Saahir....Sujal&Kashish.....Last Part...11/29 - Page 22

Rishton ki asli parakh tab hoti hai jab rishton ko dard ki rah se gujarna pade..........aaj wahi moka upperwale ne Kashish aur Sujal ke rishtey ko diya hai.........kehte hai ki agar aap ka rishta is kasauti ko parr kar jaye to iska matlab hota hai ki aapka woh rishta upperwale ne apne haatoin se banaya hai.............khushi ke mahol me to sach ek dusre ka haath tham ke saath dete hai lekin bahot hi aise rishtey hote hai jisme log ek dusre ke haath se ek dusre ke aanshu pochte hai.............aaj wahi dor pe khade hai Sujal aur Kashish apne rishtey ke saath...........aaj dadi ko kiye huye vaade ki asli kasuti shuru huyi hai.........dekhte hai ki Sujal aur Kashish is kasauti ko par karte hai ki nahi.............

************************************************************************

Ab Subaah ho chuki hai..........sare gharwale Dadi ki atim vidhi ke liye intzaar kar rahe hote hai..............Sujal aur Kavya aise hi Dadi ke pass bethe huye hote hai........Anjali Prerna ko sambhal rahi hoti hai aur Kripa Kashish ko..........Sujal kal ke bad aaj ek bar bhi nahi roya tha pata nahi use kis baat ka itna sadma hua ki woh apne aansu hi nahi baha raha aur yeh baat Kashish ko mehsus ho rahi hoti hai...........Jab Angad aur Malika aate hai..........Angad jake Kavya aur SUjal ke pass bethta hai aur Malika jake Prerna ke pass..............

Malika: Prerna...........hume maa ke jane ka bahot afsos hai lekin upperwale ke yaha kis ki chalti hai........woh kal shaam ko Kripa ka phone aaya aur hume to yakeen hi nahi hua............bhagwan Maa ki aatma ko shanti de..........

Prerna: ha Malika...............dekho na Maa ka hi to muje sahara tha ab woh bhi chali gayi...........pata nahi Maa ke bad is ghar ka kya hoga..................

Malika: ab to tumhe aur tumhare bacho ko saath me milke ise sambhalna hai.............hosla rakho sab thik ho jayega.........

Panditjee: ghar ke sabhi aake ek bar ise aakhri shrdhanjali de dijiye.........

Sabse pehle Prerna, Anjali aur Kashish jate hai aur Dadi ko aakhri bar milke aate hai...........Phir Kavya jata hai...........aur Sujal jate hi Dadi ke pass puri tarah se tut jata hai..........

Sujal: Dadi........aap muje aise chod ke nahi ja sakti .........ple dadi uthye na..........dadi aap meri baat nahi manenge......thik hai main bhi aapse baat nahi karunga.............dadi aap muje akela chod ke kyun ja rahi hai.........ple dadi........

Sujal yeh kehke Dadi ke pass puri tarah se tut jata hai...........Sujal ko aise dekh ke Kashish ko bahot bura lagta hai.........Kashish khadi hoke Sujal ke pass use sambhalne ke liye ja rahi hoti hai jab woh apne aas pass bahot se log ko dekhti hai........Kashish wapas apni jagah pe bethti hai.........Kashish Kavya ki aur ishara karke use kehti hai Sujal ko sambhalne ke liye.............Kavya Sujal ke pass jake use sambhalta hai.........

Sujal: dekhiya na Bhaiyaa Dadi kuch bolti nahi........

Kavya: Sujal...........hosh me aao...........Dadi ab is duniya me nahi rahi.........woh tuje muje hum sabko chod ke chali gayi..........suna tune Dadi hum sab ko hamesha ke liye chod ke chali gayi...............apne aap ko sambhal...........

Sujal Kavya ke khandhe pe sir rakh ke bahot rota hai.............

Panditjee: inki aakhri kriya ka waqt ho raha hai..................is liye ghar ke log aage aake............

Sab log milke Dadi ko le jate hai...............

************************************************************************

Ab aise hi pura din bit jata hai............Sujal apne kamre me hota hai...........Kashish neeche Anjali ko kitchen me madad kar rahi hoti hai.........

AnjalI; achcha Kashish..........ab tum bhi jao...........baki ka kaam hum subaah kar lenge..........

Kashish: jee bhabhi..............kitne baje puja hai...........

Anjali: aath baje lekin koi baat nahi main subaah ki taiyaariyaan kar lungi..........

Kashish: nahi Bhabhi............aap muje bata dijiye main aapki madad karungi........

Anjali: thik hai to subaah ke che baje aa jana.............

Kashish: jee bhabhi..........

Anjali: ab tum bhi jake thoda so lo...........

Kashish: bhabhi........yaha neend kaha hai ki .........

Anjali: janti hoon waise neend to kisi ko nahi aayegi lekin aise hi thoda aaram kar lete hai............

Kashish: haa........aap bhi jake Ved ko dekhiye..............bechara waise hi bahot darr gaya hai..........

Anjali; use Kavya sulane to le gaye hai..........

