Subah ke kareeb 11 baje Naina ki need khulti hai.Acche need ke wajah se Naina khud ko bohut fresh mehsus kar rahi thi. Achanak usse kal raat ka accident yaad aa gaya, ki kal uske laparwahi ke wajah se kisi ko kitna dard hua. Naina ke dil main yeh baat jaise bojh ban kar reh gaaya tha.yeh baat sach hai kal Naina ne aapni responsibility nibhayi, par yeh bhi sach hai halat ke liye jimmedar bhi Naina hi thi. Aur usse bina maafi mange Naina nahin reh sakti. Naina fresh hoti hai, phir breakfast karne bethti hai. Ghar main ek naayi ladki kaam par aayi hai. Umar zyada nahin hai uska, naam hai Karuna.Karuna khana porosti hai. Karuna mainly Naina ka hi dekhbhaal kar rahi hai. Acchi ladki hai, par zyada baat nahin karti, chupchap aapna kaam karti hai.Naina khana kha kar chupchap Alekh ki kamre main jaati hai, dekhti hai lock hai, iska matlab Alekh ghar par nahin hai.so koi sawal ka jawab nahin dena parega, waise bhi almost 12 bajh rahe hai, definitely woh Office main hoga, waise bhi Naina ka papa nahin hai, so wohi sab kuch samhalta hai.Naina jaldi jaldi ready hota hai, aur khud drive karke Nursing Home ke liye nikal jaati hai.
Nursing Home paunch kar Naina seedhe jis cabin main Rajveer ko admit kiya tha, uss cabin ke taraf jaati hai.Naina darwaje pe kuch der ke liye khaadi ho jaati hai, afterall uske wajah se Rajveer ka yeh haal hai. Naina bohut nervous feel kar rahi hai. Usse kaise samna karegi, uski parivaar se kaise samna karegi? Phir dil main himmat laa kar Naina dheere se darwaja kholti hai.Naina dekhti hai Rajveer so raha hai, Oxygen mask to nahin hai, par sar par bandage hai. Naina dheere dheere uske paas jaati hai.achanak Rajveer aankhe kholta hai, kyunki usse ehsaas hota hai koi aa raha hai. Naina bhi wohi khadi ho jaati hai, aur phir se nervous ho jaati hai.Naina sar jhuka kar khadi ho jaati hai.
Rajveer- aap???
Naina- woh' jee' main Naina, Naina Singh Aluwalia hoon.
Rajveer uthane lagta hai, par ruk jaata hai "ouchh"
Naina jaldi uske paas jaati hai. "aap mat uthiye, lete rahiye"
Rajveer- Thanks, aap plzz bethiye. Dekhiye naa ek Journalist hone ke bawajood main Sirish Singh Aluwalia ke beti ko pehchaan nahin paaya.
Naina- main hi media se door rehti hoon.Sirf kuch logo ko hi janti hoon main Media ki aur bohut kam log hi mujhe pehchante hai.
Rajveer- haa, aur main to ek chota mota crime reporter hoon.
Rajveer aur Naina dono muskurate hai aur phir chup ho jaate hai. Naina ko samajh nahin aa raha tha ki woh kaise confess kare.
Rajveer- waise Nainaji Thanks.mera jaan bachane ke liye.
Naina stunned ho jaati hai. Rajveer usse kyun thanks bol raha hai, woh bhi jaan bachane ke liye, jab ki uska jaan khatre main Naina hi daali hai.
Rajveer- aapne mujhe yaha leke aayi, Alekhji ne mujhe bataya, ek car ne mujhe takkar maari, lekin aapne zidd pakad kar mujhe yaha laayi'.
Naina- aapne dekha nahin kaun si gaadi se aapka accident hua???
Rajveer- nahin, peeche se dhakka laga naa.
Naina- Alekh ne aapko aadha sach bataya, aapke accident ka jimmedar main hi hoon, mere hi gaadi se aapka accident hua hai, infact tab main hi driving kar rahi thi. Haa, yeh baat sach hai, maine jidd karke aapko yaha leke aayi, kyunki mujhe lagta hai aapka accident meri galti hai, lekin agar main aapko injured halat main sadak par chod aati, to woh gunah hota, aur main gunah ka bojh le kar nahin jee sakti.
