Hamari Nazar se dekho Ji...Reporters ka doosara episode!

Yelo yelo...yelo ji sanam hum aa gaye...doosra episode leke!

Pichhale episode main humne yeh dekha: Madam aur Sunny Paaji pakde gaye! Aur Madam ji ko bhi kya soojha...keeda? abe kaunsa keeda bil main rehta hain? Itni bhi zoology nahi padhi kya? chuha hi keh deti to tereko pakadane wale bhi daar ke mare bhag jaate! Ya phir chilla deti "BOMB! To poori shaadi hi toot jaati na. Magar nahi. Wo security chief to hairaan hua jaa raha tha: shayad abhi abhi pest control karwaya hoga. Phir yeh keede kahan se aa gaye? Sunny paaji lage keeda dhoondhane, camera ke saath. Ab yeh keeda prakat hokar aapko interview dega kya? I am from phylum animalia, class arthropoda...

Magar yeh kya? Security wala to aapko chhodane ki baat hi nahi kar raha..Lagta hain use bhi interview chahiye. Aap ne bhi kya bahana banaya student hone ka: bees marks chahiye? Yeh lo! Hum sau marks denge, magar camera humka dei do...

Madam ji ne apne aapko dhobi bola: humari to bolti band ho gayi. Kya PJ tha. Ab madamji ki akal ke baare main hum kya kahe? Chhota spycam nahi le ja sakti thi kya? wahi, jo button jaise dikhate hain...khair chhodo. Aur to aur, Google cloud ka naam nahi suna? Online upload kar deti apna video! Chalo, koi gaal nahi, humne maaf kiya. Technology main yeh thodi kamjor hain!

Security wale tauji to ga rahe the..

Bill will, keeda weeda...main na manu re!

Jaanu to jaanu bas itna hi tu manne chor lage re..."

Sunny paaji to ispe rone he lage. Papaji manenge nahi! Madam ji ne bhi apna aanchal lehraate huye sur main sur mila diya:

"Chhod de camera, ki papa kya kahega!"

Ispe Security wale tau bole:

"In bahano ka to papa bhi hain deewana, To pappa kya bolega!"

Yahi jugalbandi chalti rehti magar inke mann main boss ka khayal aaya. Boss poonch rahe they: "Kitne aadmi they? to yeh bole "Sardar, ek bhi nahi! Sirf Keede!" Chalo chip pe maan jao ji. Aur Madam Ji ne koi chip unko thama di...aur dono bhage. 100 m sprinting race. Sunny paaji ka to exercise bhi hogaya. Saare chhole hazam!

Car ke pass pahunchkar dono ne ek doosre ki nautanki ki kya tareef ki. Jee khush hogaya. Madam ji ka yeh pehla assignment tha. Hum bhi soch rahe they: agar aise hi daud lagani padi to aage jaakr inke figure ki kissi ko chinta nahi rahegi. Sunny Paaji bhi jitna chahe malai paneer kha sakte hain! News ki news aur fitness ki fitness.

Phir koi theatre main jaakar yeh film dekhi to sab ne tareef kar daali. Wahan wo tang kapde pehenne wali se bhi parichay hogaya: inka naam Malvika hain! Yeh yahan sabki boss hain, koi teacher nahi ki inhe Ma'm kahan jaaye. Theek hain, hume kya? Film to lajawab bani thi. Phir ek Romeo ne muh teda kiya aur bahar aakar kissi ko khabar di. Khabar bhi kaisi? Oye hoye! Taki yeh film koi na dekhe. Shayad inhe bhi apni shaadi ka khayal aaya hoga. Kya politics hain, hume to Poly-tickle kar daala. Yeh pakke Narad muni hain, aag lagane ka kaam karte hain. Furq sirf itna hain wo "Narayan Narayan" karte the, yeh "Malvika, Malvika" karte hain.

