RK FF:SITAM..Part 18,Page 25,14/03/2010

First Previous

Page

Next Last

Frequent Posters

ANANYA ROY

@yakkudimag

Dazzler

+ 3

Posted: 17 years ago

#21

PART 3

THE STUDENT

"33..33...Roll No.-33...Rajveer Grewal...??"

koi jawab nahi...

"yeh ladka..is baar bhi isi year me rehna chaahta hai kya?jis year me pass out hona tha ..nahi hua..final year me hi hai..yeh kar kyaa raha hai aaj kal?aaj bhi nahi aya.."

"Sir..uska Class kahi aur..koi aur leti hai...aap continue kijiye.."

"35% attendence hai uski...final exam me baithne k lia usko atleast 70% attendence paane honge..par is ladke ko hosh hi nahi...Baap ki daulat ko is tarha lootana chaahta hai kya?"

"May I come in Sir?"

"kyaa baat hai..!!Sooraj kis disha se nikla hai aaj?Rajveer Grewal itni jaldi Class me..?"

"andar aaoon..yaa jaoon?"

"aaiye..tumko sharam nahi aati?apne Juniors k saath ek hi Class-room me baithte ho..tum chaahte kyaa ho?"

"that depends..jo main aapse chaahta hoon..woh koi aur mujhe de nahi sakta..aur..jo main.."

"thik hai,thik hai..andar aao..pura din masti k ilava kuchh toh tumko soojhta nahi.."

"thank you Sir.."

Rajveer aakar Sanjay k paas baitha..

Sanjay--kaha tha?

Rajveer--mandir gaya tha...

Sanjay--baad me batana..abhi lecture soon..

Rajveer--hmm..

"toh aaj hum baat karenge sach k bare me..sach kyaa hai?humesha jo dikhta hai..sach nahi hota..har kaano suni baat sach nahi hoti..har ankho dekhi baat sach nahi hoti..sach aur jhoot ..ek hi sikke k dono pehlu hain...jo dikhta hai,sirf ek dhokhe k ilava aur kuchh nahi..jo nahi dikhta..kabhi kabhi sach ho bhi sakta hai..insaani dimaag..insaan ka bartav..A person is not that he or she shows..A person is that what he or she hides.yeh jo puri srishti hai..isi sach aur jhoot k conflict me bati hui hain..is rahasya ko samajhna bahut kathin hai...insaan ki...."

Rajveer--yaar..yehi wajah hai..k main is khadoos k class me nahi ata..Karnti Kaur ka male version hai..lambi lambi chhodta hai..baap re..mujhse bardasht nahi hota..

Sanjay--Raj..tu mera senior tha..is saal pass ho jana mere baap..varna mere juniors ka bhi tu Class-mate banega..

Raj--main fail nahi hua tha..bas Exam me nahi baitha main..aur iski wajah bhi hai..main bimaar tha..

Sanjay--haa..bimaari ka naam mujhe pata hai..Kranti..ishque ka bukhaar chadha hai tujhe..

Class khatam hone k baad..Raj aur Sanjay baahar nikle..

Sanjay--tu jiske lia exam me nahi baitha..woh tujhko bhaao nahi deti ...

Raj--yaar..main final year me..woh first year me..uske saath dosti theek se nahi hui..aise me pass-out hokar chala jata..toh naa jaane kab usko mil pata..

Sanjay--jaise ab mil paa raha hai..!!

Raj--nahi..par ankho k saamne dekhta toh hoon..main sochta hoon..yeh saal bhi exam na doon..aur usike saath graduation complete karoon..

Sanjay--aisa ghazab mat karna..

Raj--tu graduation k baad kyaa karega?

Sanjay--soch raha hoon..IAS ya IPS k lia baithoon..

Raj--achha hai..

Sanjay--tu kyaa karega?

Raj--Kranti se shaadi..

Sanjay--arre..woh toh hai..par..kaam kaaj kuchh karne ka irada hai bhi yaa nahi?

Raj--Dad ne itna paisa jama kia hai..mujhe kaam karne ki kyaa zaroorat?

Sanjay--tujhe uncle bedakhal kar denge..agar tera attitude aisa raha toh..

