Episode:-12
Maj Rajveer ne ek jhatke k sath apni ankhen kholi...Naina abhi bhi un k bahon me ankhain band kiye samaye hue thi...
koi fariyad...tere dil me
dabi ho jaise:-2
tune ankhon se
koi baat kahi ho jaise...
jagti jagti ek umr kati ho jaise...
jaagti jaagti ek umr kati ho jaise...
jaan baki hai magar...
saansh ruki ho jaise...
koi fariyaad tere dil me
dabi ho jaise...
Maj Rajveer ne Naina ko apne se dhire se alag karte hue kaha:- "ab humain chalna chahiye...!!! voh sab vahan hamara intezar karr rahe honge...!!!"
Maj Rajveer ne turn kiya jane k liye...toh Naina ne piche se kaha:- "sir...
Maj Rajveer ne turn kar k dekha us ki taraf...hala ki ek halki si mushkurahat abhi bhi thi un k honthon par...jis ka matlab Naina samajh rahi thi...
Naina:- "sorry...Raj...!!! actually main puchna chahti thi ki...hum kitni der me wapas aayenge...???"
Maj Rajveer:- "kyoun...??? tumhe koi aur kaam hai...???"
Naina:- "nahi...voh maa se thik se baat nahi ho pa rahi thi...network me kuch prob tha sayad...!!! toh soch rai thi ki aane k baad unhe phone karungi...!!!"
Maj Rajveer:- "agar koi urgent baat hai toh...hum jaldi aa jayenge...!!!'
Naina:- "nahi...urgent baat nahi thi...!!! bass...aaj mann kar raha tha ki maa se kuch der baat karne k liye...!!! pata nahi kyoun...par aaj...mujhe kuch ajeeb si feeling ho rahi hai...!!! aisa lagg raha hai ki jaise kuch bura ya phir baht bura honewala hai...!!!"
Maj Rajveer thoda distracted se jawab diya:- "nahi...Naina...kuch bura nahi hoga...!!! main jab tak zinda hun tab tak...tumhare sath kuch bura nahi hoga...yeh vaada raha..."
har mulaqaat pe
mahshush yahi hota hai...:-2
mujh se kuch
teri nazar puch rahi ho jaise....
cut to Huda......
'mere sapno ki rani kab aayegi tu...
aayi rut mashtani kab aayegi tu...
beeti jaye zindagani kab aayegi tu...
chali aa tu chali aa............................."
Huda free style se apni bike chalata hua ja raha tha...
rashta sunsan tha...sayad aaj sardi thodi jyada thi...isiliye...
achanak koi bhaagti hui us k bike k samne khadi hui...
Huda ka bike ladkhadaya...
Huda:- "hooo...teri...
kisi bhi tarah se us ne khud ko sambhalte hue dekha...samne ek ladki khadi thi...!!! jyada se jyada 18-19 saal ki hogi...khubshurat si...magar thodi dari aur ghabrayi hui si...us k kandhe par ek bag tha...
Huda:- "khudkushi karna chati thi toh kisi truck k samne jana tha na...!!! bekar me is fauji ko fassa deti...!!!"
dat girl:- " main baht mushibat hun...!!! meri plz thodi si help kar dijiye...!!!"
Huda ne use sar se pair tak ek nazar dekha aur kaha:- "kaisi help...???"
dat girl:- "mujhe town tak jana hai...!!! kya aap mujhe vahan tak lift de sakte hain...???"
Huda:- "haan...de sakta hun...!!! lekin us se pahle tumhe mera ek kaam karna padega...!!!"
voh ladki darr kar thoda piche hati...aur kaampte hue honthon se kaha:- "kaisa kaam...???"
Huda...apni bike se utra...aur us k kareeb ja kar kaha:- "tumhe lift dene se pahle tumhe mujheeeeeeeeee.......................... chunti kaatni padegi...!!!"
voh thodi hairan hui aur kaha:- "kyoun...???"
Huda:- "kya...kyoun...??? raat k is waqt...agar sunsan sadak par ek khubshurat si ladki safed salwar suit me mile toh us se chunti kaat leni chahiye...!!! samjhi...??? pata nahi...aage ja kar pata chale ki tum 'bhut ya chudail' nikli toh...???"
us ladki ko kuch bhi samajh nahi aaya phir bhi us ne Huda ko chunti kaati...
Huda:- "aaahhhh...dhire...!!! jab tumhe khud yakeen tha ki tum insaan ho...bhut nahi...phir itne zor se kyoun chunti kaati...???"
dat girl:- "sorry...!!! kya hum jaldi se yahan se ja sakte hain...??? sayad voh gunde phir se yahan par aa jayen...???"
Huda:- "gunde...???"
dat girl:- "jee haan...!!! hum apni saheli k ghar se aa rahe the...aur bich rashte me humain 5-6 gundon ne picha kiya....toh hum bhagte hue yahan par aa gaye...aur aap se mulakat ho gayi...!!!"
Huda:- "tumhe jana kahan hai...???"
dat girl:- " old town me mera ghar hai...!!! mujhe vohin par jana hai...!!!"
Huda:- "thik hai baitho...!!!"
us ladki ne apne bag se ek burkha nikala... aur use pahn kar piche baithne wali thi ki Huda ne phir rokk liya
dat girl:- "kya hua...???"
Huda:- "hmmmm....main kuch soch raha hun...??? kyoun na tum apni yeh bag apne pet k paas chupa do...!!! taki tum pregnent lago...???"
voh thodi hairan hui aur kaha:- "kyoun...???"
Huda:- "dekho simple si baat hai...!!! rashta sunsan hai...agar voh gunde tumhe picha karte hue aaye toh mujhe un ka samna karna padega...!!! aur main koi Krish part 2 toh nahi ki un ko udte hue fight karun...aur is sun-shan sadak par aur koi hai bhi nahi jo hamari help kare...!!! tum is tarah se baithogi toh unhe shaq bhi nahi hoga ki voh tum ho...!!! aur tum aaram se apne ghar pahunch jayogi...miss...!!! kya naam hai tumhara...???"
dat girl:- "noorrr...Nirupama...!!!"
us ne thoda ghabrate hue kaha...
Huda ne kuch nahi kaha...hala ki use pata chal gaya tha ki voh ladki apna sahi naam nahi bata rahi thi...
us ladki ne us bag ko apne tummy k paas kurte k ander aise rakha jaise ki voh ek pregnent ladki ko...!!!
Huda:- "toh miss UPMA...chalain...???'
dat girl:- "Upma...nahi...Nirupama...???"
