Destined To Be Together...!!!(RN)Epi6/Page24 - Page 11

Originally posted by: Sweet-Lioness

great part...😃 Thanks sherni ji...!!!😊

chalo yeh achha hua ke...dono kam se kam kuch hadh tak ek track par to aaye...😃 Haan yaar..warna unki gadi to patri ke bahar nikalne par utaru thi...😆

Naina ki past lyf ki mystery bhi toh solve karrna yaar...kya hua tha uss ke sath...aur kaise jis ki wajh se wo itni tensed rehti hai...😕 hMmm... good question...lekin sach kahun to mujhe bhi nahi pata ki kya hua hai uske sath...jab wo khud batayegi tabhi pata chal payega aur tab mai tum logon ko bata dungi...!!!😆

bichari baht dukhi rehti hai...Raj chah kar bhi nahi jaan pata ke uss ke sath kya hua tha...par hum toh wahan hain nahi...to jo bhi karrna hai Raj ko hi karrna padega...maare peete ya phir pyar se hi kyoun na ho...par Naina ke muh se uss ki tension ki wajah toh jaane... Arey fikar not... Raj to Raj hai yaar... nkuch na kuch to wo kar hi lega...!!!

ab Piya ko koun maarna chahte hain...!!! haan...PRIYA ko maarne ke liye baht se log chahte hain...par Piya ke piche koun hai...yeh toh bata...😆 Kya keh rahi hai tu kuch samajh nahi aa raha... PRIYA ko maarne ki supari kisne di hai aur kisse???😆

vaise Piya ko kuch hoga nahi itna toh pata hai...akhir Hero-Heroine jo uss ke sath hain...😃😛 Haan... aur agar usse kuch ho gaya to RN ka kya hoga???

Naina ki soch se itna toh pata chala ke uss ne kafi kuch saha hai...par aisa kya hua tha ke wo suiside karnne gayi thi...n raj bhi toh gaya tha na...toh kya hua tha...bol naaa...😆 Mai kya bolun...puch na unn dono namuno se...!!!

last scene baht hi sweet tha...raj...Naina ko bed pe litaya...n Piya uth ke baithi hui thi...infact smile karr rahi thi...cute scene laga mujhe...😃😛 Well PIYA humesha shararat karne ko ready rehti hai...khas kar tab jab uske mummy papa romenace karne ki shuruat kar rahe hote hain...😉

abhi next part jaldi hona mangta...aur haan...yeh main koi req nahi karr rahi hoon...samajh gayi na...😆 Haan haan Phoolan Devi...kar rahi hun update...

PS*

batana bhul gayi...update chota tha...😆Teri to... huh...!!!😛

Originally posted by: Revolutionbreez

I am loving this gugs ! The way their life has fallen into routine...the unspoken attachment with each other...The care...

superb !!!

Well you were enamored with this concept...!! I can only hope that the story continues to hold your attention and you enjoy it as it goes...!!!

and the mystery...well...uske baaremein kya kahu? woh toh tumhe hi clear karni padegi...😉 Oh well...m trying to clear the mystery... just waiting for the proper time...

continue soon...😊 Updating right away... thanks Mana...!!!

Originally posted by: Innocent_eyes

Hey guglu...nice update...so now thy r back to their routine life...raj starts thinking about naina, seems he understands that she is really upset n he needs to bring her back to normal life...poor naina she's so depressed, she suffered so much in her childhood n doesn't want it yo happen with priya...well priya name is as n easy one Snigdha to difficult hai...so kon is pyari si bachi ki jaan k peechai pada n obviousky is ka ans to ap k pass hai...to cont soon n pm me...this time u forgot to pm me...
Take care

Originally posted by: sainiayshi14

ALL THE BEST FOR YOUR EXAMS.
GIVE YOUR BEST.

NOTE 1: The role of Doctor Ritu is played by Mouli Ganguly...!!!

NOTE 2: This update is dedicated to Dhara on the occasion of her birthday and to Aayushi on her engagement...!!!

