Sea of Love...Sujal&Kashish.last pt 3/02 - Page 21

Aise hi che din gujar jate hai...........Sujal aur Kshish ke beech koi baat nahi hoti..........Archie is dauran koi kasar nahi chodti Kashish ke khilaf Sujal ke dil me zeher gholne ka.......Sujal ko Archie ke baat pe zara bhi yakeen nahi ho raha ........Sujal ke dil aur dimag me ek hi khayal aa raha tha ki aisi kaun si waja hai jis ki waje se Kashish ne use ek baar bhi phone nahi kiya.........

Yaha pe Pune me sham ho jati hai aur Kashish aur Anjali ka sara kaam khatam ho gaya hota hai..........

Anjali: Kashish.......chalo na thodi dair ke liye bazaar chalte hai..........waise hamara yeh camp to khatam ho gaya hai aur hum log kal to nikal rahe hai.........

Kashish: mera mann nahi hai......tum jao.........

Anjali: is liye to keh rahi hoon.........tum chalogi to tumhe bhi achcha lagega..............ple mere liye chalo na.........muje company mil jayegi.......

Kashish: thik hai chalo.........

Anjali aur Kashish bazaar me idher udher ghum rahe the.........Dono is baat se anjaan the ki koi hai jo us per jasoosi kar raha hai...........Piyush Kashish ki piche jasoosi kar raha hota hai......

Kashish: Anjali........tum yaha pe shopping karo........main woh samnewale STD se Sujal ko phone karke aati hoon.........

Anjali: thik hai........jaldi aana aur jyada dur mat jana........

Kashish: samaj gayi............

************************************************************ *****************

Kashish aage ek STD ki aur jane lagi hai........

Person: Kashishdii.............

Kashish mud ke dekhti hai aur hairan ho jati hai..........

Kashish: Sagar tum...........yaha Pune me..........

Sagar: haa Dii.......main yaha pe............

Kashish Sagar ke gale lagti hai aur yeh baat Piyush kaise chod sakta hai..........woh apne mobile se Kashish aur Sagar ki tasvir khichta hai.............

Kashish: Sagar tum yaha kaise aur Vidya kaha hai.........

Sagar: yahi kahi hogi..........shayad shopping me kuch jyada hi busy hogi........Abhi aati hi hogi.......

Kashish: Tu kaisa hai.........

Sagar: main bilkul thik hoon........aap kaisi hai........

Kashish: kabhi bhi apni Dii ki yaad nahi aayi........woh kaisi hai.........use apne bhai ki zaroorat hai ki nahi...............

Sagar: woh Dii.........I am sorry.......muje maff kar dijiye..........Dii aapne mere aur Vidya ke liye jo kuch kiya uske baad bhi main.......aapko milne nahi aa saka..........waise kaise hai Sameerjiju......

Kashish ki aankhoin me se aanshu behne lagte hai jab waha pe Vidya aati hai........

Vidya: Kashish Dii aap yaha...........lekin aap ro kyun rahi hai.........

Sagar: kya baat hai bataiye........sab kuch thik to hai........

Kashish: kuch bhi to thik nahi hai...........Sameer meri zindagi se hamesha hamesha ke liye chala gaya hai.......ek accident me Sameer muje chod ke chala gaya...........

Sagar: itna sab kuch ho gaya aur hume..........

Vidya: lekin Dii.......aapto........mera matlab yeh sindoor aur Mangalsutra..........

Kashish: meri dusri Shaadi ho gayi hai Sujal se........

Sagar: to kya aap khush nahi hai..........

Kashish: Main bahot bhaot khush hoon Sujal ke saath......Sujal ne muje tab sambhala jab maine jine ki khawaish chod di thi...........Sujal ne muje phirse jina shikhaya..........phir se muje muskurana shikaya..............aaj main Sujal se bahot pyaar karti hoon............

Vidya: Dii.......hume sirf aapki khushi se jyada kuch nahi chahiye.........aap apne aap ko kabhi is tarah tutne mat dena.........

Kashish: main bilkul thik hoon..........lekin aap dono Benglore se kab aaye......

