Chapter 3
Sakshi, Kutumb milkar panditjise achhasa sagayi ka muhurat niklawati hain. Rishi Jhanjharme aakar official chutti leke dadi ke sath Delhi aata hain. Dadi usse Indirase milwaneke liye kehti hain. Rishi dadiko lekar Indirake ghar aata hain. Waha Indiraki saheliya usse chidha rahi thi. Rishi aur dadiko dekhkar Kutumb unke pass aati hain. Rishi usse dadise milwata han. Indira aakar dadike per chuti hain.
Dadi : Khush raho beta. Rishu tune sachme apne liye heera chuna hain. Lakhome nahi karorome ek ladki hain. Wo Rishiko Indirake sath khada karke unki najar utarti hain. Kutumb dadiko lekar andar jati hain. Indiraki sari saheliya Rishi ko gher leti hain.
Gauri (Indira's friend) Toh batayiye humare honewale jijaji, humari Indirame aapko aisa kya dikha jo aap usse dil dekar bethe?
Rishi : Meri honewali saliji, kya batau, agar ek baat ho toh bataunga na. Agar me aapki Indiraki khubiya batane bethunga toh pura salbhi kam padega aur agar likhne bethu toh shayad novel bhi kum padegi. Sab iss batse haste hain.
Gauri : Kya baat hain Indira, humare jijaji toh bade romantic hain aur majakiyabhi hain. Sab wapas hasti hain. Kutumb aur Dadi aati hain, Rishi beta idhar aana, hum donone yeh socha hain ki sagaike liye ab sirf thodehi din baki hain toh tum aur Indira jake sagaiki anguthiya aur tumhare dressesbhi le aao, hum tab tak panditijise bat karke bakiki taiyariya karte hain.
Dadi : Haa Rishu tum dono jaldi jao aur haan Sakshise meri jara baat karwa. Usse bhi yaha bulana hain. Dadi Sakshiko phone karke usse waha bulati hain. Rishi aur Indira bahar jate hain.
Thodi der bad INSHI dresses aur rings lekar aate hain.
Dadi : Rishu beta humne panditjise baat ki hain unhone sagai ke turant 8 din bad shadika muhurat bataya hain. Hum sabne wahi muhurat fix kiya hain.
Kutumb : Haan aur humne unse shadiki taiyarionke bareme bhi pucha hain. Ab Indira, humare pass bilkul time nahi hain, abhi hume invitation cards chapwane hain, hall book karna hain, mehmanoki list banani hain...
Indira : Maa... please humari baat toh sun lo...
Kutumb : Kya hua beta? Jabse aaye ho tabse sirf hum donohi baat kar rahe hain.
Indira Rishike taraf dekhti hain. Rishi blink karta hain. Auntyji hum donone ye teh kiya hain ki hum shadi bahot simplesi karenge. Sirf humare close relativeskohi bulayenge aur shadi hum mandirmehi karenge. Waisebhi jyadatar log sirf dikhaweke liyehi aate hain. Yaha wahaki baate karke show off karte hain aur khana kha kar chale jate hain, toh isiliye humne socha hain hum jyada logonko nahi bulayenge sirf humare close relativesko hi bulayenge, aur hallme shadi karnese achha hain hum chahte hain bhagwanjike samne hum humari nayi jindagi shuru kare isliye humne teh kiya hain pehle hum register marriange karenge aur uske bad mandirme puri riti riwajonke sath shadi karenge.
Indira : Haa maa aur jo paise bachenge wo hum humare instituteko denge.
Kutumb ye sari bat sunkar naraj hoti hain. Yeh kya baat hui Indira? Tum meri ek lauti beti ho aur Rishi beta tumhare pariwarme bhi toh yeh aakhri shadi hain na? Dadiji aaphi kuch boliye na.
Dadi : Kutumb beta waise bachhebhi sahi keh rahe hain. Hum un logonpe paisa kyu kharch kare jo shadise jyada ek dusreki chugliya karte hain aur sirf dikhawa karne shadime aate hain. Usse achha jo bachhone socha hain wo sahi hain.
