| yeh raha aap sab ka ud...now...suffer n smile...😆 EPISODE:-15 us long walk ke baad dono wapas aaye...Naina ke qtr ki taraf...!!! Naina abhi bhi khoyi hui hi lag rahi thi...maj Rajveer...kabhi kabhi us ki taraf dekh rahe the...phir khud ki soch me dub jate...!!! Naina ne apne qtr ka door khola...!!! turn kar ke dekha...us ke thik piche hi khade the...maj Rajveer...!!! nazrain jhuki hui thi un ki...zameen par...sayad kisi gehri soch me the...voh...!!! Naina ke chehre par ek smile aayi...us ne door khola...!!! aur maj Rajveer ka hath thaam kar ander le aayi...!!! maj Rajveer achanak kuch samajh nehi paye...!!! Naina ne door bandh kiya...aur turn kar ke dekha toh maj Rajveer use hairani se dekh rahe the... Naina:- "aap kuch kahna chahte ho...???" Rajveer:- "nahi toh... Naina:- "par mujhe lagta hai ke aap mujhe kuch kahna chahte ho... maj Rajveer ne Naina ki taraf dekha... "haan...kehna hi toh chata hun...kab tak khud ko is dard ke sath akele jeene dun Naina...!!! mujhe tumhari jarurat hai...!!! main apne har us dard ko tumhare sath bhulna chahta hun...!!! kahna chahta hun...apne dil ki har ek voh baat jo tum se judi hui hai...!!! kahna chahta hun ke...main tumhe tut kar chane laga hun...!!! kahna chahta hun ke...kya ban chuki ho tum mere liye..." Naina:- "toh phir kahiye na... maj Rajveer ne hairani se dekha Naina ki taraf...jo baat voh khud se karr rahe the...voh Naina ne kaise suni.... maj Rajveer abhi bhi khamosh the... Naina thodi si kareeb aayi un ke...kuch pal dekha...un ki ankhon me...!!! shwal jo abhi bhi us ke kandhe par tha...voh gira zameen par...!!! Naina ko thand lag rahi thi...Naina ne apne hathon se khud ko halke se cover kiya...!!!! chehre par smile abhi bhi thi us ke...!!! dhire se us ne apna sar...maj Rajveer ke seene par rakha... maj Rajveer ki ankhen khud-b-khud bandh hui... background...... (Oo Tujh Mein Hi Dekha Hai, Mene Manzil Ko... Tujh Mein Dhadkan Mili Is Dil Ko..) - 2 Bin Tere Kadmon Tale Raahe Nahi Hai Tujhe Mein Kahi Hai, Meri Zameen Tu Dede Mera Saath Tham Le Haath Chahe Jo Bhi Ho Baat (Tu Bas De De Mera Saath) - 2 maj Rajveer ne dhire se Naina ko khud se alag kiya...!!! Naina ne hairani se dekha un ki ankhon me... jaise voh yeh kah rahi ho ke...'main janti hun ke aap mujh se kitna pyar karte ho...phir kyoun mujhe har baar khud se alag karne ki koshish karte ho...!!! dard aap ko bhi hota hai aur mujhe bhi...phir kyoun mujh se dur jana chahte ho...!!! rahne do mujhe apne kareeb...sunn ne do aapne dil ke dhadkan ko...jo mera hi naam le rahi hain... maj Rajveer ne turn kiya aur door ki taraf chale gaye...Naina vohin khadi rahi... door kholne se pahle ek baar phir se maj Rajveer ne turn kar ke dekha...Naina ki taraf...jo vohin khadi thi...ankhon me abhi bhi hairani thi...kai sawal the...dher sara pyar aur ek tut kar chane ki khwahish... voh sab dekhna achha laga maj Rajveer ko...kuch achha nahi laga toh voh tha...Naina ke ankhon me aaye us halke se do boond aanshun... maj Rajveer ke kadam aage nahi badh paye...voh kafi tez kadmon ke sath Naina ke kareeb phir se aaye... Naina ke chehre par is waqt hairani nahi thi...haan...anshun the...par ek halki si mushkurahat bhi thi...!!! na Naina ne kuch kaha...aur na hi maj Rajveer ne...!!!! bas maj Rajveer ne Naina ko halke se khud ke kareeb khinch kar apne gale se lagaya...kafi tightly... (O Sun Le Yaa Padh Le Tu, Meri Khamoshi Hai Jarurat Teri Saanson Jaise..) - 2 Tujh Se Hi Sab Kuch Mila.. Ek Tu Nahi To Mera Yahan Kuch Bhi Nahi Tu Dede Mera Saath Tham Le Haath Chahe Jo Bhi o Baat (Tu Bas De De Mera Saath) - 2 (Mera Saath Mera Saath) - 3 Naina ki ankhen abhi bhi band thi...!!! maj Rajveer ne use khud se alag kiya...!!! Rajveer:- "kafi der ho chuki hai...ab main jayun... Naina ko maj Rajveer ka is tarah se puchna achha laga...!!! us ne sar hila kar mana kar diya... maj Rajveer ke chehre par ek halki si mushkurahat aayi...unhone apna hath aage badha kar naina ke chehre par gire us ke kuch hair se hataya...phir kaha:- "rukun... Naina ne haan me sar hila diya... maj Rajveer us ke thode aur kareeb aaye aur dhire se