HUMTUM (a RagVir story)..FF..Pts 31,32..Uptd..Pg56

HUMTUM


HUM TUM is a story of Ranvir and Ragini and how they were suppose to meet as Anamika and Anmol.
But how Ranvir comes to know that Ragini is Anamika and the story goes on from there.

i hope u'll like it.

(Banner provided by sweet_shagun.................thanks a lot shagun for ur contribution).😊

Part 1

Park mein Ragini khadi intezaar kar rahi thi....hawa se baal udd rahe the....jahan paed ke neeche khadi thi vaha suke patte hawa se udd rahe the..

baal muh per aaye toh unhe hatane ki koshish mein lagi thi ke waha se ranvir aaya.

ranvir ki nigahen bhi apni anamika ko doondh rahi thi....phir uski nazar door khadi ladki per padi jo apne baalo mein uljhi hui thi.

Ranvir uska chehra nahi dekh paa raha tha...per jab usne gaur se dekha usse toh.....uss ladki ne wahi color ka suit pehna tha jo anamika aur anmol ne decide kiya tha...

Ranvir usse gaur se dekhte hue aage badh raha tha....phir ussne uska color notice kiya.....jaane kyu Ranvir ko laga ke jaise voh usse jaanta hai...pehchaanta hai.

thoda aur khareeb aane laga toh usse aur andaaza ho raha tha....voh guess hi kar raha tha ke voh Ragini hai....tabhi Ragini Ranvir ki taraf palti aur ek dum se shock ho gayi usko dekh kar.

Ranvir usse khamoshi se dekh raha tha.

Ragini thoda embarass ho rahi thi....per usne Ranvir ko dekh kar pareshaani mein yeh bhi nahi dekha ke Ranvir ne vohi color ki shirt pehni hai jo Anmol ne decide ki thi.

Ragini toh bas yehi sonche jaa rahi thi ke pata nahi Ranvir ji uske baare mein kya sonch rahe honge ke voh yaha akele kyu khadi thi.
badi himmat se Ragini Ranvir ki taraf dekh kar boli...."aap Ranvirji.....aap yaha kaise ??"

Ranvir jab tak usse gaur se dekhe jaa raha tha....per achanak Ragini ke sawaal ne usse hosh mein laaya aur usne bade hi polite tareeqe se excuse banate hue kaha..."voh Raginiji main.....main yaha apne doston se milne aaya tha...."

jaan bhooj kar Ranvir ne doston kaha jab ke ab tak voh jaan chuka tha ke voh jis anamika se milne aaya tha....voh Ragini hi hai.
Ranvir ko khud nahi samajh aa raha tha ke usne bahana kyu banaya....seedhe se rangini ko bataya kyu nahi ke voh hi uska anmol....

Phir na chahte hue bhi Ranvir ne Ragini se pooch liya ke voh yaha kya kar rahi hai...

Ragini ne ghabraate hue kaha ke....main....main apni saheli se milne aayi thi....abhi tak aayi nahi hai toh intezaar kar rahi hoon."

Ranvir ne phir usse gaur se dekha....ab Ranvir ko Ragini bilkul hi alag lag rahi thi....apni sadhna bhabhi ki behen nahi per bilkul hi alag ek ladki jisse milne ke liye ranvir na jaane kab se bechain tha."

Ranvir ne phir politely Ragini se poocha ke...."main aapko phir ghar chod doo....kyunki aapki saheli abhi aayi nahi hai na.."

Ragini aur ghabra gayi yeh sonch kar ke kahi anmol naraaz na ho jaaye jab voh usse yaha nahi dekhenge.....ek baar pehle bhi naraaz ho gaye the jab unhe ragini ka 6 ghante tak intezaar karna pada.

Ragini...ne gehri saas li aur kaha...."nahi Ranvirji.....aap jayiye....main thodi deir aur intezaar kar loongi.....isse pehle bhi meri saheli ko mera intezaar karna pada tha...aaj bhi main chali gayi toh bahut naraaz hogi."

