Arnav learns a lesson Thread Two - Page 39

Aakash(shocked): Bhai ka matha chooma tha? Aur bhai ne choomne diya?

Khushi(non-chalantly): Haa!

The Raizadas' stare at Arnav which makes him uncomfortable.

Arnav: Ha,toh main kya karta? Maine toh uthkar jaane ki koshish ki thi,lekin Khushi ne mujhe jaane hi nahi diya!

Khushi(holds her ears): Maaf kar dijiye! Humne jitni baar aapko sataaya hum uss har baar k liye maafi chahtein hain!

Arnav: Its okay,Khushi! Tumhe maafi maangne ki zaroorat nahi hai. Maine jo tumhare saath kiya usk saamne tumhare pranks kuch bhi nahi hain.

Buaji: Ee baat tumne bahutai sahi kahi!

Nani: Aage bataiyye..

Khushi: Hum bataate hain,naniji. Jaise humne inke kamre ko apna banaa liya waise hi inhone humare ghar ko apna banaa liya!

Arnav: Right! Maine Khushi k room me AC lagva diya. Sabke liye Italian dishes order karvaayi.

Khushi(interrupts): Ghar me saal bhar ka raashan(ration) bharvaa diya. Humne zabardasti aapko Preeto ki shaadi ki taiyyariyon me ghaseeta. Aapko taqleef hui lekin aapne uff tak nahi ki! Ulta, aapne humara haath bataaya. Aur humne kya kiya? Har jagah aapki be-izzati karne ki koshish ki,phir chaahe woh chachaji k akhaade me ho ya.. aapko handpump par le jaakar ho.

Arnav: Its okay,Khushi. I understand. Tum meri insult karne k liye yeh sab nahi kar rahi thi. Tum mujhe yeh ehsaas dilana chahti thi ki.. jo aam insaan hote hain unki life kaisi hoti,unki life me kitni problems hoti hain. Phir bhi,jab koi happy occasion ho, jaise Preeto ki shaadi,tab saare log ek saath hokar bride ki family ki help karte hain.

Khushi nods.

Arnav: And besides,tumne mujhe koi khaas taqleef nahi di. And its not as if maine uff bhi nahi ki!Tumhe achchhe se pata hai ki.. maine kya-kya kiya tha..

Nani: Kaa kahna chaahat hain aap,Chhotey?

Arnav: Jab mere car k parts chori ho gaye,toh mujhe laga ki yeh Khushi ka prank hai. Isiliye maine ghar k baahar,sabk saamne,uski insult ki.

Khushi: Par baad me jab aapko pata lagaa ki chori humne nahi ki thi,toh aap humein manaane k liye golgappe bhi toh lekar aaye the naa?

Arnav nods.

Amma: Aur tohre kehne par,bitwa ne kitne saare golgappe khaaye bhi the..

Khushi: Humare kehne par nahi,amma. Unhone isiliye khaaye kyunki.. hum unko apne haathon se khila rahe the..

Arnav & Khushi look at each other & smile,recalling those wonderful moments.

Khushi: Tab hi toh,inki aankhon se aur naak se paani nikle jaa raha tha phir bhi yeh khaaye jaa rahe the! Agar puriyon ka packet khatam nahi hua hota,toh Arnavji ne kamaskam aur 50-60 golgappe zaroor kha liye hote! Kyun?

Arnav: To b honest,mujhe toh pataa hi nahi chalaa ki maine kitne golgappe kha liye! Mera dhyan sirf.. tum par tha. Jab tumne khilana band kiya tab maine realize kiya ki mera pet kuch zyaada hi bhar gaya hai!

Mami: Hello hi bye bye! Arnav bitwa,humne jau dawaai di thi oo tumhre kaam aayi ki naahi?

Arnav: Ha mami. Bahut kaam aayi thi! Thanks!

Mami: Oo tau aani hi thi. Hum tau pahile se hi jaanat rahe ki ee phati saadee k maternity homewa maa tumhara stomachwa upsetiya jaayega!

Nani: Bas Manorama. Aage badhiye,Chhotey.

Arnav: Shaadi ki raat ko phir kuch aisa hua jisne mujhe humari shaadi ki raat ko.. maine jo terrace pe dekha tha,uski yaad dila di.

Nani: Kaa hua?