kaha:- "kuch hi pal baki hain Naina...sayad...kuch hi pal... Naina ne dekha unhe...un ki kahi hui baat ko samjhi par yeh nahi samajh payi ke unhone 'sayad' sabd par jyada zor diya tha... Naina ne mehshush kiya apne forehead par maj Rajveer ke honth ko...kanon me bas itna hi sunayi diya use...'apna khayal rakhna Naina... us ne ankhen kholi toh dekha...maj Rajveer ja chuke the....par chod gaye the...Naina ke hontoh par ek mushkan ko... Naina ne door lock kiya...us ke honthon par bas kuch lines hi aaye... "voh aaye bhi...aur chale bhi gaye... kuch de bhi gaye...aur kuch le bhi gaye..." raat ke kareeb 12 baje jab Naaz ke khidki par dashtak hui...voh hairan nahi thi...use pata tha...use aaj koi milne anewala hai...!!! us ne khidki kholi...ek aadmi khada tha...jis ka chehra thik se dikhayi nahi de raha tha...!!! andhera bhi tha...aur us ne ek shwal se khud ko achhe se chupa bhi rakha tha... us ne ek kapde me bandha hua kuch diya...Naaz ko aur chala gaya...!!! Naaz ne dekha...voh ek loaded gun tha...baht hi chota sa...kahin bhi chupaya ja sakta hai...!!! us ke sath hi ek paper bhi tha... jis me likha tha... "pahle yeh jann ne ki koshish karna ke use kitna pata hai...aur us ke paas koun koun se subut hain...!!! pahle un subuton ko mitana...phir use...!!!" Naaz ne us paper ko jala diya...gun ko apne bishtar ke niche rakha...!!! aur bahar aayi...use pyas lagi thi...pani ka bottle le kar jane hi wali thi ke us ki nazar padi...ki koi andhere me sofe par soya hua hai... us ne lyt jalayi toh dekha...maj Rajveer hi soye hue the...!!! Naaz hairani se un ke paas gayi...baithi aur kaha:- "aap yahan kya karr rahe ho...soye nahi abhi tak...!!!" Rajveer:- "imtihaan se pahle...neend udd jati hai...!!!" Naaz:- "kaisa imtihaan...???" Rajveer:- "hai kuch...jane de...!!! tu ja kar so ja na...baht raat ho chuki hai...!!!" Naaz:- "Naina se related hai...aap ka imtehaan...hai na...???" maj Rajveer ne koi jawab nahi diya...bas ek halki si mushkurahat aayi un ke chehre par... Naaz:- "aap us se itna pyar karte ho...phir use kahte kyoun nahi...!!!! aap bhi toh jante ho na ke voh aap se kitna pyar karti hai...phir bhi...aap chup kyoun ho...!!! plz bhai...jee lo apni zindagi...aur Naina ko bhi jeene do...!!! kyoun khud ko aur use is taklif me rakh rahe ho...???" Rajveer:-"wajah hai...jo main khud is dard me rakh raha hun...!!! main sirf khud ke bare me nahi soch sakta Naaz...!!! mujhe Naina ke bare me bhi sochna hai...us ki khushi ke bare me bhi sochna hai... Naaz:- "aur aap ko lagta hai ke ...aap agar Naina se apne pyar ka izhar kar doge toh voh khush nahi hogi...kyoun...???kya bhai...aap bhi na kya kya sochte rahte ho...!!! yeh aap bhi jante ho aur main bhi ke...aap dono ek dushre ko kitna chahte ho...phir yeh sab kyoun...??? mujhe lagta hai ke mujhe Naina se baat karni padegi ke...'mera bhai Meena Kumari ke zamane ka hai...isiliye voh sharma raha hai...isiliye tum Katrina Kaif ke zamane ki bann kar...khud hi kah do...'...phir dekhti hun...jab Naina khud hi apne pyar ka izhar karegi...toh aap kahan jayoge...!!!" Naaz uthi vahan se jane ke liya...maj Rajveer ne us ka hath thaam kar use phir se bithaya aur kaha:- "tu aisa kuch nahi karegi... Naaz:- "aur voh kis khushi me... Rajveer:- "meri prob samjha kar yaar... Naaz:- "kaise samjhun...puri baat toh aap apne dil ke ander chupa rakha hai toh phir main kaise samjhun...aap bolo...???" maj Rajveer ne use ek pal ke liye dekha phir kaha:- "ek uljhan hai Naaz...baht badi uljhan...!!!" Naaz:- "matlab... maj Rajveer:- "Naina ke parents ko nahi pata ke...Naveen ko marne wala inshan main hi tha...!!! kya voh kabhi bhi apne beti ko us inshan ke sath koi bhi rishta banane denge...jo un ke ek laute bete ka katil hai...!!! haan...main aaj Naina ko apne pyar ka izhar kar dunga...voh baht khush hogi...main janta hun ke us ke dil me mere liye kya feelings hain...voh mera sath kabhi nahi chodegi...!!! magar is ke baad jab us ke parents ko meri sachhai ka pata chalega toh...???? kabhi socha hai Naaz...ke tab kya ho sakta hai... Naaz thodi der khamosh rahi...phir kaha:- "sayad Naina ke