Journey of Love.Sujal&Kashish...last 5/26 - Page 7

Dusre din sab log wapas Mumbai ke liye nikal jate hai..........Lekin is ek raat me Kashish kahi kho gayi.........Shayad kahi na kahi Sujal ne kashish ke dil ke jasbaatoin me jaan dal di thi..........Kashish apni aur se puri koshish kar rahi hai Sujal se dur rehne me..........Lekin her bar Sujal ko dekhte hi woh harr jati hai..........Haa aaj Kashish manti hai ki use Sujal pasand hai..........pyaar karne lagi hai shayad lekin yeh pyaar Kashish ki zindagi ka sabse bada dushman tha.............Aise hi din bitte gaye Sujal ko bhi Kashish ka is tarah chup rehna pasand nahi tha lekin woh bhi kya kar sakta tha.........Aaj Kashish ka medical college me aakhri din tha.........Kashish ne apni padhai puri kar li thi aur Sujal ne apni intenship..........aaj sab logo ke liye college me farewell party hai..........Sab log party hall me pahunch jate hai........

Kanan: Kashish.........aaj koi aisa gaana ho jaye jo sab ke dil ko chu jaye.........Jo hamari dosti ke liye ho.........

Kashish: Kanan........mera dil nahi hai......

Mauli: come on Kashish..........after all it is our farewell party........

Sujal: ple Kashish suna do na kuch..........

Kashish; jaisa tum kaho.............

************************************************************ *****************************************************

Hum rahe ya na rahe kal (kashish Sujal ki aur dekhti hai)
Kal yaad aayenge yeh pal (Kashish Sujal ke saath bitaye huye apne her lamho ko yaad karti hai)
Pal, yeh hain pyaar ke pal (Sujal Kashish ki aur muskurata hai)
Chal, aa mere sang chal (Sujal Kashish ki aur apna haath badhata hai)
Chal, soche kya
Chhoti si hai zindagi (Kashish apna haath Sujal ke haath me rakhti hai)
Kal mil jaaye to hogi khushnaseebi (Sujal kashish ke kareeb aata hai)
Hum rahe ya na rahe, yaad aayenge yeh pal (lekin kashish apna haath chudake chali jati hai)

Shaam ka aanchal odhke aayi (Kashish Kanan ke pass jati hai aur uske piche khadi hoti hai)
Dekho yeh raat suhaani (mauli Kashish ka haath pakad ke aage lati hai)
Aa likh de hum donon milke (Sujal kashish ke dono haath ko apne haath me leta hai)
Apni yeh prem kahaani (Sujal Kashish ki aur muskurake use haa bolne ko kehta hai)
Hum rahe ya na rahe, yaad aayenge yeh pal (kashish apna sir naa me hilake apne haath chuda leti hai)

Aane waali subha jaane (Kashish Sujal se durr jake apne aanshu pochne lagti hai)
Rang kya laaye deewaani (Kanan aake uske kandhe pe haath rakhti hai)
Meri chaahat ko rakh lena (sujal Kashish ko apni aur karta hai)
Jaise koi nishaani (Sujal kashish ke forehead pe kiss karta hai)
Hum rahe ya na rahe, yaad aayenge yeh pal (Kashish apne forehead ko chuti hai aur apne aankhoin ke aanshu ko nahi rok pati.)

Hum rahe ya na rahe kal (Mauli come and takes both Sujal and Kashish to the stage)
Kal yaad aayenge yeh pal (Aman also joins them)
Pal, yeh hain pyaar ke pal (Kanan aake Sujal aur Kashish ke haath ko mila deti hai)
Chal, aa mere sang chal (Sujal kiss kashish's hand)
Chal, soche kya (Kashish pyaar se Sujal ke chehre ko chuti hai)
Chhoti si hai zindagi (Sujal kashish ke gale lagta hai)
Kal mil jaaye to hogi khushnaseebi (Kashish apna sir Sujal ke kandhe pe rakhti hai jab use ehsaas hota hai ki woh kya kar rahi hai)
Hum rahe ya na rahe, yaad aayenge yeh pal (kashish roti huyi Party se bahar taxi pakad ke Hostel chali jati hai)

************************************************************ *****************************************************

Kanan aur Mauli bhi uske piche chale jate hai..........jab woh kamre me aate hai to Kashish ro rahi hoti hai..........

Mauli: kya hua........tum ro kyun rahi ho.........

Kashish: main to sirf aap sab ko chod ke jane ka dil nahi kar raha......