Raj aur Naina ki zindagi ek tarah se katne lagi… lekin uss ek raat ke baad Naina kuch jyada hi kati kati si aur pareshan rehne lagi thi… Raj chahkar bhi uske andar dabe hue dard ka karan nahi jaan paa raha tha… Aur nahi wo ye samajh paa raha tha ki kaise wo Naina se apni problems share karne ko kahe jabki wo khud Naina ko apne bare me kuch bata nahi paa raha tha.. Isi baat ko lekar dono me ek do baar jhagde bhi ho chuke the… Raj ko kuch din pehle ki baat yaad aa rahi thi…

PIYA ko bhukh lagi thi…. Aur Naina usse khilane ki koshish kar rahi thi… par uss din pata nahi kya hua tha ki PIYA ko jo kuch bhi do usse pasand nahi aa raha tha aur wo sara khana bikher de rahi thi… Naina ki laakh koshishon ke bawajud wo kuch nahi kha rahi thi aur roye ja rahi thi…

Raj: Kahin wo bimaar to nahi???

Naina: Lagta to nahi hai… aur wo rob hi isliye rahi hai kyunki usse bhukh lagi hai… par wo kuch kha nahi rahi…usse kuch pasand nahi aa raha…

Raj: Arey jab wo kuch kha nahi rahi to kaise usse bhukh lagi hogi??

Naina: Jab mai keh rahi hun ki usse bhukh lagi hai to matlab bhukh lagi hai usse…

Raj: Hadh hai… tum kya sab kuch jaanti ho???

Raj ka paara badh raha tha… aakhir Naina ko ho kya gaya hai??? Ek mahine ho gaye the dono ko ek saath rehte hue…par Naina ne itni rudely kabhi usse baat nahi kit hi… fir aaj kya ho gaya..? Haan wo thoda bossy thi… par itni ziddi to nahi thi…

Naina: Nahi nahi… tumhe to jyada pata hai…

Raj: haan atleast tum se to jyada hi pata hai… and mai itna to keh hi sakta hun ki isse abhi bukh nahi lagi hai… to tum usse zabardasti khilane ki koshish kyun kar rahi ho?

Naina: Thik hai…. Bhukh nahi hai na isse…. To le jao isse table pe se… aur sambhalo usse…

Naina ne table pe spoon patakte hue kaha… Gusse se Raj utha aur PIYA ko uthakar wahan se jaane laga… PIYA jo ab tak unke jhagde ke chalet chup ho gait hi aur badi badi aankhon se unhe hi ghur rahi thi… Jab dono hi chup ho gaye aur raj apni jagah se utha to usne ek baar Raj ki taraf dekha… ek baar Naina ki taraf dekha aur fir se Raj ki taraf ghum gayi… raj uske paas aaya to usne apne haath utha diya… jiska matlab tha ki usse raj ki godh me chadhna tha… Raj ne usse godh me uthaya aur table se dur jaane laga…

PIYA ne kas ke uski shirt pakad li aur zor se rone lagi…

Raj: Kya hua beta???

Jawab me PIYA ne bas ungli uthakar table ki taraf dikhaya aur fir rone lagi. Naina ye dekhkar hasne lagi..uske muh se sirf itna hi nikla ki "maine kaha tha na"

