FF:Yeh Zindagi..Part 12 Page 19 16/02/10 - Page 4

Hi ananya....
you are a great writer which I am sure you know by now....update was amazing👏….i m awed with your story....its so crisp n so intelligent… I always crave for such stories….i mean its love story n still its holding firmly on history….history has been my favorite subject in the school n I have never been at ease with twisting of facts or lack of it in period movies, stories or serials….thats the reason I love this FF more.. that so far you have been handling it in most believable manner….n cant help saying that your perfect story make me curse creatives more....their GK is poor than school students..n they thought they capable for making period drama

n apart from Raj, this Kranti is confusing me too😕…. She being so nice to him😲😲…n sharing so much with him… sounds fishy…Is she up to sum thing…or she too is attracted towards him…. Waiting for see wats cooking up your sleeve…..

please update soon....you are too gud😊

hey ananya,

hi yaaku too good daer very well writen i'm really impressed pl update next part soon as i'm wating for it

Originally posted by: bhawna_dhunna

hi......hi .................hi....................................
toh finally mr. raj ne accept kar hi liya ki woh ktrantii se pyar karta hai. ==Karna padta hai..yaar England returned hai..thode hi MRD k Raj ki tarha drama karega??

you know what your story is much better than the real one. ==I know..I have written this fic just to make up the loss in MRD..
plz don't mind anyone. ==Nobody will mind..
ok now lets come to this part.

what i like is the interpretation of the story.
a big round of applause for dear ananya ==Thanks..😳
krantii's conversation wid raj was awesome. ==I knew that you people will like it..
and the last part related to press and novel and sohan singh's case and raj's plan to destroy krantikari's(terrorists) from root was most appealing. ==Thanks...😳I love you..

well i have a guess related to the novelist. ==I know..everyone should guess that..😉
well i think anybody can guess but i don't want to open it without the permission of the writer i.e. our own ananya. ==I am honoured..

you know what ananya i can relate myself wid this story very easily. ==It made me feel good..
this something what i thought initially as i said ealier.

Originally posted by: pari29

hi yaaku too good daer very well writen i'm really impressed pl update next part soon as i'm wating for it

Originally posted by: netu19

Hi ananya.... ==Hello...
you are a great writer which I am sure you know by now....update was amazing👏==Thanks a lot

I m awed with your story....its so crisp n so intelligent. == People say that I am also intelligent😉

I always crave for such stories.i mean its love story n still its holding firmly on history.==Yaa..it should be else the whole composition could be messed up.

history has been my favorite subject in the school n I have never been at ease with twisting of facts or lack of it in period movies, stories or serials?.thats the reason I love this FF more.. that so far you have been handling it in most believable manner.==Well..History wasn't my fav subject at all..but I can't stand any tampering with the facts..whether it's Historic or geographic or political..

n cant help saying that your perfect story make me curse creatives more....their GK is poor than school students..n they thought they capable for making period drama ==Yaa..you bet..this creative team..and their GK..yaaks..They will score in negative parameters..such poor GK..isshhhh..🤢

n apart from Raj, this Kranti is confusing me too😕?. She being so nice to him😲😲?n sharing so much with him? sounds fishy?Is she up to sum thing?or she too is attracted towards him?. Waiting for see wats cooking up your sleeve?.. ==Well..Kranti is not making any schemes against Raj..or trying to trap him.. but she feels relaxed when she shares anything with such intelligent man.. actually their frequency matched..as both of them are well educated.. they can share the opinions..Kranti never shared these thins with anyone.. Raj asked her..and she replied..that is all..their mission has own way..but nothing to do with their friendship.Trust me..

please update soon....you are too gud😊 ==Thanks,wait for the next..

Press ko jab tod dia gaya ..aur uska sara saamaan zapt kar li British Government ne..tab Prem Babu ne saari baatein batai Kranti ko.Kaise Barister Rajveer Laal ne jhoote kagzaat bana kar court me pesh kie,sirf aur sirf Rajveer ki wajah se yeh case haar gaye Prem Babu, kahne lage, "Yeh zameen tumhare Baojee ne mujhe dia tha..taa k desh ki seva kar sakoon is press k zarie..ghalat admi par bharosa kia maine..aur sab kuchh khatam hua..ab us zameen par hum jo bhi kare..Sarkar ki nazar rahegi humesha.."

