SS-Dosti..Pyar..Yaariyan *updated page 12*

Arjun apne cabin me baithke kisi case ki file padh raha hai...Par uska man kahi aur hi hai... Usko samajh nehi aa raha ke kuch din se ho kya raha hai.. wo zyada soch raha hai.. ya sachme kuch gadbad hai.. Wo ekbar ke liye Sam ki cabin me jhaankta hai.. Sameer bhi kisi gehri soch me hai.. aur kafi gusse me bhi lag raha hai...pareshan bhi hai.. restless lag raha hai..

************FLASHBACK************

Team har subah ki tarah chit chat kar rahi hai.. Shree apna koi naya software dikha raha hai.. Chhotu ko samajh nehi aa raha.. Liza shree ko tang kar rahi hai.. Sakshi ko bhi gussa aa raha hai ke shree 1 ghante se unhe kuch samjhane ki try kar raha rahi jo unko samajh nehi aa raha.. Aisha thodi chup chap hai..aur phone pe message type kar rahi hai bar bar..

Sakshi usse 4-5 bar puchti bhi hai ke koi pareshani hai ke nehi..but wo har baar baat taal deti hai..

Arjun ne bhi ye baat notice ki thi..but he chose to ignore thinking ke personal mamla hoga... but phir usse raha nehi jata to wo Sameer ko ishara karta hai...

Sameer aur Aisha batchmates they. Although not very good friends, but normal classmate jaisa kabhi kabhi baat kar lete they dono. Aisha thodi shant nature ki hi hai shuruwaat se. Sameer bolta hai ke wo college me bhi thodi reserved thi aur jaldi kisise baat nehi karti thi. Arjun ke force karne par Sameer muh banate hue Aisha se baat karne jata hai...

Tabtak Aisha khudko excuse karke apne cubicle me jake baithi hai aur phone pe baat kar rahi hoti hai. Sameer ko ata dekh wo phone kaat deti hai aur smile karti hai. Sam usko coffee deta hai aur ek chair khich ke baith jata hai.

"Kisse baat kar rahi thi? Aur kaat kyu diaa..?", he asked.

"Nehi wo kuch nehi..aisa kuch nehi hai... baat karna hogaya toh rakhdia.."

"Chiku se baat kar rahi thi?"

"Haan.. wo kuch samaan lane ko bol raha tha toh...wohi.."

"Kaisa hai wo?? Ab bhi ek dusre ke baal nochte ho tumlog?? Ya thode bade hue ho?", Sameer wink karke puchta hai.

Ye sunke Aisha ko hasi aa jati hai aur wo smile karti hai...

"Kuch hua hai Aisha? Gharpe problems hai? Dekho... koi aur nehi.. tum mujhe bata sakti ho... mai janta hu tumhe family issues discuss karna nehi pasand... phibhi.. atleast mai to sab janta hu na... I can help... aur.. Chiku bhi bachcha nehi hai ab .. usko sab samajh ata hai... so tum uski chinta bhi mat karo...", Sameer ache se samjhane ki koshish karta hai.

Aisha- Sir... gharpe koi khush nehi hai meri job se... Tauji roz din kuch na kuch suna dete hai ... ghar jane me late ho jata hai isliye... aur mujhe apni tension nehi hai... Mera bhai yesab me drag ho raha hai ... bas samajh nehi aa raha kya karu... gussa aa raha hai.

Sameer- I really don't believe this... Aisha ... ETF me ho tum... learn to take a stand for yourself.

Aisha- zyada stand lene gayi to gharse nikal denge mujhe... aur Chiku ko bhi... phir kaha jayenge humlog? Mumbai aye 10 din hua hai mujhe... kuch nehi janti... kuch nehi pehchaanti... kaha jaungi? Aur please bhuliye mat college me kya hua tha... apko yaad hi hoga... Puri sena laga denge tauji mere piche.. Goli maar denge.

Sameer- Aisha... tum ab bhi bachchi ho... humlog nehi hai kya tumhare sath?

Aisha- Aap Mumbai ke ACP hai. Tauji Indian Army ke Retired Brigadier... aur unka beta General. Unke sources nehi jaante aap. Unka bas chale to apko bhi kisi jungle me transfer kara de. Please Sir, It's a request... aisa kuch mat kijiyega ke mere liye problem hojaye... mujhe nehi acha lagta roz roz ka natak... please aap yesab me mat padiye. Unke conservative nature ko bhagwan bhi nehi badal sakte..aur is bare me mujhse kuch mat puchiyega...

