HUMTUM (a RagVir story)..FF..Pts 31,32..Uptd..Pg56 - Page 6

Ranvir ke dil mein ajab si kasak uth rahi thi jab usne Ragini ko dance karte hue dekha……usse lag hi raha tha ke shayad Ragini ne usko dekh liya hoga….kyunki Ragini goonghat mein thi magar baar baar Ranvir ki taraf dekhe jaa rahi thi…..Ranvir mehsoos kar raha tha ke Ragini shayad khush nahi hai…..aur voh bhi iss baat se bechain ho gaya.

Vasu bhi Ragini ko dekhe jaa rahi thi….usse achcha nahi lag raha tha….usse Ragini toh Ragini, Sadhna par bhi gussa aa raha tha…..Vasu ko magar ek baat ka itmenaan tha ke uske kuch bhi karne se pehle Ranvir khud Ragini ko thukra dega jab voh usse dekhega.

Yaha mami aur mamaji bhi pareshaan the ke Ragini ne goonghat kyu odha tha…..phir kaushaliya ne Ranvir, sadhna aur Alekh ko dekha…..usse achcha nahi laga jaise Ranvir Ragini ko dekhe jaa raha tha.

Ranvir bechain ho raha tha ke Ragini kab goonghat uthayegi aur kab usse nazre milayegi…..lekin kisiko iss baat ki khabar nahi thi ke Ragini uss goonghat ke peeche ro rahi thi…uska dil ro raha tha iss darr ke marein ke pata nahi Ranvir usse dekhne ke baad….usse aur uske pyar ko accept karega ya nahi.

Ragini ne darte hue goonghat uthaya aur ek do steps karke neeche dance postion mein gir gayi….uski himat nahi ho rahi thi aankh utha kar ranvir ko dekhne ki.

Phir usne dheere se nazre uthaa kar dekha toh Ranvir wahi tha per uske chehre par smile nahi balke pareshaani thi….Ragini yeh dekh nahi payi…usne nazre pher li.

Ranvir pareshaan tha yeh sonch kar ke kahi Ragini ko kuch hua toh nahi….usse ek pal ke liye aisa laga jaise Ragini jab giri toh usse chot lagi thi…..per voh khush tha ke Ragini ne goonghat utha kar usse dekha….lekin jab ragini ne nazre pheri toh Ranvir kuch samajh nahi paya ke voh kya sonch rahi thi.

Ragini ne phir se palat kar dekha…uski aankhon mein aansoon the….voh jab Ranvir ki ore dekhi toh iss baar Ranvir ne usse dekh kar smile kiya aur clap karne laga.

Ragini ka dil zor se dhadka khushi se….usne rote hue smile kiya aur Ranvir ko ek took dekhne lagi…..aur Ranvir ne bhi usse apni smile aur aankhon se tasalli di.

Ragini ab dil khol kar muskura rahi thi….aur sabki nigahein achanak se Ragini aur Ranvir ki taraf ho gaye.

Thaliyon ki goonj mein ek taraf kaushaliya pareshaan thi apni beti ke liye aur dusri taraf Vasu naraaz thi apne bte ke liye….magar inn sab mein sabse zyaada khush hue Sadhna aur Alekh.

Ragini ko Ranvir ki ore dekh kar muskurate hue dekha toh Vasu jhat se Ranvir ki taraf palti aur chaunk gayi….kyunki yaha Ranvir bhi muskura raha tha…..Vasu ko ek minute ke liye apni aankhon per yakeen nahi aaya…..aur uska gussa Sadhna, Ragini aur unke ghar walo ke khilaaf bhad gaya…..ab usne thaan li ke voh inn logo se aisa badla legi ke inko khabar bhi nahi hogi…..aur gusse mein voh waha se chali gayi.

