Thanks for the likes & comments! I'm sorry! I purposely did not answer ur questions related to Paayal. U will find ur answers in this update.
Part 53
Khushi: Bolo na jiji? Tumne Arnavji ko maaf kiya ya nahi?
Paayal: Nahi!
All but Arnav are shocked with her reply.
Paayal(looks at Arnav): Humne inhe maaf nahi kiya hai.
Khushi(hurt): Kyun jiji? Kya tumhe bharosa nahi hain inki baaton par?
Paayal: Ha Khushi. Tum sahi keh rahi ho. Hum abhi inki baaton par bharosa nahi kar sakte hain. Agar aaj inhone jo kuch bhi kahaa,jo saare waade kiye woh dil se kiye,toh unhe yeh saabit kar k dikhaane hoga.
She turns to Arnav.
Paayal: Jis tarah se aapko saboot chahiye the,Khushi ki sachchaai ka,uss hi tarah se humein saboot chahiye! Aapne aaj jo bhi kuch bhi kaha usse saabit kar k dikhaaiyye toh hum aapko maan jaayenge! Aur yeh bhi maan jayenge ki aap dobara kabhi humari behen ko apne gusse ka shiqaar nahi banaayenge! Aapko shaayad.. humari baatein kadvi lag rahi hongi lekin.. hum woh hi keh rahe hain jo sach hai. Shaadi ki raat ko aur uss k baad aapne jo kuch bhi kiya uss k alaava bhi, uss se pehle bhi aisa kayeen baar ho chuka hai jab..
She stops abruptly.
Paayal: Jab Khushi aur humare parivaar ko aapki wajah se bure din dekhne pade hain.
Nani: Kaa matlab,bitiya? Khulkar bataiyye..
Paayal tells them that it was bcoz of Arnav that her first marriage was broken. It was bcoz he released the footage of Khushi falling in his arms,that goons chased Khushi and amma-babuji.
Paayal: Uss samay Shyam ne gudon se Khushi ko bachaaya tha. Toh dekha jaay toh.. Khushi k jeevan me Shyam ka aana bhi.. Arnavji ki badaulat hua hai.
Everyone is super shocked to hear that.
Paayal: Inhi ki wajah se usski badnaami ho gayi aur humein aur Khushi ko Lucknow chhodkar Dilli aana pada.
Amma(angry): Arnav bitwa,aap oo tasveerein patrakaaron ko kaahe diye rahe? Ek ladki ki ijjat ka aapko jara bhi khayaal naahi aaya?
Before Arnav could answer..
Paayal: Nahi aaya,amma. Kyunki yeh jis fashion industry ka hissa hain wahaan yeh saari cheezein koi maayine nahi rakhti hain. Ladkiyan khud,paison k liye aur publicity k naam par,apni izzat daav par lagaane k liye raazi ho jaati hai. Inko yeh "galatfehmi" ho gayi ki Khushi bhi waisi hi ladki hai,woh bhi tab jab Khushi ne baar-baar inse minnatein ki ki woh usse galat samajh rahe hain. Kyun Khushi,kya tumne inse yeh baat nahi kahi thi ki humari shaadi honewali hain,jahaan tumhara hona zaroori hai?
Khushi: Kahi thi lekin.. inhone humari baat nahi suni. Aur..
Paayal: Puri baat bataao,Khushi.Tumhe Devi Maiyya ki kasam hai!
Khushi(reluctantly): Inhone.. humein kamre me band kar diya..
Nani(shocked): Kaa?
Khushi: Ji.. naniji. Jab.. humne inse kahaa ki.. agar yeh hi sab.. unki behen k saath kisine kiya hota toh.. gusse me aakar inhone humari kameez ki.. motiyon wali dori tod di..
Paayal: Yeh toh galat baat hai naa,Arnavji? Aap khud ki behen k baare me jo baat sun bhi nahi saktein hain woh hi cheez aap kisi aur ki behen k saath kar dete hain,badi aasaani se! Aapko koi andaaza nahi hain ki Khushi ko kis tarah ki baatein sunni padi,wahaan humare amma aur babuji ko aur humein kya kuch nahi sehen karna pada,sirf aapki wajah se! Aur yeh sab kyun? Kyunki aapko lagaa ki Khushi ko aapk kisi dushman ne bheja hai. Aapne uss din se lekar ab tak na jaane kitni baar Khushi ko ,apni galatfehmiyon ki wajah se, aisi galtiyon ki sazaa di jo ussne ki hi nahi thi!