Huda:- "ek hi baat hai...UPMA ho ya IDLI...!!! matlab toh jane se hi hai na...??? baitho...!!!"
town me pahunchne k baad...us ne jiss taraf kaha us taraf Huda use le ja raha tha...
tabhi ek jeep aa kar ruki...
ek 50-60 saal ka aadmi utra...aur Huda k samne aa kar usi ladki ka photo dikhya aur kaha:- "aap ne kahin dekhi hai is ladki ko...!!!"
piche se us ladki ka hath...jo Huda k kandhe par tha...voh tight ho chuka tha...Huda samajh raha tha...
Huda ne us tashveer ko kafi gaur se dekha...phir us aadmi se bola:- "koun hai ladki...??? aap ki beti hai kya...???"
voh inshaan kafi gusse se bola:- "tumhe is se kya...??? tum sirf itna batayo ki tum ne is ladki ko kahin dekh hai ya nahi...!!!"
Huda ne apne bike k piche baithi us ladki ki taraf ishara kar k kaha:- "chacha jaan... jab se shaadi hui hai na...!!! tab se is ne meri lagam khinch rakhi hai...ab koi bhi ladki...maa...bahn kuch bhi dikhai nahi deta mujhe...!!! ab dekho...is halat me bhi ( us k tummy ki taraf ishara kar k bola) voh mere sath aadhi raat ko ghumne nikli hai...!!! ab kya karen...begam ki baat nahi maange toh raat ko chanda k paas bhej degi sone k liye...???"
dat man:- "kya...??? Chanda...???"
Huda:- jee haan...in ki billi ka naam hai...Chanda...!!! achha ab hum chalte hain...???"
us ne phir se bike start ki...us aadmi ne use phir se roka aur kaha:- "mujhe tumhare biwi ki shaqwal dekhni hai...???"
us ne kafi gusse se kaha...
Huda ne mushkurate hue jawab diya:- "jee kyoun nahi...??? par kya hai na...'muh dikhai' ki rashm toh nikah k dushre hi din ho gaya tha... aap tab kahan the...??? aaye kyoun nahi...??? aur agar vahan aa kar nahi dekha...toh yahan main toh hargiz nahi dikhayaunga...!!! aap ghar aa jayo...aur haan sath me koi taufa lana mat bhuliyo...!!! kya hai na...dulhan ka chehra pahli baar dekhne k liye kuch neg toh dene hi padenge na...!!! achha chacha jaan... khuda-hafiz...
us ne apne jeb me se dhire se ek gun nikal kar thoda sa Huda ko dikhate hue kaha:- "jitna kaha ja raha hai utna hi karo...varna...
Huda;- "varna kya...??? varna kya karoge...haan...
Huda ne thoda zor se kaha...aas paas jitne bhi log the...kuch policewale aur army wale voh bhi vahan par aa gaye...
Huda vahan naya hai...koi use janta nahi hai...us ne zor se kaha:- "dekhiye dekhiye...!!! kaise inshaan hain yeh...!!! arre umar ho gayi hai aap ki ja kar allha ko yaad kijiye aur kahiye ki aap k sare gunah ko maaf karen...??? par nahi...inhe meri begam ka chehra dekhna hai...!!! boliye janab...kya karun main in ka...???"
do policewale aur char army walon ko dekh kar voh budha thoda sa dara...us jeep me se ek aur aadmi nikla aur kaha:- "maaf kijiye janab... chacha jaan ki beti kahin chali gayi hai...toh voh unhe dhudh rahe hain...!!! isiliye thodi si gushtakhi kar di...inhe maaf kar dijiye aur aap jayiye...!!!"
Huda us ladki ko le kar chala gaya...
town k baht ander jane k baad...us ladki ne ek ghar k samne use rukk ne kaha...Huda ruka toh us ne kaha:- "aap ka baht baht shukriya...!!! aap nahi hote toh voh mujhe...
aage us ne kuch nahi kaha...
Huda:- "voh kya sach me tumhara baap tha...???"
us ladki k ankhon me anshun the...us ne dhire se kaha:- "mere abbu ka intkaal ho chuka hai...!!!"
voh chali gayi...
Huda bhi wapas aa gaya...hala ki rashte bhar use us ladki ka chehra dikhai de raha tha...
voh ladki jis ghar k samne se utri thi...us ghar k darwaze par dastak di us ne...darwaza ek aadmi ne khola
dat man:- "koun hai...???"
voh ladki:- "chacha jaan main hun...NOOR...!!!"
voh ander aa kar boli...
us aadmi ne darwaza band kar diya...aur Noor ko ander le gaya...
Noor ne apne bare me bina kuch kahe sirf ek hi sawal pucha:- "Naaz apa ki koi khabar hai aap k paas...???"
cut to RN......
Maj Rajveer...apne asusal tarike se drive karr rahe the...!!! matlab... nazar samne thi...par dimag kahin aur...
Naina sab kuch notice karr rahi thi... par use samajh me aa gaya tha ki Maj Rajveer tab tak kuch bhi nahi batayenge...jab tak ki voh khud na chahe...
Naina ko rajveer ka is tarah se khamoshi achhi nahi lag rahi thi...us ne apni ankhen band ki...seat par thode relax ho kar baithi...
raah chalte hue akshar
yeh gumaan hota hai...:-2
voh nazar...
choop k mujhe dekh rahi ho jaise:-2
is baar Maj Rajveer ki nazar padi Naina par...
Maj Rajveer:- "kya baat hai Naina...??? kafi tired lagg rahi ho...???"
Naina ne ankhen kholi aur halke se smile karte hue kaha:- "nahi tired nahi hun...!!! bass aap k sath jane se boring mehshush ho rahi hai...!!!"
Maj Rajveer:- "kya...???"
Naina:- "aur nahi toh kya...??? aap k paas itni khubshurat ladki baithi hui hai...'i hope ki main aaj achhi lagg rahi hun...aap ne khud hi kaha tha'...aur aap ho ki apne GF k bare me soch rahe ho...!!!"
Maj Rajveer mushkuraye aur kaha:- "maine tum se pahle bhi kaha tha naina...ki meri koi bhi GF nahi hai...!!!"
Naina:- "voh toh tab kaha tha jab main aap ki cadet hua karti thi...!!! matlab...aaj se kaiiiiiiiiiiiiiiii saal pahle...!!!"
Maj Rajveer (still smiling): Naina...tum 'kaiiiiiiiii' ko itna lamba khinch karr kah rahi ho ki jaise yeh baat 40-50 saal puarani hai...!!!"