Sagar: bas kuch hi din ho gaye.........meri job ka yaha pe transfer ho gaya to hum yaha chale aaye..........

Vidya: lekin aap yaha akele........

Kashish: woh main yaha pe Anjali ke saath Medical Camp pe aayi thi......bas kal subah wapas Mumbai ja rahi hoon........

Sagar: Kya Anjali Dii bhi yaha hai.........tab aap log aj ki raat hamare saath gujaregi.........ple Dii........

Kashish: thik hai.......Main Anjali ko bulake aati hoon........

Vidya: chaliye hum bhi aapke saath chalte hai.........

Kashish. Sagar aur Vidya sab log Anjali ke pass jate hai.........

Anjali: Sagar..........Vidya tum dono.......

Sagar: kaisa laga hamara surprice......

Anjali: bahot hi achcha.........aap log kaise hai.........

Vidya. bilkul thik........aap aur Kavyajiju kaise hai.........

Anjali: thik hai.........Kavya abhi Korea gaye huye hai..........kuch hi din me wapas aa jayenge..........

Sagar: Ghar chale.........

Thodi dair baad sab log ghar pahunch jate hai.......sab khana khate aur phir dher sari baatein karte hai..........Kashish, Sagar aur Vidya apne bachpan ke kisse Anjali ko sunate hai.................aur aise hi raat ho jati hai aur sab log so jate hai...........

************************************************************ *****************

Waha Mumbai me Piyush woh tasvir leke Archie ke pass jata hai......

Piyush; aaj main tumhare liye ek aisa tohfa laya hoon ki tum soch bhi nahi sakti...............agar dekhogi to khushi ke mare pagal ho jaogi.........

Archie: Pehle dikhao to sahi..........

Piyush Archie ko woh tasvir batata hai.........

Archie: muje kal subah ka besabri se intzaar rahega..........Ab raat kafi ho gayi hai tum jake so jao aur ise muje dedo.....

Piyush: good night......

Archie: good night........

************************************************************ *****************

Subah me Sujal, veena, Archie aur Piyush sabhi log breakfast kar rahe the.............

Veena; Sujal.......aaj to Kashish wapas aa rahi hai..........

Sujal: usne kaha tha ki aaj woh aa jayegi...........

Archie: usne kaha aur tumne man liya.........uska Camp zaroor khatam hua hai lekin uske dusre kaam abhi khatam nahi huye........

Sujal: kya matlab hai tumhara......

Piyush: kal raat main kisi kaam se Pune gaya tha aur jaha pe maine Kashish ko kisi aur ke saath dekha..........pehle muje yakeen nahi hua lekin woh Kashish hi thi..........

Sujal: Piyush............muje tumhari kisi bhi baat pe yakeen nahi.........

Piyush: janta tha is liye yeh saboot saath laya hoon....yeh tasvir ko dekho aur phir kehna ki main jootha hoon..........

Sujal tasvir ko dekhta hai aur jaise Sujal ke pairo tale se zameen khisak gayi ho.........

Sujal: main nahi manta ise.........mera dil manta ki Kashish aisa kuch kar sakti hai............kuch aur waje bhi to ho sakti hai..........

Archie: zaroor ho sakti hai lekin bich bazaar me kaun kisi anjaan aadmi ko gale lagata hai......aur zara dekho Kashish ko.......kitni khush lag rahi hai...........

Sujal: Nahi yeh baat galat hai........main in per yakeen nahi kar sakta...........

Piyush: Sujal.........kashish ne tumhe dhoka diya hai...........

Sujal: nahi aisa nahi ho sakta.........

Archie: aisa hi hua hai..............usne tumhe aur tumhare pyaar dono ke saath bewafai ki hai..........woh sirf ek bewafaa aurat hai...........

Jab koi zor se tali bajata hai...........sab log darwaze ki aur dekhte hai to Kashish hoti hai...............

Kashish tali bajati huyi andar aati hai..........

Kashish: wah Archie wah.........kisi ki zindagi ka tamsha karna koi tumse sikhe...........

