Haveli ' The Case of Missing Sword in Arjun ' Har Yug Mein Aayega Ek
Shaleen Malhotra in Arjun ' Har Yug Mein Aayega Ek
Parampara, Viraasat, hamare sanskar ki, dhan ki, ya khyati ki. Hum apne purvaj ke yash ko apne saath utne hi bhavukta se apne saath sanjotey hain jaise ek gehna. Jab sab kuch khatam ho jaata hai, phir bhi, hum apni prasiddhi ko nahi chorr paatey hain. Phir woh koi Raja ho ya film star. Ek baar jo khyati ko paata hai, usse bahut takleef hoti hai jab woh chhoot jaaye.
Scene in Arjun ' Har Yug Mein Aayega Ek
Aisi hi ek kahani hai Arjun ' Har Yug Mein Aayega Ek ke aaj ke prakaran ki. Vishnu, jo ek badi si haveli ke maalik hain, aaj unke paas prasiddhi hai, naam hai par woh shaan-o-shauqat nahi. Viraasat mein mili Haveli ab sirf paise maangti hai. Ghar ke sabhi sadsya unse yahi iltajaa kar rahe hain ki jo karodon ki Talwaar unhe viraasat mein mili hai, usse beich ke, ghar ke haalaat mein sudhara laya jaaye. Vishnu iss baat se sehmat nahi hai aur iss baat pe ghar waalon ke beech vivaad bhi paida hota hai. Vishnu aasthma ke mareez hai aur ek subah woh har roz ki tarah uthte nahi. Gharwaalon ko sadma lagta jab ye jaante hain ki na sirf unki maut ho gayee hai, par woh pushteini talwaar bhi gayab hai.
Behzaad Khan in Arjun ' Har Yug Mein Aayega Ek
ETF Team, ACP Arjun Suryakant Rawte (Shaleen Malhotra), Aayesha Kapoor (Shital Shah), Chhotu (Ketan Karande), Shree (Siddharth Sen) aur Liza D'cruz (Ritu Chauhan), jo kabil afsar ACP Sameer Rathore (Behzaad Khan) ke adhin unka saath detein hain, mushkil se mushkil jurm ki teh tak jaa kar apraadhi ko pakadne mein, pahonchtey hain crime scene par tehkikaat karne ki Talwaar ko kaise khoja jaaye aur Vishnu ki maut ka zimmedaar kaun hai. Inn sab ko apne journal mein likhti hain patrakaar Sakshi Anand (Mrunal Thakur). Woh pahonche hain Simla aur Haveli se khoyee hui karondon ki talwaar ke kho jaane ke peeche apraadhiyon ko.
Scene in Arjun ' Har Yug Mein Aayega Ek
Kya Arjun aur baaki ki ETF Team pakad paayegi jurmi ko? Kya koi gharwala hi hai is saazish ke peeche? Arjun Har Yug Mein Aayega Ek ek aur romanchak gaatha liye aa raha hai aaj raat, jisme na sirf aapko ek kahani milegi jurm ki par ek seekh bhi. Kya Pratishtha, woh bhi jaati rahi, kaafi hai ek ghar ke roz marraa ki zarooraton ko poshan karne ke liye? Kya parampara, rozi roti se badhke hai? Kya paisa hi iss duniya ko chalata hai aur kya paise ke aage, Shaan, Viraasat aur Parampara sab apne ghutne teik dete hain?
Dekhiye har Shaniwaar aur Raviwaar, shaam aanth baje sirf Star Plus par, Arjun ' Har Yug Mein Aayega Ek, aisi crime action thriller jo shayad, Indian Television mein ek alag series hai.
CID
