One Week Later:
Naina aur Raj ki zindagi dhire dhire ek tarah ki routine me dhal chuki thi. Naina ko abhi tak naukri nahi mili thi. Isliye ek hafte se dono ghar par hote the. Naina ghar ke kaam karti to Raj ne dhire dhire hath batana shuru kiya tha. Fir sham ko karib 6:30 baje tak Raj apne office ke liye nikalta tha aur Naina ghar pe akeli reh jati.
Subah karib 8 baje tak jab thaka hara Raj ghar laut ta to darwaze pe muskurati hui Naina aur khilkhilati hui Piya ko dekhkar uski sari thakan mano gayab ho jati. Wo thodi der tak Piya ke sath khelta par Naina use jabardasti sone ke liye bhaga deti. Isi tarah se unki zindagi ek hafte se kat rahi thi.
Par ek baat thi jo Raj ko khatak rahi thi. WO ye baat notice kar raha tha ki Naina kuch pareshan si rehne lagi thi. Kaafi depressed rehti thi. Raj ye baat to samajhta tha ki wo naukri dhundna chahti hai par wo ye bhi mehsus kar raha tha ki koi baat thi jo Naina ko andar hi andar khae ja rahi thi.
PIYA ab play school jane lagi thi… Naine ne ghar ka sara kaam bakhubi sambhala hua tha… Jab tak dopahar ko Raj soke uthta to PiYA school se wapas aa chuki hoti aur Naina ne usse sula diya hota tha. Dono ek sath lunch karte, fir Naina chup chap jakar TV kholke baith jati… Raj kuch bolna chahta tha usse par bol nahi pata tha. Naina ko iss uljhan me dekhkar usse bhi taklif hoti thi…par wo kare bhi to kya kare…
Ek din Raj ko PIYA ke sath khelte khelte der ho gayi… Pata nahi kyun par uss din uss bachhi ka mood off tha… jab Raj ne game chodkar uthne ki koshish ki to usne Raj ko uthne nahi diya… balki jake uske godh me baith gayi. Raj ne jab usse uthane ki koshish ki to usne bahut hi majbuti se raj ki shirt pakad li… wo raj ko chod hi nahi rahi thi. Fir ekdum se Piya rone lagi…. Bahut zor se rone lagi..
Uski awaaz sunkar Naina bhagti hui aayi kamre me… par apni ankhon kea age ka nazara dekhke wo bhi hakki bakki khadi reh gayi… Tab tak Raj PIYA ko shant karwane ki koshish kar raha tha… Par PIY shant ho tab na… wo to bas roye ja rahi thi… Aage aakar Naina ne PIYA ko zabardasti apni god me liya… fir Raj ko taiyar hone ke liy bhej diya.
Raj jab office jane ke liye nikalne laga to wo ek baar Naina ke paas ruka… wo PIYAko shant karwane ki koshish kar rahi thi… Raj jaise hi PIYA ko dekhne ke liye jhuka usne Raj ki shirt ko kas ke pakad liya… Shirt chudane ke chakkar me Raj ki shirt se tut kar do button gir gaye.
Naina: Ohh…arey nahi… Usne dono buttons ko apne hath me tham rakha tha.
Raj: Koi baat nahi… mai shirt change kar lunga… tum PIYA ko sambhalo… usse hua kya hai yahi samajh nahi aa raha…
Naina: Aap uski fikar mat kijiye… mujhe uski tabiyat kuch thik nahi lag rahi.. par koi baat nahi…mai sambhal lungi..
Raj: Arey… achha mai rukun aaj??
Naina: Nahi…uski jarurat nahi hai… aap jaiye…mai sambhal lungi…
Raj bina kuch kahe apne room me chala gaya..
Thodi der tak jab wo bahar nahi aaya to Naina chup chap aake darwaze pe khadi hoke usse dekhne lagi. Raj ko shayad koi shirt pasand nahi aa raha tha… aur thoda chida hua dikh raha tha… finally jab usse kuch pasand nahi aaya to usne aalmirah band kiya aur drawer silai ka box nikala aur usme se ek sui aur dhaga uthaya…
Raj: Ab iss sui me dhaga kaise daalun…. Uff…
Darwaze ki taraf se kisi ki hasi sunkar Raj palta to dekha ki Naina apna muh chipa kar hass rahi thi.
Raj: Badi hasi aa rahi hai tumhe na…
Naina: Ab aap inn sui dhage ko lekar itni kushti karenge to hasungi hi na… laiye…idhar dijiye.
