Synopsys: Radha bua calls Ishaan to send deepak the sweater and some money! than Ishaan feels very happy that Radha bua is finally shwoing her love to deepak! and than some seriosu convo between them and than ...They start talking about Suhana cuz she was the one to bring radha bua and deepak close! and than they start talking stuff about suhana like she helps people accidently! and than from suhana they end talking about her and they start talking about Baadi maa being a good mother! the way she brought up inder and ilesh and panna! ...and than ishaan tells Radhua bua that she is gonna be as good mother as badi maa and than ishaan leaves the room!
Radha: meena, are ohh meena ki bachii,kaha hai tu?.
Meena: aayi aayi...''.(taking deep breath) kya hua radha bua?
Radha: ja jake dekh ki tere chote bhaiya(Ishaan) ghar pe hi hai na, usko bol maine bulaya hai.
Meena: abhi wo nukkad tak gaye hai , ayenge toh unhe bol dungi.
Scenec2:Ishaan came after some time'.
Meena: Ishaan Bhai, apko Radha bua bula rahi thi.
Ishaan:Acha, ye packet Suhana ko de dena?
Meena: Kya hai isme?
Ishaan:teri shadi ka joda hai, nukkad wale mangu halwai ki maa ne bhijvaya hai.😆😆
Meena:hai'.....😲😲
Ishaan:jyada chapar chapar mat kar ab aur ja jake de de teri choti bhabhi ko,isme rasmallai hai gulabchand ki'
Scene 3: Ishaan goes to radha bua's room
Ishaan: Radha bua''mein aa gaya.
Radha:Kaha chala gaya tha itni subah subah....
Ishan: Aur kaha jaonga , madam suhana ki farmayish puri karne gaya tha,pehle to gulabchand ke naam se naak sikod rahi thi😲 aur abhi jab parso raat ko chakh ke dekhi toh madam ka to mood hi change ho gaya, pata hai aaj Sunday hai , subah ke time bhi pure 1 ghante line mein laga hoon😭😭, ye ladki bhi na ajeeb hai, kabhi kuch karti hai toh kabhi kuch'😕
Radha: Ajeeb nahi hai pyari hai aur bahut masoom bhi, tu usko kabhi pareshan mat karma warna teri khair nahi..
Ishaan:Kya radha bua aap bhi, pata nahi kya jadu kar diya hai isne sab pe😡'.acha meri touba😲, apki bahu ko kuch nahi kahunga kabhi.😊😊
Radha: Acha sun , ek kaam tha tujhse , aaj tere ko koi aur kaam toh nahi hai ya Sunday Ke din bhi office toh nahi jana hai na..
Ishaan: Koi bhi kaam apse zyada zaroori nahi hai aur waise bhi mein aaj free hoon aur agar nahi bhi hota toh aap kuch kahe aur mein na karu , aisa kabhi ho sakta hai'
Radha: Acha sun, tujhe Deepak ke hostel ka address mallom hai na'
Ishaan: 😲😲(surpised)ha, gaya bhi hoon waha pe papa ke sath.
Radha: toh sun, ye packet le le isme kuch sweater hai Deepak ke liye aur ye envelope bhi isme paise hai'
Ishaan:(Keep silence for a minute as he surprised) and then asked " Radha bua, ye Deepak ke liye hi hai naa"
Radha: Are aur nahi toh kya, sardiyan aa rahi hai,usko toh apna kuch khyal hi nahi hai , aise hi tea shirt mein ghumta rehta honga.
Ishaan:(Smile and be happy)Ek baat puchun apse agar aap bura na manne toh'
Radha:(Moving her hand on ishaan's cheek affectionately and replied) puch naa, apne bachoo ki baat ka koi bura manta hai kya?
Ishaan:Deepak ke accident ke baad se mujhe lagta hai uska ek naya janam sa hua hai aur iss baar usse ek bahut pyar karne wali maa bhi mil gayi hai, aaj apki ankhon mein main Deepak ke liye wohi pyar dekh raha hoon jo ab tak sirf ishhan ke liye hi tha'''''''''
Radha:(just lost in tear for a while..! and then take a long deep breath and replied)Main ladh rahi thi apne jeevan ki unn vipreet lehron se jinme mera sabh kuch beh gaya,ab jake ye toofan thama hai aur bikhre tinke bhi samet liye hai magar aaj jab mud ke dekhti hoon toh pata chalta hai ki ye tinke samatne mein bahut samay lag gaya mujhe aur chota sa , naha sa Deepak apni maa ki aur dekh raha hai , uski godi ke liye taras raha hai magar mein chahke bhi samay ke paar nahi ja sakti '''''.ab nanha Deepak bada ho gaya hai aur samjhdaar bhi,wo apni maa se koi shikayat nahi karta lekin uski maa ko khud se bahut shikayat hai''''.
Ishaan: Aap aisa kyon sochti hai, ab toh sab kuch theek ho gaya hai naa, aur hum sab jante hai ki aap hamesha se hi Deepak se bahut pyar karti thi bas usse pata nahi chalne deti thi,shayad aapke andar koi toofan uth raha tha magar mujhe vishwaas tha ki aapki himmat aapke ander chal rahe anterdvand ko ek din zaroor hara dengi aur sachai ye hai ki aapki jeet hui hai. Aur waise bhi aapka nanha sa Deepak jo ab bada ho gaya hai na wo aapke ashirvaad ki chaya mein hi toh pala hai'.
Ishaan: Aap janti hai radha bua ,aap toh uss diye ki tarah hai jisne khud jal kar apne nanhe se deepak ko aaj itna roshan kar diya hai.😊😊
Ishaan:magar radha bua ,apne ishaan ko toh ab aap bhool hi jayengi'.