Itna bolke Aisha uthke chali jati hai.

Arjun dur se khada hoke samajhne ki koshish karta hai ke kya batein ho rahi hai..aur acahanak Aisha ko jate dekh usko samajh ata hai ke kuch serious mamla hai... Warna in 10 dino me usne jis Aisha ko dekha... wo galat nehi ho sakta...aur itni kamzor nehi ho sakti wo.

***************FLASHBACK ENDS***************

Arjun kaafi der sochne ke bad Sameer ke cabin me jata hai aur baith jaata hai.. Sameer usko questioning gaze se dekhta hai...

Arjun-What?? Tum sachme chahte ho ke mai puchu?? Or you can read my mind??

Sam usko sabkuch batata hai.

Sameer- yaar uske Tauji.. khadoos budhdha... rifle leke ghumta hai... unhe Aisha ki job se problem hai.. timings you see.. but unko kaun samjhaye ke jan case hota hai to der ho hi jati hai.

Arjun- ghar ghar ki kahani... equal rights kyu nehi diye jate ladkiyon ko.. ladke der raat tak gharse bahar rahe koi problem nehi.. but ladki ko 9 baje se ehle ghar me ghusna hai... huff... toh,,.. kya socha tumne?

Sameer- mai kuch nehi soch raha... usne siddha siddha boldia hai mujhe uske family matters me na padne... abhi chup rehta hu.. but baat zyada bigadti lagi to kuch karna hoga... aur suno... tum bhi usse kuch mat puchna.. offended ho sakti hai wo.

Arjun- par college me kya hua tha?

Sameer- arey mat puch... maine bola tha na..ke uske utne dost nehi they... college me fest hua tha... to wohi fest ki ek photo uske Tauji ke hath lag gayi... us photo me uski 2 classmates.. ladkiyan thi...aur sathme do ladke... is baat ko leke bakheda khada kardia ke ladke ke sath photo kyu hai..jabki group photo thi... agle din class me ghuske... humara samne se ghasit te hue uska bhai legaya usko... college authorities ne rokne ki koshish ki to Army officials hone ka dhaus dikhake dara dhamka ke ghasit te hue le gaye... 15 din tak classes attend nehi kar payi wo... last me pure class.. sab teachers ne written petition dia... Principal ko action lena hi pada... unhone lawyer se baat ki... police se baat ki... aur phir bahut hungama hone ke baad usey wapas college ane dia gaya... par har minute uspe nazar rakhi jati thi... security bheji jati thi...college se ghar... ghar se college... gadi lene aur drop karne ati thi. Abhi unko job se problem hai... Unko lagta hai ke Aisha yaha timepass karti hai... hum me se koi agar uske ghar jake baat karne ki try bhi karta hai... kya pata usko phirse gharpe beitha de... mujhe to ye bhi lagta hai ke abhi to sidha shaadi karwa denge... aur unka wo khatarnaak rifle... Bapree...

Arjun- hadh hai yar... us time to aisha bachi thi.. ab kya hogaya hai usko...

Sameer- Nehi Arjun... point to hai uske baat me,,..abhi aye 10 din hue hai usko Mumbai me... humne problems kia to usko nikal hi denge... aur usa bhai bhi toh hai... we cant rule that out na... rehne do re.. humlog dur rehte hai... zarurat padi to action zarur lenge... Wo Brigadier hai toh hum bhi ETF hai...

Tabhi Sakshi bahut excitedly aati hai.

Sakshi- Sameer..humne ek plan banaya..

Arjun- kisko thokna hai?

Sakshi- Arjun...chup raho tum.. Sameer... chalo na.. ek week ka break leke kahi ghumke aate hai.

Arjun(shocked)- pagal ho tum?? ETF wale chhuti pe jayenge to desh ka kya hoga?

Sakshi - Arjun.. ek week bola maine..ek saal nehi... humare bina desh dub nehi jayega.. dusre authorities hai... humari absence me ek week sambhal hi sakte hai wolog...

