EPISODE:-5
FLASHBACK CONT...
Dev apne bed par leta hua koi fashion magazine padh raha tha...
Raj pure kamre me ghum raha tha... ya phir yun kaha jaye ki...yeh soch raha tha ke kaise wo Bike le...apne bade papa se...
Raj:-"abey...saale gadhe...tu bhi toh kuch soch...sare sochne samajhne ka kaam sirf mera hi hai kya...
Dev:-"soch hi toh raha hun...
Raj en uss ke hathon se wo magazine khinch kar le jate hue kaha:-"kya khaak soch raha hai...!!! in garib ladkiyoun(models) ki pixs dekh kar kya soch raha hai...jin ke paas paise hi nahi ahi dhang ke kapde pahne ne ki... tu unhe dekh kar kya soch raha hai...
Dev:-"main yeh soch raha tha ke...agar main bhi inhi ladkiyo ki tarah ek ladki hota...toh yeh sare hot babes mere frnd hote...
Rajeev:-"abey Gadhe...tab tu unhe nahi...mujhe dekh kar aahain bharta...samjha...
Dev:-"baat toh thik kahi tune...!!! toh soch...kya karna hai...
Rajeev ne wo magazine phenki...bed par...!!! par achanak uss ki nazar ek page par padi...
uss en kafi dhayan se padha...!!! Dev bhi thoda hairan hua ke...jo fashion magazine padhta hi nahi...wo itne dhyan se kya dekh raha hai...i mean kis ko dekh raha hai...
phir uss ne bhi dekhi Raj ke sath hi...kuch sochte hue kaha:-"kahin tere dimag me kuch khatarnaak ideas toh nahi hai na...mujhe peetwane ki...
Rajeev mushkuraya...aur kaha:-"nahi...irada toh nahi hai...par karte waqt agar peet-peetane ki naubat aa gayi toh bhaagne ka irada zarur hai...
Dev...yakeen nahi karr pa raha tha...phir bola:-"tu sach me yeh karega...
Rajeev:-"haan aur kya...lekin uss ke liye mujhe teri help chahiye...
Dev:-"aur agar maine teri help karne se mana kar diya toh...
Rajeev:-"maine tujh se teri rai mangi hai kya...
Dev:-"matlab ki tu mujh se yeh kaam zabardast karwayega...
Rajeev:-"nahi...main tujh se zabardasti karwa raha hun...ab chal mere sath...
Rajeev use khinch kar kahin le jane laga...
Rajeev:-"chal...nikal tere paas kitne paise hain...
Dev:-"mushkil se sirf 500 hi hain...
Rajeev:- "saale kabhi toh kharach kamm kiya karr...par nahi jab dekho... in bekar magazines par udata rehta hai...
Rajeev ne 1000 rupaye nikale...
Rajeev:-"yeh dono ke mila kar ho gaye 1500...!!! haan...ab iss se kuch kaam bann jayega...
Dev:-"yaar...apna target toh sirf 1000 rupaye ka hai na...toh tu itne sare paiso ka kya karega...kamm se kamm 200 rupaye toh de...savvy(magazine) kharidni hai...
Rajeev:-"pahle se pata hai ke tere paas dimag nahi hai...tu baar baar phir mere samne proof kyoun deta rehta hai...
Dev:-"ab maine koun si bewakufi ki baat kar di...
Rajeev:-"sale...itna toh dimag se soch ke...gift yun khali hath nahi di jati...uss ke upar gift paper bhi wrap karna padta hai...samjha...
Dev kafi confused lagg raha tha...phir bola:-"ab tune kaha toh main samajh hi jayunga na...phir bhi agar tujhe taklif na ho toh detail me batayega plz...
Rajeev use ghar se bahar khicnh kar le jate hue kaha:-"abhi kaam karne ka waqt hai...baki Rashte me samjhata hun...
*********
do din baad Mohit jee subah subah uthe...toh chaunke...unn ke bed par Rajeev aur Dev baithe hue the...mushukurate hue...
Mohit jee ne khud se kaha:-"yeh dono aaj subah meri bed par kya karr rahe hain...jarur aaj meri saamat aani wali hai...warna ye dono iss tarah se mushkurate hue mujhe na dekhte...