Arnav: Khushi ne Shyam ka diya hua wrapping paper aur card sambhaalkar rakha tha..

Khushi: Woh toh hum har kaagaz sambhaalkar rakhte hain,taaki jab humein kisi ko koi tohfa dena ho toh woh humare kaam aa sakein.

Arnav: Mujhe yeh baat pata nahi thi. Mujhe laga ki.. Shyam ne tumhe gift diya tha isiliye tumne use sambhaalkar rakha hai.

Paayal shakes her head & sighs.

Khushi: Tab hi aap uss raat humse naraaz the?

Arnav nods.

Khushi: Aur humein lagaa ki kuch gadbad hai. Agle din hum TV par Kamlesh Khabri ji ka show dekh rahe the,jisme woh bataa rahe the ki kaise 1 amir aadmi 1 gareeb ladki se shaadi kar k uska khoon kar diya,kyunki uss ki kundli me dosh tha. Woh gareeb ladkiyon ko chetaavni de rahe the..

Arnav(interrupts): Aur tumhe aisa laga ki woh chetaavni tumhare liye hain! Aur tumne yeh bhi soch liya ki main tumhe maar daalna chahta hoon kyunki meri kundli me dosh hai!

Khushi nods.

Nani(shocked): Kaa?!

Buaji: Haay re Nandkisore! Ee hum kaa sun rahe hain,Sanka devi?

Arnav: Aur toh aur,Khushi ko yeh bhi lagaa ki main uss se nahi,Lavanya se pyaar karta hoon! Kyunki woh hum dono k pyaar k beechh aa rahi hai,main use maarkar coast clear karna chahta hoon!

Mami: Now u tails uss (tell us),khoon bhari taang? Ki kaun galat sochat rahi aur oo galat sochwa ko sach maankar baith gayi,hayin? Tum itni der se humre Arnav bitwa se kahat rahi naa,ki oo pahile galat sochat hain and thain (then) oo ki galat sochwa ko sach maankar baithat hain,oo bhi bina kauno thos saboot k? Tau ab tum bolo ki tumhri ee birenless (brainless) sister kaa karat rahi?

Paayal lowers her gaze.

Mami: Humre Arnav bitwa ko ee killer samjhat rahi,oo bhi bina kauno saboot k!

Amma: Aisan galat vichar tohko kaisan aaya,Khusi?

Khushi: Amma woh..

Buaji(interrupts): Hum bataate hain,Garima! Ee sab oo sasure Kamles Khabri ki wajah se hovat raha! Oo ko tau hum chhodenge naahi!

Khushi: Nahi buaji. Iss me saari galti Kamlesh Khabriji ki nahi hai. Woh.. humne.. (embarassed) Arnavji ki diary padhi thi.. Usme inhone.. AR36K likha tha aur.. K akshar ko chaukdi (cross) maarkar uss k aas-paas gol kiya hua tha. Toh humein lagaa ki.. uss ka matlab yeh hai ki.. AR yaani ki Arnavji ka K yaani ki humare saath chhatis ka aankda hai. Aur.. kyunki.. K par chaukdi maari hui thi ,humein lagaa ki.. woh.. humein..

Buaji holds her head in her hands.

Khushi: Aur phir humne.. inko.. phone par Lavanyaji se kehte huye suna tha ki.. Agle 36 ghanton me woh.. kaam khatm kar denge.

Mami: Tau tumko lagaa ki oo tumhra kaam khatam kardenge?! Jai ho phatee saadee!

Nani: Bas kijiye,Manorama!

Arnav: Lavanya ka agent usko pareshaan kar raha tha. Main uss se agent k baare me baat kar raha tha.

Nani: Chhoti bitiya,aapne ee kaahe naahi socha ki jaun Chhotey ko Lavanya bitiya se shaadi karni hi hoti,tau oo bitiya ko vides waapis kaahe jaane dete? Oo se rishta kaahe todte?

Khushi: Maaf kar dijiye,naniji! Par.. uss samay hum itne dare huye the naa ki.. yeh sab humein soojha hi nahi.

Arnav: Tab hi tum mujhe dekhkar aise behave karti thi jaise tumne koi alien ko dekh liya ho?

Khushi: Ji.

Buaji: Ae hi liye tum aapan khoon dekhkar ghabraaye gayi thi?

Khushi: Ji buaji.

