Ariya Anchaha Anjaana Rishta - Page 3

Ye sab log title se itna kyun hyper ho rahe hai? chill! waise bhi ye sirf first half of the story ke liye hi apply hota hai

Part 2

Rathore use glare karta hai. ab baakhi sabki nazar bachi hui ladki ki taraf jaati hai...

Riya conscious feel karti hai(low voice): aap sab mujhe is tarah kyun dekh rahe hai?

Isse Arjun aur Rathore bhi use dekhte hai. Rathore Arjun ko questioning look deta hai. Arjun ek pal Riya ko dekhta hai. asal mein woh jaana nahi chahta isliye khaamiyan nikaal raha hai. par Riya ko nervous dekh use kuch aisa kehne ka man nahi hota jisse woh hurt ho.

Arjun(attitude ke saath): chalegi!!

Rathore sigh karta hai: shukar hai

Riya Arjun ko shock ke saath dekh rahi hai mv "had hai yeh toh, us din Shree ke chakar us aunty ne Arjun sir ko mera pati samaj liya toh mujhe kitna sunaya aur ab...ghum gham kar mere peeche kyun pade hai?

Rathore: toh tay raha...Arjun tum aur Riya mangetar bankar jaoge! Waha, the closest you can get is till Surya Nagar. Ek chota sa gaav hai Mumbai ke border par. Lekin waha tak jaane ke liye tum dono ko ek raat jungle mein bitaani padegi taaki tum log asli tourist lago

Arjun: aur us gaav mein jaakar hum karenge kya?

Rathore: waha kuch din raho pata karo ki waha chal kya raha hai, humara ek source hai. usne bataya ki waha ek purana ghar hai. woh log ab shehar mein rehte hai toh tum log paying guest ban kar chale jaana jo waha ghumne ke liye gaye hai. hum owners se baat kar lenge.

Arjun: theek hai, hum kal jaayenge

Rathore: ok...Riya jaane ki taiyaari karo. Shree ek map banao, jaha ye log raat bita sakte hai aur fir waha se gaav tak ka rasta

Shree/Riya: ji sir!

Rathore: tum log subah saat baje nikloge yahase

Arjun: yahase kyun?

Rathore: kyunki maine kaha isliye

Arjun: tumne kaha matlab? Tum koi devta ho jo kuch bhi kahe aur woh pathar ki lakeer ban jaaye?

Rathore: nahi Arjun mein yaha ka chief hun jiski har baat uska har junior maanta hai

Arjun: oh really?

Rathore: yes!!

Arjun: ajeeb baat hai? girlfriend ke aage toh chalti nahi tumhari, toh bhi tum hum par order chala rahe ho?

Ayesha ke ilawa sab shock se chillate hai : KYAAA??? GIRLFRIEND?? AAPKI??KAUN??

Rathore Arjun ko glare karta hai lekin woh sirf challenging look de raha hai.

Rathore: meri girlfriend ki chinta karne ki zaroorat tumhe nahi hai Arjun...tum apni biwi(Riya ko refer karke) par concentrate karo toh behtar hai kyunki kya haina? Woh toh tumhari patni ban jaayegi lekin mujhe doubt hai ki tum uske pati ban paoge.

Ab Arjun use glare karta hai aur Rathore maze leta hai

Riya mv "ye Rathore sir mujhe kyun beech mein ghasit rahe hai? mujhe unke saath akele rehna hai inke gusse ka kya bharosa?

Shree: umm...Ri, ghar jaa kal jaldi uthna hai, packing bhi toh karni hai. zyaada stress mat le abhi-abhi theek hui hai. fir jungle mein bhi jaana hai

Rathore: ha Riya ...Shree sahi keh raha hai. tum jaao

Riya : ji

Woh sabko bye bolkar bina Arjun se nazre milaye ghar chali jaati hai. agle din woh aur Arjun dono subah ETF jaldi pahunchte hai. Shree unhe naksha deta hai. Rathore Arjun ko side pe le jaata hai

Rathore: Arjun, Riya ka khayal rakhna, tumhe pata haina woh kaisi hai? ek baar goli chalane se pehle sau baar sochegi lekin marne se pehle ek baar bhi nahi

Arjun ko thoda gussa aata hai: tujhe kyun itni fikar hai uski?