Raj--koi baat nahi...main Kranti se shaadi kar k..gharjamai ban jaaoonga..Hoshiyarpur chala jaaoonga..kheti baadi karoonga..

Sanjay--you are a gone case Raj...

Raj--arre..Kranti k saath rehna hai..baki duniya se kyaa lena dena?

Sanjay--Kranti ne haa kaha kya?

Raj--kahegi yaar...maine toh soch bhi lia hai..ek chhota sa ghar..main..Kranti..aur..humare do teen bachche..Kranti mere lia Paneer Tikka bana rahi hai....bachche mere saath khel rahe hain.....yaar..kyaa din honge?fir bachche bade honge..unki shaadi hogi...

Sanjay--break maar..arre..Kranti..isi taraf aa rahi hai...par uske saath woh..haribhari kaun hai?

Raj--kyaa?

Sanjay--arre..udhar dekh..Kranti k saath..woh ladki...

Raj--mujhe ..haa..yeh toh Nirmal hai..Nirmal Verma..

Sanjay--tu jaanta hai?

Raj--Kranti jinke ghar rehti hai..usi Mrs. Verma ki beti hai..Nirmal Verma..Medical College me padhti hai...second year..

Sanjay--ohh..tu itna kuchh kaise jaanta hai?

Raj--arre..yeh Nirmal bahut achhi hai...maine jitne letters bheje..Kranti ko..Nirmal k haathon hi pahuchaaye..Nirmal jaanti hai mujhe...tujhe milna hai Nirmal se?

Sanjay--Intro dila..chal..

Nirmal aur Kranti Raj ki taraf aa rahe the...

Raj bhi aage badha..

Raj--Hey..Nirmal..kaisi ho?

Nirmal--achhi hoon...kyaa baat hai..aajkal aap mujhse milte hi nahi..

Raj--arre..baap re..main agar Dariagunj area me bhi kadam rakhoon..toh meri taange toodvane ki dhamki di hai kisine..I am so scared Nirmal..

Nirmal--kyaa baat hai..waah..achha..jo baat main bolne aai thi..parso..ghar me ek party hai..bas aise hi..Maa bol rahi thi..k bahut dino se koi gathering nahi hui..shaam ko aa jaaiyega..dinner kar k jaaiyega..

Raj ne Kranti ki taraf dekha..

Kranti ki shakal dekh kar Raj ko samajh me aa raha hai..Mrs. Verma ne hi bulaya hai ..Raj ko..Kranti ko zara bhi khushi nahi hai is baat ki..

Raj ne feel kia..Sanjay ne usko apne elbow se hit kia..

Raj--haa..Nirmal..yeh mera dost..Sanjay...

Nirmal--namaste..

Sanjay--namaste..

Nirmal ne kuchh der socha..usne Sanjay k saamne hi Raj ko invite kia hai..kuchh ajeeb hai..

Nirmal--Sanjay Babu..aap bhi aaiyega..parso..humare ghar..Rajveerjee k saath..

Sanjay ko laga woh fudak k Raj k goad me uth jaaye..par abhi control karna hai khud ko..

Sanjay--jee main,...

Raj(man hi man)--naatak bahut achha karta hai yeh Sanjay..mann me laddoo foot rahe hain ..aur chehra aise dikha raha hai..

Raj--Nirmal..Sanjay ko zaroori kaam hai..woh nahi aayega..par main aaunga zaroor..

Sanjay--nahi..Nirmaljee..main aaoonga..zaroor aaoonga..parso na?haa..parso mujhe koi kaam nahi hai...

Raj--waise..Nirmal..baat kyaa hai?aise hi party?

Nirmal--woh..jis schollership ko paane ki koshish kar rahi thi..woh mujhe mil gai hai..isi ki khushi me...aage ki padhai free..kuchh bhi kharach nahi hoga..isi lia..

Raj--Congrats..

Nirmal--thanks..par..aap aaiyega zaroor..ab main chali..

Raj--haa..

Nirmal--Kranti..tu mere saath ghar chalegi ..yaa..baad me?

Kranti--nahi..abhi jana hai...

Sanjay--Bye..Nirmal..jee..

Nirmal--Bye..