Raj: Kar lunga mai..
Naina: Haan haan dekh lia maine ki aap kya karenge aur kitna karenge…
Itna kehte hue Naina ne Raj ke hath se sui dhaga lia aur khud dono buttons sine lagi. Karib 5 minute baad:
Naina: Ye lijiye….ho gaya…
Raj ne thoda jhenpte hue uske haath se saman liyaaur apni jagah rakh dia, fir wo Naina ki taraf muda jo ab tak usse dekh rahi thi.
Raj: Thank you
Naina: Uski jarurat nahi hai… aap jaiye warna late ho jayenge
Raj: Tum PIYA ko sambhal logi…
Naina: Haan…aap fikar mat kijiye…
Raj: Agar doctor ki jarurat pade to…
NAina: To family doctor ka number telephon diary me likha hai…mai unhe call kar lungi… Aur emergency ke liye aapka number mere phone ke speed dial pe hai…mai aapko call kar lungi… aur mai jyada fikar nahi karungi… PIYA ko sulake khud bhi khana khake so jaungi… jyda der tak nahi jagungi… warna meri tabiyat kharab ho jayegi… aapki sari nasihat mujhe ratta maara hua hai…ab aap jaiye…
Naina ne itna kehte hue Raj ko dhakka dete hue darwaze se bahar nikala… Raj thoda sa sharmaya aur fir hass diya. Flat ke darwaze pe khadi Naina usse dekhke muskura rahi thi.
Raj: Tum ek chiz bolna bhul gai…
Naina: Wo kya?
Raj: Apna khayal rakhna…
Itna keh kar usne ek baar gaur se Naina ko dekha fir mudkar lift ki taraf chala gaya. Lift ke niche jate hi Naina ne darwaza band kiya aur aakar PIYA ke paas baithi. PIYA ek blocks jodne wala game leke busy thi… Naina ne usse thodi der gaur se dekha, fir wo telephone directory utha ke ussi ke paas zamin pe baith gayi aur sar piche rakhe sofe se tika liya.
Tujhse naaraz nahi zindagi
Hairan hoon mai
O…hairan hoon mai
Tere maasoom sawalon se
Pareshan hoon mai
O Pareshan hoon main
Naina ne apni dress par kisi ka haath mehesus kiya to usne dhire se apni aankhen kholi… PIYA apne game se bore ho chuki thi aur blocks ko zamin pe bikhra hua chodkar rengte hue Naina ke paas aa gayi thi.. Uski moothiyan Naina ke dress pe tight the aur wo Naina ki godh me chadhne ki koshish kar rahi thi.
Muskurate hue Naina ne PIYA ko apni godh me uthaya aur usse lekar kitchen me gayi. PIYA ke khane ka time ho gaya tha.
NAINA: Kya khaogi???
PIYA ne koi jawab nahi diya..bas ishare se dikha diya usne ki usse kya chahiye tha. Muskurate hue Naina ne uska khana lagaya aur usse lekar dining table par aa gai… Par PIYA ko khilana aasan kaam to tha nahi… wo khana muh me lekar baith jati aur chabati nahi thi…
Naina: Kha lo na beta
PIYA ne naa me sar hilaya…
NAina: Kyun nahi khana???
PIYA ne bas ek hi shabd kaha… KAHANI
"Achha to tumhe kahani sunni hai?? Agar mai kahani sunaun to tum khana kahogi?"
PIYA ne haan me sar hilaya…
Naina ne thoda sa muskura diya… fir dhire se usne PIYA ko apni godh me khinch liya. Uski aankhen kahin dur kisi cheez par tiki hui thi… ek hath se PIYA ko thame hue dusre haath se khilane lagi…
"Kai saal pehle… ek Raja hua karte the… unki ek beti thi… dhudh se bhi safed…chand se bhi sundar… duniya ek hare k khajane se bhi jyada keemti… Maharaj ko unki ye beti apni jaan se bhi jyada pyaari thi… Wo apni patni aur beti ke sath khushi khushi rehte the…
Par ek din..pata hai kya hua PIYA… ek din na unki rani ki maut ho gayi… unki bechari si beti akeli ho gayi… socho kitna bura haal hua hoga… wo na tumhari hi tarah thi..pyaari si…cute si….