Naina:- "okay...itni purani baat nahi hai...par purani toh hai hi na...??? ab dekhiye har roz dil ka rishta badalta hai...!!!kab...koun... kis waqt kis k dil me aa jaye...pata hi nahi chalta...!!! Shahid kapoor ko thode hi na pata tha ki itne salon k romance k bich achanak Kareena ko yeh ehsaash hoga ki voh Saif Ali khan se pyar karti hai...!!! vaise hi...sayad tab aap ki lyf me koi nahi tha...par sayad ab ho...???
Maj Rajveer ne ek cute si smile apne hontho par liye Naina ki taraf dekha...
Naina:- "hai na...???"
maj Rajveer:- "kya hai...???"
Naina:- "matlab aap ki lyf me koi hai na...???"
maj Rajveer ne apni nazar road par rakhi...hala ki un k honthon par mushkaan abhi tak tha...phir unhone kaha:- "agar main 'haan' kahun toh...???"
Naina:- "pahle kar k toh batayiye...???"
maj Rajveer:- "thik hai...agar tumhari yehi ZIDD hai toh yahi sahi Naina...!!!"
voh thodi der khamosh rahe...phir mushkurate hue Naina ki taraf dekh kar kaha:- "haan...Naina...meri zindagi me bhi koi hai...!!! baht khaash...baht spl...!!! ab batayo...tumhe kya kahna hai...!!!'
Naina...thodi der khamosh rahi...phir kaha:-" aap mujhe un se ek baar milyenge...???"
maj Rajveer ne Naina ki taraf bina dekhe kaha:- " kyoun...???'
Naina:- "mujhe un se kuch kahna hai...!!!"
maj Rajveer:- "kya...kahna hai tumhe...???"
Naina:- 'main bass unhe itna kahna chahti hun ki 'koi inshan agar achha hai toh us ki zindagi me khushiyaan honi chahiye...!!! par koi inshaan agar baht achha hai...aap ki tarah...toh us ki zindagi me sirf sirf mushkurahat honi chahiye...!!!' main un se sirf itna hi kahungi ki chahe kuch bhi ho jaye voh kabhi aap ka sath na chodain...kabhi aap se dur na ho...aap ki har ek sukun aur mushkurahat ki wajah voh khud bane...!!!"
maj Rajveer ko Naina ki awaz me ek dard ka ehsaas hua...unhone achanak se car me brk lagayi...
ek lamhe me simat aaya hai...
sadiyon ka safar...:-2
zindagi tez...
baht tez chali ho jaise...:-2
Naina ne hairani se dekha...maj Rajveer k taraf...
maj Rajveer ne Naina ko bina dekhe kaha:- "hum apni manzil par pahunch gaye hain Naina...!!!"
Naina ne dekha...un ki car...'wild Grass' k bahar thi...
Naina car se utri...janewali thi ki maj Rajveer ne piche se kaha...
maj Rajveer:- "Naina...
Naina ne turn kiya maj Rajveer...car k paas khade the...
maj Rajveer:- "tum us ladki se baht jald milogi Naina...!!! bass thodi si uljhan hai...use main apni zindagi se hata dun...phir main khud tumhe us ladki se milayunga...!!!"
Naina k chehre par ek mushkurahat aayi...
Naina ne khud se kaha:- "mujhe apni zindagi k har kadam ko khushi denewale ki zindagi me bhi baht sari khushiyaa honi chahiye...!!! God... meri sari khushiyaan le lena...meri zindagi dard aur anshuyon se bhar dena...par mere Rajveer sir...mere Raj ki zindagi khushiyon se bhar dena...!!!"
cut to Huda...
lawn me khada ek ladki k sath flirt karr raha tha...
Huda:- "tumhe pata hai...bhagwan ne tumhe furshat se banaya hai...!!!"
tabhi piche se Alekh aa kar Huda se bola:- "abe tu yahan khada hai...??? teri dushre no ki biwi tere tishre no k bete k sath hath me jhaadu liye tujhe dhudh rahi hai...!!! main bhi bhaagta hun...tu bhi bhaag ja...varna aage ka kuch pata nahi...!!! mere future k bare me toh mujhe pata hai...!!! par tere future toh ek damm ' sanjay leela bhnashali k film ki tarah BLACK hi honewala hai...!!!"
us ladki ne gusse se Huda ko dekha aur chali gayi...
Huda:- "kya kiya...??? khud shadi shuda hai...toh kya mujhe bhi ladkiyon se dur rakhega...???"
Alekh:- "voh chod...yeh bata ki tu us ladki se bol kya raha tha...use khuda ne furshat se banaya hai...???"
Huda:- "haan...tujhe nahi pata hai kya...ki 'voh uparwala har aaltu-faltu chiz furshat se banata hai...!!!"
dono ja kar Yudi k paas baithe...
voh bichara...chup chap idhar udhar dekh raha tha...
Huda:- "kya baat hai Yudiye...??? bada fresh lag raha hai...akhir tu mard bann hi gaya hun...!!! bol bol...doc Shalini k sath aate waqt kya hua...!!! kuch shan-shana nan shain shain...hua ki nahi...???"
Alekh:- "kya bacche ko bigad raha hai Huda...!!! tu us ki mat sun Yudi...mujhe bass itna bata ki tune rashte me kitni baar suddern brk mari hai...
Huda aur Alekh ne h-5 kiya...
Yudi:- "ho gaya tum dono ka...??? main yahan par kitne tension me hun tum dono ko pata hai...???"
tabhi Ali aa kar baitha un k paas:- "Huda bhai ko bhainsh aur ladki... aur Alekh bhai ko bottle k alawa aur kuch pata hai jo aap in dino se yeh sawal puch rahe ho...???"
Huda:- "tujhe sab pata hai usool...??? tu hi bata de...ki yeh itna hairan-pareshan kyoun dikh raha hai...???"
Pooja ne ek glass orage juice le kar aayi un k kareeb baith kar boli:- "ali kya khak batayega...tum dono ko...??? aaj tak khud ki love story thik se use pata bhi nahi hoga...aur voh Yudi k love lyf k prob me kya batayega...??"
Ali:- "aap ko aisa lagta hai Pooja...??? thik hai...hum aap ko batate hain...Yudi bhai ki prob yeh hai ki voh apne aur doc Shalini k rishte ko aage badhana chahte hain...ek naya naam dena chahte hain...par unhe samajh me nahi aa raha hai ki voh yeh sab kaise karen...???"
Alekh:- "bass...itni si prob...??? tu ek kaam kar...ek chitthi likh de...doc Shalini ko...apne sare dil ki baat shabdon ki zuban se likh dal...!!! kuch agar samajh me na aaye...toh Ali ki madat le lena...!!! vaise bhi us k words itne bhaari hote hain ki hamare samajh me nahi aata...!!! aur phir Shalini maam k samajh se bhi bahar hogi... aur voh tujhe jarur samajh jayengi...!!! lekin ek baat yaad rakhna...khat khun se likhna...!!! voh doc hain aur army me bhi ...isiliye khun ki keemat janti hai...kuch samjha...???'