------------------------------------------------------------------------------------------

College se nikal kar..Nirmal aur Kranti auto me baithe...

Kranti--kyaa zaroorat thi ..usko bulane ki?

Nirmal--tujhse poochhkar bulana hai?Raj se meri achhi banti hai...maine usko bulaya.. aur..tu usse itni kyon chidhti hai?

Kranti--bahut hi ghatia insaan hai..

Nirmal--kaun sa paap kia usne..tu usko is tarha treat karti hai?

Kranti--tu padhai karna..Medical ki padhai aasaan nahi..tu us par dhyaan de..3 saal baad tujhe degree milegi,,.us par dhyaan de..aur woh..Raj ki poochh..Sanjay..saaf..openly..line maar raha tha..tujh par..aur tune usko bhi bula lia..

Nirmal--kaun? Sanjay?

Kranti--aahha ahaha..naam tak yaad hai..

Nirmal--abhi toh mili usse..yaar..tu Raj se itni chidhti kyon hai?He is a nice man..

Kranti--haa..hai ...toh?

Nirmal--tera kuchh nahi ho sakta..kaash..Raj itna seriously..mujh par line maarta..

Kranti--main Raj se baat karoongi..abhi muh bandh kar..bol bol k pareshaan kar dia...

********************************************************

Nirmal aur Sanjay baat kar rahe hain...Raj Mrs. Verma se bat kar raha hai...

Kranti parathe bana rahi hai..

khana ban chuka hai..par Kranti ko ek bahana chahie...is mehfil se door rahne ka..toh woh kitchen me khadi..parathe bana rahi hai..

Mrs.Verma--toh Raj..padhai khatam hone k baad kyaa karna hai?

Raj--pata nahi.

Mrs Gauri Verma--kyaa?pata nahi?aise kaise?

Raj--nahi..Dad ne soch kar rakha hoga kuchh...

Gauri--ek tum ho..ek Kranti..baap re..har baat ko itni seriously leti hai..aur uspar toh bhoot sawaar hai..Politics me jaaneka...

Raj--I know..

Gauri--achha suno..ek kaam ki baat bataoon..2 maheene baad..Kranti k Maa--Baojee aa rahe hain..tum milna chaahoge unse?

Raj--sach..?

Gauri--par..tumhari Maa toh Kranti se milne aanewali thi..Kranti ne kuchh bataya nahi uske bare me?

Raj--actually..Maa ko jana pada..Bhopal..Mausi ki tabiyat kharab thi..

Gauri--achha..Raj..Kranti toh GS k lia Election me khadi ho rahi hai..

Raj--haa..malum hai..

Gauri--tum madad nahi karoge?

Raj--meri madad toh legi nahi..

Gauri--pahle din se jo jhamela hua ..kaafi kuchh hua..

Raj--haa..

Gauri--yeh ladka..Sanjay..achha hai..

Raj--jee..

Gauri--iske Papa kyaa karte hain?

Raj--Doctor hain...Nursing home hai khud ka...

Gauri--achha..

Raj--ladka bahut achha hai...aur..Nirmal ko pasand karta hai..

Gauri--kyaa?

Raj--jee..isi lia toh laya hoon..saath me..aapko kaisa laga?Graduation k baad..shaayad IAS ya IPS banega..

Gauri--main kyaa bataoon?Nirmal k Papa toh rahe nahi ab..Nirmal Doctor ban jaaye pahle ..fir ..woh jisko pasand kare..main kyaa boloon?

Raj--haa..aap akeli toh faisla kar nahi sakti..

Kranti kitchen se baahar aai..

Kranti--raat k 9:30 baj gaye hain..khana hai...Nirmal..kyaa karoon?

Gauri--haa..Raj chalo..Sanjay..chalo beta..

Raj(man hi man)--Sanjay ki kismat achhi hai..pehli baar sasooral aya..aur ..waah...aur Kranti..iska kyaa hoga?

teerchhi nazar se Kranti ko dekh raha hai Raj..

Kranti uski taraf dekh bhi nahi rahi hai..

Sanjay Gauri se baat kar rah hai..Kranti Nirmal se baat kar rahi hai..

Raj irritated ho gaya...

