Chapter 2
Rishi sakshi ke sath conferenceme aata hain. Conference shuru hone ke bad Indira apne institute ke bareme aur uske bad wo mardonko tane dene lagti hain. Unke bareme bahot kuch bura bhala kehti hain. Hall ki sari auratein usse support karti hain. Rishi in batonse pehle hasta hain par kuch der bad wo chup nahi reh pata. Wo beechme khada hokar Indirako rokta hain,
"Excuse me... I am sorry to disturb you par mujhe kuch bolna hain." Sare log uske taraf dekhte hain. Indira usse dekh kar shock hokar man me hain,
"Yeh yaha bhi aaya? Ab pata nahi kya karega?"
Rishi : Ms. Sharma sabse pehle me aapki tarif karna chahta hu mera matlab aap jo aurtonkeliye kar rahi ho wo kam kabil e tarif hain par abhi aap jo keh rahi hain usme aap sirf mardonke liye burahi bol rahi hain. Aapke kehneka matlab yahi hain ki iss duniyame agar mard nahi hote toh kuch bigadtahi nahi. Indira sar hilati hain. Aap bar bar yeh keh rahi hain auratein mardonke alava kuch bhi kar sakti hain.
Indira : Haa definately kuch bhi kar sakti hain.
Rishi : Achha toh mera sirf ek sawal hain aapse please uska jawab dijiye. Kya aurtein bachhe bhi paida kar sakti hain? Rishi ka ye sawal sunkar sab log shant hote hain. Hallme pin drop silence hota hain. Kya hua ms. Sharma batayiyena bina mardke aurtein bachha bhi paida kar sakti hain? Sakshi usse chup rehenekeliye kehti hain par wo usse rokta hain. Indira bahot gussa hoti hain. "Ye kaisa sawal hain? Tum ye kya bol rahe ho? Jarasi bhi tamiz nahi hain tum me?" Wo audience ke taraf dekhti hain. "Dekha aapne beheno, hum aurtone thodisi awaj kya uthayi toh in mardonke ego kaise hurt hote hain. Ye mard aisehi hote hain. Hum aurtonko neecha samajte hain,unko apne hath ka pyada samjte hain." Hallki sabhi aurtein Rishipar chillane lagti hain. Rishi sabko shant karta hain, "Ek minute...ek minute aap meri baat ek bar achhese sun lijiye aur waise bhi yeh conference hain yaha audience aur lecturerke beechme interaction honahi chahiye. Sabko mauka milna chahiye baat karneka. Indira unko shant karti hain. "Aap shant rahiye. Bolne dete hain isse. Bolo tum kya kehna chahte ho."
Rishi : Me manta hu Ms. Sharma ki humari sanskriti abhi bhi male dominant hain par iska matlab aisa nahi ki sare pati apni patnipe atyacharhi karte hain. Agar aisa hota toh purane jamanemebhi Jyotiba Phuleji bhi apni patni Savitrijiko padhate nahi aur nahi fir aaj itni sari ladkiya padh pati. Wo sirf Jyotibahi the jinhone apni biwiko padhane ke liye encourage kiya. Hall ke sare mard taliya bajate hain. Yeh toh purani bate hain par aaj bhi bahot sare pati aise hain jo chahte hain ki unki patni padhe aur aage jaye.
Indira : Oh achha? par jab koi bhi aurat aage jati hain toh ptika ego hurt hota hain aur wo apne biwike per khichne lagta hain. Sari aurtein uski baat pe sehmat hoti hain.
Rishi : Haan, me yeh baat manta hu ki aisa hota hain par aaj kal ladkiyan ladkonse kam nahi hain, dono pati patni kandhese kandha milakar khade rehte hain aur ek dusreka sath dene aur ghar chalane ke liye kam bhi karte hain. Sare pati ek jaise nahi hote. Sare pati apni biwipe atyachar nahi karte hain. Aap aise sare mardonpe ilzam nahi laga sakti aur nahi aisa keh sakti hain ki aurtein bina mardonke kuch bhi kar sakti hain.