Karib ek ghante ki mehnat ke baad Raj aur Naine PIYA ko khana khilane me kamyaab rahe….

~~~~~~~~~~~~~~~~~~~~

December 24 ki sham thi… Raj aur Naina ne plan banaya tha ki agle din PIYA ko leke sheher ke chuches me ghumne jayenge. Raj PIYA ke liye ek nayi dress leke aya tha lekin jab usne Naina ke liye shopping karni chahi to naina ne usse rok diya tha… Raj samajh raha tha ki Naina ke ahem ko thes pahunch rahi hai..par fir bhi usne usse samjhane ki koshish ki thi.

FLASHBACK

Raj: Kya problem hai Naina…lo na kuch job hi tumhe pasand ho…

Naina: Nahi Rajeev…aapne waise bhi mere liye bahut kuch kiya hai… uska karz to mai zindagi bbhar nahi chukka paungi…ab bas…aur nahi…

Raj: maine tum par koi ehesaan nahi kiy hai naina… Aur sach pucho to isme bhi maine apna hi fayda dekha tha… to fir jab tum par mera koi ehesaan hi nahi to chukana kis baat ke liye…

Naina: Apna fayda…? Matlab?

Raj: Ab dekho na… mere ghar pe to koi hai nahi… aur ye tumhe bhi achhi tarah se pata hai ki mai kitne tarike se apna ghar sambhalta hun….

Naina: Haan wo to hai…. Trouser sofe par to shirt table… ek joota shoe stand ke niche to dusra darwaze ke paas… ek file coffee table ke upar to dusra kambal ke niche…wah…kya tarika hai…!!!

Raj: O Hello…mera tarika itna bhi bura nahi hai… atleast jab bikher ke rakhta hun tomujhe sara samaan dhundne pe mil jata hai…lekin sambhal kar rakho to kuch bhi nahi milta… fir ek cheez dhundne ke liye mujhe sab kuch bikherna padta hai… ab jab ultimately sab kuch bikherna hi hai to sametne kyun jao…

Naina: ek baat bataiye…aap saare ladke aise hi hote hain kya???

Raj: Aise hi matlab?

Naina: Aise hi…. Ummanageable, unsystematic, kisi cheez ka koi khayal nahi…ghar dino tak saaf ho ya na ho koi fark padta nahi, kapde dhule ho ya na ho bhad me jaye… ghar bikher ke rakho to samaan milta hai… cheezen yahan wahan padi rahe to sukoon milta hai….and all that…!!!

Raj: Obviously… isme puchne wali baat kya hai???

Naina ne apna sar peet liya… "He bhagvaan… aap aaj tak rehte kaise the…?"

Raj: Pehle mummy thi na…to meri ek nahi chalti thi…

Naina: Aur uske baad??

Raj: Uske baad sirf do hafte hi to akele raha hun… fir tum aa gayi…

Naina: Aur agar mai nahi aati to??

Raj: Kya fark padta hai…aayi to na… tabhi to kaha maine tumhe lane me apna hi fayda dekha… ab dekho na mujhe koi mehnat nahi karni padti aur baithe bithae ghar ka saara kaam ho jata hai… aur isliye mai keh raha hun ki tumhe bhi kuch kharidna chahhiye and you don't owe me anything….

Itna kehte hue Raj ne jaise hi nazren uthayi to usne apne aap ko road side pe khada paaya… baatchit ke dauran Naina ne kab usse shop se nikal ke bahar le aayi thi usse pata hi nahi chala.

Raj: Naina…. Ye kya hai??

Naina: Kya hai Raj…road hi to hai…

Raj: Bholi banne ki koshish mat karo Naina…

Naina: Raj…bas karo… mujhe tumhari PIYA ko school se lana hai… tum chal rahe ho??

Raj: Haan chalne ka mann to tha par ek client se meeting ka time ho raha hai… mai usse mil ke jald se jald kaam nipta ke ghar ata hun…tum PIYA ko leke ghar jao..okay??

Naina: Thik hai… ghar jaldi ana…

Raj ne muskurate hue haami bhari aur fir ek auto roki.

Raj: Dhayan se jana… apna khayal rakhna… aur road dekhke cross karna…tum aajkal kaafi khoyi hui si rehti ho... samjhi na tum…?

Raj ne usko side hug kiya aur autome bithaya… jab tak naina ankhon se ojhal nahi ho gayi raj wahinkhada usse dekhta raha… uske chehre pe khelti wo halki si muskurahat dhire dhire patthar ki si shakti me badal gayi… aur fir wo tez kadamo se ulti taraf chalne laga…

~~~~~~~~~~~~~~

Naina auto me khoyi hui si baithi thi jab auto ke driver ne uska dhyan khincha…

"Kya soch rahi hain madam??"

Naina: Ji…ahh wo kuch nahi bhaiya… kya kaha aapne?

"Yahi ki school lagbhag aa gaya hai…aapko yahan chodun ya agle signal pe?"

Naina: Agle signal pe bhaiya…

"Aapke pati aapse bahut pyaar karte hain na Madam…?"

Naina: Haan… Ji..matlab nahi…

Auto wala hass pada… "Kya haan aur nahi madam…wo aapki kitni pawrwah karte hain wo saaf dikh raha tha… aap dono ki Jodi bahut achi hai… lijiye madam… aa gaya signal…"

