Thanks for the likes & comments! NOTE: In this FF,amma is not the other woman in Arnav's dad's life.
Part 45
**In Nani's room**
Nani: Ab bataiyye Aakash bitwa.. Kaa baat hai?
Aakash: Dadi a.. actually Paayal aur Khushiji k beechh ek.. behes hui jisme.. un dono ne mujhe aur.. bhai ko bhi.. involve kar liya.
Anjali: Kis baat ko lekar behes hui?
Aakash: a.. bas aise hi.. baaton-baaton me koi baat nikli aur.. un dono ki behes ho gayi.
Anjali: Humein kuch samajh nahi aa raha hai,Aakash. Agar Chhoti aur Paayal k beechh behes hui toh tumhare aur Chhotey k beechh bol-chaal band kyun ho gayi?
Aakash: Actually.. hum sab ko.. I mean to say.. mujhe,Paayal aur Khushiji ko misunderstandings.. ho gayi thi. Kisi ko kuch laga toh.. kisi ko kuch aur.. Par.. bhai ne.. kuch had tak misunderstanding ko clear kar diya hai aur.. baaki woh.. kal shaam ko kar denge..
Anjali: Par..
Nani keeps her hand firmly on Anjali's shoulder,indicating that she should not probe further.
Nani: Humka laagat hai ki kal shaam tak intezaar karna hi sab k liye behtar hoga. Ek baar Chhotey saaf-saaf baat kahe denge tau aap teeno ki galatfehmiyaan bhi door hui jayengi aur Anjali bitiya ko oo k sawaalon ka jawaab bhi mil jayega..
Aakash: Aap sahi keh rahi hain,dadi.
Nani: Aap office jaiyye,bitwa.
Aakash(looks at Anjali): I'm sorry! Mujhe lagta hai ki maine aaplogon k doubts clear karne k bajaay aapko confuse kar diya.. Di.. chinta ki koi baat nahi hai! Bhai.. sab kuch handle kar lenge.
Anjali nods.
Aakash: Main chalta hoon.
Nani: Ha bitwa. Sambhalkar jaiyyega.
Aakash finds Paayal outside the door.
They stare at each other wordlessly for a few moments before Paayal looks away.
Aakash: Di.. aur dadi kuch poochhe toh..
Paayal(interrupts): Hum sambhaal lenge.
Aakash nods & is about to leave when..
Paayal: Aakash..
Aakash(turns around): Ha?
Paayal: Humein maaf kar dijiye!
Aakash: Tumhe sach me laga ki main bhai k kehne par tumhe divorce de dunga?
Paayal: Kuch der k liye.. Woh.. Khushi ne jab kaha ki usne.. kaagazon par aapko dastakhat karte huye dekha hai toh.. hum.. Hum kya karte?Aap hi bataiyye..
Aakash: Agar yeh hi situation ulti hoti aur bhai ne mujhse kaha hota ki unhone tumhe Khushiji k kehne par divorce papers par sign karte huye dekha hai,toh main bhai ki baat nahi maanta!
He leaves after saying that.
_________________________________________________________________
Mamaji & mamiji come back from Sydney the next day.
Mamaji(hands her invitation card): Ee leyo,amma.Nanhe bitwa ki saadi ka card..
Mamiji: Aur ee dekhiye saasumaa,humri jiji aapki khaatir imported wool ka saal bheji hai..
Nani(: Oo ko humri taraf se shukriya kahiyega,Manorama!
Mamaji: Ee leyo Khusi bitiya,Nanhe bitwa ne tumhri aur Arnav bitwa ki khaatir 5 dabbe bheje hain,sugarfree chocolates k!
Khushi: Dhanyavaad mamaji! Hum inhe fridge me rakhkar aate hain.
Mamiji: Phati saadee..
Nani glares at her.
Mamiji:a... matbal Khusi bitiya,ee humra imported jooice bhi fridgewa maa rakh deyo. Aur Hari Parkas se kaho ki humri khaatir samose banaaye de. Hum so many dayjj se samosa naahi khaaye hain! Aaj ta hum dabaakar khaaibe!
Nani: Kaahe Manorama? Huaan imported samose naahi milat hai kaa?
Manorama(gets up): Ekooj me... Hum aapan makeupiya k touchupiya kareki aavat hain.
Nani(shakes her head): Jaiyye Khushi bitiya,inki khaatir samose banva dijiye.
Mamaji: Aur humri khaatir garam-garam halwa!