PIY ka pura dhyn kahani pet ha…usse pata hi nahi chala ki kab usne pura khana khatam kiya aur kab Naina ki godh me kahani sunte sunte so gai…
Raat ke 12:00 baj rah the…Naina chp chap apne bedroom me farsh par baithi hui thi… Bedlamp ki halki halki roshni uske chehre par pad rahi thi.. uske baal bikhre hue the… par Naina ko jaise kuch hosh hi nahi tha.,… wo to kahin apne atit ke panno me gum thi…kuch dhundne ki koshish kar rahi thi…kuch samajhna chahti thi…iss dard se ubarna chahti thi… bahar aana chahti thi… par kuch bh to uske hath me nahi tha…
Ye zindagi usse kis mod pe leke aayi thi usse khud nahi pata tha… jab se hosh sambhala tha usne apne aas paas apne jaise baaki bachhon ke chehre dekhe the… unke rone ki awaaz me uski dard bhari awaaz kahin gum si ho jati thi… Maa ke mamta bhare sparsh ki jagah usne uniform pehne nurses ke rubber gloves ka ehesaas paya tha… pita ke saaye ke bajaye uske sar pe orphanage ki chat thi… Ma-baap ki shakal usse yaad nahi thi… unke pyaar aur sneh se anjaan usne apna jeevan akelepan me hi guzara tha… fir bhi har aanssu ko dabakar muskurati hi rehti thi…
KYun…kyun uski zindagi aisi thi…kyun wo itni akeli thi… kyun uske nasib me thodi si bhi khushi nahi thi… kyun uske paas apni khushiyon ke liye waqt nahi tha… aisa usi ke sath hi kyn hota tha ki jab bhi wo muskurane ki koshish karti…usse rona padta… kyun usse khushiyon ki keemat chukani padti thi…kyun…kyun…kyun???
Jeene ke liye socha hi nahi
Dard sambhalne honge
Jeene ke liye socha hi nahi
Dard sambhalne honge
Muskuraye to muskuraane ke
KArz utarne honge
Muskuraauan kabhi to lagta hai
Jaise Honthon pe karz rakha hai
Ho tujhse naaraz nahi zindagi
Hairan hoon mai
O hairan hoon mai
Kaafi der se Naina ne apne haath me uss parche ko pakad rakha tha… mano wo koi bura sapna ho… mano agar wo aankhen band kar le to wo dur ho jayenge… par ye wo bhi jaanti thi ki sach se jitna bhi chupo sach chhipta nahi…
Pichle ek hafte me na jaane kitni baar Naina ne uss parche ko padha hoga… aur dil hi dil me wo ye bhi jaanti thi ki Raj bhi yahi karta tha… dono apne apne tarike se iss raaz ko suljhane ki koshish kar rahe the… aur sab se badi baat to ye thi ki dono ek dusre se ye baat chhipa rahe the… kyunki koi kisi ko pareshan karna nahi chahte the…
Naina ek chehre pe ek fiki hasi aayi… "Ye to bilkul unn daily soaps ki tarah bann gaya hai ki sab koi na koi secret chhipate hue fir rahe hain… and last me ek dhamake ke sath sab kuch saaf hota hai… Mujhe Raj se iss bare me baat akrni hi hogi…"
Usne ek baar fir se parche ko padha:
Iss bacchhi ka naam Snighdha hai… AUr dhyan rahe ki iski jaan ko khatra hai… Iski har tarah se hifazat karna… meri nazar tum logon pe rahegi…
Kya matlab tha iss paheli ka… kyun koi iss pyaari si bachhi ki jaan lena chahega… kaun hoga wo vehshi darinda jo iss maasum si jaan ko nuksaan pahunchana chahega…!!!
Sochte sochte Naina kab zamin pe so gai usse pata bhi nahi chala.