Per jaate jaate Vasu ne palat kar Ranvir se poocha ke voh uske saath chalega ya nahi….toh Ranvir ne baat taalte hue kaha…"nahi mom….mujhe zara kuch kaam hai…kisi aur jagah bhi jaana hai toh aap chaliye….main peeche nikalta hoon."

Vasu waha se bahut gusse mein chali gayi…..aur Prakash chand ji aur kaushaliya ko dekhte hue bhi unhe greet nahi kiya.

Kaushaliya ko isi bartaaw se darr tha….voh bhi jaan chuki thi ke shayad Vasundharaji Ranvir aur Ragini ko ek dusre ki ore muskurate dekh naraaz ho gayi…..kaushaliya ne sonch rakha tha ke voh Ragini se iss baarein mein zaroor baat karegi….magar ab toh usse Taj Mahotsav khatm hone ka intezaar karna padega.

Ranvir ne Sadhna se kaha ke…"bhabhi…..main abhi aata hoon."

Sadhna ne usse chedhte hue bola….."haan haan…jayiye dewarji….voh bhi aapka intezaar kar rahi hogi."

Ranvir ne smile kiya aur waha se uth kar backstage chala gaya.

Backstage per security ke log kisi aur ke saath baatein kar rahe the toh Ranvir ladkiyon se poochte hue Ragini ke room ki taraf aa gaya….lekin voh andar jaa hi raha tha ke andar se do ladkiya bahar aayi toh Ranvir ne poocha…."Raginiji??"

Ladkiyon ne kaha…."ji haan voh andar hi hai…jayiye."

Ranvir andar aaya toh Ragini aaina dekh muskura rahi thi…usne kaha…."Anamika ??"

Ragini jhat se palti aur dheere se kaha…."Anmol."

Ranvir ne ek badi si smile di aur paas aate hue kaha…"chaliye shukr hai….ke hum inn naamo ke aage toh 'ji' nahi lagaate……waise toh Ranvirji se achcha Ranvir bhi lagta hai."

Ragini smile nahi kar rahi thi magar uski khushi ka koi thikana nahi tha….uska dil zor zor se dhadak raha tha….yakeen hi nahi aa raha tha ke….Ranvirji usse pyar karte hai aur uske paas khade hai…..voh neeche dekh apne duppatte se khelne lagi.

Ranvir uske aur paas aaya aur bilkul uske saamne khada ho gaya….aur kaha….."maine kaha tha na ke main aaj tumse mile bina nahi jaaonga…..kuch bhi ho jaaye….aaj hamara milna bahut zaroori tha…..mere liye bhi aur meri Ragini ke liye bhi."

Ragini ko aisa lag raha tha ke uski saanse tham jaayengi…tabhi Ranvir ne uska haath pakda aur kaha…"maine tumhe dekh bhi liya aur mil bhi liya……bas itna kehna tha ke main tumse abhi bhi utna hi pyaar karta hoon jitna pehle karta tha."

Ranvir ne Ragini ko dekhte hue ek bada sa pause liya aur kaha…."ab…..tumhare jawaab ka intezaar karunga…..aur agar tum bhi mujhse pyar karti ho toh tumhe sabke saamne meri nazro se nazre mila kar kehna hoga."

Phir dheere se Ranvir ne Ragini ka haath choda aur waha se chala gaya…..Ranvir ke jaate hi Ragini apna chehra apne haathon mein chupaye muskuraye jaa rahi thi.

Ranvir bhi muskurate hue bahar aa gaya…..bas usse intezaar tha toh Ragini ke izhaar ka.

Ranvir yaha bechain ho raha tha ke usne Ragini ko sabke saamne izhaar karne ke liye keh toh diya….per kya voh aisa karegi….kyunki jaha tak voh ragini ko jaanta hai…..voh bahut shaant swabhaav ki ladki hai…..apne dil ki baat khul ke bata bhi nahi payegi……phir usne sar hilate hue soncha ke voh apne pairon per khud hi qulhadi maar aaya.