Archie: main yaha pe koi tamasha nahi kar rahi..........sab ko sach bata rahi hoon........tumhara asli chehra.............

Kashish: tumne apni aur se sach bata diya ab main baki ka sach batati hoon.........yeh tasvir joothi nahi hai..........yeh sach hai ki main Sagar se pyaar karti hoon..........lekin aap logo ne yeh jaane ki Koshish ki ke Sagar kaun hai.........

Archie: Ab itna bataya hai to yeh sach bhi tum hi bata do ki kya rishta hai tumhara Sagar ke saath.......

Kashish: jaisa tumhara rishta hai Piyush ke saath..........Sagar aur Vidya bachpan se mere saath pale bade huye hai..................Woh log muje Badi Dii kehte hai.......Maine aur Sameer ne milke Sagar aur Vidya ki shaadi karayi hai............Sagar aur Vidya dono shaadisuda hai..........Maine un dono ko apne bacho ki tarah chaha hai...........inhe behat pyaar diya hai to kya galat kiya hai...........

Archie: Kashish kitnaa jooth tum aasani se bol leti ho..............Joothi kahani banana koi tumse shikhe...........

Kashish: aur ristoin me kaise darar karna koi tumse shikhe.........

Archie: Sujal ke saath shaadi karne ke baad bhi tumne Kabhi Sujal aur Sujal ke pyaar ke saath wafai nahi ki.........kitni afsoos ki baat hai...........

Kashish: Sach kaha tumne.............Ek premika apne premi se bewafa ho sakti hai..................ek Patni apne Pati se bewafai kar sakti hai.........yaha tak Ek aurat khud se bewafa ho sakti hai lekin ek Maa kabhi apne bache se bewafai nahi kar sakti............

Sujal: Kashish.........

Kashish: Haa Sujal..............meri anadar hamare pyaar ki nishani janam le rahi hai..........

Sujal: sach.........lekin yeh sab kab..........

Kashish; muje kal raat ko hi pata chala ki main preganant hoon................

Sujal: Archie.......aur bhi kuch kehna chahti ho............

Kashish: Archie........maine kitni bar tumse kaha ki tum muje aur Sujal ko alag nahi kar sakti..........ab to dekho.....muje aur Sujal ko jodnewali yeh kadi janam le rahi hai...................muje laga tha ki shayad ek aurat ka dard hi dusri aurat samaj sakti hai...........lekin main yeh bhool gayi ki ek aurat hi hoti hai jo dusri aurat ka ghar todti hai..........Archie.....tumne jab jab hume dur karna chah hum dono pass aate gaye...........ab to tum samaj jao ki main aur Sujal sirf ek dusre ke liye bane hai...............main tumhe sirf itna hi kehna chahti hoon ki tum bahot hi samajdar ho aur samajdar logo ke liye ek ishara hi kafi hota hai...............

Kashish yeh kehke apne kamre me chali jati hai aur Sujal bhi Kashish ke piche chala jata hai..............Archie aur Piyush bhi apna saman leke neeche aate hai...........

************************************************************ ***********************************

Veena: Archie aaj jo tumne kiya uske liye main tumhe kabhi maff nahi kar sakti............

Archie: janti hoon..........is liye to yaha se hum log ja rahe hai..........kyunki ab kabhi bhi aapse ya Sujal se nazare uthake hum baat nahi kar sakenge............lekin ho sake to hume maaf kar dijiyega..........

Veena: Jis din Kashish tumhe maff kar degi us din hum sab tumhe maff kar denge..................lekin is waqt main tumhe rok nahi sakti..........

Piyush aur Archie dono ghar chod ke wapas apne ghar chale jate hai.........

************************************************************ ***********************************

Kashish khidki ke pass khadi bahar dekh rahi hoti hai jab Sujal uske pass aata hai...........

Sujal: Kashish..........i am sorry..........ple ho sake to muje maff kar dena..........

Kashish: isme tumhari koi galti nahi...........tumhare samne halat hi aise banaye gaye............

Sujal: Kashish........tumne itni badi baat mujse chipayi........