Arnav: I admit,maine yeh sab kiya,lekin I truely regret it! Jis din mujhe yeh baat tumne bataayi thi uss din mujhe khud par bahut gussa aaya tha. Mujhe bahut afsos hai iss baat ka ki.. Khushi,tumhe aur baaki sab ko bahut kuch face karna pada meri wajah se. And I'm very sorry! Main pehle bhi Khushi se maafi maang chuka hoon.
Paayal: Ha lekin aapk maafi maangne se usska dukh toh door nahi hua. Agar ho gaya hota toh (points to Khushi) aaj uss ki aankhon me aansu nahi hote.
Arnav looks at Khushi to find tears running down her cheeks.
Paayal: Aur usska dukh door hoga bhi kaise. Kisi ladki ki izzat uchhaalna, usse jaan-bhooj kar dukh dena aapk liye chhoti baat hogi lekin humare liye nahi hai! Aur yeh koi chhoti-moti galti bhi nahi hai,jisk liye aapko badi aasaani se maafi mil jaayegi! Aap maane ya na maane,lekin logon ko aisi baatein yaad reh jati hai aur ek baar ladki ki izzat pe daag lag jaaye toh woh mitaaya nahi ja sakta. Agar aap kabhi Khushi k saath humare Lucknow wale ghar k pados me aur ilaake me jaayenge toh kuch logon ko aapko dekhkar yeh baat yaad aa jayegi ki aap woh hi hain jin ki.. godh me Khushi giri thi. Aur phir jab unhe yeh pataa chalega ki Khushi ki shaadi aapse hui hain ki woh tarah-tarah ki baatein karenge. Kuch logon ko shaayad,yeh bhi lagega ki Khushi ko majboori aapse shaadi karni padi, jaise usse majboori me Dilli aana pada. Waise hi,hota sakta hai ki khabar dekhne k baad koi ladka usse shaadi karne k liye raazi naa hua ho,isiliye usse us hi insaan se shaadi karni padi jisne usski izzat se khilvaad kiya tha. Kyun Khushi? Tum hi bataao,kya hum kuch galat keh rahe hain?
Khushi shook her head.
Paayal: Aap kis binaah par humse maafi ki ummeed rakhte hain? Khushi ka dil toh mom ka hai,badi aasaani se pighal jata hai. Woh toh kisi ko bhi,badi se badi galti k liye,jhatt se maaf kar deti hai! Lekin hum Khushi nahi hain,hum Paayal hain! Aur aapko ek baat sach bataa rahe hain-Agar aapki jagah yeh hi sab kuch Aakash ne kiya hota toh humne unhe bhi maaf nahi kiya hota. Hum kaise yaqeen kar le ki dobara aap Khushi k saath koi badsalooqi nahi karenge? Hum nahi kar sakte naa yaqeen,tab tak nahi jab tak humein iss baat ka koi saboot nahi mil jaata. Toh baat waapis waheen aa gayi hai jahaan se shuru hui thi- saabit kar k dikhaiyye ki humari behen, jo aapko Devta maanti hain,aap uss k pyaar aur uss k sammaan k laayak hain! In sabne jo aapko maafi de di hai aap uss maafi k haqdaar hai! Saabit kijiye aur.. apne baare me humari raay badal dijiye. Lekin humse maafi ki ummeed mat kariyega. Humare paas utna badaa dil nahi hai ki hum sab kuch bhulaakar,aapki galtiyon ko nazar-andaaz kar sake. Hum aapko mauka zaroor de rahe hain,khud ko saabit karne k liye,lekin.. hum aapko maafi kabhi nahi de paayenge!
Amma: Hum Payalia ki baatwa se sehmat hai. Hum.. aapko maaf tau karat rahe aur aapko doosra mauka bhi diye rahe. Par aisan karne se naa tau humre parivaar ki ijjat waapis aa jayegi aur naa hi hum.. oo saari baatein bhool payenge. Hum hi jaante hain ki kis paristhiti me humne jiji k saath in dunno ko hiyaan bheja tha. Aur humein kitni chinta rehti thi inki.. Hum.. oo sab kabhi naahi bhula payenge!
