FF:NAJAAYEZ.Part 17Page24,17/03/10 - Page 13

Originally posted by: phool527

Ananya.. omg ab yeh kaunsa naya twist hai yaar.. pehle jai aur phir jab sab theek ho gaya toh phir bani.. watever happened to the savi savitri bahu bani.. lol.. anywayz great part yaar.. continue soooon..

Originally posted by: teenzs

hi anaya...

so bani ishaving a big misunderstanding..hmm..ismisunderstandingko jaldi se gayab kar do n send them on alongggggggggg honeymoon😉

Originally posted by: abhilashasharma

yeh kya ulat-pulat ho gaya!!! hey bhagwan!!!

Originally posted by: tam2

owww now more misunderstanding from Bani's side ... ... not good ... .... but it was nice to see Jai all changed and loving Bani so much... but Bani will create problem for her married life ... ... do cont soon ...😃...

Jab nasha sar chadh kar bolta hai..tab insaan ko hosh nahi rehta..sab kuchh achha lagta hai..duniya rangeen lagti hai,par dheere dheere jab nasha utarne lagta hai,tab fir se nashe ki zaroorat hoti hai..varna sab kuchh ajeeb lagta hai..kisiko nasha is tarha chadhta hai k nasha utarne par usko aas paas ki sachchai raas nahi aati.Shaadi k shuruat k din aise hi beet gaye..par ab nasha utar raha hai..Jai k saamne kuchh saaf ho raha hai..apne josh me woh dekh hi nahi paaya k Bani kyaa soch rahi hai.

Sangeet dheemi lai se shuru ho toh hi achha..Jai ne shuru me hi sur aur taal oonchi kar li.. yehi ghalati kar baitha woh.Sirf pyaar karna kaafi nahi hota..ab Jai samajh raha hai.. mohabbat me izhar karna kitna zaroori hota hai..yeh ab Jai samajh raha hai.Baat ek tarfa ho..toh usme koi baat nahi rehti..agar baat dono taraf se ho tab bhi koi baat nahi banti agar waqt par dil ki baat zuban par naa aaye.Jai ne yehi socha tha k sab theek ho jaayega..par sab itna aasaan nahi hai.Jai ne socha tha apni saari ghalati ek ek kar sudhaarega,par ghalatian itni saari hai,pata hi nahi chalta kahan se shuru kare Jai.Zakham khula chhod do..toh zakham bharta nahi..par zakham chhoopa kar rakh do,toh bhi zakham nahi jaata..Ab Jai ko aisa lagne laga hai..k Bani usse aur bhi door hoti jaa rahi hai..aisa kyon ho raha hai Jai samajh nahi paa raha hai.Bani saath rehti hai..par saath hokar bhi saath nahi..Jai ko ab is rishtey me kumee dikh rahi hai.Jai jab Bani ko chhoota hai..tab aisa kyon lagta hai k Bani k andar koi ehsaas hi nahi hai.Dheere dheere Bani k jism par nishaan banne lage..subha jab Bani neend se jaagti hai..tab aaine me dekhti hai khud ko.. ussi tarha k nishaan hai jab pehli baar Jai ne Bani k saath zabardasti ki thi..aaj woh zakham fir se hare hone lage hain.Roz raat ko Jai k bhaari sharir k bojh tale Bani dab jaati hai..uska dum ghoot jaata hai..ab raaton ko darr lagta hai..din bhar office ka kaam kar k.. roz raat ko bistar me Jai ki bhookh mitate mitate Bani thak chuki hai.Raat ko bandh kamre k peechhe ka Jai alag hai bahut..uska yeh roop ab saamne aa raha hai..baar baar Jai k haath Bani ko chhoote hain..roz jism k ek hi jagah par dard bardasht nahi hota.. peechhli raat ka dard jaata bhi nahi..aur is raat ko fir se wahi sab..pahle Jai aisa nahi karta tha..par Bani ki zimmedari banti hai is maamle me.Suhaag raat ko jis tarha Bani Jai k kareeb gayi thi..ab woh us tarha Jai ki taraf dekhti bhi nahi..Jai k dil me jo khwaish jagai hai Bani ne.. woh puri nahi hoti..issi lia Jai aisa karta hai..pyaas toh Bani ne jaga dia..par pyaas boojhhane ka raasta Bani ne bandh kar dia hai..aur Jai waapas ussi haivaniyat k raaste par nikal pada hai..jaan boojh kar aisa nahi karta..har raat ko yehi soch kar Jai Bani k paas jaata hai k aaj Bani berookhi nahi dikhaayegi..par Bani k thande pad gaye sote hue jism ko dekh kar Jai ko gussa aa jaata hai..