Rajeev n Dev dono kude Mohit jee ke upar aur chillaye...'happy birth Day to you...
Mohit jee toh pahle thoda hairan hue...phir mushkuraye...aur bole:-"thank you beta...thank you...
Dev:-"chaliye chaliye...jaldi chaliye...fresh up ho kar niche aayiye... mandir jana hai...
Mohit jee:-"aur tum dono ka school...
Rajeev:-"oho...bade papa...aap ki sui hamesha ek hi jagah par atki rehti hai...!!! mandir aap jana...hum toh school hi jayenge na...!!! aap yeh kyun soch rahe hain ke hum school jane se bachne ke liye yeh sab karr rahe hain...
Mohit jee:-"kya hai na bachho...tum dono se itna lad milne ki aadat nahi hai na...toh kabhi kabhi darr jata hai mera chota sa dil...
Dev:-"dariye mat...hum hain na...!!! jab hum hain toh kya gumm hai...
Raj ne use dhire se kaha:-"kafi ho raha hai...chup kar aur nikal yahan se...
Mohit jee fresh ho kar washroom se nikle toh unn ke bed ke upar ek gift rakha hua tha...door ke piche se Raj n Dev chup kar dekh rahe the...
Mohit jee gift dekh kar chaunke...aur dhire se bole:-"last year...mere b'day par bhi un dono ne aisa hi ek gift diya tha...aur jab maine use khola...toh ander se plastic ka saanp nikla tha...aur main kafi dara bhi tha...aur un dono shaitano ne mil kar mujhe kafi cheda bhi tha...kahin yeh iss baar bhi toh...
Mohit jee ne khud ko himmat dete hue kaha:-"nahi iss baar main nahi darunga...
unhone badi himmat ke sath pack khola...ander se baht hi khubshurat sa shirt tha...!!! Mohit jee bhi kafi khush lagg rahe the...
gungunate hue pehna bhi unhone aur niche aaye...toh dekha...Raj n Dev pahle se hi khana khane dinning table par baith chuke the...
Mohit jee bade pyar se unn dono ke sarr par hath pherte hue kaha:-" thank you bachoo...pahle toh mujhe laga ke tum dono phir se koi prank toh nahi karr rahe...phir jab maine isse dekha...toh dil khushi ke maare jhum utha...
Raj:-"yeh toh kuch bhi nahi hai bade papa...aap ko ghumane ke liye... matlab ke jhumane ke liye aur bhi plans hain hamare paas...par abhi toh humain school jana hai na...isi liye baki sab kuch sham ko...!!! aap jaldi office se aa jana...
Mohit jee:-"achha...kuch aur bhi plan hain tum dono ka...
Dev:-"aur nahi toh kya...hum kya aap ko yun hi chod denge...
Mohit jee:-"kya matlab...
Rajeev:-"matlab ki...saal me ek hi baar toh aap paida hote ho na...toh kuch na kuch toh khaash hoga hi...!!! vaise uncle aap sham ke 7 baje paida hue the na...
Mohit jee:-"haan...kyoun...
Rajeev:-"toh phir aap ko aap ka surprise gift bhi 7 baje hi milega...
Mohit jee kafi khush ho kar bole:-"aur bhi gift hai...???"
Rajeev:-"aur nahi toh kya...!!! abhi aap phut lo...mera matlab hai ke mandir chalte hain...phir hum school chale jayenge...
Mohit jee nikle ghar se...!!! Rajeev ne phone lagaya...unn k manager ko...
Rajeev:-"uncle...surprise party ka intezaam ho gaya kya...
Manager:-"haan beta ho gaya hai...
Rajeev:-"toh phir abhi unn decoration walon ko bhej dijiye...bade papa...mandir nikle hain aur wahan se sidha office jayenge...
Rajeev ne phone rakha...
*********
cut to school...
Prisha class me pahunchi...apni seat baithi...thodi der me Nupur bhi aayi... dono paas paas hi baithe hue the...
unn ke class room ke door se Mitali gujri...ander dekha...uss ki nazar padi Prisha par...
wo ruki...ache se charon tarf dekha...kahin koi teacher nazar nahi aa raha tha...wo class ke ander aayi...aur Prisha ke samne khadi hui...