Yeh baat sun kar Kranti thodi der chup rahi..fir usne kaha ,"Dekhiye..woh Vakil hain..koi naa koi case toh unhe lena hi padta..woh nahi ladte toh koi aur Vakil hote..woh bhi yehi raasta apnaate..hum case haar chuke hain..koi fark nahi padta k k kisne jeeta hai..baat yeh hai k hum haar gaye hain.."

Prem Babu ko hairani hui..fir unko ek baat yaad aai..unhone kaha ,"Tum toh aaj kal aksar mila karti ho us Vakil se.."

Kranti--Haan,mulakat ho jaati hai,pahle se tai nahi karti,ladhai kanooni hai,zyatti dushmani nahi hai..aur usdin unke saath thi issi lia Police k khabri mujh tak pahooch nahi paaye..

Prem--Kranti..aisse admi se milna tumhare lia khatre se khaali nahi..woh kuchh bhi kar sakta hai tumhare saath..Sohan Bhai Saab tak pahoochne k lia..usne woh case lene se inkaar kar dia..fir tumse itna kyon mil raha hai?

Kranti chauk gayi..yeh khabar woh nahi jaanti thi..poochha.."Kyaa kaha aapne?"

Prem--Sach keh raha hoon..mujhe do din pahle yeh khabar mili..k Barister Laal k paas Bhai Sohan Singh ka case gaya tha..British Sarkar ki taraf se ladhna tha usko..par usne inkaar kar dia..upar upar inkaar kar raha hai..andar hi andar pata nahi kaun si chaal chal raha hai yeh admi..

Kranti--Ohh..

Prem--Issi lia kehta hoon..usse door raho..Nirmal k Sasooral se uska rishta hai..bas yehi tak..par mujhe yeh baat achhi nahi lagti k woh akele me tumse milne aata hai..uski niyat theek nahi hai Kranti.

Kranti--Barister Laal ki niyat k baare me main jaanti hoon..bahut se Vakil hain jo ladhte hain angrezon ka case..yeh bhi waise hain..par main thoda thoda jaanti hoon k yeh admi neeji zindagi me kaisa hai..aur niyat ki baat jahan tak hai..toh Krantikarion k saath hi aise bahut log hain..jo zara zara si paison k lia angrezon k paas apna imaan bechte hain..aaj agar hum case haare hain toh jitna zimmewar yeh Barister Rajveer hai,usse kai zyada zimmewar hai humare andar k log jinhone gaddari ki hai..

Prem--Tumko savdhan karna tha Kranti..maine kar dia..Rajveer..

Kranti--Main khud ko jaanti hoon..aur Rajveer ko bhi..aap ek kaam kijiye..Lahore chhod kar kuchh dino k lia chale jaaiye..is waqt baahar k dushmano se ladhne se zyada zaroori hai andar ki taakat ko aur mazboot karna..

Prem--Jaisa tum theek samjho..

*******************************************

Sanjay ne Rajveer ko ek kitaab dia..kisi naye writer ki likhi hui kitaab hai.Rajveer ne dekha us kitaab ko..pata chala..yeh kitaab bahut padhi jaa rahi hai aaj kal..pure Punjab me toh mashoor hai hi..bal k Rajasthan,Delhi..waha par bhi bahut taarif ho rahi hai is kitaab ki. Novel ka naam hai.."Yeh Zindagi.." writer ka naam bhi hai..Raunak...Rajveer ne kitaab padhna shuru kia.Likhne wale k naam se pata nahi chalta hai k admi hai yaa aurat..par jaise jaise Raj yeh kitaab padhne laga waise waise ek tasveer saamne banne lagi..ek aise insaan ki tasveer jisko Rajveer bahut achhi tarha se pehchaanta hai..baaki k log aisa keh rahe hai k kisi tees battees saal k admi ki likhi kitaab hai..kyonki aisi gehraai..aam taur pe kisi aurat k likhai me nahi hoti..aur waise bhi aisi kaun si aurat hogi ..aurat nahi hai..koi admi hi hai..par Rajveer ne jab yeh kitaab padhi..tab usko shak hua,k yeh Raunak koi aurat hi hai..par Raunak naam kyon hai..yeh toh koi aur hi hai..jisko jaanta hai Raj,kyonki kahani ki har ghatna ,har baat..me ek hi sur hai..ek hi dhoon hai ..kisiki zindagi ki kahani hai.. kahani Amritsar,Calcutta aur Rawalpindi k ird gird ghoomti hai..Lahore k badle Rawalpindi ka naam lia gaya hai..wahi dard,wahi baat,ek aise insaan ki kahani jo bheed me bhi tanha hai..kahne ko jiski mulakat hoti hai sab se..baatein hoti hai..par ek ajeeb si tanhai hai is insaan ki zindagi me.Ghoom fir kar yehi ishara kar rahi hai yeh kitaab..k yeh kahani kisi Raunak ki nahi hai..yeh kahani Kranti ki hai.Rajveer ne ek hi raat me kahani padh li..subha uthte hi usne Sanjay ko phone kia..