Ranvir ne yeh sunkar thoda muskura diya....per shukr hai ke Ragini ne usse dekha nahi....phir Ranvir ne usse bye kaha aur waha se jaane laga.

apni car ke paas pahunch kar Ranvir ne palat kar dekha ke Ragini ke chehre per ek pareshaani thi....apne anmol ke intezaar mein.....najaane kyu per ranvir ko bahut achcha laga Ragini ka ehsaas dekh kar.

voh car mein baitha aur ghar ki oor jaane laga...pura raasta bhar Ranvir voh saare incidents yaad karne laga ke jab voh Ragini se takraya toh uski anamika ke saath jo meeting honi thi nahi ho paayi per Ragini ne vohi color ke suits pehne the.

ab jab ranvir sab gaur se sonch raha tha toh usne yaad kiya ke kaise Ragini ke bolne aur baat karne ka dhang kitna uaki anamika se milta hai.

voh muskura toh raha tha per confuse bhi tha ke Ragini ko yeh baat bataye ya nahi.

Part 2

Ranvir ghar pahuncha toh sadhna uska intezaar kar rahi thi....Ranvir ko abhi bhi pata nahi tha ke sadhna bhabhi jaanti hai ke unki behen hi anamika hai.

Sadhna ne Ranvir se poocha..."kya hua Ranvirji.....aapki anamika se mulaqat hui ??"

Ranvir ne bahana banate hue kaha ke....."nahi bhabhi....main usse mil nahi paya....kuch kkaam aa gaya tha....aur anamika ko inform bhi nahi kar paya."

Sadhna ab apni jiji ke liye pareshaan ho rahi thi ke pata nahi uski jiji per guzar rahi hogi......voh achanak Ranvir ki taraf palti aur kehne lagi...."Ranvirji....main abhi apni mamaji ke ghar jaa kar aati hoon."

Ranvir jo apne room mein jaane ke liye palta hi tha....achchanak bol pada..."bhabhi....chaliye main aapko chod deta hoon."

Sadhna confuse thi...phir kuch sonch kar usne haan kehdi.

Yaha kaushaliya nivas mein Ragini ghar pahunchi hi thi....bahut udaas aur bahut naraaz ke uski Anmol ke saath mulaqat hi nahi ho payi.....naraaz isliye thi ke Anmol ne usse bataya bhi nahi ke voh nahi aa paa rahe the.

Apni hi dhun mein chali aa rahi thi ke achanak peeche se Sadhna ki awaz aayi....."arre jiji....aap kya sonch rahi hai."

Ragini palti aur uske chehre per ek khushi si aa gayi......Ragini ko muskurate dekh....Ranvir bhi muskuraya.

Ragini ne sadhna ko gale lagaya aur Ranvir ko thoda embarassment ke saath namaste kiya....yehi sonch kar ke pata nahi Ranvirji uske mein baare mein kya sonch rahe honge.....agar unhone kisiko bataya diya toh......Ranvir Ragini ko gaur se dekhe jaa raha tha....usse andaaza tha ke Ragini ab kya sonch rahi hai.....usne bade normal tareeqe se poocha..."aap kaisi hai Raginiji."

Ragini hichkichaate hue boli...."main theek hoon....aap.....aap log andar aayiye baithiye."

Ranvir ne kaha..."hum andar bhi aa gaye aur baith bhi gaye.....per aap yeh bataye ke aap pareshaan kyu hai."

Ragini aur embarass ho gai jab Ranvir ne poocha.....usne kaha..."nahi Ranvirji....pareshani toh yh hai ke....voh taj mahotsav nazdeek aa raha hai...toh thodi ghabrahat bhi bad rahi hai."

Ranvir ne muskurate hue....sar hila diya.....voh samajh raha tha ke Ragini per kya beet rahi hai.....usse lagne laga ke usne bada hi galat kiya jo Ragini ko itna wait karaya......usne soncha ke main usko thoda itmenaan toh dila doo...

jab Ragini aur sadhna baat kar rahe the toh Ranvir uth kar ek pillar ke paas gaya aur uske peeche se usne ek number dial kiya......per phone yaha bajne laga.