Prisha ne ek nazar use dekha...phir ignore karte hue...Nupur ke sath baat karne me busy rahi...
Mitali...jhuki uss ke table par aur dhire se kaha:-"tum mujhe nahi janti... khud ki bhalai chahti ho toh Raj se dur rehna...samajh gayi...
Prisha ko yaad aa raha tha...last evening ki baat jo Nupur ne kahi thi uss se...
"Nupur:-"main tera POV samajhti hun...par tu inn sab ko nahi janti... khash kar ek uss Aswhin aur uss behn Mitali ko...!!! pahle hi din agr tu uneh thappad na maarti na...toh baat jyada hoti hi nahi...!!! par baat aage badh chuki hai...aur agar tune kuch bhi unn dono ke khilaf complaint bhi ki na...toh sare teachers tujhe blame karenge..kyoun ke tune seniors ke sath aisa kiya...tere sath kya hua...koi dhyan nahi dega...kyoun ke unn ke baap ka raaz chalta hai yahan...!!! tujhe sirf padhai karrni hai na...toh karr...Par ho sake toh Rajeev se dosti bhi karr lena...!!! kyoun ke agar uss ne tera sath diya toh tera koi kuch nahi bigad payega...vaise tune jiss tarah se unn dono ko jawab diya hai na...uss baat se wo kafi impress bhi lagg raha tha tere se...aur ek baat ka dhyan rakh...wo jitna bura hone ka pretend karta rehta hai na...utna hai nahi..."
Prisha ne dhyan se dekha Mitali ko...phir dhire se kaha...
Prisha:-"pahli baat mujhe kya karna hai aur kya nahi...wo main decide karti hun...aur dushri baat...(uss ne apna face uss ke kareeb le jate hue kaha)...Raj ko agar pata chalega ke tumne use Raj kaha hai toh wo baht naraz hoga...tumhe toh pata hai ke yeh haq uss en sirf Dev ko di hai... aur uss ke baad...ab mujhe...aayi baat bheje me...ya bheja fry kar ke batayun...
tabhi class me teacher aa gayi...Mitali jate hue kaha:-"mere se yeh panga baht mehenga padega tujhe...aur tu soch bhi nahi sakti ke kya hone wala hai tere sath...
Prishe ne use aur kuch nahi kaha...bass ek smile de di...
*********
school ke recess hour me...
Nupur n Prisha...apne apne tiffin box ke sath ek jagah baithe hue the...
Tabhi Rajeev aaya...aur uss ke piche Dev...
Dev:-"abey...pakad na...
Rajeev ne turn kar ke dekha...Dev ne burger pakda hua tha...
Rajeev ne uss ke hath se li ek...!!! aur dekha...pura canteen bhara hua tha...kahin bhi seat khali nahi thi...
Rajeev:-"tabhi main hamesha kehta hun ke jaldi se aane ko...par nahi... tujhe ladkiyo ke sath flirt karne se furshat mile tabhi toh tu koi baat meri manega na...
tabhi Rajeev ne suna...koi uss ka naam le kar pukar raha tha...
uss ne dekha...Mitali hath hila kar use ishara karr rahi thi...uss ke bench me aa kar baithne...
Rajeev ne Dev se kaha:-"le jagh mil gayi...
Dev thoda hairan hua...par wo aur bhi jyada hairan tab hua jab uss ne dekha ke...Rajeev...Mitali ke paas nahi...balB ke Nupur aur Prisha ke bench ke paas gaya...n Nupur ke paas baith te hue Dev ko kaha:-" tujhe kya card chapwa kar invite karu...baithne ke liye...
phir Nupur ki taraf dekh kar kaha:-"hiii...Nupur...
Nupur ke...muh me ek spoon bhara hua tha...uss ne kaha:-"hmmm... ek baat puchu...
Rajeev:-"hmm...puch...
Nupur:-"tum annual sports me hissa le rahe ho na...
Rajeev:-"haan...
Nupur:-"aur tum...