Indira : Oh come on please, itna ego hurt honeki koi jarurat nahi hain, tum sare mardonko yeh mananahi hoga ki aurtein mardonke alava kuch bhi kar sakti hain. Ek kam karo tum ek baat batao ki mard aurtonke bina kya kar sakte hain?
Rishi : Dekha jaye toh kuch bhi nahi kyunki bhagwan ne aurat aur mard ko ek dusreke liye banaya hain, jo kam aurat nahi kar sakti wo mard karta hain aur jo kam mard nahi kar sakta wo aurat karti hain.
Indira : Achha toh me tumhe challenge karti hu, tum jo kahoge wo me tumhe karke dikhati hu, aisi koi baat nahi hain jo aurat kar nahi sakti.
Rishi : Achha? Ek bar soch lijiye.
Indira : Haan soch liya.
Rishi : Thik hain toh aap mujhse shadi kar lijiye. Hallme wapas pin drop silence hota hain.
Indira : Kya shadi?
Rishi : Haan shadi. Kyun kuch problem hain?
Indira : Pagal ho gaye ho kya? Tumhe pata bhi hain tum kya keh rahe ho?
Rishi : Ji haan, me bilkul apne hosh me hu. Batayiye karogi aap mujhse shadi? Soch lijiye abhi abhi aapne mera challenge accept karneki baat ki thi.
Indira : Challenge ye tha ki me koi bhi kam karungi. shadiki baat nahi hui thi.
Rishi : Shadi bhi jindagika ek important kam hain na aur waisebhi maine aapkohi mujhse shadi karneko kaha hain matlab ye kam aaphiko karna hain. Indira uske taraf gusse se dekhti hain. Sakshi gusse se dekhti hain, "Rishi yeh sab kya hain? Chup raho tum."
Indira : Yeh kya badtameezi hain? Wo guards ko bulati hain, Iss insaanko abhi ke abhi bahar nikal do". Rishi hasta hain, "Dekha Ms. Sharma, mujhe bahar nikalneka ye chotasa kam aap khud nahi kar sakti, iske liye aapko guards ki yani mard ki madad leni padi, yahi me aapko samjhana chahta tha". Wo wahase chala jata hain.
Sakshi gussese Rishiko ghar lati hain, "Yeh kaisi baate kar rahe the tum Rishi?"
Rishi : Kya hua bhabhi? Maine waha jo kuch bhi kaha sahi toh kaha tha. Waise bhi aajke conference me jitni bhi ladkiya aayi thi unke taraf dekh kar koi nahi kahega ki unpe patika atyachar hota hain.
Sakshi : Mana tumne galat kuch nahi kaha par sabke samne tune Indirase shadika puch liya?
Rishi : Haan toh isme galat kya hain? Bhabhi, frankly kehta hu, mujhe Indira bahot pasand hain, me uspe ussi din fida hua tha jab wo pehli bar mujhse mili thi, me ussi din uske pyarme pad gaya tha, uska wo attitude, wo bolneka andaj mujhe bha gaya tha aur aaj usse maine propose kar diya toh isme galat kya kiya?
Sakshi : Rishi tum pagal ho gaye ho. Tumhe pata bhi hain Indira kaisi ladki hain? Wo kabhi raji nahi hogi.
Rishi : Me usse raji karke rahunga. Aap abhi dadi aur bhaise baat karo, hum kalhi uske ghar jayenge, ab mujhe jaldise usse meri Mrs. Diwan banana hain. Kitna pyara nam hain Mrs. Indira Rishi Diwan... wo dreamy smile deta hain.
Sakshi Sameer aur dadise Rishike bareme batati hain. Dadi bahot khush hoti hain. Wah aakhir kar mere Rishu ko koi toh ladki pasand aayi. Bhagwan ka lakh lakh shukar hain. Mujhe bhi ab uss ladkiko dekhna hain, jissne mere Rishi ka dil jeet liya hain.
Sakshi : Dadi me manti hu aap bahot khush hain par abhi pehle me aur Rishi jakar Indirase baat karte hain aur uske gharwalonse bhi toh baat karni hain na, waise bhi abhi Indirane haa nahi kaha hain.