parents aap ko maaf na karen...par Naina aap ko galat kabhi nahi samjhegi...!!! voh janti hai ke us waqt halat kya the...phir voh kaise aap ko akela chodegi...aap hi yeh baat sochiye...!!!" Rajveer:- "bilkul thik...main yehi kahna chahta hun...!!! maine agar apne dil ki baat use bata diya...toh Naina kabhi bhi mera sath nahi chodegi...!!! jab us ke parents ko Naveen aur mere bare me pata chalega...toh voh Naina ko mujh se dur karne ki koshish karenge...!!! kyoun ke koi bhi parents...kabhi bhi apne bete ke hathiare ko maaf nahi kar sakta...!!!aur Naina...un ke khilaf jayegi...mujhe support karegi...!!! tujhe pata hai phir kya hoga... maine mr Ahluwalia ke bete ko toh cheen hi liya hai...aur phir meri wajah se Naina bhi un se dur ho jayegi...!!! main kaise un do inshano ko un ke hi bachhon ke liye baar baar hurt karun...Naaz...!!! main bhi toh inshan hun...apno ke bichadne ka ghum mujhe bhi pata hai aur tujhe bhi...!!! toh tu hi mujhe bata ke...kya mera un dono inshano se un ki har khushi cheena na sahi hoga...????" thodi der tak khamosh rahe...maj Rajveer...!!! is sach ke bare me Naaz bhi soch rahi thi... 'haan...sahi toh hai ke...agar Naina ke parents ko is bare me pata chala toh voh kabhi bhi aap ko maaf nahi karenge...aur Naina aur us ke parents ke bich ek mis-understanig ho sakti hai...!!! par bhaiya... kya aise hi hamesha chalega...kuch na kuch faishla toh karna hi padega na...!!! kab tak aap dono yun hi..."...Naaz ne kafi dukhi ho kar kaha... Rajveer...uthe apni jagah se...kuch sochte hue kaha:- "Naina ke parents kal aa rahe hain...yahan...Naina se milne...!!! main is baar nahi hatunga...bata dunga unhe jo sach hai...!!! aage...meri zindagi ka faishla meri kishmat karegi...aur Naina ke parents karenge... Naaz:- 'par aap kabhi bhi kishmat par bharosha nahi karte the...phir aaj kyoun...???" Rajveer:- "kabhi kabhi halat humain is mode par la kar khada kar deta hai ke hum na chah kar bhi us ko kubul karte hain...!!! tu ja kar so ja....!!! mujh kuch sochne de... Naaz uthi apne kamre ki taraf jane ke liye...turn kar ke dekha...maj Rajveer abhi bhi baithe baithe apni uljhan ke sath ladd rahe the...!!! Naaz ke dil se ek dua uthi...'yaa khuda...mere bhai ko aur taklif mat do...use us ki mohabbat de do...!!! baht kuch dekha hai us ne...ab us ki zindagi me khushiyan bhar do... early morning...jab Alekh aur Huda...sath me jogging k liye nikle toh Huda ne kaha:-"abe kaidi...voh dekh...Yudi...Shalini maam ko le kar kis taraf ja raha hai jogging karte hue...!!! saala...us taraf itna kohre ki wajah se itna andhera hai ke jarur chance marega...!!!" Alekh:-"Yudi aur chance marega...??? koi agar samne se aa kar bhi bole na ke aayo...chance maro...tab bhi voh kuch nahi kar payega...!!! phattu saala... Alekh ne dushri taraf dekh kar kaha:- "voh dekh...ek aur hansho ka joda... Pooja kafi tezi se chal kar ja rahi thi...aur Ali us ke piche piche bhag raha tha... 'Pooja hamari baat toh suniye...!!! aap humain galat samajh rahi hain...!!! hum voh bilkul bhi nahi kahna chah rahe the jo aap ne suna... Pooja:- "toh phir maine kaise suna...??? tune kaha tabhi toh maine suna na...huh... Pooja ankhon me anshun liye phir se tezi se chalne lagi... Huda:- "anshun bahane ka copyright na sirf ladkiyon ke paas hain...!!! kabhi khushi ke mare ro deti hain...toh kabhi ghum ke mare...!!! lekin royengi jarur... Alekh:-"haan...agr khushi sur ghum na ho toh 'aiwain' bhi ro deti hain...!!! ab koi agar beauty queen ban jati hai toh muh pe hath rakh ke aise roti hai ke abhi abhi khushi ke mare ulti kar degi... tabhi Huda ke tummy par aur Alekh ke muh par ek zor ka punch pada... dono ko kafi dard hua n gusse se un dono ne paas khade us inshan ko dekha jis ne unhe punch mara tha...toh voh aur koi nahi...bal ke Naina thi... Naina:- "sharam karo nakaro...ladkiyoun ki khinchi karte ho...tumhari maa...behn hai ki nahi...!!!" Alekh aur Huda me sath me sar hila kar mana kar diya... Huda:- "meri sirf mummy jee hain...aur aaj tak maine kisi ko behn banya nahi hai... Alekh:- "apun ke paas toh dono hi seat khali hai... Naina:-"Huda...main