Naina dekhti hai Rajveer uske taraf bina palak jhapkaye dekh raha hai.
Naina- I am sorry, lekin aap chahe to police complain kar sakte hai.waise bhi yeh bojh le kar jeena mere liye bohut muskil hai.
Rajveer- Nainaji aap aapne dil se bojh nikal dijiye. Main thik hoon. U know maine bohut case dekha hai jaha log accident karke injured ko wohi marne ke liye chod kar bhaag jaate hai. Aapne mujhe hospital leke aaye, mere treatment ka intezaam kiya.aur mujhse confess bhi kar rahe hai. Aap khud ko mat kosiye. Maine aapko maaf kiya.aur police complain ki koi zarurat nahin.
Naina (thoda muskurake)- dil se bol rahe hai aap?? Yaha mere dad ke paunch aur Alekh se dar ka bol rahe ho aap??
Rajveer- dil se bol raha hoon.bhool jaiye iss baat ko.aur police complain karke main aapki iss sacchi spirit aur honesty ka insult nahin karna chahta. Aapne to aapni galti sudhar li, aur haa Alekhji ne mujhe koi dhamki nahin diya, haa usne jhoot kaha, woh aapko bacha rahe the. Aur aapke father se dar jaana, well mam aap bhool rahi hai main ek Reporter hoon.
Naina- kya media har pressure aur dar se upar hai????
Rajveer( thoda muskurake)- well, yeh to debate ka ek interesting subject hai.
Naina- baatein accha kar lete aap???
Rajveer- kya karu Nainaji yehi to mera kaam hai, shabdo se khelna.
Naina ( muskurati hai)- aap bohut hi interesting ho.sach main.
Rajveer- well mam, thanks for the compliment. Aaj tak mujhe kisi lady ne aise compliment nahin diye, par I am lucky, mujhe First time aisa compliment Naina Singh Aluwalia ne diya hai.
Naina- aap kuch zyada hi mujhe sar par chada rahe hai, meri papa great businessman hai, main bas unki beti hoon, khud koi baadi business tycoon nahin hoon.ek bohut hi simple ladki hoon.
Rajveer- haa, yeh baat to sahi hai aap koi business tycoon to nahin hai, lekin aap simple bhi nahin hai,aap bohut special hai. Warna iss tarah ek anjaan aadmi ka jaan bachana, badnaami ka khatra uthake. Aapka dil bohut saaf hai. Aur phir jis tarah se aapne confess karke mujhse maafi mangi, uske baad main aapki respect kar rahi hoon. Trust me, dil se bol raha hoon. Sab kuch bhool jaiye.
Naina Rajveer ke taraf hi dekh rahi thi." Aapki family se kaun aaye hai?? Mujhe unse mil kar maafi mangna hai"
Rajveer- main akela rehta hoon Delhi main. Maine kaha naa aapse plzz aapne guilt feeling se bahar aa jaiye.I am absolutely fine.waise bhi doctor ne kaha hai mujhe kal parsu yaha se discharge bhi mil jayega.
Naina- thanks.
Rajveer- arre , its all right
Naina- yeh thanks sirf mujhe maaf karne ke liye nahin, mujhe special feel karane ke liye.U take care. Byee.aapse baat karke bohut accha laga.
Naina cabin se bahar hi jaa rahi thi, achanak usne peeche se Rajveer ka awaz suna.
Rajveer- U welcome mam. & trust me aap bohut special ho. Aap aapne andar ki iss siddat ko kabhi khone mat dena. Yaha par Corruption ke liye no entry ka board laga dena.
Naina thoda muskurati hai, aur Cabin se bahar nikal jaati hai, aur bahar aa kar bench par beth jaati hai.Naina aayi thi maafi mangne aur aapne dil ka bhoj halka karne.par yaha aa kar Rajveerji se iss mulakat ke baad, woh aapne aap ko bohut special feel kar rahi thi.Naina bas aapne dil main kehti hai "kuch to baat hai iss aadmi main.yeh mujhe special kaha, par iske simplicity main bhi mujhe yeh special feel kyun ho raha hai?"