Nupur ne Dev ki taraf dekh kar pucha...!!! Dev...Prishe ke kareeb baith kar bola:-"main toh sab se pahle...apna naam likhwayuga...
Nupur:-"kis me...
Dev:-"her saal ki tarah iss saal bhi bad minton me hi apna naam likhwayunga...bass partner ki jarurat hai ek...single me toh main jeet jayunga...par mixed ki prob hai na...
Prisha ne unn ki taraf dhyan diye bina apna khana khane me busy rahi...
Dev:-"hii Prisha...
Prisha:-"hii...
Nupur ne spoon muh se nikalte heu kaha:-"kya baat hai...use jalane yahan baithne aaye ho...ya phir se tum dono ka koi jhagda karne ka plan hai...(uss ne Prisha aur Rajeev ko dekh kar kaha...)
Rajeev:-"phil haal toh mujhe bhuk lagi hai...aur kuch nahi...
Rajeev ne Prisha ki taraf bina dekhe kaha...!!! Prisha ne bhi kuch nahi kaha...Rajeev ki nazar padi Prisha ke tiffin box par...jiss me kachoriya thi with chutney...
aur Prisha ki nazar achanak uss par padi...
phir Rajeev ki nazar uss se mili...uss ne nazar pherte hue...burger ke upar se pack kiya hua tissu nikala...
tabhi uss ne dekha...uss ke samne baithi...Prisha ne apna tiffin box uss ki taraf badhatya aur kaha:-"jaldi se kha lo...mujhe kafi bhuk lagi hai... tumhare liye kuch bhi nahi bachega...
Rajeev ne kuch nahi kaha...use dekha...Dev apne burger ki izzat lutt ne me busy tha... jab ki uss ki kaan aur ankh in dono par tiki hue the...
Prisha ne kuch second wait kiya...phir tiffin apni tarf khinch rahi thi ke...Rajeev ne tiffin rokk li...n burger Prisha ki tarf rakhte hue... Prisha ke tiffin se khane laga...
Prisha ne bina kuch kahe uss ka burger khaya...
Dev ne hath badhaya...Tiffin ki taraf...toh Rajeev ne uss ke hath ko halke se marte hue kaha:-"tera pet hai ki kuya...ek burger se tera pet nahi bhara...jo meri tiffin par nazar gadaye baitha hai...
Dev:-"chakhne toh de yaar...
Rajeev ne kuch nahi kaha...
charon ka khana khatam hua toh Rajeev ne tiffin uss ki taraf badhate hue kaha:-"Thankss...
aur uth kar jane laga toh uss ek kano me dhimi si awaz aayi...
"sorry...
uss ne turn kar ke Prisha ki taraf dekha
Rajeev:-"kuch kaha tum ne...
Prisha:-"wo kal main bila wajah tum par bhadak gayi thi...jab ki tum meri help karr rahe the...
Dev ne Nupur ko dekh kar ishara kiya...'ki iss chamatkaar ka raaz'...
Nupur ne apni coller upar kar li...jiss ka matlab tha...'Doze maine diya hai...'
Rajeev:-"itz okay...
Rajeev chala gaya...aur Dev bhi...
Prisha n Nupur uthe jane ke liye toh dekha...Mitali apni jagah par baithi unhe hi dekh rahi thi...
Prisha bina kisi reaction k chali gayi...
*********
sham ko 6:30 baje hi Mohit jee ghar aa gaye the...n surprise party dekh kar kafi khush bhi ho gaye the...
lekin unn ke dono bhatije kahin nazar nahi aa rahe the...jab ki office ka pura staff wahan majud tha n unn ke sare frnds bhi...
unhone charon tarf dekha aur kaha:-"aap log enjoy kijiye...main thoda fresh up ho ke aa jata hun...
unhone dhire se apne manager ko ishara kiya kareeb aane ko phir kaha:-"Anil...yeh sab kuch Raj aur Dev ki planning thi na...
Anil:-"jee sir...unhone mana kiya tha aap ko batane ke liye...isi liye maine aap ko bola nahi...