abhi aunty ko fone kar ke bolti hun...aur Alekh teri khabar toh Neelu hi achhe se legi...!!! aur yeh kya kah rahe the tum log ke ladkiyan hi roti hain...abhi dekho...jo punch maine tum dono ko mara...us se bhi toh dono ke ankhon me anshun aa gaye...hai ki nahi...???" Huda:-"tu kuch bhi bol phulan...main tere khilaf kabhi nahi jayunga...!!! pata hai kyoun...??? kyoun ke tu jo apne Rajveer sir ki honewali ahem...ahem hai...!!! toh...mere promotion ka khayal rakhna... Naina ke chehre par sharam se halke se lali ubhri us ne use chupane ki koshish karte hue kaha:- "kya bakk raha hai... Alekh:- "vohi bak raha hai...jo tu chupane ki koshish karr rahi hai... Huda:- "tabhi toh maine kaha ke rona aur sharmane ka copyright sirf ladkiyon ke paas hota hai... Naina:- "aur ladkiyoun se peetne ka copyright bhi sirf ladko ke paas hi hota hai...huh... Alekh ne achanak pucha:- "achha Naina ek baat bata...tu humare liye kya kar sakti hai... Naina:- "yeh kya sawal hai... Alekh:- "pahle bata...phir bolta hun... Naina:- "kuch nahi kar sakti...huh...!!! dost ho tum sab mere...hamesha mera khayal rakha hai tum sab ne...har khushi me...har ghum me sath khade hue...!!! aur aaj tu mujhe yeh ajeeb sa sawal puch raha hai... Alekh:- "thik hai nahi puchta...!!! apun toh bas yeh kah raha tha ke...agar tu hum se itna hi pyar karti hai na...toh piche mud kar mat dekhana... Naina...nahi samjhi alekh ki baat:- "kya matlab... Alekh:- "tujhe dukh hoga yaar...piche dekh kar...!!! voh kya hai na...apne Rajveer sir ek khubshurat ladki ke sath hasste hue aa rahe hain...isiliye apun ne bola... Naina bina tym barbad kiye...turn kar ke dekha...par piche koi nahi tha... aage dekha...toh Alekh aur Huda...bhaag chuke the... Naina:- "stupid...idiot...gadhe... kisi ne us ke kandhe par hath rakha toh Naina ne punch marne ke liye apna hath utha liya...bas marne hi wali thi ke...dekha...maj Rajveer khade the...aur hairani se use dekh rahe the... Rajveer:- "Naina...r u alryt.... Naina:- "ahh...haan...!!! voh Alekh aur Huda pareshan karr rahe the... toh maine socha ke vohi hain...isiliye...aap par... Rajveer:- "mujhe tum se puchna tha... Naina:- "jee...puchiye... Rajveer:- "tumhare parents kab aa rahe hain... Naina:- "sham tak pahunch jayenge...!!! main toh aaj busy rahungi... isiliye Ali ja kar unhe yahan le aayega...!!!" Rajveer:- "hmmm...thik hai... Naina janti hai...maj Rajveer us ke parents se milna chahte hain...aur kyoun yeh bhi voh janti hai...!!! use nahi pata ke aage kya honewala hai...par haan us ne faishla kar liya hai ke chahe kuch bhi ho jaye...voh maj Rajveer ka sath nahi chodegi...chahe koi bhi tufan aa jaye...voh hamesha maj Rajveer ke sath hi khadi rahegi.... subah Huda...Naina aur Alekh ko ek meeting ke liye bualaya gaye tha...jo cancel kar diya gaya...!!! sham ko achanak unhe ek call mila...jis ke tahat unhe urgently report karni thi...!!! kareeb 7:45 p.m ko Huda...Alekh aur Naina pahunche vahan par jahan unhe report karne ke liye order mila tha... jab voh teeno pahunche...toh office khali tha...!!!kahin koi bhi nahi tha... Huda:- "yahan toh koi bhi nahi hai... Alekh:- "agar bulaya hai toh ander chal kar dekhte hain ke koi hai bhi ya nahi... Naina...Huda n Alekh...ander gaye...!!! sare rooms bandh the...ek jagah par kuch benches pade hue the...vahan ja kar baithe teeno... Huda:- "yaar...kaidi kuch idea hai tere paas...ki kyoun in logon ne humain yahan bulaya hai...aur voh bhi is waqt...!!! matlab...sare ulte sidhi baat toh sab se pahle tere dimag me hi ghushta hai na toh bata toh zara... Alekh kafi serious tha...kisi dushri ore dekhte hue us ne kaha:-"apun ke dimag me phil haal yeh baat toh nahi hai ke...in logon ne humain yahan kyoun bulaya hai...par yahan kuch solid lafda chal raha hai...!!!" Naina:- "kya matlab...??? Alekh ne unhe ek taraf ishara karte hue kaha:- "voh dekho...us kamre ki ore... Huda aur Naina ne dekha...kafi dur ek room tha...jis ke bahar lock tha aur door par likha tha...col Avinash Rai... par ander kisi ke hone ki aahat thi...kyoun ke us andhere kamre me koi tha...jo torch ke sath kuch