Sakshi yawn karte hue uthti hai aur dekhti hai ke Aisha nehi hai.. wo tent se bahar jati hai...Aisha wahan bhi kahi nazar nehi aati... Thoda nervous ho jati hai wo... Usi time Shree bhi bahar ata hai. Sakshi Shree se puchti hai Aisha ke bare me, but Shree ko pata nehi hota. Na chahte hue bhi Sakshi aur Shree Sam,Arjun aur Chhotu ko jagate hai.Sam- nehi hai matlab?? yehi kahi hogi... is jungle me kaha jayegi wo? dhundo usko(panicked) spread out team.
Arjun(MV)- yaha ake bhi case.. ye Aisha na... uff..kaha dhundu ab itne bade jungle me... phone ka tower bhi nehi aa raha...(Chillate hue) Aisha... Aisha...
Sab alag alag side jate hai aur dhundne lagte hai..
Sam aur Shree raste me ekbar mil jate hai..
Shree- mili sir?
Sam- nehi Shree..pata nehi kaha chali gayi... Ghana jungle hai... kabhi bhi animals attack kar sakte hai..ye ladki na... khudko Gabbar singh samjhti hai kya...humey tension me dalke chali gayi...
Yehi bolte bolte Sam ke hath se map gir jata hai.. mitti thodi gili hai.. wo map uthane jata hai to dekhta hai ke shoe prints hai..
Sam- Shree... shoe prints... Aisha ho sakti hai kya?
Shree- sir..abhi to koi aur lead hai nehi..yehi follow karte hai..chaliye.
Shree aur Sameer shoe prints ko follow karte karte jate hai...par Shree achanak se kuch dekh ke ruk jata hai..aur Sam ki taraf confused hoke dekhta hai.
Sam- ruk kyu gaye? chalo shree..
Shree- sir,..wo...matlab..ye(pointing to a scarf lying on the ground) ye,,..scarf..Aisha ka hai...aur khun laga...matlab..
Sam(baffled)- usko kuch nehi hoga..we cant waste time..chalo shree...(Sam shree ko kam aur khudko zyada samjhata hai) aur footprints ki taraf jata hai..
Aur jab finally footprints end hote hai usko gussa aa jata hai...
Shree(annoyed)- khoda pahar...nikli chuhiya...
Samne ek lake hai aur Aisha wahan chup chap baithi hui hai... pics click kar rahi hai apne DSLR pe... Shree aur Sam ek dusre ko dekhte hai aur uske pas jate hai..
Shree- (dramatically) OMG... Aisha tum zinda ho? hume laga koi janwar kha gaya tumhe..
Sam usko dekh raha hai..aur dekh hi raha hai...
Aisha(Shocked)- Arey tumlog... aur..kya bol rahe ho shree...
Sam(kaafi gusse me)- Aisha..bina bole aa gayi tum..sab pagalon ki tarah dhund rahe hai tumko... uparse raste me tumhara scarf mila..blood stained..kitna dar gaye humlog...aur tum yaha lake ke pas baithke chill kar rahi ho...
Aisha(realizes ke uske wajahse kitna confusion create hogaya) - shit... sorry guys...ap sab so rahe the...mai to phone ka tower dhundte hue yaha ayi...1 tower mila..gharpe baat ki...aur wo scarf... hua ye ke mai aa rahi thi..mitti slippery thi to mai phisal gayi..paas me jhaad thi usko pakad lia..par wo kaanta wala nikla😭 aur palm me chubh gaya...isiliye jaldi se scarf bandh lia...I mean thoda zyada hi khun ane laga... to badme scarf nikalke bandage bandha...(showing the mini first aid bag) aur scarf ko fek dia..mujhe nehi pata tha ke aisa kuch hoga...I am really sorry.
Shree - huh... mai chala.. baki pareshan ho rahe honge.. tumse hisab baad me sahi karunga...ainda aisa mat karna... samjhi ya samjhau?(rathod glares) nehi..mera matlab..kuch nehi...
Itna bolke Shree bhaag jata hai isse pehle ke Rathod uski class le Arjun ka nakal utarne ke liye...😆
Aisha ekbar apologetically dekhti hai Sam ko aur phir "Chale" bolke agey badh jati hai..kyuki usko pata hai ke Sam uski bahut buri wali class lagane wala hai...
Sam- Aisha... ruko.
Aisha rukti hai aur mentally sare bhagwan se pray karne lagti hai ke Sam usko daante nehi..
Sam - I am not done yet.
Aisha- sorry..mai ..
Sam- tum realize kar rahi ho ke kitna bada blunder kia tumne? Tumhare gharpe jhut bolke..apni responsibility pe laya hu tumhe...aur tum... leave Aisha.. mai chahe tumhe better feel karwane ke liye kuch bhi kyu na kar lu... tum kabhi nehi samjhogi.. kabse itni irresponsible hogayi tum? Bina kisi ko bole...yaha ake baith gayi..ye bhi nehu socha ke sab parshan honge..agar tumhe kuch ho jata toh?