*************************************************************************

Raj ghar pahucha..

"beta khana.."

Raj--khaa kar aaya hoon..

"kaha se?"

Raj--Kranti k ghar se..I mean jaha par Paying guest hai ..wahi se..

"kyaa kaha Kranti ne?"

Raj--kaash..woh kabhi ..kuchh kehti...

"mujhse milva kab raha hai?"

Raj--aap kab chal rahi hain..College..

"ghar par laa ekdin.."

Raj--koshish karta hoon...ab mujhe sona hai..Good Night...

******************************************************

Kranti bahut pareshaan hai...udti udti ek khabar aai hai uske kaano tak..

GS k Election me..uska ek contender hai..Rajveer Grewal..

College me Raj ka yeh last year hai..usse pahle..ek baar Raj GS banna chaahta hai..

Kranti k gusse k aag me..is khabar ne Ghee ka kaam kia...

jis bare me Raj ko koi idea nahi hai..koi interest nahi hai..yuh hi..this is irritating..

agle saal..Kranti ka bhi Final year hoga..padhai ka pressure..agar constructive kuchh karna nahi hai..toh..

Raj GS bana toh..College k awaragardhi badhegi..aur kuchh haasil nahi hoga..

apna shaukh pura karne k lia..GS jaise important post ka is tarha koi mazaak kaise udha sakta hai?

Edited by yakkudimag - 15 years ago

Quote

ANANYA ROY

@yakkudimag

Dazzler

+ 3

Posted: 17 years ago

#22

Next update will be after 20th September..I am going out of station..

I am going Bangalore.. due to some important task..I will be back..I think..20th..

till then ...good bye..and keep waiting..

wish me luck..so that I can be successful..

Quote

Looks like you are new here. Register for free, learn and contribute.

Dawn

@Dawn Idol

Voyager

Posted: 17 years ago

#23

Awesome ........ Ananya .............

I can visualise the whole scene in my mind....... keep up the good work 👍🏼

Have a nice time in B'lore ............. !!!!!!! And good luck for your task ............

Quote

liquidfantasy

@liquidfantasy

Inactive

Posted: 17 years ago

#24

thank u so much...for introducing sanjay n nirmal...they r so cute...

nice update ye raj to khullam khula bolta hai sabse..sgar kranti ne kabhi mana kar diya to...to fir bhi wo us se pyaar karega aur us se shaadi karega..hehe..

njoy in banglore..

update soon.

Quote

ANANYA ROY

@yakkudimag

Dazzler

+ 3

Posted: 16 years ago

#25

Originally posted by: Dawn Idol
Awesome ........ Ananya .............

I can visualise the whole scene in my mind....... keep up the good work 👍🏼

Have a nice time in B'lore ............. !!!!!!! And good luck for your task ............

thanks for loving my fic..wait and watch..story is yet to be told.

Quote

ANANYA ROY

@yakkudimag

Dazzler

+ 3

Posted: 16 years ago

#26

Originally posted by: liquidfantasy
thank u so much...for introducing sanjay n nirmal...they r so cute...

nice update ye raj to khullam khula bolta hai sabse..sgar kranti ne kabhi mana kar diya to...to fir bhi wo us se pyaar karega aur us se shaadi karega..hehe..

njoy in banglore..

update soon.

I introduced Sanjay and Nirmal due to the public demand..enjoy the fic..

I will update soon..

Quote

ANANYA ROY

@yakkudimag

Dazzler

+ 3

Posted: 16 years ago

#27

PART 4

THE RESULT OF THE ELECTION

13th September,1997.

Hindu College me Election..General Secretary k lia..

is baar k results k baare me soch kar sab koi pareshaan..k naa jaane kyaa hoga..

Opponent hai aise do insaan..jinke baare me College me alag hi baatein chalti hain..

Kranti Kaur V/S Rajveer Grewal.

Kranti Kaur--Serious,reserved,actually interested about Politics,genuinely eager to make some changes in the system.Yeh candidate agar jeet jaati hain..toh College k academics par achha asar hoga..procedures aur bhi clean and transparent honge.Students will be focused about their actual responsibility to their own life,family,society and to the whole nation.