Yudi:- arre yaar yahan love letter likhna kis ko aata hai...???"
us ne dushri taraf dekha...jahan Shalini, Neelu, Naaz aur Ghunny baithe baat karr rahe the...!!!"
Huda:- "bilkul sahi...??? love letter likhna bada mushkil kaam hai...aur phir love letter likhna aata bhi kis ko hai...??? school se le kar college tak jab bhi humain letter likhne k liye kaha gaya...toh teacher bolte the...'bachho...apne papa k paas khat likho...maa k paas khat likho... dost ki badi behn ki shadi me kaise samil hue the us par khat likho...??? ' aare yaar...aaj tak na toh school me aur na hi college me kisi ne bhi sikhya hai ki 'mehbub ko apne dil k dard ko bayan kar k khat likho...' aur yeh baat kisi ne sikhayi bhi toh nahi...!!! aur Yudi khat likhega aur voh bhi khun se...!!! jaane de...
Ali:- "aisa bilkul bhi mat karna Yudi bhai...!!! pata hai us k baad kya hoga...??? Shalini maam bhagti hui aap k paas aayengi...par aap k gale lagane k liye nahi balki yeh kahne k liye ki 'Yudi...tumhare blood ka grp O hai...aur yeh grp universal hai...!!! isiliye ise sambhal kar rakhna...is ki duniya ko shakht jarurat hai...!!!"
sabhi hasse zorr se...
maj Rajveer ne us resturant ka ek portion reserve kiya tha aaj ki shaam k liye...
resturant k piche ka lawn bilkul khali tha...
charon taraf bas kuch rangeen lyts jal rahe the...
aur bich me chote chote tables pade hue the...
sabhi lawn me baithe hue the...
Huda:- "batayo na...Rajveer sir k bare me kya batana chahti thi...???"
Naaz:- "bhaiya aa jayen...phir batati hun...!!! lekin yeh bhaiya aur Naina rah kahan gaye,,,???"
Huda:- "lo...Naina ka naam liya aur Naina hazir hai...!!!'
sabhi ne turn kiya...Naina enter karr rahi thi...
Gunny:- "maj Shekhawat kahan rah gaye...???"
Naina:- "voh gadi park karr rahe hain...!!!"
Gunny:- "ahem...ahem...
jis ka matlab Naina ne bhi samjha...aur Gunny ne bhi...!!! Naina ne phir se Rajveer ko 'voh' jo kaha tha...
Naina:- "kya batain ho rahi thi...???"
Huda:- "pahle tu bata...tum dono the kaha...abhi tak...???"
Naina:- "maa ka phone aa gaya tha...isiliye late ho gayi...???"
kuch der baad....
Huda:- "batayiye na sir...!!!us din kya hua tha...jab aap ki jeep blast ho gayi thi...aur us k baad...kya hua tha...???"
maj Rajveer thoda aaram se baithe...aashman ki taraf dekha...
flashback 1...
ek zor ka dhamaka...aur charon taraf bass aag hi aag...
Naina zor se chillayi...RAJVEER SIR....
goliyon ki awaz...
charon taraf se...
Naina ko bachate hue...bullets lagi cadet Huda ko...
capt Abhimanyu...bhaagte hue aaye...
tab tak sab kuch khatam ho chuka tha...
un k fav students unhe dhundhne gaye...lekin vahan par bass raakh k alwa aur kuch nahi tha...
Naina k paas aaye toh ek jeeti jagti laash k alwa us me kuch bhi nahi bacha tha...
maine apni ankhen kholi toh sirf Naina ka voh chera dikhayi diya...
main chillana chata tha...use batana chata tha ki main zinda hun...aur baht jald tum tak lautunga...
khun bahne laga tha...mere sar se...hath...pair...sabhi khun se bheege hue the...
main chah kar bhi chilla nahi pa raha tha...taqat jaise kahin kho gayi thi...
jeep me tha...jab...kuch awaz aayi thi mujhe...
mujhe tabhi andesha ho gaya tha ki is jeep me tym-bomb laga hua hai...!!! kuch samajh me hi nahi aaya...samne dekha toh ek chota sa packet pada hua tha..use hath me le kar maine...tabhi niche jump kiya...jab jeep us bridge k niche gir raha tha...
khud ko chupane k liye...maine apni bachi hui taqat ko apne aap k safety k liye laga diya...
paas hi jhadiyon k niche chup gaya...
sirf Naina ki awaz sunayi diya mujhe...aage aur kuch bhi yaad nahi tha...
kuch der baad ek truck vahan se gujri...!!! driver k seat par ek 50 saal ka inshaan baitha hua tha...aur us k paas hi ek 16-17 saal ka ladka...
dat boy:- "abbu...voh dekhiye...kuch laashain giri hui hain...lagta hai yahan par kuch bura hua tha...!!!"
dat boy:- "abbu chal kar dekhte hain...sayad koi bacha hua ho...???"
kuch der me un ki nazar padi...jhadiyon k paas...
kuch der baad jab maine apni ankh kholi toh samne Naaz k father aur chota bhai baithe hue the...
Naaz k father:- "beta tum thik toh ho...??? pahchana mujhe...???"
un k chehre par ek mushkurahat thi...jaise kisi khoye hue ko unhone phir se pa liya ho...
Rajveer:- "chacha jee...
Naaz k father:- "jyada kuch mat bolo beta...!!! bahr kuch aur bhi laash pade hue hain...!!! kuch aur gadbad ho jaye us se pahle humain yahan se chalna padega...!!!"
unhone apne bete ki madat se Rajveer ko truck k piche rakha...aur achhe se back door band kar k drive karne lage...
Present...
Ali:- "matlab...baad me jab aap k body ki search ki gayi...tab aap vahan se ja chuke the...???"
Rajveer:- "haan...!!!
Gunny:- "Naaz k father vahan kya karr rahe the...aur aap kaise jante hain...???"
Naaz:- "main batati hun.........!!! mere abbu ek truck driver the...ek company k liye kaam kiya karte the...!!! yahan se apples ka supply dushre saher me karna un ka kaam tha...!!! tab main 12 std me thi...jab bhaiya se main mili thi...!!! tab bhaiya ki nayi nayi posting hui thi J&K me...!!! us din main school se deri se laut rahi thi...kyoun ki school k baad mujhe apni dress lene k liye bazar jana tha...!!! main aur meri dost Shabnam bazar gaye...!!!
flashback 2
Shabnam:- "Naaz...jaldi chal na...dekh shaam bhi ho gayi hai...ghar pahunchte hue der ho jayegi toh ammi ki daant sunn ni padegi...!!!"