Naina ne kuch kahe bina hi usse paise diye aur distracted si wahan se nikal gayi… Raj ko logon ke dwara uska pati samajhna usse bada ajeeb lag raha tha… Mumbai jaise sheher me ek ladka aur ek ladki ka ek sath rehna koi ajeeb baat nahi thi par fir bhi aaj na jane kyun Naina thodi si tensed thi… ek mahine Raj ke sath uski zindagi badi shanty se guzar gayi thi…par usse darr thaki kahin ye shaanti tufaan ke aane ka ishara to nahi kar rahi thi…

~~~~~~~~~~~~~~~~~~~

Raj sadhe hue kadmon se uss hospitalke saamne aakar ruka tha… ek mahine se jyada ho chukka tha jab wo akhri baar yahan aya tha… iss hospital se usse wo news mili thi jisne uski zindagi ka rukh badal diya tha… usse atmahatya ke mod pe le jakar khada kar diya tha… agar uss din usse pahadi ki uss choti par Naina aur PIYA nahi mile hote to shayad aaj wo iss duniya me nahi hota… uski zindagi karzdaar thi Naina aur PIYA ki… unhi ki wajah se usme jeene ki ek ichha jagi thi…

To kya aaj wo iss hospital ke andar jakar apne darr ka saamna karne ke liye taiyar tha?? Ekdum se Raj ke kadam piche hate… usne mehsus kiya ki andar jaane ki soch se hi wo kanp ja raha tha… usne apne kadam hataye aur ek jhatke se piche muda… tabhi kisi ne usse awaaz lagai…

Raj ne apni ankhen band ki… apne emotions par kaboo paya aur dhire se piche palta…

Uski taraf chalkar aa rahi uss ladki me koi khaas baat to thi ki raste par khade sare log usse palat kar dekh rahe the… par Raj ko jaise usse koi fark nahi padta tha… uske liye wo sirf ek aam ladki thi jisse uski thodi si jaan pehchaan thi…

"Raj… kaise ho… ?"

"Hello doctor… mai thik hun… aap kaisi hain?"

"Kitni baar kaha hai Raj ki mujhe doctor mat bulaya karo…" Uss ladki ne muh banate hue kaha. "Mera naamitna chota sa hai…itna simple hai…fir bhi tumhe usse bolne me itni taklif hoti hai…"

Raj ne uski baat ka koi jawab nahi diya..bas halke se muskura diya… haste hue uss ladki ne Raj ka hath pakda aur usse khinchte hue hospital ke andar le gayi… Apne cabin me pahunchkar usne Raj ko ek chair par bithaya aur khud jakar apni seat par baith gayi.

Usne kuch der khamoshi se Raj ko nihara… fir pucha… "Honestly Raj… kaise ho?"

"Aapke saamne baitha hun doctor…kaisa lag raha hun aapko?"

Thodi der tak wo usse dekhti rahi…fir muskura uthi… "pichli baar jab meri cabin se nikalkar tum bahar gaye the to tumme main eek nirasha dekhi thi… ek hatasha thi… tum tut chuke the… aur tumhare paas wajah bhi to thi… kuch hi din hue the tumhare parents ko guzre hue aur maine tum par ye bomb fod diya tha…"

Raj ne kuch nahi kaha…kyunki kehne ke liye kuch nahi tha… sahi to keh rahi thi wo.

"Lekin aaj… aaj tumhe dekhkar aisa lagta hai jaise pyaase ko paani mil gaya ho…dubte hue ko koi sahara mil gaya ho… maine umeed nahi ki thi kit um jeene ki itni chah rakhoge Raj… par sach kahun to tumhe aise dekhkar mujhe khushi ho rahi hai…"

Raj halke se muskura diya…par fir bhi kuch nahi kaha usne.

"Achha to batao kaun hai wo?"

"Kaun hai wo??? Kaun kaun hai Doctor??" raj ne buri tarah chaunkte hue pucha…

"Come on raj…tumne mujhe bewakuf samajh rakha hai kya…? Tumhe dekhkar saaf pata chal raha hai ki koi hai jiski wajah se tumme itna change aaya hai… ab wo koi Ladka to nahi ho sakta… kyunki tum…achha tum straight ho na???"

"Rituuu……………" Raj cheekh pada…

"Okay okay…" Ritu ne apne haath khade kar diya… "Just conforming yaar…kya tum bhi…!!! Haan to mai kya keh rahi th… yahi kit um straight ho t fir zaahir si baat hai koi ladki hai jiski wajah se tumme ye badlav aya hai…. To fir wo ladki kaun hai itna bata do…"

Raj ne ankhen dikhayi…fir akadkar sidhe baith gaya…. "Mujhe samajh nahi aa raha kit um kya keh rahi ho Ritu… par yahan iss scene me koi ladki wadki nahi hai…"

"Achha……??????? Are you sure???"

"What do you mean by that…mujhe nahi pata hoga to kise hoga…tumhe??"

"Obviouis logic hai ki mere alawa aur kaun janega… khair tum filhaal negation me rehna chahte ho to…ur wish… mai tumhe force nahi karungi… mai to sirf ye puchna chahti thi ki tum next tests kab karwaoge???"

"Wahi to mai aapse puchne aaya tha doctor… aap hi bataiye…"

"I would say schedule it after new year…"

"Okay then.. wahi behtar hai… khair ab mai chalta hun Ritu…"

"Okay… aur haan..ye rakho…" Ritu ne apne purse se ek invitation card nikalte hue kaha…

"Ye kya hai???"

"Obviously invitation card you stupid…"

"Wo to mai bhi dekh raha hun Doctor Mishra… magar ye hai kis cheez ka invitation??"

"New year party ka… aur isse pehle ki tum na nukur shuru karo mai pehle hi bata dun ki manahi nahi chalegi… aur tumhe iss party me 31^st ki night aana hi padega… aur wo bhi apni special guest ke sath… see you there…bye…" kehte hue Ritu apne cabin se nikal gayi.