Khushi: Bilkul mamaji! Aaj toh hum sab ki pasand ka khana banaayenge.
Mamaji: Bahut badhiya!Jeeti raho!
Khushi(thinks): Aaj raat pata nahi kya hoga? Sablog saath baithkar kab kha paayenge?
She closes her eyes & prays.
Khushi(thinks): Hey Devi Maiyya! Aaj sab kuch theek kar dena. Hum mannat maangte hain,agar aaj raat sab kuch theek raha toh hum inhi chocolates se gareeb bachhon ka moonh meetha karvaayenge. Aur unhe kapde aur khilaune bhi daan karenge. Bas aaj aap sab theek rakhiyega!
_________________________________________________________________
The moment Khushi was dreading arrived sooner than she'd expected.
Once the Guptas' arrived in the evening,Arnav asked both the families to assemble in the living room.
Judging by the atmosphere & eerie silence,the Guptas' knew that something was not right. The braced themselves for some unpleasent news.
Anjali had informed mamaji & mamiji what she knew so even they were prepared for the revelation.
The only person ,who thought she knew everything, still wasnt prepared was Khushi.
Her knuckles went cold & she felt her heart thumping loudly in her chest when Arnav said that he'd like to talk to the families before dinner.
Khushi(whispers): Kamaskam sab ko chain se khaane toh dijiye?
Arnav(whispers): Tumhe sabki shaqal dekhkar lag raha hai ki koi chain se baithkar kha payega?
Khushi(whispers): Par..
Arnav(interrupts): Ab iss baat ko nahi taalna chahiye,Khushi. Jitni jaldi yeh baat khatm ho jaay,utna achchha!
Buaji: Kaa khusar-pusar hui rahi hai,Nandkisore? Kauno samasya hai kaa?
Arnav: Nahi buaji. Woh..
Khushi(interrupts): 1 minute Arnavji.. (turns towards the families) Yeh aapse kuch kahe uss se pehle.. hum aap sab se kuch kehna chahte hain..
Mamiji: Bhat haippened Phatti saadi?
Khushi: Hum... Arnavji se bahut pyaar karte hain! Woh bhi humse bahut pyaar karte hain! Hum.. dono.. ek doosre se.. door nahi reh sakte hain!
Mamiji(rolls her eyes): Hello hi bye bye! Ee kaa kahat hai digging mountainwa aur phinding mousewa!
Mamaji(confused): Hayin?
Mamiji: Khoda pahaad aur nikli chuhiya! Areh ee batwa tau hum sab bahutai achchhe se jaanat rahe,Phatti saadi!
Khushi: Haa mamiji par.. aaplog.. plz.. yeh baat yaad rakhiyega..
Arnav: Khushi,tumhe jaakar baithna chahiye..
Khushi reluctantly sat down beside Aakash.
Arnav: Main directly baat shuru karta hoon.. Aakash aur Paayal k pre-wedding rasmon k dauraan main aur Khushi ek doosre k qareeb aa gaye the. Maine unki shaadi se ek raat pehle yeh realize kiya ki.. main Khushi k liye kuch special feel karta hoon..
Mamiji: Ae hi liye tau tum dunno agle din secret marriagewa kiye rahe! Hello hi bye bye!
Nani: Manorama,aap chup rahiye aur Chhotey ko aapan baat puri karne dijiye!
Mamiji: Saree! (sorry)
Arnav: Nahi mami. Humlogon ne shaadi kisi aur wajah se ki thi..
Khushi's heart skipped a beat.
Arnav: Shaadi wale din main Khushi k saamne apne man ki baat confess karne ki koshish kar raha tha,but.. somehow main usse nahi keh paya. Phir shaam ko di ka accident ho gaya. Accident k baad di ne mujhse kaha..
*FLASHBACK*
Anjali: Chhotey yaad hai,us din hum tumhe kya keh rahe the? Kal ka koi bharosa nahi hai!Kal kisine nahi dekha. Aur kal hi kya,aaj k baare me bhi kisi ko nahi pata!
Isiliye jab kabhi dil me kuch aaye naa?Jaise aaye,tab hi bol dena chahiye!Varna shaayad...(sighs)Har pal poori tarah se jeena chahiye,Chhotey!Kyunki pata nahi chalta ki kaunsa pal aakhri ho.. Aur hum jis se sabse zyada pyaar karte hain,jo humare dil k sabse qareeb hota hai,usse kabhi jaane nahi dena chahiye!