Ragini ne sadhna se kaha ke....."main dekhti hon kaun hai phone per."

Sadhna ne kaha...."theek hai jiji jab tak main mamiji se mil kar aati hoon."

Ranvir uss pillar ke peeche se Ragini ko dekh raha tha....Ragini ne jab phone uthaya toh udhar se awaaz aayii...."sorry sorry sorry."

Ranvir ne notice kiya ke uski awaaz per hi Ragini ka chehra khil utha.....voh naraaz hone ka naatak kar rahi thi....aur usne kaha...."achcha toh aap hai......toh aapne apna badla le liya....mujhe intezaar karwa kar."

Ranvir waha pillar ke peeche se muskura raha tha....Ragini ka ehsaas dekh kar......usne kaha...."bas mein yeh dekhna chahta ta ke aapko bhi kya mujhse na milne ka utna hi dard hota hai ya nahi."

Ragini achanak serious ho gayi aur usne kaha..."mujhe dard hi nahi balke aisa laga jaise meri saanse tham gyi ho.....aap phone nahi karte toh maare pareshani ke main mar hi jati."

Ranvir ne Ragini ko dekha....usse andaaza bhi nai tha ke voh anmol se itna pyaar karti hai.....usko achcha bhi laga ke voh jisko hadh se zyaada pyaar karta hai....voh bhi usse utna hi pyaar karti hai.

Ranvir muskuraya aur kehne laga...."bas ab aur kabhi aisa nahi karunga......iss baar maaf kardo."

ragini bhi muskurayi aur boli..."achcha maaf kiya.'......achnak waha se ma ko aate dekh....ragini ne kaha...."ok anmol main phone rakhti hoon....mujhe kuch kaam hai.'

Dono ne phone raka aur Ragini apne maa ke paas gayi aur Ranvir bhi jab tak hall mein aa gaya.

mamiji ne kaha ke...'kya tum dono ladkiyon ne Ranvirji ko yaha akele chod diya...voh bhi na jaane kya sonch rahe honge.'

tabhi waha se Ranvir aaya aur kehne laga ki...'nahi auntyji....aisi koi baat nahi....mujhe important cal aa gayi thi...aur mujhe nikalna hoga......bhabhi aap tehrengi...ya main aapko ghar chod doo.'

Sadhna ne kaha...'haan Ranvirji....mujhe ghar chod di jiye.....aalekhji bhi mera intezaarkar rahe honge.'

voh jaane ko nikal hi rahe the..k Ravir ke qadm...slow hote hote tham gaye.....voh Ragini ki taraf palta....aur kehne laga...."achcha toh Raginiji.....phir milenge."

Ragini muskurayi aur kaha...'phir milenge Ranvirji.'

Ranvir bhi muskuraya aur Rgini ko ek took dekhne laga.....usse Ragini ko khush dekh kar achcha laga......achcha laga yeh dekh kar ke uske pyaar ka asar.....Ragini ke chehre per roshni sa chamak raha tha....

Part 3

Jab Sadhna aur Ranvir ghar pahunche toh Ranvir bina kisiko kuch kahen seedhe apne kamre mein chala gaya.

Yaha Sadhna halll mein hi thi kyunki Vasu use kuch baat karna chahti thi........per Vasu Sadhna se kuch pehle pooch paaye....usne dekha ke Ranvir apni hi dhun mein bina usse dekhe hi chala gaya.

Vasu ko achcha nahi laga.....usne Sadhna ki taraf gaur se dekha aur poocha....."tum log kaha se aa rahe ho....aur yeh Ranvir ko kya hua hai?"

Sadhna....jo khud Ranvir ki bartaaw se pareshaan thi......kuch keh nahi paayi.....per hichkichaate hue kaha ke...."voh mummyji.......main mamaji aur mamiji se milne gayi thi toh Ranvirji ne mujhe waha se pick kar liya."