Kashish: aap jake Ved ke pass jaiye main bhi chalti hoon...........

Kashish apne kamre ki aur jane lagti hai..........

Anajli: Kashish..........

Kashish: kuch kaam hai...........

Anjali: Sujal kaisa hai.............

Kashish: pata nahi..............

Anjali; Kashish is waqt Sujal ko tumhari sabse jyada zaroorat hai............tum meri baat ko samaj rahi hona............

Kashish: haa main aapki baat ko samaj rahi hoon.........aap pareshan mat hoiye dadi se vaada kiya hai maine ki Sujal ka khayal rakhne ka to main us vaade ko puri zindagi nibhaungi..............

Anjali: aur muje tum pe pura yakeen hai.........ab tum jao tumhe is waqt Sujal ke pass hona chahiye........

Kashish: thik hai...............

************************************************************************

Kashish jab kamre me aati hai to Sujal bed pe betha apne haath me sir leke betha hua hota hai............Kashish jake uske pass beth ke Sujal ke kadhe pe apna haath rakhti hai......

Kashish: Sujal.........

Sujal: tumhe bhi yahi lag raha hoga na ki main dikhava kar raha hoon.........

Kashish: nahi main to............

Sujal; Kashish..........main pehle se aisa nahi tha.....agar tum muje pehle dekhti to khud pe tumhe yakeen nahi hota........main zindagi ko jita tha ....lekin zindagi ne itne dard diye ki muje aisa paththar dil banne pe majbur kar diya............pata hai jisse main pyaar karta hoon woh muje chod ke chala jata hai..........pehle Dada..........phir papa..........ab dadi bhi............aur kal ko tum bhi muje chod ke chali jaogi.........

Kashish: nahi Sujal..........

Sujal: nahi kashish tum sach janti ho..........sach yahi hai ki hum is duniya me khali haath aate hai aur khali haath jate hai..................jo chale jate hai woh ek bar bhi piche mud ke nahi dekhte ki unke bina dusro ki kya halat huyi hogi.............main bhi tanha tha tanha hoon aur aise hi main jee lunga..........lekin muje pyaar karne se bahot darr lagta hai...............darr lagta hai ki agar maine kisi se pyaar kiya aur woh bhi muje chod ke chali gayi to..............kyunki aaj ke bad mujse koi mera apna jo muje pyaar karta ho woh muje chod ke chala jayega to main pagal ho jaunga............main jee nahi paunga.............meri zindagi usi din khatam ho jayegi..................jaise is waqt mera sir sirdard se fat raha hai...............aisa lag raha hai ki abhi mera sir fat jayega..........Kashish muje bahot dard ho raha hai.......mujse yeh dard sahan nahi ho raha.......

Yeh kehte hi Sujal apna sir Kashish ki god me rakh deta hai..........Kashish ko kuch samaj nahi aata ki woh kya kare lekin pata nahi woh apne dil ko aur apne haath ko rok hi nahi payi.............Kashish Sujal ke sir ko sehlane lagti hai..............

Sujal: kashish...........tumse ek baat puchu............tum to muje chod ke kabhi nahi jaogi na..........

Kashish: nahi Sujal..........main tumhe chod ke kahi nahi jaungi....aur tum akele nahi ho..........tum akele kaise ho sakte ho main hoon na tumhare saath..........main her waqt tumhare saath rahungi.....aur ab kahi na kahi pata nahi lekin tumhari mere dil me jo jagah ban gayi hai uske bad main tumhe kaise akela chod ke ja sakti hoon..........aur tumne sahi kaha tha hum jaise bhi hai hai to pati patni.............aur ek patni apne pati ke bina kaha ja sakti hai...........aur agar main chali gayi to tumhe kaun sambhalega..........ek din tumne mujse ek moka manga tha aaj main tumse ek moka mangti hoon apne rishtey ko tumhe samajne ka..........kya tum nahi donge muje woh moka.............main janti hoon tum muje zaroor donge......hai na Sujal............

Sujal koi jawaab nahi deta.............

Kashish: Sujal...........

Kashish dekhti hai to Sujal aise hi so gaya hota hai.............Kashish Sujal ko bed pe thik se sulane ki koshish karti hai lekin aisa woh kar nahi sakti...........ab na chutke woh bhi aise hi bethi rehti hai..............Sujal to chain se Kashish ki god me apna sir rakh ke soya hua hota hai............kashish aise hi sujal ko dekhte hi dekhte khud bhi bethe bethe so jati hai...........................

************************************************************************

Ab aise hi subaah hoti hai............jab Kashish ki aankh khulti hai..........aur woh khadi me dekhti hai to subaah ke panch baje huye hote hai....................

Kashish (to herself): Panch baj gaye..............che baje to Bhabhi mera neeche puja ke liye intzaar kar rahi hogi..............

Kashish bed se uthne ja rahi hoti hai jab woh Sujal ko dekhti hai jo Kashish ka haath pakad ke abhi bhi aise hi soya hua hota hai..........aaj pata nahi lekin pehli bar Kashish Sujal me apne pati ko dekhti hai jise woh hamesha dekhna chahti thi...........Kashish dheere se apna haath chudane ki koshish karti hai jab Sujal ki aankh khulti hai...........