sayad dhundhne ki koshish karr raha tha...!!! Naina:-"koi hai vahan...sirf torch ki lyt dikh rahi hai...!!! par agar koi office ka hi aadmi hai toh voh lyt jala kar kaam karga na aise nahi...!!! Huda:- "ek se jyada hain...lekin kuch lafda toh jarur hai...chal kar dekhen...... Naina:- "lekin hum log khali hath hai...koi bhi weapon nahi hai...isiliye sambhal kar... Alekh:- "hum khali hath hi un ke liye jyada khatarnaak honge Naina... chal...aur tym jyada khoti nahi kar sakte... teeno kafi carefully us room ke kareeb pahunche...take koi un ke kadmon ki aahat ko pehchan na sake...... ek khidki ko thoda sa khol kar teeno ne ander jhankne ki koshish ki toh paya...vahan kareeb 7-8 log the...jo us room me kuch dhundhne ki koshish karr rahe the...2 log ek army officer ko kafi majbuti ke sath... pakad rakha tha...us ke muh par patti bandhi gayi thi... ek aadmi ek dushre aadmi ke paas ja kar bola:- "boss...yahan kuch bhi nahi hai...lagta hai...col saheb ne us video ko kahin aur chupa rakha hai...!!!" voh jis se yeh kah raha tha...voh sayad un ka leader tha...!!! jis ne gun us army officer ke sar par laga diya... ek aur aadmi ne kaha:-"col seheb...chup rahne se koi faida nahi hai...bata dijiye voh subut kahan hain...jis se aap humain desh drohi sabit karna chahte hain...varna aap jante hain boss kitna khatarnaak hain...!!! marna toh aap ko vaise hi hai...par bata denge toh maut aasani se mil jayegi...aur nahi batayenge toh maut badi mushkil se milegi... baht tadapenge aap...!!! isiliye aap ki behetari isi me hai ke aap sab kuch bata dijiye...ta ke aap ko bhi sukun mile aur humain bhi... voh army officer kuch bolne ki koshish karr raha tha...!!! us ki muh par bandhi patti kisi ne khol di... pahle us army officer ne thik se saansh lene ki koshish ki...phir kaha:- "main batata hun...par mujhe marna mat...main tum sab ka sath dunga... mujhe chod do... Huda ne dhimi awaz me kaha:-"yaar hum yahan khade khade karr kya rahe hain...ander cholo... Naina:- "nahi...pahle ruk...dekhte hain ke kya ho raha hai...!!!kis chiz ko yeh dhundh rahe hain aur voh army officer kya karta hai... un logon ke bich jo inshan leader lag raha tha...us ne apne aadmi ko kuch ishara kiya...un logon ne us officer ko chod diya... Alekh ne dhimi awaz me kaha:- "sab ke sab ne muh par kala kapda bandh rakha hai take koi unhe pehchan na sake...par us leader par apun ko shaq hai...aisa lagta hai jaise apun use janta hai... Naina:- "main bhi yehi kehnewali thi...aisa lagta hai jaise main use baht achhe se janti hun... achanak us army officer ne ek ke hath se gun cheen liya...aur un ke leader ke sar par gun rakh kar bola:-" baht ho chuka major...ab aur nahi...!!! main tum sab ko deshdrohi sabit kar ke rahunga...!!! tum log army hathiyaron ka smuggle karte ho...!!! bahar bechte ho...!!! mere paas sare subut hain... Alekh:- "ab apne entry lene ki bari aa gayi hai...chalo chalte hain take in deshdrohiyon ko maza chakha saken...!!! un teeno ne jaise hi khidki khol kar ander dakhil hue...tabhi...goliyan chali...jo us army officer ke lagi...voh chillya... Naina tab tak lyt on kar chuki thi...!!! achanak un par kuch log jhapte...aur goliyan chalni suru hui... Alekh...Huda...Naina ne khud ko chupaya...!!! Huda ne us officer ko ek taraf khinch kar le gaya...jinhe goli lagi thi... Huda chillaya:- "Alekh...inhe jaldi se hospital le kar jana padega...goli dil ke kareeb lagi hai... par bullets ki awaz jyada aa rahi thi... achanak koi zor se chillate hue kaha:- "koi goli nahi chalayega...!!!" firing bandh ho gayi... Alekh...Naina...aur Huda ne suna:-"mujhe tum teeno se baat karni hai...bahar aa jayo... voh teeno yeh awaz sun kar hairan the...khamosh...jaise...unhe kuch sunayi nahi de raha tha... teeno apni apni jagah e bahar aaye...samne maj Rajveer khade the... Alekh:- "sir aap...???" Rajveer:- "haan...main... Huda:- "aur yeh sab... Rajveer:-" tum logon ka is se koi lena dena nahi hai...!!! na tum logon ne yahan kuch dekha...aur na hi suna...!!! jitni jaldi ho sake yahan se chale jayo...aur kisi ko kuch kahne ki jarurat bhi nahi hai...jo kuch bhi tum