hein. Jab shadi ke 10 saal baad bi in ke ghar aulaad na huyi to inno ne orphanage se aik bachi ko adopt karne ka socha aur woh thi 6 saal ki Zoya jis ke ammi abhu ki aik car accident mein death ho gayi thi aur us ke rishtadaron ne usse orphanage mein chor dia tha. Zoya ke liye Anwar aur Zeenat hi sab kuch the. Anwar ke aik chote bhai bi hein Farhaan Farooqui jo ke Zoya se kuch hi saal bade hein.

Baki ke log hein Ayaan, Imraan, Arnav and Maan: yeh chaaro Asad ke dost hein. Zoya se bi in ki bohat achi hello-hi hai. Aur yeh chaaro: Humaira, Najma, Khushi aur Geet, Zoya ki dostein hein. Agar dosti ki classes kisi ne leni ho to in 10 logon mein se kisi ke pas bi chala jaye kiun ke chahe mushkil mein dost ke kaam ana ho, khushi mein us ke saath hasna yan dukh mein us ke saath rona ho, in 10 logon ko sab ata hai. Yeh sab 8-9 saal ke the tab se aik dousre ko jante hein aur wahin se in sab ki dosti ki shuruwaat huyi thi.

Yeh rahe is kahani ke kuch pagal aur kuch un se bi pagal characters. Batayiye ga zaroor ke kaise laga in se milna.

Chapter 1: page 1

Chapter 2: page 1

Chapter 3: page 2

Chapter 4: page 3

Note : page 3

Edited by Mansha_4ever - 12 years ago

Quote

Frequent Posters

Khadija

@Mansha_4ever

Beginner

Posted: 12 years ago

Chapter 1

Ajj Rashid ko guzre huye 1 maheena ho chuka tha lekin Dilshaad ke liye to jaise yeh kal ki baat hi thi. Waqt to jaise ruk sa gaya tha. Kab raat hoti aur kab din ki shuruwaat usse kuch khabar na thi. Yahan tak ke 3 saal ka nanha sa Asad bi usse yaad na tha agar kuch yaad tha to sirf itna ka us ka Rashid usse chor ke hameshan hameshan ke liye bohat door chala gaya hai kabhi wapis na laut ke aane ke liye. Ab to ro ro kar aansoo bi sukh gaye the lekin dukh tha ke kisi tarah kam hi nahi ho raha tha.

Aise bure waqt mein agar koi us ke saath tha to sirf Shireen, us ki aur Rashid ki best friend. Jo Rashid ki maut ka sunte hi canada se apni 2 saal ki beti Nikhat ko saath liye India ayi thi. Usse bi apne dost ko khone ka dukh tha lekin us ne khud ko sambhaal lia tha aur ab Dilshaad ko dobara zindagi ki taraf wapis laana hi us ki koshish thi. Kiun ke Asad abhi bht chota tha aur is waqt usse apni ammi ki bht zeada zaroorat thi. Lekin woh har baar is koshish mein nakaam ho rahi thi. Ahir aik din haar kar us ne Dilshaad se poocha.

-Dilshaad tum kab tak aise hi raho gi. Apna nahi to kam sa kam Asad ka hi khayal kar lo.

Dilshaad ne nazrein utha kar usse dekha lekin boli kuch nahi. Shireen ki ankhein bhar gayi. Kabhi in ankhon mein khushyion ke jugnu hua karte the lekin ajj sirf aur sirf veraaniyan thi. Woh phir se kuch kehne hi wali thi ke Asad piche se bagta aya aur dilshaad ki godh mein beith gaya. Dilshaad ko yun laga jaise bare arsey baad apne bete ko dekh rahi ho woh beta jisse dekhe bina usse sakoon nahi ata tha..jo us ki jaan tha. Asad ne apne chote chote haathon mein apni ammi-jaan ka chehra lia aur bola

-Ammi-jaan Baba-jani kidher gaye hein. App mujhe un ke pass ley chalo na.

Us ka itna hi kehna tha ke Dilshaad ki ankhein bhar gayi aur woh usse seene se laga kar toot ke royi di. Aise jaise duniya bhar ka pani us ki ankhon mein hi aa gaya ho. Yeh dekh kar Shireen ne apne rab ka shukar ada kia aur usse roka nahi kiun ke woh chahti thi ke us ka sara ghubaar nikal jaye.

-Meri jaan mujhe maaf kar do. Main apne gham mein app ko bhool gayi thi. Mujhe maaf kar do. Mujhe maaf kar do...

Asad ke chehre ko paglo ki tarah choomte huye Dilshaad sirf aur sirf yehi keh rahi thi. Shireen ne us ke kandhe pe haath rakha to Dilshaad ko us ki mojoodgi ka ehsaas hua.

-Shireen main tumhara kaise shukriya ada karoon. Aise waqt mein jab mere apne bi mujhe chor ke chale gaye hein sirf tum hi ho jis ne mera saath dia.