Radha bua :(finally smile again 😊and replied affectionately) Chal pagle , ishaan aur Deepak toh meri do ankhen hai.
Aur tujhe pata hai ki maa bete ko milane mein teri uss biwi ko jisko tu ajeeb kehta hai naa, uska sabse bada hath hai.
Ishaan: OMG, toh wo jodna bhi janti hai main toh samjha tha ki toh wo keval cheezen todna hi janti hai'.'😆😆
Rahda: ye OMG kya hai..😕😕
Ishaan: iska matlab hai" Oh My God"'ye maine aapki uss ladli suhana se hi sikha hai.😆😆
Radha bua:(laughs')wo bahut samajhdar hai , rishtoon ki ahmiyat ko samajhti hai wo,usne Deepak ko bataya ki ek maa ke liye sabse badi daulat uski aulaad hi hoti hai aur hume milane ki koshish wo bahut pehle se kar rahi thi,tumhe yaad hai naa Deepak ki wo birth day party jo usne organize ki thi'''aur maine uss bechari bachchi ko thappad mar diya tha ..
Ishaan:haa yaad hai, kaise bhool sakta hoon aur phir sara saaman pack karne ke baad madam subah hote hi sab bhool bhi gayi thi '''.
Ishaan: Aur haa na to wo bachchi hai aur naa hi ko bachari vechari😡, apko pata nahi hai ki wo aaye din mujhpe kya kya phekh ke marti rehti hai😲😲 , wo to acha hai ki maine apne room mein koi aisi waisi chhez nahi rakhi hai warna main apko ishaan kashyap nahi balki Egypt ki mummy nazar aata 😉aur kabhi kabhi toh wo mere sath sholay sholay khelte hai, mujhe thakur bana deti hai aur khud gabber ke role mein itni serious ho jati hai ki mujhe sote waqt apne hath check karne padte hai ki apni jagah pe hai ki nahi😆😆
Radha:Chal bas kar uski burai karma warna maroongi tujhe abhi.
Radha:(After a little pause) wo aisi hi hai ,ek dum masoom si ,thehre hue pani ki tarah shant,sheetal aur nirmal,kisi ke liye mann mein koi karvahat nahi rakhti, sab bhool jati hai magar ha sabko pyar dena aur apni pyari si muskurahat dena wo kabhi nahi bhulti'''.
Ishaan: Sahi kehti hai aap, bahut pyari hai suhana,sab ke upper usne kuch jadoo sa kar diya hai aur badi maa ki toh puchon hi mat, unki toh wo ankhon ka tara hai''.
Radha: bhabhi bhi ekdum suhana ki tarah hai, sabko pyar hi banta hai zindagi bhar, kabhi kisi se gila nahi kiya,ishwar bhaiya se bhi nahi , unke jaane ke baad iss pure ghar ko sambhala hai.
Ishaan: (lost in memories)mujhe bhi thoda thoda yaad hai,maa batati hai ki kaise unhone pure ghar ko bikharne se bachaya aur inder bhaiya, panna didi aur ilesh bhaiya ko ek maa aur pitah dono ka hi pyar diya aur iss ghar ki naa sirf bahu banke rahi balki itne bade parivar ko akele hi sambhala, sab kuch bhool kar lagi rehi zindagi bhar hum logo ki parvarish mein ,kabhi bhi apne liye fursat ke do pal bhi nahi nikale unhone.
Radha: Aisi hi hai hamari badi bhabhi, wo iss ghar ki ek aisi majboot neev hai jiske upar sare sanskar itni mazbooti se tike hue hai ki iss ghar ke logo ko koi bhi ek dusre se alag nahi kar sakta hai.
Radha: wo toh pyar ke uss vishal sagar ki tarah hai jisne hum sab choti choti nadiyon ko apne andar samet rakah hai aur hum sab ek hi dhara mein behte ja rahe hai apni manzil ki aur zindagi ki badi si badi mushkil bhi hamari iss lehar ka samna nahi kar sakti''..
Ishaan: Sirf itna hi nahi radha bua, apne bhi toh hum sabko bada kiya hai,maa se zyada toh meri fikra apko rehti thi, mujhe bhi yaad hai apki godi mein sar rakh ke lori sunna aur so jana aur school se aane ke baad apke hathon se khana khana'''.
Radha:(Moves her haid and strokes ishhan's hair affectionately and tear of happy memories came in her eyes)'
Ishaan: kya radha bua, ye maa ki aadat apko bhi lag gayi😕,chaliye hasiye'..
Radha: (Smiles)😊😊
Ishaan: Acha meri ek baat hamesha yaad rakheyiga ki aap ek bahut hi achi maa hai,ek bahut hi pyari maa jise uske bete:Deepak , ishaan bahut pyar karte hai aur apni maa ki ankhon mein ansoo nahi dekh sakte'aap yaad rakhengi na meri baat'
Radha: Acha baba, nahi bhoolungi, chal ab jaldi jaa'
Ishaan: par mein toh bhool gaya ek baat😲😲 ,mar gaya😭'.
Radha: Kya ho gaya?
Ishaan: Suhana ne phoolchand ki Sohan Papdi bhi magayi thi,mein jaldi nikalta hoon aur Deepak ko ye packet dene ke baad, suhana ke liye sohana papdi leke aata hoon warna wo meri papdi aur bhi na jane kya kya bana dengi😆😆😆
Ishaan runs and radha bua laughs'''''.
By
Shehreen &
Himanshu Sinha
