Episode:-1
Naina ne phir se road ke dono side par dekha...
"nahi...na toh ek taxi dikh rahi thi aur na hi koi auto...!!! hadh hai...itni garmi me...itni dur main kaise jayungi...!!! upar se jaldi me nikli thi ke sath me umberella lana bhi bhul gayi...!!! aur Pooja bhi na bilkul ajeeb hai...!!! pata nahi yahan pe kyoun bula liya...aur toh aur usey aaj mujhe le kar ghumne bhi jana hai... yeh bhi koi baat hui...itni dhoop me log ghar me baithte hain...par ghumne jana hai...!!! aur main bhi ek no ki Gadhi hoon...jo bina mana kiya...maan gayi...
Naina ne asman ki tarf dekha...suraj ki roshni kafi tezz thi...aur Naina kafi irritate feel karr rahi thi...
phir khud se boli:-"aaj mujhe kitna kuch likhna tha... khatam karni thi aaj mujhe kam se kam ek scene...par...khair...!!! jaise Badi maa kehti hain... kabhi kabhi apne swarth se dur dushre ki bhi care karni chahiye... uss ke khushi ke liye bhi kuch karrna chahiye...!!! aur lo...main yahan kisi ki khus karne ke liye dhoop me pakk kar kabab bann rahi hun...
achanak uss ne ek auto ko aate hue dekha...uss ne ishra kiya rukkne ke liye...
*********
road side par ek flower shop tha...jiss ke reception me ek 8-9 saal ki ek ladki baithi hui thi...koi book padh rahi thi...
ek bike aa kar ruki...uss ladki ne nazar utha kar dekha...
uss ne apni helmet nikali...aur shop ke ander aaya...
uss bachhi ne mushkura diya...uss ne bhi smile pass karte hue kaha:-" ek khubshurat si bouqet mil sakta hai...
dat girl:-"jee...par kaisi bouqet chahiye aap ko...???"
dat man:-"hmm...khubshrat si...koi bhi bana do...
uss ladki ne ek khubshurat si bouqet banayi aur use de diya...
uss inshan ne use paise diye...par jab baki ke paise lautane ke liye uss ladki ne paise dena chaha toh dekha...voh inshan ja raha tha...
dat girl:-"...aap ke paise reh gaye...
uss inshan ne turn kiya aur phir aa kar mushkurate hue bola:-"ohhh...sorry...
uss ladki ne uss inshan ke hath me voh paise wapas karte hue kaha...aur phir se wo book padhne lagi...
phir uss ne suna:-"yeh tumhare liye...
uss ladki ne book ki odh me dekha...uss aadmi ke hath me ek dairymilk chochlate tha...
uss ladki ne uss inshan ki taraf dekha...aur kaha:-"aap mujhe jante ho kya...???
dat man:-"nahi...
girl:-"toh fir yeh choclate kyoun...
Dat man...thoda hass kar bola:- "kyoun keee...
girl:-"kyoun keee...k aage...
dat man:- "tumhe chaochlate pasand nahi hai kya...???
girl:-"haan...par kahin tum mujhe patane ki koshish toh nahi karr rahe ho na...
wo inshan hassa...uss bachhi ke sarr se le kar pair tak dekh kar bola:- "nahi ...kyoun ke apni pahle se hi ek patti-patayi hai...itni khubshurat bouqet banane ke liye...meri taraf se apne iss chote se dost ke liye...!!! vaise main itna bura nahi hun...chaho toh dosti kar sakti ho...
uss ladki ne mushkura kar le liya aur kaha:-"thank you...main Palak...par yeh mat sochiye ke maine aap se dosti kar li...!!! main ajnabiyo se dosti nahi karti...par aap dikhne me shareef lagte hain...isi liye yeh chochlate le rahi hun...
Dat man (smile):-"aur main...Rajveer...Rajveer Kapoor...aur badi meherbani aap ki jo aap ne meri dosti thukrai toh nahi...par chochlate jarur le liya...