sab ne yahan dekha...voh bhul jayo... Alekh ka chehra kafi rude dikh raha tha... Alekh:- "aise kaise bhul jayen sir...humain khud dekha hai aap ko ek army officer par goli chalate hue...aur voh bhi...yeh kahte hue ke aap deshdrohi ho... Rajveer:- "koi kuch bhi kahega toh kya tum maan jayoge...kya tum sab mujhe nahi jante...??? kya tum logon ko lagta hai ke main aisa kuch bhi kar sakta hun... Naina:- "nahi...mujhe nahi lagta ke aap aisa kuch bhi kar sakte ho... jarur koi wajah rahi hogi... Huda:- "Naina tu kya bakk rahi hai...tune vohi dekha...vohi suna...jo hum sab ne dekha aur suna...phir bhi tu yeh bol rahi hai... Naina ne turn kiya Huda ki taraf aur kaha:-"haan...main phir bhi yehi kah rahi hun...ke Rajveer sir...aisa kuch nahi kar sakte... Huda aur Alekh ne Naina ke ankhon me ek ajeeb si udaashi dekhi... kuch boond anshun ke sath... Naina turn kar ke Rajveer ke paas gayi aur kaha:-"par main is baat ka kaise yakeen kar lun sir...ke aap ne ek nihatte par goli chaliyi...aur is baat ke liye ke voh kah raha tha...aap deshdrohi ho...!!! agar yeh sab jhuth tha...toh phir aap kis subut ko dhundh arhe the... maj Rajveer ne naina ka hath thaama aur kaha:- "mera yakeen karo Naina...main koi galat kaam nahi karr raha hun... Huda:- "toh phir yeh smuggling... maj Rajveer kuch der tak khade rahe...phir kaha:- "okay...fine...main tum sab ko sach sach bata raha hun...aur main janta hun ke tum sab bhi POV ko samjhoge... thodi der khamosh rahne ke baad maj Rajveer ne kaha:-"kafi sapne le kar maine army join ki thi...!!! apne desh ke liye jaan dene ki jazba lete hue...par hua kya...mujhe gaddar sabit kar diya gaya...jis ki wajah se mujhe mahino chup kar jeena pada...!!! yahan sirf senior officers ki chalti hain...jin ka upar tak hath ho...varna aap yahan kuch nahi...!!! sayad maine galat kiya hai army ke sath...is desh ke sath...!!! par mujhe is army ne is desh ne bhi toh gaddar sabit kiya tha...!!! aaj agar main apne liye kuch paise kamane ki koshish karr raha hun toh is me galat kya hai...mujhe bhi apne future ke bare me sochna hai...use secure karna hai... Naina ke kadam dag magaye...us ne kaha:- "jhuth... maj Rajveer ne turn kar ke dekha... Naina ke ankhon me anshun the:-"aap hamare Rajveer sir ho hi nahi sakte... Huda:- "hum aap ki izzat karte the sir...lekin ek aaj jo kuch bhi dekha...us ke baad... Rajveer:- "samajhne ki koshish karo tum teeno...!!! 10-12 hajar ke naukri ke liye hum apni jaan nahi de sakte...!!! agar humain mauka mil raha hai paise kamane ki toh phir harz hi kya hai... Alekh:- "voh toh apun tab bhi kamata tha sir...jab apun army me nahi tha...!!! lekin aaj aap ko is tarah se dekh kar apne aap par gheen aane lagi hai... Huda:- "Alekh...jyada baat kar...tujhe pata hai humain kya karna hai...!!! aur maj Rajveer...chahe hamari jaan le lo...par hum tumhare chehre se mukhota utar kar rahenge...!!! Rajveer:- "soch lo...tum teeno...maut...ya mera sath...!!! kyoun ke agar main na bhi chahun tab bhi mere sathi tum sab ko mar denge...!!! isiliye bhalayi isi me hain ke tum sab mera sath do... Naina thoda kareeb aayi maj Rajveer ke aur ankhon me jhankte hue kaha:-"aaj phir se aap par shaq ho raha hai ke aap ne jaan bujh kar Naveen bhaiya ko mara tha...!!! sayad guilty aap the...aur sayad khud ko bachane ke liye aap ne Naveen bhaiya ko... ek dard dikhyi diya maj Rajveer ke ankhon me... Alekh ne Huda ki taraf dekha...kuch ishara kiya...!!! achanak dono ne apne paas khade do inshano ko jakad liya aur un ke hath se gun cheen kar...un ke sar par laga diya... Alekh:-"baht ho gaya sir...!!! aap apun ko yeda samajh rakha hai kya...ke aap kuch bhi bolte jayoge aur apun log sunta jayega...!!! ratti bhar bhi apun ko aap ke baat par bharosha nahi hai...!!! sach sach batayiye kya ho raha hai...aur... voh dono kuch aur bol pate...maj Rajveer ke gun se do bullets achanak chali jo ja kar lagi...un dono ke seene me jinhe Alekh aur Huda pakad rakhe the...voh dono gire zameen par... Naina ke sath sath Alekh aur Huda bhi hairan the... Rajveer:- "is group ka rule hai...agar koi bhi member pure group ke liye