Vasu sonch mein pad gayi per Sadhna se aur kuch kehti waha achanak Alekh aa gaya......aur Vasu ki taraf gusse se dekhte hue....Sadhna ka haath pakad kar le jaane laga...."oh ho dost....tum yaha ho.....chalo chalo mere saath....."

Vasu waha pareshan ki pareshaan khadi thi.....ek beta jo usse baat nahi karna chahta....aur dusra jisse baat karne ka mouqa nahi milta.

Ranvir....apne kamre main khidki ke paas khade hue sonchne laga ke kaise voh pehli baar jab Anamika se milne wala tha toh....kaise uska milna postpone hua per wahi waqt per.....uski mulaqat Ragini se ho gayi.

Ranvir woh lamhe yaad kar raha tha jab Ragini ne usse tyre change karne mein help ki......voh unka sar takrana...Ragini ka apne duppatte se Ranvir muh pochna.....dono ka tyre saath mein utha kar lana.

Ranvir sab yaad kar ke muskura raha tha....aur Ragini bahut khush thi...per usse achanak yaad aaya ke usne Anmol se baat cheet ke baare mein Sadhna ko toh bataya hi nahi.

Ranvir Ragini ki awaaz sunna chah raha tha......yeh jaante hue ke Anamik ne usse ghar per call karne se man kiya tha......per Ranvir se raha nahi gaya......aur voh apna phone uthaaya hi tha....achanak ghar ka phone ring hone laga.

Ranvir ne jaa kar phone uthaa liya aur waha se awaaz aayi....."Hello.....main Ragini bol rahi hoon....kya main Sadhna se baat kar sakti hoon."

Ranvir ki khushi ka koi thikaana nahi tha....use poocha...."arre Ragini ji aap.....kahiye kuch kaam hai bhabhi se....abhi toh aaye hai hum aapke yaha se.....itni jaldi phir se yaad aa gayi?"

Ragini chup thi toh achanak Ranvir bol pada...."oh ho Raginiji...main apni baat nahi bhabhi kar raha tha."

Ragini confuse ho gayi...pir muskurate hue kaha......"voh Ranvirji....kuch baat karni thi Sadhna se."

Ranvir ne kisiko awaaz di aur phir Ragini se poochne laga...."toh voh taj mahotsav kab hai apka ??"

Ragini ne kaha....."abhi kuch din baakhi hai..."....Ragini ko samajh nahi aa raha tha ke jo Ranvirji hamesha.....haal chaal pooch kar chale jaate the....aaj voh itni lambi bat kyu kar rahe the.

voh apne khayalo mein hi thi ke achanak usse Sadhna ki awaaz aane lagi...."kya hua jiji....aapko mujhse kuch baat karni thi?"

Ragini kuch bolne hi wali thi...waha malti bhabhi aa gayi...."kya hua Ragini....kisse baate kar rahi ho.....jhoot toh main bolti nahi...kahi ussi blank call wale se toh nahi kar rahi."

Ragini pareshaan ho gayi aur usne Sadhna se kaha ke...."Sadhna main tum se baad mein baat karti hoon."...aur phone rakh kar malti ki taraf palti aur kehne lagi....."nahi bhabhi....main Sadhna se baat kar rahi thi."

Malti ne badi chalaak muskurahat se kaha..."han haan......Sadhna hi thi hogi.....jhoot toh main bolti nahi...mere aate hi phone kaat diya...toh zaroor sadhna hi thi hogi."

Ragini ne bade hi weird tareeqe se usse dekha aur waha se chali gayi....per Malti waha khadi muskura rahi thi.

Yaha Sadhna bhi pareshaan ho rahi thi ke pata nahi kya chal raha hai wah per....na jaane kyu malti bhabhi...jiji ke peeche padi hui hai.

voh yehi sonch rahi thi ke Ranvir ne poocha..."kya hua bhabhi kuch problem hai kya?"

Sadhna ne smile kiya aur boli...."nahi Ranvirji....aisi koi problem nahi hai.".....aur Alekh ke bulaane per waha se chali gayi.