*********
four square...
ke bahar Rajveer ne apni bike park ki...ander gaya...!!! sare ke sare tables bhare hue the...
Rajveer ne khud se kaha:-"koun kehta hai ke duniya me pyar ki kami hai...!!! itni dhoop me bhi yahan par sare tables bhare hue hain couples ke sath...!!!"
Rajveer ne phir se idhar udhar apni nazar daudayi...ke kahin koi toh table khali mile...!!! par nahi...kahin koi bhi table khali nahi thi...
achanak uss ki nazar ek jagah par atki...!!! khidki ke paas...ek table par...ek ladki akeli baithi hui thi...samne cold drink tha...koi book padh rahi thi...ya phir yun kaha jaye ke...book me kafi dubi hui thi...
door ki taraf back karke baithi hui thi...isi liye uss ka chehra Rajveer ko nazar nahi aa raha tha...
achanak Rajveer ka fone ring hua...uss ne recive karte hue kaha:-"kahan ho...??? mujhe yahan bula liya...aur tum abhi tak yahan pahunchi bhi nahi...
phir dushri side se kuch sunn te hue kafi irritate laga voh...phir kaha:-" abhi tak tum ghar se nikli nahi ho...aur main yahan pahunch chuka hun...!!! agar late aana tha toh bata deti na...main bhi late aa jata...!!! ab baat karne me jyada time barbad mat karo...aur jaldi se wahan se niklo...
Rajveer ne fone cut kiya...n aage aaya...us ladki ke paas...jo akeli baithi hui thi...
kuch sec uss ke samne yun hi khada raha ke sayad wo uss ki taraf dekhegi toh voh kuch kahega...!!! par nahi...woh ladki...uss book me itni dubi hui thi ke...uss ne ek baar bhi Rajveer ki taraf nahi dekha...
Rajveer:-"helloo...aap ka cold drink thanda ho raha hai...
Rajveer ne uss ke samne hath hilate hue kaha...
Naina ne chaunkte hue Rajveer ki taraf dekh kar kaha:-"jee...???"
Rajveer:-"maine kaha ke...aap ka cold drink thanda ho raha hai...
Naina...abhi bhi use hairani se dekh rahi thi...!!! Rajveer hasaa aur phir kaha:-"sorry...aap ko iss tarh se bulane ke liye...!!! par yahan ek hi table khali nahi hai...!!! main bass kisi ka wait karr raha hun... aur uss ke aate hi main chala jayunga...!!! agar aap ke sath yahan par koi nahi hai toh... main kya yahn par thodi der ke liye baith sakta hun...
Naina:-"haan...baithiye na...!!! vaise main bhi kisi ka wait karr rahi hun... uss ke aane ke baad...main bhi yahan se chali jayungi...!!! par sach kahun... toh main kahin nahi jana chahti...
last line Naina ne thodi dheemi awaz se kahi...!!! Rajveer tab bass baithne ja raha tha...uss ne kaha:-"aap ne kuch kaha...
Naina:-"nahi...kuch nahi...
Rajveer baitha...ek coke ka order diya...
kuch der yun hi beeta...!!! kisi ne kisi se kuch nahi kaha...!!! Rajveer kafi irritate lagg raha tha...
Naina:-"aap chaho...toh main aap ko ek book de sakti hun...padhne ke liye...!!! kyoun ke aise chup-chap baith kar kisi ka wait karna...kafi boring lagta hai...
Rajveer:-"ek baat sach kahun...!!!
Naina ne uss ki taraf curosity se dekha...
Rajveer ne dheemi awaz me thoda aage aa kar bola:-"mujhe book padhna kafi bore lagta hai...matlab ke page pe page ulat te jayo... padhte jayo...padhte jayo...faida kis ko hota hai...!!! faida publisher ko hota hai...ya uss khambakhat writer ko...jiss ne yeh book likha hai...!!! jarur wo toh mota sa chashma lagta hoga...aur uss ki yeh book padh kar unn readers ko bhi number chadh gaya hoga...!!! hai na...!!! ab khud ko hi dekh li jiye...aap ko bhi no hai...aur aap ne bhi chashma chadha rakha hai...aur yeh sab inhi books ki wajah se hi hai...!!! sach kahun...toh in books padhne se hi baht sahi bimariyan hoti hai...