~~~~~~~~~~~~~

continued from previous post:

Raj chup chap sofe pe baithkar Naina ko PIYA ke liye ek artificial jewellery banata hua dekh raha tha… Naina kuch bolti ja rahi thi aur idhar uska hath tezi se chal bhi raha tha… dekhte hi dekhte artificial pearls aur American diamonds se bana hua ek chota sa necklace taiyar tha….

"Tum to badhi achhi designing kar leti ho…"

"Well… ye mera shauk hai…"

"Sikha hai tumne ye?"

"Nahi…bas aise hi shaukiya taur par banate banate sikh gayi… ek baar hath set ho jaye to koi problem nahi hai…"

"Apne liye banati thi?" Raj ne wo chota sa necklace hath me lete hue pucha.

"Well…nahi… apne doston ke liye…" Jab Raj ne sar uthakar uski taraf dekha to uski aankhon me ek sunapan tha. Raj khud ko rok nahi paya… wo utha apni jagah se aur jakar uske karib baitha…

Naina to na jane kisi aur duniya me thi… jab usne apne kandhe pe kisi ka hath mehsus kiya to wo apne khayalon se bahar aayi. Raj ne uske kandhe pe hath rakha hua tha aur uski taraf dekh raha tha… Naina usse nazren mila nahi saki… usne aankhen niche kar li… Do bund aasun tapake uski aankhon se jinhe Raj ne poch liya… Raj ne tab tak Naina ko apni banhon me khinch liya tha…

"Tum jaanti ho na kit um mujhse kuch bhi keh sakti ho???"

Naina chup rahi thodi der…fir usne dhire dhire bolna shuru kiya… "Jab mai choti thi to mere koi khas dost nahi the… ek din mai verandah me baithi hui thi ki tabhi meri nazar ek necklace par padi… wo beads aur crystals se bani hui thi…par tut chuki thi… beyond repair… aur kuch kuch hisse gayab bhi the… Mai jaanti thi ki wo meri room mate ki necklace hai aur wo usse bahut pyari bhi thi… jab mai usse dhundti hui gayi to wo bed pe muh chupaye baithi hui thi aur ro rahi thi… mujhe samajh nahi aya ki mai kya karun…"

"Teen char dino tak to mai soch me hi doobi rahi ki kya karun… fir khayalaaya ki kyun na uss tute hue necklace ke pieces se kuch banana ki koshish karun… maine unn tukdon ko bahar nikala aur jo kuch bhi bacha tha unhe chantkar alag kiya… fir unhe jodkar main eek Jodi ear rings banae.. Do din baad uska birthday tha… maine raat me chupchap wo ear ring ek dabbe me gift wrap karke uske bed pe rakh diya…"

Naina kaafi der tak chup chap baithi rahi… Raj ne bhi kuch nahi kaha…

"Usse jab pata chala ki wo maine banaya tha to bahut khush hui thi wo… wo bhi humesha akeli rehti thi… usi din se uski aur meri dosti ho gayi… wo umr me mujhse 3-4 saal choti thi… par bahut pyaari thi…"

"Fir…??"

"Fir…… fir ek din kuch mahine baad wo chali gayi…"

"Kahan chali gayi??"

"Kuch log aaye the… unme se ek ne usse adopt kar liya…. Aur mai fir se akeli ho gayi…"

Raj ko ekdam se ye ralize hua ki Naina ka bachpan kis dard ke bich me guzra tha… "Adopt kar lia…. Yani ki Naina ek orphan thi… aur wo ek orphanage me pali badhi thi… tabhi wo PIYA ko leke itni protective thi…. Kyunki usne apne bachpan ko kho diya tha… PIYA ke zariye wo uss bachpan ko fir se jee rahi thi… Oh god…!!!"

