Posted:
Do saal baad...
Guddu k lia achha hua bahut..usko ek saathi mil gaya..ek dost mil gaya..jaise uske Dad ka ek kareebi dost hai,Rajveer ussi tarha Guddu ka bhi ek dost bana hai..dost kum Bhai zyada hai,naam hai Rishi ,pura naam Rishiraj Singh Shekhawat.Pura do saal ka bhi nahi hai Rishi.Guddu aaj bhi samajh nahi paata k kyun usi uski Mom ro rahi thi,uske Dad tensed baithe the,aur uske Rajveer Chachu kyun patthar ban kar khade the,Guddu ko bas itna samajh me aata hai k Naina Mausi Rishi ko le aai thi hospital se.Usko laane hi toh gayi thi wahan..abhi Rishi hai Guddu k saath,ghar k peechhe ek lakdi se bana chhota sa play house bana hai,uske andar Julia hai,dono ko matlab Guddu aur Rishi,dono ko Julia se bahut pyaar hai.Dono Julia k lia gifts le kar gaye..Julia dono ko dekh kar khushi se apna doom hilane lagi..the occasion is very special,Julia k paanch bachche hue hain..Guddu aur Rishi mil kar hi Julia aur uske bachchon ka dhyaan rakh rahe hain..Rishi thoda geerta hai,thoda chalta hai,fir samhalta hai..Guddu uska haath pakad k hi khinchta hua ghar k is kone se us kone tak ghumta rehta hai.
Akriti ne naukar se kaha breakfast baahar garden me laane ko..sab mil kar wahi nashta karenge..Abhimanyu jogging kar k waapas aaya..Akriti ne kaha ,"Jaldi naha kar aao..aur haan Raj aur Naina ko bhi knock kar do..unko bulao.."
Abhi--Okay..humare do anmol ratan kidhar hain?
Akriti--Julia k paas..
Abhi--Kyaa kismat hai Julia ki..ek saath paanch bachche..aur aise do care taker..woh dekho aa gaye..aaiye..waise kabhi kabhi humari bhi itni khatir kijiye..Mr. Abhiggyan Vij...and Mr. Rishiraj Shekhawat..arre kis taraf dekh raha hai Rishi?Ohh achha..haan baraf..
Rishi ne kaha ,"ICE..".."Haan..Rishi ,ice..kamaal hai..ajeeb angrez aulad paai hai Naina ne..hindi bolta hi nahi..humesha angrezi..baraf ko ice kehta hai.. chhipkali ko kehta hai lizard..aur pata nahi kyaa kyaa...khair..jeeta reh.." ..Akriti sab k lia plate sajane lagi..
"Liijjaaard..."..Rishi ne fir se kaha,"Arre haan..kal bazar jaayenge..tere lia achha sa toy lijjard laayenge..aaja.."..Abhimanyu Rishi ko goad me uthane gaya...Guddu ne Rishi ka haath pakad k khinch lia..bola,"Naha kar aao.. fir.. aap gande ho.."
Abhi--Waah Beta..khud puppies ko goad me lia ghum rahe ho dono..aur main ganda..jogging hi toh ki hai..
Guddu--Karni bhi chahie..varna aapki tond nikal aayegi..
Abhi--Abe..kaafi badtameez hai tu..apne Baap se aise baat karta hai..tujhse kitna bada hoon pata hai tujhe?
Guddu--Haan..aapbhi chhote bachche se ladh rahe hain..pata bhi hai main kitna chhota hoon..?
Akriti--Quiet..please..aur haan..puupies ko rakho..aur dono jaao..bathroom me..Abhi..tum in dono ko bhi nehla do..mitti me khelte hain..yeh puppies bhi..jaao..teeno naha lo..
Abhi--Bach gaya tu ,jo teri Maa ne bacha lia..
Guddu--Aap ko bhi aapki darling ne bachaya...
Abhi--Kyaa?
Guddu--Mujhe pata hai,aap Mom ko "Darling" bulate hain..
Abhi--Darling!!
Guddu--Nahi..aur bhi naam hai..pata hai..jaise "Ras Malai..Apple Pie".aapko khaane k ilava aur kuchh sujhta hai bhi nahi..
Abhi--Thaher jaa...
Guddu Rishi ka haath pakad k bhaaga ghar k andar..Abhi dono k peechhe gaya..