Rathore: kyun fikar hai ka kya matlab hai? tu ache se jaanta hai Riya ki ETF mein kya ehmiyat hai...tu kyun aise behave kar raha hai?

Arjun ko bhi realize hota hai ki over react karta hai par bahana banata hai: Sam! Main waha case ke liye jaa raha hun, babysitting karne ke liye nahi!! Woh 5 saal ki bachi nahi jo apna khayal na rakh sake...ETF officer hai, kudh ki raksha kar sakti hai woh bhi ache se, partner bankar aa rahi hai, koi damsel in distress nahi

Sameer confuse hota hai: tu?...tu uski taarif kar raha hai?

Arjun tiredly sigh karta hai: hum jaaye?

Sameer: hmm...aur khud ka bhi khayal rakhna

Arjun: ya fine!!

Dusri taraf sab Riya ko bye bol rahe hai

Shree: Ri, best of luck!

Chotu: ha ab toh bhagwaan hi tujhe bacha sakta hai...

Liza: seriously!! Arjun sir ki mangetar...baap re! bahot hi khatarnaak kaam hai

Sakshi: ha tumhe pata hai...ek baar maine use phool kya diye, bichare phulon ko bhi maar daala usne

Ayesha: aur nahi toh kya? Usme un bichare bejaan phulon ki kya galti thi?

Riya smile deti hai: tum log mujhe console kar rahe ho? (sternly) ya fir dara rahe ho??

Shree: are darling hum toh bas tujhe warn kar rahe hai

Riya: uski koi zaroorat nahi hai Shree! Kyunki main leave par jaane se pehle bhi unke saath kaam kar chuki hun

Arjun use pichese awaaz lagata hai: jaana hai ya pura din yahi bitana hai?

Riya immediately junior mode mein aa jati hai: aa rahi hun sir!

Arjun apna aur Riya ka saaman dickey mein daalta hai aur dono baith kar chale jaate hai.

Rathore: come on team!! Humare paas aur bhi cases hai!!

Ayesha: sir? Arjun aur Riya akele is case par work karenge?

Sameer: nahi Ayesha, unhe jab koi lead milegi ya culprit ka pata chalega toh woh hume inform kar denge tab tak ke liye unhe akele hi kaam karna hoga

Shree: aur hume firse paperwork khud karna hoga

Chotu use elbow se maarta hai, aur ishara karta hai...Rathore un dono ko glare karta hai

Shree dar jaata hai: mera matlab hai ki...(sweetly).Riya ke bagair office kitna suna lagega na sir, abhi toh aayi ab waapis bhi gayi

Rathore disbelief mein sar hila kar andar jaata hai. Shree bhi relief hota hai. sab work mode mein jaane ki taiyaari karte hai.

Gaadi mein

Riya: sir? Waha tak jaane ke liye kitna time lagega?

Arjun: atleast chaar ghante ...aur mujhe sir bulana band karo

Riya (confused): kyun?

Arjun: Riya...koi apne boyfriend ko sir kehta hai?

Riya ko apni galti ka ehsaas hota hai par fir jokingly mutter karti hai: mera kaunsa boyfriend hai jo mujhe pata hoga?

Lekin Arjun sun leta hai (Amused): abhi nahi hai...kabhi na kabhi toh boyfriend hua hoga na?

Riya sheepishly smile karti hai: nahi

Arjun: really? Ajeeb baat hai. hum jaha bhi jaate hai , ek do bande toh tumhe patane ki koshish karte hi hai, fir bhi tumhara aaj tak koi boyfriend nahi hua?

Riya: pyaar aur attraction mein farak hota hai sir...aap toh jaante hai, aapne bhi toh ek baar mujhse kaha tha?

Arjun: phir bhi Riya...kya tumhara dil kabhi bhi kisi ke liye dhadka?

Riya: dhadka tha na

Arjun: toh phir?

Riya: zaroori nahi na sir ki humara dil jiske liye dhadke uska dil bhi humare liye dhadke, woh apni life mein khush hai aur main apni

Arjun thoda hairan hota hai ki Riya ka one sided love tha par fir use cheer karne ki koshish karta hai : agar aisa hai...toh woh ladka ek number ka gadha hai. use nahi pata ki woh kisse muh fer raha hai

Riya: aisa mat kahiye sir, woh bahot acha hai, bas woh kisi aur se pyaar karta hai...aur pyaar toh bas ho jaata hai, puch kar thodi hota hai...haina sir?