Dilshaad ko aur rona aa gaya apni badkismati par. Woh apne maa-baap ki akeli beti thi aur Rashid ke sirf aik bade bhai the. Dilshaad aur rashid ki shadi se pehle hi dono ke ammi-abhu ki death ho chuki thi. Rashid ke bade bhai, Gafoor Ahmed Khan, un dono ki shadi se khush nh the kiun ke yeh aik love marriage thi. Shadi ke baad in dono ne aik alag duniya basaa li thi. Dono apni zindagi mein bohat khush the aur Asad ke aane ke baad to jaise un ki har khawaish poori ho gayi thi lekin aik din achanak factory mein agg lag gayi aur apne kuch workers ko bachate bachate rashid usse is bari duniya mein akele chor ke chale gaye. Rashid ki death ke baad Gafoor Ahmed Khan sirf 2 din hi aye the aur phir palat kar us ki aur us ke bete ki khabar tak na li.

-Kaisi baatein kar rahi ho Dilshaad. Apnon ka shukriya ada nahi karte. Un pe to app ka haq hota hai. Aur jo bure waqt mein humara saath na dey woh humara apna kehlane ke like hi nh hota.

Dilshaad us ke kadhe pe sar rakh ke roti rahi. Kuch deir baad jab us ke aansoo thamey to Shireen boli.

-Dilshaad tum mere saath chalo aik nayi zindagi ki shuruwaat karo. Tumhe pata hai na Rashid tumhe aise nahh dekh sakta to phir kiun us ki rooh ko tafleef pohnchaa rahi ho.

Yeh sunte hi Dilshaad ne apni ankhein saaf ki aur apni godh mein letey Asad, jo ke un ki baatein suntey suntey so gaya tha, ke chehre ko chooma aur dil mein nayi zindagi shuru karne ka pakka irada kar lia.

Tera hijr mera naseeb hai

Tera ghum hi meri hayaat hai

Mujhe teri doori ka ghum ho kiun

Tu kahin bi ho mere saath hai

Aur theek 3 hafte baad woh log canada aa gaye. Dilshaad ne sab kuch baich dia tha aur Shireen ke saath Canada aa gayi jahan usse koi nh janta tha, jahan rashid ki koi yaad us ka peeche nh kar sakti thi. Lekin yaadein to dil mein hoti hein na to phir yeh jagan badalne se kaise peecha chor dein. Aur yehi Dilshaad ke saath hua tha. Rashid hameshan us ke saath rehta tha. Aur us ne is baat ko accept bi kar lia tha. Us ne aik construction company khol li thi Shireen aur us ke husband ki madad se aur saath saath Asad ko maa aur baap dono ka pyaar dene lagi kiun ke woh nahi chahti thi ke woh bara ho kar apne baba-jani ki kami ko mehsoos kare. Woh nahi chahti thi ke Asad wohi dard mehsoos kare jo puri zindagi ke liye ab us ka saathi ban gaya tha.

Quote

Looks like you are new here. Register for free, learn and contribute.

ruhiluvzaya

@ruhiluvzaya

Rocker

+ 3

Posted: 12 years ago

jee hame to milkar bahut accha laga aage ki story kab suru kijiyega

Quote

Afrin

@Afr.uu

Voyager

+ 3

Posted: 12 years ago

PM ME TOOO

Quote

Khadija

@Mansha_4ever

Beginner

Posted: 12 years ago

It was my first ff and i was very happy with your response. Thank you guys for your appreciation. Plzz do comment and hit likes!

CHAPTER 2

Labo pe us ke kabhi bad-dua nahi hoti

Bas ik Maa hai jo kabhi khafa nahi hoti

-Kitni pyaari hai na yeh Anwar!

6 saal ki pursakoon neend soyi Zoya ko dekhte huye Zeenat apne husband Anwar se boli. Us ki sooni godh bhar gayi thi. Jab shadi ke 10 saal baad bi un ke ghar aulaad

na huyi to anwar ne aik bacha adopt karne ka teh kar lia tha kiun ke Zeenat ki halat din ba din aur kharaab ho rahi thi. Ab usse aulaad ki kami bohat mehsoos hoti thi

khas kar tab jab woh Dilshaad ko Asad aur Shireen ko Nikhat ke saath dekhti thi. Usne apni moun-boli behan Shireen se mashwara kia aur Zeenat ko ley kar India aa gaya

aur yahan aa kar us ki godh mein aik beti daal di. Zeenat ki to jaise duniya hi puri ho gayi thi. Bari bari masoom si ankhon wali Zoya ne us ke dil ko choo lia tha.

Halake Anwar ka aik chota bhai bi tha Farhaan Farooqui lekin us ki ammi Zeenat ko us ke pass bi nahi aane deti thi kiun ke woh bannjj thi. Aur ajj us ki godh mein us

ki apni beti thi. Jo sirf us ki thi.Us ki baat pe Anwar ne muskuraa ke sar hila dia aur apni biwi ka khushiyon se chamakta chehra dekhne laga.