Arnav: I understand,ammaji.. Main yeh appreciate karta hoon ki aapne aur Paayal ne honestly mujhse sach kaha. And I'm glad ki atleast aapne apni maafi waapis nahi li! I'm really sorry!
Amma nods,wiping her tears.
Paayal folds her hands and says earnestly.
Paayal: Aakash,dadiji,mummyji,papaji,di.. hum aapse maafi maangte hain! Aaplogon ko humara bartaav bura lag raha hoga..aapko dukh bhi pahucha hoga. Par..
Nani(interrupts): Naahi bitiya. Aapk paas bahut mazboot kaaran hai Chhotey ko maaf naahi karne k liye. Hum aapse naaraaz naahi hain. Par hum ee ummeed zaroor rakhte hain ki bhavishya me,jab Chhotey aapan baaton ko saabit kar denge aur aap Chhoti bitiya k prati unka prem aur lagan dekhengi toh shaayad aapk man par Chhotey ki harkaton ki wajah se jaun zakham huye hain,oo zakham bhar jayenge..
Paayal shrugs.
Khushi: Devi Maiyya kare ki aisa hi ho,naniji! Jo hum Arnavji me dekh paa rahe hain woh hi sab kuch ek din jiji bhi dekh paayengi aur tab woh Arnavji ko zaroor maaf kar dengi! Yeh humara vishwaas hai!
Paayal(looks at Arnav): Kaun kya kar paayega aur kya nahi yeh toh waqt hi bataayega.
Arnav: Right! Lekin jab tak woh waqt na aaye tab tak main nahi chahta hoon ki aaj Paayal ne jo bhi kahaa usski wajah se Aakash aur Paayal me ya Khushi aur Paayal me koi bhi differences aaye. Toh Aakash aur Khushi,Paayal ko uss k decision k basis pe judge mat karna. plz..
Aakash nods.
Khushi: Aap humari chinta mat kariye. Hum aisa kuch nahi karenge. (approaches Paayal) Hum jaante hain ki jitni taqleef humein hui utni hi taqleef jiji ko bhi hui hai. Agar jiji aapse naaraaz hain toh woh isiliye kyunki aapki wajah se humein bahut kuch sehna padaa. Unka aisa bartaav isiliye hai kyunki woh nahi chahti thi ki unki behen k saath waisa kuch bhi ho.. (holds her hand) Hausla rakho,jiji. Arnavji apni baat ko zaroor saabit karenge! Aur tumhe pakka yaqeen ho jayega ki ab woh humara saath kuch bhi bura nahi karenge! Kabhi bhi nahi!
Paayal(cups her cheek): Devi Maiyya tumhare vishwaas ko banaaye rakhe, Khushi!
They hug as Arnav moves towards Anjali.
Arnav: Di..
Anjali: Hum bhi kuch waisa hi kahenge jaisa buaji ne kaha. Tumne humein bahut niraash kiya hai,bahut sharminda kiya hai aur bahut dukh pahuchaya hai! Aur.. sabse dukh ki baat toh yeh hi hai ki.. tumne yeh sab humari shaadi ko bachaane k liye kiya. Matlab,indirectly Chhoti k saath jo hua uss k liye hum zimmedaar hai!
Arnav: Of course not,di! Usk liye sirf main zimmedaar hoon.
Khushi: Arnavji sahi keh rahe hain,di. Aapki iss me koi galti nahi hai. Galti Shyam ki hai,aap jaisi patni hone k baawajood uss ne hum par buri nazar daali. Galti Arnavji ki hai ki unhone bagair humari marzi k,zabardasti humse shaadi ki. Iss me aapki bilkul galti nahi hai! Aur agar aap yeh maanti hain ki humare dukhon k liye aap zimmedaar hain toh aap k dukhon k liye hum aur humara parivaar zimmedaar hai!
Anjali: Chhoti..
Khushi: Ha di. Humein pataa tha ki Shyam aapko dhoka de raha hai lekin hum chup rahe. Na humne aapko na hi parivaar ki kisi aur sadasya ko Shyam ki sachchhaai bataai. Toh hum sab aapk dukhon k liye zimmedaar huye naa?
Nani: Naahi bitiya. Aap dunno hi nirdosh hai. Apne oopar dosh mat daaliye. Anjali bitiya,aap humein bataiyye, kaa aapne Chhotey ko maaf kiya hai ki naahi?