Ragini ko samajh nahi aa raha tha ke voh sabke saamne kaise kahegi apne dil ki baat…..sabke saamne chodo….voh toh akeli bhi nahi keh payegi ranvir ko ke voh usse pyar karti hai…...per voh Ranvir ko naraaz bhi nahi karna chahti thi.

Ragini sonch hi rahi thi ke kya karein….waha udhar se announcement hui ke Ragini Taj Mahotsav jeet gayi….uski dance teacher aur saari ladkiya aayi aur usse waha congratulate kiya aur stage per le gayi.

Manini ne ragini ko kuch kehne ke liye kaha toh Ragini hichkichane lagi…..usne mic liya aur kaha….."main bahut abhaari hoon Taj Mahotsav ke sponsors ki aur Hemaji ki….ke unhone mere performance ko appreciate kiya….aur main isse zyaada kya kahoo….bas itna ke…..main pyaar karti hoon….."

Ragini ne nazre uthaa kar Ranvir ko dekha toh Ranvir ke chehre per ek sharaarti muskurahat thi….Ragini ko pata tha ke voh jaan bhoojh kar uska imtihaan le raha hai….usse pata hai ke voh sabke saamne nahi keh payegi per phir bhi usne yeh shart rakhi.

Ragini ne kuch sonch kar phir se kaha….aur ab ki baar usne ranvir ko dekhte hue kaha…."main pyar karti hoon….ap..ne dance se."

Yeh sunte hi Ranvir ne sar jhuka liya aur uske honton per ek badi si smile aa gayi….usne apna haath chair ki handle per taek kar apne ungliyon se apni smile chupaate hue Ragini ko sharaarti nazron se dekha.

Ragini ke dil mein ek gudgudi si hui jab usne Ranvir ko smile karte dekha…..voh bhi apni muskurahat chupa nahi paayi phir apni thank you speech continue karte hue kaha…."bas itna hi chahungi ke aap log mujhe apna aisa hi pyar dete rahe aur mere kaam ko appreciate karte rahe……dhanyavaad."

Taj Mahotsav khatm ho gaya aur sab chale gaye….Ragini ne idhar udhar se jhaank jhaank kar Ranvir ko doondhne ki bahut koshish ki…..phir usse Sadhna mili….Ragini ne baatein banate hue jab Ranvir ke baarein mein poocha toh Sadhna ne kaha ke…."Ranvirji toh show qatm hote hi chale gaye…..kya baat hai jiji kuch kaam tha kya?"

Sadhna ke sawaal per Ragini thoda sa hichkichai phir dheere se kaha…."nahi Sadhna….main toh bas aise hi poocha rahi thi…..tumhare sasural se aur koi dikh nahi raha tha na…..isliye."

Sadhna samajh gayi….usne muskurate hue kaha…."ohh achcha isliye…..main samjhi shayad aapko kuch Ranvirji se kehna toh nahi tha….jo aap keh nahi paayi."

Yeh sunte hi Ragini ki aankhen sharm se jhuk gayi..uske honton per ek pyari si smile aa gayi….toh Sadhna ne jhat se usse gale lagate hue kaha…."ohhhh jiji main bahut khush hoon aaj…."

Ragini ne jaldi se Sadhna ko kaha…"sshhh Sadhna….dheere se kahi koi sun na le."

Sadhna ne sar hilate hue kaha…"sunta ho toh sunle jiji…..ab hamein yeh baat chupaane ki koi zaroorat nahi."

Ragini ne kaha…"zaroorat hai Sadhna….isliye kyunki maine abhi Ranvirji se apne dil ki baat nahi kahi….aur shayad Ranvirji naraaz ho gaye isliye show qatm hone per ruke bhi nahi aur chale gaye."

Sadhna ne Ragini ko itmenaan dilate hue kaha…"nahi jiji….mujhe pura yakeen hai ke Ranvirji aapse naraaz toh nahi honge per shayad abhi bhi wait kar rahe honge aapke jawaab ka."

