FF:NAJAAYEZ.Part 17Page24,17/03/10 - Page 14

Originally posted by: MeenaKhan

haila baby dead...noooo anu...this is soo bad yaar...poor baby..us bichare ki kia galthi thi...or yeh bani kia hua hai usi....itni misunderstanding....clear them soon plz...

Originally posted by: kuttu

Hi

This wa sreally a sad part. Is jai blind or what. Or is it that he sees Bani as a very strong woman. When will Jai be able to understand her fully and wipe out all the bad thing stha thappened to her regarding her birht. one more thing when will you update the otehr fanfic Dobara. It was stopped at a very interesting point.

bye

Originally posted by: abhilashasharma

that was a twist... but i feel the baby dead is fine... because, its necessary for them to understand each other before having a baby... but for jai... its a take back time...

Originally posted by: s_geetu

heey..

great story.

please continue soon!

xx

Originally posted by: tam2

aww that's just so sad ... bani lost her baby... poor Bani going through so much problem... well at least jai is trying to understand her... do cont soon....

March,2006..

Bani theek hai..jaisi woh theek thi..waisi hi.Jai ka hona naa hona uske lia koi maaine nahi rakhta..subha uth kar office k lia nikal jaati hai..raat ko der se lautna uski aadat ban chuki hai.Jai sab kuchh dekhta hai.Kuchh nahi kehta..Krishna kuchh nahi kehti.Bani ki zindagi ka yeh hashar dekh kar unko samajh me aata hai..k unhone kyaa ghalati ki hain..Jai ki taraf dekh nahi paati..Jai kuchh nahi kehta..Bani bhi kuchh nahi kehti..jaise kahne k lia unke paas kuchh bacha hi nahi..Krishna yehi chaahti hain k jald se jald Bani ka doosra bachcha ho jaaye..par ab toh yeh naamumkin si baat lagti hai..Jai aur Bani k beech ki doorie Krishna se chhoopi nahi hai..

Ajay aksar aata hai..Bani se baat karta hai..Jai se bhi baat karta hai..Ajay ko ab Jai par gussa nahi aata..taras aata hai..Jai ne sab kuchh saaf saaf bataya..k usdin asal me hua kyaa tha..Bani ne kyaa socha..aur us par is baat ka kaisa asar pada..Ajay ne itna hi kaha, "Main is maamle me kuchh nahi bol sakta..kyaa boloon?Dekh yaar..is baat se anjaan nahi k..Bani tujhse bahut pyaar karti thi..thi..ab agar woh tujhe avoid karti hai..to wajah tu jaanta hai..tera bura bartav.Agar tu usse is tarha sulook naa karta..toh aaj tum dono ki zindagi kuchh aur hi hoti..well..ab yeh Pati Patni k beech ka maamla hai..ab..tu kuchh kar sake toh kar..varn keh de..main usko apne saath le jaaoonga..".

Jai--Yeh koi solution nahi hai Ajay..agar Bani mujhse door reh kar khush reh sakti hai..toh usse mujhe koi pareshaani nahi hai..par duniya k kissi bhi kone me woh chali jaaye..kuchh ghalatfaimian hain mere baare me uske mann me..unse woh peechha nahi chhooda sakti..woh jaana chaahti hai toh jaa sakti hai..par main pahle uski har ghalatfaimi ko door karna chaahta hoon..

Ajay--Bura mat maanna..par ab mujhe nahi lagta..k Bani ko koi samjha paayega..kahte hue bura lag raha hai..I think you two are just not made for each other..Jai..ek Bhai k hone k naate..ek Dost hone k naate..tujhse request hai..ab bhi kuchh nahi bigda..Bani ko is rishtey azad kar de..please..

Jai--Ajay..I am trying..ek aakhri mauka chaahta hoon bas..yakeen maan Bani k miscarriage k lia main zimmedar hoon..par jis tarha sab soch rahe hain..waise nahi..par Bani mujhse jhagda bhi nahi karti..agar woh mujh par ilzaam lagati..mujhe bhala bura kehti..main kuchh kar paata..par woh is tarha khamosh ho gayi..kuchh kehti nahi,meri baaton ko ansoona kar deti hai..Dad ki baaton ka "Haan" yaa "Naa" me jawab deti hai..

Aise me Krishna aai Chai le kar...Bani office se nahi lauti abhi tak..ussi ki raah dekh rahi hai..Ajay ki kahi hui baatein Krishna ne sun li..Krishna ab tak dekh rahi thi k Jai kis tarha Bani ko manane ki koshish kar raha hai..Jai k lia bura lag raha tha unko..par aaj Ajay ki baatein sun kar unse raha nahi gaya..unko gussa aa gaya..Jai ki imaandar koshish par Ajay ko yakeen nahi hai?Kyun?Aisa kaun sa gunaah kar dia Jai ne?