Ranvir waha khade hue sonch raha tha ke ab voh Ragini ko itni jaldi nahi batayega ke vohi anmol hai.......pehle voh Ragini ko samajh le aur ab voh chahta tha ke Ragini bhi usse Ranvir samajh kar hi pyaar kare.

Part 4

Ragini pareshaan apne dance class ke liye jaa rahi thi....yehi sonch rahi thi ke malti bhabhi se peecha kaise chudaaye.

Voh apni sonch mein itni magan thi ke usne yeh bhi nahi notice kiya ke koi uske bilkul paas mein chala aa raha hai.....uske qadm se qadm milaker.

Jab Ragini ne kuch bhi respond nahi kiya toh awaaz aayi ke...."agar aap aise hi khoyi rahengi toh kisi anjaan ke liye kuch bhi karna mushkil nahi hoga."

Ragini ek dum se darr gayi....usne mudkar dekha toh Ranvir uske saath chala aa raha hai...aur uske labon per ek muskurahat si hai.....bahut hi hichkichahat ke saath Ragini ne pocha..."aap...aap kab aaye Ranvirji......maine dekha hi nahi."

Ranvir bhi smile karte hue kehne laga..."yehi toh main bhi keh raha tha....ke agar aap apne aas paas dekhenge nahi toh kaise pata chalega ke kaun apna hai aur kaun anjaan."

Ragini ne slowly kaha..."Sorry....voh main kuch sonch rahi thi..."

Ranvir ne bade shararti andaaz mein poocha...."mere baare mein ??"

Ragini ek dum se Ranvir ki taraf dekhne lagi....voh kuch keh nahi paa rahi thi.....toh Ranvir ne phir smile karte hue kaha..."main mazaak kar raha tha."

Ragini ne phir smile kiya per thoda embarass ho gayi ke usne achanak aise kyu soncha jaise Ranvirji mazaak nahi balke serious the....usse apne aap per thoda gussa aaya yeh sonch kar ke Ranvirji mazaak kar rahe the....per na jaane mere baare mein kya sonch rahe honge ke main har baat ko serious le leti hoon.

Phir Ragini apne khayalon se bahar aate hue Ranvir se poocha ke..."waise aap yaha kaise Ranvirji?"

Ranvvir ne kaha...."main yaha se jaa raha tha...toh aapko dekha toh soncha aapko ride de doo....per mere awaaz dene per aap nahi ruki toh main bhi aapke saath chal pada....tab mujhe pata chala ke aap kuch sonch rahi thi......waise kya aapki saheli aaayi thi jab ??

Ragini ne poocha..."kab ?"

Ranvir ne mischievious tareeqe se poocha ke..."jab hum park mile the...aap apni saheli ka intezaar kar rahi thi ??"

Ragini ko kuch samajh nahi aa raha tha.....voh embarass ho rahi thi yeh sonch kar ke Ranvirji ko abhi bhi yaad hai voh baat....usne bada sambhalte hua jawaab diya ke..."ohh jab.....nahi meri saheli nahi aa payi....usse kuch kaam aa gaya."

Ranvir ne usse aur chedte hue kaha...."aisi kaisi saheli hai aapki ke....usne aapko pehle inform nahi kiya....khamakha itna wait karaya aapko."

Ragini achanak defensive ho gayi....usse achcha nahi lag raha tha ke koi bhi anmol ke baare mein kuch kahein....per phir bhi usne politely kaha...."nahi Ranvirji....usko tabhi koi kaam aa gaya tha....mere paas phone nahi tha...isliye contact nahi kar paayi....per usne mujhe baad mein bata diya tha."

Ranvir ne saamne ek cafe dekha toh ragini see poocha ke...."Raginiji....agar aapko deir nahi ho rahi hai toh hum ek cup coffee pee le ??"

Ragini ne thoda hichkichaate hue haan kehdi.

Jab voh cafe mein baithe toh Ranvir ne phir vohi baat continue ki jo Ragini ko uncomfortable kar rahi thi.