*FLASHBACK ENDS*
Arnav: Toh mujhe laga ki mujhe Khushi ko apne dil ki baat keh deni chahiye. Jab maine Khushi ko terrace par jaate huye dekha toh maine use follow kiya. Mujhe laga terrace par baat karna sahi rahega kyunki wahaan hum dono ko privacy milegi. Lekin.. jab main wahaan pahucha maine.. Shyam aur Khushi ko.. ek saath dekha..
ek.. doosre ko.. hug karte huye..
Everyone but Khushi r shocked.
Buaji: Ee kaa sun rahe hain hum,Sanka devi? Tum oo k saath akeli chhat par kaahe gayi rahi?
Arnav: Buaji plz.. aap Khushi se kuch mat poochhiye. Main aapko bataata hoon k kya hua..
He tells them how he left the terrace,feeling dejected.
Arnav(clenches his teeth): Baad me jab maine Shyam ko confront kiya toh uss bas**** ne mujhse kaha ki woh di se pyaar nahi karta hai. Aur us k aur Khushi k beechh di rukaavat ban gayi hai. Jab maine us se kaha ki main use aur Khushi ko barbaad kar dunga tab usse pata chal gaya ki mujhe misunderstanding ho gayi hai, ki Khushi usse chahti hai. Uss ne iss baat ka faayda uthaate huye mujhse kaha..
*FLASHBACK*
Shyam: Kya kar lenge aap?Barbaad karenge naa humein? Phir bhi aap humare aur Khushiji k pyaar ko jhutlaa nahi paayenge!Kuch bhi kehne ya karne se pehle ek baar apni di k baare me zaroor soch lijiyega.
*FLASHBACK ENDS*
Buaji: Jhoot kahat raha oo Syam! Humri Khusi oo se nafrat karti hai!
Arnav: Main jaanta hoon,buaji.Par tab yeh baat mujhe nahi pata thi.
Buaji: Tau tumne Khusi se pata kaahe naahi ki? Tumne Syam se kaahe poochha?
Arnav: Main Khushi se poochhna chahta tha. Lekin iss se pehle ki main uss se baat kar pata,mujhe Shyam nazar aa gaya. Aur phir main apna gussa control nahi kar paya aur.. maine use confront kiya.
Buaji: Satyaanaas!
Nani: Madhumatiji,aap bhi shaant rahiye. Hum aapse vinti karat hai,pahile aap Chhotey ki poori baat sun lijiye..
Buaji nods.
Arnav: Main Shyam ki sachchhai di se bataane gaya toh mujhe pata chala ki woh ma bannewali hain.. (looks at Anjali) Di us khabar ko sunkar itni khush thi ki.. main yeh baat unse nahi keh paya..
Anjali walks over to Arnav & cups his face.
Anjali: Chhotey..
Arnav(holds her hands): Di, main dar gaya tha.. Agar aapko yeh baat sunkar kuch..
(swallows hard) ya aapke bachchhe ko..
He squeezes her hands.
Arnav: Uss hi din aapka accident hua tha... Maine almost.. aapko kho diya tha.. Mujhe dar tha ki.. kahin yeh sab sunne k baad.. aap bhi.. (gulps) maa ki tarah..
He hugs her.
Anjali wraps her arms tightly around him.
Arnav(breaks the hug): Di main.. nahi chahta tha ki dad ne aur aurat ne jo.. maa k saath kiya.. Shyam aur Khushi woh hi cheez aap k saath karein. Main.. aapko khona nahi chahta tha,di..
Anjali wipes his tears): Hum samajhte hain. Par Chhotey..
Arnav(interrupts): Iss dar k alaava mujhe gussa aa raha tha,Shyam par,kyunki usne aapk aur hum sab k saath itna bada dhoka kiya.(looks at Khushi) Mujhe Khushi par bahut gussa aa raha tha. Mujhe laga ki woh Shyam k saath affair kar rahi thi,yeh jaante huye bhi ki Shyam aapka pati hai.. Main use us hi nazariye se dekhne laga jaise main uss aurat ko dekhta hoon jiski wajah se maa ne apni jaan dedi! (through clenched teeth) Mujhe sabse zyaada gussa apneaap par aaya- kyunki mujhe Khushi jaisi ladki se pyaar ho gaya tha!
Buaji: Khusi jaisan ladki se kaa matbal hai tumhra? Humri Khusi kauno aisi-waisi ladki naahi hai!
Amma & babuji try to cool down buaji.
Nani: Madhumatiji.. shaant hui jaiyye.