Kutumb sochti hain. Sahi kaha dadiji aapne. Ab waisebhi agar miya biwi raji toh kya karega kaji? Iss batpe sab haste hain.
Sagaike do din pehle
Shadi aur sagaiki taiyariya dono gharome badi dhumdhamse shuru hoti hain. Indira Kutumbke kamreme aati hain. Kutumb usse malishkarne lagti hain. Kya hua Indu beta kya soch rahi ho tum?
Indira : Maa aapko yeh sab ajib nahi lag raha?
Kutumb : Ajib? Matlab kya hain tumhara?
Indira : Dekho na maa, uss conferenceme Rishika challenge dena, uske dusrehi din Rishi aur uske bhabhika ghar aana, aapko Rishi pasand aana aur ab yeh sagai aur turant shadi ye sari baate aapko ajib nahi lag rahi? Ye sab bahot jaldi jaldi nahi ho raha?
Kutumb : Oh toh yeh baat hain. Beta tumhe kya lagta hain me teri shadi aisehi kisi ajnabike sath karungi? Jab tune mujhe conferenceki bat batayi thi maine ussi din Rishiki sari information nikali thi.
Indira yeh baat sunkar shock hoti hain. Kya? Iska matlab aapko Rishike bareme sab kuch pata tha? Par kaise?
Kutumb : Jab tumne mujhe conferenceki bat batayi ussi din maine uss conference organise karnewali Mrs. Guptase Sakshike bareme pata kiya aur fir Rishike bareme pata kiya. Ladka sachme bahot achha hain Indira. Usne apne bachpanmehi maa baapko khoya tha, uski parvarish uski dadi aur bade bhai Sameerne hi ki hain. Rishi apne dadise bahot pyar karta hain. Uske dadaji gaonke mukhiya the. Jhanjhar jaise gaonme reh karbhi wo purane sochke nahi the. Unhone apne sath Rishike dadijiko bhi padhaya. Unka sapna tha gaonme school aur hospital kholneka aur yeh sapna Rishine pura kiya. Wahake sare log Diwan khandanko bahot mante hain. Sameerki padhayi hone ke bad wo Delhime shift hua aur ab ek MNC me kam karta hain. Uski biwi Sakshibhi bahot achhi aur nek dil ladki hain.
Indira : Maa aapne itni sari information ek dinme nikali?
Kutumb : Haan thodi basic pehle nikali aur bakiki dadijine batayi. Sach kehti hu Indira, dadiji bahot achhi hain. Wo tumhara bahot khayal rakhengi aur waisebhi mere honewale damadjibhi tumse bahot pyar karte hain.
Indira wahase jane lagti hain. Chaliye maa aap so jayiye. Bye good night.
Kutumb : Are meri sherni sharma gayi.
Indira : Maa me sharmati nahi hu. Ab aap so jayiye. Wo wahase chali jati hain.
Indira chatpe aati hain. Usse uski friend Rashmika phone aata hain. Indira, me yeh kya sun rahi hu? Tum shadi kar rahi ho? Humne toh shadi na karneka teh kiya tha na toh tum ye shadi kaise kar sakti ho?
Indira : Rashmi relax ho jao. Me yeh shadi sirf meri maaki wajahse kar rahi hu. Waise bhi tujhe pata hain mujhe iss shadike bandhanme bandhneka koi shauk nahi hain, mere liye mere kam aur maa se jyada iss duniyame koi important nahi hain. Aur tu bilkul fikar na kar, me yeh shadi sirf uss Rishike bachheko sabak sikhaneke liye kar rahi hu.
Rashmi : Then ok, warna mujhe laga tha tu bhi typical ladkionki tarah ban gayi hain.
Indira : Yeh toh ho hi nahi sakta Rashmi darling. Ab tu dekh ek bar shadi ho jane de fir uss Rishiko me kaise pareshaan karti hu. Iss batpe dono hasti hain.