Arnav looks expectantly at Anjali.
Anjali: Ha nani,humne Chhotey ko maaf kar diya hai!
Arnav heaves an audible sigh of relief.
Anjali: Hum aapki baat se sehmat hai,nani. Waqt,haalaat aur Devi Maiyya har insaan ko unki galti ki sazaa de hi dete hain. Isiliye sazaa dene ka kaam humein apne haathon me nahi lena chahiye. Rahi baat maafi ki,toh agar hum Chhotey ko maaf nahi karte,toh woh aur Chhoti dono hi dukhi honge. Aur wohlog khushi-khushi apne naye jeevan ki shuruaat nahi kar paayenge. Aur naa hi hum apne naye jeevan ki shuruaat kar payenge. Hum sab k saath pehle hi bahut kuch bura ho chuka hai. Humne saath milkar ya akele bahut se dukhon ka saamna kiya hai. Ab Hum aisa kuch nahi karna chahte jisse ki humein aur dukhon ka saamna karna pade. Hum tumhe maaf toh kar dete hain,Chhotey par ab tumhe dhyaan rakhna padega ki tum iss maafi ko zaaya na hone do. Kal ko humein pachhtava na ho ki humne apne Chhotey ko kyun maaf kar diya?
Arnav nods.
Anjali: Sab k saamne 4 waadein kar dene se tumhare aur Chhoti k jeevan me koi badlaav nahi aayega. Jab tak tum apne gusse aur zabaan ko apne qaaboo me nahi karoge,tab tak iss baat ki koi guarantee nahi hai ki jo pehle hua woh aage nahi hoga. Jaise tum apne business me apne rival ko apneaap se jeetne nahi dete ho,waise hi tumhe apni buri aadaton ko jeetne se rokna hoga.
She turns to Khushi.
Anjali: Chhoti,aapko aur Chhotey ko, ek doosre ko aur behtar tareeke se samajhne ki zaroorat hai. Apne dil ki aawaaz sunna hi kaafi nahi hota hai,uss par amal bhi karna padta hai. Aaj hum sabne sirf aapki galatfehmiyon k baare me hi nahi suna,humne woh bhi suna jo sach tha,jis se aap dono koson door the. Agar aap dono ne uss samay ek doosre se apne man ki baat keh di hoti toh yeh sab kuch hota hi nahi!
Khushi: Hum samajhte hain di. Aap befiqar rahiye,hum apni taraf se puri koshish karenge ki hum Arnavji ko puri tarah se samajh paayein.
Anjali(smiles): Humein yaqeen hai ki aap aisa hi karengi! Lekin hum aapko pehle se hi warn kar dete hain-yeh koi aasaan kaam nahi hoga!
Khushi(smiles): Jaante hain. Lekin hum phir bhi yeh kaam kar k dikhayenge! Jaise Arnavji ab humari rag-rag se waaqib hain,waise hi hum bhi bahut jald unki rag-rag se waaqib honge!
They share a warm hug.
Arnav: Di..
Anjali(turns to him): Kya hua?
Arnav: Can I get a hug?
Anjali smiles & pulls him into a hug.
Arnav lets his tears to flow freely.
Anjali also breaks down.
Arnav: I'm so sorry,di!
Anjali: I'm also sorry,Chhotey!
Arnav breaks the hug and looks at her,surprise evident on his face.
Arnav: Di aap kyun sorry keh rahi hai?
Anjali: Hum apni galtiyon k liye sorry keh rahe hain,Chhotey.. Humein.. insaanon ko pehchanna nahi aata hai. Isiliye Shyam ne.. humara.. faayda uthaaya. Humne aankhein band kar k uss par vishwaas kiya. Usse apne jeevan me,apne ghar me, apne parivaar me jagaah di aur ussne kya kiya? Yeh sab hadapna chahaa. Aur humari toh.. uss ki nazar me kabhi koi ehmiyat thi hi nahi! Lekin hum yeh baat kabhi samajh nahi paaye. Humare saamne jab uski galtiyaan aayi,tab bhi humne unhe nazar-andaaz kar diya. Tumne usse ghar se nikaala uss k baad bhi hum.. tumse chhipkar usse milte rahe. Humari wajah se usse iss ghar me tumhe dobara jagah deni padi aur humein.. uss ki wajah se apna bachchha khona padaa.. Hum.. ne.. sa..