Naaz:- "main khala se kah dungi na...!!! tu fiqar mat karr...!!!"
dono apne school k paas se gujar rahe the...
Shabnam ki nazar padi school k ander...us ne kaha:- "is waqt school me koun hai...???"
Naaz ne school k ander dekha:- "koi bhi toh nahi hai...!!!"
Shabnam:- "nahi...maine dekha kuch logon ko ander sports room me jate hue...!!!"
Naaz:- "chor honge sayad...!!! chal...dekhte hain...!!!"
dono chup kar vahan par gaye...par sports room k khidki se bahar jo unhone dekha un k rongte khade ho gaye...
un k math k teacher baithe hue the...aur un k aas paas kuch aur log bhi the...jin me se kuch logon k muh par kala kapda bandha hua tha...aur samne kai sare hathiyaar pade hue the...
Naaz aur Shabnam ko samajhne me jyada der nahi hui ki yeh sab terrorists the...aur un k math k teacher un ki help karr rahe the...
Shabnam ne dhire se kaha:- "Naaz...jaldi se chal yahan se...!!! pakde gaye toh jaan se maar dalenge...!!!"
Naaz:- "nahi...humain yeh baat police ko batana hoga...!!!"
Shabnam:- "nahi Naaz...
voh kuch aur bata pati...un logon me se kisi ne unhe dekh liya...
Naaz aur Shabnam bhaagne lage...un k piche se bhi kuch logon ki awaz bhi aa rahi thi...sham ka waqt tha...
andhera ho chuka tha...Naaz aur Shabnam bhagte bhaagte ek dushre se alag ho gaye...Naaz ek bade tute hue ghar k piche chup gayi...
achank ek goli ki awaz aayi...aur us ne dekha...us ki dost Shabnam niche giri hui thi...us ko goli lagi thi...achanak kuch log bhaagte hue aaye...aur Shabnam k paas khade hue...
1st man:- "dekho yeh marr gayi ki zinda hai...???"
2nd man:- "waqt kis k paas hai janab...!!!"
itna kah kar us ne ek aur bullet daag di Shabnam k seene par...aur kaha:- "agar zinda bhi hogi toh use sulane k liye yeh kafi hai...!!!"
voh dono chale gaye...
Naaz ne apni thake hue kadam se bahr aayi...Shabnam ko dekha us ne...aur vohin baithi rahi...na ro rahi thi aur na hi kuch react karr rahi thi...
kafi raat ho chuki thi...
jab Naaz aur Shabnam der tak ghar par nahi aaye toh dono k father ne unhe dhundhna suru kiya...aur ek sunsan si jagah par dono ko is halat me paya gaya...
Naaz us din se na toh kuch bol rahi thi aur na hi school ja rahi thi...jaise voh ek zinda laash bann gayi thi...
cut to army camp...
one army officer:- "kuch terrorists toh ghuse hue hain...aur unhe panah denewala bhi koi local aadmi hi hai...!!! par humain unhe pakadna bhi toh hai...voh 15th august ko kuch bada karnewale hain...!!! Lft Shekhawat...aap ek search team le kar dekhiye ki kuch information mila hai ya nahi...!!!"
lft Rajveer singh shekhawat ko ek sipahi ne Shabnam k bare me bataya...ki kuch din pahle ek school k ladki k sath ek aisa hadsa hua hai...
lft Shekhawat:- "us ladki k sath aur koi tha kya...???"
soldier:- "pata nahi sir......par us haadse k baad us ki ek dost ek damm se gungi ho gayi hai...!!! kisi se kuch bolti nahi...bass chup chap rahti hai...!!! voh dono hamesha sath me school jate the...!!! us din bhi voh ladki un k sath thi ya nahi yeh nahi pata hai...!!!"
lft Shekhawat:-" mujhe us ladki se milna hai...!!!"
cut to Naaz house...
her father:- "hum ne kaha na...voh us din Shabnam k sath thi hi nahi...toh use kaise pata hoga...ki vahan par kya hua tha...!!!"
kafi der se lft Shekhawat unhe convinced karne ki koshish karr rahe the...akhir me un k sabr ne jawab de hi diya...unhone thodi unchi awaz me kaha:- "thik hai...na aap ko kuch pata hai...aur na hi aap ki beti ko...!!! kal yehi haadsha ek baar phir se doharaya jayega...!!! aap ko kya lagta hai...unhe agar yeh baat pata chali ki Shabnam k sath koi aur bhi tha toh kya voh aap ki beti ko chod denge...??? yehi haadsha agar aap ki beti k sath hua hota toh kya aap insaaf nahi maangte...??? ya aap bhi apni beti ko bojh maante hain...??? mat kahiye kuch bhi...hum chalte hain...lekin aage jo bhi hoga us k liye sirf aap zimmedar honge...!!! kyoun ki voh toh bachhi hai...par aap itne bade inshaan ho kar bhi sahi aur galat me se galat ka sath de rahe hain...!!! us bachhi ka kya kasoor tha jis ki maut hui..??? bass aap khush rahiye aur aap ka parivaar bhi...!!!"
lft Shekhawat ne gusse se turn kiya jane k liye...
Naaz's father:- "saab...main janta hun ki jo kuch bhi hua voh galat tha...!!! lekin aap hi sochiye ki agar is k bare me un logon ko pata chal gaya toh meri bacchi ka kya hoga...???"
lft Rajveer ne dekha...un k ankhon me anshun the...
Rajveer un k kareeb aaye aur kaha:- "main samajh sakta hun aap ki baat...!!! yeh dekhiye...hum dono army uniform bhi pehn kar nahi aaye hain...!!! kyoun...??? kisi ko is bare me shaq bhi nahi ho isiliye...??? humain bass aap ki beti ko yeh batana hai ki us din kya hua tha...!!! hum vaada karte hain ki aap ki beti ka naam kahin par bhi nahi aayega...???"
Naaz k father ne unhe ek room me le kar gaye...jahan Naaz baithi hui thi...diwar par lage us k aur Shabnam ki tashver kafi gaur se dekh rahi thi... jis me dono barshat me jhula jhul rahe the...
Rajveer samajh raha tha Naaz k mental conditions ko...voh dhire se ja kar us k paas baitha...aur kaha:- "Shabnam tumhari best frnd thi na...???
Naaz ne kuch nahi kaha...bass us tashveer ko dekhti rahi...
lft Rajveer:- "aur tum dono ko barshat me bheegna achha lagta hai...???"