Kanan: hum sab ka ya phir Sujal ko chod ke..........

Kashish: maine aisa to nahi kaha........

Mauli: Kashish kahi tum Sujal se pyaar.........

Kashish: nahi......hum dono sirf dost hai.......

Kanan: ek ladka aur ek ladki kabhi dost nahi ho sakte.........kyunki is jawaani me kabhi to pyaar ho hi jata hai...........Kashish isme tumhara koi kasoor nahi........

Kashish: aisa kuch bhi nahi hai..........hamare beech sirf dosti hai........aur waise bhi kal to main hamesha ke liye apne ghar hi to ja rahi hoon........

Mauli: to tum is tarah party chod ke kyun chali aayi.........

Kashish: Maine kaha na ki muje aap logo se durr jane ka gum hai........

Kanan: kashish tu kuch bhi keh.......lekin teri yeh aankhein bata rahi hai ki tu Sujal se kitna pyaar karti hai..........yeh aanshu joothe nahi hai.........bahot pyaar karti ho tum Sujal se..........aur janti ho ek sach kya hai......Sujal tumhe pichle char saal se deewano ki tarah tumhe chahta hai...........

Kashish: kya.........lekin usne muje......

Kanan: kyunki.........woh apne pyaar ka izhaar karke tumhari dosti ko khona nahi chahta tha..........use darr tha ki kahi tum use galat na samjo.......

Kashish: Sujal ne mujse itni badi baat chipayi.........

Kanan: jane se pehle ek baar apne faisle pe soch ke jana..........kyunki gujra hua waqt kabhi wapas nahi aata..........

Kashish ek uljan me fas gayi thi..........Kanan aur Mauli bhi kapde badal ke so jate hai............Aur kashish abhi bhi aise hi bethi bethi ro rahi hai............

************************************************************ *****************************************************

Aman Sujal ko chodne ghar aata hai............Jaha pe Veena aur lalit uska intzar kar rahe hote hai.........

Lalit: Aa gaye tum..........congratulation ........aaj tum ek doctor ban gaye ho............to ab kya socha hai tumne........

Sujal: Main aapke saath kaam karna chahta hoon..............Sanjeevani me..........

Lalit: yeh to bahot hi achchi baat hai........main kal hi baat karunga..........tum kal aa jana......

Sujal: papa.........muje kuch waqt chahiye.........abhi kitni sari jimedariyaan hai jo muje puri karni hai..........

Veena: jimedariyaan.......

Sujal: haa abhi kisi se muje apne sawalo ka jawab mangna hai...........

Sujal yeh kehke apne kamre me chala jata hai........

Lalit: ise kya hua.........

Veena: pyaar.........

Lalit: Kya...........pyaar aur ise.......pyaar ka matlab nahi pata use.......

Veena: lekin shayad koi ladki hai jisne hamare Sujal ko pyaar ka matlab shikha diya hai.........aaj main bahot khush hoon kyunki main janti hoon ki Sujal kisi ko pasand karta hai.........kisi se pyar karta hai........

Lalit: main usse baat karta hoon........main bhi us ladki se milna chahta hoon.........

Veena: kuch waqt ke liye ther jaiye........main khud use bat karungi lekin is waqt use apni zindagi ko sametne dijiye........

Lalit: jaisa tum kaho........

Veena: raat kafi ho gayi hai............chaliye chal ke so jate hai........

Lalit: chalo.........

Aaj Sab log college ke canteen me bethe huye the aaj sab ka results jo aane wala tha..........Kashish aur Sujal ne is saal bhi college me top kiya hai............Kanan, Mauli aur Aman bhi pass ho jate hai.........

Aman: to kya khayal hai tumhara Sujal ab.........

Sujal: Socha hai ki papa ke saath Sanjeevani join karoon........

Mauli: that is a great plan.......

Kanan: aur Kashish tum......

Kashish: Main wapas apne ghar ja rahi hoon.........

Mauli: lekin hamari interens......

Kashish: main wahi pe Papa ke saath kar lungi.......

Sujal: kis se durr ho rahi ho.......

Kashish: kisi se bhi to nahi........main abhi aati hoon..........muje library me kuch kaam hai..........

Kashish yeh kehke chali jati hai........

Kanan: Sujal...........kashish ko bata kyun nahi dete ki tum kitna pyaar karte ho..........

Mauli: kab tak tum dono aise hi tadpoge.........bata do na use.......

Sujal: lekin woh......

Kanan: bahot pyaar karti hai tumse..........

