PART 6
MY BEST FRIEND'S WEDDING
24th July,2004..
Delhi..Karol Bagh..
Bahut badi shaadi ka jalsa.
ACP Sanjay Khanna aur Dr.Nirmal Verma ki shaadi ka reception hai..Dulhe k ek dost ka sab ko intezar tha..Rajveer Grewal..saare purane dosto se mil kar Raj bahut khush hai.. jaise Sanjay ki shaadi nahi..College ki reunion party hai.. Par Raj ka dil is sab se nahi bhar raha hai..usko kisi aur ka intezar hai...aaj reception party hai..Kranti ka intezar kar raha hai Raj.
Shaadi k din jab Raj baaraati ban kar gaya tha..tab Kranti ko dekha tha.Shaadi ki rasme.. mehmaan ..Kranti in sab me bahut busy thi..Raj usse baat karna chaah raha tha..par Kranti ko koi naa koi bula raha tha..Mrs. Verma ki tabiyat theek nahi rehti aaj kal..Nirmal k Dad k death k baad..wahi Nirmal ki saari zimmedari nibhaati aai hain..par ab unki sehat unko mehnat karne ki ijazat nahi deti..Kranti ki Maa ne pura kaam dekh lia..aur baaki rishtedar bhi the..Par kaam toh kisi na kisi se ho hi jata ..
Lekin Raj ko Kranti bahut zyada avoid kar rahi thi..jaise Kranti khud hi doosre kaamon ki taraf jana chaahti thi..Raj ko baat karne ka mauka tak nahi mila..Sanjay ne theek hi kaha tha.. Kranti badli nahi...kum se kum ,Raj k lia uska attitude nahi badla.Raj ko ab bhi avoid karti hai..jaise Raj dunia ka sab se ghatiya insaan hai...Kranti ka gussa..Raj samajh sakta hai.. par aisi bhi kyaa narazgi??Shaadi k baad..jab Nirmal ko vidaa kia jaa raha tha..tab Kranti thi uske paas..Raj waha se guzarne k waqt..Kranti k haath me ek lefafa thama deta hai.. Kranti ne tab kuchh bhi nahi kaha tha...Raj Car me baitha..aur view finder se usne yehi dekha..k Kranti ne us lifafe ko bina dekhe hi faadh kar fek dia..
Mrs. Verma Raj ko dekh kar bahut khush hui thi..Raj ko bahut pasand karti hain woh..aaj bhi yehi chaahti hai ..k Kranti aur Raj ki shaadi ho jaaye...saari duniya chaahti hai ..k Raj aur Kranti ek atoot bandhan me bandh jaaye..ek insaan ko chhod kar..woh hai Kranti.Raj yehi soch kar India waapas aaya hai,k Kranti ki saari shikayaton ko ek ek kar k door karega..par uske lia Kranti ka uske paas ana bhi zaroori hai..aur jo ab naamumkin sa lagta hai..
Kranti jis tarha College me aati thi..shaadi k din zyada badlaav nahi tha uske pehnavo me ..ek chamakta hua suit usne pehnato tha..par usko dekh kar zara bhi nahi laga..k usko kuchh dress up yaa make up ka koi irada tha..yeh toh Nirmal ki shaadi thi isi lia..achha sa suit usne pahen lia..Uske body language ko Raj achhi tarha se samajh raha tha Raj..aise aai thi shaadi k mandap me..jaise usko zabardasti laaya gaya ho..
achanak Raj ne dekha Kranti ki Maa ko..Nirmal ki Maa se baat karte hue...logo se mil rahi hain..Sanjay ki Maa sab se milva rahi hai..Raj k saath Raj ki Maa bhi aai hain..
Raj ne apni Maa se kaha,"chaliye..aapse achhi tarha mulakat karva doon ..kisiki.."
Maa--chalo..
Raj Mrs. Verma k paas aakar baith gaya..