She faints and is about to fall when Arnav catches her.
Arnav(screams): Diii!
________________________________________________________________
**10 minutes later,in Anjali's bedroom**
Anjali gains consciousness after Arnav splashes water on her face.
Arnav: Di.. aap theek hain?
Anjali gives a weak nod.
Arnav: I dont think so.. Aakash,dr. ko..
Anjali(interrupts): Nahi Chhotey. Dr ko mat bulvaao.
Arnav: Par di..
Anjali shakes her head & tries to get up.
Arnav: Aap uth kyun rahi hain? Leti rahiye naa..
Anjali: Humein.. uthkar baithna hai.. Chhotey..
Arnav: Di,yeh sab karne ki kya zaroorat hai? Aap leti rahiye naa..
Nani: Ha bitiya. Aap kaahe khud ko taqleef dena chaahat hai?
Anjali gives a weak smile.
Anjali: Aap sab ki yeh hi problem hai! Ek toh waise hi hum kamzor hain, shareer se bhi aur.. man se bhi. Agar hum khud ko mazboot karne ki koshish bhi karte hain toh aaplog aisa karne nahi dete.
Arnav: Di,mujhe samajh nahi aata ki aapse yeh saari baatein kisne keh di? Kaun kehta hai ki aap kamzor hain? Ya aapko insaanon ki pehchanna nahi aata hai? That's rubbish! (cups her face) Aap bahut achchhi hain,di! Aur bahut bholi hai. Aap sabko apne jaisa samajhti hain. Aur..
Anjali(interrupts): Yeh hi toh,Chhotey! Aisa zaroori nahi hain ki agar aap achchhe hain toh saamnewala insaan bhi achchha hi hoga. Agar aap kisi par vishwaas karte hain uss ka matlab yeh nahi hota ki woh insaan aap k vishwaas k laayak hai.. Humein strong banna hoga,Chhotey. Physically naa sahi,lekin emotionally strong banna hoga! Humein zaroorat hai! Jabse mumma aur papa gaye hain.. hum.. kamzor pad gaye hain. Aur humne hamesha tumhara sahara liya hai.
She gently runs a hand thru his hair.
Anjali: Tum humse chhotey ho lekin phir bhi tumne ek bade bhai ki tarah humara khayaal rakha hai! Humari raksha hai! Lekin humne hamesha par apne dukhon ka aur zimmedaari ka bojh daalkar tumhe kamzor kiya hai!
Arnav(holds her hand): Nahi di,aisa bilkul nahi hai! Aap kyun yeh sab soch rahi hain? Di,hum dono ek doosre ki strength hain! Jab main weak ho jata hoon tab aap mujhe strength deti hain aur jab aapko strength ki zaroorat ho tab main aapko strength deta hoon! Aapse yeh kisne kaha ki aap mujh par bojh hain? Kahin Rakshit ne..
Anjali(interrupts): Nahi Chhotey. Unhone aisa kuch bhi nahi kaha. Yeh khayaal humare man me aaya ki hum.. kuch zyaada kamzor hai aur kisi pe bhi badi aasaani se vishwaas kar lete hain! Tab hi log humara faayda uthaate hain..
Humein strong banne ki zaroorat hai,taaki aage chalkar koi humare saath aisa naa karein! Lekin.. agar aaplog yoon hi humare aage dhaal bankar khade rahenge toh hum kabhi talwaar chalaana seekhenge hi nahi! Isiliye hum keh rahe the ki humein khud se uthne ki koshish karne do..
Babuji: Humka laagat hai ki bitiya sahi kahat hain. Jaun ee khudko prabal banaane ki koshish kar rahi hain taun aaplogan ko ee koshish maa bitiya ka saath dena chahiye. Oo ka hausla badhaana chahiye.
Anjali: Bilkul sahi kaha aapne! Pehle humare liye papa faisle lete the, phir Chhotey. Par ab hum apne faisle khud lena chahte hain! Humein galat mat samajhna,Chhotey. Hum yeh nahi keh rahe hain ki tumhe apni di k liye faisle karne ka haq nahi hai. Tumhe haq hai. Lekin.. aaj k baad bina humein bataaye humare liye tum koi faisla mat lena.
