Zindegi ke Safar mein ArMan
Love Possible- Part-1
Before writing episodes for this series, I must say the episodes may not necessarily be sequels like "ArMan in Switzerland". Somewhere I will try to write discrete episodes, which will have much resemblance to the present situation in the original serial. Nowadays, everybody wants ArMan reunion or at least Manav not being so harsh to Archu. Here is the story on how Archana wins back Manav.
(Manav is completely at sea seeing Archu at their house. However he does not speak to her and goes to the bedroom and lies down on the bed. Archana comes in.)
Archana- muh haath dho ke kapde to badal lete! Phir main khana laga dungi
Manav- Aai khana laga degi mere liye. Tumhe chinta karne ki zaroorat nahin.
Archana- nahin mujhe to aapke sath khana hai aur ek thaali mein
Manav- ab wo din nahin raha..ab hum dono ke raaste alag hain
Archana- nahin !! kisne keh diya yeh aap ko. Raaste alag nahin na ki manzil alag hai.
Manav- tumhe achhi tarah pata hai Archana..mujhe ab koi shauk nahin raha yeh sab baatein sunne keliye
Archana- par mere liye to yeh zindegi hai Manav'.aap bhale hi mujhe na suno par mere paas aap ko kehne keliye na jane kitni baatein hain
Manav- court ke orders hain'tum 3 mahine yahan theher sakti ho..aur haan uske baad main fir court jaunga tumse divorce lene keliye..waise tum alag kamre mein sone jao
Archana- aap yehi pe so jao..mujhe aapko sote hue dekhna hai'in 3 mahino mein mujhe bas aapko dekhna hai..uske baad aap agar mujhe bahar nikal doge to yahan se meri laash hi bahar jayegi
Manav- mere paas yeh bakwaas sunnne keliye waqt nahin hai..main hi bahar chala jata hun..tum so jao idhar
(Manav kamre se bahar nikalne lagta hai Archu darwaja band karke udhar khadi rehti hai)
Archana- nahin aapko meri baat aaj sunni padegi'chahe aap meri jaan le lo..lekin aaj mujhe jo kehna hai woh main kehke rahungi. Aap ko agar kabhi maine ek second keliye bhi sachha pyar kiya ho to usi pyar ka wasta hai aapko
(Manav aake bed pe baith jata hai)
Manav- kaho kya kehna hai?
Archana- Aise khali pet thodi na baat ki jati hai..pehle aap keliye idhar khana leke aati hun
(khana leke aati hai. Manav khane lagta hai. Do roti khane ke baad use yaad aata hai ke Archana ne bhi khana nahin khaya hoga)
Manav- tumne khana khaya nahin hoga
Archana- aap ke aane se pehle main kabhi khati hun kya?
Manav- bekaar ki baat mat karo..hum dono mein ab aisa kuch nahin raha jo tum mere liye khane pe intezaar karo..kahan thi tum tab jab main tumhe yeh kehne ki koshish kar raha tha main bekasoor hun (aage nahin bolta)
Archana- bolo Manav..mujhe pata hai wo meri galati thi..maine aap se jyada gairon pe yakin kiya..aaj aap ko jo kehna hai main sunungi..prayschit karne hi to aayi hun yahan
Manav- rehne do woh sab bateein..jao apne liye khana le aao
Archana- nahin main aap ke sath hi khaungi
Manav- aisa nahin ho sakta Archana..samajhne ki koshish karo
Archana- aisa ho sakta hai..(Manav ke plate se khane lagti hai)
( Manav gusse se plate chhodke uthke chala jata hai. Archana aur kha nahi pati aur rone lagti hai. Manav 5 min tak khidki ke paas khada rehne ke baad use ehsaas hota hai ki Archu ke sath woh kuch jyada sakthi se pesh aa raha hai)
Manav- khana kha lo Archana
Archana- mar nahi jaungi main ek din khana nahin khaungi to
Manav- ab aisi baat mat karo..khana khao
Arcana- aap ko mere sath khana padega
Manav- yeh kaisi zid hai Archana
Archana ' (chup rehti hai aur khana nahin khati)
(Manav aake fir thali ke paas baithta hai aur khane laga hai.)
Manav- ab to khao..bas 2 roti bachi hai..
(Archana aankhon mein aansoo liye khane lagti hai. Aur manav ka gussa thoda kam hone lagta hai. Archana ke aansoo us se dekhe nahin jate)
Manav- kitna roogi Archana? Keh to raha hun ab pichhli baton ko yaad kar ke fayada nahin hai. Behtar yehi hoga tum ab apne bare mein socho aur main apne bare mein
Archana ' aapke alawa mera koi aur makshad nahin hai zindegi ka..sab kuch aap se shuru aur aap pe khatam hota hai
Manav- mujhe tumhari baaton pe bharosha nahin hai archana..
Archana- mujhe pata hai'kabhi aap par maine bharosha na karke jo galati ki thi usi ki saza aaj mujhe mil rahi hai.
Manav- ab kaisi saza'.tum jab chaho khud azad ho jao aur mujhe azad kar do
Archana- mujhe aisi azadi nahin chahiye manav..jo mujhe aap se alag kar de
Manav- ( khamosh rehta hai)
Archana- main janti hun aap ke dil mein mere liye sirf nafrat hai ..par mujhe wo nafrat bhi manzoor hai..aur aapke nafrat ke sath jee sakti hun'lekin aap ke bina nahin'
Manav- ab kuch nahin ho sakta Archana..ab bas mujhe jeene do. Waise raat kaafi ho gayi hai. Tum yahan so jao main bahar hall mein so jaungaa.
Archana- phir wohi zid manav..aap ko meri kasam
Manav- thik hai mujhe aur jhagda nahin karna tumhare saath
(Archu kuch der ke baad khud keliye niche bistar banati hai aur manav bed ke upar so jata hai)
I do not know if you guys will like this kind of story from me, but it is my sincere attempt to showcase the ArMan love which is missing now and to explore the way Archana can get her Manav back. Love possible story will have one or two more parts. Then we will have those enjoyable stories, like what happens just after Arman come from Switzerland. Again telling, these stories are not sequels or interlinked. I am waiting for your reviews.
SD