********************************

Jai apne kaam se gaya tha Mumbai se baahar..Hydrabad aur Bangalore me usko kuchh logon ko milna tha..naye project k silsile me..Bani ke mobile par phone karta raha..Bani ne yeh keh kar kaat dia k "Busy hoon..baad me baat karti hoon.."..hafte bhar tak yehi chalta raha..Jai ka gussa badhta gaya..

16th January,2006..

Jai--Shaam ko..tum abhi tak office me thi?

Bani--Haan..zaroori meeting thi..aur company expansion ki baat bhi ho rahi hai..

Jai ka dimaag jal gaya..Bani jhoot bol rahi hai...agar Jai gusse me nahi hota..toh Jai Bani ko dekh paata..uska chehra dekh paata..uski soojhi hui aankhe dekh paata...Jai ne aisa kuchh kia hi nahi..darwaza bandh kar k..Bani k paas aaya..kaha ,"Kapde utaaro.."

Bani--Aaj raat k lia rahne do please..main bahut thak chuki hoon..tabiyat theek nahi hai..

Jai--Main itne din tha nahi..aaj raat me kyaa problem hai?Main bhi thaka hoon..main zyada bahes nahi karna chaahta..kapde tum utaarogi yaa main utaaroon?

Bani ne aur kuchh nahi kaha..apna blazer nikaal kar usne zameen par feka..uski shirt..uska trouser neeche geera..

Bani Jai k neeche thi..usne sirf itna kaha ,"Jai..light off kar do...."

Jai ne kaha,"Nahi...mujhe dekhna hai..tumko..aisi kyaa baat hai..jo tum mere saath yeh zyaadti kar rahi ho..khud mere saath bura sulook karti ho..majboor kar deti ho taa k main jaanwar ban jaaoon..aaj thak gayi ho..tabiyat kharab hai..pahle kyaa hota tha?Roz roz tumhari tabiyat kharab toh ho nahi sakti ..fir?Kyon kar rahi ho aisa?Kya tum mujhse pyaar nahi karti?"

Bani--Maine kabhi tumko nahi roka..ek raat aisa nahi gaya..jab maine tumko roka..tumne jo chaaha kia ..fir is tarha kyon sochte ho?

Jai--Sirf saath me sone k lia mujhe tumhari zaroorat nahi hai...bazaar me bahut mil jaati hai..paise le kar yeh kaam karti hain bahut ladkian..Bani..you are wife..Patni ka matlab tum nahi jaanti..maine tumse pyaar kia..par us pyaar ka aadha bhi mujhe waapas nahi mila..tumme naa koi jazbaat hai..naa ehsaas...roz raat ko ek zinda laash k saath mujhe sona padta hai..do you ever realise how it feels?Kis baat ki pareshaani hai tumhe?Kyon is tarha berookhi dikhaati hoon..?

Bani--I am sorry Jai...mujhe maalum nahi tha k tum itne dukhi ho..maine toh wada kia tha tumse k tumko kabhi dukh nahi pahoochne doongi..but I hurt you..I am sorry...

Jai--Yeh diplomatic baatein mere saath mat karna..tum...raat k ek baje lauti tum..kehti ho office me thi..jab k tum do din se office nahi gayi..bataao Bani..tum kahan gayi thi?Haan.. mujhe dhokha de rahi ho..mere peeth peechhe kyaa kar rahi ho?

Bani ne jawab nahi dia..

**********************************

Subha uth kar Jai ne dekha Bani ghar me nahi hai..office chali gayi hai..breakfast k baad Krishna ne Jai ko study me jaane ko kaha..zaroori baat karni hai.

Jai--Kahiye..

Krishna--Agle kuchh dino tak..Bani par nazar rakhna..uska mann bahut ashaant hai..

Jai--Kis lia?

Krishna--Kiran..matlab Bani ki Maa ki maut ho chuki hai..Bani yeh baat jaanti hai..teen chaar din pahle usko yeh khabar mili hai..lambe waqt se bimaar thi Kiran..issi lia Bani itni khoyi khoyi si rehti thi..tum zara uske saath rehna..main batana chaahti thi..par tumko zaroori kaam se jaana pada Bangalore..kal raat Bani Pune se waapas aai...Kiran wahi par rehti thi..

Jai study se baahar aaya..andar hi andar toofan chal raha tha..itni badi baat ho gayi..aur usko khabar hi nahi.Kiran ko kabhi dekha nahi Jai ne..par Bani ki Maa thi woh.Ab sab kuchh dheere dheere saaf hone laga,Bani kyon itni pareshaan thi..itni kyon khoyi khoyi rehti thi.Yeh kyaa ho gaya?Jai ne aisa toh nahi socha tha.Har din Bani dard se guzarti rahi..par Jai dekh nahi paaya..kya vaakei me Jai ne Bani se pyaar kia hai kabhi?Yaa fir ek junoon saa sawaar tha Jai par?