Raj ne kinch kar Naina ko apne gale se laga liya… wo roye ja rahi thi… aur Raj ne usse rokne ki koi koshish nahi ki…rone dia usse…par usne usse akela bhi nahi choda…

"Raj…mujhe na kabhi kabhi dar lagta hai…mai kuch bhi nahi jaanti ki ek bachhi ko kya chahiye hota hai iss age me… agar mai kabhi chuk gai to…?"

Raj kaafi der tak chup raha… par jab usne Naina ki taraf dekha to uski aankhon me ek vishwaas tha jisse Naina bhi mehsus kar rahi thi… "Aisa koi bhi khayal tumhare dil me fir se nahi aana chahiye Naina…. Tum ek bahut achhi Maa ho… aur humari Snigdha ko tumse ko shikayat nahi hogi… na koi shikayat hai…. Aur na hi mujhe koi shikayat hai…samjhi tum?"

Jab Naina ne koi jawab nahi diya to Raj ne fir se pucha… "Khair ye sab chodo… chai piyogi??"

Naina ne haan me sar hilaya… muskurate hue Raj ne usse apni bahon se alag kiya. Naina ko jaise hi ehesaas hua ki wo kaise baithi thi to wo jhenp si gayi… par Raj ne kuch nahi kaha… uske liye to maano ye roz ki hi baat thi ki woe k roti hui ladki ko apni bahon me sambhalta ho… apne chehere pe ek muskaan liye Raj kitchen ki taraf badh gaya…

Adhe ghante baad chai ki chuskiyon ke sath Raj aur Naina jewellery designing ki aaten kar rahe the…

"EK baat kahun…manogi??"

"Haan bolo…"

"Meri mano to tum apni hobby ko apna career banao…"

"Matlab?"

"dekho… tum jewellery designing me achhi ho… aur maine tumhari finishing dekhi hai… ekdam expert jaisi hai… aur aajkal inn fashion jewelleries ki badi demand hai… tum ghar baithe inhe banakar bech sakti ho… bina tension ke tumhari kamai ho jayegi aur tumhara dil bhi behel jayega… sath hi sath tum chaho to koi ek course bhi kar sakti ho…isse tumhare liye oppurtunities bhi khul jayengi…"

"Well…maine iss bare me kabhi socha nahi…"

"To fir socho…koi jaldi nahi hai… take your time… agar meri baat sahi lage to iss par amal karna…"

"Okay…"

"Khair…abhi ye sab chodo…jo mai tumhe batana chahta hun wo ye hai ki 31^st ki night ko ek New Year Party hai jisme mai invited hun…"

"Achha…to tum jao… raat bhar bahar rahoge kya?"

"What do you mean mai jaun??? Tum aa rahi ho mere sath…mai akela kahin nahi jaane wala…"

"Lekin Raj… mai wahan jaakar kya karungi… tumhare colleagues hain…wahan mai…"

"Ek minute…ye office ki party nahi hai…meri ek dost ki party hai… aur usse tumhare bare me pata hai…. Nahi…matlab… uhh… usne tumhe bhi invite kiya hai…aur tum chal rahi ho…"

"Lekin Raj…"

"Dekho…mai tumhe force to nahi kar sakta… wo hak nahi hai mera…. Par tum din bhar ghar me band rehti ho… tumhe bhi khush rehne ka hak hai… enjoy karne ka hak hai… agar tumhe chalna ho to bata dena… sath me chalenge… aur haan…. Mai tumhare liye kuch laya hun…"

"Raj…kya zarurat…"

"Bas…. Iss bare me koi behes nahi karni mujhe… ye mat sochoki ehesaan kar raha hun… balki ye jaano ki ek dost tumhe gift de raha hai New Year pe kuch… aur tum usse bina jhijak ke accept karogi…samjhi tum….?? Ye rakho…." Kehte hue Raj ne ek wrap kiya hua gift box uske haath me diya.