Rajveer Grewal--Full of mischief,hunk,cool,casual..He is the representative of the Gen-X. If he becomes the GS....the campus life will be a place of more enjoyment. It is the time to live life with no tension as the next life is full fool of tension..so vote for Rajveer..if you want to enjoy.

yeh the dono parties k agenda..

kaante ki takkar..kyonki dono ka pallah bhaari hai..dono parties jo mudde utha rahe hai.. dono me se kisiko bhi nakara nahi jaa sakta.Is agenda se voters divided ho gaye.Jo log study k baare me serious the aur jo campus me shanti chaahte the..woh Kranti Kaur k team k maane jaane lage..

doosri taraf..jo log yeh sochte hain..k College me hi enjoy karna hai..kyonki baahar jaakar wahi tension..wahi zindagi..isi lia ..jab tak waqt hai..masti kar lo.Is category k log Rajveer k camp k maane gaye..

Kranti ne sirf community hall me kuchh kaha..aur uske supporters ne kuchh posters lagaaye..jin par Kranti ki photo nahi thi..sirf uske mudde the...

Rajveer ki photo lagi..saare photo bahut hi style se khinche gaye the..

Kranti gusse se jal rahi thi...k itne din ki mehnat ko..Rajveer ne aise chunauti di..sirf aur sirf Election ka maahol kharab karne k lia..

Rajveer bahut hi cool tha..pure Election k dauraan..

College k Professors pareshaan..Rajveer Grewal k is tarha Election me khade hone se..

Principal toh pahle se naraz the..Kranti Principal se mil kar baahar aa rahi thi.Principal ne yeh kahne k lia bulaya tha..k agar kahi Election k results Kranti k against gaye..toh Kranti maayus naa ho..woh tab bhi utni hi important student representative rahegi.

Kranti mil kar waapas aa rahi thi..

Election is over now..votes ki counting ho rahi hai..

Rajveer k peechhe ..College k ladkion ka bahut bada support tha..jo jo ladkian uske peechhe diwani thi..unhone aur unke dosto ne Raj ko hi vote dia..

Kranti Community hall me chup chaap baithi hai..

uske maathe par paseena jama ho raha hai..anjana sa ek darr hai Kranti k dil me..

baahar Raj dosto k saath baith kar cigarette pee raha hai...

gaaon se Chaijee ki chitthi aai hai..Kranti usi baat ko lekar pareshaan hai..zameen ko lekar koi mukaddama chal rahi hai..

Votes count ho gaye..

Kranti Kaur is defeated by Rajveer Grewal ..difference of votes..10 votes.

Kranti chup kar k baithi thi...

Raj k supporters baahar patakhe fodhne lage..

Kranti chup chaap nikal gayi waha se..

Raj ne khud nahi socha tha..k woh jeet jaayega...

fir bhi jab Kranti se aamna saamna hua..tab Raj ne kuchh aur hi kaha..

Kranti--Mubarak ho..

Raj--mujhe tumne apni madad karne nahi di..maine socha..main khud hi khada ho jaaoon..theek kia na?agar meri madad leti..toh aaj tum GS hoti..but abhi bhi kuchh nahi bigda..tum abhi bhi mere party me aa sakti ho..

Kranti--mujhe jeetna pasand hai..par yeh consolation prize nahi chahie..GS bane hain aap..zimmedari theek se nibhaaiyega...all the best..

Kranti chali gayi..

Kranti bahut dukhi hai..dukh isi baat ka hai..k uski saari mehnat bekaar gayi..

---------------------------------------------------------------------

agle din Kranti Dariagunj bazaar me ghoom rahi thi..achanak bike ki awaz se rook gayi..

Raj tha..

Kranti--kyaa baat hai?

Raj--baat karni hai..

Kranti--kahiye..

Raj--yeha nahi..kahi aur chalte hain..

Kranti--toh fir mat kahiye..mujhe nahi sunna ..

Raj--please..chalo..baat karni hai..

Kranti ne dekha..bahut bheed hai..yeha par baat ho bhi nahi paayegi..

Raj--bike par baitho..

Kranti ne aur bahes nahi ki..Raj k bike me baith gayi...