Gauri--Arre..Raj..beta..kuchh khaya tumne..aur yeh..tumhari Matajee?Namaste Bahenjee...
Raj ki Maa--Jee Namaste..bahut achha lag raha hai..Beti ki shaadi mubarak ho...
Gauri--Jee ..shukriya..yeh hain..Kranti Ki Maa...
Raj Ki Maa--ooh..aap ho..Jee Sat Sree Akal..
Kranti ki Maa--Sat Sree Akal..Bahenjee..Gauri Bahenjee aapke baare me..aur aapke bete k baare me keh rahi thi bahut kuchh...
Raj--aap sab baatein kariye..main zara Sanjay k paas chala...
Gauri--haa..Beta..Nirmal se bolna..woh kuchh pee le..zyada der kuchh naa khaane se uski tabiyat kharab ho jaati hai..
Raj--jee..
Raj chala gaya...
****************************************
[KM=Krani ki Maa,RM=Raj ki Maa]
KM--Gauri Bahenjee ..kal mujhe bata rahi thi..Raj k baare me..main khud aapse milna chaahti thi..is surat me..meri Beti ko ab ..Raj se uski shaadi ho jaaye..varna woh toh khud ko barbad karne pe tooli hui hai..
RM--jee..5 saal pahle Kranti humare ghar aai thi..pahle bhi Raj se bahut suna maine uske baare me..jab usko dekha..tab mujhe sach me pasand hai aapki Beti..aap yakeen nahi karengi..par shaayad is baat se aapko yakeen aa jaye..k maine in 5 saalon me Raj k lia koi ladki nahi dhoondhi...Kranti hi sab se achhi hai..mere Raj k lia..
KM--ab Raj hi bacha sakta hai..Kranti ko..
RM--kyon..?kyaa hua??
KM--jab se uske Baojee ki maut hui hai..tab se ajeeb sa bhoot sawaar hai..pata nahi..kaise kaise logo se meljol badha rahi hai..aur Politics ka bhoot ...uske sar pe chadh kar naach raha hai..
RM--ha..itna toh pata tha..k Kranti ko is Samajvaad..aur..is ..
KM--jee..woh bhi hota toh theek tha,par jin k under woh abhi kaam kar rahi hai,mujhe zara bhi achhe nahi lagte..Kranti k khayaalat k saath unka karname,kuchh mel nahi khaate .. maine bahut baar bola..par pata nahi...usko Election ladhne ka bahut shaukh jaga hai.. Assembly Elections me ladhna chaahti hai..koi ek hain..wahi Kranti ka dimaag kharab kar rahe hain..koi..Dayal..aur..ek hain..koi Kriplani ...woh log uski taarif kar kar k..uska dimaag kharab kar rahe hain..main agar usko kuchh bolne jaoon..toh bolti hai..k usko pata hai..k woh kyaa kar rahi hai..Satta..Kursi...Power..in sab ka nasha is tarha chadha hai uske sar par..kabhi kabhi toh lagta hai..k meri Beti kahi kho gayi hai..yeh koi aur hai..Kranti toh aisi nahi thi...maine kabhi usko roka nahi..kyonki ek din aisa tha,jab woh vaakei me mazloomo k lia kuchh karna chaahti thi..par ab..nahi..Raj k baare me jab Gauri Bahenjee ne bola..tab main soch rahi thi..k kaise aapse miloon..
RM--in paanch saalon me..Kranti ne kabhi nahi bataya Raj k baare me??
KM--jee nahi..ek pal k lia nahi..agar Gauri Bahenjee nahi batati..toh..mujhe malum hi nahi padta..mujhe toh haal hi me pata chala..aur aaj main aap se mil rahi hoon...
********************************************************
Raj ki Maa..Gauri aur Kranti ki Maa baith kar yeh sab baatein kar rahi thi...Raj udhar bechain ho raha tha...Kranti kab aayegi..??