Arjun : par Riya tumhara kya?

Riya: mera kya? Maine toh kabhi use apni dil ki baat bhi nahi kahi...

Arjun: kyun?

Riya: khamakha kyun complicate karna, main nahi chahti ki woh guilty feel kare

Arjun: aaj bhi usse pyaar karti ho?

Riya: pehla pyaar hai...itni aasaani se kaise bhulau?

Arjun ko Roshni ki yaad aati hai, woh koi jawab nahi deta

Riya: aur sach kahu toh, dobara aisa koi mila hi nahi jisse dekhkar, jiske paas rehkar uske saath zindgi bitaane ka man kiya ho.

Arjun: koyi aur? Agar mil gaya toh kya use bhul jaogi?

Riya: dusre ke liye jagah banane ka matlab pehle ko bhulna thodi hota hai? mera toh yahi maan na hai ki har rishte ki har insaan ki apni alag jagah hoti hai, koyi bhi kisi ki jagah nahi le sakta. Main nahi jaanti ki main kabhi aage badhungi ya mujhe firse pyaar hoga ya nahi lekin ek baat tay hai ki uski mere dil mein humesha special jagah hogi

Arjun uski taraf glance karta hai, Riya bhi use dekh rahi hai...najaane kyun Arjun ko bura feel hota hai ki Riya ka dil already kisi ke naam hai. woh firse driving par concentrate karta hai.

Thodi der dono ke beech silence rehti hai

Riya: sir...

Arjun: Riya sir bulana band karo!! Agar waha kisi ke saamne bol diya toh gaye hum dono barah ke bhaav mein!

Uske joke se Riya ke chehre par muskurahat aati hai: sorry...woh aadat haina...main koshish karungi

Arjun: kya keh rahi thi?

Riya: woh...main keh rahi thi ki, raasta lamba hai...if you don't mind main apna phone music system se connect karu?

Arjun: theek hai...par mujhe tumhari playlist nahi pasand aayi toh band kardunga!!!

Riya khush ho jaati hai: manzoor!!

Riya khushi khushi apna phone connect karti hai, aur bas...romantic melodies chalne lagti hai. Riya bas sunte hue peeche headrest par sar rakhti hai. Arjun bhi unhe enjoy karta hai

Arjun: Riya?

Riya: ji

Arjun: tumhara taste acha hai

Riya smile karti hai: thank you!

Baakhi ki ride silent rehti hai. dono ek dusre ki company aur music enjoy karte hai. chaar ghante baad woh outskirts par pahunchte hai aur Shree ke diye hue map se resting place par pahunchte hai.

Riya thodi choukti hai: ye ek hi tent kyun hai?

Arjun(thoda irritated): kyunki hum couple bane haina???

Riya darti hai aur firse unpack karne mein focus karti hai

Riya(muttering): shukar hai sleeping bag do hai

Par Arjun sun leta hai: obviously Riya!!!

Riya: lekin Shree ka bharosa nahi hai

Arjun: Riya...tumhe nahi lagta ki use pata hai ki agar usne aisa kuch kiya toh main uska transfer Nimbral mein kar dunga

Riya confuse hoti hai: woh kaha hai?

Arjun: exactly!!

Riya: ohh...lekin, woh shararat karte waqt anjaam ke baare mein nahi sochta hai, aur agar by chance pakda bhi jaaye toh dusre ko fasa kar khud bhag jaata hai

Arjun: woh mujhe chakma nahi de sakta

Riya: aapko bhi diya hai

Arjun choukta hai: kab?

Riya bolne waali hai par fir ruk jaati hai: Chodiye na, ab kya faayda

Arjun use glare karta hai

Riya: woh...um...jab hum Rathore sir ke friend ke ghar gaye the, unki maa gayab ho gayi thi isliye (Arjun nod karta hai) tab ek ladka mere peeche pada tha, woh seedhe apni maa ko lekar aa gaya rishte ke liye lekin Shree ne kaha ki main already shaadi shuda hun aur tabhi aap aaye aur usne aisa comment maara ki unko laga ki aap...woh sigh karti hai...