Aur Narad Muni ki bhavishyawani bhi sach huyi. Ek uncle ji bhi they, unhone gyaan baant dala: "Sach kya hain? Paisa, taqat, power...in sab ke saamne sach ka koi mol nahi!" Aur Madam ji confused. "Phir hum yahan kya kar rahe hain? Uncle ji bole: "Re-alignment! Gaadi ke char pahiyon ki. Wahi jo car garage main hota hain. Ab yeh kya bakwas? KKN koi car garage hain kya?The actual answer should have been: Balike, Hum yahan kyoun hain, kya kar rahe hain, kab tak rahenge...abhi tak yahan kissi ko nahi maloom! yeh Kuchh kaam nahi channel hain!

Phir se scene change. Dilli Kranti namak office hain, kissi akhbaar ka. Naam to hona chahiye tha, Daily Kranti. Magar galti se spelling mistake hogaya. Ab yahan pe Bhagwan cutting chai pee rahe they. Ek Chashme wale unse questions poochh rahe they. Theek ussi tarah, jaise dronacharya Arjun ko coach kar rahe ho! "Kisse kya batana chahte ho?" Lo Ji. Dronacharya ne itni targeted delivery ki baat kithi, tote ki ankh main teer marne wali. Magar yahan to tote ki ankh chhodkar sabhi or teer mare ja rahe they. Ab aap hi bataiye: Kuchh batane ke liye sms, whatsapp, twitter email etc ke hote huye inhe akhbar print karana tha kya? Yaani ki jo baatein ek do ke kaan tak pahunchani thi, wo sare aam bata di. Aur phir kya munh banaya. Ek taraf ki haseen. Aadhe chehre ka paralysis hain kya?

High court ka stay order! Hum yeh news nahi de sakte! Malvika ji ne bola. Jo darr gaya, wo marr gaya! Humare reporters poore frusto hogaye. Ab pata chala ki hum yahan kya kar rahe they? Geeta nahi padhi? Matlab, Kaam kar, fruit ke peechhe mat bhag. Waise bhi iss garmi main fruit bahut expensive ho chala hain.

Ab Arjun chale transfer lekar... Chashme wale Dronacharya ke chehre pe wahi expression tha jo beti ki bidayi pe hota hain. Babul ki duayein leti ja...Rone dhone ki kami thi. Aur jaate jaate Arjun ne inke kaan main bol hi diya: "Power" sunke Dronacharya chup. Kya matlab hain iss shabd ka? Power ke joote ya Dilli ki power crisis?

Jaago Ananya jaago...Aur subah hote hi kaisi news di Daily kranti ne? Madam Ji, jo pichhale shyam frusto thi, inka jee khush hogaya. Inke devta ne inhi ki khabar front page pe chhap di aur Madam ji khush! Hum hote to copy cat kehte! Magar Madam itni khush ki Aloo parantha ki order de dali. Aur chali devta ke office, unka darshan karne...

Wahan to darshan lene walon ki kya bheed thi. Devta nahi, yeh to sakhsat bhagwaan jo hain. Madam Ji ki phir se bolti band! Wo jo news padhkar lagna tha na, wo jhatka inhe ab laga...delayed effect! Ya phir Miranda ki ad jaisi: Zor ka jhatka dheere se...

Originally posted by: Spunkyrutz

Looking forward to to your hilarified episode take !!

Originally posted by: rabzonedge

Mast hai ji

Originally posted by: bawaswift

Haha,, nice HNS Sagi... ⭐️👏

Very very precise n fine names given once again,,, 😆

The whole episode did introduced many a things, but your presentation made the things quite hilarious., Thanks !

Sunny paji n security wala parodies are mast.. 😛 Malvika's description is much liked.. Boss of all,,, 😆 n Manav's teda muh is very funny.. 😛👏

Once again.. i liked Dilli kranti,.,, aka Daily kranti analysis very well ..! There is definitely a case that kabir is thinking upon.. 😳 and calling him " Arjun " is much appreciated.. ⭐️

Very nice efforts dear.. Liked it.,,. Keep going.,. !!! 😃

Originally posted by: akyabiggestfan

Hahahahaha🤣

Wow!

That was hilarious!!!😆

Security wale tau!😆

Malvika the boss!!

Aur Vo fitness Aur chole hazam🤣

Baapre! Has has ke pet mein dard horaha hai yaar...

I salute your sense of humor!👏

Btw...update the os no...pleeasy😳

Originally posted by: Sagi.

Pappa ne pappy confiscate kar liya. Bo hooo!