Dinner serve kia jaa raha hai...Nirmal aur Sanjay ek table par baithe hain..Raj udhar aaya...
Nirmal--Kyaa baat hai?
Raj--Kranti...
Nirmal--usne bataya tha..aaj usko aane me der hogi..Party High Command ki meeting me jana hai usko..waha se ghar aayegi..aur taiyyar hokar aayegi..
Raj--Party High Command??
Sanjay--tujhe nahi pata ...Kranti shaayad agle Assembly Election me khadi ho... Students me naam hai uska..Youth Leader ban kar saamne aai hai woh..yeh Politics ka bhoot uske sar se nahi utra...
Nirmal--yeha tak k uski Maa ne kaha tha..k shaadi kar k ghar basa..par nahi...Madam ko MLA banna hai..fir MP...but,,.usme baat hai..ek Yuva Neta hain..Jayant Kriplani naam k.. Kranti aaj kal unhike sarparasti me hain..Jayant ne khud kaha hai..k Kranti has a very bright future in Politics..sab kuchh theek hua..toh agle do teen saalon me..Kranti will be the Youngest MLA in the Country..infact..sab kuchh tai kia hua hai..bas..uski umar usko rok rahi thi ab tak..25 saal ka hona zaroori hai...Indian Constitution k hisaab se..
Sanjay--Arre..tum chup raho..Raj ko ab Heart Attack aayega...
Raj--hmm..bahut kuchh badal gaya hai..paanch saalon me..achha Nirmal..Kranti ne in paanch saalon me..kabhi bhi..mere baare me kuchh kaha??
Nirmal--Sorry to say Raj..kuchh nahi kaha usne...maine bahut baar baat karne ki koshish ki..par uske muh se ..ek shabd nahi nikla..tumhare lia..infact..gusse me tumko usne gaali tak nahi di..
Sanjay--tu baith..kuchh peeyega..?
Raj--Black Lebel...
Sanjay--yeh aadat tujhe bhi lag gayi??
Raj--hmm..
Nirmal--sach kahoon..Raj..agar Kranti k Baojee ki yuh achanak maut nahi hui hoti..toh..aaj Kranti itni belaghaam nahi hoti...
Raj--What?Kranti k Baojee??
Sanjay--haa...teen saal pahle ki baat hai..achanak se..unki maut hui..road accident me... kahne ko accident..but..Police ki chhanbeen se jo nikla...ek simple accident toh tha nahi....
Nirmal ne Sanjay ko beech me hi rok dia..."Sanjay..ab yeh baatein le kar mat baitho na...woh dekho..Kranti aa gayi....."
Sanjay--arre waah..aaj Sooraj Pashchim me uga hai kya??Kranti..aur is tarha..??
Aaj Kranti ek alagh hi roop me aai thi..Black Saree pahen kar aai hai..Electric Blue colour ki embroydery hai usme,haathon me Silver band wali wrist watch,kaano me Silver earrings.Gale me Silver necklace..
Raj apne drink ka pehla sip lene hi jaa raha tha..aise me Kranti ko dekha usne..dekh kar Raj k hosh hi udh gaye..Kranti!!Is tarha??Mindblowing..absloutely ..mindblowing..Kranti shaayad abhi apni Maa se baat kar rahi hai..aur Raj ki Maa bhi udhar hai...
Nirmal--Rajveer...Kranti se baat karne ka mauka tumko milega..par zara samhal kar...josh me aa kar kuchh aisa mat karna..k..
Raj--hmm..bas..usse baat karne k lia mujhe thodi si privacy chahie hogi..mil sakti hai..?
Nirmal--dekhti hoon...Sanjay..main tumko SMS karoongi..jaha par boloon..wahi par..Raj ko lekar aa jana..
Sanjay--hmm...
***********************************************
RM--Kranti..Puttar kaisi hai tu?
Kranti--Jee...theek hoon..
RM--Badi soni lag rahi hai aaj..nazar naa lag jaaye...