Krishna ne bahut rookhe tarike k saath Ajay se kaha,"Tum Bhai ho yaa dushman?Bahen ka ghar todna chaahte ho?Mera Beta din raat us ladki k aage peechhe ghoomta rehta hai taa k ek baar woh usse baat kar le..dikhta nahi tumko?"

Is baat ka kyaa jawab ho sakta hai Ajay ko samajh hi nahi aaya..usne choop rehna hi theek samjha..

Jai--Maa..Ajay ko kyun dosh de rahi hain aap?Bani ne woh khoon se rangi tasveer dekhi aur tensed hui..aur meri zimmedari banti hai is maamle me...

Krishna--Woh ladki apni hi ghalatfaimi k bhanwar me fansi hai..naa usko kuchh kehna hai.. naa kuchh sunna chaahti hai..teri haalat kharab thi..jab Bani ki shaadi ki baat kahi aur chali thi..dukhi tha tu..Bani ko kho dene ka darr tha..apne ansoon tune chhoopa lie..ghum k maare..taqleef k maare..apna haath tune zakhmi kia..wahi khoon k dhabbe lage..us tasveer par..

Jai hairan ho gaya..Krishna ko pata hai?Unhone kab dekha?

Jai--Aap kyaa..keh rahi hain?

Krishna--Tujhe kyaa lagta hai?Bani ko maine kyun sweekar kar lia..jab tu usko biha kar laaya?Jai..mujhse teri tadap dekhi nahi gayi..tu us din buri haalat me tha..tere haath se behta khoon dekh kar mujhe kaisa laga..tujhe ehsaas bhi nahi hai..aur woh ladki..kuchh sunne ko taiyyar nahi..naa kuchh samajhne ko taiyyar hai..

Jai--Aap shaant ho jaaiye..main samhal loonga..trust me..baithiye..

Krishna--Arre..kaise shaant ho jaaoon?Us ladki ka dil hai k patthar?Pehla bachcha is tarha gaya..koi hosh nahi?Din bhar kaam karti rehti hai..is tarha kuchh ho gaya..toh zindagi toh barbad hogi na?Mujhe toh lagta hai..woh khud jaan boojh kar geeri bathroom me..badla lene k lia..un sab baaton ka..jo humse usko sunni padi..

Ajay ne dekha maahol garam ho raha hai..woh uth kar khada ho gaya..bola,"Main chalta hoon..mujhe kuchh kaam hai..Uncle se baad me mil loonga..arre..Bani..tu aa gayi?"

Krishna chauk gayi..sach me Bani khadi hai..uske haath me kuchh files hain..woh khadi hai choop chaap..Jai k paas aai..aur files de kar kaha,"In ko dekh lena..legal matter sort out kar lia hai..deal final kar lena kal.."

Jai--Hmm..maine mana kia tha na..k aaj office mat jaao..aram karo..ghar par raho..Ajay kitni der tak baitha raha..tum ab aa rahi ho..

Bani--Zaroori kaam tha..issi lia gayi..meri bhi tabiyat kuchh theek nahi hai..

Krishna--Tabiyat kaise theek hogi?Manmaani karne ka bahut shaukh hai tumko..ek bachcha kho chuki..ab kyaa chaahti ho?Doosra bachcha ho hi naa?Pati se muh modh lia.. bachcha mar gaya..aur tumhare maathe par ek lakeer tak nahi?Kyaa saabit karna chaahti ho?K tum kitni dukhiyaari ho?Aur mera Beta kitna zalim?Aur is ghar me tum kitne dukh jhel rahi ho?

Ajay--Aunty..kyaa keh rahi hain aap?

Krishna--Kyun naa boloon?Purani baaton ko yaad kar k..humen saza de rahi hai..mujhe aur Jai ko..is tarha zindagi chalti hai kya?Jaisi Maa waisi Beti..mujhe dukh dene ka koi mauka nahi chhoda ..in dono ne..

Jai kuchh bol hi nahi paa raha hai..is waqt kuchh bolna..aag me ghee ka kaam karega.. Bani ne sab kuchh suna..usne kaha ,"I am sorry..aap ko dukh dia..maaf kar dijiye.."