Sanjay--Bol..subha subha kaise yaad aai meri?

Raj--Is kahani ka writer kahan milega bata..

Sanjay--Kaun?Raunak Randhawa?Arre..woh ..nahi malum yaar..kai dino se iski taarif sun raha tha..maine do kitaab kharid li..ek apne lia..ek tere lia..kyon..kahani pasand nahi aai?

Raj--Woh baat nahi hai..is Raunak Randhawa ko..

Sanjay--Isko police bhi dhoondh rahi hai..

Raj--Kyon?

Sanjay--Unko pata chala hai k..kitaab se mili puri rakam jaati hai Punjab k krantikarion ko...

Raj--Kyaa?

Sanjay--Haan..khair..aur kuchh jaanna hai tujhe?

Raj--Is aurat k baare me kuchh aur jaanta hai?

Sanjay--Arre..subha subha hi tune pee rakhi hai kya?Raunak Randhawa ko aurat kyon bana raha hai?Arre..admi hai..

Raj--Kaise pata tujhe?

Sanjay--Kyaa matlab mujhe kyaa pata?Arre...admi hi hoga..

Raj--Okay..thank you..sorry..subha subha tujhe disturb kia..

Raunak Randhawa...yeh naam..soch soch kar Rajveer pareshaan ho gaya.Sab se badi baat..yeh kitaab sirf pehla hissa hai kahani ka..publisher ne kaha hai saal bhar me doosra bhaag bhi niklega..sab ko us din ka intezar hai.Kyonki,yeh kitaab ek aam insaan k baare me hai..uske sukh..dukh..uski kalpana..uski zindagi..school college k students toh padh hi rahe hain..yehan tak k buzurg log..ghar ki auratein bhi padh rahi hain..sab se badi baat... iska english translation bhi nikla hai..angrez log bhi padhna chaahte the is kitaab ko..bahut hi nirdosh kisam ki kahani hai..par bahut hi dilchasb..yeh koi love story nahi hai..naa hi koi desh prem ki kahani..bas ek insaan..jo aaj k is badle hue waqt ko dekh raha hai apni nazar se..

Rajveer ne yeh kitaab Chaijee aur Buajee ko dia..padhne k lia..dono hi dhoondh rahi thi yeh kitaab..

Buajee--Kaake..main khud Parjaai se bol rahi thi..yeh kitaab tujhe kaha se mili?

Raj--Sanjay ne kharida..mere lia bhi ek kharid lia usne..

Chaijee--Puttar..is Raunak naam k ladke ne toh kamaal ki kahani likhi hai..har koi yeh kahani padhna chaahta hai..

Raj--Haan..yeh pehla bhaag hai..doosra saal bhar baad niklega..aisa suna hai maine..

Buajee--Humen woh kitaab bhi chahie..

Raj--Sanjay ne bahut mushkil se haasil kia hai..samhaal k rakhiyega..

Buajee--Suna hai yeh ladka..Raunak..Punjab ka hi hai..

Raj--Buajee..Randhawa Punjabion ka hi surname hota hai..

Buajee--Arre..main bol rahi thi k woh Punjab me hi rehta hai..kaha rehta hai pata hai?

Raj--Kitaab padhiyena..writer k peechhe kyon pad gayi?

Buajee--Dekha Parjaai..Kaake k saamne kisi aur launde ki taarif ki toh Kaake kaisa jal gaya..arre Kaake..tu toh mera laadla hai..itna kyon naraz hota hai?