Sujal: sach..........kya tum sach keh rahi ho.........

Jab achanak ek zor se aawaz aati hai aur pura college hill jata hai..........kyunki woh din pure Mumbai ke liye manhoos tha.........pass ke hi railway station me bomb blast hua hota hai........Sab log paglo ki tarah bhag rahe hai apne apne ghar jane ke liye.........

Aman: Chalo sujal........yaha se nikalte hai........

Mauli: Kashish.......

Aman: woh aa jayegi............hum log to nikalte hai.......

Sujal: nahi........main Kashish ke bina nahi ja sakta...........aap log nikaliye.........main Kashish ko leke aata hoon.........

Aman Kanan aur Mauli ke saath nikal jata hai aur Sujal library ki aur jata hai............

Sab log apni jaan bachane ke liye bhag rahe hote hai.........Kashish yeh dekhkar bahot darr jati hai.........woh ek khone me khadi hoke sab ko bhagte huye dekh rahi hoti hai jo bahot hi dari huyi hoti hai..............Jab Kashish dekhti hai ki Sujal bhid me uski taraf aa raha hai..........Sujal kashish pe bahot gussa hota hai.......

Sujal: Kashish..........tum pagal ho kya.........yaha pe sab log apni jaan bacha ke bhag rahe ho aur tum hoki is khone me khadi ho........kyun Kashish.........pata hai agar tumhe kuch ho jata to main apne aap ko kabhi maff nahi kar pata...........

Kashish: Janti thi ki tum muje lene zaroor aaoge..........

Jab Kashish apni baat khatam karti hai to Sujal dekhta hai upper se ek badi si painting Kashish ke upper girnewali hai to woh Kashish ko apni aur khichta hai..........Kashish Sujal ki baahoin me chali jati hai........Kashish apni aankhein bandh kar leti hai............Sujal kas ke Kashish ko pakad ke rakhta hai.........

Sujal: kuch nahi hoga tumhe.........main hoon na tumhare saath........

Kashish: janti hoon........jab tak tum ho muje kuch nahi ho sakta........

Sujal: chalo Kashish...........

Sujal Kashish ka haath pakad ke use apne car ki aur le jata hai...........Sujal aur Kashish dono ghar ki aur nikal jate hai.........

************************************************************ **********************

Raste me dono dekhte hai to kayi sari laashein padi huyi hoti hai..........Yaha pe Hindu Muslim ke beech jung chid gayi thi.........kashish yeh dekhke bahot ghabra jati hai.........Sujal kashish ka haath pakadta hai.......

Sujal: daro mat........kuch nahi hoga tumhe......main tumhe sahi salamat tumhare ghar pahunchaunga............suna kuch nahi hoga tumhe..........

Jab koi Sujal ke car ke seeshe me zor se paththar phekta hai............iski waje se Sujal ki car bekabu ho jati hai aur uski car jake traffic signal se takra jati hai.........Sujal Kashish ko dekhta hai jo bilkul thik hoti hai.....Kashish kuch logo ko unki aur aate huye dekhti hai.......

Kashish: woh log............sujal woh log idher aa rahe hai.......

Sujal: Kashish.........bahar nikalo..........bhago Kashish..........

Sujal Kashish ka haath pakad ke chupane ke liye koi jagah dhudta hai jab woh samne ek zopde ko dekhta hai..........Sujal Kashish ko us zopde me lejata hai........jaha pe ek aadmi betha hua hota hai........

Sujal: bhaisab hume kuch dair ke liye yaha rehne dijiye..........bahar dange shuru ho gaye hai........

Person: thik hai aap log yaha reh sakte hai..........jab tak yaha pe koi nahi aata.........

Kashish: bahot bahot sukhriya aapka..........

Sujal aur Kashish dono beth jate hai jab achanak koi aake zopde ko aag laga deta hai............

Kashish: Sujal yeh aag...........kuch karo na........

Sujal: chalo kashish...........hume yaha se nikalna hoga............

Sujal kashish ko leke bahar nikalta hai..........woh log chupne ke liye koi dhikana dhund rahe the jab koi Kashish pe kanch ki bottle phekta hai...........woh bottle Kashish ke kandhe pe lagti hai..........

Kashish: Sujal........

Sujal: Kashish tum thik to ho.........Kashish woh dekho...........hum log us church me jate hai waha pe zaroor koi hamari madad karega...........chalo kashish........

Sujal Kashish ko church me le jata hai..........Sujal church ka darwaza bandh kar deta hai........