Buaji(makes a face): Pagaliya!

Nani: Chhotey,aapne aapan diary maa jaun likha tha,oo ka ka matbal raha?

Arnav: Main woh hi bataane jaa raha tha,nani. 1 minute..

He picks up one file from the coffee table and browses through it briefly before returning back to his seat.

Khushi: Ab toh bataiyye. Kya hai iss file me?

Arnav: AR36K. Tumne ek had tak sahi socha tha,Khushi... Iss me K ka matlab Khushi hi hai.

Khushi(shocked): Kya? Par.. jab humne aapse poochha tha,tab aapne toh kaha tha ki..

Arnav(interrupts): Maine jhoot kaha tha,Khushi.

Khushi: Toh sach kya hai,bataiyye?

Arnav: AR ka matlab Arnav Singh Raizada nahi hai. AR ka matlab hai AR Designs. Specifically, AR Designs k shares.

Khushi(confused): Par aapk.. office k shares ka.. humse kya taalluq hai?

Arnav: AR Designs k shares mere,di aur Aakash k naam par hai. Di aur Aakash k paas 32% shares each hain,jab ki mere paas 36% shares hain.

Khushi: Toh uss 36 ka matlab tha,36 pratishat shares?

Arnav(nods): Jin ko bechne par tumhe kam-se-kam 15 crore Rs mil sakte hain.

Khushi(shocked): Kya!? 15 crore?

Arnav: Yup!

Khushi(super confused): Par.. Arnavji.. Hum kyun.. aapk shares bechne lage? Aur aapne.. K ko chaukdi kyun maari thi? Humari samajh me kuch nahi aa raha hai.

Arnav: Tab mujhe aisa lagta tha ki.. tumhe paise chahiye,isiliye tum Shyam k peechhe padi ho.. Toh.. tumhe Shyam aur di ki lives se nikaalne k liye,maine yeh AR36K ka plan banaaya. Maine socha tha ki main tumhe AR Designs k mere hisse k shares de dunga,jinhe bechkar tum ek hi jhatke me utna paisa kamaa logi jitna tumne ek saath kabhi dekha bhi nahi hoga! Lekin,shart yeh hogi,ki shares ya paison k badle me,tumhe hamesha,hamesha k liye Shyam se rishta todna hoga aur hum sab ki lives se aur Delhi se door jana hoga. Ek aisi jagah,jahaan Shyam tumhe naa dhoondh paaye. Dhoondhna toh door ki baat hai,woh yeh soch bhi naa paaye ki tum wahaan ho sakti ho!

Khushi,and everybody else,is shocked to hear that.

Arnav: Sirf itna hi nahi,maine tumhare aur tumhari family k liye Goa k outskirts me ek villa bhi book karvaaya tha. Mera yeh plan tha ki main tum sab ko,Aman k saath, mere chopper me Goa bhej dunga. Wahaan Aman tumhe tumhare fully furnished villa ki keys dekar aur tumse ek agreement sign karvaakar wapis aa jayega.

Paayal: Yeh bhi bataa dijiye ki agreement me kya likha tha?

Arnav: Yeh hi ki tum dobara kabhi Shyam se milne ki ya usse contact karne ki koshish nahi karogi. Aur agar mujhe pata chala ki tumne aisa kuch kiya hai toh tumse woh sab kuch chhin jayega jo maine tumhe diya hai.

Paayal: Waah! Kya.. vichaar hai aap k uss insaan k baare me jis se aap kehte hain ki aap pyaar karte hain!

Mami: Tum tau sut up (shut up) ai kar lo,khoon bhari taang! Kaahe se tumhri sister bhi ee hai kahat rahi ki oo ka saadi se pahile Arnav bitwa se prem hui gaya tha. Phir bhi oo humre Arnav bitwa ko killer samjhi! Tau oo k vichaar bhi kauno badhiya naahi the,samjheo?

Nani: Paayal bitiya,Manorama,shaant hui jaiyye aap dunno!

Arnav: I'm sorry Khushi! I'm really,really sorry! Main jaanta hoon ki maine tumhe bilkul galat samjha par..

Khushi: Hum bhi sorry hain,Arnavji! Humne bhi toh aapko galat samjha naa? Toh aapki galti aur humari galti aamne-saamne kat gayi!

