FF:Yeh Zindagi..Part 12 Page 19 16/02/10 - Page 3

hey you are damaging your reputation of late updates😉.... but gud for us😊😊😊.. that we got next part so soon... great update.....i always thought that original MRD wd be love story of Raj n Kranti....n not story of their marital struggle.....but you have made for what those duffers who call themselves creative of this show goofed up.....
i like this kranti better ...mysterious....baffling Raj s mind....i wish she was like that in original serial n not spoilt her mystifying personality by talking too much n being repetitive….you plz keep her like this only…

eagerly waiting where you now take this to, as of it was awesome update👏 yet again!!

Originally posted by: Dawn Idol

Ananya ................ ==Yes...

This was beautiful .............. 👏==Thanks you.

I loved the convo betn R & K ..............👍🏼==Thanks again..

I wanted them to have such a convo in the serial also .... but there the creatives are having such crazy ideas ......... ==Creatives are really crazy...they are making it a daily soap..

Thank you for giving us this wonderful piece ........... 🤗==Welcome..😳

Originally posted by: saba_saiel

I AM TRULY UR FAN ANANYA...............awsommmmmmmmmmmmmmmmme

Originally posted by: pari29

wow yakku dat was superb mindblowing if seems ki yeh FF likhne se phele tum ne kaafi search kiya hain too good dear keep it up

aur plz next part jaldi jaldi liko i'want to read next part man kar rah tha ki kabh katam hi naa ho kash mRD actual main aesia hota achha let me know when u update next

Originally posted by: netu19

hey you are damaging your reputation of late updates😉.... but gud for us😊😊😊.. that we got next part so soon... great update.....==Thanks..i always thought that original MRD wd be love story of Raj n Kranti....n not story of their marital struggle.....but you have made for what those duffers who call themselves creative of this show goofed up..... ==Yaar..leave it..just enjoy my fic..
i like this kranti better ...mysterious....baffling Raj s mind....i wish she was like that in original serial n not spoilt her mystifying personality by talking too much n being repetitive?.you plz keep her like this only?

Well..I wished that Kranti would be like this..but..she talks too much in serial..

eagerly waiting where you now take this to, as of it was awesome update👏 yet again!! ==Thanks..

Originally posted by: Greenday

wow yaa...its 2 gud....!!!!

Kranti us din Raj k gaadi me baithi..uske peechhe ek wajah thi..Kranti ko waha se sahi salamat nikalna tha..kyonki usne dekh li thi k kuchh log uske peechhe aa rahe the.Ho sakta hai angreazon k jasoos ho.Sohan Singh se milne gayi thi..ho sakta hai uska peechha karte hue ghar tak jaate aur Taujee k khilaaf saboot talaash karte.Issi lia Kranti Raj k saath gayi. Un logon ko aisa laga k Kranti Barister Laal se hi milne aai thi..jis tarha pedh k neeche baith kar Rajveer se baatein kar rahi thi..unko yehi laga k Sohan Singh se milna sirf ek bahana tha.Woh log gaye Police station..aur Daroga ko yehi kaha..k woh ladki Barister Laal se milne aai thi,Sohan Singh k bahane se..Barister Laal se achhi khaasi dosti hai uski. Kranti befikar ho kar ghar gayi.Ghar pahooch kar dekha Nirmal ki shaadi ki taiyyari shuru ho gayi hai,Mamijee ne kapde aur zebar ki dher laga rakhi hai.Kranti ko dekh kar kaha , "Tu kahan chali jaati hai?Ghar me itna kaam hai..teri madad chahie..aur ek tu hai.. sara din idhar udhar bhatakti rehti hai..aise bhatakti rahegi toh koi shareef admi tera haath nahi thaamega..ghar ki izzat ki zara bhi parvaah nahi hai tujh ko,chal..haath muh dho kar aa jaa..mera haath bataa..aur Nirmal se poochh le..usko kaun kaun se dhang k kapde chahie.. aur Lovely ko bula laa aur Bhagwan k lia,apne lia kuchh pasand kar,din bhar aise khaddar me ghoomti rehti hai.."

Kranti ne jawaab nahi dia..haath muh dho kar kapde badal kar Mamijee k paas aa kar baith gayi..Lovely aur Nirmal bhi aaye..

Mami--Kranti..tu kuchh choon le inme se..shaadi ka ghar hai..bahut log aayenge..ho sakta hai..koi tujhe pasand kare..unke saamne is tarha nahi jaane doongi..