"Aur haan… ek request bhi hai… agar tum New Year ki party me chalna chaho to isske sath matching jewellery bhi bana lena…mai kal samaan la dunga…"

~~~~~~~~

Church se nikalte waqt Naina ke chehre par ek ajeeb si shaanti thi… Usse aisa lag raha tha jaise kisi ne uske andar chal rahe tufaan ko shaant kar diya tha… usse aaj yahan aakar jo sukoon mila tha wo usne kai dino se mehsus nahi kiya tha…

Raj ne PIYA ko godh me utha rakha tha… par uska dhyan Naina pe hi tha… Dono church ki building se bahar nikle aur piche garden ki taraf badh chale… Garden me bahut saare log the… Raj bhid se bachta hua ek sunsaan kone ki taraf badh chala… uski godh me baithi hui PIYA apne school ke kisse suna rahi thi…

PIYA ka school convent tha… aur subah subah Raj aur Naina wahan ke function me gaye hue the… PIYA ke parents banker… PIYA ne ek drama me part liya tha aur wo bade maze se apna part Raj aur Naina ko suna rahi thi…

Bhid se dur ek bech par baith kar dono park me baki logon ko dekhne lage… PIYA wahin ghas par baith kar khelne me lagi hui thi…

Raj: Mujhe nahi pata tha ki tum Christian's ke prayers se wakif ho…

Naina: Well… mai jis orphanage me pali badhi thi wo Christian missionaries ka tha… aur har Sunday wo hume church pe leke jaate the… to obvious hai na ki pata hi hoga…

Dono apni hi dhun me the… shayad isliye unhe pata hi nahi chala ki koi bahut der se unhe dekh raha tha… jab Raj ne Naina ko halke se hug kiya to uski aankhon me ek chamak aa gai… jab Naina ne PIYA ko uthakar apni godh me bithaya to uss insaan ka chehra chamak utha… wo kaafi der tak unhe dekhta raha… fir usne kuch faisla kiya aur apni jagah se uthkar unki taraf badh gaya.

Raj aur Naina apni jagah se uthe… unhe ghar jana tha… tabhi ekdam se unke saamne ek aadmi aa khada hua… usne black colour ki jeans pehni hui thi.. aur ek safed rang ki shirt.. ankhon me dhup ka chashma chadha hua tha. Uske left hand me ek golden colour ki ghadi thi to kaafi mehengi lag rahi thi.

Naina ki nazar ekdam se uspe padi aur wo thithak kar ruk gai. Uske chehre par hairani ke bhav saaf nazar aa rahe the… "Aap…"

Wo aadmi muskura raha tha… Raj bhi usse dekhkar chaunk gaya… par usne badi jaldi khud par kaboo paya aur apna hath handshake karne ke liye aage badhaya…

"Hello Inspector… what a pleasant surprise…"

"Haan…surprise ki baat to hai… ye duniya itni choti hai ki hum kab kahan kis se mil jaye koi bata hi nahi sakta…" hath milate hue Inspector Arjun Singh ne kaha.

Tab tak Naina bhi sambhal chuki thi… usne bhi hath milaya aur jabardasti apne chehre pe ek muskaan late hue pucha… "Waise aap yahan kya kar rahe hain?"

"Bas aise hi… aaj ki chutti thi meri to socha ki Christmas pe zara church ghum lun… arey haan… isse pehle ki mai bhul jaun… Merry Christmas…"

"Merry Chirstmas to you too Inspector… waise mujhe malum nahi tha ki aap Christian hain… aapka naam to…"

"Naam ka majhab se kya lena dena… mai aisi baton pe yakin nahi karta… bhagvan to bhagvan hai…chahe wo madir me rahe ya masjid me… church me rahe ya gurudware me…"

"Haan..sahi kaha aapne… khair aap apna darshan continue kariye…hum chalet hai…hume der ho rahi hai…" Naina jo kaafi der se bachkar nikalne ke bahane soch rahi thi bol padi. Usne ankhon se Raj ko ishara kiya… dono wahan se nikal gaye… Arjun Singh ne bhi kuch nahi kaha… unhe chup chap jaane diya…

Lekin shayad uske irade itne bhi nek nahi the… Dono kuch hi kadam aagea badhe honge ki Arjun Singh ki awaaz ne unhe rok liya… "Arey haan…before I forget… aap logon ka jhagda nipta ya nahi… uss din to aap dono itna ladh rahe the na ki mujhe shak ho raha tha ki aap log aapas me sulah bhi karenge." Wo hass raha tha… shayad wo itna bhi bura nahi tha… Par Raj aur Naina ke chehre pe hawaiyan udi hui thi.

ArjuSingh unke dark o saaf mehsus kar raha tha… wo has pada… "Arey…aap log darr kyun rahe hain?? Just because mai police wala hun iska ye to matlab nahi hai ki har waqt mai kanun ke danv pench hi jhadta rahun… Oh come on… mai bhi aap hi logon ki age group ka hun… uss din aap logon ko dekhkar mujhe hasi aa rahi thi… isliye mai sharat karne se baaj nahi aaya…"

"Matlab…??"

"Matlab ye Mr…. uhh…"

"Rajeev… Rajeev MAthur… aur inka naam Naina hai…"

"Oh yes… Mr. Mathur… haan to mai keh raha tha ki actually aap dono ko dekhkar mujhe apne doston ki yaad aa gai… couples me bich me kaise jhagde chalte hain iska pata to aap dono ko hoga hi… aur sach kahun to uss din aap dono ko ladhte dekhkar mujhe meri behen aur jijaji ki yaad aa gai… tabhi mai aapse baat karne ke liye ruk gaya…"

"Aapki behen???" Naina khud ko sawal puchne se rok nahi saki.

"Haan… bahut pyaari thi wo…" Arjun kahin atit ke panno me gum tha… Raj aur Naina samajh nahi pa rahe the ki uski baton par bharosa karen ya nahi… par usse bich me tok bhi nahi paa rahe the… wo apni hi dhun me bola ja raha tha… "Bahut sundar thi… aur dil ki bhi bahut saaf thi… pata hai Mrs. MAthur… aapme aur Sandhya me bahut cheezen common hai… aapko dekhkar mujhe uski yaad aati hai…."

"Thi matlab??? Ab nahi hai…?"

"Bhagvan bhi ajeeb faisle karta hai… jab uska jee karta hai kisi ka waqt khatam kar deta hai…"

Raj aur Naina ko samajh hi nahi aa raha tha ki Arjun se kya kahen… situation kafi awkward ban jata par tabhi mobile ki ghanti baj uthi… Chaunkte hue Arjun Singh ne khud ko sambhala aur call receive kiya… baat karte karte uske chehre par ek sakhti aa gai. Phone rakhkar wo RN ki taraf palta.

"Maaf kijiyega… mujhe jana hoga… chahe koi bhi din ko…koi bhi waqt ho…par apradhiyon ko shayad chutti lene ki aadat nahi hai… khair abhi mujhe jana hoga… aap dono se baat karke acha laga… kai dino se maine kisi se dil khol kar baat nahi kit hi…par na jaane kaise aap logon ke saamne bolta hi chala gaya… shayad aaj iss tyohaar ka asar hai… chalo… I will leave now… bye… see you soon…" Kehta hua Arjun Singh wahan se nikal gaya.