-Zeenat is ki jo bi shopping karni hai issi hafte ke andar andar kar lena kiun ke next monday ko humari wapsi ki flight hai.

-G!

-------------------------------------------------

Zoya ke liye yeh aik nayi duniya thi. Waisi duniya jo woh apne khwabon mein dekhti thi. Aik bara sa ghar jis mein bohat khilone hon, khane ki bohat sari cheezein hon

aur sab se bar kar usse pyaar karne wale ammi-abhu hon. Usse ammi abhu to nahi miley lekin aapi aur jiju mill gaye the jo usse apni beti ki tarah hi pyaar karte the.

Us ki har zaroorat ka khayaal rakhte the. Zeenat ki bohat khwaish thi ke woh usse aur Anwar ko ammi-abhu keh kar pukare lekin aisa na ho saka.

-Aapi main Nikhat ke saath kheilne jayoon?

-Han chali jao lekin dheyaan se koi shararat nahi karni.

Zeenat ki yeh kehne ki deir thi ke woh aur Nikhat baagh kar bahir chali gayi.

-Zoya chalo Asad bhaijaan ke ghar chalte hein.

-Woh kaun hai Nikhat?

Usse Canada aye huye abhi 2 hi din huye the aur woh Shireen, Nikhat aur us ke abhu ke ilawa abhi tak kisi aur se nahi mili thi issi liye Asad ka naam sunte hi us ke

bare mein poochne lagi.

-Aray tum Asad bhaijaan ko nahi janti! Woh Dilshaad khala ke bete hein. Humare samne wala ghar unni ka to hai. Chalo main tumhe un se milwayoon.

6 saal ki Nikhat ne us ka haah thama aur Asad ke ghar ki taraf chal di.

-aslamu-alaikum Dhilshaad Khala.

Ghar mein dahil hote hi Nikhat ne salam kia to laptop pe kaam mein masroof Dilshaad ne mur ke dekha.

-Walaikum-salam nikhat beta.

Dilshaad ne usse saath lagaya aur us ke maathey pe bosa(kiss) dia.

-yeh gudia kaun hai?

Us ki nazar Zoya pe pari to poochne lagi.

-Yeh Zoya hai khala zeenat mumani ki beti.

-Arey han Shireen ne bataya tha. Sry beta kaam ki masrufiyat ki wajah se hum app se milne nahi aa sake.

Dilshaad ne usse bi saath lagaya aur us ke maathey pe bi bosa dia. Zoya ko Dilshaad bohat achi lagi. Najaane kiun usse Dilshaad ko dekh kar apni ammi ki yaad ayi thi.

Kuch deir Dilshaad se baatein karne ke baad Nikhat boli.

-Khala Asad bhaijaan kidher hein?

-Beta woh uper apne kamre mein hein.

-Hum un ke saath kheilne jayen?

-Han beta zaroor jao lekin dheyaan se aur Zoya ka khayaal rakhna.

-OK khala.

Nikhat usse saath liye siriyan charne lagi. Siriyon ke right side pe hi Asad ka kamra tha. Akhri do siriyon pe NIkhat ruk gayi aur usse boli.

-Zoya tum andar jao yeh Asad bhaijaan ka kamra hai mujhe pyaas lagi hai main pani pii ke ayi.

Yeh kehte hi woh wapis niche uatarne lagi. Zoya Asad ke kamre k agey jaa kar khari ho gayi. Usse samajh nahi aa rahi thi ke darwaza knock kare yan aise hi andar chali

jaye. issi soch mein us ne darwaza bajaya lekin andar se koi awaaz na ayi to us ne darwaza halke se khola aur boli

-Asad Bhaija...AAAHHH!!!!!!!!

Edited by Mansha_4ever - 12 years ago

Quote

Maryam Hassan

@mariam1368

Voyager

Posted: 12 years ago

Woww dear,ur first ff really rock cuz i jst simply love it

Quote

Linsie

@Linsie

Trailblazer

+ 2

Posted: 12 years ago

Can i wish something from you... i not good in full hindi reading...
if you can plzzz add one or two english word ...easy to understand
if you can... thanks

Quote

priyanka

@loveuarmaanu

Navigator

Posted: 12 years ago

Wow its amazing cont soon and pm me

Quote

nknaini

@nknaini

Explorer

Posted: 12 years ago

interesting story pls update soon

Quote

Khadija

@Mansha_4ever

Beginner

Posted: 12 years ago

#10

Originally posted by: Linsie
Can i wish something from you... i not good in full hindi reading...
if you can plzzz add one or two english word ...easy to understand
if you can... thanks

actually the story is based on muslim poeple so i wanted to give urdu touch to the story thats y i mostly used urdu word. but i'll try put some enligh word so u can understand.

Quote

1 2

Asya ff: Ishq Junoon Deewangi...chapter 4 updated.

Related Topics

Explore Topics