Sameer- sakshi.. aise chhuti nehi le sakte hum.. DIG se baat karni hogi...bahut formalities hai.

Sakshi- Sameer... humari bhi life hai yar... aisa thodii hota hai..sara din to kaam hi karte hai... baat karo na... ek week bas...dekho ye unanimously socha hai... sab yehi bol rahe hai... aur wo shree... usko to definitely break chaiye uske lappy se... warna khud bhi pagal hoga... humey bhi kardega...

Sameer aur Arjun ek dusre ko dekhte hai...aur 'dekhte hai' type expression dete hai.

******************************

Sameer badi mushkil se chhuti arrange karta hai kyuki usko baki team members pe bhi taras aa jata hai... and usko khud bhi break chaiye hota hai... bechara khud files ke bich zindagi nikalne ka sochke chhuti pe jane ka sochta hai. Usko khushi hai ke team sathme time spend karne sakegi...but usko ye bhi kahi na kahi pata hai ke sab honge.. par Aisha ka ana next to impossible hai.

Arjun- kya soch rahe ho Sam?

Sameer- Aisha nehi ayegi Arjun... hum sab me se break ki sabse zyada zarurat usko hai... uske ghar ke conditions ka idea bhi nehi hai tumhe... mujhe uske liye bura feel hota hai... college ke excursions me bhi nehi aati thi humare sath... uske mom dad zinda hote to ye nehi hota...

Arjun- mai ekbar Aisha se puch...(cut by Shree and Sakshi who have barged into the cabin)

Shree- Sir... wo...humey bolna tha kuch..

Sakshi- han.. ye trip cancel karo... nehi jana humey.

Tabtak Aisha piche piche ati hai aur kafi annoyed hai.

Aisha- nehi... tumlog jao na..mere wajahse cancel mat karo... Sir..boliye na..

Arjun- ek minute..kya hua hai...ek minute bolte ho jana hai..ab jane ka plan bangaya to cancel karna hai...ho kya raha hai..

Aisha- maine yehi bola ke mai nehi aa sakti...

Arjun- kyu?

Sameer arjun ke taraf dekhta hai aur 'maine kaha tha!!' type expression deta hai.

Aisha- nehi aa sakti.. bhai akela hoga... aplog jao na..

Arjun- par hum sab jaa rahe hai... tum nehi aogi to acha nehi lagega... Sakshi ki bakbak ko kaun company dega...

Aisha helplessly idhar udhar dekhne lagti hai...aur gussake nikal jati hai...

Sameer sabko jane ko kehta hai..aur Arjun ko bhi bhaga deta hai...Arjun ko samajh nehi ata ke uske dimag me chal kya raha hai... par usko itna zarur samajh ata hai ke Sam ko bahut man hai ke Aisha sath chale..aur wo nehi jayegi to uska man nehi lagega,.. Sath hi Sakshi akeli ladki hote hue bore ho jayegi... Chhotu ko tension hai ke kisiko khana banana nehi ata,,aur Sakshi ke cookery skills kamaal ke hai.. Aise me agar aisha sath nehi gayi... aur unhe kisi aise holiday home... ya Aise hotel me rukna pada jaha khane ka problem ho...ya Camping ka plan bane... to wo bhuka mar jayega...

Unka trip 2 din bad ka hota hai..par destination abhitak decide nehi hua hai...par Sakshi ko lonavla ka man hai.. even Shree bhi uske support me hai.

Kaam khatm hone ke bad sab ghar jate hai.. Par Sam ab bhi soch raha hai ke Aisha ka kya kare.. wo Sakshi ko call karta hai aur bas itna batata hai ke ghar se allow nehi karenge usko,..to uska koi jogaad lag sakta hai kya..

Sakshi(on phone)- Sameer... mai uski friend banke jati hu aur bolti hu uski family ko..'

Sameer(shocked)- nehi..aisa kuch mat karna..galti se bhi mat bolna ke ghumne ka plan hai...

Sakshi- par baat kya hai..

Sameer- kuch nehi.. tum so jao...aur kuch mat karna tum...mai dekhta hu.