Kashish: main tumhe surprize dena chahti thi..............

Sujal: wake me tumne muje meri zindagi ki sabse badi khushi di hai...........main bahot khush hoon..........aur yeh sab tumhari waje se...........thank you Kashish..........

Kashish: sukhriya to muje tumhara karna chahiye...............tum jo meri zindagi me aaye aur meri zindagi ko itni khubsurat banane ke liye.......

Sujal: Ab dekhna Kashish hamari zindagi me sirf aur sirf khushiyaan hogi..............main is bache ko itni khushi dunga ki uske aaspass kabhi dukh aur dard use chu bhi nahi sakenge....................

Kashish Sujal ke gale lag jati hai.........

Kashish: I love you Sujal..............

Sujal: i love you too Kashish..........

Sujal kiss Kashish's forehead..........

************************************************************ ***********************************

AFTER 9 MONTHS.........

raat ke kareeban do baje the.........

Kashish: Sujal utho........utho.......

Sujal: Kashish...........kya hai..........raat kafi hai so jao.........

Kashish: Sujal......hume isi waqt hospital jana hoga............chalo isi waqt........

Sujal: kya..........iska matlab......

Kashish: haa......Sujal meri delivary ka waqt aa gaya hai tum Anjali ko phone karo..........aur use kaho jaldi se Hospital pahunche........unhe yeh kehna ki mera labor pain shuu ho gaya hai....................Sujal jaldi karo...........

Sujal jaldi jaldi me Anjali ko phone karta hai.........

Sujal: hello.......Anjali.........

Anjali: itni raat ko phone kiya........Kashish ki tabiyat thik to hai...........

Sujal: Kashish ko main abhi isi waqt Hospital leke ja raha hoon.......tum jaldi se aa jana..........

Anjali: main abhi aati hoon........

************************************************************ ***********************************

Sujal aur Veena kashish ko leke hospital phunchte hai.........jaha pe thodi dair bad Kavya aur Anjali aate hai...........

Anjali: Sujal.........tum bilkul pareshan mat ho..........ab main aa gayi hoon............sab kuch thik hoga.........

Sujal: janta hoon ..........

Anjali Kashish ke room me jake use dekhti hai.............waha bahar Kavya Akshat aur Charu ko phone karta hai..............Thodi dair me woh sab log bhi aa jate hai............

************************************************************ ***********************************

After 2 hours.......

Anjali bahar aati hai.........

Anjali: bahot bahot mubarak ho........ladki huyi hai.......

Sujal: sach.........kya main Kashish se mil sakta hoon.........

Anjali: kyun nahi.......

Sujal kashish ke pass aata hai ..........kashish ke haath me ek nanhi si pari hoti hai..........Sujal kiss Kashish's forehead.......

Sujal: thank you Kashish..........aaj tumne mera parivar pura kar diya..........

Kashish: Sujal apni beti ko apne haath me nahi loge.........

Sujal takes a baby in his hands and kiss her on her forehead.........

Sujal: Kashish........yeh to bilkul tumhare jaisi hai..........wahi aankhein..........wahi hoth.........wahi muskaan...........

Veena: Ab tum dono hi baatein karte rahoge ki hamari bhi bari aayegi.............la muje de...........main bhi to dekhoon apni pauti ko.........

Charu: Iska naam kya socha aapne............

Kashish: iska naam "Saakshi" hoga..........kyunki yeh mere aur Sujal ke pyaar ka gawah hai........

Sujal; Saakshi..........Saakshi Sujal Garewal......welcome to Garewal family..........

************************************************************ ***********************************

Aise hi haste khelte Sujal aur Kashish ki duniya chalti rahi...........Saakshi ke teen saal baad Kashish ne ek bete ko janam diya............jiska naam Laksh hai...........aaj kal pure ghar me Saakshi aur Laksh ki shor gunjati rehti hai.........jaise jaise din bitte gaye Kashish aur Sujal ka pyaar gehra banta gaya................aaj sirf hai to un dono ke beeche beimtihaan Mohabbat.............