Naina:-"kaisi bimari...???"
Rajveer:-"dekhiye...ek toh no chadhta hai...!!! dushra...dimag kharab hota hai...!!! teenage me ladke ladkiyan novels padhti hain...aur phir imagine karte hain ke unn ki bhi koi masssttt si love story hogi...!!! unn ki bhi life me koi aishwarya rai ya Hritik Roshan hoga...unn ki kahani bhi ajab prem ki gajab kahani ki tarah ya phir dilwale dulhaniya le jayenge ki type ki hogi...!!! par hota kya hai...jab shadi ka time aata hai...toh ladke ko koi rakhi sawat type ki milti hai...aur ladki ko koi vivek obrai...!!! sochiye unn ki life kaisi hoti hogi...!!! tab sochte honge ke kaash Aishwarya...Katrina ka sapna na dekha hota...toh kam se kam rakhi sawant ke sath jeena ashan toh hota...
Naina halke se mushkurayi...phir apne book par dhayan diya...
Rajveer idhar udhar dekhta hua bola:-"vaise main yahn thoda bore toh ho hi raha hun... par main khud ke liye koi na koi kaam dhundh hi leta hun...
Naina:-"kya matlab...
Rajveer:-"yahan par bhi ek aisa kaam hai jo entertaing bhi hai...aur jiss se thodi si seekh bhi mil sakti hai...logon ko jaan ne ki seekh...
Naina ne book table par rakha...aur kaha:-"achha...toh voh kya kaam hai...
Rajveer:-"see...yahan par kitne sare couples hain...!!! par aap unn ke bare me jyada kuch nahi janti...thik...!!! par agar hum chahe...toh jaan sakte hain...
Naina:-"par mujhe dushro ki life me koi intrest nahi hai...
Rajveer:-"mujhe bhi nahi hai...!!! meri life me bhi kya kamm chizain ho rahi hai jo...main dushro ki life me jyada intrest lun...!!! main toh ek 'guess n idea' ke game ke bare me soch raha tha...
Naina:-"iss game ka naam maine pehli baar suna hai...
Rajveer ne mushkurate hue kaha:-"par interesting hai...jo main akshar jab bhi kahin bheed me khud ko akela mehshush karta hun...ya phir kisi ka wait karte hue bore ho jata hun...toh yehi game khelta hun...
Naina abhi bhi Rajveer ko dekh rahi thi...
Rajveer ne hasste hue kaha:-"thoda pagal type ka lagta hun na...!!! par yeh mera normal attitude hai...!!! achha ek baat batayiye...uss couple ki taraf dekh kar kahiye...ke aap ko kya lagta hai...
Rajveer ne ek taraf ishara karte hue kaha...!!!jahan par ek 35-40 saal ka aadmi ek 25-27 saal ki ek ladki ke sath baitha hua tha...!!! dono hi apni baton me mashgul the...!!! ladki kuch kehte hue apna muh fula rahi thi...aur voh aadmi use manane ki baar baar koshish karr raha tha...
Naina ne unn ki taraf dekha...phir kaha:-"main samjhi nahi aap kehna kya chahte hain...???"
Rajveer:-"koi guess kijiye unn ke bare me...
Naina ne kuch pal unn ki taraf dekha...phir kaha:- "dono husband-wife hain...aur...ladki thodi si modern hai...(Naina ne uss ki micro-mini scart ko dekh kar kaha)...
Rajveer hassa...
Naina ne hairani se kaha:-"kya hua...???"
Rajveer:-"main apni guess batayu...!!!"
Naina:-"batatyiye...
Rajveer:-"yeh boss...aur secretery ke bich ka lafda hai...!!! yeh ladki uss ki wife nahi... bal ke uss ki PRIYE...matlab ki P.A hai...!!!