After one week,
Uss mulakat ke baad Naina kabhi Rajveer se milne nahin gaayi, infact ghar se bhi nahin nikli, Kyunki Nursing Home se hi koi shayad Alekh ko uss mulakat ke baare main bol diya tha. Alekh ne strickly mana kiya, infact yeh bhi kaha usne saari chizen bohut muskil se set kiya hai, koi garbad woh nahin chahta. Infact, next day Alekh ne Naina ke bahar jaane par bhi rok laaga diya tha. Naina ko bohut rona aaya tha. Kyun??? Aapne ghar main kyun uske saath aisa rude behave hota hai?? Uss din ke baad Alekh ne kuch nahin kaha tha Naina ko, naa hi koi rok lagaya tha, Naina assumption kar li thi zaroor Rajveer ko Nursing Home se discharge mil gaya hai. Aur Naina ko to uska address bhi nahin malum.lekin Naina gusse se ghar se nahin nikli yeh ek hafta.
Sirishji next day Abroad se ghar lautnewale the.Naina Karuna se uske papa ke ghar ka saaf safai karwa rahi thi. Achanak, Naina ki nazar paadi, ki uske papa ke kuch dawai khatam ho gaya hai."issh, papa ki dawai khatam ho gaayi hai.Karuna, Ramu kaka bazar ke liye nikal gaaye kya?"
Karuna- haa memsahab.kuch kaam tha??
Naina- arre Karuna papa ka dawai khatam ho gaaya hai. Laana zaruri hai. Khair, koi baat nahin, aaj nikal kar main le aaungi. tum jaldi se saaf safai complete karo.
Thodi der baad, Naina medicine leene nikal jaati hai.Naina khud ke car drive karke jaa rahi thi. Naina medicine shop ke bahar car park karke andar dawai laane jaati hai.
Naina dawai le rahi hai, achanak paas se usse ek jaani pehchaani awaz sunai deta hai.
Male voice- excuse me. Yeh raha prescription, plzz mujhe yeh dawai jaldi dijiye.
Naina paas dekhti hai, , uske paas Rajveer khada hai. Sar par ek chota sa bandage hai.uss din se bohut fresh lag raha hai.Naina dekhti hai Rajveer ne uske taraf dhyan nahin diya.
Naina- arre Rajveerji aap??? Kaise hai???
Rajveer ( ekdum surprised)- arre Nainaji aap yaha par???
Achanak salesman bolta hai "madam yeh raha aapka medicine"
Naina-ohh, kitna hua???
Naina pay kar deti hai.
Rajveer- sab thik to hai naa???
Naina- bilkul sab thik hai, yeh to papa ke kuch regular dawai hai, aap kaise hai???
Rajveer- dekh kar kaisa lag raha hoon, ekdum fit & fine.(with a big smile)
Achanak salesman- yeh raha aapka dawai Sir.
Rajveer bhi pay kar deta hai.
Dono medicine le kar shop se bahar aata hai.Rajveer thoda langra ke chal raha tha.
Naina( sadly) - lagta hai, meri uss din ke galti ka anjaam ab tak aap bhugat rahe hai.
Rajveer- come on Nainaji, maine uss din bhi aapse kaha tha bhul jaiye, aisa hona hum dono ke kismat main likha tha. So hua. Waise mujhe aisa kyun lag raha hai aap ab tak aapne guilt feeling se bahar nahin aayi?? Nainaji choriye yeh sab baaton ko.
Naina- waise aap kaha jaa rahe ho??
Rajveer- well, Nursing Home se discharge dete waqt doctor ke strickly kaha tha, ki main aapna khayal rakhu, aur yeh dawai skip naa karu, so medicine leene aaya tha. Ab ghar jaunga, ek auto dikh jaaye.
Naina- chaliye main aapko aapke ghar tak lift de deta hoon.
Rajveer- arre nahin nahin.
Naina- arre don't worry, main aapko bilkul sah salamat aapke ghar pauncha dungi, trust me.
Rajveer- arre nahin nahin, aap ghalat samajh rahi hai, main yeh sab bilkul bhi nahin soch raha hoon.aapko kaam hoga, aap kyun mere wajah se takliff utha rahi hai.