********************

Aisha apne bed pe soke bas sides change kar rahi hai... usko trip pe jane ka bahut man hai..but chah ke bhi nehi ja sakti wo... kyuki usko pata hai ke zor zabardasti chali bhi gayi wo to uski absence me kimat Chiku ko chukani padegi... Uske Tauji apni baat manwane ke liye kisi bhi hadh tak ja sakte hai...wo kuch ulta sidha karenge...par aisa kuch kardenge ke Aisha dobara trip pe jane ke bare me sochegi bhi nehi. Par man hi man wo ye bhi soch leti hai kea b sabkuch tolerance se bahar ho raha hai.. aur usko step lena hoga.. kam se kam apne bhai ke liye... warna usko bhi wohi sab face karna hoga jo khud usne kia hai...

Wo lete lete college time ka soch rahi hoti hai...

************FLASHBACK**************

Aisha chup chap hall ke corner me baithi hui hai... College me play hone wala tha annual day pe... sab usi ke rehersals me busy hai... Aisha padhai me achi thi aur play me hissa lena nehi tha usko.. isliye script ki editing ka kaam dia hai usko... Sam kafi popular hai ladkiyon me.. college me sabhi ladkiyan uske piche pagal hai...Sam full on attention enjoy karta hai ladkiyon ka... kabhi kabhi flirt bhi karleta hai... but being a gentleman wo kabhi limits cross nehi karta... decent ladko jaisa flirt karta hai...

Aisha ko samajh nehi ata ke usme aisa kya khaas hai ke sab pagalon ki tarah piche pade hai uske... wo script ka 2-3 page edit karti hai jo us din ke liye kafi they.

Sameer stage pe hai.. aur pagalon jaisa har ladki ke sath dance kar raha hai... Sab masti mode me hai... Aisha ear plugs nikal ke kaan me dal leti hai aur Biology book kholke padhne lag jati hai...Hall me ye roz ka natak tha...2 hrs thik se rehearse karne ke bad sab break leke aisa hi karte hai... Sam ki nazar Aisha pe padti hai... us photograph wale incident ko kuch hi din hua hai... usko bura lagta hai... to kuch sochke wo play me use hone wale props..jaise flowers... fake knife ..fake gun utha leta hai...

Wo aim karke flowers ka ek bouquet Aisha ke taraf fekta hai aur wo directly jake uske sir pe girta hai..Aisha shocked ho jati hai...aur khadi ho jati hai...

Tum..padhai kar rahi ho?',Sameer khud shocked hoke book dekhta hai.

Nehi... mala jap rahi hu bhagwan ke naam ka',wo bhi gusse me reply deti hai.

oh.. bhagwan ki mala japne se Biology ka gyan milta hai?..waise biology ka kya padh rahi ho?? basic biology to 10th standard me hi padha dete hai.. tum details me padhti ho yesab??..😉😉'

Aisha frustrated look deti hai aur tang mat karo..hato..jane do..' bolke jane wali hoti hai.

"Eeyy chashmish...",Sam zor se chillata hai...Aisha ruk jati hai..par wo itni zor se chillaya tha ke baki log bhi dekhne lagte hai ke room ke corner me kya chal raha hai.

Sameer zor se besuri awaz me gana start karta hai "Abhi na jaao chhod ke...ke dil abhi bhara nehi..."

Sare students hasne lagte hai,..Aisha palatke flowers uske mooh pe fek deti hai...sab aur hasne lagte hai..

Aisha embarrassed feel karti hai aur phirse jaane lagti hai... Sameer phirse gaane lagta hai.. Pyaar ne dil pe maar di goli..leli meri jaan...', ye bolke wo fake gun nikaalke khudko shoot karne ka natak karta hai aur ajeebsi shakal banake girta hai...

Sab hasi se lot pot ho rahe hai Sameer ki besuri awaz aur uski nautanki dekh ke... Dusri ladkiyan ye soch rahi hai ke unke liye kabhi gana kyu nehi gaya Sam ne...aur unhe ye bhi samajh nehi ata ke Aisha..jo ki Sam ko ratti bhar bhav nehi deti... wo uske piche kyu pada hai..

Aisha shakes her head in disbelief aur jane lagti hai...par Sameer phir shuru ho jata hai.. Tareef aru kya uski...jisne tumhe banaya...'