Buaji: Maafi chaahat hain,naniji. Par ee baatwa sunne k baad hum chup naahi reh paaye..
Khushi(thinks): Abhi toh buaji ko poori baat pata bhi nahi hain aur yeh abhi se aag baboola hui jaa rahi hain. Jab unhe.. poori baat pata chalegi toh.. Hey Devi Maiyya! Humare rishtey ki raksha karna!
Arnav: Buaji,uss waqt mujhe itna gussa aa raha tha ki.. meri sochne-samajhne ki shakti khatm ho gayi thi. I lost my power of reasoning.. Main kisi bhi keemat par Shyam aur Khushi ko aapki aur aapk bachchhe ki life ruin karne se rokna chahta tha. Us k liye mujhe jo.. sahi laga,maine woh kiya..
Anjali(worried): Tumne kya kiya Chhotey?
Arnav: Maine Khushi se kaha ki..
*FLASHBACK*
Arnav: Tumhe mujhse shaadi karni hogi. Sirf 6 mahinon k liye. Varna main Aakash ki shaadi tumhari behen Paayal k saath nahi hone dunga!
*FLASHBACK ENDS*
Anjali(horrified): Kya?!
Arnav: Ha di.. Mujhe laga.. Shyam ko Khushi se door rakhne ka yeh hi sabse achchha tareeka tha. Isiliye(lowers his gaze) maine Khushi se.. zabardasti.. 6 mahino ka contract sign karvaaya.. Mujhe pata tha ki Paayal ki shaadi bachaane k liye Khushi kuch bhi karegi.. Isiliye maine use.. un donon ki shaadi k naam par.. blackmail kar k humari shaadi k liye... raazi karvaya..
Anjali: Humein.. vishwaas hi nahi ho raha hai!.. Humne jab aapko Chhoti ki baahein jakadte huye dekha tha.. tab bhi humne yeh nahi socha tha ki.. aap iss hadd tak gir sakte hain..
Arnav: Di,I'm sorry! Main..
Anjali(interrupts): Aapne Chhoti ki majboori ka faayda uthaaya,bina yeh soche k aisa karne se aap me aur Shyam me kya farq reh gaya? Uss ne apne swaarth k liye,paison k liye humse shaadi ki toh aapne apne swaarth k liye,apni di ki grihasti bachaane k liye Chhoti se..Humein toh hamesha tum par naaz hota tha! Tum kabhi humein iss tarah, itna sharminda karoge yeh humne kabhi nahi socha tha, Chhotey! Kabhi nahi!
Nani walks over to Anjali & comforts her.
Nani: Aaiyye Anjali bitiya..
While nani takes Anjali towards the couch,Khushi walks over to Arnav.
She wipes his tears.
Before Khushi could say anything to him..
Nani: Chhoti bitiya,aap bhi hiyaan aaiyye.
Khushi(scared): Naniji.. hum kyun?..
Nani: Ab hum aapse aapk hisse ki kahaani sunna chaahat hain. Hiyaan aaiyye..
Khushi looks at Arnav who gives a small nod.
Khushi gingerly walks over to Nani & sits next to her.
Nani: Aap uss shaam ko chhat par kaahe gayi rahi?
Khushi tells her everything-from Shyam's message on the mirror to the forced hug.
She even mentions the part that Arnav had missed,since he left the terrace.
Khushi: Hum Arnavji ko bataana chahte the,Shyam k baare me.. Par.. isse pehle ki hum unse kuch keh paate..
Her voice trails off.
Nani: Aapne Chhotey se poochha kaahe naahi ki oo aapk saath aisan jabardasti kaahe karat hain?
Khushi: Humne kayeen baar poochha par unhone jawaab nahi diya.
Amma: Tau bitiya tune ee baatwa k baare me hum se kaahe naahi kaha?Hum sab ma se kisise bhi kahe deti naa?
Nani: Ha bitiya. Aapne chupchaap Chhotey ka saath kaahe diya?
Khushi: Hum.. nahi unhe naa keh paaye,naniji.Aur hum aap sab ko yeh baat kab bataate? Jiji aur jeejaji ki shaadi ki rasmein shuru ho gayi thi. Aap sab mandap me the. Utne saare mehmaanon k beechh hum.. yeh baat kaise keh dete? Aisa karne se dono parivaaron ka naam kharaab ho jata.
Amma hugs Khushi.
Amma: Tu aapan bahin aur parivaar ki khaatir itna kuch karat rahi aur humne tohko thappad maar diya. Par tune tau tabhau kuchho naahi kaha..