Kranti--Mujhe shaadi nahi karni..

Mami--Kyaa kaha?Shaadi nahi karni?Jaan sakti hoon kyon nahi karni?

Kranti--Aise hi..

Mami--Arre..kudiye..log tere baare me baat karte hain k tu paagal hai..unki baaton ko sach saabit karne pe tooli hai kya?

Kranti--Aap Nirmal Didi ki shaadi karaao..maine nahi karni shaadi..

Mami--Jo jee me aaye kar..haan..main toh bolna bhool hi gayi..school se khat aaya hai tere naam ka..tujhe padhana hai na waha par?Pata nahi..kaun sa keeda tere dimaag me hai..padhai kar li..B.A. pass kar lia tune..ab tujhe naukri karni hai..kudiye..ghar ghrihasti k baare me kuchh sikh..Nirmal ne bhi padhai ki..par teri tarha nahi sochti..

Nirmal bahut der se sun rahi thi apni Maa ki baat...ab usne kaha ,"Maa..tum bhi na..uski marzi hai.."

Mami--Haan..main toh dushman hoon uski..yehi toh pareshaani hai aaj kal ki padhi likhi ladkion k saath..do bhale ki baat keh doon toh bura maan jaati hai..arre school me padha kar kyaa karegi?Aakhir me shaadi hi karni hai isne..iski shaadi ho jaaye..aur main apni zimmedari se chhootkara paaoon..chaar kitaaben kya padh li isne..khud ko Governer samajhne lagi.

Lovely--Mummyjee..mujhe yellow color ki woh salwar suit chahie...aur woh matching haar bhi..

Mami--Haan..tujhe wahi milegi..Lovely..kuchh Kranti ko sikha..shaadi ki umar ho gayi hai.. par is ladki ko hosh kidhar hai?Baad me khud royegi..yeh soch kar k Mamijee kitni sahi baat karti thi..

Kranti--Maine kabhi kaha k aap ghalat kehti ho?Kabhi nahi..aap kyon dimaag garam karti ho?Shaanti rakho..tabiyat fir se bigad jaani hai..

Mami--Nahi..ab shaanti nahi rakhi jaati mere se..teri shaadi kara loon..fir Lovely ki shaadi bhi karaani hai..main ek naa sunoongi..yehan padhai nahi ho sakti thi?Tujhe Calcutta bhej dia tere Mamajee ne....aur wahi se dimaag kharab kar k laai hai apna..

Kranti--Nirmal Didi..apne lia zebar pasand karo..

Nirmal--Maa..ab shaant bhi ho jaao...

*******************************

"Kyaa keh rahi hai?Aaj tu kiske saath aai hai?Sanjay k us dost k saath?Waise..maine usse abhi tak theek se pehchaan nahi ki.. uski Maa aur Bua mujhe jaanti hain..Sanjay se bahut kuchh suna hai uske baare me.Dikhne me bahut Khubsurat hai."..Kranti ki baatein sun kar Nirmal ne usse yehi kaha..

Kranti--Kyon?Sanjay ko chhod kar Rajveer par dilchasbi leni hai kya?

Nirmal--Nahi..

Kranti--Toh fir aisa kyon keh rahi hai?

Nirmal--Waise..usdin jab tu mandir gayi thi Sanjay ko bataane k main bimaar hoon..us din bhi yeh Rajveer tha?Matlab..Sanjay ne mujhe Rajveer se milaane k lia hi bulaya tha..

Kranti--Haan..

Nirmal--Iska matlab aaj teri usse teesri mulakat hui..hai na?

Kranti--Baat ko mat ghuma..Sohan Taujee se mil kar aa rahi thi..Police se jasoos lage the peechhe..unki aankhon me dhool jhokne k lia us Barister k saath aai..varna uske saath nahi aati.

Nirmal--Par tu jab andar gayi..tune toh kaha woh waha se nikal raha tha..fir tum dono ki mulakat kaise hui?

Kranti--Ho sakta hai kisi aur se baat kar raha tha..

Nirmal--Sadak k kinaare gaadi rok kar?Kaun tha waha?Ho naa ho..jail k andar usne tujhe dekha..baahar nikal kar tera hi intezar kar raha tha..

Kranti--Bakwas mat kar..