Sameer's House
Rishi apne kamreme kitab padh raha tha. Sakshi usse coffee dene aati hain. Yeh kya Rishi? Abhi tak kam kar rahe ho? Ab toh kam chod dijiye dewarji.
Rishi : Kya karu bhabhi, kam bhi toh jaruri hain. Bas thodasahi baki hain.
Sakshi : Ye lo tumhari coffe, thandi honese pehle pini hain samjhe na. Rishi hasta hain. Rishi mujhe tumse jaruri baat karni hain.
Rishi kitab band karta hain. Haa kahiyena bhabhi. Kya hua bhabhi? Sab thik toh hain na?
Sakshi : Haan waise sab thik toh hain par pata nahi kyu manme ajibsi bechaini ho rahi hain.
Rishi : Kya hua bhabhi?
Sakshi : Rishi, me janti hu tu Indirase pyar karta hain par kya wo tujhse yeh shadi apne dilse kar rahi hain? Rishi usse confuse look deta hain. Mera matlab ye hain ki tumne usse jo challenge diya tha isliye wo tujse shadi kar rahi hain aur ye baat tum bhi achhese jante ho. Mujhe issi baatki bahot fikar ho rahi hain. Indira normal ladki nahi hain. Wo Jhanjhar jaise gaonme kaise adjust kar payegi aur agar usne tumhe pareshaan kiya toh? Dadi bhi toh tumhare sathhi rehti hain. Agar usne unse kuch ulta seedha kaha toh? Yahi soch soch kar mera sar phata ja raha hain. Har bar mere dimagme yeh ekhi baat aa rahi hain. Tune usse shadi karneka faisla galat toh nahi liya na?
Rishi : Bhabhi, aap in sab batonki jyada fikar mat kijiye. Yeh sari bate mainebhi achhese sochi hain. Me yeh bhi janta hu wo aisa kuch nahi karegi jisse dadiko bura lagega aur rahi baat meri toh wo agar sher hain toh me bhi toh sawasher hu na bhabhi. Dono iss batpe haste hain. Isliye keh raha hu aap bilkul fikar mat kijiye. Maine usse pyar kiya hain bhabhi aur dekhna mera yeh pyar ussebhi badal dega.
Sakshi : Me janti thi tum aisehi kahoge aur I am sure tum usse jarur badloge. Rishi hasta hain.
INSHI ki sagai achhese hoti hain. Sab log shadiki taiyariya karte hain. Sari rasmonme bache huye din bit jate hain aur shadika din aata hain. Indirake ghar INSHI ki register marriage hoti hain aur sab log mandirme jate hain. Sari rasme honeke bad panditji unhe pati patni ghoshit karte hain. Shadike bat sare dost INSHIki bahot khichai karte hain.
Nikhil : Beta Rishi aakhirkar tujhe shernine apne jaalme odhhi liya.
Rishi : Odh toh ussi din liya tha jis din usne tujhe sunaya tha. Yad hain tumhe maine kaha tha jaldhi tumhari bhabhise tumhe milwaunga dekh maine milwa diya. Dono haste hain.
Kalpana NGO ki chairman Kalpanaji Indirako wish karne aati hain. Indira Rishise unhe milwati hain. Dono unka aashirwad lete hain. Khush raho dono. Indira beta bahot achha ladka mila hain tujhe. Khush raho beta, me aaj tumhare liye bahot khush hu. Wo usse foreheadpe kiss karti hain. Rishi beta, humari Indiraka khayal rakhna, manaki wo thodi gussel hain par dilki bahot achhi hain.
Rishi : Aap bilkul fikar mat kijiye. Me uska issi janamme nahi balki pure sath janmome achhese khayal rakhunga. Kalpana iss batpe hasti hain.
Kutumb bidaiki sari rasme nibhati hain. Rishi aur DF se Indiraka khayal rakhneke liye kehti hain. Sab log Jhanjharke liye nikalte hain.
Veer Hanuman
Anupamaa