**********************************
Akriti vaadiyon ko dekh rahi thi..kitna shaant hai sab kuchh,safed barf ki chaadar me dhaki hui yeh pahad..tarha tarah k pedh..panchhi,rang birangi phoolon se saja hua baagh..teen maheene ka tha Rishi jab sab yehan aaye the,Raj aur Abhimanyu Mumbai laut gaye baad me,jab bhi waqt milta hai aa jaate hain..business bhi samhalna hai..Akriti Guddu ko le kar reh gayi Naina k saath,Shimla me.Proper town me nahi hai yeh bunglow..15 minute lagte hain car me town jaane k lia.Guddu ko yehan k Montessori me admit kara dia Akriti ne.Doctor ne keh dia tha,Naina ko jaldi theek karne k lia usko hill station me hi rehna hoga..Mumbai ki garmi me Naina ki taqleef aur badh jaayegi,skin problem ,skin rash..yeh toh aam baat hoti..agar Naina rehti Mumbai me.Shimla k hi sab se bade hospital me intezam kar dia hai Raj ne, Naina k ilaaj ka..jab bhi Naina ki mushkilen badhti hai..Akriti Rishi ko Guddu k saath alag kamre me bandh kar deti hai,Rishi aur Guddu ko pata nahi chalna chahie k Naina ko kyaa taqleef hai,Naina nahi chaahti k bachche darr jaaye..Rishi ko Naina doodh bhi peelati hai toh kamra andhera kar k.. Akriti ko aaj bhi yaad hai..Naina kitni naraz hui thi yeh jaan kar k usko yehan aana hoga..Raj se achha khasa jhagda bhi ho gaya tha..
Tum chaahte ho na..k main chali jaaoon..achha main jaoongi..main aur mera beta yehan nahi rahenge..
Tumhara beta?Humara beta hai Naina woh..kyaa lagta hai..tumko mujhe bura nahi lagega?But..tumhare lia Naina,yeh sab kar raha hoon..please samjho ..tum dono ki sehat k lia achha hoga..
Please,Raj..don't do this to me..
Can't help it..
Jaao main tumse baat nahi karti...
Akriti,tum samjhao..I am sick of it..baat ko samajhti nahi..aise weather me iski taqleef aur badh jaayegi..
Finally Naina maan gayi..Shimla aane k lia..
"HEERALAAL....."..Abhimanyu ne awaz lagai...Heeralaal daurte hue aaya,"Jee,Saab.."
Abhi--Paani garm kar k bathroom me kyun nahi rakha?Bachche nahayenge kisse?
"Geaser toh hai na..garam kar lijiye.."
Abhi--Tumse jitna kaha jaaye utna karo...
Abhimanyu geaser use nahi karta,bathroom se geaser hatwa dia hai usne, Mumbai k ghar k bathrooms se bhi geaser hata dia gaya hai..ek din aisa kuchh hua,k humesha k lia ek darr sa baith gaya hai.
Naina ki delivary date paas aa rahi thi,Raj kyaa soch kar us din office nahi gaya,achanak Naina ki cheekh, "RAAJ"..bathroom ka geaser fat gaya tha, ubalta hua paani Naina k body k left part me padi,geaser ka ek tookda aakar laga Naina ki sar par..uske baad jo hua,woh kisi toofan se kum nahi tha.. operation theatre me jab Naina ko le gaye,tab Doctor bhi koi bharosa dila nahi paaya..Naina kaafi jhulas chuki thi,sar fat gaya tha,bahut khoon beh raha tha..teen din kaise beeta..Raj jaanta hai,Akriti bilag bilag kar ro rahi thi.. Naina ki ek aankh bhi jhulas chuki thi..delivery ho toh gayi,par khatra bahut tha..kismat achhi thi k eye surgeon ne aankhe damage hone se bacha li..par maathe par humesha us zakham ka nishaan reh gaya..Doctor ne kaha k skin rashes rokne k lia thandi weather ki zaroorat hogi..Shimla bhej dia Naina ko.. par jaise jaise Rishi bada hone laga Naina ka darr badhne laga..apne Bete ko apne zakham woh dikhana nahi chaahti thi..kamre me andhera kar k Rishi ko doodh peelati thi.
****************************
Naina ne karvat badli,Raj ki taraf,"Naina,utho..subah ho gayi.."..Raj issi tarha jagata hai Naina ko..Naina k pahle hi uth jaata hai..taa k Naina ko jaga sake.. ek din,Office ka kaam Abhi k sar pe daal kar Raj aa gaya Shimla,kamre me gaya toh dekha,Naina padi hui thi bistar pe..neend ki goli ki shishi khaali kar chuki thi...apne depression me Naina is kadar gheeri hui thi..jala hua jism,ek aankh almost kharab ho chuki thi..
Jab Naina ko hosh aaya,tab Raj ne kaha ,"Kyun?Jab pareshani bahut zyada thi,maine pareshan kia..tab bhi tumne aisa kuchh nahi kia..aaj kyun?Aaj sab theek hua..aur is tarha..Rishi ka kyaa hoga..agar tum aisa karogi toh?"