Mohit jee:-"toh tum itna darr kyoun rahe ho...mere bachhe hain dono... aur pehli baar mujhe kuch yun de rahe hain ke...ab kya kahun...main baht khush hun...
Anil ke face par bhi smile aayi...uss ne kaha:-"vo dono kafi excited bhi lagg rahe the sir...!!! jab se school se aaye hain...bass isi kaam me lage hue the...abhi tak toh dono ne khana bhi nahi khaya...
Mohit jee...aur bhi jyada emotional feel karr rahe the...unhone pucha:-"kabb se dhundh raha hun unn dono ko par nazar hi nahi aa rahe hain... kahan hain...
Anil:-"sir abhi toh yehi the...par pata nahi abhi kahan chale gaye...
Mohit jee:- "main dekhta hun...
Mohit jee ne achanak dekha unn ke room ka door khula tha...wo ander gaye toh dekha...Rajeev n Dev baithe hue the...
Mohit jee:-"tum dono yahan...
Rajeev n Dev ne phir se unn ke gale lagg kar unhe wish kiya...Mohit jee kafi emotional ho agye the...unhone unn dono ko apne gale se lagaya...
Rajeev ne unn ke ankhon se anshu pochte hue kaha:-"kya bade papa aap bhi bachhon ki tarh rote hain...
Mohit jee:-"jab bachhe bado jaisa kaam kare toh bade bhi kabhi kabhi bachhe bann jate hain...
Dev:-"uncle ek aur baat...
Mohit jee:-"haan beta...bol...
Dev ne ek chota sa cake la kar unn ke samne rakah...aur kaha:-"yeh hum dono ki tarf se...
Rajeev:-"bahar jo cake hai na...woh Anil uncle ne arrenge kiya hai...par hamare paas jyada paise toh the nahi...toh hum ne bass itna chota sa hi cake le paye aap ke liye...
Dev:-"uss cake ko kaatne se pahle yeh cake kaat lijiye...
Mohit jee ki ankhon me anshu the...unhone khud ko control karte hue kaha:-"bada...chota pyar me nahi hota beta...aur achha kiya jo tum ne yeh cake yahan le aaye...!!! yeh sirf mera hai..aur iss ko sirf main khayunga...tumhe bhi nahi milega...mere bachhe mere liye itne pyar se jo laaye hain...
yeh kehte hue unhone cake kata...Rajeev n dev ne unhe cake khilaya...
Dev:-"uncle ab aap taiyar ho kar niche aa jayiye...sabhi aap ka wait karr rahe hain...
Mohit jee:-"haan...haan beta abhi aata hun...
woh wash room ki tarf ja hi arhe the ke Rajeev ne piche se kaha:-"bade papa jaldi aayiega...aap ka last gift aap ka bahar wait karr raha hai...
unhone turn kiya...
Mohit jee:-"last gift...
Rajeev:-"yesss...last gift...ab aap hairan...pareshan mat ho...aur bahr aa jayo jaldi...
Mohit jee kafi khush lagg rahe the n sath hi Rajeev aur Dev bhi...
Rajeev:-"apne mission ka last step hai yeh...aur tu na jyada patar-patar mat karr na...warna kiya-karaya kaam bigad jayega...
Dev:-"jee ustaad...hum chup rahenge...
Rajeev:-"yehi better bhi hai tere liye...warna...
15 min me party me maujud ho agye Mohit jee...kafi khush lagg rahe the wo...cake bhi kata gaya...unhone Rajeev n Dev ko bhi khilaya...
phir Dev ne Mohit jee ki ankhen bandh ki...n Rajeev ne apne jeb me se Mohit jee ka gift nikala...aur unn ek hath me rakhte hue kaha:-"yeh raha aap ka gift...
Mohit jee thoda hairan hue aur khush bhi...!!!
chota sa packet tha...unhone kafi xcitement ke sath khola...n ander ek chabi thi...
Mohit jee:-"oye...yeh kis chiz ki chabi hai...
Dev:-"aap ke nayi car ki chabi hai...uncle...
unhone hairani se dekha...toh Rajeev ne kaha:-"car kharidne ke liye hamare paas...paise kahan se aaye yehi soch rahe hain na aap...???"