Arnav: Theek hai,di. Main aapka point of view samajhta hoon. Agar shaadi k time par aap.. pregnant nahi hoti toh maine aapko Shyam ki sachchhaai tab hi bataa di hoti.
Anjali: Tumne humein isiliye nahi kahaa na kyunki tumhe dar tha ki tumhari di kamzor pad jayegi? Chhoti aur unk parivaar ne bhi humein isiliye sachchhaai nahi bataayi. Baat ghoom-phir kar waheen aa gayi hain-hum kamzor hain! Ya yoon kahe ki hum kamzor the! ab humein sashakt hona hoga!
Arnav: I got ur point,di! Main aapk saath hoon.
Anjali: Thank u!
With great effort,Anjali sits up on the bed.
Nani: Aap theek hain naa bitiya?
Anjali: Ha nani. Bas.. sir zara sa bhaari lag raha hai.
Nani: Juice pee lijiye,aapko achchha lagega.
Mami: Hari Parkaas,Anjali bitiya ki khaatir humra imported jooice lekar aao!
HP: Ji,abhi laaye mamiji!
Mami: Hello hi bye bye! Anjali bitiya,hum aapan taaraf se tumhri itni helap tau kar sakat hai naa?
Anjali(smiles): Ha mamiji.
Khushi: Arnavji,humein lagta hai ki.. humein di ko.. woh wali baat bataa deni chahiye.. Di khud ko sambhaal lengi.
Anjali(frowns): Kaunsi baat?
Arnav: Di.. aaj police station se SI ka phone aaya tha. Shyam ne.. bhaagne ki koshish ki.
Anjali(shocked): Kya?
Nani: Oo pakdaa gaya ki naahi?
Arnav: Ha nani. Unlogon ne usse pakad liya. Aur maine unse usk cell ki security aur humare ghar ki security badhaa dene k liye keh diya hai.
Nani nods.
Arnav: Aap tension mat lijiye,di. Main usse dobara humara lives me nahi aane dunga!
Anjali: Hum jaante hain,Chhotey. Lekin hum yeh bhi jaante hain ki aaj jo hua usse Shyam ka hausla nahi toota hoga. woh dobara bhaagne ki koshish zaroor karega! Isiliye hum sabko chaukanna rehna hoga.
Arnav: I know,di. Maine Aman ko msg toh kar hi diya hai,main Rakshit se bhi kehne wala tha. But.. aapko pataa hai toh.. aap unhe bhi inform kar dijiyega.
Anjali: Theek hai.
Nani: Rakshit babu ya unk parivaar ko kauno khatraa tau naahi hai naa Chhotey?
Arnav: Ab tak toh nahi hai,nani. Lekin.. agar Shyam ko pataa chalaa ki di doosri shaadi kar rahi hai toh.. shaayad.
Khushi: Par ab toh woh jail me hain. Aur di aur uss ka talaaq bhi ho gaya hai. Phir woh kyun di ki shaadi rukvaana chahega.
Arnav: Kyunki usse ab bhi aisa lagta hai ki di uss ki baaton me aa jayengi. Aur woh dobara unki life ko control kar paayega. Lekin uss k liye usse jail se baahar nikalna hoga aur di se milna hoga,jo main kabhi nahi hone dunga!
Khushi(hand on his shoulder): Shaant ho jaiyye.
HP brings juice for Anjali.
Khushi: Di,aap juice pee lijiye jab tak khaana parosna shuru karte hain. Kaafi der ho gayi hai. Sabko bhookh lag gayi hogi.
Anjali: Ha Chhoti,aap jaiyye. Hum toh kehte hain aap sab bhi jaiyye. Hum juice peekar aur.. Rakshit se baat kar k aate hain.
Nani: Theek hai bitiya. Aapan dhyaam rakhiyega.
Anjali nods.
Arnav: Aur stairs se aane se pehle aap mujhe bula..
Anjali(interrupts): Chhotey?
Arnav: a.. I mean,agar aapko zaroorat ho toh mujhe bula lijiyega.
Anjali(smiles): Theek hai. Abhi aap jaiyye,hmm?
Arnav nods & leaves with the rest of the family while Anjali calls Rakshit.
__________________________________________________________________
As the families come out of the bedroom,Arnav calls Aakash.
Arnav: Aakash,tum yaheen ruko. Mujhe tumse ek important deal k baare me kuch baat karni hai.