Rote hue Naina ne jo kaha uska yehi matlab nikalta hai k ab woh ek normal zindagi jeene k laayak nahi rahi..usko lekar Raj ko sirf pareshani k siva aur kuchh nahi hoga...
"Itne dino se,itni mehnat se,itne dheeraj k saath,tumne yeh ghar banaya.. isko tum is tarha chhod dogi..toh kya yeh ghar rahega?Mera kyaa hoga? Rishi..uska kyaa?Naina,wada karo..aage se aisa kuchh nahi karogi.. please.. aur tumhari jagah agar yeh accident mere saath hua hota..toh kya tum bhi yehi chaahti k main bhi aisi harkat karoon?Please..meherbani karo..zinda rahke humesha mujhe satao..main jhel loonga..par aisi pareshani de kar chali mat jaao..k zindagi ek bojh k siva aur kuchh na lage..please.."..Raj ne yeh kaha...
Woh din hai,aur aaj ka din hai..Raj humesha Naina ko jagata hai..usko darr lagta hai,k kahin uski neend nahi tooti aur Naina humesha k lia so gayi ..toh kyaa hoga?
"Naina,utho..darwaze par knock kar k gaya hai naukar..Akriti bula rahi hai, nashta nahi karna?Tumko davai bhi khaani hai..utho.."..Raj ne fir se bulaya...
"Sone do na.."..Naina ne waapas karvat badli..
"You know what..kal bahut achha sapna dekha..k main aur tum..candle light dinner pe gaye hain,light music baj rahi hai..maine tumko dance k lia poochha..aur aise me..woh aa gaya..mera dushman...Rishi..sab barbad kar dia usne..meri goad me susu kar dia usne..."..Raj ne fir se Naina ko hilaya..
"Mere Bete k baare me kuchh ulta seedha nahi kehna Raj..sar fodh doongi tumhara.."..Naina ne aankhe kholi..
Raj ne kaha ,"Haan..tumhara Beta,what about me?Jaise k aasmaan se tumhare goad me geera tumhara Beta..kyun?"..
Aise me darwaze par koi peetne laga... "Chachu...","Mamma".."Mausi.", ".Papa.."..."Darwaza kholo na..."
Naina jhat se uth gayi..bathroom chali gayi...
Rishi aaya ..Guddu k saath,Raj ne dono ko apne goad me bithaya.."How is Julia?",Raj ne puchha..
"Uske paanch bachche hue hain..humne jaakar sab ko dogy wala food dia.. doodh bhi dia.."..Guddu ne kaha.."Tumne akele dia?"..Raj ne puchha..
"Rishi tha na..mere saath..."Guddu ne jawab dia..".."Good..chalo,mujhe bhi taiyyar hona hai..dekho..Rishi..aapki Mom bhi ready ho kar aa gayi.."..Raj uth gaya bistar se..Naina naha kar aur full sleeve dress pahen kar bathroom se nikli..aaj tak uske zakham na Guddu dekh paaya naa Rishi...
"RAAJ..main dono ko le kar neeche chali..tum jaldi aao.." yeh keh kar Naina dono k saath garden me gayi..
*****************************
Guddu aur Rishi garden me fudak rahe the..of course Julia aur uske paanch bachchon k saath..Akriti chai de rahi thi..sab ko..Raj baahar aaya Naina ki davaiyan saath me le kar..
Abhi--Hafte bhar baad humen jaana hai..
Akriti--Tum log bhi na..hum sab raste par dekhte hain..kab aaoge..tum dono..
Abhi--Nahi..is tarha aur nahi aayenge..
Naina--Matlab?
Raj--Matlab yeh k..ab hum sab Mumbai waapas chal rahe hain..Doctor se baat ho chuki hai..Naina ab ghar laut sakti hai..
Naina--Sach?
Raj--Haan..sach..chalne ki taiyyari karo..
Khabar sun kar Guddu aur Rishi ka chehra utar gaya..Julia ka kyaa hoga fir?
Hafte bhar baad..ek car chal padi..Mumbai ki taraf..kyunki Naina chaahti thi k Shimla se Mumbai by road jaaye..aisa hi hua...Guddu aur Rishi bhi bahut khush the..kyunki car k ek dum peechhe Julia aur uske paanch bachche bhi the..woh bhi jaa rahe hain....Mumbai..apne ghar,jahan unko pyaar karnewale log honge..
****************THE END*********************
Kumkum Bhagya
Bade Achche Lagte Hain Naya Season
Cricket