Mohit jee unhe hairani se dekh rahe the...
Rajeev:-"abhi tak toh hum dono ne kamai bhi nahi ki...warna...car kharid kar aap ko gift karte...!!! hum ne kuch paise jode the...aap ke b'day ke liye toh pahla installment de kar hum ne kharid liya...baki ke paise aap ko dene padenge...
Mohit jee:-"koi na...beta...iss me dukhi hone wali kya baat hai...yeh meri zindagi ka sab se achha din hai..aur tum dono ne apni jode hue paiso se itna kuch kiya...yeh kya kamm khushi ki baat hai...!!! aur tum ne mere bare me socha...yehi badi baat hai...!!! Anil...
unhone apne manager Anil ko bula kar kaha:-"baki ke paise show room me de dena...
Anil:-"jee sir...abhi payment kar deta hun...
Dev:-"uss show room ka manager yehi pe toh hai...aayiye Anil uncle main aap se milwata hun...
Mohit jee:-"aur gentelman..aayiye aap ko main apne bachhon ki tarf se di hui car ko dikhata hun...
Mohit jee kafi garv mehshush karr rahe the...!!! car dekh kar wo bhi kafi khush ho gaye...
wahan maujud sabhi...Dev aur Rajeev ki tarif kaar rahe the...n Mohit jee ka seena fule nahi sama raha tha...
tabhi Anil aaya aur kaha:-"sir jee...ek baat ho gayi...wo iss car ke sath ek gift bhi hai jise...
Mohit jee:-"arey...yeh toh badi khusi ki baat hai...le lo gift...
Anil:-"lekin sir uss ka adhi keemat humain chukani padegi...
Mohit jee:-"toh phir de do...mere bachhe mere liye car le kar aaye hain aur tumhe paiso ki padi hai...jayo...jaldi uss ka payment clear kar ke use rafa-dafa karo...
Anil chala gaya...Rajeev n Dev ne rahat ki saansh li...
Rajeev ne dhire se kaha:-"bade papa...main Dev ko le kar bahar ja raha hun...jaldi wapas aa jayunga...
Mohit jee:-"kyoun tum dono party me nahi rahoge...
Rajeev:-"nahi...ahh...yahan pe sabhi bade log hain..aur hum bore ho ajyenge...!!! hum bass...Indira park tak ja rahe hain jaldi aa jayenge... pakka...
Mohit jee:-"achha thik hai jaldi aa jana...
aaj wo kaise apne dono bhatijo ko kuch bhi mana kar sakte the...wo kafi khush lagg arhe the...
kuch der baad Mohit jee ne Anil ko dekha...aur kaha:-"kar diya payment...
Anil:-"jee sir...
Mohit jee:-"kafi khubshurat car hai...nahi...
Anil:-"jee sir...France ki model hai...abhi haal hi me yeh India me aayi hai...isi liye company walon ne iss ke sath ek schem rakha tha ke...pahla instalment jo hai wo 999/- ka hai...aur pahle 100 entries ke liye...ek bike 10% chutt me milegi...
Mohit jee ke dimag abhi bhi car aur unn ek bachhon ke pyar me hi duba hua tha unhone kaha:-"achha...eyh toh badi achhi baat hai...toh tum ne kya kiya...
Anil:-"jee sir maine payment kar di sir...Car ki bhi aur Bike ki bhi...
Mohit jee:-"achha kiya...!!!! HAIN...kya kaha tum ne BIKE...
Anil ne thoda darrte heu kaha:-"jee sir...wohi toh main aap ko kabb se keh raha tha...aur sir...khusi ki baat toh ahi thi ke Bike ke sath unn logon ne helmet avayin free me de di...
Mohit jee:-"kahan hai wo BIKE...
Anil:-"wo toh Rajeev aur Dev le kar chale gaye...
Flashback over...
*********
Present...
Mumbai se aaye hue 5 din ho chuke the...Rajeev ko...
sham ko wo ghar lauta...akela...!!! jab ki roz Arjun uss k sath hota tha...
lekin 3 din se Arjun gaya hai Mumbai...Prisha ko lane...kal Prisha yahan hogi uss ke ghar me...