Ragini ne soncha ke.."bhagwaan kare aisa hi ho….voh mujhse naraaz na ho….lekin ab main apne dil ki baat kahoon bhi toh kaise….pehle aisa lagta tha ke jab main Anmol se milungi toh apna pyar chupa nhai paaongi…..per jab se pata chala hai ke Ranvir hi Anmol hai….mere toh chah kar bhi baat zabaan tak nahi pahunchti….na jaane kyu Ranvirji ke saamne aate hi mera dil toh zor zor se dhadakta hai per zabaan kuch nahi bolti….ab main karoo toh kya karoo…..karna kya hai….dil ki baat batani hai…pyar ka izhaar karna hai….lekin kaise ??"

Ragini apne hi sawaalo ke jawaab doondh rahi thi toh usme aur sawal aa rahe the….voh bahut bechain thi….darr rahi thi toh sirf iss baat se ke kahi Ranvir naraaz na ho jaaye agar usne apne dil ki baat nahi batayi toh….yehi sonchte sonchte kab uski aankh lag gayi pata bhi nahi chala.

Kaushalya….Ragini se baat karne uske kamre mein aayi toh voh so rahi thi….kaushaliya ko laga ke kahi Ragini aur Ranvir ke beech koi baat toh nahi chal rahi….voh bilkul nahi chahegi ke Ragini aur Ranvir ke beech koi baat bane….voh bas itna chahti thi ke uski beti Ragini khush rahe….aur usse yeh pata tha ke Ragini Sadhna ke saath ek hi sasural mein kabhi khush nahi reh payegi.

Voh pareshaani mein idhar udhar ghoomne lagi….phir usne soncha ke voh Ragini se kal hi pata kar legi baton baton mein agar aisi kuch baat ho toh.

Aadhi raat ho gayi….aur yaha Ranvir ko neend hi nahi aa rahi thi….voh baar baar phone ko dekhe jaa raha tha…sonch raha tha ke call karoo ya nahi…..lekin itni raat ko call karna kya theek hoga….usse kuch samajh nahi aa raha tha….per usse raha nahi gaya….usne Ragini ke ghar ka number dial kiya.

Phone bajta raha koi response nahi aa raha tha….phir voh phone rakhne hi wala tha ke achanak udhar se awaaz aayi…"hello ??"

Ranvir kuch deir khamosh ho gaya….yeh sonch raha tha ke yeh Ragini hi hai ya koi aur…..toh phir se waha se awaaz aayi…."hello Anmol ??"

Ranvir ki honton per ek badi si smile aa gayi….usne kaha…"shukr hai aapne phone utha liya….varna main raat bhar so nahi paata."

Ragini ko pata tha ke Ranvir kya kehna chah raha tha…lekin phir bhi usne poocha…"kya matlab??"

Ranvir bhi samajh gaya ke Ragini sirf usse tang kiye jaa rahi hai…usne kaha…."matlab yeh ke aapne thaan li hai ke aap mujhse apne dil ki baat nahi kahengi??"

Ragini kuch nahi keh paayi toh Ranvir ne kaha…"theek hai koi baat nahi…"…..bas itna kehkar voh chup ho gaya.

Udhar se koi awaaz nahi aayi toh ragini pareshaan ho gayi….bas usne phir se Anmol kaha….koi response nahi….phir usne apne aap ko correct karte hue kaha…."Ranvirji??"……….koi response nahi….aakhir mein Ragini ne soncha ke pata nahi line ko kya hua….voh phone rakhne wali thi phir bhi soncha ke ek baar check kar loo….usne kaha…."Ranvir…aap ho line per ??"

Apna naam Ragini ke zubaan se sunte hi Ranvir se raha nahi gaya….pehle voh Anamika ke Anmol pukarne per bahut khush hota tha….lekin ab Ragini ne jab usse Ranvir kaha aur Ranvirji nahi toh Ranvir ke aankhon mein ek chamak si aa gayi.