Krishna--Iske ilava kuchh aur bolna aata hai?Aur maafi mujhse kyun maang rahi ho?Jai ki taraf tumhara koi farz nahi banta?Uski taraf dekha hai tumne?Uske dukh ka kuchh ehsaas hai tumko?Mujhe toh yeh lagta hai ab..k tum jaan boojh kar geeri bathroom me..taa k humse badla le sako..

Bani--Aisi baat nahi hai..main bas itna chaahti thi k meri aulad jaisi bhi ho..meri jaisi kismat naa ho..mere pure wajood par sawalian nishaan laga hai..jab mujhe pata chala k maine kho dia hai usko..tab ek raahat mili..par yakeen maaniye..main usse maarna nahi chaahti thi..in fact..jab mujhe pata chala..k main Maa bannewali hoon..tab..sach me..ek maksad mila mujhe..maine socha..jo kumee meri zindagi me reh gayi hai..woh kumee uski zindagi me nahi hogi..maine dil se chaaha tha..k woh aaye..meri goad me..yakeen maaniye..par pata nahi..kahan kaun si gadbad ho gayi..maine jaan boojh kar nahi kia..par aisa hua..main kyaa karoon?

Krishna--Batana padega yeh bhi?Doosra bachcha..jitni jaldi ho utna hi achha..agle do yaa teen maheene k andar khush khabri milni chahie..

Bani--Aap k kahe mutabik hi toh sab kuchh ho raha hai..aap hi ne apne Bete ko kaha..tab woh mere kareeb aaya..varna..woh toh mujhse sivaaye nafrat k kuchh karta hi nahi,aapko agar waaris ki itni chaahat hai..toh main Jai ko chhod doongi..aap Jai ki doosri shaadi kara dijiye..main chhod doongi..

"BAS BAHUT HUA.."

Uday ki awaz se sab log chauk gaye..golmaal sun kar Uday apne kamre se baahar aa gaye the..

Uday--Bani..apne kamre me jaao..aram karo..aur ab mujhe koi hungama nahi chahie apne ghar me..dimaag kharab kar k rakh dia hai..Krishna ..kal hum dono baahar jaa rahe hain..do hafte k lia..Amritsar..bahut dino se kahi ghoomne nahi gaye..ghoomne forne se mann achha hota hai..chalne ki taiyyari karo..Ajay..Beta mere saath aao..kuchh baat karni hai..

Ajay ne bina kuchh kahe Uday ko follow kia.

***************************

Raat k 12 baj chuke the..Bani files dekh rahi thi..Jai magazine padh raha tha..matlab Bani ko dekh raha tha.Bahut raat ho chuki hai..par Bani ko kaun samjhaaye?Waise bhi Bani ne jo Krishna se kaha..k Jai ne Krishna k kahne par sab kuchh kia..par Bani ko yeh ghalatfaimi hui kaise?Aur yeh ghalatfaimi hi agar har tension ki wajah hai..toh bahut khatarnak baat hai..yeh ghalatfaimi hi kahi Bani ko pareshaan toh nahi kar rahi hai?Jai ne Bani se seedhe seedhe baat karna hi theek samjha.

Bani ko ab kuchh nahi sunna hai..naa hi kuchh samajhna hai..Jai ko jitni ho sake,utni hi avoid karti hai..aaj Krishna ne jo kuchh kaha uske baad..Bani ka gussa aur bhi badh gaya..

Jai aakar Bani k saamne khada hua.Bani ne Jai ko dekha,kaha ,"Kuchh kehna hai?"

Jai--Shaadi k baad aurat agar bachcha hone k lia hospital jaaye toh hi achha lagta hai..par tum jis tarha khud par zulm kar rahi ho..mujhe lagta hai..bahut jald tumko fir se hospital le kar jaana hoga..hospital se itna pyaar hai kya?

Bani--Main kuchh samjhi nahi..

Jai--Tum bahut kuchh samajh leti ho..zyadatar jo ghalatfaimi hoti hai..tumne Maa se yeh kyaa kaha?K unke ishare se hi maine,tumhare saath..main tumhare kareeb aaya?Yaa tum aai pahle mere kareeb?Soch kar batana..

Bani--Bahes ka koi faaida nahi..us raat k baad..tum aur tumhari Maa..jo baatein kar rahe the..main sun chuki hoon..is lia..mujhe ab jhooti tasalli dene ki koshish mat karna..

Ab Jai k saamne har baat saaf hui..varna pehli raat ko Bani theek hi thi..uske baad se hi Bani ki berookhi saamne aai..par usne kyaa suna?Baat ussike baare me ho rahi thi..kahin usne aadhi baat sun kar hi faisla toh nahi kar lia?This is a real trouble..is tarha Bani apni zindagi khatam kar rahi hai..aur Jai ki bhi..ab kyaa kare Jai?