Sujal: Kashish.........

Kashish: shhhhhhhhhhh..........tum so jao........abhi sirf panch baje hai............

Sujal:aur tum.........

Kashish: muje neeche puja ki taiyariyaan karne jana hai..........tum so jao........main thodi dair bad tum jaga dungi................

Yeh kehte hai Kashish Sujal ko pass me rakha pillow deti hai aur Sujal wapas so jata hai............Kashish khadi hoke thik se Sujal ko blanket dal ke taiyaar hoke neeche chali jati hai..............ab Kashish aur Anjali aise hi puja ki taiyariyaan me ulaj jate hai...........lekin Kashish kuch uljan me hoti hai...........

Anjali: Kashish.........kya bat hai tum pareshan lag rahi ho...........

Kashish: nahi.............woh nahi.......haa.........nahi.............

Anjali: iska matlab tum zaroor ho........batao kya hua.........Sujal ne kuch kaha..............

Kashish: nahi Bhabhi usne kuch nahi kaha..............lekin usiki waje se main thodi pareshan hoon................................

Anjali: main kuch samji nahi............

Kashish: woh maine kal pehli bar Sujal ko aise tutte dekha..........koi nahi keh sakta ki itne sakhat aadmi ke piche ek aisa insaan hai jiske pass ek dil hai jo sabhi se bahot pyar karta hai...............pata nahi bhabhi kal sujal ka yeh chehra dekh ke.............kuch samaj me nahi aa raha ki kis pe yakeen karoon......kal raat bhi puri tarah woh bas aise hi tut ke rota raha aur bas ek hi baat baar bar keh raha tha ki sab use chod ke chale jayenge..........jo maine aaj tak dekha us par ki kal jo maine mehsus kiya uspe............

Anjali: Kashish kal raat tumhare saath jo insaan tha woh tumhara asli pati sujal hai...........kal jo chehra tumne dekha woh asli chehra hai Sujal ka..................kal pehli bar tumhara samna apne pati se hua..............maine kaha tha na ki jis din tum Sujal ka asli roop pehchan logi tab apne aap ko khusnaseeb manogi........

Kashish: aapne sahi kaha.................Sujal agar is parivar ki dhal ban sakta hai to yeh parivar Sujal ki kamzori hai.......................

Anjali: kal jis sujal se tum mili ab tumhe us Sujal ko zinda rakhna hai..........tumhe ab uski madad karni hogi wapas us sujal ko zinda rakhne me...........tumhe use phir se pyaar pe yakeen karna shikhana hoga........

Kashish: bhabhi..........ab to main bhi yahi chahti hoon ki kal jo mere saath Sujal tha wahi sari zindagi mere saath ho.......................achcha bhabhi ab puja ka waqt ho raha hai main jake Sujal ko jagati hoon........

************************************************************************

Kashish jab kamre me aati hai to Sujal khidaki ke pass khada hota hai...........Kashish Sujal ke pass jake khadi hoti hai................

Kashish: Sujal tum...........

Sujal: haa..........

Kashish: mera matlab tum kab uthe...........

Sujal: bas thodi dair pehle hi aankh khuli............lekin kamre me dekha to koi nahi tha ............

Kashish: ha woh muje neeche bahot sara kaam tha isi liye............lekin ab tum taiyaar ho jao...........main tumhare kapde nikal deti hoon..........

Kashish waha se jane lagti hai lekin Sujal uska haath pakata hai............

Sujal: thanks Kashish...............

Kashish: kis liye...........

Sujal: woh kal raat main tumhare samne.......

Kashish: kal raat aisa kuch nahi hua jise tumhe sharminda mehsus hona pade............tumne jo kiya woh apna hakk samajke kiya..........aur tum apni patni ko thanks na bolo to hi achcha hai..............

Sujal: iska matlab............tumne.........

Kashish: haa Sujal...........maine is shaadi ko apna liya hai aur dadi ki bhi yahi khwaish thi to main kaise use puri nahi karti............

Sujal: to tum sirf dadi ke liye...........

Kashish: nahi shayad ab main bhi yahi chahti hoon............ab tum yeh sab chodo abhi tumhe dair ho rahi hai.......hum iske bare me bad me baat karenge..............

Sujal: thik hai...............

thodi bar Sujal aur Kashish taiyaar hoke Puja ke liye aate hai..............panditjee ghar me se kisi pati patni ke jode ko puja me bethne ke liye kehte hai...............

Kavya: Sujal............tum hamesha se dadi ke kareeb rahe ho.,..........aaj main chahta hoon ki dadi ki yeh puja tere haath se ho............

Sujal: jee.............

Panditjee: aapki patni..............

Kashish: yahi hai...........

Sujal Kashish ki aur dekhta hai............Kashish aake Suajl ke pass puja me bethti hai.............aur aise hi dono ke haath se puja hoti hai.............