~~~~~~~~~~~~~~

"Oofff…. Mujhe to ek pal ke liye laga ki aaj hum gaye hi the…"

"Haan…. Mujhe bhi… thank god sahi time pe mujhe usse baat me uljhane ki sujhi thi… warna…"

"O hello…Mr. Mathur…. Kya matlab hai ki aap ko usse baton me uljhane ki sujhi thi..haan?? Agar mai aapki madad nahi karti to aap kuch nahi kar paate… wo to kaho ki mai aapke sath thi…"

"Arey wahi to problem hai ki tum sath me thi…tum sath me nahi hoti to ye problem hi kyun aati??"

"Yahi baat tum par bhi lagoo hoti hai… agar tum nahi hote to ye sab kuch hota hi kyun??"

"Tumhara matlab kya hai… ki problem meri wajah se aayi hai??"

"Nai nahi… tumhari wajah se kyun aayegi?? Usse aane ki kya zarurat hai.. tum jahan bbhi jaate ho musibat sath leke jaate ho…"

"Haaan…. Tumhe to aksar sath leke jata hun…"

"Kya kaha????" Nainakamar par hath dhare bich sadak par hi khadi ho gayi… "Mai musibat hun??? How dare you Rajeev???"

"Maine kab kaha ki tum musibat ho??" Raj ne chutki lete hue kaha. "Par jab tum khud hi apne aapko musibat keh rahi ho to tumhari baat taalne wala mai kaun hota hun???"

Naina ko bhadakte ek pal bhi nahi laga. Mr. Rajeev Mathur… tumhri to… aaj mai tumhe chodungi nahi… ruko zara…" Kehte hue wo usse maarne lagi.

Dono me se kisi ka bhi dhyan iss baat par nahi tha ki ped ke picha kala overcoat pehne hue ek shaksh inn dono ko bade gaur se dekh raha tha aur inki nok jhonk ko enjoy bhi kar raha tha.

~~~~~~~~~~~