Ranvir ne kaha...."kuch bhi kahiye Raginiji....galti pehle karo baad mein maafi maango toh kya faida hua....aapki saheli ko itna bhi andaaza nahi tha ke park mein akeli uska wait kar rahi hongi.....koi kisi ke saath aisa karta hai kya??"

Ragini se ab raha nahi jaa raha tha...."nahi nahi Ranvirji aap usse galat samajh rahe hai.".....itna keh kar Ragini achanak yeh bhool gayi ke voh uski saheli ki baat kar rahe the....Anmol ki nahi.
voh achanak bol padi...."voh toh bahut achche hai....bahut understanding hai....mujhse agar koi galti ho jaaye toh maafi maangne per jaldi hi maaf kar dete hai....zyaada deir gussa nahi reh paate...jab unse baat karti hoon toh bahut sukoon milta hai...aisa lagta hai jaise main unke saath apni har baat share kar sakti hoon.......aur voh mujhe utni hi asaani se apni baatein kehne bhi dete hai aur sun bhi lete hai.....aise hai mere anmol."

Jaise hi ragini ne Anmol kaha....usne achanak realize kiya ke voh kya keh rahi hai...uski sharmindagi ka koi haal nahi tha....voh Ranvir se aankh bhi nahi mila paa rahi thi....per himmat karke jab Ranvir ki taraf dekha toh dekha ke ranvir bade hi gaur se usse dekhe jaa raha tha....uski baatein sune jaa raha tha....per Ravir kuch keh paata usse pehle

Ragini ne continue karte hue kaha...."mera malab hai aisi hai meri anmol saheli.....kyunki uski dosti mere liye anmol hai na isliye."

Ranvir ne muskuraya....andar hi andar voh khush bhi ho raha tha....usne apna haath apne face per rakha aur apni ungliyon se apni muskurahat chupana chah raha tha...phir ek pause ke baad Ranvir ne poocha...."Raginiji......kya hum ab tak aapki saheli ki hi baatein kar rahe the ???"

Ragini dar gayi....usne Ranvir ki taraf dekha per kuch keh nahi paayi....phir ranvir ne kaha..."voh actually aap itni izzat se baat kar rahi thi apni saheli ke baare mein ke mujhe laga shayad hum kisi aur ki baat kar rahe hai."
phir Ranvir ne apna haath ragini ki taraf badhaate hue kaha...."kya hum bhi dost ban sakte hai Raginiji....agar aapko koi aitraaz na ho toh."

Jab ranvir ne yeh kaha toh ragini ka dil zor se dhadka aur voh usse gaur se dekhne lagi....usse aisa laga jaise Anmol ne poocha ho usse ke 'kya hum dost ban sakte hai'.....Ranvir ka andaaz usse achanak Anmol ki yaad dilane laga....phir ranvir ne kaha...."Hello...Raginiji....agar aap dosti nahi karna chahti toh koi baat nahi."

Ranvir apna haath peeche lene hi wala tha....ke Ragini bol padi...."nahi ranvirji...aisi koi baat nahi....hum zaroor dost ban sakte hai.".....aur usne Ranvir se haath milaya.

Ranvir ne Ragini ka haath thama jaise kabhi na chodna chah raha ho....usne unke haathon ko dekha phir Ragini ko jiske chehre per ek masoom si smile bhi thi....phir Ranvir ne soncha ke abhi toh yeh shuruaat hai....dekhna kaise main tumhaare dil mein apni jagah banata hoon....ke tumhe bhi pata nahi lagega.....usne phir Ragini ko dekhte hue smile kiya.

wow this is mindblowing - keep it up!
hope we cud c this in bidaai.

wow that was really very nice! 👏 i just love your writing style.

LOvely simply fantabulous, as i said cud imagine all the scenes in real i wish dis wud have happen wud have been simply rocking seriously waiting for the next Chapter amazing work Sonal!!

Luv,

Shagun

wow very nice !!!

Nice FF...!!! Looking forward to read next parts...!!! Keep up the great work...!!! 👏👏👏