sad poem

Aaj ki subah kuch nai si hai,
Chalte, bus chalte rehne ki chaah si hai,
Sochne ki ek aah si hai,
Aaj ki subah ek baat si hai.

Shaayad kal ki us baat ka shesh hai,
Jo aaj bhi ek khaamoshi laai hai,
Kuch ankahi baatein bhi huin,
Shaayad ab bhi unme aakrosh si hai.

Kehne waale kehte chale gaye,
Sunne waale samajhte chale gaye,
Aage ki raah bhi kuch anjaan si hai,
Aaj ki subah kuch imtihaan si hai.

Humari pehli mulakaat ka woh manzar
Bahar tumhe intezaar karta paana
mann ki har jhijak ko bhula
us pal mein doob jaana
Woh tumhara baat baat pe sharmaana
ankhon ke ek kone se mujhe dekh kar
meri bevakoofi par mand mand muskaana
mera woh zid karna
aur tumhara mere nakhro ko na samajh paana
Ek sutte ki mujhse ijazat mang
apni ada se mujhe ghayal kar jaana
Kya tumhe woh yaad nahi?

continue this peom with thw word nahi?

Woh meri ek khwahish tumhe paane ki
tumhare un labon ko choo jaane ki
mera us shaam jazbaati ho jaana
phir bhi mujhse khafa na ho
Us baat ko wahi sambhaal paana
mujhe us galti ka ehsaas bhi na dilaana
har ek pal us shaam mera saath nibhaana
Kya tumhe woh yaad nahi? Phir woh shaam aayi
Phir woh makaam aaya
meri khwahish haqeeqat bani
Sapno ne apna mukaam paaya
tum mein kho gayi jab main poori
tum kuch tab bhi dhund rahe the
us pal ke suroor mein
apne khilaaf lad rahe the
Kya tumhe woh yaad nahi?Kayi do-pahar kayi shaamein
aur kuch raatein bhi mere hisse aayi
jitna bhi door bhejna chaha tumne
utni hi tumhare kareeb aayi
roz main galat thi
laalach se ghiri
jitna samait saku haseen palo ko
utna samait rahi thi
roz main galat thi
aur tum hamesha sahi
aur maine maana hamesha hi
kya tumhe woh yaad nahi?

Tumpe kuch nasha chaane laga tha
meri aadat ka darr sataane laga tha
kuch kaha nahi is baarein mein tumne
par main tumhe padhne lagi thi
meri chinta karte the jab tum
ek boond main bhi ro leti thi
jab jab mein thi akeli
tumne hamesha sahara diya
aur jab mene saath mang liya
to akele rehne ka bahana kar diya
Kya tumhe woh yaad nahi?

Bura bola bhala kaha
mujhse zyada dard khud ko diya
Kya mene dekha nahi woh?
kya mene mehsoos nahi kiya?
kya socha tumne kaun hun mein?
jo ek ishaare se zindagi se bahar la khada kiya

jaante the jab kuch asar na kar payega
tab tum to asar chod jaoge
apne par zulm karoge to mujhko tadapta paoge
jaante the chahti hun tumhe itna
pairon mein zanzeer khud daal jaungi
tumhare kehne par zindagi se kya
is duniya se rukhsat ho jaungi
kuch vaade tumne liye, kuch vaade mene diye
zindagi jeene ko keh to gaye tum
par tum bin jaane main kaise ji paungi

aaaaaaaaaaaaaahhhhhhhhhhhh how sad n romantic n meanin full poems they r relly sweet n cute too!!!!!!!!!!!!!!!! 👏