Last me Aisha ko hasi aa jati hai uske gane ke wajahse...aur wo book se uske sir pe maarti hai.. Bhagwan ke naam pe chup ho jao...mera kaan kharab hojayga tumhare wajahse...kya kisine tumhe bataya hai ke tum bahut bura gaate ho... please,,..daya karo aur chup hojao..warna mai has has ke gir jaungi'

Ye bolke Aisha has has ke chali jati hai... Sam smiles to himself.. chashmish ko hasa hi dia...mission successful.'

***********FLASHBACK ENDS**************

Aisha ko phir bura lagne lagta hai ke wo trip pe nehi jaa payegi..aur sari masti miss kardegi... Isbar wo dusri side palatne wali hoti hai to dekhti hai ke Chiku bed pe uthke baith gaya hai aur questioning gaze se dekh raha hai usko..

Chiku- kar kya rahi ho tum? Kud rahi ho bed pe... nind nehi aa rahi na?

Aisha makes a puppy face kyuki wo apne bhai se jhut bol nehi pati..ek minute me pakdi jati hai..

Chiku- arey di jao na trip pe..mai bacha nehi hu..i will manage here..

Aisha- han..trip pe jati hu...wapas ake goli se ud jati hu..acha hai..

Chiku- dii.. 7 din ki baat hai na... jhut bolke jao...bolo Delhi ja rahi ho...

Aisha- tu soja... mujhe nehi jana trip pe..let them enjoy.

Chiku- Achcha chodo... apka wo sanki batchmate chief hai na? ab bhi besura gaata hai ya improvisation hai?

Aisha(smiles)- mujhe kaise pata hoga...Chief office me gana thodi gayega...

Chiku- waise... banda acha hai...

Aisha- (confused) matlab?

Chiku- ek baat likh ke rakhlo meri...zarurat padi na.. to apni jaan pe khelke tumhe bachayega wo... tumhe shayad ek baat nehi pata... college wali incident ke bad tum kitni disturbed thi ye maine dekha hai... mai din raat tumhe cheer up karne ki try karta tha... tumhara mind dusri taraf busy rakhne ki koshish karta tha... kuch nehi hua.. par usdin uske besure gaane ne tumhe hasaya...

Aisha- tu kya bol raha hai... ?? soja chup chap...bakwas mat kar.

Chiku- mai bacha nehi hu.. sab samajhta hu... tum apni samajh ko ..aur khudko samjhao...better hoga.. jao trip pe jao.. spend some time alone.. friends ke sath... aur uske sath bhi...

Aisha irritate hoke pillow fekti hai...aur dusra pillow se kaan dhak ke so jati hai.

Chiku chupke se phone leta hai uska aur kuch karke rakh deta hai.

******************************

Agle din Chiku Aisha ko dhakke maar ke uthata hai..jaise kuch emergency hai.

Aisha hadbada ke uth jati hai aur Chiku usko drag karte hue hall me le jata hai..jahan uske Tauji kaafi gusse me lag rahe hai..Aur uska cousin bhi kuch badbada raha hai... Uski Taaiji helplessly idhar udhar dekh rahi hai... aur Aisha ko dekh ke sab aise looks dete hai jaise abhi uska khun kardenge.

"Kya ho raha hai ye?",aisha dhire se chiku ko puchti hai,,..but usko khud nehi pata hota.

"Aisha... humne apko bola tha...ke is field me mat jaiye..ye police ki naukri ladkiyon ke liye nehi hote...ziddh karke gayi aap...aur ab ye..(ek paper dikhate hue)"

Aisha(confused)- kya hai ye? Mujhe nehi pata Taauji..

Tauji- wo hume bhi pata hai ke apko nehi pata is bare me... par hum apke chief se abhi baat karna chahte hai...ye bolne ke liye kea ap kahi nehi jayengi...

Aisha- par hua kya Tauji? Mai kaha ja rahi hu?

Tauji usko paper thama dete hai... Aisha paper padhke shocked ho jati hai...

"Miss Aisha Kapoor is hereby informed that we have orders from headquarters to visit Lonavla and she is to accompany the team at Lonavla for dealing with some official matters, which are of urgent nature. Any non-compliance with this order is to be addressed to the chief of ETF and his decision in this matter will be final, as he, being the chief, knows what is the best for his team."