Naaz abhi bhi khamosh thi...
lft Rajveer:- "us ne tumhe Eid par kya taufa diya tha...???"
lft Rajveer paas pade ek teddy bear ko dekhte hue kaha:- "jarur yehi diya hoga...??? hain na...dekho is ki toh shaqal bhi tum se milti hai...!!!"
Naaz k chehre par ek mushkurahat aayi us ne zor se kaha:- "haan yehi diya tha us ne mujhe aur yeh bhi kaha tha ki is ki saqal mujh se...
Naaz ne aage kuch nahi kaha...us k ankhon se anshun bahne lage...
laf Rajveer aage aaye us k kareeb aur kaha:- "humain badla lena hai Shabnam k maut ka...!!! kya tum mera sath dogi...???"
Naaz ne Rajveer ki ankhon me dekha...sayad use bharosha hua...us ne kaha:- "main aap ka sath dungi...!!! lekin aap ko mujhe ek vaada karna padega...???"
lft Rajveer:- "kaho...
Naaz:- "jiss ne Shabnam par par goli chaliyi thi...use main marungi...!!!"
Naaz k father chillaye:- "Naaz...yeh kya bol rahi hai tu...???"
Rajveer ne unhe chup rahne ka ishara kiya...aur Naaz se kaha:- "main vaada karta hun...!!! ab tum kaho...tum kya janti ho...aur us din kya hua...tha...???"
Naaz thodi der chup rahi aur sab kuch kaha...
jab lft Rajveer sab kuch sunn kar bahar nikle toh Naaz ne phir se kaha:- "aap ko apna vaada toh yaad rahega na...???"
lft Rajveer ne turn kiya aur kah:- "ek bhai...apne behn se kiye hue vaade ko kabhi nahi bhulega...!!!"
jab voh sab bahar aaye toh Naaz k father ne kaha:- "yeh aap kya kah rahe hain...Naaz kaise...
lft Rajveer:- "maine ek vaada aap se kiya hai aur ek vaada Naaz se kiya hai...aur...main dono vaade jarur nibhayunga...!!! Naaz apna badla legi... aur kisi ko pata bhi nahi chalega...!!! aur aap ki beti ko phir se zinda karne k liye ...usi himaat ko wapas lane k liye mujhe yeh kaam jo ki hamare rule k khilaf hai...karna padega...!!!"
raaton raat operation Vijay suru hua...aur kisi ko kuch jaan ne se pahle...sare terrorists aur voh math k teachers bhi pakde gaye...!!! unhe ya kisi aur ko kuch pata chalta...lft Shekhawat ko un k senior ne order diya ki jaise hi voh sab pakde jayen...unhe goli maar di jaye...aur yeh dikhaya jaye ki un ka emcounter hua tha...!!!
sab k sab maare gaye...par jis k saqal ka bayan Naaz ne kiya tha...un k math k teacher ko...lft rajveer ne use adhmare halat me chod diya...!!! baki sab laash ko dafna diya gaya... par lft Rajveer ne us terrorist ko apne jeep me daale usi jagah par le gaye jahan par Shabnam ki maut hui thi...!!!
Naaz vohin par khadi thi...zameen me sayad shabnam k khun k chinton ko dhundh rahi thi...paas hi us k abbu khade the...
Rajveer ne us terrorist ki body ko la kar usi jagah par phenka...
Naaz us k kareeb baithi...us k chehre par pani k cheentain daale...
us ne ankhen kholi...toh Naaz ne kaha:- "kya kasur tha Shabnam ka sir... kyoun mara use...??? voh toh kisi ko kuch batanewali bhi nahi thi...!!! voh toh main thi...jo police ko batana chahti thi...phir kyoun mara use...!!! voh bach sakti thi...phir bhi aap ne use maar diya...!!! hum toh aap k students the na sir...???"
lft Rajveer:- tym baht kamm hai naaz...!!!
Naaz ne Rajveer ki taraf dekha aur kaha:- "maar dijiye inhe...!!! vaise bhi apne hi desh k sath gaddari kar k inhe jeene ka haq kho diya hai...!!! aur phir abhi toh in k hathon me...inhi k student ki hathya hui hai...!!!"
lft Rajveer ne turn kiya...jeep me se do soldier nikle...unhone use utha kar thodi dur par le gaye...aur kuch der baad do bullets chalne ki awaz aayi...!!!
Naaz ne apni ankhen zor se band kiye...
Naaz:- "baki k terrorist...
lft Rajveer:- "mujhe is operation ka in-charge banaya gaya tha...!!! aur maine socha ki inhe arrest kar k kya hoga...??? inhe jail me dal diya jayega...aur kuch dino baad...in k kuch sathi inhe chudane aayenge...aur kisi school ya masjid me ghus kar hostage banayenge... aur haumain inhe chodna padega...!!! is se toh yeh behtar hai ki kisi ko khabar hone se pahle hi inhe chup kar diya jaye...taki in ki awaz koi sun na le...!!!"
Naaz's father:- "hamari Kashmir pahle aisi nahi thi beta...!!! gharwalon ki nazar lagg gayi ise...!!! kabhi jise jannat kaha jata tha...vahan aaj rashte me chalte hue bhi darr lagta hai ki kahin kisi jagah koi bomb na rakhi gayi ho...!!!"
Present...
Naaz:- "maine school jana chod diya tha...!!! par bhaiya ne baht samjhaya... phir main phir se school jane lagi...!!! bhaiya ka mere aur mere abbu...ammi...aur mere chote bhai k sath ek ajeeb sa rishta judd gaya...!!!jis din abbu...bhaiya ko le kar aaye the na...un dino voh apples ki supply karne Delhi gaye hue the...!!! unhe vohin se pata chala bhaiya k bare me...!!! voh un se milna chahte the...par us se pahle rashte me is tarah se mulakat ho gayi....aur abbu bhaiya ko le kar hamare ghar aa gaye...!!!"
Gunny:- "toh tum yahin ki rahnewali ho...???"
Naaz:- "haan...
Gunny:- "tumhare gharwale....kahan hain abhi...???"
Naaz ne chehra jhukaya...kuch nahi kaha...
maj Rajveer:- "ek terrorist attack me is k gharwalon ki maut ho gayi...tab se Naaz mere sath hai...!!!"
Yudi:- "sir apne kaha...ki jab aap ne us jeep me se jump kiya toh koi packet...
maj Rajkveer:- "haan...mujhe laga ki koi imp thing hogi us me...!!! toh baad me maine jab use khola...
Flashback 3
Naaz;s father jab Rajveer k room me aaye toh voh khidki k bahar jhaank rahe the..apne atit...vartmaan aur bhabishya ko tatol rahe the...