Raj ka mann kia k woh apna sar deewar par thokna shuru kare..zabardasti sab yeh maan kar baithe hain k yeh kahani kisi Raunak naam k ladke ne likhi hai..ajeeb hai..jab k Raj achhi tarha se jaanta hai..yeh kahani kisne likhi hai..uske siva koi aur likh hi nahi sakta.

***********************************

Raj newspaper padh raha tha,kuchh der baad niklega court k lia..pados se ek chhoti si ladki aai..usne kaha ,"Veerjee..Buajee aur Taijee kahan hain?"

Chaijee rasoi se baahar aai.."Arre ..Saroj..kyaa baat hai Puttar?"

Saroj--Woh..aaj shaam ko humare ghar me havan ki taiyyari ki gayi hai.Banaras se Mahant Trilokananda Maharaj aa rahe hain..shaanti paath k lia..aaplogone zaroor aana hai jee..

Buajee--Arre..yeh bhi kahne ki baat hai Puttar?Hum zaroor aayenge..aur apni Maa se kehna..kuchh chadhava hum bhi chadhayenge..

Saroj--Jee..shaam k chhe baje k andar aa jaana aap sab..

Chaijee--Jagat..khet se lauki aur baigan aaye hain..thaile me bhar kar laana zara..Saroj k ghar bhejna hai..Saroj,tu baith kuchh der..Raj Puttar..tu Saroj se baat kyon nahi karta?Pata hai..Saroj school me padhti hai..bahut kuchh jaanti hai..

Raj ne muskura kar poochha ,"Kaun se class me ho Saroj?"

Saroj--Abhi third class me hoon Veerjee..do saal baad Matric ka exam bhi dena hai..

Raj--Kyaa kyaa padha hai tumne?Chaijee toh keh rahi thi bahut kuchh jaanti ho..

Saroj--Haan..padha hai kaafi kuchh..Sanskrit k shlok pahle padh nahi paati thi..par jab se Miss Randhawa aai hain school me..tab se darr nahi lagta..

Buajee--Kaun Saroj?

Saroj--Buajee..nayi teacher hain..naam hai Kranti Randhawa..angrezi bhi achhi padhati hain..aur sanskrit bhi...pahle pahle teacher logon se bahut daant padti thi..par inhone itna achha sikhaya hai..bahut achhi hain yeh teacher..bahut achha padhaati hain..

Buajee k saath Saroj baaton me ulajh gayi..Rajveer choop chaap sunta raha..Kranti ka pura naam Kranti Randhawa hai..

Chaijee ne Saroj k haathon saamaan bhijwa dia..Saroj chali gayi..aur Chaijee aur Buajee ne Rajveer se keh dia..shaam k chhe baje k pahle ghar lautna hai usko..kyonki us Mahant se milna hai Raj ko.

****************************************

Kranti school se nikal rahi thi..dekha Rajveer door khada hai..is baat me koi shak nahi k Rajveer ussike lia khada hai.Kranti chal kar Rajveer k paas aai..

Kranti--Aaj ..is waqt?

Raj--Kis naam se pukaroon..Kranti yaa Raunak?Kaafi mashoor ho chuki hain aap..

Kranti--Koi gunaah kia maine?

Raj--Gunaah kitab likhne me nahi hai..burai usme hai jo aap un paison ka kar rahi hain.. aatankvaadion ko de rahi hain woh paise..

Kranti--Pehli baat..woh aatankvaadi nahi hain..woh krantikari hain..aur mujhe jo sahi laga maine kia..

Raj--Humseha apne mann ki kyon karti hain aap?Doosron k baare me kyon nahi sochti?Aisa bhi toh ho sakta hai k kal ko agar aapko kuchh ho..toh kuchh logon ko bahut takleef ho..jaan boojh kar aag me kyon dhakel rahi hain khud ko?

Kranti--Main samjhi nahi..

Raj--Aap samajhna nahi chaahti...haan..hua aapki zindagi me haadsa..iska badla aap is tarha nahi le sakti..kyaa lagta hai aapko..yeh angrez chale jaayenge..toh woh Hindustan mil jaayega..jiska sapna sab dekh rahe hain?Nahi,aaj angrez hain,issi lia sab ek hue hain.. yeh gaye ,fir se aapas me ladh marenge..kabhi dharam k naam par..kabhi jaat k naam par..kabhi kaum k naam par..kabhi bhasha k naam par..kuchh log neta ban kar aap sab ko uksa rahe hain..aap log unki baaton me aa kar apni zindagian khatre me daal rahe hain.. jinko aaj aaplog neta maan kar baithe hain..jinke dum par azadi laane ka soch rahe hain aaplog..unko sirf netagiri se matlab hain..kursi se matlab hai..