She makes a cross (x) in the air.

Khushi: Toh ab iss baat ko aap bhi bhool jaiyye aur hum bhi bhool jaate hain! Hmm?

Arnav nods & they smile at each other.

Naniji(thinks): Kitna badaa dil hai humri Chhoti bitiya ka! Hum sach maa bahutai bhaagyashaali hai,Devi Maiyya,jaun aapne bitiya ko humre ghar ki bahu banaaya! Humre Chhotey ko oose achchhi jeevan sangini naahi mil sakti thi!

She looks at buaji and mamiji,who r shooting daggers at each other through their eyes, and sighs.

Naniji(thinks): Ek taraf ee dunno hai jaun sab kuch bhulaaye k,prem se aage badhna chaahat hai toh dusri taraf ee Manorama,Paayal bitiya aur Madhumatiji hain, jaun baal ki khaal nikaalne par tule huye hain.

She turns to look at ArShi,who r in the midst of an eyelock, lost in their private world.

Nani(thinks): Ab humka hi kauno tarqeeb soche ki padi,jis se hum Chhotey aur Chhoti bitiya ko ee logan se bachaa sakein! Par ee hum akele naahi kar paayenge..

Ee k liye humko dunno taraf se saath ki jaroorat padegi.

She looks towards mamaji,to find him looking at her.

And then,as if he understood whatever she was thinking,mamaji looks at mamiji and nods.

Nani(thinks): Manorama ki chinta tau door hui gai. Ab Paayal bitiya aur Madhumatiji hai.. oo k liye tau humka Garimaji se baat kareki padi.

She loudly clears her throat to gain ArShi's attention.

Nani: Humka laagat hai ki hum logan ka kuch der tak vishraam kare ki jaroorat hai. Hari Prakashji...

HP: Ji naniji...

Nani: Sabki khaatir khoob sari sabjiyaan dalkar soup banaiyye.

HP: Ji.

Nani: Anjali bitiya,Paayal bitiya,jaun aap dunno jaakar HPji ki madad karengi taun soup jaldi ban jayega.

Paayal: Ji dadiji.

Anjali & Paayal leave for the kitchen.

Khushi: Hum bhi..

Nani(interrupts): Naahi bitiya. Aap hiyaan hi rukiye,Chhotey k saath.

Khushi nods.

Nani: Humka Durga stuti ka paath kari be ki padi. Hum aapan kamra maa jayeki oo paath kar k aavat hai,jab tak soup bhi taiyyar hui jai hai.

Buaji: Humau aap k saath aavat hain,naniji.

Nani(smiles): Bilkul! Aaiyye..

Buaji: Ji. Aye Garima,tumhao chalo humre saath.

Amma: Ha jiji,chaliye.

Mami: Humka naahi aana hai.

Nani: Aapse kauno ne poochha bhi naahi hai,Manorama. Aap jaiyye aur aapan makeup kar aaiyye.

Mami bird walks towards the stairs.

Mamaji: a.. Aakash, bitwa tum samdhiji ko aapan kamre ma le jaao hum jab tak paan lekar aavat hai.

Aakash: Ji papa. Aaiyye babuji.

________________________________________________________________

With everyone else gone,ArShi r left alone in the living room.

Arnav gets up & holds Khushi's hand.

Arnav: Chalo..

Khushi: Nahi Arnavji. Humein naniji ne yaheen rukne k liye kaha hai.

Arnav(rolls his eyes): Khushi,tumhe nani ne mere saath rukne k liye kaha hai. Toh jahaan main jaunga,tumhe mere saath chalna chahiye. Come on..

Khushi: Theek hai. Par.. hum jaldi neeche aa jayenge naa?

Arnav(nods): Lets go.

_________________________________________________________________

Once they're inside the room,Arnav closes & bolts the door.

Khushi: Arnavji..

Arnav: Khushi,maine HP se kaha hai naa? Jab soup ready ho jayega tab woh bulaa lega humein. Aur soundproof system on nahi hai,okay? So dont worry!

Khushi nods.

Arnav: Come..

He holds her hand & takes her to the poolside.

Both of them sit on the edge of the pool,like they did on Holi,except this time Arnav's head is on Khushi's shoulder.