Rajeev ne ek maid ko bulaya...
Rajeev:-"mere paas wala room saaf kar do...!!! do din baad se...wahan par ek madam rehne aayengi...
Maid chali gayi...Rajeev apne room me jane laga...
Cut to Prisha...
wo apna saman pack karr rahi thi...!!! Akshi ki tashveer bag me rakhte hue uss ki ankhen bhar aayi...
use yaad aaya...jab uss ne Akshi ko Bording me dal kar wapas aa rahi thi toh uss ne kaha tha...
Akshi:-"tu ro kyoun rahi hai Maasi...ek saal ki hi toh baat hai...phir hum sath me rahenge...!!! ab tujhe job hi aisa mila hai toh kya karr sakte hain...par ek saal baad toh hum sab sath me honge na...tu main aur nani...!!! tu bass apna khayal rakhna... aur kabhi kabhi mujhe phone kar diya karna...kya hai na mujhe teri baht yaad aayegi...!!! aadat nahi hai na tere bina rehne ki...aur tu rona nahi...haa...
Akshi ko bording me dalne ka sara intezaam Rajeev ne kar diya tha... aur uss k maami ki achhi treatment ke liye ek achhe se hospital me unhe shift bhi karwa diya tha...
taaki Prisha jab apna kaam kare...use kisi baat ka tension na ho...!!! kuch dino se Arjun uss ke sath hi tha...sab kaam me uss ki help karta hua...!!! kyoun k Rajeev ne hi use bheja tha...Prisha ke help ke liye...
tabhi Arjun ka phone aaya...
Prisha ne reciev kiya toh...
Arjun:-"tum ne apni packing karr li...
Prisha:-"haan...lag bhag pura ho chuak hai...
Arjun:-thik hai...kal subah ki flight hai delhi ke liye...
Prisha:-"thik hai main taiyar rahungi...
Cut to Rajeev...
ek chair par baitha hua tha...apne hi room me...
hontho par cigrt thi aur ankhen Diwar me tangi hui Dev ki tashveer par...
dhire se uss ne kaha:-"tujhe pata hai...kal Prisha aa rahi hai...haan...teri dost Prisha...
Rajeev ne ankhen bandh ki...phir kaha:-"haan...wo meri kuch nahi lagti... wo sirf aur sirf teri dost thi aur sayad abhi bhi hai...!!! use nahi pata... ke tu mujhe chod kar ja chuka hai...!!! use nahi pata ke maine use pehchana ya nahi...!!! wo tujhe bhuli nahi...maine dekhi uss ke hath me tera wo breclet... jo tune use uss ke b'day pe di thi...!!! sayad wo mujhe bhi nahi bhuli...par kya farq padta hai...
Rajeev utha apni jagah se...khud ke liye drink banaya...Dev ki tashveer ke samne aa kar khada ho kar kaha:-"tujhe kya lagta hai...maine Prisha ke uncle ki property use milne me chup kar help kiya...kyoun ke abhi tak main uss ki care karta hun...???nahi re...maine usi din use apni zindagi se dur kar diya tha...jiss din...uss ne...
Rajeev ruka...ek hi saansh me uss ne pura drink khatam kiya...phir kaha:- "wo yahan meri help karne aa rahi hai...jiss ki wajah se maine uss ki help ki...!!! mujhe kisi se khairat me kuch nahi chahiye...mujhe her chiz ki keemat deni aati hai...!!! jo main kahunga wo karegi...aur jiss ki keemat maine ada kar di hai...
Rajeev chalte hue gaya...khidki ke paas...dekha...main gate ke paas ek car aa kar ruki...jiss me se Mitali utar rahi thi...sath hi Ashwin...
Rajeev ne dhire se kaha:-"mujhe Prisha ki help chahiye Dev...kisi ko saza dene ke liye...mujh se meri zindagi ki ek lauti daulat cheen ne ke liye...!!! tujhe...mujh se cheen ne ke liye...
end of the Epi...
*********
Plz do comments or Press the Like Button.
Edited by Sweet-Lioness - 13 years ago
Geet - Hui Sabse Parayee
Bade Achche Lagte Hain Naya Season
324