Kranti ko pata nahi tha..k Raj usko sidhe apne ghar le jaayega..

Raj--chalo andar..

Kranti--kyon?

Raj--chalo,batata hoon..

Kranti andar aai..

Raj--Birju..Maa ko bula...

thodi der baad Raj ki Maa aai..

Raj--Maa,yeh Kranti hai..

Raj ki Maa ne kuchh der dekha Kranti ki taraf...

Kranti--Jee..Sat Sree Akaal..

Maa--Sat Sree Akaal Puttar..aao..baitho.

Kranti--Jee?

Maa--baitho toh...

Raj--main zara ek phone kar k ata hoon..

Maa--haa..main isse zara baat kar loon...

Raj--jee..

Raj chala gaya phone karne..

Maa--Beti..ghar me aur kaun hai tumhare?

Kranti--Maa--Baojee...aur main hi hoon...koi Bhai-Bahen nahi hai...

Maa--achha..Dariagunj me Mrs. Verma k ghar me rehti ho..

Kranti--aapke Bete ne bataya?

Maa--haa..din raat tumhari hi baatein karta hai..

Kranti--Jee..

Maa--main khud College jaakar tumse milna chaahti thi..par fir maine socha..k is tarha sab k saamne..

Kranti--Jee...

Maa--tumhare Maa--Baojee se main milna chaahoongi..

Kranti--kyon?

Maa-woh main unhise kahungi...woh log Delhi kab aa rahe hain?

Kranti--agle hafte....

Maa--Mrs. Verma k ghar me hi thehrenge..?

Kranti--Jee...

Maa--main khud unse milne aaoongi..

Kranti--Jee..achhi baat hai..

Maa--Raj tumko kaisa lagta hai?

Kranti--Jee?

Maa--nahi..Raj toh bahut kuchh bolta hai..tumhare bare me..tum Raj k bare me kyaa sochti ho...yeh mujhe jaanna hai..

Kranti--sach bataoon?

Maa--haa..

Kranti--main aapke Bete k bare me sochti hi nahi..mujhe aur bhi kaam hai..

Maa--par..kabhi na kabhi..kisi na kisi k baare me toh sochna hoga..kya mera Raj itna bura hai?

Kranti--bhale bure ki baat nahi hai..bas..maine is baare me socha nahi..

Maa--ab soch lo...kal ko..tumhari padhai khatam hogi..tum kaam karna chaahti ho..achhi baat hai..par..doosri baatein..toh....

Kranti--Jee..main samajh rahi hoon..

Maa--toh..ab se..Raj se thodi bahut baatein kar lia karo..woh itna bura nahi hai..

Kranti--Jee..

Maa--Raj ne sahi kaha tha..'Jee' bolna ..tumhari aadat hai kya?

Kranti--Jee..main ab chaloon?

Maa--aise kaise?baitho..khana khaaye bina tum nahi jaa sakti...

Kranti--jee..mujhe jana hai..

Maa--kuchh toh khaao..

Kranti--jee..

-----------------------------------------------------------------------------------

agle din Kranti college gayi,,,,usko nahi pata tha..k uske lia kaun kaun se sawal intezar kar rahe the..

uske group k students us par ilzaam laga rahe the...

ilzaam yeh hai..k Kranti sab k saamne Raj ki opponent bani rahi..par andar hi andar Raj se woh mila karti hai,Kranti Raj k ghar gayi hai..

Kranti--aisi koi baat nahi hai...

"achha..kal tum Raj k ghar nahi gayi thi?"

Kranti--haa..par ..jaisa tum keh rahi ho..waisa kuchh nahi...meri baat suno..

"yeh Raj se tumhari dosti kab se hai?shuru k din se hai yaa.Election haar kar..Raj se dosti ki?

Kranti--behudi baaton k lia mere paas waqt nahi..

"you must answer...tumhare kahne par hum din raat mehnat karte rahe..aur tum andar hi andar us Raj k saath..."

Kranti--yeh sach nahi..meri baat ka yakeen karo..

Kranti samjhane lagi..par koi uski baat sunne k lia taiyyar nahi tha...students puri tarha se paagal ho chuke the...