khatra sabit hota hai toh use turant maar diya jaye...!!! chahe main khud hun ya phir aur koi bhi... achanak goli lage us army officer ki taraf maj Rajveer ki nazar gayi...jo apna cell fone hath me thame kisi se baat karne ki koshish karr raha tha...!!! maj rajveer ke hath me pakde gun se do bullets chali jo ki us army officer ko lagi...sath hi ek aur bullet chali jo maj Rajveer ke seene me ja lagi... sabhi ne hairani se dekha...Naina ke hath me gun tha...halki si dhuyan nikal rahi thi us me se... tabhi achanak se us room ka darwaza khol kar kuch army officers ander ghushe...!!! maj Rajveer ke paas khade un ke baki ke sathi ne apne face par se mask hataya...aur unhe salute karte hue bahar chale gaye...jin do logon ko goli lagi thi...aur Alekh n Huda ke paas gire hue the...voh bhi uth kar chal gaye...!!! jis army officer par goli lagi thi...voh bhi utha aur maj Rajveer ke paas aa kar khada hua...!!! Huda...Alekh aur Naina...hairan the... maj Rajveer thoda aage aaye Naina ke kareeb aur us ke hath se us gun ko lete hue kaha:- "yeh gun asli thi lft Singh... col Eai ne tabhi kaha:- "n thank god ke aap ne bullet proof jacket pehn rakhi thi... Huda...Alekh...Naina...sabhi hairani se unhe dekh rahe the...!!! Naina ke ankhon se abhi tak anshun the...chehre par udashi aur gusse ka mila jula xpression... vahan khade ek army officer ne kaha:- "well done officers......!!! yeh ek mock-drill tha...aap sab ke next mission ke liye...!!! mission thoda confidential hai...isiliye us se pahle humain yeh jan na tha ke aap sab par hum kitna trust kar sakte hain...!!! hala ke maj rajveer ne toh aap sab ki gurrenty le li thi...par humain bhi toh khud ko yakin dilana tha...isiliye...!!! abhi aap ko next instructions maj Shekhawat denge...!!!" Naina ki nazar abhi tak maj Rajveer par hi tiki hui thi...xpression vohi tha...par voh thodi si naraz dikh rahi thi...!!! maj Rajveer ko maza aa raha tha...naina ko unhe is tarah se dekhte hue... unhone Naina ki taraf bina dekhe...Huda aur Alekh ki taraf dekh kar kaha:- "main confident tha ke tum teeno is drill me pass kar loge...!!! bas darr tha ke tum teeno me se kisi ne agar asli gun chala di toh kya hoga...!!! thank god ke Naina ne mujh par goli chalayi...aur gun asli thi... Naina ne thode gusse me kaha:-"aap ne jaan bujh kar is table par asli gun rakhi thi...take hum me se kisi ke bhi hath me agar yeh aaye toh voh aap par goli chalaye...!!! Rajveer:- "haan...aur phir yeh mere liye kafi aashan bhi hota ke mujhe shoot karnewale mere student hi the... Huda:- "sir ek baat kahun...!!! aaj mujhe pahli baar lag raha hai ke... kaash main aap ka senior hota... Huda ke awaz se gussa saaf jhalak raha tha... maj Rajveer sab ke reactions par hass rahe the...phir paas khade Salim Khan ki taraf ishara kar ke bole:- "yeh Salim Khan hai...!!!yeh kal tum sab ko batayega ke hum apne next misson ke bare me discussion ke liye kahan mil rahe hain...!!! aur yaad rahe...is bare me kisi ko bhi pata nahi honi chahiye...!!! jo yahan hua...ya phir jo hum discuss karenge...voh aap kabhi bhi kahin bhi bahar is bare me baat nahi karenge...!!! jo bhi baat karni hogi...voh tabhi hoga...jab hum yani ke is mission me jude sabhi log sath me honge...!!! ab kisi ko kuch aur puchna hai... Huda:-"puchna toh baht hai sir...lekin aaj nahi...!!! maj Rajveer phir se hasse...aur kaha:- "abhi aap sab camp wapas ja sakte hain...!!! next kab aur kahan milna hai yeh aap ko Salim Khan batayega...!!!" Alekh bad bad karta hua ja raha tha:- "ghanta batayega...dimag ka faluda bana kar rakh diya hai... bahar corridor me jate jate Alekh ne huda se kaha:-"ek bottle ki shakht jarurat hai yaar...dimag fatt raha hai apun ka...!!! yeh Rajveer sir ki satak gayi hai lagta hai...kabhi bhi kuch bhi karte rahte hain... un ke piche aate hue Salim Khan ne kaha:- "pahle voh role main karnewala tha...par sir jee ne kaha ke voh karenge..!!!" Huda ne us ki taraf turn kar ke bola:- "sahi hota na...tumhe goli marte hue...ya phir do char kaan ke niche dete hue zara bhi taklif nahi hoti...kyoun ke hum toh tumhe jante hi nahi the...hai