Naina ne Rajveer ko hairani se dekh kar kaha:-"yeh aap kaise keh sakte hain...???"
Rajveer:-"thoda sa dimag lagaya bass...!!! ab dekhiye...itni dhoop me kisi wife ko kabhi dekha hai... apne husband ke sath bahr ghumte hue...!!! ladkiyon ko apne skin ki badi tension lagi rehti hai...!!! daant kar patiyo ko chup na kar de...!!! aur dopehar ke waqt...ek boss hi bina tension ke apni secretery ke sath yun ghum sakta hai...yeh soch kar ke uss ki biwi jarur chehre par multani mitti ka pack laga kar aaram karr rahi hogi...
Naina:-"aap ko patniyo ke bare me badi khabar hai...
Rajveer:-"meri shadi nahi hain toh kya...mere doston ki toh hui hai...!!!"
Naina:-"matlab...
Rajveer:-"matlab mere kuch dost hain...jinn ki shadi ho chuki hai...aur jinn ke herkat main barso se dekhta aa raha hun...!!! waise aap ko yakeen nahi aa raha hai na...!!! ek min rukiye...
Rajveer utha...door ke bahar gaya...5 min me ander aa kar thoda chilla kar Naina ki tarf dekh kar kaha:-"hey Naintara...sorry dear...thoda fass gaya tha...!!! bahar ek tagdi si aurat apni husband ki tashveer le kar puch rahi thi ke kya iss resturant me yeh aadmi hai...kisi ladki ke sath...!!! toh main wohi thoda rukk gaya tha...ab naraz mat ho plz...
Naina hairani se use dekhe ja rahi thi...Rajveer baitha apni purani jagah par...
phir Naina ne notice kiya ke resturant ke aadhe logon ke chehre par paseena tha...jab ki room me AC chal raha tha...
aur kuch hi der me...resturant ke piche ki door se sabhi couples jane lage...sath me wo dono bhi the...jine Rajveer ne point out kiya tha...
Naina ko hassi aa gayi...
Rajveer:-"dekha...maine kaha tha na...
Naina:-"vaise aap yahan apne GF ka wait karr rahe hain...???"
Rajveer ne coke ki ek sip li...phir kaha:-"hmm...!!! aur aap...apne BF ka...ryt...???
Naina:-"ahhh...nahi...main apni frnd ka wait karr rahi hoon...!!! uss ke sath kahin jana hai...
Rajveer:-"lekin aap ke chehre se lagta hai ke...aap aana chahti nahi thi...
Naina:-"toh aap ko face reading bhi aati hai...
Rajveer:-"kisi ke samne kuch der baith ta hun toh kabhi kabhi jaan leta hun...!!! par sab ki nahi...kuch faces itne complicated hote hain ke...un ka dil toh dur ki baat hai face padhna bhi na-mumkin sa hota hai...
Naina:-"toh batayiye...aap ne apni GF ka chehra kabhi padha hai...
Naina ne apni book bandh karte hue pucha...
Rajveer thoda khamosh raha...phir mushkura kar kaha:-"kai baar...par kabhi kamiyab nahi ho paya...!!! main jab bhi uss ke bare me kuch guess karta hun...toh actually me uss ka ulta hota hai...!!! aap meri chodiye... apni batayiye..aap kyoun nahi aana chahti thi...aaj...
Naina:-"arey...abhi abhi toh aap ne kaha na ke ladkiyon ko apne skin ki tension hamesha rehti hai...!!! bass baat wohi hai...
Rajveer:-"galat...!!! aap aisi nahi lagti...
Naina:-"aur aap yeh kaise keh sakte hain...
Rajveer:-"aap ki ankhen dekh kar...!!! aap ki ankhen kafi saaf hai...voh jhuth nahi bol sakti...
Naina mushkurayi aur kaha:-"ab plz aap yeh mat kahiyega ke aap ankhen bhi padhana jante hain...
Rajveer:-"arey...yeh toh aam si baat hai...!!! her inshan janta hai...!!! aap khud ko hi dekh lijiye... kabhi aap apne mom ya dad ya kisi apne ko dekh kar unn ki ankhen dekh kar yeh mehshush nahi karti ke wo kisi wajah se pareshan hain...ya aisa kuch...