Nirmal--Us din jab apni Bua k saath mandir aaya tha..usdin jis tarha tujhe dekh raha tha.. main samajh gayi..maamla gadbad hai..

Kranti--Mujhe neend aa rahi hai..ohh..haan...batana bhool gayi..Taujee ne tujhe dher sara pyaar dia hai..aur mubarak baat bhi.Aur apna ashirwad bhi..

Nirmal--Taujee k case ka kyaa hua?

Kranti--Kalapani yaa faansi,aisa Taujee keh rahe the,par main aisa hone nahi doongi, khair ..Taujee ne mujhse kaha ..k main Shubhankar se shaadi kar loon..

Nirmal--Achha?Tune kyaa kaha?

Kranti--Maine inkaar kar dia..woh dost hai mera..usko kabhi us tarha dekhne ka mann hi nahi kia.Shubhankar se shaadi?Nahi..kabhi nahi..

Nirmal--Inkaar ki koi khaas wajah?Koi aur?

Kranti--Nahi..bas..mujhe shaadi nahi karni..main akeli hi khush hoon..

Nirmal--Koi akele nahi jee sakta Kranti..humen kisi na kisiki zaroorat hoti hai zindagi me..

Kranti--Mujhe kisiki zaroorat nahi hai..

Nirmal--Tu nahi samjhegi..

Kranti--Tu apni shaadi k baare me soch..kuchh hi din reh gaye hain..mujhe neend aa rahi hai..

*********************************

"Kaake..chal..mere saath mandir chal..Parjaai k pairon me dard hai..tu hi chal.."

Buajee ki baat sun kar Raj ne kaha ,"Buajee..court k zaroori kaagzaat dekhne hain mujhe..main kaise jaa sakta hoon mandir?Aap Jagat Kaka ko le jaaiye.."

Bua--Woh bazaar gaya hai..tu chal mere saath mandir..

Raj--Mujhe mandir jaana achha nahi lagta..

Bua--Naastikon jaisi baat mat kar Kaake..chal mandir..

Rajveer ko majbooran jaana pada Buajee k saath,wahi se nikal jaayega court k lia.Buajee ko gaadi me bhej dega ghar..khud taanga pakad lega.Mandir me jaa kar Raj ki mulakat Kranti se hui.Par Bua k saamne Kranti se baat kaise karega Raj?Buajee ne Kranti ko pehchaan lia..

Bua--Arre..tum Kranti ho na?

Kranti bhi chauk gayi thi Raj aur uske Buajee ko dekh kar..mann hi mann usne yeh socha k zaroor Rajveer uska peechha kar raha hai..mandir me wahi laaya hai apni Bua ko.

Bua--Kyaa hua?Kranti ho na tum?

Kranti--Jee..Sat Sree Akal.

Bua--Aaj is waqt mandir me?

Kranti--Aaj kaam ka pehla din hai..socha mandir aa kar ashirwad loon..

Bua--Kaam?

Kranti--Yehan k ladkion k school me padhaane ka kaam ..

Bua--Ohh..haan..tum toh Calcutta se padh kar aai ho..par Puttar tumko achha lagta hai is tarha baahar kaam karna?Shaadi kar k ghar basaane ka mann nahi karta?

Kranti--Jee nahi..mujhe shaadi nahi karni..

Yeh sun kar Raj chauk gaya..shaadi nahi karni isko?Fir Raj ka kyaa hoga?Raj kisse shaadi karega?

Bua--Har ladki ko shaadi karni padti hai..

Kranti--Aisa zaroori nahi hai..aur padhana mujhe bahut pasand hai..jo mujhe achha lagta hai main wahi karti hoon..main apni marzi ki maalkin hoon..

Bua--Aisa tum sochti ho..tumhare gharwale toh aisa nahi sochte honge?

Kranti--Mere parivaar me koi zinda nahi hai..issi lia mere baare me aisa koi sochega hi nahi..

Bua--Kaisi abshagooni baatein karti hai?Tere Mama Mami?Unhone tujhe paal pos kar bada kia..

Kranti--Bilkul kia..par mere Maa-Baap nahi hain..woh kahte toh main shaayad kar bhi leti shaadi..par woh nahi..toh mere par koi bandeesh nahi..main wahi karoongi jo mera dil kahega..achha..mujhe der ho rahi hai..main chaloongi..Sat Sree Akal..

Kranti nahi rooki..woh bhaag gayi.