Kranti sirf muskurai...
Aise me Nirmal aai...Gauri ki taraf dekh kar kaha.."Mummy..aap sab log idhar kyon ho? Meri Sasooma..aap sab ko dhoondh rahi hai...Photo khinch rahe hain udhar..aap log jaaiyena..Aunty..jaaiyena..Mausi...jaaona..."
Gauri Raj ki Maa aur Kranti ki Maa ko lekar chali gayi..apni Sambdhan ki talaash me..
Nirmal--aa baith..
Kranti--hmm..party achhi hai..
Nirmal--8 baj gaye hain..aab aa rahi hai tu?
Kranti--High Command ki meeting thi..
Nirmal--Meri shaadi k reception se zyada zaroori thi?
Kranti--I had to go..
aas paas k log sab Buffet area ki taraf gaye hain..
Sanjay Raj ko le kar aaya...
Sanjay--Hi..Kranti..badi der kar di tumne..anyways..Nirmal..yaar tum bahut badi bore ho.. we are the wedded couple..newly wedded couple..hum ko dance floor par hona chahie.. saare baahar k log naach rahe hain..chalo...
Nirmal yeh ishara samajh kar..Sanjay k saath chali gayi...
Raj Kranti k saamne ek chair le kar baith gaya..Kranti Raj se nazre bhi nahi mila rahi hai.. doosri taraf dekh rahi hai...
Raj kuchh der dekhta raha Kranti ko...Raj k haath me Whisky ka glass hai abhi tak...Kranti "don't care " attitude me baithi hai..aur Sanjay aur Nirmal ki taraf dekh rahi hai...
Raj--ahem...hmm..tum yeha.....?
Kranti ne Raj ki taraf dekha..aisi nazar se..jaise bol rahi hai.."What a silly question..!!"
Kranti--My Best Friend's Wedding..after all..
Raj--hmm...main abhi abhi lauta..London se..
Kranti--kyon?
Raj--My Best Friend's Wedding...
Kranti--OK...
Raj--Paanch saal..pata nahi..kaise yeh waqt beet gaya..and..you have changed a lot...
Kranti--Badalna padta hai..
Raj--tumhe mujh me koi badlaav nahi dikh raha hai??
Kranti--See..mere sar me already bahut dard hai..please..leave me alone..
Raj--suna hai tum agla Assembly Election ladh rahi ho..
Kranti--abhi kuchh decide nahi hua hai..Party High Command ka approval..
Raj--Tumhare Father k baare me sun kar..dukh hua..
Kranti--Tumhare Father theek hai..unka khayaal rakho...
Raj--kyaa matlab?
Kranti--kuchh nahi..aise hi..
Raj--toh..bhaagambhaag..ab bandh karo yeh sab ...Kranti...I am too tired..I want to stop the chasing..
Kranti--Then stop it..
Raj--Can't help it..unless you are accepting me..
Kranti--Not again...
Raj--Come...
Krantii--What?
Raj--Come with me...
Raj ne itne zor se Kranti ka haath pakad kar khincha...Kranti k lia naamumkin tha usko rokna..Dance floor me soft music baj rahi hai..neeli neeli roshni hai...
Kranti--leave me..kaha le jaa rahe ho...
Raj--Bhangda karne...
Raj ko chadh gayi hai...Kranti samajh rahi hai...tamasha hoga..agar usne abhi kuchh kaha toh..Raj ne Kranti k kamar par right hand rakha..aur left hand se uska right hand pakda Raj ne...
Kranti--yeh kyaa kar rahe ho?
Raj--I said it earlier..Bhangda..
Kranti--leave me...
Raj--NO...aur yeh saree tumne achhi pehni hai..but..itna zyada make-up??kyon?gaalon me itna blusher??ankh me itna zyada kaajal..?honth itne laal..what is wrong with you?
Kranti--None of your business..