Naaz's father:- "itna udaas mat raha karo beta...!!! dekhna sab kuch ek din thik ho jayega...!!!"
unhone Rajveer k bandage ko change kiya...phir kaha:- "sachhai ki hamesha jeet hoti hai...toh ek din aap ki bhi jeet hogi...!!! allha har us inshaan ki madat karta hai jo us k nek raah par chalte hain...!!!"
tabhi Naaz bhagte hue aayi aur kaha:- "bhaiya...yeh lijiye jamun... aap k liye le kar aayi hun...!!!"
Naaz k father:- "arre khatte honge...in ki tabiyat k liye sahi nahi hoga...!!!"
Naaz:- "nahi...achhe hain...sab mithe hain...aap chak k toh dekhiye...
us ne ek jamun Rajveer k muh me daala...
Rajveer k chehre par ek mushkurahat aayi...
Naaz's father:- "ek baat toh batana bhul hi gaya tha...!!! jab hum tumhe vahan se le kar aaye the na...tumhare kareeb yeh packet pada hua tha...
(Guys...sayad aap sab ko yaad ho ki jab Rajveer ko jail le kar ja rahe the...aur us k cadets use bachane ja rahe the toh Huda ne packet diya tha rakhne k liye...)
Rajveer ko yaad aaya ki voh use hath me thame hi kuda tha...
usne us packets ko khola...us me 1000 rupaye k kareeb 50 notes the... aur ek paper note bhi...jis me likha tha
"1...roz dudh 10 ltr deti hai
2...kabhi kabhi mood bana toh 2 ltr xtra deti hai
3...tabela jyada ganda nahi karti
4...laat bilkul bhi nahi maarti...
Rajveer hassne laga...zorr se...aur kaha:- "Huda huda huda...tum kabhi nahi sudhroge...
present...
Alekh:-" haan voh packet Huda ne hi rakhi thi...!!! paise ki baat samajh me aati hai...par voh parchi kyoun dala tha...
Huda:- "ab tumhe kya batayun...??? maine apni behn ko bech di thi...!!! Sunita...meri bhains...use becha tha...taki Rajveer sir ko kuch paise de sakun...taki voh jahan par bhi jaye...kamm se kamm...is se unhe kuch toh madat mile...!!! aur kuch apne paas bhi the...toh unhe mila kar sir ko de diya tha...!!!"
sabhi hassne lage...
Yudi:- "lekin voh chit kya tha...???"
Huda:- "voh toh main Sunita ki tarif me likha tha...ki jo use kharide...us ki ahmiyat jaan sake...!!!"
Naina:- "aur aap wapas kaise aaye...???"
Rajveer:- "tum sab ne lala Gehlot ko gulty sabit kar diya tha...!!! mujhe baht chot lagi thi...main chal-phir nahi sakta tha...!!! phir paper se mujhe is baat ka pata chala...!!! maine head qtr ko phone kar k apne bare me bataya...!!! phir kuch officers aa kar mujhe le gaye...!!! kanun se bahaagne ki aur khud ko chupa kar rakhne k liye mujhe saza milnewali thi...!!! par tabhi maine apni ladai khud ladi...!!!
flashback 3
Rajveer:- "main maanta hun ki...main chup kar itne din tak raha...yeh meri galati thi...!!! par aap batayiye ki jab aap ki costody me mujhe maarne k liye attack kiya ja raha tha aur aap ne hi kuch nahi karr paye toh tab kya karte...!!! maine chillata raha...kahata rha...ki main nirdosh hun...!!! kisi ko meri baat ka yakeen nahi tha...!!! yahi sab bhi toh capt Naveen k sath bhi toh hua tha na...!!! phir akhir me hua kya...??? capt Naveen singh Ahluwalia ko maut ki bheek maangi padi usi k best frnd se...!!! mera court marshal toh pahle hi ho chuka hai...vaise bhi mera jeene ka koi irada hi nahi hai...!!! kyoun ki isi uniform k sath main aaj tak jinda tha aur mujhe khushi hogi ki agar main isi uniform k sath marun...!!! lekin us se pahle...main is system k bare me media ko kuch batana chata hun...!!! taki jahan aam janta is par ankhen band kar k bharosha karti hai...voh bhi is ki sachhai jaan sake...!!!'
maj Rajveer ne itna kah kar khamosh hue...
un k samne ek lambi se table rakhi hui thi aur us k paas...kuch chairs par kuch army officer bauthe hue the...jo kafi dhyaan se Rajveer ki baat sunn rahe the...
one officer:- "hum jante hain ki jo kuch bhi aap k sath hua voh galat tha...!!! lekin sare subut aap k khilaf the...isiliye...aap ko saza hui...!!! par yeh bhi sach hai ki aap ne apne zinda rahne ki baat chupa kar galati ki...!!!"
Rajveer:- "as a soldier main maut se nahi darta...!!! par jab mujhe vahan jhute alligation k sath fassaya gaya...aur mujhe maarne ki koshish ki gayi...toh aap ka kanun aur na hi yeh system kuch kar paya sir...toh phir main kahan galat hun...!!! maine khud ko zinda rakha...taki yeh sabit kar sakun ki main sahi tha...!!! agar aap hi k costedy me mujhe maarne ki sajish ho sakti thi toh main agar jail me hota toh meri hathya toh kab ki ho chuki hoti...!!! mujhe pata hai...ki jo mujh se cheena gaya hai...voh aap mujhe phir se nahi lauta sakte...!!! isiliye behtar yehi hoga sir ki main yahan se chala jayun...!!! vaise bhi mujhe nahi lagta ki ab aap ko lagta hoga ki main gunehgar hun...
2nd officer:- "hum jante hain ki jo aap se cheena gaya tha voh aap ko hum nahi lauta payenge...!!! par hum ek kabil aur jaanbaaz officer ko khona chahte bhi nahi hai...!!! jo badnami aap ki hui thi...use hum mita nahi sakte...par galati inshan se hi hoti hai...!!! head office ne tai kiya haui ki aap ko phir se army me samil kiya jaye...as a MAJOR...!!!"
Present...
maj Rajveer:- "main chahta..toh un k is offer ko mana kar deta...!!! par...us uniform k bina main apna astitva khota hua mehshush karta hun...!!! vaise bhi mere paas bacha hi aur kya tha...!!! main un k is offer ko mana kar k aur kya kar pata...!!! ek sipahi...apne akhir saansh tak ladte rahna pasand karta hai...!!! maine bhi vohi kiya...un k is offer ko accept kar liya...!!! isiliye mujhe turant Kabul bhej diya gaya...!!!taki system ki galati ko koi na jaan paye...!!! vaise bhi log aaj kal aise news jaldi bhul jate hain...!!! mere case me bhi yahi hua...!!! main Kabul chala gaya...aur jab wapas aaya toh sab kuch badal chuka tha...!!!"