Aakash: Okay bhai.
Arnav: Nani,aap sab jaiyye,humlog thodi der me aate hain.
Nani: Theek hai Chhotey. Par zyaada der naahi kijiyega.
Arnav: Ji.
Khushi makes a face as she descends the stairs.
Khushi(thinks): Humne toh socha tha ki Arnavji humse akele milna chahenge aur humein kamre me bulayenge. Par unhone toh jijaji ko bula liya! Lard gover..
She stops midway.
Khushi(thinks): Nahi,humein Arnavji k baare me aisa nahi sochna chahiye. Ho sakta hai ki koi bahut hi zaroori baat ho. Aaj sara din Arnavji tension me the. Unhone theek se kaam toh kiya hi nahi. Ab,jab sab kuch theek ho gaya hai,toh.. unhe kaam par dhyan dena chahiye. Tu chal Khushi,sabko khana paros de. Waise bhi(blushes)khaane k baad toh.. tujhe aur Arnavji ko.. samay milne hi wala hai! Jo bhi.. karna hai woh tab kar lena! Abhi chalkar jiji aur HPji ki madad kar.
She quickly descends the stairs.
**Meanwhile,in ArShi's bedroom**
Aakash: Ha bhai,boliye? Kaunsi deal k baare me baat karni hai aapko?
Arnav: Khushi..
Aakash(confused): Ji?
Arnav(nods): Mujhe Khushi se baat karni hai,privately.
Aakash(super confused): Toh phir aapne mujhe room me kyun bulaaya?
Arnav: Abhi.. jo kuch bhi hua uss k baad.. main agar kitchen me jaakar Paayal ko.. baahar jaane k liye kahunga toh.. sahi nahi hoga.
Aakash(shocked): Aap.. Paayal se dar rahe hain?
Arnav: Of course not! Maine bas yeh kaha ki yeh sahi nahi hoga. Pataa nahi Paayal kya bolegi? Dono families ka attention kitchen ki taraf aa jayega aur.. basically,main Khushi se shaayad.. privately baat nahi kar paunga.
Aakash: Toh.. aap chahte hain ki main Paayal ko oopar bulaaon?
Arnav: Exactly! Tumse woh kuch nahi kahegi. Tum usse busy rakhna jab tak.. main Khushi se baat kar lunga.
Aakash: Par bhai,sablog toh neeche hi hain. Shaayad ab tak woh log dining table par baith bhi gaye honge. And besides,HP bhi toh hai kitchen me. Aap wahaan Khushiji se.. privately baat kaise kar payenge?
Arnav: Point.
Aakash: Aap mere saath aaiyye.. Main kuch karta hoon.
Arnav joins Aakash near the staircase.
Aakash(whispers): Aap Khushiji ko bulaiyye aur unse kahiye ki aapko koi file nahi mil rahi hai.
Arnav: Okay..
Aakash: Aur bhai,zaraa.. aaraam se bulaaiyyega.. Paayal neeche hi hogi naa toh.. gusse me mat bulaiyyega.
Arnav(glares): Understood!
He calls Khushi loudly.
Khushi comes running out of the kitchen with a smile on her face.
Her smile vanishes when she sees Aakash standing next to Arnav.
Khushi: Kya hua?
Arnav: Woh.. Chhabras' ki file nahi mil rahi hai..
Khushi: Par woh toh aapk laptop bag me hi thi naa?
Arnav: Ha thi par abhi nahi mil rahi hai..
Aakash(with fake concern): Woh toh bahut important file hai,bhai. Agar nahi mili toh bahut problem ho jayegi..
Arnav(nods): U're right.
Aakash: a.. Khushiji,aap ek baar aakar check kariye naa. Ho sakta hai bhai ne file kaheen rakh di ho aur unhe yaad naa ho. Uss file ka milna bahut zaroori hai.
Khushi: Theek hai. Hum bas 1 minute me aa rahe hain.
She enters the kitchen to inform Paayal.
Khushi: Jiji woh..
Paayal(interrupts): Humne suna. Tum jao,hum yahaan sambhaal lenge.
Khushi nods & leaves.
Paayal: Hari Prakashji aap sabzi lekar jaiyye hum dal ko paros kar laate hain..
HP: Ji bhabhi..