Kranti--Aisa aap sochte hain..

Raj--Nahi..aap mujhe bataaiye..1939 me,Haripura Congress ki baithak me Gandhi ne Subhash Chandra Bose ko neta nahi maana..Bose ko resign karna pada..kyonki Gandhi ko laga k Netajee violence ka raasta apna rahe hain..unko ahinsa se matlab hai..fir..teen saal k andar kaun sa jadoo hua..k wahi Gandhi bol rahe hain ,"Do or Die?Karo yaa maro..Quit India.." and all that..ab tak Congress ki baithak..sirf chhuttion ko beetane ka bahana hua karta tha..abhi inko..Purna Swaraaj chahie..main batata hoon aisa kyon hai..yeh log dekh rahe hain..sadiyon se jo log neeche dabe the..woh ab padh likh kar bade ho rahe hain.. apna hak maang rahe hain..yehi par inko takleef hai..issi lia inko apni kursi chahie..taa k yeh is progress ko rok sake..aisa koi neta hai in me jo lower background se ho..sab k sab Barister,Businessman..jinke lia Politics ek luxury hai..jail jaana inke lia holiday hai..inke dum par aap log sapna dekhte hain azadi ka?Aur aap aisi azadi k sapne me apni zindagi ko daaon par laga rahi hain?

Kranti--Aap se kisne kaha k saare krantikari aisa sochte hain?Azadi milegi..par apne dhung se...

Raj--Nahi..aaj is waqt azadi agar milegi toh is lia nahi k neta yaa krantikari ladh rahe hain.. bal k is lia k British Empire k din yehan se khatam ho rahe hain..duniya bhar me jung chheedi hai..itna bada empire rakh nahi paayenge yeh angrez..majbooran inko India se jaana hi hoga..aur yeh baat yehan k leaders achhi tarha se samajhte hain..issi lia sab lage hain..behti Ganga me apna haath dhone..is loot maar me apna faaida lootne..koi bhi..ho.. par sab yehi chaahte hain..

Kranti--Aap bahut naraz hain..par haan..aap bhi kisi leader se kum nahi..

Raj--Main mazak nahi kar raha hoon..sapne aap dekh rahi hain..aap jaise laakhon log dekh rahe hain..but sorry to say..sapne jab tootenge..tab aap logon k aankhon me hi choobhenge..samjhana mera kaam tha..maine samjha dia..baaki aap khud samajhdaar hain..

Kranti--Bahut hui gyaan ki baatein..par aapne meethai nahi khilaai?

Raj--Kyaa?

Kranti--Press ka case jeeta aapne..uski meethai..

Raj--Aapko kaise pata us case k baare me?

Kranti--Woh zameen mere Baojee ne Prem Babu ko di thi..mere paida hone ki khushi me.. desh k kaam aayegi yeh soch kar..Prem Babu ne woh press banai..aur ab us press ka naam-o-nishaan nahi raha..mere Baojee ka sapna tha ..unki yaad thi..aur aapne..

Baat puri nahi hui..Kranti waha se chali gayi...Raj hakka bakka reh gaya..Raj ko ghar lautna hi pada..Chaijee intezar kar rahi hain.

**********************************

"Kaake..kabhi kabhi aise desi kapde bhi pehna kar..kitna achha lag raha hai..hai na Parjaai?"

Chaijee ne Buajee ki haan me haan milaai.."Sach kaha aapne..aaj toh bahut hi achha lag raha hai..chaliye..der ho rahi hai.."

Mahantjee k darshan karne bahut log aaye hain...Saroj k keh kar Buajee aur Chaijee ne Mahant k saamne jaa kar baithneka intezam kia.Raj bhi tha saath me..Raj pahle se pareshaan tha..Kranti ko le kar..ab yeh Sadhu Baba..Raj cheedh gaya tha.

Buajee--Maharaj..bachche ko dekhiye..aaj kal bahut pareshaan rehta hai..