Raj--Aap mandir me aai thi puja karne,kyon uske saath ulajh gayi?Achha lag raha hai waisi baatein sun kar?Aap bhi na,chalie,jaldi kariye,mujhe bhi der ho rahi hai..aap ko ghar tak hi chhod deta hoon,main bhool hi gaya tha k main hi gaadi chala kar laaya hoon aapko..driver nahi hai saath me..chalie..

Bua--Yeh ladki aisi hi baatein karti hai..

Raj--Ek baat bataaiye..aapko uske baare me itna kaise pata?

Bua--Pata karne me kitni der lagti hai?

Raj--Aapko zaroorat kyaa hai itna sab jaanne ki?

Bua--Jaise tu nahi jaanta..main soch rahi thi is kudi k saath tera biha hona chahie..tere lia ek dum sahi ladki hai..Bibi Rani ki Bahen tere laayak naa thi..tu itna padh likh kar aaya hai vilaayat se..teri gharwali bhi teri takkar ki honi chahie..

Raj--Buajee..mere takkar ki gharwali dhoondhte dhoondhte ek paagal k saath mera biha karane par tooli hain aap?Aisi badtameez ladki..itna ghamand hai usko..naa jaane kis baat par itna eetra kar chalti hai..aapko yeh pasand hai mere lia?

Bua--Kaake..tu kaunsa doodh ka dhoola hai?Tu ghamandi nahi hai?Gharwalon se achhe se baat karta hai..baahar apne office k logon se tu jis tareeke se baat kare hai..sab ki khabar hai mere paas.

Raj--Aap isi lia mujhe mandir laai na?Usse milvaane k lia?Sorry Buajee..fir kabhi aap aisi koshish naa kare..

Buajee ko ghar pahoocha kar Raj court aaya..kisike zameen ka mukaddama hai..aaj hearing hai..hearing ho bhi gayi..Raj k favour hi jaayega yeh case..agli hearing tak case nipat bhi jaayega..Court se Raj seedhe ghar hi jaanewala tha achanak usko yaad aaya.. Kranti aaj school gayi hai ..padhaane..Raj ne pata kia..school ki chhutti kis waqt hoti hai.. aur jaa pahoocha school k paas.Raj khada khada cigar pee raha tha..adha ghanta baaki hai chhutti hone me.Raj khud samajh nahi paa raha hai k woh kyon intezar kar raha hai yehan..usdin sunsaan sadak par Kranti ko chhod kar naa aana..samajh me aata hai..par aaj kyon khada hai is tarha ..Raj nahi jaanta..Buajee k saamne Raj ne akad toh dikha li.. par Kranti se milneka mauka pata nahi kyon nahi chhodna chaahta Rajveer.

Raj ne dekha Kranti nikal rahi hai..kisise baat karte karte nikal rahi hai.Kranti ne Raj ki taraf dekha hi nahi..saathwali aurat k saath baat karte karte nikal gayi..Raj ne kuchh der intezar kia..aur fir apni gaadi le kar Kranti ka peechha kia..kuchh der jaa kar dekha woh aurat kisi doosri gali me chali gayi..Kranti akeli hi jaa rahi hai..Raj ne uske paas aakar gaadi khadi kar di..Kranti ne Raj ko dekha.Raj gaadi se baahar aaya.

Kranti--Sat Sree Akal..

Raj--Ohh..aap pehchaanti hain mujhe?Thodi der pahle jis tarha aap muh fer kar chali aai..

Kranti--Aap kahan the?

Raj--Main school k paas se guzar raha tha..aapko dekha..gaadi rok kar aapka intezar karne laga..socha aap mujhse aakar milengi zaroor..par aap toh..

Kranti--Maaf kijiyega..maine aapko dekha nahi..asal me main apna kaam samajh rahi thi.. zaroori baat kar rahi thi ..toh..I am sorry..

Raj--Khair..kaisa raha aaj ka din?Achha laga?Ohh..haan..aap toh wahi karti hain..jo aapko achha lagta hai..hai na?Aap ko achha hi laga hoga..

Kranti--Matlab?

Raj--Aaj subha..aapne jis tarha Buajee se baat ki..don't you think that it was a bit out of proportion?Usko badtameezi nahi samajhti aap?

Kranti--Mr.Laal..maaf kijiyega..main pareshaan thi..aaj kal thodi si pareshaan hoon.