Naina- agar aap nahin aaye, to main yeh samjhungi ki aapne mujhe ab tak maaf nahin kiya.
Rajveer ek lambi saans leta hai, "well, ab to chalna hi parega"
Rajveer Naina ke paas car main beth jaata hai.Naina Car start karti hai.Rajveer Direction de raha hai, aur Naina drive kar rahi hai.
Rajveer- bas, main issi flat main rehta hoon.thanks for the lift.
Naina- its okay.main chalti hoon, byee & take care
Rajveer- arre abhi byee kya??? Ek cup coffee to peete jaiye, afterall mere liye aap itna takliff uthayi hai & trust me main accha coffee bana leta hoon.
Naina ( confused)- arre nahin nahin.
Rajveer- trust me, main akela rehta hoon, aur basically hum ajneebi hai, isliye aap hickhicha rahi hai. Trust me, koi galat intension nahin hai mera. Aap ne bhi to mujhe lift diya.
Naina- main aap par shak nahin kar raha hoon, main log pehchanti hoon.
Naina car side main park karke bahar aa jaati hai. "chaliye, par coffee acchi honi chayiye"
Rajveer bhi muskurata hai.Naina notice karti hai yeh jab hasta hai to aur bhi handsome dikhta hai. Waise Rajveer ko pehle din nursing home main uss halat main bhi bohut handsome laga tha.
Dono lift ke andar jaate hai. 6th floor main Rajveer ka flat hai. Naina dekhti hai ekdum simple, but saaf shudra, kisi bhi angle se ek bachelor ka flat nahin hai.
Rajveer- aap plz bethiye.main coffee banata hoon.
Naina thoda musrukati hai. Rajveer andar chala jaata hai. Naina idhar udhar ghum rahi hai, yeh simple se flat kaafi impressive laga usse.thodi der main Rajveer coffee le kar aata hai.
Naina ( coffee peete hue)- woww, aap to bohut acchi coffee banate ho.
Rajveer- see, I told U. mere haath ke coffee ka to sab fan hai, jo ek baar peete hai, bas fan ban jaate hai.
Naina- waise aap ke fan ke list main mujhe bhi add kar ligiye.
Rajveer- my pleasure.
Naina- ek baat puchu, aap to akele rehte hai, phir Nursing Home se aane ke baad aapne kaise manage kiya.
Rajveer- arre utna bhi bada chot nahin tha ki main manage naa kar pau, aur mera ek dost hain Yudi, mere tarah hi reporter hai, usne help kar di. Woh to mera colleague bhi hai, hamare Boss ko samhal liya.
Naina- kab join kar rahe hai aap Office???
Rajveer- actually, ab main almost thik hoon, do teen din main join karunga.
Naina- waise thanks for the coffee, aur mere taraf se ek coffee date udhar raha.
Rajveer- aap bhi naa.aapne mera coffee pilana highlight kiya, lekin aapne mujhe jo lift diya, uska kya??
Naina- anyways, main chalti hoon. Byee
Rajveer- chaliye main aapko bahar chod kar aata hoon.
Naina- uski koi zarurat nahin hai. Aap aaram kijiye.byee
Rajveer- arre'
Naina- ssshh, maine kaha naa, no more formality.main chali jaungi. Byee
Rajveer- byee
Naina bahar chali aati hai.aas paas ke kuch log usse ajeeb tarah se dekh rahe the, aur ek dusre ko kuch bol bhi rahe the.Naina totally ignore karke car main jaa kar bethti hai, aur drive karke nikal jaati hai.
Drive karte karte Naina Rajveer ke baare main hi soch rahi thi.Rajveer= simple & sober.very handsome, smile to aur bhi khoobsurat.Ek alag hi personality hai. Aur uske andar ke siddat hai.aisa lagta hai, jaise woh uss par aakhe bandh karke trust kar sakti hai.uske sapno ke Rajkumar ko le kar ek aisa hi imagination Naina ke dil main bhi hai. Abhimanyu Rai Chauhan kisi bhi angle se fit nahin hota. Naina bas aapni kismat ko kosti hai.
Edited by sania_58 - 12 years ago
Avatar and Signatures Shop
293