*************************************

Uday aur Krishna do hafte ka keh kar gaye,bees din ho gaye..waapas aane ka naam hi nahi le rahe hain..Jai office samhal raha hai..Bani hoti hai..par kaam k ilava aur koi aisa topic nahi jis par dono ki baat ho sake..Bani ek din jaldi nikal gayi..court jaana tha usko.. Jai zaroori meeting me fans gaya..jab meeting khatam hui ,Jai ko hosh aaya raat k 10 baj chuke hain...Jai nikal pada ghar ki taraf..

Jai ghar k andar gaya..par ghar k andar jate hi...maarpit ki awaz ai...dekha Bani ko do admi mil kar maar rahe hain..are yeh to wahi do hain jo us din the....usdin raste me..aaj ghar pe humla....dekha woh dono ja rahe hai khidki k raste..socha Bani ko samhaale..par kyaa hua..Jai ne undono ka peechha kia..

Raste me unki car k samne apni car khadi kar di...ek ko maar na shuru kia..Jai ne..

Doosra chhoodane ki koshish karne laga.....maar pit k baad ....Jai ne poochha.."Bol,roz meri Biwi k upar humla kyon karta hai..tere ghar me Maa Bahen nahi hai kya?"

Jo jawab mila..Jai woh sunne k lia taiyyar nahi tha.....

Unhone bataya..Bani unki purani client hai....har teen chaar maheene me unko bulati hai.. kehti hai,Apni puri taakat laga k mujhe maaro...jitne paise mango milenge..

Jai--Kyaa matlab?

Sir..aapki Biwi apne ghum se ubhar ne k lia yeh karti hai..aaj se nahi pichhle paanch saal se humari client hai..humara kaam hai paisa milne pe logo ko marna..par koi pehli baar khud ko marne k lia paise de rahi hai..hum bhi chauk gaye the..ab aadat ho chuki hai...kabhi kabhi humara dil bhi ro uthta hai..k ek nirdosh ko is tarha marte hue..par unka hukum hai.. aur dhandhe ka sawal hai saab..koi itna kaise bardast kar leti hai..aj kal Pati ek jhapad mare to aurat court jaati hai..aur yeh gair ko paise deti hai jee jaan lada k maar ne k lia..kahti hai.. dekhna chahti hai..kitna dard jhelne ki takat hai unme...mujhe lagta hai jab koi andar ka dard unhe pareshan karta hai ..tab woh humko bulati hai...apne dard se chhutkara pane k lia..is dard ko jhelne..Saab,Police ko mat bolna....humari bhi family hai na saab...

Jai ne kaha ,"Aaj se tum logon ki zaroorat nahi..dobara meri Patni k aas paas bhi dikhe to haalat bigaad dunga."

Jai jaldi ghar lauta...bed room me jake dekhta hai..Bani zameen pe padi hai..aankh se ek asoon nahi...par naak se khoon beh raha hai..zakhm k nishan gahre hai..Jai ne bulaya... "Baniiii".

Bani ne dheere dheere aankhe kholi...dekha..Jai bhi zameen me baitha hai..apna sab kuchh jab koi haar jata hai..tab yeh shakal hoti hai admi ki..Jai ki shakal aisi hi hai...

Itne gahre zakham k baad jiski zuban se ek aah tak nahi nikli..uske lia kaun sa dilasa hai.. kyaa kahega woh?Usko yaad aai usdin ki baat jab sadak pe Bani zakhmi mili thi..aaj sari baatein saaf ho rahi hai.....khud par zulm karne ka yeh tarika pahli baar dekha Jai ne,usne suna tha Police ki third degree k baare me..aaj kyaa hoti hai woh dekh bhi lia..achha hua ghar aaya seedhe..varna yeh sach Jai ko pata hi nahi chalta...kyaa karega woh..kaha jaayega..Bani ki dimagi haalat thik nahi hai kya??Is she a psycho?

Jawab Jai k dil ne hi de dia,normal nahi hai kya?Jisne duniya bhar ki gaalian suni ho,usne bhi gaali di use,jo ek shabd apne zuban se nahi nikalti..kya uska dard is tarha apni kahani nahi bayan karega?kaha jaoon main..kya karoon..is zakhmi dil pe kaun sa marham lagaoon..jab k sabse zada chot maine hi use die hai?

Puri raat,Bani usi tarha zameen pe baithi rahi..Jai bhi kamre k ek kone me baitha raha...

i was not aware that u have updated, will be back with my comments in morning dear