Aisha(confused at the sudden outburst)- Sir... I am pretty fine.. I know ke galti ki hai maine..agey se dhyan rakhungi... phone ka tower dhundte hue yaha ayi to...gtoh baith gayi..I needed sometime alone... Aj meri mom ka birthday tha... I was missing her... bas isliye...agey se batake aungi. I am sorry...ab chalte hai.. warna sab pareshan ho jayenge...
Sameer- sorry agar maine offend kia ho...par I said like Sam..not Rathod SIR.
Aisha ko samajh nehi aa raha...ke Sam achanak gol gol batein kyu kar raha hai..
Aisha- aur mai bhi Sam se hi bol rahi hu... sorry na... ab freak out mat karo..aur chalo wapas chalte hai...
Itna bolke wo jane wali hoti hai, but Sam uska hath pakad leta hai. Aisha raises her brow but then something unexpected happened. She found herself in a his embrace. Shocked would be an understatement, it was beyond that for her. She didn't know how to react.
Sam- I was worried yar... Meri basanti ko kuch hogaya to mai pareshan kisko karunga...😆 ek Basanti hi to hai..jo bina mar pit ke meri sari pareshaniyon ko jhelti hai..
Aisha(pouts)- huh...chhodo mujhe(parts from him) ... bade aye,.. aa gaye na line pe... bahut bure ho tum..jao..huh...
Sam- ghar ko miss kar rahi ho?
Aisha- bhai ko..mom dad ko...thoda lonely feel kar rahi thi bas...
Sam- ek baat puchu? ye bahut hi personal topic hai...tum na batana chaho toh..its okay...ek friend ke hisab se puch raha hu.. Tumhare mom dad ki death kaise hui? Tum bahut chhoti thi na?
Aisha thodi upset ho jati hai...
Aisha- 6 saal ki thi...Chiku 4 saal ka... Mere papa bhi army me the...Tauji ke sath hi... sab thik tha...ek din unki gadi ka accident hogaya... aur...sab khatm... Mom dad kahi ja rahe the... highway pe hua tha yesab... Gadi khai me gir gayi thi... bodies bhi recover nehi hue...mai dekh tak nehi payi...(very upset)
Sam usko side hug karta hai aur Aisha ek forced smile deti hai..."I miss them"
Sam- kuch chizon pe humara control nehi hota Aisha... par jo present hai tumhara...usko apna best banao... kisi chiz ka afsos nehi rehna chahiye... isi pe ek dance hojaye basanti...
Aisha- dance? mujhe nachna nehi ata sam...
Sam- arey basanti... acha chhodo..I think wapas chalna chahiye... dance to karwa ke rahunga tumse mai...khair...chalo..
*******************************
Arjun- mai bol raha hu...khichdi pak rahi hai... tumlogon ko nehi samajh aa raha..mujhe samajh aa raha hai...
Chhotu- (checks the utensil on the fireplace) sir..abhi to coffee pak rahi hai..😕 apko khichdi kaha se dikhi?
Sakshi(disbelieving look)- kabhi to khane ki duniya se bahar ao Chhotu... Arjun Aisha aur Sameer ki khichdi ki baat kar raha hai..'
Shree- dekho mai aa gaya...adha ghanta hogaya...dono pata nehi jungle me kaunsa mangal kar rahe hai...unhe pata hai na ke humlogon ko resort wapas jana hai...Arey yaad aya... hum jaha stay kar rahe hai..us resort ki aj 50th happy birthday hai😆
Sakshi- jao phir..cake kha lo...
Shree- huh...bas bata raha hu..
Tabhi Aisha aur Sam haste haste ate hai...
Arjun(murmuring)- dekho..maine kaha tha..kuch to mangal kar rahe hai...
Sabhi skeptical nazron se dekhte hai dono ko...
Aisha- kya hua? koi janwar nehi kha gaya mujhe... aise kyu ghoor rahe ho..
Arjun- itni der kya kar rahe they tumlog?
Sam- thodi batein kar rahe they... arey wah...coffee... Sakshi coffee do...
Aisha- Apko nehi lagta apko pehle fresh ho lena chahiye...
Sam- oh ha..bhul hi gaya mai... sab tumhari galti hai... mai brush karke ata hu...
Arjun is still curious.
Arjun(whispering)- Aisha... tumlog kya kar rahe they?
Aisha- baat kar rahe they... kyu?(innocently)
Arjun- kuch nehi... coffee piyo.
Shree- sabne pack karlia na sabkuch? phirse check karlo..kuch chhuta to wapas nehi milega..
Chhotu- khana to zarur pack karna..bahut bhuk lagegi...
Sab Chhotu ko ajibsa look dete hai...
Thodi der bad sab Resort ki taraf wapas nikalte hai...Resort ate ate noon ho chukka hai...sab kafi tired bhi hai...Aisha atey hi sabse pehle Chiku ko call karti hai...
Sab fresh hote hai...toh sabko ek invitation milta hai...sham ko party hai resort me...