CUT TO RAJEEV:
Raj ka uss din kaam me bilkul bhi mann nahi lag raha tha… reh reh kar usse Naina ki shakal yaad aa rahi thi… uski wo hasi usne aaj pehli baar dekhi thi… pehli baar Naina bina kisi tension ke muskurai thi… Naina waise to khubsurat thi… par muskuraati nahi thi… jab bhi raj kuch kehta to wo halka sa smile karti jo ki bahutfiki hoti thi… aaj pehli baar usne Naina ke chahre par ek puri muskurahat dekhi thi… aur wo nahi chahta tha ki Naina ki ye khushi aur uski ye innocence fir se kahin kho jaye…
Wo jaanta tha ki Naina ka bachpan kuch khaas achha nahi tha… aur jitna attention wo PIYA ki chhoti se chhoti zaruraton ko samajhne me lagati thi aisa lagta tha jaise usne inn sab ki kami mehsus ki ho… Jin baton ko Raj for granted leta tha unn baton me se Naina life ka puraa essence sikha jaati thi usse… Har dard ko apne andar daba kar wo muskura jaati thi.. kaise kar leti thi wo ye… ye baat Raj bhi samajh nahi paaya tha…
Aaj tak raj ko lagta tha ki uska gham sabse bada hai… ki usne uske parents ko khoya hai aur wo bhi itne suddenly…uski taklif se badi kisi aur ki taklif nahi ho sakti… par jab naina ki khubsurat si aankhon me dard ki tasvir dekhta to usse khud se chhid machne lagti… yahan wo apne gham me duba hua hai… aur wahan naina ek itni badi zimmedari apne sar par uthakar chal rahi hai… Aisa nahi tha ki Raj ko PIYA ki fikar nahi thi… wo PIYA se bahut pyaar karta tha… lekin jahan PIYA uske akelepan ki saathi thi wahin wo Naina ke liye apne bachpan kokhushi se jeene ka mauka… Naina usse wo sab kuch denachahti thi jo usse kabhi nahi mila tha… Aur jane anjane me hi sahi par Raj uske iss jazbe ki kadr kar baitha tha… aur usse purakarne ki kasam kha rakhi thi…
Zindagi tere gham ne hume
Rishte naye samjhaye…
Kya kar raha thaw o… jo kadsam usne uthaya tha kya wo sahi tha.. shayad haan… NAina ki uske zindagi me maujudgi usse ek alag se ehesaas se rubaru karwa rahi thi.. usse ye samjha rahi thi ki zindagi me dusren rishton ki ehemiyaat hai… unhe samajhne ke liye bas usse thodi si mehnat karni padegi…
Zindagi tere gham ne hume
Rishte nay naye samjhaye
Mile jo hume dhoop me mile
Chanv ke thande saye
Ho tujhse naaraz nahi zindagi
Hairan hun mai
O Hairan hun mai
Uss din Raj se office me jyada der tak raha nahi gaya… na jaane kyun usse ghar jaani ki jaldi thi… PIYA ko dekhne ki jaldi thi…
Subah ke 7 baj rahe the jab Raj ghar me dakhil hua… usually usse flat ke andar se chahal pehel ki awaaz aani chahiye thi…par charon taraf sannata tha… kuch sochte hue usne apne jeb se duplicate key nikali aur badi savdhani se flat ka darwaza khol ke andar dhakil hua…. Sab kuch shant pada hua tha… to kya Naina aur PIYA abhi tak jage nahi the…
Dabe hue kadmon se wo Naina ke room me dhakhil hua to dekhta hi reh gaya… PIYA chup chap bed pe so rahi thi… aur bed ke paas zamin par Naina baithe baithe hi so gait hi… uski aankhen band thi…
Raj dhire se aakar uske paas baitha… ab Naina ka chehra wo saaf dekh paa raha tha… uski band aankhon me kone me aansuon ki halki bundein jami hui thi… jaise wo roti hui so rahi ho.. Raj ne ussi pal usse jagane ka khayal choda aur badi hi savdhani se usse uthakar usne bed ke dusri taraf le jakar lita diya…
Aaj Agar Bhar Aai Hain
Boondein Baras Jaayengi
Kal Kyaa Pataa Inke Liye
Aankhein Taras Jaayengi
Jaane Kab Gum Kahaan Khoyaa
Ek Ansuun Chhupaake Rakhaa Thaa
Ho Tujhse Naaraaz Nahin Zindagi
Hairaan Hoon Main
O Hairaan Huun Main
Tere Masum Sawaalon Se Pareshaan Hoon Main
O Pareshaan Hoon Main
Jab usne nazren uthayi to dekha ki PIYA uth kar baithi hui thi aur bade gaur se ek baar usse to ek baar Naina ko dekh rahi thi… Raj ko dekhkar usne muskura diya… Raj bina muskuraye reh nahi paaya… Usne wahan rakha hua chadar uthaya aur Nina ko odha diya…
Fir PIYA ko apni godh me uthakar wo room ke bahar aaya aur halke se darwaza band kar diya… Naina ko kuch pata nahi chala.
Current Affairs
CID
Web Series
286