Kashish: Sujal yaha pe koi nahi hai.......

Sujal: achacha hai........ab shayad hume raat yahi bitani hogi.........kal subaah tak to halat thik ho jayenge.........phir hum log sab apne apne ghar ja sakte hai...........

************************************************************ **********************

Jab Sujal dekhta hai ki Kashish ke kandhe se khoon beh raha hai aur Kashish use rokne ki koshish kar rahi hai.........

Sujal: Main kuch madad kar doon.......

Kashish: nahi........main thik hoon........

Sujal: Kashish bahot khoon beh raha hai............kya main tumhare zakhm ko dekh sakta hoon........

Kashish: koi bada zakam nahi hai.........bhagwan ka shkriya ki kanch andar nahi gaya..........sirf khoon rokne ke liye pati bandhna zaroori hai..........

Sujal: kya main pati bandh doon..........vaada karta hoon main apni aankhein bandh rakhunga.........

Sujal pati bandhne ke liye kapda dhundh raha tha jab kashish apna dupatta chir ke Sujal ko ek tukda deti hai.........Sujal Kashish ki aur aake bethta hai........Kashish kuch alag sa hi mehsoos karti hai........Sujal Kashish ke kandhe ko chune hi ja raha tha jab Kashish piche jati hai.......

Sujal: Mujpe vishwas hai.......

Kashish: khud se jyada.........

Sujal apni aankhein bandh karke Kashish ko pati bandhne lagta hai...........Sujal ki ungliyon kashish ko chute hi ek bijli khol uthi Kashish ke jism me......Kashish ki aankhein sharm se zuk jati hai...........

Kashish: Sujal......tum apni aankhein khol sakte hao..........

Sujal apne aankhein khol ke kashish ki pati bandh deta hai........

Sujal: lo yeh ho gaya..........ab tum aaram karo.....main kuch khane ko lene ja raha hoon............

Kashish Sujal ka haath pakadti hai..........

Kashish: main khane ke bigar reh sakti hoon lekin tumhe kuch ho gaya to nahi reh paungi...........tum yaha mere pass betho..........

Sujal Kashish ke pass aake bethta hai..........Kashish aur Sujal dher sari baatein karte hai...........kab Kashish ki aankh lag gayi pata hi nahi chala............Kashish Sujal ke kandhe pe sir rakhke so jati hai.........Sujal Kashish ko apni baahoin me leta hai aur uske forehead ko kiss karta hai...........Us raat Kashish aur Sujal dono ki zindagiyaan puri tarah se badal gayi............

Subaah ki pehli kiran Kashish ke chehre pe padti hai.........Kashish dheere se apni aankhein kholti hai.............Jab woh apne aap ko Sujal ki baahoin me dekhti hai to ekdum se ghabra jati hai...........

Kashish

Sujal jab apni aankhein kholta hai to Kashish ko samne Jesus ke aage prey karte huye dekhta hai............

Kashish: hey bhagwan...........main jo kar rahi hoon woh thik to nahi.........lekin main sirf itna hi mangti hoon.........Sujal khush rahe........use duniya bahr ki khushiyaan mile............

Sujal Kashish ko dekhta hi rehta hai...........

Kashish: Sujal lagta hai sab kuch thik ho gaya................hamare gharwale hamare liye pareshan ho rahe honge............kya tum muje bus stand tak chod sakte ho............

Sujal: thik hai........

Sujal aur Kashish dono Kashish ke hostel uska saman lene aate hai.........

Sujal: Kashish main tumhara yaheen pe intzaar karta hoon...........tum jake aao.......

Kashish: thik hai main abhi aati hoon........

************************************************************ *******************

Kashish apne kamre me jati hai to Mauli aur Kanan uske liye pareshan ho gaye hote hai..........

Mauli: kashish tum thik to ho na..........aur Sujal........

Kashish: main thik hoon...........

Kanan: Sujal ke saath thi tum to tumhe kaise kuch ho sakta hai..........

Kashish: main apna saman le leti hoon.........aap logo ko main kabhi bhula nahi paungi.........main aap logo se contacts karti rahungi..........

Mauli: haa kashish yeh char saal kaise bit gaye pata hi nahi chala.........aaj tum ja rahi ho........Sham ko Kanan bhi wapas Jaipur ja rahi hai apne ghar.............

Kashish: haa hamare gharwale hamara in tzaar kar rahe hai.........hume jana to hoga na........

Kanan: Kashish tumne kya socha hai......

Kashish: muje jana hi hoga..........