Mahant--Naam kyaa hai iska?

Buajee--Rajveer..

Mahant--Ekaant me baat karna uchit hoga isse...Puttar,tu aa mere saath us kamre me..

Raj gaya Mahant k saath..Mahant ne Raj ko paas bithaya aur kaha ,"Main koi yogi nahi.. naa hi maine dhyaan kia hai..naa hi barson ki tapasya ki hai..par haan..maine duniya dekhi hai..log dekhe hain..tu karta kyaa hai?"

Raj--Abhi abhi England se Barister ban kar lauta hoon..

Mahant--Maine Oxford se padhai ki thi..tu bhi wahi se hai na?

Raj--Aap..England se padhe hain..!!

Mahant--Haan..main bhi Barister tha..par yeh duniyadaari raas nahi aai..bachcha hote waqt meri Patni ki maut ho gayi..aur tab se maine is ghar sansar se chhutti le li..

Raj--Aap unse bahut pyaar karte the?

Mahant--Haan..aur tu bhi kisi kanya k premjaal me giraftar hai..hai na?

Raj--Jee..aisi baat nahi hai..

Mahant--Duniya dekhi hai maine..Puttar..prem hai..toh uski maryada bhi rakhna..aur kanya ki taraf se baat samajh me nahi aati..hai na?

Raj khamosh raha..

Mahant--Bata..kyaa hua?

Raj ne sab kuchh bataya..ab tak kyaa kyaa hua..sab bataya..

Mahant--Ek baat gaanth baandh le..jitna maine samjha hai..usse bhi tujhse prem hai..par tujhse kehti nahi..

Raj--Kyon nahi kehti?

Mahant--Tune bhi toh nahi kaha..fark sirf itna hai..k tujhe pata hai apne dil ki baat..woh apni mohabbat se anjaan hai..

Raj--Kyaa karoon?

Mahant--Sahi waqt aane de..tu khud samajh jaayega..k tujhe kyaa karna hai..par meri ek baat ko yaad rakhna..samajh le koi mantra bata raha hoon..

Raj--Jee..

Mahant--Bina dhiraj k jo tej hai..woh sirf jalaati hai insaan ko..usool jo bina namrata k hote hain..woh sirf bojh badhaate hain..vinay k bina jo taakat hai..usko ghamand kahte hain.. aur bina buddhi k pauroosh..yaani mardaangi ko zulm kahte hain..

Raj--Matlab?

Mahant--It means my dear, Gravity or vanity without patience only burns your inner slef, morality without politeness only increases the guilt,power without modesty is nothing but ego..and manhood without intellect is nothing but torture..jab in baaton ko puri tarha samajh paayega..tab aana mere paas..Banaras me mera ashram hai...

***************************************************

Mahant Raj ko lekar baahar aaye..Chaijee aur Buajee ko samjha dia ,"Fikar mat karna Matajee..bahut honhaar aur nek Beta hai aapka..is par kabhi zor zabardasti mar karna..yeh aap hi sikh jaayega..k isko kyaa karna hai.."

Raj--Chaijee..main inke pair chhoon loon?

Chaijee khush ho gayi.."Haan Puttar..chhoon le.."

Chaijee aur Buajee isse zyada khush kabhi nahi hui..jo Rajveer Sadhu Mahant ko dekhte hi cheedh jaata tha..aaj uska bartav kuchh alag hi lag raha hai..Mahant Baba ka chamatkar hai..

Raat ko Raj so nahi paaya..Kranti ki kahi hui aakhri baatein..aur Mahant ki baatein..sab mila kar Raj ko ajeeb se bechaini hone lagi.

yakku very well riteen specialy dat baba dialog to raj fablous daer too good very nice next part jalidi likna can't wait to read next part.. n plz pm me abt it.

Hey ANANYA its awesome.
you know what i feel that krantii also loves raj.
she always seems to be comfortable wid him.
i loved it.
and most attractive thing is RAJ'S PERSONALITY.
but it is somewhere very complicated .
this makes me feel too read it.

so now krantii has accepted that she is the writer of the novel -
so may be she will be arrested.
waise aisa na ho to hi accha hai.

but raj -krantii conversation in last part was really nice.
raj's POV is great and sensible.
he seems to be a rational personalty.

Awesome part ananya. Loved it. continure sooner then you have thought. we are waiting.