Krishna baahar aai..aur Jai se kaha ,"Tu zara usko Doctor k paas le jaana..kai dino se dekh rahi hoon..uski haalat kuchh theek nahi lagti..mujhe shak hai uski haalat par..lagta hai woh Maa bannewali hai.."

Jai--Kyaa?Aapko aisa kyon lagta hai?

Krishna--Arre..main nahi samjhoongi kya..?Tu Doctor ko dikha laana Bani ko..

Kai dino se Krishna ne Bani k andar yeh badlaav dekhi hai.Khana chhod kar bhaagna bathroom ki taraf..uska chehra..Krishna ko shak toh hua tha..Bani ko apni haalat k baare me hosh hi nahi hai kai dino se..

**********************************

"Kya main bahut bura insaan hoon Bani?"..Jai ka pehla sawaal yehi tha..jab Bani kamre me aai.Bani baukhla gayi..poochha,"Maine aisa kab kaha?"

Jai--Tumhare saath yeh sab hua..aur tumne mujhe nahi bataya..tumhari Maa..

Bani--Kisne bataya tumhe?

Jai--Maa ne bataya..Bani..tumne mujhse kyon nahi kaha?Kya main tumhara bharosa nahi jeet paaya?

Bani--Aisa nahi hai Jai..mera yakeen uth gaya hai..zindagi par se hi..

Jai--Meri Maa ne tumhare saath jo sulook kia..

Bani--Jaayez tha sab kuchh Jai..unke paas wajah thi..mujhse nafrat karne ki..

Jai chauk gaya..yeh nayi baat sun raha hai...

Bani kehti rahi,"Tumhare Tayajee..tumhari Maa se pyaar karte the..par Dadyjee aur Mom pahle se ek doosre k ho chuke the..dono ki shaadi ho gayi..meri Maa tumhare Tayajee se pyaar karti thi..par Tayajee ki taraf se aisi koi baat nahi thi..meri Maa ne tumhari Maa ko zimmedar thehraya..aur unko beizzat kia..yeh keh kar k unke pet me jo hai..woh najaayez hai..tab tum the apni Maa k pet me..tumhari Maa woh dard bhool nahi paai..issi lia mujhse itni nafrat karti hain woh..bhala koi us aurat ki aulad ko kaise bardasht kare jisne uski aulad ki paidaish par sawaal utha dia..tumhari Maa ka gussa jaayez hai mujh par..yakeen maano Jai..meri Maa aakhri dum tak tumhari Maa se maafi maangti rahi..woh har roz ek nayi maut marti rahi..unke paapon ki yehi saza thi k paida hote hi unhone mujhko kho dia ....aur.."

Bani ne mudh kar dekha..Jai jaa chuka tha..Bani ne apne bag se medical report nikaali.. apne pregnancy reports..khud hi se kahne lagi,"Tumhari Maa ki nafrat jaayez hai Jai..aaj koi agar mere bachche par shak kare..toh mujhe bhi usse utni hi nafrat hogi jitni nafrat tumhari Maa ko mujhse thi..yaa aaj bhi hai..main kyaa karoon Jai?Main chaah kar bhi tumhare kareeb nahi jaa sakti..pata nahi mujhe kyaa ho jaata hai..khud k wajood par sharm aati hai..aur mujhe yakeen hai..ab tum mujhe nikaal doge apni zindagi se..tumhari Maa k lia tumne mujhse nafrat ki..unhike kahne par tum mere saath soye...jiska nateeja aaj mere pet me hai Jai...."

Bani ne reports rakhne k lia drawer khola..aur usko apni tasveer mili..khoon se rangi hui.. Jai k paas yeh tasveer thi..Bani k khone k darr se Jai ne jab apne haath zakhmi kar lie the.. yeh wahi khoon k dhabbe hain...par Bani ko is baat ki khabar nahi thi...Bani ko fir se Jai ki nafrat ka ehsaas hone laga..uska sar chakra gaya..kaanpte hue kadmo se woh bathroom tak chali toh gayi..par darwaza bandh nahi kar paai.Shower khol kar ussike k neeche baith gayi..uske chehre par uske aansoon the..yaa shower se nikla paani pata nahi chala..itni nafrat aur itni kadvahat k saath koi kaise jee sakta hai?Ek nayi zindagi ko iske beech laana..yeh bhi paap hai..

***********************************

Krishna ne jab suna Jai se..tab kuchh der woh chup rahi..fir kaha ,"Haan..yeh sach hai..issi lia main Bani se nafrat karti thi.."

Jai--Uski Maa ka dosh tha..uska kyaa kasoor tha Maa?