********************************************

Mujhe nehi pata kya likh rahi hu..kyu likh rahi hu..mood hua likhdia... Reviews chhod dena..aur haan,... jo jo mujhe abla naari Aisha ki shikayat lagane wale hai,...don't worry..mai usko abla naari nehi rakhne wali😉

Fantastic, superb
Sam genuinely helping Ayesha
Sam singing was awesome
Continue soon plz

kya baat hai aaj kal sab bold subject pr likhne lge hai...confidence 👍🏼 very good subject...

Meine kya kiya tha Ishi?????😲😲😲

Originally posted by: Chulbuli_Annu

kya baat hai aaj kal sab bold subject pr likhne lge hai...confidence 👍🏼 very good subject...

aisha k tauji...aur unka beta...by god...army officers ki soch wo waise badi hi hoti hai

aisi soch to society ki hoti hai

sam is right agar aisha k parents zinda hote to syad aisha aur uske bhai ko kam jhelna padta

ladkiyon ko ladko se kam samjhna hi sabse badi galti hai

ladke maa k pet me koi zyda nhi reh k aate jo wo zyda samjhdar aur ladkiyaan kam samjhdar ho jati hai

uske tauji aur unka beta to khud ko goli mar le...aisi soch rakhne k liye...

part is good...but I want k aisha sach bol ke jati...ab to wo etf team member hai

agar wo khud k liye nhi lad skti to dunia k liye kya ladegi...shuruwat to use ghar se hi karni hogi

cont...soon

I hate you ishi... one of my fav song...abhi naa jao chod kr..k dil abhi bhara nhi

ab ye kam se kam one week tak gati rahungi..aur ye song to mujhe pura yaad hai

aaye haaye...sam mere liye kitni bhi buri awaz me gaata...main to sun ne k liye hamesha taiyar hu...bas wo mere liye hi gaaye

annu di..apko sachme lagta hai ke aisha jhut bolke jayegi?😆aisha ko to khudbhi nehi pata ke letter ka kya chakkar hai😉 dimag lagao...ye card kisi aur ne khela..jogaad kisi aur ne lagaya😉😉

han han gaao...ye mei bhi fav song hai😆apne mujhe mere siva ka chaska lagaya tha,,uska hangover abtak hai... ab mai bandla lungi😆ap sm ka gaana chhodo...sonu nigam ke surili awaz suno...😆

Originally posted by: IshitaRocks015

annu di..apko sachme lagta hai ke aisha jhut bolke jayegi?😆aisha ko to khudbhi nehi pata ke letter ka kya chakkar hai😉 dimag lagao...ye card kisi aur ne khela..jogaad kisi aur ne lagaya😉😉

han han gaao...ye mei bhi fav song hai😆apne mujhe mere siva ka chaska lagaya tha,,uska hangover abtak hai... ab mai bandla lungi😆ap sm ka gaana chhodo...sonu nigam ke surili awaz suno...😆

Originally posted by: Snehajain

Meine kya kiya tha Ishi?????😲😲😲

Will cmmt in night...

jo kia apne hi kia.. kal apke word meaning game ke baad mere dimag ka santualan hil gya😆..mera net ..jo adhmara tha... sehen nehi kar paya aur puri tarah se mar gaya😆😆 sath hi mera dimag abtak hil raha hai...aur ye TS mere..hilte dimag ki upaj hai..isliye agar ksisiko bakwas lage..to sare jutey chappal apki taraf bhej dungi😆😆

Originally posted by: Chulbuli_Annu

tumhe sach me lgta hai k maine notice nhi kia..k ye letter wala kand kiske hatho hua hai..aur kaise hua hai...😆

bechara chiku sach pta chalte pr usko tau ji masal hi naa de

I know sam kuch to kr hi lega

sn se best awaz koi nhi hai...aur sam kitna bhi bura gaaye agar wo mere liye gaayega to sun hi lungi

woi mai sochu...apki nazar se miss kaise ho sakta hai..sara credit chiku ko mat do..chief ke signatures wo nehi kar sakta na..if you know what i mean😉 partnership business hai..chiku ka koi baal bhi baanka nehi kar sakta😆😆 mai hu na..bacha lungi..😆

Originally posted by: rinku95

Fantastic, superb
Sam genuinely helping Ayesha
Sam singing was awesome
Continue soon plz

thank u..stay tuned😃