Ye dekh ke Shree ko sab tease karne lagte hai ke uske Happy Birthday ka dukhra sunke party mil gayi..
Sakshi hadh se zyada excited hai...usko party ke liye shopping karni hai..par sab itne tired hai ke sab jane se mana kar dete hai...par phir bhi wo emotional blackmail karke Aisha ko sath ke jati hai...par Aisha ne bhi condition di hai ke wo zyada nehi ghumegi shops me... jo karna hai jaldi karna hoga...
Sakshi khud bhi dress leti hai aur zabardasti Aisha se bhi kharidwati hai...
*********************************
Sham ho chuki hai...Aisha so rahi hai blanket muh pe daalke... Sakshi 3-4 bar usko dhakka marti hai...but usko jaise koi farq nehi padta..😆 Shree aur Chhotu bhi try kar chuke hai..par Aisha ne Sakshi ka pillow fek ke maar bhagaya dono ko...
Arjun ko charger nehi mil raha...wo Aisha ka charger borrow karne ata hai as dono ka same phone hai... wo bhi usko uthane ki koshish karta hai..par lastly Sakshi hi uske bag se charger nikalke deti hai...Tabtak Sam Arjun ko dhundte hue ata hai...usko kuch official matter pe discuss karna tha...aue samne ka scene dekh ke usko hassi aa jati hai...
Wo ache se shirt ki sleeves fold karta hai..Sakshi ko ek wicked smile deta hai..aur thumbs up dikhake bed pe almost jump karke blanket uske face se hata deta hai..
Aisha bhi Sam ko zor se dhakka marke wapas so jati hai...
Ab Sam apna hathiyar use karta hai... Wo usko tickle karne lag jata hai...Finally bechari ko uthna hi padta hai...pehle to wo pani ka glass Sam ke face pe mar deti hai usko uthane ke liye.. Phir kuch badbadate hue washroom chali jati hai...
Arjun aur Sakshi abtak SHOCKED face se dkh rahe hai...
Sam- Dekha.. tumlogon ko kuch nehi ata...chalo ab sab ready hojao... hum party me milte hai..
****************************
Party shuru ho chuki hai.. Sare guests kafi enjoy kar rahe hai...Sam kone me baat kar raha hai kisise...Chhotu Shree aur Arjun khade hai...
Shree- ladkiyan itna time kyu lagati hai...
Chhotu- kyuki wo ladkiyan hai..noodles nehi ke 2 min me taiyyar ho jaye..
Arjun Sam ko glare karta hai ke phone rakhe...par wo ignore karke baat kiye hi ja raha hai😆 Arjun ab irritated ho chuka hai.. wo Shree ko jake bolne hi wala hota hai ke Sakshi aur Aisha ko ekbar jake bulaye...par dekhta hai ke dono Shree aur Chhotu akhein gol gol karke stairs ki taraf dekh rahe hai..Arjun bhi dekhta hai...aur kuch sochke Sam ki taraf palat ta hai to dekhta hai ke Sam ne call disconnect kardia hai..aur Sakshi aur Aisha ko ghoor raha hai...
Arjun(mv)- ahan..khichdi to definitely pak rahi hai...
Aisha aur Sakshi apas me baat karte hue niche ate hai..Arjun ko wave karte hai..phir Shreetu se baat karte hai...Sam ab bhi ghoor raha hai..
Sakshi(loudly)- SAMEERRR!!
Sam(embarrassed)- han ..kya? wo..sorry..kabhi aise dekha nehi tum dono ko...
Sakshi(confused)- matlab?
Sam- nahi kuch nahi...
Arjun- tumhara violin saxophone session khatam hogaya ho to ye lo..pani pi lo...u need it.
Aisha(confused)- violin saxophone?
Rathod glares at Arjun who ignores.
Arjun- actually khoobsurat ladkiyan..jab red ya black saree me Rathod ke samne ati hai... to iska hormonal locha ho jata hai...aur background me movies jaisa violins and saxophones bajne lagte hai...aur sab slow motion me hota hai...haina Rathod...
Sab ye sunke kafi shocked hai... Aisha ekbar Sam ko..ekbar Arjun ko dekh rahi hai.. Bakiyon ko to jaise yakeen hi nehi hota...ke Arjjun bhi aisa Mazak karta hai...
Rathod is totally embarrassed..kyuki team ke samne uske izzat ki dhajjiyan udd chuki hai...
Arjun- aur Sakshi ne red pehna hai..Aisha ne black pehna hai... ab ye kisko ghoor raha tha..ye to yehi batayega... chalo batao... kya chal raha hai? female colleague pe line mar rahe ho ya sachem pyar hogaya?😉
Rathod- aisa kuch nehi hai...
Arjun- to kaisa hai? hum bhi to jane..
Rathod- rawte please...
Arjun- Sam please...batao batao...
************************************************
Ab yehi pe break... comments karo..jaldi update dene ki try karungi😆
Edited by IshitaRocks015 - 10 years ago
Love Friendship Dating and Relationships
Udne Ki Aasha
CID
Hindi TV Shows
22