Naina:-"hmmm...yeh baat toh hai...
Rajveer:-"toh batayiye...aaj aap aana kyoun nahi chahti thi..haan...agar yeh personal na ho toh hi batayiye...
Naina mushkurayi aur kaha:-"nahi personal toh nahi hai...main bass isiliye aana nahi chahti thi kyoun ke...!!! main khud jyada time ghar pe hi rehti hun...mujhe jitna ghar pe sukoon milta hai...wo kahin aur nahi...!!!"
Rajveer:-"ajeeb ladki hai aap...!!! aaj kal ki ladkiya...toh ghumna...shopping karna yeh sab pasand karti hai...aur aap hain ke ghar pe rehna pasand karti hai...
Naina hassi aur kaha:-" main isi hi hun...aur mera profession bhi yehi hai...
Rajveer:-"aap ka profession hai...ghar pe rehna...???"
Rajveer thoda shocked tha...
Naina ne dhire se thoda suspicious tone se kaha:-"nahi...mera profession hai bimariyan baantna...
Rajveer confused tha...uss ne kaha:-"main samjha nahi...
Naina:-"main ek writer hun...Novels likhti hoon...!!! dekha nahi...maine bhi chashma chadha rakha hai...aur mujhe ghar par rehna jyada achha isi liye lagta hai... kyoun ke mujhe likhna pasand hai...aur padhna bhi...
Rajveer thoda embaressed lagg raha tha:-"im sorry...wo maine anjane me kuch ulta-sulta bol diya...
Naina:-"itz okay...!!! kuch logon ko padhna pasand nahi hai...aur kuch logon ko padhna likhna pasand hai...bass...aur kuch nahi...meri hobby thi likhna...toh maine use hi apna profession bana liya...aap ko kya pasand hai...
Rajveer:- "aap sunegi toh hassegi...
Naina:-"kyoun...???
Rajveer:-"meri hobby bhi kuch aisi hai...aur maine bhi apne hobby ko apna profession bana liya hai...aap ki tarah...
Naina:-"matlab...
Rajveer:-" mujhe na bachpan me books kholte hi neend aane lagti thi...jaise algebra na ho...koi lori likhi ho...aur mujhe na book ke upar sone me Masttt neend aati thi...aur main sota gaya...sota gaya...sota gaya...
Naina ne hasste hue kaha:-"ab uth bhi jayiye...aur aage badhiye...
Rajveer:-"haan...wo fir hua kuch yun ke...padhai mein toh mujhe intrest tha nahi...toh mere papa ne kaha jo meri marzi main wo karr sakta hoon...!!! toh maine dekha...mujhe cooking ka shauq hai...aur naye naye xperiments karrne ka bhi...toh maine wohi padhai ki...aur ek resturant khol diya...!!! aapko pata hai hamare hindusthan ke log bhi na...ghar me kuch bhi achha khana kyoun na bana ho...par resturant ka khana unhe uss se bhi jyada achha lagta hai...toh meri gaadi kuch yun daudi...ke abhi mere paas teen resturants hain...
Naina:- "matlab...ke aap kamiyab rahe...
Rajveer:-"haan...
Naina:-"vaise aap irritate toh nahi lagg rahe hain...kyoun ke aap ki GF abhi tak nahi aayi...
Rajveer:-"aadat padd chuki hai...!!! wo khud hi bulati hai...aur khud hi late hoti hai...
Naina:-"ladkiyon ko taiyar hone me waqt lagta hai...
Rajveer:-"yeah yeha...wohi make-up...shake-up bgaira...
Naina:-"her ladki make up nahi karti...
Rajveer:-"well...main aaj tak jitni bhi ladkiyon se mila hun...wo toh mujhe cosmetic ki dukan hi dikhti hai...including my GF also...