Buaji: Kaahe se ee ko dar tha ki Arnav babua Payalia ki saadi tod denge. Humka tau laga tha ki tum badal gaye hau,babua. Tum oo Arnav Singh Raijada naahi hau jo note-on ki gathariyaan laike humre ghar aaye the. Par ab humka laagat hai ki..
Khushi(interrupts): Ab Arnavji badal gaye hain,buaji! Uss raat jo bhi unhone kiya woh di k liye kiya..
Buaji: Ee kaa baat hui? Anjali bitiya ki saadi bachaane ki khaatir humau chup rahe. Humne Shyam se sachchhai chhupaayi. Par aisa karne me humne kauno aur ki jindagi k saath khilvaad tau naahi kiya naa? Par Arnav babua ne tumhri jindagi barbaad kar di. Tanik socho,jaun 6 mahine baad oo tumko chhod dete tau kaa hota?
Amma: Ha Khusi.. Jiji sahi kahe rahi hain. Tune ee kaahe naahi socha ki 6 mahine baad jab Arnavji tohko chhod dete toh tohre parivaar ki badnaami tau hui jaati. Tab tu kaa karti?
Khushi: Humare dimaag ne tab kaam karna band kar diya tha,amma. Humein sirf itna pata tha ki kisi bhi haalat me hum apni jiji ki shaadi ko tootne nahi denge. Aise me.. humne bhi woh hi kiya jo.. humein sahi laga.
Buaji: Jai ho Nandkisore ki! Miyaan-biwi dunno ek ahi samaan hai!
Nani: Chhoti bitiya,aap humka sach bataiyye-Chhotey ne.. kauno.. aur tarah ki.. jabardasti toh.. naahi ki naa aapk saath?
Khushi(shakes her head): Nahi naniji. Unhone humse yeh hi kaha tha ki hum duniya ki nazron me pati-patni hain. Unhone naa toh humein apni patni maana naa apne pati hone ka naajaayaz fayda uthaaya.
Nani: Chhotey ne.. shaadi kaisan kari? Humra matbal hai.. aapko.. bandi banaakar..
Khushi(interrupts): Nahi! Woh humein.. kheenchkar ghar se baahar le gaye aur gaadi me.. bithaa diya. Aur phir.. mandir pahuchne k baad.. kheenchkar mandir k andar le gaye aur..
Nani hugs Khushi.
Nani: Humka maaf kar dijiye,Khushi bitiya! Humne anjaane maa aapse bahut kuch kaha,aapse naaraaj bhi huye aur aapko bahut kuch kaha!
Khushi(breaks the hug): Aap humse badi hain,naniji. Aap maafi mat maangiye. Aapko sach kahaan pata tha?
Nani: Hum Chhotey ki or se maafi maangat hain! Unhone bahutai galat kiya aap k saath!
Khushi: Naniji Arnavji ne tab chaahe jo bhi kiya ho,ab unhe apne kiye par pachhtaava bhi hai aur sharmindgi bhi hai. Woh kayeen baar humse maafi maang chuke hain. Aur hum bhi unhe maaf kar chuke hain! Aap bhi unhe maaf kar dijiye..
Nani(kisses her head): Humre Chhotey bahut bhaagyashaali hain jo unhe aapk jaisan patni mili! Unhone aap k saath itna bura kiya phir bhi aapne unhe maaf kar diya!
Anjali: Sach me! Chhoti har baar Chhotey ko bahut asaani se maaf kar deti hain aur unka bachaav bhi karti hain!
Arnav: I agree! Maine jo kuch Khushi k saath kiya woh bahut hi galat kiya. Us k liye main aap sab se maafi maangta hoon! agar aap.. mujhe saza dena chahe toh.. main us k liye taiyyar hoon. Par Khushi ko koi saza mat dijiyega..
Khushi: Par Arnavji,aapki saza bhi humari saza hi hui naa?
Nani: Humein kaa karna hai aur kaa naahi karna hai oo aap hum par chhod dijiye. Aap humein aage ki baat bataiyye,Chhotey. Shaadi ki taareekh aur 6 contract khatm hone ki tareekh k beechh ki baat. Phir hum aapko bataayenge ki humne kaa socha hai.
Arnav nods while everyone else,save Khushi,brace themselves to hear the remaining part of the story.
_________________________________________________________________
No precap.
Kindly ignore typos & mistakes. Translation will be up on Wednesday. Next part will be up on Saturday,2nd Feb.
Ye Hai Mohabbatein
10