Krishna--Tu meri ek lauti aulad hai Jai..koi tere baare me bura kahe..main kaise usko maaf kar doon..haan maine ghalati ki jo is aag me Bani ki zindagi jala di..

Jai--Uska kyaa dosh Maa?Usne toh kuchh nahi kia..

Krishna--Mujhe yeh baat samajhne me itne saal lag gaye.I am sorry Jai..par tu jaldi samajh gaya..jaa kar samhaal le usko..tune usse poochha..Doctor k paas jaana hai na usko le kar?

Jai--Ohh..main bhool hi gaya..main abhi jaata hoon uske paas..

Jai daur kar aaya bed room me..dekha bathroom ka darwaza khula hai..paani baahar tak aa gayi hai..Bani shower k neeche baithi hai..usko hosh nahi hai..uske haath me uski tasveer hai..khoon k daag dhool rahe hain dheere dheere us tasveer se..Jai samajh gaya..k Bani ne kyaa matlab nikala hai us tasveer ka..Jai ne shower bandh kia..Bani ko uthane ki koshish kar raha hai..par utha nahi paa raha hai..Bani chehra pakad k kahne laga, "Bani.. jaisa tum soch rahi ho..waisa nahi hai..Bani..main tumse nafrat nahi karta..Bani..sun rahi ho..?Baniii...tumhara koi dosh nahi...main kabhi samajh nahi paaya tumhara dukh,tumhara dard..I am sorry Bani...."

Achanak se Jai ne dekha..Bani k kapde khoon se rang gaye...she is bleeding..bleeding rook nahi rahi hai..Jai ne dekha kahi usne suicide karne ki koshish toh nahi ki..par uske jism me koi nishaan toh nahi...Jai chillane laga ,"BANIII..KYAA HUA??BANNIIIII.."

Jai ki awaz sun kar Krishna uske kamre ki taraf dauri...aur zameen par padi hui kaagaz unke nazar me aai..Bani ki pregnancy report..she is having two months of pregnancy.. Krishna ne kaha ,"Hospital chal..abhi..issi waqt..she is pregnant Jai..uski report bata rahi hai..".

Jai Bani ko utha kar neeche laaya..Uday chauk gaye.."Kyaa hua?"

Jai--Car nikaalie..hospital jaana hai..

************************************

"Aaj subha k 11 baje hi woh aai thi..apni reports lene..abhi kyaa ho gaya inko..samajh me nahi aa raha hai,but,sorry to say Mr.Walia,your wife has miscarried this child,unki bleeding bahut pahle se hi shuru ho gayi thi..humare haath me kuchh nahi tha..very sorry.."

Krishna Uday ko pakad k ro rahi thi..Uday samjha rahe the,"Krishna..ho sakta hai woh chakkar khaa kar bathroom k andar geer padi..tumne toh dekha tha usko..tumne kyaa kia hai?Bachcha fir se ho jaayega..tum pareshaan mat ho.."

Krishna--Ab Jai ka kyaa hoga?Woh toh toot hi jaayega..Bani ne agar usko ghalat samajh lia..toh aur bhi musibat hogi..

Uday--Kuchh nahi hoga..you relax..please Krishna..

Bani ka chehra pura safed ho gaya tha..jaise khoon hi nahi hai..Jai uske bed k paas baitha tha..chair le kar..Bani ko aankhe kholte dekh kar woh bhi seedhe ho kar baitha..

Jai--Mujh par bahut gussa aa raha hai na?

Bani ne sar hilaya..

Jai--You had a miscarriage..Bani..ab bhi tum naraz nahi ho kissi se?Mujhse yaa meri Maa se..?

Bani--Aaj jaa kar dil ko sukoon mila hai..shaayad ab meri Maa k paapon ka prayashchitt hua..

Jai--Kiska paap aur saza kisko Bani?Tum ko?Yaa ek aise ko jo paida nahi ho paaya..?

Bani--Woh khushnaseeb tha..yaa thi..paida nahi hona pada..paida hone se bada abhishaap kuchh nahi..usse bada gunaah aur koi nahi..mujhse behtar kaun jaan sakta hai?Aaj bahut shaanti mili hai Jai..ek arse k baad aisa sukoon mila hai..aaj bahut chain ki neend aayegi, jaise main sadiyon se nahi soyi...mujhe sona hai Jai...

Jai--Ghar chal k sona Bani..ab tum baat mat karo...

Bani--Mujhe chhod do Jai..kaha tha maine..tumko kuchh bhi haasil nahi hoga..par tum nahi maane..

Ab Jai se bardasht nahi hua..woh baahar chala gaya...deewar par sar rakh kar rone laga..usne aisa toh nahi chaaha tha..