Dadi : Tum uss baatki fikar mat kar beta, Rishu Indirako manakar rahega. Tum dono ab kal jake muhurat fix kar lena. Sakshi haa kehti hain.
Agle din
Sakshi aur Rishi Indirake ghar rishta le jate hain. Indira donoko dekh kar shock hoti hain, "Aap log yaha? Aapko mere gharka pata kaise?"
Rishi : Ji wo maine dhundh liya. Wo kya hain na hum jisko pasand karte hain na uski puri history, geography sab nikalte hain. Ab sirf aapki haan ki baki hain.
Indira : What? Kis baat ki haan?
Rishi : Kya baat hain Ms. Sharma aap bhul bhi gayi kal aapne mujhe challenge kiya tha tab maine aapko shadi ka proposal diya tha.
Indira : Tum? Tum mujhse shadi karna chahte ho? Pagal ho gaye ho kya?
Rishi : Haan me toh wo kab ka ho chuka hu tumhare pyarme pagal. Ab batao haan hain na tumhari shadi ke liye? Waha Kutumb aati hain, "Shadi? Kiski shadi?
Indira : Maa wo maine aapko bataya tha na kal ek ladke ke bareme yahi hain wo.
Kutumb : Hayee Indira kitna sona munda hain. Rishi uske per chuta hain. Dekho kitna sharif bhi hain. Mujhe toh yeh shadi manjur hain.
Indira shock hokar : Maa yeh kaisi baate kar rahi ho? Me isse janti bhi nahi aur tum ho ki...
Rishi : Toh abhi jan lo. Mera nam Rishi Diwan hain. Me ek doctor hu. Jhanjharme mera khudka hospital hain. Yeh hain meri bhabhi Mrs. Sakshi Sameer Diwan aur mera bhai Mr. Sameer Diwan MNC me kam karta hain. Meri ek pyarisi dadi hain wo mere sath Jhanjharmehi rehti hain. Waha huamara khudka ghar hain aur mere Dadaji gaon ke mukhiya the. Agar tum cross check karna chahti ho toh kar sakti ho. Aur batao kya janana chahti ho?
Kutumb : Kuch nahi. Dekh Indira, bahot achha ladka hain ye. Haa karde isse.
Indira : Maa ruko tum agar meri shadi ho gayi toh tumhara khayal kon rakhega?
Rishi : Tum inki fikar kyun kar rahi ho? Agar humari shadi ho gayi toh yeh meri sasu maa banegi aur me inka damad. Damad toh bete jaisa hota hain toh iss nate ye meri bhi maa hongi. Yeh humare sath jhanjhar aayegi. Dadi ko bhi inki company milegi. Pata hain auntyji dadi bhi aapko dekh kar bahot khush hongi. Me aapka bhi waisahi khayal rakhunga jaisa ek beta apni maa ka rakhta hain. Kutumb Rishiki baatse impress hoti hain, "Indira haa kar de iss rishte ko. Dekh agar tune mana kiya na toh me tujhse bilkul baat nahi karungi."
Indira : Maa yeh kya baat hui? Ye galat hain.
Kutumb : Kuch galat nahi hain. Me yeh rishta pakka karti hu. Sakshi beta aao hum panditjise abhi achhasa muhurat puchte hain. Sakshi aur Kutumb panditjise baat karne jate hain.
Rishi : Toh Ms. Sharma...nahi nahi...ab meri honewali would be Mrs. Diwan dekha maine tumse haa karwayi.
Indira : Ji nahi yeh shadi sirf me maa ke liye kar rahi hu. Waise bhi ab tum ready rehna kyunki tumne bahot badi galti ki hain. Maine shadi ke liye isliye haa kahi hain taki me tumse achhese badla le saku. So be ready.
Rishi : I am always ready. Wo wink karta hain.
Edited by Dnyanu16 - 10 years ago
Pyaar Kii Ye Ek Kahaani
Kyunki Saas Bhi Kabhi Bahu Thi 2