Raj--Sohan Singhjee k case ko le kar?

Kranti--Woh pareshaani toh khair hai hi..aur bhi pareshaanian hain..subha mandir me jab thi tab sar fat raha tha dard se..aapki Buajee ne shaadi ki baat chhed di..aur main bhadak gayi..main jab miloongi unse,maafi maang loongi.Main sach me samajh nahi paai k maine aise kyon react kia...I am really sorry..

Raj--Khair..pareshaani ki wajah jaan sakta hoon?Agar aap batana chaahe toh..

Kranti--Asal me..aapko batane me kyaa jaata hai?Aap thode hi sab ko batate phirenge..?

Raj--Aisi kyaa baat hai?

Kranti--Woh..ek ladka hai...bachpan ka dost hai mera..Taujee keh rahe the..k meri shaadi usse ho jaaye toh achha hoga..

Raj--Achha?Toh isme pareshaani kyaa hai?

Kranti--Main shaadi karna nahi chaahti..aur woh mera dost hai..usko us nazar se dekha nahi maine..

Raj--Toh ab dekh lijiye..problem solved..

Kranti--Hum dost hain..jis tarha aap aur Jeejajee dost hain..ussi tarha..bachpan se saath khele..bade hue..main issi rishtey me khush hoon..shaadi jaisi complicated baat ko laakar khamokha rishta nahi bigaadna mujhe..aur sab se badi baat..main kaise samjhaaoon?Main kisi se bol nahi paa rahi hoon..

Raj--Kahiye..main sun raha hoon..

Kranti--Mujhe usse shaadi nahi karni..woh dost hai..usse zyada kuchh nahi..main kabhi woh sab mehsoos nahi kar paaoongi uske lia..jaisa Nirmal Didi Jeejajee k lia mehsoos karti hain..unki baaton se pata chalta hai.

Raj--Suna..maine ..samajh bhi gaya..aapne apne Taujee se kyaa kaha?

Kranti--Maine bol dia..mujhe nahi karni usse shaadi..

Raj--Aapne bol bhi dia..arre waah..toh pareshaani kis baat ki hai?

Kranti--Arre..sab log mujhe chhed rahe hain..jaise sab dhamki de rahe hain k agli shaadi meri hi honi hai.Nirmal Didi ki ho jaaye,bas,uske baad hi meri shaadi kara denge yeh log.. sab chidha rahe hain mujhe..aur aaj subha aapki Buajee ne chheda mujhe..aur main pahle se chidhi hui thi..aur unke saath badtameezi ki maine..main bahut pareshaan hoon..

Raj--You know what?Main bhi thode din pahle isi daur se guzar raha tha..mere gharwalen mere peechhe pade the,par sab theek ho gaya,mere Baojee bata rahe the k mujhe London bhej kar..aur itna padha likha kar ghalati kar di unhone..

Kranti--Meri Mamijee bhi meri padhai ko hi kos rahi thi..kaise samjhaaoon..padhai likhai se iska koi naata nahi..koi nahi samajhta..

Raj--Sad..I must say..so..now what?

Kranti--Nahi pata..waise Taujee is tarha giraftar naa hote toh main Lahore chhod kar jaa chuki hoti..apne shaher..Amritsar..

Raj--Matlab?

Kranti--Haan..Amritsar..jahan main paida hui..wahi chali jaati..jahan koi rokne wala nahi hota..koi tokta nahi mujhe..apni marzi se jeeti main..

Raj--Matlab..kisi bhi surat me aap shaadi nahi karti...hai na?

Kranti--Haan..laakhon log shaadi karte hain..ek meri naa hogi..toh kaunsa bhookamp aayega?

Raj--Sahi baat hai..aur isi lia aap itni naraz hain..main samajhta hoon..abhi aapka dimaag shaant hua?

Kranti--Haan..par log jis tarha mere peechhe pade hain..mujhe darr lag raha hai..sach me agar meri shaadi ho gayi toh?

Raj--Haan..yeh baat bhi sochne laayak hai..

Kranti--Main chalti hoon..der ho gayi..Mamijee pareshaan hongi..aur mujhe fir se chaar baatein sunaayengi..

Raj--Chaliye..main chhod deta hoon..

Kranti--Nahi..main chali jaaoongi..paanch minute lagenge..main chali..Sat Sree Akal..