Arnav: I know Khushi,tumhe.. iss tarah se room me aana and all sahi nahi laga. I'm sorry! But.. mujhe thodi der k liye living room se,uss.. mahaul se baahar nikalna tha. Main.. bahut emotionally drained feel kar raha hoon. Mujhe solace ki bahut zaroorat hai. Yahaan,tumhare saath,mere plants k beechh main better feel karunga! Isiliye..

Khushi(interrupts): Hum samajh gaye. Ek kaam kariye,humari godh me sar rakh lijiye. Aapko achchha lagega!

Arnav does what he's told.

Khushi runs a soothing hand through his hair while her other hand is firmly clutched by Arnav's hand.

Khushi: Kya soch rahe hain?

Arnav: Kuch nahi. Bas.. iss moment me thodi der k liye kho jana chahta hoon.

He closes his eyes & sighs.

Khushi: Baahar jaakar bahut si chunautiyon ka saamna karna hai aapko. Uss k liye aapko taaqat,hausla aur bharose ki zaroorat padegi.

Arnav: Woh hi lene aaya hoon tumse. Jab tum mujh par bharosa karti ho,toh mujhe aisa lagta hai ki mujhe tumhare bharose ki,tumhare faith ki laaj rakhni hai. I cant let u down in anyway! Tab main aur zyaada koshish karta hoon woh sab kuch karne ki jisse tumhara faith intact rahe aur tum proud feel karo,ki Arnav Singh Raizada tumhara pati hai!

Khushi smiles.

Arnav: Jab tum mera hausla badhaati ho toh meri himmat badh jaati hai. Main aur datkar challenges ka saamna kar sakta hoon,kyunki main jaanta hoon ki aur kisi ka saath ho na ho,meri Khushi mere saath hai,no matter what!

Khushi: Bilkul!

Arnav: Tumhara pyaar meri taaqat hai! U know something? Kabhi-kabhi mujhe aisa lagta hai ki tum mere liye glucose ki tarah ho. Jaise,jab mere sugar levels low ho jaate hain aur main glucose peeta hoon,toh use peete hi mere sugar levels normal ho jaate hain? Bas,waise hi,jab main emotionally fatigued feel karta hoon,jab mere emotional levels low ho jaate hain,tab tumhare saath kuch time spend karne se,main emotionally strong ho jata hoon.

Khushi: Hmm.. Toh chaliye,ab kuch aisa karte hain jisse aap do guna zyaada emotionally strong ho jayenge!

Arnav(gets up): Kaise?

Khushi(points to the starlit sky): Aise!

Arnav looks at the stars & smiles.

Khushi: Sirf humara hi nahi,humare amma,babuji ka aur aap ki mamma ka bharosa bhi aap par tika hai. Aapko unk bharosa par bhi kharaa utarna hoga. Aur jaise hum hamesha aapk saath,wohlog bhi hamesha aapk saath rahenge,chahe jo ho jaaye!

Arnav smiles.

Khushi: Aur sirf saath hi nahi,aapko toh unka aashirwaad bhi milega! Badon ka aashirwaad aur unki duaayein har insaan k liye zaroori hoti hai. Chaliye,ab jaldi se un se aashirwaad maang lijiye!

Arnav closes his eyes.

When he opens them,a minute later,he finds Khushi gazing lovingly at him.

Khushi: Ab chalein?

Arnav shakes his head & smiles.

Khushi(frowns): Kyun?Ab kya baaki hai?

Arnav: Its time for the magic potion!

Khushi: Matlab?

Arnav(smiles): Yeh!

He inches his face closer to her & claims her lips.

_________________________________________________________________

Mami: Hello hi bye bye! Hum aur Phati saadee dekhe rahe ki tum oo logan k peechhe-peechhe airport se nikle. Par oo k baad oo video thode time tak blank hui gaya. Tau humko naahi pata chala ki tum kahaan go,bent,gaan hui gaye?

Arnav: Main unlogon k saath unki car me baith gaya. Airport se woh log mujhe ek godown me le gaye.

Nani: Par Chhotey,aap oologan k saath jaane ki khaatir raazi kaahe huye?

Arnav: Khushi ki wajah se mujhe raazi hona pada.

Khushi(shocked): Humari wajah se? Par humne aisa kya kiya jo aapko un kidnappers k saath jana pada?

Kindly ignore typos & mistakes. Translation will be up on Wednesday. Next update on Saturday.