Kranti--OK..Raj se poochh lo..main uske ghar kyon gayi thi..agar woh batayega..tab toh yakeen ho jaayega na..usko bulao..

par Kranti ki kismat kharab..Raj shaher me nahi tha..usko jana pada..uske Dad k saath...

"maine khud dekha hai,tum Raj k bike k peechhe baith kar jaa rahi thi,kal, Dariagunj se tum dono guzar rahe the.."

Kranti--jaisa tum samajh rahe ho waisa nahi...

Kranti ko tab yaad aayaa..Raj usko apni Maa k paas bitha kar phone karne gaya tha...yehi sach hai..varna Dariagunj me dekha..par isko kaise pata chala k Raj k saath Kranti uske ghar gayi thi?Kranti ka gussa thanda ho gaya tha..par ab us gusse ki aag me ab yeh ghatna ghee ki tarha kaam kia..

----------------------------------------------------------------------

20th September,1997.

Raj College aya..Sanjay ne bataya sab kuchh...

Raj--yeh kyaa ho gaya?mujhe bataya kyon nahi?

Sanjay--tu shaher me nahi tha..Kranti bhi tujhe hi dhoondh rahi thi..usko bahut kuchh sunna pada..Raj..tune kisi ko bola tha..k Kranti tere ghar gayi thi?

Raj--nahi..agar kisine dekh lia toh..main kyaa karoon?

Sanjay--Kranti tab se college nahi aai Raj..usko bahut kuchh sunna pada...

Raj--kyaa?arre..paagal main usko Maa se milvane le gaya tha..Election se uska koi lena dena nahi...

Sanjay--main janta hoon..par baaki k log toh Kranti ko hi ghalat samajh rahe hain..

Raj--main chala...

Sanjay--Dariagunj jaa raha hai?

Raj--haa..

Sanjay--main bhi chalunga...

--------------------------------------------------------------------------------------------------

Nirmal--ab kyaa chaahte hain aap??aapne aisi ghatia chaal chali?kyon Mr. Grewal..?

Raj--Nirmal ..main kuchh nahi jaanta tha..main bas Maa se milvane le gaya tha..kisine agar dekh lia toh main kyaa karoon?main shaher me nahi tha..College gaya ..toh sab pata chala...yakeen karo mera..

Nirmal--mere yakeen karne se yaa naa karne se..kyaa hoga?Kranti toh yakeen nahi karegi..

Raj--kaha gayi hai woh?main uska intezar kar raha hoon..aayegi..toh baat karoonga....

Nirmal--Kranti parso..Delhi chhod kar chali gayi hai..uske Baojee gaye the College..uska transfer certificate lene..ab woh Delhi me nahi hai..woh jaa chuki hai..

Raj--nahi..aisa nahi ho sakta...

Sanjay--Nirmal..Raj ka koi dosh nahi..

Nirmal--ghalatfaimi hai..par Kranti toh chali gayi hai..maine bahut roka..k ek baar Raj se baat kar le..Maa ne roka usko..par zid pe adhi rahi..kyaa karte humlog?bahut zyada gussa aa gaya tha usko...Rajveer ko kitna bhala bura keh rahi thi...main bata nahi sakti..pal pal Raj ko kos rahi thi..yeh bol rahi thi k Raj ne phone kar k yeh baat failai hai k..Kranti uske ghar gayi thi...

Raj--nahi..Nirmal..main kaise kar sakta hoon aisa??mera yakeen karo...

Nirmal--Kranti..jaa chuki hai Rajveerjee..ab main kyaa kahoon?

Raj--uske gaaon ka pata hai tumhare paas?

Nirmal--hai..par koi faida nahi...woh aapse kabhi nahi milegi iske baad...

Sanjay--Nirmal...Raj ne kuchh nahi kia..

Nirmal--arre..mujhe bol kar kyaa faida?uske gaaon jaao..usse baat karo..

---------------------------------------------------------------------------------

Maa--kyaa hua?Kranti mili?

Raj--woh jaa chuki hai..

Maa--tere lia intezar bhi nahi kia usne?

Raj--main kya karoon?

Maa--dhiraj rakh...uske gaaon jaa..zaroor milegi..

Raj--hmm...

Edited by yakkudimag - 16 years ago