Kashish apna saman leke jane lagti hai jab woh darwaze ke pass aake mudti hai.........

Kashish: Kanan..........tumne sahi kaha tha ki ek Ladka aur ek Ladki kabhi dost nahi ho sakte..........haa Kanan main har gayi..............har gayi main.........tum jeet gayi...........tum sahi thi.........

Kashish roti roti waha se chali jati hai.............

************************************************************ *******************

Sujal aur kashish dono Bus stand pahunchte hai..........Sujal Kashish ka ticket lake use deta hai.........

Sujal: kashish..........yeh lo tumhari ticket.........abhi kuch waqt hai bus ko shuru hone me..........

Kashish: Sujal.......main ja rahi hoon........agar anjane me mujse koi galti ho gayi ho to muje maff kar dena.........

Sujal: nahi Kashish......galti to mujse huyi hai.............Kal raat jo hua uska matlab yeh nahi tha ki main ek dost hone ka farz pura kar raha hoon............Kashish jis din se maine tumhe dekha hai us din se leke aaj tak maine sirf aur sirf tumse pyaar kiya hai................main tumse beimtihaan pyar karta hoon..............main yeh janna chahta hoon ki kya tum bhi mujse pyaar karti ho...........kya tum bhi mere liye woh mehsoos karti ho jo main karta hoon.........

Kashish: Main tumse pyaar nahi kar sakti..........kyunki maine kisi se vaada kiya hai jo muje nibhana hoga...........aur aisa nahi hai ki main tumse pyaar nahi karti............bahot pyaar karti hoon main tumse......itna ki shayad tumhare bina rehna mere liye muskil hai............

Sujal: Kashish to problem kya hai............main tumse pyaar karta hoon tum mujse pyaar karti ho...........

Kashish: Kyunki maine apne papa se vaada kiya hai ki main usi ladke ke saath shaadi karungi jise woh pasand karenge............Main apne 25 saal ke ristey ko nahi tod sakti...........main itni khudgarz nahi hoon...........main bahot tanha hoon.........muje tumhare sahare ki zaroorat hai.............kya donge zindagi ke is fasle me mera saath..........Yaad rakhna ki meri shaadi kisi se bhi ho..........tum mera pehla aur aakhri pyaar rahoge..............vaada karo ki tum bhi kisi achchi si ladki ko dekh ke shaadi kar longe...........mujse bhi achchi ladki tumhe milegi...........

Kashish roti huyi bus ki aur jane lagti hai jab woh achanak bhagti huyi Sujal ke pass wapas aati hai.

Kashish: Kya aakhri bar muje gale nahi lagoge.............

Sujal Kashish ko gale lagata hai...........Kashish bahot hi roti hai Sujal ki baahoin me............

Sujal: Kashish vaada karo ki tum kabhi bhi in aankhoin me aanshu nahi aane dongi.................mere liye itna to kar sakti ho na...........

Kashish: Bhagwan pe aur apne pyaar pe bharosha karte ho............agar hamara pyaar sacha hai to woh apne aap apni manzil dhundh lega............

Kashish apni ek payal nikal ke sujal ke haath me rakhti hai..........

Kashish: Jab bhi tum ise dekhonge tumhe is ki chan chan aawaz me muje paonge.............

Sujal: Kashish mere pass tumhe dene ke liye kuch bhi nahi...........

Kashish:khali haath nahi ja rahi............ tumhara pyaar saath leke ja rahi hoon.............

Sujal: kashish vaada karo ki agle janam me tum sirf meri hogi..........vaada karo......

Kashish: agale janam me sirf tumhari dulhan banugi.........hum is janam me to nahi mil sakte lekin agale her janam me main tumhari ardhangini banugi........ab muje jana hoga.......

Sujal: kashish........ruk jao na.........

Kashish: jana to main bhi nahi chahti........lekin jana hoga......

Sujal: i love you kashish...........

Kashish: i love you too sujal.........

Kashish roti huyi jane lagti hai.........

************************************************************ *******************

************************************************************ *******************

Aaj Kashish aur Sujal ke pyaar ka safer khatam ho gaya.........aaj jo haath ek dusre ko thamne ke liye bane the woh hamesha ke liye chut gaye........Aaj ek prem kahani adhoori reh gayi.........Aaj Sujal aur Kashish ke raste hamesha ke liye alag ho gaye.........Dono apni nayi rah per to chal dije lekin manzil ka kuch pata nahi..........pata nahi dono ki kismat kaha leke jayegi in dono ke pyaar ko.............