Naina:-"aap ladko ko samajhna kafi mushkil hai...!!! meri frnd Pooja aur meri badi maa kehti hai ke...mujhe kabhi kabhi make up kar leni chahiye...jab ki main make up nahi karti...
Rajveer ne pahli baar gaur se dekha Naina ko...uss ne sahi kaha tha...uss ne make-up nahi ki thi...!!! mathe par ek choti si bindi...chehre par koi make up nahi...honth natural pink shade me tha..aur apne hair ko yun hi open rakha tha...jab ke maathe ke kinare se...kuch halke se baal uss ke chehre ko her waqt cover karr rahe the...jinhe woh beparwah se hata deti thi...ek halke rang ki salwar suit me thi...
Rajveer mushkuraya...aur kaha:-"hmm...her ladki ek jaisi nahi hoti...
Rajveer ki nazar padi...khidki se bahar...phir dhire se kaha usne:- "okay...main chalta hoon...!!! aa gayi...jise aana tha...
Rajveer ne bahar ek ladki ki taraf dekh kar ishara kiya...!!! Naina ne uss ore dekha...khubhurat si ladki thi...jeans n top me...!!! ek Taxi se utar rahi thi...
Rajveer:-"bye...
Naina:-"Bye...aapke flowers rah gaye...
Naina ne rajveer ko table par uske rakhe hue bouqet ki taraf ishara karr ke kaha...
Rajveer:- "thanksss...
Rajveer le kar jate hue ruka...aur turn karr ke Naina ki taraf dekha...
Naina:-"kya hua...???
Rajveer:-"ahhh...hum kafi der se yaha baithe the...na hi hum dono ek dushre ko jante hain aur na hi pehchante hain...fir bhi hamare bich achi pehchan hui...!!! nahi...
Naina ne halke se mushkura kar kaha:-"haan...yeh baat toh hai...!!! toh kya...ab aap mera naam aur address jann na chahte hain...taa ke pehchan aur badhaye aap...!!! sorry par...
Rajveeer:- "arey nahi nahi...main yeh sab nahi bol raha...main bass yeh keh raha tha ke...agar aap ye bouqet rakh le toh mujhe jyada khushi hogi...!!! vaise aap ke paas ek aur bhi option hai...
naina ne bouqet ki taraf dekha...fir Rajveer ki taraf dekh kar kaha:-"aur kya option hai...???
Rajveer:-"dushra option ye hai ke...aap iss bouqet ko lene se mana karrte hue mujhe kamm khush karr sakte hain...
Naina hassne lagi...fir kaha:-"main aapko kamm khush karrna chahti hoon...par kya hai na...yeh bouqet baht khubshurat hai...
rajveer:-"meri frnd ne banaya hai...khubshurat toh hoga hi...
Naina:-"thik hai...toh main isey rakh leti hoon...Thanksss...
Rajveer ne mushkura diya aur kaha:-"thankss to you too...
Rajveer pahuncha uss ladki ki paas...!!! Naina ne dekha...Rajveer uss ladki ko kuch bata raha tha...
wo ladki...Rajveer ki bike ki taraf dekh kar kuch bol rahi thi sayad...jise Rajveer ko pasand nahi aaya...yehi lag raha tha uss ke xpression se...Naina ko...
Rajveer ne helmet pahni...aur ja kar apni bike pe baitha...aur start ki... kuch der me wo ladki na chahte hue bhi aa kar uss ke bike ke piche baithi...dono chale gaye...
Naina ne dil me hi kaha:-"sayad wo bike se jana nahi chahti thi...khair...par yeh Pooja kaha reh gayi...
sochte hue Naina ne door ki taraf dekha...
Pooja ander aa rahi thi...sath me Amar bhi tha...
Naina samajh nahi pa rahi thi ke...Pooja...Amar ko le kar kyoun aayi hai...
hala ke uss ke chehre par Amar ko dekh kar koi khusi nahi thi...!!! phir bhi wo chup chap baithi rahi...
End Of The first Epi
*********
Plz do comments n click the LIKE button.
Edited by Sweet-Lioness - 13 years ago
Tum Se Tum Tak