na...par Rajveer sir...huh... Alekh:- "apun ko bura is baat par lag raha hai ke...apun ne Rajveer sir par shaq kiya aur voh bhi is tarah se... Huda:- "jyada soch mat kaidi...sir hain hi is layak...!!! ajeeb ajeeb se karname karte rahte hain...!!! tu sahi tha...aise namune...12000 saal me ek hi baar aur baht tapashya karne ke baad hi paida hote honge... Salim Khana thoda shocked hua...Huda ki baat sun kar...khair ab toh use unhi ke sath kaam karna hai... Salim Khan:-"lft Singh...piche rah gayi... Alekh:-"de rahi hogi sir ko kharcha pani...!!! vaise ek baat bata... Huda...yeh sir kya kah rahe the...con...fi...phir voh senior officer bhi kuch kah raha tha...con...fi...den...!!! apun ko dono shabd ek jaise hi lage... Huda;- "voh officer kah rahe the ke voh mission confidential hai...aur Rajveer sir kah rahe the ke voh confident the ke hum ulluyon ko gadha bana kar chodenge...!!! Alekh:- "kya farq hota hai...confident...aur confidential me..???" Huda:-"main tujhe na detail me samjhata hun...confident matlab...!!!! hum confident hain ke maj Nair ek no ka luchha...lafanga...aur gaddar tha...!!! aur confidential ki baat yeh thi ke... ke voh Lala Gehlot ke liye kaam karta tha...!!! samajh gaya... Alekh:- "haan...samajh gaya...!!! matlab Rajveer sir confident the ke humain ullu bana kar rahenge...aur confidential bole toh...hum ullu kis liye aur kyoun bane yeh baat hum kisi ko bhi nahi bata sakte... Huda:- "ek dam sahi bola... Salim Khan hass raha tha...in logon ki baat sun kar...!!! use kam se kam is baat ka yakin hi gaya tha ke is mission me in sab ke sath kaam karne me maza aayega... Naina vaise hi khadi maj Rajveer ko dekha phir dhire se kaha:- "aap chahte toh aap ki jagah koi aur bhi ho sakta tha... phir bhi aap khud aaye samne...aur voh bhi is tarah se...!!! aap par goliyan chalane ke liye majbur kiya...jaan bujh kar...!!! aap mujhe yaad dilana chahte the na...ke maine pahle bhi aap par goli chalayi thi...aur phir Naveen bhaiya ki baat... maj Rajvevr ne kafi shant khade the...dhire se unhone kaha:-"Naina... yeh sirf ek mock drill tha...aur kuch nahi... Naina:- "yessss...yeh sirf ek mock drill tha...!!! par main khud sharmindagi mehshush karr rahi hun...!!! maine kyoun cheda voh baat jo aap ko bhi taklif deti hai aur mujhe bhi... aur kuch kahe bina Naina vahan se jane lagi...maj Rajveer ne jate hue Naina ka hath thama... Rajveer:- "tum ne kuch bhi galat nahi kiya hai...Naina...!!! jo us waqt kiya voh sahi tha...!!! agar tum sab kuch dekhne ke baad bhi yakeen karti toh main fail ho jata...!!! kyoun ke maine apne seniors se pahle hi kaha tha ke mere cadets...apni duty ke aage kisi ki nahi sunte... Naina:- "aap naraz nahi ho mujh se... Rajveer:-"bilkul nahi... Naina:- "pakka... Rajveer:- "pakka... Naina:- "thik hai...par main naraz hun aap se...!!!" Rajveer:- "par maine kya kiya...voh sab toh... Naina:- "mujhe koi xplanation nahi sun ni hai...main bas naraz hun... matlab naraz hun...aur...(thodi der rukne ke baad dhire se naina ne kaha)...mujhe naveen bhaiya ki baat nahi bolni chahiye thi... SORRY... par sach me yeh baht mushkil tha... Rajveer:- "lekin Naina... Naina chali gayi... maj Rajveer ne upar dekh kar kaha:- "yaar...Naveen...ek baat bata... teri behn apni sari pagalpan mere samne hi kyoun dikhati hai...??? bachhon ki tarah ladti hai...naraz ho jati hai...!!! kuch ho sakta hai kya...teri behn ka...!!! agar koi idea hai toh de... kahte hue Rajveer chala gaya...kaash meri baat bhi voh sun pata...jo main kahna chata tha us se...ke"Raj...tu janta hai meri behn tujhe kitna chahti hai...!!! ladti tere sath hi hai...bina wajah naraz bhi tere sath hi hoti hai...kyoun ke ab tu us ki zindagi ban gaya hai...!!! ek baar apni dil ki baat bata de use...!!! us ki voh mushkan aur khushi dekhne ko tarash gaya hun main...!!! sari uljhan ko mita kar ek baar tu meri behn ko sab bata de...!!! tum dono hi toh ho mere sab se kareeb...aur tum dono ko sath dekh kar sab se jyada khushi bhi toh mujhe hi hogi na... end of d epi... ***************** plz do comments or press d LIKE button. | 
Members Lounge
290