_________________________________________________________________
** Outside ArShi's bedroom**
Arnav hugs Aakash & pats his back.
Arnav: Thanks brother!
Aakash: My pleasure! Khushiji bas aati hi hongi.
Arnav nods,his eyes focused on the staircase.
Khushi joins them a few minutes later.
Khushi: Kya hua? File mili?
Arnav shakes his head.
Khushi: Toh aap dono baahar kyun khade hain? Andar chalkar dhoondhiye naa!
She goes inside the room,followed by Arnav who closes & bolts the door.
Khushi(frowns): Aapne.. darwaaza kyun band kiya?
Arnav: Abhi bataata hoon!
He takes one step towards her,his eyes revealing his motive to Khushi.
Khushi(taking a step back): Arnavji..
Arnav(taking a step ahead): Hmm?
Khushi(taking a step back): aapne.. jhoot kahaa kya?
Arnav(taking a step ahead): Tumhe kya lagta hai?
Khushi(taking a step behind): Aapki aankhein saaf bataa rahi hai ki aapne bahaana banaaya,woh bhi jijaji ki madad lekar!
Arnav(taking a step ahead): Haa,toh?
Khushi(taking a step behind): Tt.. toh..
Arnav(taking a step ahead): Kya? Kya karogi tum?
Khushi(taking a step behind): Hum aapse..
She stops abruptly as her back hits the wall.
Arnav covers the distance between them by taking one giant step.
Then he places his hands on either sides of the wall,pinning her to it & trapping her.
Arnav: Kya karogi tum?
Khushi: Hh.. hum.. woh..
Arnav: Kuch nahi kar paaogi tum!(inches his face closer) Kyunki jab main tumhare itne paas khadaa hota hoon,u become totally disarmed!
Khushi couldnt say anything since his lips were only inches apart from her own.
Her lips quivered,her chest rose & fell against his & she closed his eyes, silently anticipating a kiss.
Arnav: Look at me,Khushi..
Reluctantly,she opened her eyes,very slowly.'
The moment she did that she was lost in the chocolate brown,hypnotical orbs that belonged to her husband.
Arnav: Kahaa tha naa maine? Aaj raat hum yaheen honge,humare kamre me, ek saath?
Khushi gives a slight nod.
Arnav: So,maine jo kahaa tha aaj woh hi hua hai!
Khushi(closes her eyes): Hum.. ne bhi.. socha tha..
Arnav: Kya?
Khushi: ki.. agar aaj.. sab.. theek raha toh..
Arnav: Toh kya?
Khushi: Nanheji ne.. jo chocolates.. bheje hain woh.. hum.. gareeb bachchhon ko.. daan kar denge.
Arnav: Woh sab hum kal karenge! (cups her face)Tumhe pataa hai naa ki humein aaj raat ko kya karna hai?
Khushi nods,taking a shaky breath.
Arnav: Good!
He kisses her forehead & then moves aside.
Arnav: Abhi jao jaakar khana lagaao. Baaki sab kuch hum dinner k baad karenge!
Khushi: Lard governer!
She is about to go when Arnav catches hold of her arm & pulls her towards himself.
Khushi: Humein roka kyun?
Arnav: Abhi kuch karna baaki hai..
Khushi: Kya?
Arnav: Yeh!
He cupped her face & claimed her lips.
________________________________________________________________
Precap: Shyam(evil smirk): Rani sahiba! Aakhirkaar aapk darshan ho hi gaye!
Anjali(shocked): Tum.. yahaan kaise aaye? Aur.. jail se.. kaise nikle?
Shyam(moving towards her): Aapko kya laga? Aap khushi-khushi apne naye dulhe k saath apne naye jeevan ki shuruaat karengi aur hum jail me baithe rahenge? Aisa kaise ho sakta hai!
Anjali: Door raho! Chh..
Shyam(covers her mouth with his palm): Saalesa'ab ko mat bulaiyye! Khaa-ma-khaa bakheda khada kar denge! Hum toh bas aapko aapki shaadi ka tohfa dene aaye hain,woh denge aur chale jayenge!
He takes out something from his pocket.
Kindly ignore typos & mistakes. Translation will b up on Monday. Next update will be up on 20th April,Saturday.
Edited by ..Smita.. - 12 years ago
Anupamaa
Cricket
Ek Duje Ke Vaaste 2
146