Pooja:- "toh phir aap ne humian kyoun nahi bataya sir...??? hum toh khud ko aap k us halat ki wajah maante rahe hna...!!!"
Maj Rajveer:- "janta hun galat kiya tha...!!! par ek soldier ko kabhi bhi kamzor nahi hona chaiye...!!! jis din tum us Bus se ja rahe the aur cln shakti chandra ka murder hua...us din mujhe bataya gaya tha ki tum logon k bus me bomb rakha gaya hai...agar maine conl chadra ko nahi maara toh voh tum sab ko maar denge...!!! us din mujhe pata chala tha ki tum sab mere students nahi rahe ...tum sab meri kamzori bann gaye the...!!! unhone vohi kiya jo voh chate the...!!! jab main phir se army me lauta...toh tum sab k bare me jaan ne ki koshish ki...toh pata chala tum sab zindagi me kafi aage badh chuke the...!!! aisa laga ki ab sayad tumhe apni zindagi me meri koi jarurat hai hi nahi...!!! isiliye maine khud ko chupaye rakha...ki kahin aage phir se isi itihaash ko doharaya na jaye...!!!"
Alekh:- "aap ne galat kiya tha sir...!!! hum hamesha aap ki taqat bann na chahte the...kamzori nahi...!!! aur aage bhi agar aisa kuch bhi hua toh hum marna pasand karenge...lekin aap ko harte hue dekhna nahi...!!! kyoun ki jeene ki asali wajah toh aap ne hi sikhyi hai na sir...!!!
Ali:- "sahi kaha Alekh bhai aap ne...khud k liye toh sabhi jeete hain...kabhi desh k liye bhi jee kar dekhna chahiye...dil ko kitna sukun milta hai...aur yeh baat aap ne humian sikhya hai...!!!"
Huda:- "ab dinner kiya jaye...!!! mere pet me chuhe bhangda karne lage hain...!!!"
Yudi:- "tere pet me chuhe rahte kaise honge...matlab itna bada pet hai tera...us me toh sirf hathi hi rah sakte hain...
maj Rajveer:- "thik hai...aap sab yahan pe wait karo...main dinner ka order de kar aata hun....
4 log...kaale kapdon me lipte hue...jin ka chehra bhi kaale kapdon me chupa hua tha...hathon me kuch guns the...chupte hue...ander dakhil ho rahe the...
thodi der baad lawn k bichon bich kai sare bowls...plates...glasses... veg...non veg dishes the...jinhe do waiters serve karr rahe the...
doc Shalini ne paani ka glass uthaya...bass voh use apne honthon tak le hi ja rahi thi ki...ek bullet aa kar lagi us glass me...
glass tut kar bikhra...charon taraf...
sabhi ne khud ko bachane k liye yahan vahan bhaagne lage...kisi k bhi paas gun nahi tha...sabhi chupe hue the...
goliyaa...chal rahi thi...aur resturant me baithe baki k log.bhi bullets ki awaz se bhaag rahe the...
ek bachhi anjane me bhaagti hui lawn k bichon bich aa gayi...
Naina ne jump kiya use bachane k liye...
samne dekha toh do naqab posh inshaan khada the...
kuch hi duri par maj Rajveer khade the...apne hathon me gun liye...ankhon me anshun...hath kaamp rahe the...!!! unhe pata hai voh kya karr rahe hain...unhe pata hai voh Naina ko bacha lenge...
ek naqab posh inshan ne Naina ko point kiya hua tha...
us k hath trigger par the...
achanak bullets chalne ki awaz aayi...jo ja kar lagi Naina ko...
un dono ne ek dushre ko hairani se dekha...kyoun ki bullet un ki gun se nahi chali thi...
un dono ne turn kiya...do bullets lagi un k maate k bichon bich dono vohi dher ho gaye...
sabhi daudte hue Naina k paas aaye...
Huda:- "phulan tu thik toh hai na...
Pooja:- "Naina ankhen band mat karna...
Pooja zor se chillayi...
sabhi ne dekha...Naina k soldier par goli lagi thi...
maj Rajveer dur khade the...ankhon me anshun...hathon me gun...un ki nazar sirf Naina ko dekh rahi thi.... Naina ki nazar maj Rajveer par thi...hala ki us ki honthon me mushkurahat thi...!!! Maj Rajveer kuch dur par ek tree k piche khade the...
is tarah pahron
tujhe sochta rahta hun main...:-2
meri har saansh tere naam
likhi ho jaise...:-2
koi fariyaad tere dil me
dabi ho jaise...
tune ankhon se
koi baat kahi ho jaise...
jaagti jaagti...
ek umr kati ho jaise...
jaan baki hai magar
saanh ruki ho jaise...
maj Rajveer ne apne sar par ek gun ko mehshush kiya...turn kar k dekha...toh capt Gunny khade the...
capt Gunny k ankhon me sirf nafrat aur gussa tha:- "un dono k sar par lagi goli...aap ki thi...phir aap ne jaan bujh kar Naina par goli kyoun chalayi...???
maj Rajveer:- "sab se pahle mujhe Naina ko hospital le kar jana hai...!!! tum mujhe rokkna chahte ho toh rokk lo...!!! par main Naina ko hospital le kar ja raha hun...!!!
maj Rajveer bhaage Naina k kareeb...!!! Naina ki ankhen mili un se...
Gunny ne maj Rajveer ko hataya...aur Naina ko apne bahon me uthane ki koshish ki...
toh Naina ne apne hath maj Rajveer ki taraf badhaye...!!! maj Rajveer k ankhon me anshun the...
unhone jyada tym barbaad nahi kiya...Naina ko apni bahon me uthaya...
Huda car k ander se chilla raha tha:- "sir jaldi kariye...
resturant k kuch hi duri par tha hospital...yeh bhi unhi ka plan tha...
capt Gunny ne notice kiya...kahin kisi bhi civilians ko kuch bhi nahi hua tha...bullets se sirf voh char terrorist mare the...aur ek hi goli lagi thi Naina ko aur voh bhi kandhe pe...
capt gunny hairan hue...par unhe apne sawal ka jawab toh maj Rajveer se jan na hi tha...
end of d epi
*******************
Plz do comments or press d LIKE button.😃
..........usne Noor ko gundo se bachaya but yeh Noor kaha jaa rahi hai yaar😕😕😕😕😕
Kabhi Neem Neem Kabhi Shahad Shahad
290