Raj--it is my business..kyaa se kyaa ho gayi ho tum??dekha hai aaj khud ko aaine me?Aas paas bahut se Bhedie aur Kutte ghoomte hain..aur yeh shaher nahi hai..jungle hai..
Kranti--Stop it..I said ..
Raj--kyon..?tum jaisi thi..mujhe bahut pasand thi..yeh badlaav..door se tum achhi lagi..par paas se dekh raha hoon..tumhari shakal kitni..uff..!!
Kranti Raj ka haath chhuda kar jaane ki koshish kar rahi hai...Raj utna hi kas k Kranti ko pakad raha hai..aur apne kareeb khinch raha hai...
Raj--tumhari ek aadat nahi badli...mujhse berookhi..aur mujhse bhaagna...yeh aadat badal jaati ..toh main bahut khush hota..par baaki k badlav se main khush nahi...
Kranti--Yaa..right...
Raj--Jayant Kriplani..hmm..yehi naam hai na..tumhare Mentor ka..yehi naam hai na??
Kranti--tumse matlab??
Raj--Jawaan hai?..mujhse zyada??Handsome hai ?Mujhse zyada??hmm..paisa hai zyada ..??kyaa hai usme..?
Kranti--You are sick Raj...
Raj--OK..ab bahut hua..ab..khatam karo yeh sab..Election ka chakkar chhodo..Social Service karna hai..toh ..main tumhare lia ek NGO khol doonga..par is kinchad se door hato..
Kranti--Fir?
Raj--We will get married...
Krantii--keep dreaming..it's tax-free after all...
Raj--Kranti..don't test my patience..I am warning you..
Krantii--I am so scared..ohh..please...don't warn me..!!
Raj--OK..sharafat se tum nahi maanogi..tamasha karna chaahti ho..OK..yeh shaukh bhi pura kar doonga...tumhe is kadar majboor kar doonga...k ,tumko mere paas hi aana hoga..
Kranti--kuchh logo ne mere Baojee ko bhi...majboor karne ki koshish ki..unhone maut ko choona...majboor nahi bane woh..main bhi usi Baap ki Beti hoon..Raj...
Raj--See..abhi..jo hua..bhool jaao..I can't live without you anymore..please..chalo..yeha se...
Nirmal--arre..Raj kyaa kar raha hai?Kranti ko le kar kaha jaa raha hai??maine mana kia tha usko...Sanjay..dekho...
Sanjay--Let them be together..and alone...tum mere saath aao...
Raj ne Kranti ka haath pakad kar..apne Car me bitha dia...
Kranti--Raj...chhodo...
Raj--nahi...chalo...
Car chalana shuru kia Raj ne..aur Sanjay k mobile par phone kar k yeh keh dia.."Maa ko ghar pahuchane ka bandobast kar dena..main Kranti k saath hoon..aur Kranti ko main waaps Nirmal k ghar pahucha doonga..."
Kranti--Raj..main chillaungi..
Raj--koshish karo...
Kranti--Raj ..nahi...
Kranti Raj ka haath stearing se hata ne ko koshish karne lagi...
Raj ne uska haath pakad lia.."Koshish bekar hai...chup chaap baitho..."
Kranti apna Mobile nikaal kar ek number dial karne lagi....Raj ne Mobile chheen lia..dekha Jayant naam se number saved hai...
Raj--woh tumhara Mushtanda Bodygaurd..kuchh nahi kar paayega,uski haalat main bigaad doonga,sharafat ki bhasha tumko samajh me nahi aayegi..main samajh gaya..tumko kaboo me laane k lia..paanch saal pahle k Rajveer ki zaroorat hai..kyonki..uske bina tumhara bhi jee nahi bharega..I know...
Kranti hathapai karti rahi..Raj apni Car ko le gaya....kisi anjaane raaste ki taraf .............
Edited by yakkudimag - 16 years ago
Debate Mansion
Hindi TV Shows
1.6k