Usse iss baat ki khushi bhi thi ke Ragini bhi usse baat karne ko bechain hai….warna itni deir tak phone hold karke nahi rakhti.

Usne badi shararat se poocha….."ek baat batayiye Raginiji….mujhse baat karna kya aapko pasand nahi hai ??"

Ragini ne jhat se answer kiya…."aisi koi baat nahi hai…..aap aise kyu pooch rahe hai??"

Ranvir ne kaha…"nahi bas isliye kyunki…..maine notice kiya hai ke….pehle toh aap Anmol se bahut baat karti thi….aur ab Ranvir se bilkul hi baat nahi karti."

Ragini kuch kehna chah rahi thi….tabhi Ranvir ne continue karte hue bade hi serious tareeqe se kaha…"kya aapko aisa lagta hai ke hum na milte toh achcha tha."

Ragini ko bahut takleef hui ke Ranvir ko itna bura laga uske baat na karne ka….usne dheere se kaha…."nahi milte toh shayad main apne Anmol ka hamesha intezaar karti….lekin jab se aap se miloo hoon….toh ek darr sa laga hua hai ke kya aap mujhe apne layak samajhte hai….kya mian koi khwaab toh dekh rahi hoon….mujhe aur mere dil ko thoda waqt toh chahiye tha na….agar aapko iss baat ka bura laga ho toh mujhe maaf kar di jiye."

Ranvir ne mouqa samajh kar jhat se kaha…."sirf ek shart per maafi milegi….agar tum mujhse milo toh…..abhi."

Ragini ke poore skin per jaise kaante se daud gaye…usne chaunk kar poocha…."abhi ???"

Ranvir ne bade hi shararti tareeqe se kaha…."haan abhi….main aa raha hoon tumhare ghar….mujhe tumse abhi milna hai."

Ragini darr ke mare idhar udhar dekhne lagi….phir usne kaapti awaaz mein kaha…."nahi please nahi….itni raat ho gayi hai….koi dekhega toh kya kahega….please."

Ranvir apne kamre mein hi khada hua tha…lekin Ragini ko sataye jaa raha tha….usne kaha…"mujhe kuch nahi sunna…main apni car mein baith raha hoon…abhi aa raha hon."

Ragini ka haal rone jaisa ho gaya…usse ghar walo ki fikr ho rahi thi….usne kaha…."please Ranvir….please aisa mat kijiye….hum kal bhi toh mil sakte hai….please."

Ranvir ne chance per chance samjha kar jhat se bola…."theek hai toh kaho ke tum bhi mujhse pyaar karti ho??"

Ragini ko darr ke mare kuch sooj hi nahi raha tha….voh wahi kahe jaa rahi thi jo ranvir keh raha tha…usne kaha…"ji Ranvir….main aapse bahut pyar karti hoon…bas ab toh maan jaayiye."

Ranvir wahi apne kamre mein khada muskuraye jaa raha tha….usne kaha…"maan jaane ka dil toh nahi kar raha….kyunki mera dil toh tumhe dekhna chah raha tha….per theek hai…main kal tak intezaar kar loonga….per yaad rahe hum kal mil rahe hai??"

Ragini ke saans mein saans aayi….usne aah bharte hue kaha…"ji."

Ranvir, Ragini ka haal samajh sakta tha….voh shararat se muskuraye jaa raha tha…usne bade hi pyar bhari awaaz mein dheere se kaha…."see u in the dreams."

Ragini ke poore body mein jaise ek bijli si daud gayi…voh muskurayi….aur apne dil per haath rakh kar chain ki saans li….phir Ranvir ki baatein sonch kar dheere se hasne lagi….bed per laet te hue Ragini ne haste hue kaha…"see u in the dreams."….aur aankhen band karte hue kal ka intezaar karne lagi.