Raj kuchh keh paata isse pahle hi Kranti chali gayi..kuchh der khade reh kar Raj bhi ghar ki taraf nikal pada.

**************************************************

She is sadist..

Ab tak Raj ki yehi opinion thi Kranti k baare me..ab Raj ne kuchh aur bhi likha..ab Raj ki diary me yeh likha gaya..

She is sadist..and she is a loner.She is ...I don't know.

Yeh ladki samajh me nahi aati hai Raj ko..jab bhi akele me milti hai..bahut si baatein karti hai..kisi k saamne baat nahi karti..Rajveer se jab akele me milti hai..tab maano apna dil nikaal k rakh deti hai uske saamne.Hawa k thande jhonke ki tarha aati hai..aur ussi tarha chali jaati hai..do baar is tarha mulakat hui Kranti se,aur Raj ko achhi lagi hai dono mulakatein..par har baar Kranti k baare me dil me kai saare sawal uthe..jiska jawaab ek din Kranti se maangega Rajveer.

Haal hi me khabar aai hai k koi writer hai..jiski kitaab chhapi hai..kitaab me koi burai nahi hai..par is kitaab se jo royality mil rahi hai..sara paisa Sohan Singh k case me kharch ho rahe hain.Prem Babu..jinke press par Raj ko claim karna pada..jo case Rajveer jeetne hi wala hai..usi press se chhap kar nikli hai yeh kitaab,log bahut pasand kar rahe hain is kitaab ko..is kitaab me aisa kuchh nahi hai...jisse Government isko ban kar sake..isi baat ka faaida Krantikarion ne uthaaya hai..kitaab beek rahi hai..woh sara paisa yeh log apne kaam k lia istemal kar rahe hain.Pehli baar yeh kitaab isi press se nikli thi..aaj iski badhti chaahat ko dekh kar Lahor aur pure Punjab k bahut se publication house ne is writer ko proposal dia hai..unke lia kitaab likhne ko.Ho naa ho..is writer k saath Krantikarion k gahre tallook hain.Varna apni mehnat ki kamai ko is tarha paani ki tarha baha dena kahan ki akalmandi hai?

Khair..do din baad..press par Government ka kabza ho gaya..sirf press par..kyonki Prem Babu k paas press k kaagzaat nahi the..issi lia..press par unka koi hak nahi raha,par press ko chhod kar jo zameen thi..uspar Goverment ka kabza nahi ho paaya..fir bhi Government ki taraf se ailaan kia gaya k us zameen par aisi koi harkat nahi honi chahie jisse Krantikarion ko madad mile.Us zameen par bagh ban sakti hai..rahne k lia guest house bhi banaye koi..par Government k ijazat ki zaroorat padegi.Us zameen k upar press nahi ban sakti ..press k saare machines Government ne zapt kar li..aur woh imarat hi tod di gayi..sirf zameen hai,,jis par Prem Babu ka hak hai..

Us press k tootne se Lt. Governer bahut khush hue.Rajveer ko shabashi mili.Lala Kulbhushan Laal ki Raibahaduri ka raasta thoda aur aasaan hua.Par Sohan Singh ka case Rajveer ne nahi lia.Raj ne kaha k Lahore aur pure Punjab me Sohan Singh k chaahnewale kum nahi hai..aise me Raj ka is case me hona khatre se khaali nahi...ho sakta hai Lahore k Krantikari hi us par humla kar de.Akele Sohan Singh hi target nahi hain,Raj in aatankvadion ko jadon se milata chaahta hai..iske lia zaroori hai Krantikarion ki kumzor nas ko pakadna..har woh raasta bandh kar dena jaha se yeh ladhne k lia hathyar laate hain..har woh zaria bandh karna kahan se inko paise milte hain.Apne aap hi yeh log haar maan lenge..Raj dheere dheere isi tarha kaam karna chaahta hai.Sohan Singh se seedhe uljhega toh Raj ko hi luksaan hai...Sohan Singh ki Bhatijee bhi haath se jaayegi..aur Lahore k logon se alag se bad-dua milegi..

Lt.Governer se shabashi mili..aur Lala Kulbhushan Laal bade khush hue.Rajveer par unka gussa bhi kum hua,Raj ko kisi bhi haal me apne Baojee ko Raibahaduri dilaani hai..ho sakta hai..woh Kranti ko Bahu k roop me sweekar kar le..Buajee k kahne par.

Yet another very well written piece ananya.